رواية الهدف (كاملة جميع الفصول) حصريا عبر دليل الروايات بقلم سلسبيل احمد
رواية الهدف الفصل الاول 1 - بقلم سلسبيل احمد
- انتي مدركة انك انتحلتي شخصية و ده عليه عقوبة؟
= اه
- و مدركة انك دخلتي مبني قوات خاصة و سمعتي وعرفتي حاجات مينفعش تعرفيها!
= اه برضو
- و فاكره انك ذكية و انتي مفيش اغبي منك؟
= لو سمحت يا سيادة المقدم لو هتحولني نيابه او ايا كان هاروح فين انا هتكلم هناك
بنظرة حادة: لا احب اعرف الى عندك عشان اشوف هعمل معاكي اية انا الى كشفتك وانتي وسط المستجدين متنسيش ده ، كنتي بتحاولي تستغفليني!!
- محصلش انا معنديش مشكلة مع سيادتك عشان اعمل ده
= وانتي عملتي ده تحت الفرقه الى كنت القائد بتاعها يعني هتتكلمي
قالت بعناد: مش هتكلم.
- نعم؟
بصتله بنظرة تحدي وقالت ببطء و برود: مش هتكلم.
*******************************
صلي على محمد.
- لِين عدلي المهدي ؟؟
= ايوه
= انتي بنت اللواء عدلي المهدي الله يرحمه
- ايوه انا
= و ايه خلاكي تنتحلي شخصية الملازم مريم المتقدمه للاختبار؟ و ختي الورق بتاعها لعبتي فيه؟؟ و بعدها روحتي مع فرقة المقدم ياسين!
- عشان هي اتوافق عليها تدخل الاختبارات و انا لاء مع اني احسن منها و انا عاوزة اتعين و كان لازم ادخل الاختبارات دي عشان تعرفوا اني قوية و هقدر انجح فيها لكن الفرصة دي مرفوضة بالنسبالي عشان فاكرني مخي تعبان بسبب حدثه قتل بابا في العميلة الأخيرة لكن انا مخي سليم و مسؤلة عن قراري
" بصلها بتركيز.. شايف قدامه حد واعي ميه فالميه و شايف في عيونها حقيقة و قوة و ثقة مش عاديه
في نفسها "
= و هربتي من البيت؟
"لين اتفاجئت من كم المعلومات الى عرفها و لكن افتكرت هي فين! فا ردت بسرعه و بذكاء"
- والدتي رافضة ادخل في الشغل ده بعد موت بابا و خلت اخويا يوصي كل معارف بابا يرفضوا يدوني الفرصة دي مع اني استحقها
= كنتي فاكره انك مش هتتكشفي؟
لين بثقة: كنت عارفة اني هتكشف بس كنت اتمني يحصل بعد ما اعدي الاختبارات عشان تعرفوا مهاراتي
= اشمعنا
- عشان عارفه اني هنجح
= وانتي جبتي الثقة دي منين من المدرسة العسكرية؟
لين بثبات: لاء ، من اللواء الله يرحمه.
خد نفس و قام وقف قصدها: مريم تبقي زميلتك اعتقد لو اعتذرتي لها هحاول احل الموضوع و نشوف موضوع الاختبار زي ما بتقولي
بصتله بستغراب: حضرتك هتسمحلي ب ده ؟؟
- انتي وصلتي لحد هنا بأنتحال شخصيه و ده مكان حساس فا يا نكسبك يا مستقبلك يضيع انتي وشطارتك
"خرج من المكتب وسابها و المقدم ياسين كان بره"
- هنعمل معاها اي يا سيادة العقيد؟ هتتحول؟
رد وهو ماشي فالممر و ياسين كان بيتحرك معاه: دخلها الاختبارات
= ايه! حضرتك دي تعتبر متهمه بـ..
قاطعه: ياسين اسمع كلامي عاوز اشوف هتعمل اي
= يافندم بس ازاي حضرتك توافق هنثق فيها منين ؟
- دي بنت اللواء عدلي المهدي
= الى تعرض للاغتيال؟! وحضرتك هتوافق عشان كدا!
وقف وبصله: ياسين تفتكر احنا ممكن ندخل حد شغلنا ليه ويتعين رسمي؟
= عنده قوة ذكاء ؛ وطنيه ؛ إخلاص و قادرين نثق فيه
- كلهم عندها! في طاقة و قوة في عينيها بتقول انها عايزة تجيب حق ابوها و دي عمرها ما هتخون
المعلومات السرية او تأثر في شغلها انا مخترتهاش عشان بنته اطلاقا
= عندك حق سيادتك
- ركز معاها انا متأكد انها كانت بتتمرن ، عاوزها تكون جاهزه للتعين خلال أسبوع يا ياسين و انت هتقدر على ده انا عارف و اه مش عاوزاها تحس انها هنا واسطه لأن ده مش حقيقي.
سابه و مشي رجع لها لقها بتخرج من المكتب فا كلمها بحده: ورايا..
وصلوا ساحه كبيرة و كان في حلبة مصارعه ياسين بصلها بعد ما دخل الحلبة: هتتفرجي عليا؟!
دخلت وبصتلة: بس ده مش تبع الاختبارات ؟
ياسين بابتسامه صفرا: لا ما انا عايز اشوف قوتك البدنيه الأول و عايز اعرف هتدافعي عن نفسك ازاي قصادي.
بصتله بتعجب: قصادك!؟؟؟
•تابع الفصل التالي "رواية الهدف" اضغط على اسم الرواية