رواية حين يغار القلب (كاملة جميع الفصول) حصريا عبر دليل الروايات بقلم مصطفى جابر
رواية حين يغار القلب الفصل الأول 1 - بقلم مصطفى جابر
زين يا حبيبي اعمل حسابك علشان هنروح لخطيبتك بليل عشان نودي ليها هدية رمضان انا جبت لها كل حاجه.
زين بجمود: وانا مش عاوز اروح يا ماما روحي انتي.
رباب باستغراب: لي كدا يا زين.
زين بغضب: عشان قولتلك كذا مرة مبحبهاش وانتي مصممه اتجوزها عشان خاطر هيا بنت اخوكي وانا حكيتلك اني عاوز اتجوز بنت علي مزاجي مش ست الشيخه دي.
رباب بغضب: زين اتأدب و بعدين اي ست الشيخه دي هي عشان عارفة ربنا و مختمرة ومتربية تبقا شيخه مش احسن من الصيع اللي تعرفهم.
زين ببرود: تمم وانا مش عاوزاها مش مرتاح معها هو بالعافية.
رباب بجمود: من امتي وانت بتعصي كلامي يا زين؟ كلامي هيتسمع والا قسما بالله هخلي ابوك وهو اللي يتصرف معاك اخوك زياد معملش ربع اللي بتعمله ده لما جوزناه نور ودلوقتي متجوز و سعيد وفرحان بالجوازة.
زين بسخرية: عشان خاطر كان بيحبها لكن انا لا.
رباب ببرود: هتحبها مع الوقت صدقني
بتدخل بنت ما: ازيك يا مرات عمي.
رباب بقرف: كويسة خير يا صفية.
صفية بغيظ: اسمي صافي يا مرات عمي.. وقالت بدلع.. ازيك يا زين.
زين بهدؤء: الحمدلله وانتي عامله اي يا صافي.
صفية بدلع: كويسه ماما بتقولك روح غير ليها الانبوبة عشان يحيي اخويا برا و محدش موجود.
زين بهدؤء: تمام.
زين مشي راح بيت عمه ورباب بصت بسخرية علي صفية: قال صافي قال.
صفية بقرف: ماله صافي يا مرات عمي مش عاجبك.
رباب ببرود: اللي في دماغك مش هيحصل يا بنت سعدية زين مخطوب ل قمر ومهما تعملي مش هيبص لك.
صفية بغل: كله بسببك طول عمرك كارهاني بس انا هخليه يتجوزني غصبن عن اي حد.
رباب ببرود: بعينك يا صفية يلا روحي علي بيت اهلك عشان اجهز الزيارة ل عروسة ابني ونصيحه بم اننا داخلين علي شهر مفترج ابقا اتعظي والبسي لبس محترم و دخلي شعرك جوا الطرحه..
صفية ببرود: ميخصكيش سلام.
مشيت و رباب بصت ليها بقرف وهي خارجة رجل شنكلتها وقعت علي الارض.
نور بتمثيل : يوه صفية مش تاخدي بالك يا بنتي.
صفيه بغضب: انتي موقعاني قصد.
نور بخبث : اخص عليكي انا هوقعك قصد لي بس يا حبيبتي بيني وبينك اي دا مشيك المسهوك هو اللي وقعك.
صفية بصت لها بغل وزياد كتم ضحكته: معلش قومي يا صافي. ..
صفية بتقوم بغضب وبتمشي
رباب بضحك: يخربيت عقلك يانور.
زياد بسخرية: مش لو كان عندها عقل اصلا يا حجة.
نور بضحك: اه عندي يا اخويا واي حد يزعل حماشي حبيبتي هو حر.
رباب بحنان: ربنا يخليكي ليا يا حبيبتي.
زياد بسخرية' اول مرة اشوف علاقة حماة بمرات ابنها كدا علطول بيبقو كلهم حرابيق.
رباب بضحك: لا مش كلهم ياخويا في بنات متربية وعارفه الاصول زي نور دي علشان كده بعتبرها بنتي
زياد بأبتسامة : طب بالمناسبه بقي انا كنت محوش معاكي قرشين عاوزهم اصل اللي بتقولي عليها بنتك دي خدت مرتبي جابت بيه زينة للشقة و فوانيس وخلصت المرتب
رباب بصدمة: ايههه ازاي.
زياد بجمود : قولي ليها بقي اصل الهانم مفكرة ال..
رباب بتقاطعه: ازاي تجيبي ومش تديني يا نور اخص عليكي.
زياد بص لها بصدمة..
نور بضحك: وانا اقدر بردو يا ماما انا عملت حسابي وجبت لك
زياد بغيظ: صبرني يارب عاللي انا فيه.. بردو هاخد منك الفلوس اللي موحوشها
ضحكوا كلهم...
في بيت قمر..
قمر بابتسامة: ماما عمتي قالت لي هتيجي بليل هي و زين.
امها ببرود: تمم.
قمر باستغراب: مالك يا ماما..
امها بهدؤء: مش مرتاحه ل زين دا هو مش بيحبك و لا بيعاملك حلو زي المخطوبين وشكله مجبور عليكي.
قمر بحزن: لا يا ماما متقوليش كدا زين كويس وبيعاملني حلو والله.
امها بهدؤء: يابنتي عارفة بس مش بحسه مرتاح وفي حاجه وبعدين هو حتي في المواسم لا بيجيب لك عيدية ولا فانوس ولا اي حاجه ونادرا لو كلمك تليفون.
قمر بابتسامة: دي شكليات يا ماما ومش مهم عندي المهم معاملته ليا.
امها بملل: خلاص انتي حرة بقا انا.
قمر بتدخل اوضتها وبترن علي زين..
زين بهدؤء: نعم.
قمر بابتسامة؛ حبيت اقولك كل سنه وانت طيب ورمضان كريم عليك وينعاد عليك بالخير يا رب.
زين بملل: شكرا عاوزة حاجة.
قمر باستغراب: مالك يا زين.
زين بعصبية: مليش وممكن تقفلي دلوقتي عشان مخنوق ومش طايق حد.
قمر بحنان: وانا واجبي اكون جنبك في كل حالاتك طلع عصبيتك فيا مش هزعل.
زين باستغراب: يعني ايه.
قمر بحب: يعني انا استحملك في وقت شدتك واكون سندك زي مانت كدا سندي في الدنيا.
زين حس بنغزة في قلبه وقال في نفسه: معقولة بعد معاملتي ليها وعمري ما حسستها بالحب تقول اني سندها و تفضل جنبي.
قمر باستغراب: مبتردش ليه.
زين بجمود: معلش يا قمر هقفل دلوقتي وهكلمك بعدين.
قمر بابتسامة: انا اللي هكلمك عشان اطمن عنك يالله في رعاية الله...
بليل...
صفيه كانت قاعده في البلكونه بتراقب خروج زين هو وامه وهم ماسكين هدايا كتير
صفيه بحقد: انا اللي كان لازم يجيلي الحاجات دي مش هيا.
سعدية بسخرية: لو كنتي شاطرة يا ختي وعرفتي توقعيه بلا نيلة.
صفيه بخبث: هيقع في حبي وانا متاكدة.
سعدية بمكر: احنا بكرا معزومين عندهم وانتي وشطارتك بقا.
صفيه بمكر: متقلقيش يا ماما انا هوريه..
بعد شويه في بيت قمر...
زين كان قاعد معا قمر لوحدهم
قمر قامت جابت هدية وادتهاله: اتفضل.
زين باستغراب: اي دا.
قمر بابتسامة: كل سنة وانت طيب دي هدية رمضان
زين بيفتح البوكس لقي مصحف و مصليه وسبحة وقفطان
زين باستغراب: اي كل دا.. كل ده ليل
قمر بهدؤء: يارب يعجبوك.
زين بابتسامة قام جاب من كياس الهدايا هدية: ودا ليكي يا قمر.
قمر بفرحه: بجد.
فتحتها وهو بص لفرحتها وابتسم .
قمر بسعادة: الله الفانوس الزيييت دا حلو اووي و اي دا كمان العروسة اللي بحبها دي اجمل هديه شوفتها.
زين باستغراب: دول حاجه بسيطة فرحتك اوي كدا.
قمر بسعادة: يكفي انها منك يا زين
زين بابتسامة: انتي طيبه اوي يا قمر.
كانت رباب بتتفرج هي ومها عليهم..
رباب بابتسامة في نفسها: دي اللي هتحافظ عليك يا زين وهتصونك يارب تشيل اللي في دماغك دا وتحبها.
مها في نفسها: مش عارفه ليه مش مرتاحه وحاسه انه زين مش مظبوط يارب ميوجعش قلبك يا قمر.
رباب بابتسامة: اعملي حسابك بكرا الفطار عندنا .
مها بهدؤء: بس انا بكرا معزومة عند امي دي عادة عندها انه نفطر كلنا معاها.
رباب بابتسامة: خلاص وانا مقدرش اكسر العادة دي بس عز و قمر هيفطروا معايا
مها بابتسامة: ماشي يا ستي.
رباب وهي بتقوم: يلا نستاذن احنا بقا.
مها بشهقة: يادي العيبة لا هتتسحروا معانا.
رباب بابتسامة: معلش خليها مرة تانية عشان بس اروح اجهز للعزومة.
مها بابتسامة: ماشي يا حبيبتي واعتبري قمر معاكي من دلوقتي.
رباب بابتسامة: دا العشم .
عند قمر..
زين بهدؤء: هتيجي تفطري بكرا معايا.
قمر بتوتر: بصراحه معرفش ممكن اروح مع ماما بيت جدي عشان عازمنا نفطرو عندو اول يوم ك العادة.
زين بغيرة تلقائي: وابن خالتك الملزق دا اكيد هيكون موجود.
قمر باستغراب: مش عارفه انا مليش دعوة بيه اصلا
عز بيجي : بس هو عيل ملزق فعلا وبيقعد يرزل عليكي يا قمر هناك وانا ببعده بالعافية.
زين وشه بيحمر من الغضب.
قمر بهمس وغيظ: الله يخربيتك يا عز مش كنت بتتنيل تلعب اي جابك دلوقتي .
عز بضحك: زهقت من اللعب قولت اجي اسلم علي زين
زين بجمود عكس نار الغيرة اللي في قلبه: بكرا فطارك معايا و مفيش اختلاط بالملزق دا تاني والا والله العظيم هحطه في دماغي ومش مسئول عاللي هيحصل.
قمر بابتسامة: حاضر يا زين اللي تشوفه.
زين بابتسامة: همشي دلوقتي واه صح مين هيجيب السحور انتي ولا عز.
قمر بحماس: انا طبعا دي عادة عندي
زين بابتسامة: خلاص تعالي نجيب لينا وليكم دلوقتي
رباب جت: اي رايحين فين.
زين بهدؤء: هننزل نجيب السحور وابقي احصلك يا ماما.
عز بأبتسامة: انا هوصلك يا عمتي.
رباب بابتسامة: ماشي متتاخروش.
مها بحنان: خد بالك منها يا زين.
زين بابتسامة: في عنيا يا امي.
خد قمر ونزلوا صاروخ فرقع جامد قمر مسكت ايد زين تلقائي بخوف. وبعدت بسرعه: احم اسفه والله مش قصدي اتخضيت.
زين بهدؤء: ولا يهمك تعالي نجيب الفول والجبن واللانشون.
قمر بابتسامة: يلا..
قبل ما بيخرجوا بيجي شاب ما.
زين اول ما بيشوفه بيتعصب..
وليد ببرود: اهلا يا زين.
زين بغيظ: اي اللي جابك.
وليد تجاهله وبص ل قمر بابتسامة: ازيك يا قمر انا جيت اعيد عليكي وجبت لك فانوس رمضان اهو.
زين بغيرة عمية مسك الفانوس بغضب و كسره.
وليد بزعيق: انت مجنون ازاي تعمل كدا.
زين بغضب:
•تابع الفصل التالي "رواية حين يغار القلب" اضغط على اسم الرواية