رواية سيد الكبرياء الفصل التاسع 9 - بقلم ميفو سلطان
دخل صهيب إلي حجره الملابس وقف يغلي ....انا هعرفها هتقدر عليا هتعمل ايه يعني طيب يا ست فلك دانا صهيب مايقدر عليا مخلوق دانا هفعصك .. ..خلع بدلته ومد يده لدولاب البدل وقف قلبه مره واحده فامامه شيء لا يصدق .ظل يفتح عيونه ويقفلها يستوعب ما امامه برهبه. هناك صف من البدل في حاله غريبه مد يده ومسك احداها ليجدها عباره عن شراشيب وقطع ممزقه كان قلبه سيخرج من مكانه فهو شخص يعتز بأشياء وينتقيها بعنايه.. ظل يتفقد البدل واحده وراء الثانيه ليجد كلهم شراشيب معلقه ..تراجع بقهر ولمس قلبه ...
بدلي دي ..دي حاجتي .. هو فيه ايه ..
شعر بالذعر تلفت حوله وجد درج الامسسوارات مفتوح .. لينتقل إلي درج الاكسسوار فشهق وتعالت نغزه في قلبه تشق صدره .فهناك درج الساعات كل ساعه مدقوقه ومهشمه وموضوعه في قلب العلب القطيفه في الدرج .
مد يده برهبه يلمس الدرج ... ساعاتي..مسكها فتهشمت في يده وبقي اطرافها في يده ....همس بقهر علي وشك البكاء ..ساعاتي دا الواحده بنص مليون .. حاجتي ..دي حاجتي بتوعي اللي بلم فيهم سنين ... اخرج الدرج فلم يبقي شىء من مقتنياته حتي دبابيس البدل الماركات مهشمه .
ظل يدور ويبحث في مقتنياته بجنون تلك التي تكلفت ملاين وجمعهم لسنين. ماركات من أكبر بيوت الازياء الفرنسيه والايطاليه لم تعد موجوده أشلاء كلها وحطام .
صرخ مره واحده بحرقه ومسك احد العلب وظل يضرب عالمنضده بغيظ وحرقه واستدار وخرج مهتاجا .كل ذلك وهيا تتصنع النوم اقترب منها بعنف وجدها نائمه اندفع ومسكها من شعرها ...
شهقت وفتحت عيونها لتخاف من منظره ولكنها لم تظهر ذلك فصرخ بهياج ... ايه ده مين اللي عمل كده .مين اللي دخل قوضتي انطقي مين اللي عمل في حاجتي كده عشان لو اللي في بالي حصل مش عارف هقطع من جتتك ازاي .
لتنكمش فهو يبدو مجنونا قالت بنعاس ... ايه فيه ايه يا هوبا .
صرخ بحرقه ...هوبا هيقطع وشك .. ..بطلي وانطقي حاجتي وساعاتي اللي جوه مين عمل فيهم كده .
تنهدت هيا وقامت وفكت يده واحتضنته بحنان وهمست بلين .. ممكن تهدي يا هوبا .
دفعها ومسكها بعنف وصرخ ....ماتقوليش اهدي أنطقي والله هموتك كان يوم اسود يوم ما شفتك أنطقي.
همست ..اخص عليك ليله دخلتنا وتشدني من شعري ..اين الرقي والتحضر ..دا الراجي الجانتي بيدلع مراته ويهننها ويقولها الحلو كلو هعلمك وانت صاصا القمر عارف كان بابا ... ...
فصرخ بهياج ومسك شعرها ..اخرسي ..اخرسي يا بت هموتك انطقي .ادلع ايه يا عقربه دانا عايز افرفت وش امك . .
مطت شفتيها بتذمر....ايه ده انت سوقي ليه كده صهيب الشامي يقول هفرفت وشك امك ..افرض المجتمع سمعك يقول علينا ايه احنا لينا قيمه بين الناس .
صرخ بهياج ...قيمه ايه يا زباله انت ليكي لازمه انطقي يا بت هقتلك .
تنهدت وقالت تلمس صدره ... طب سيب شعري هقول .
صرخ بحرقه .... أنطقي يا بت هخلص عليكي .ساعتي مين عمل كده هنجلط ربنا يشلك.
رفعت يدها بغضب ... ..علي فكره انا مراتك عيب تقولي بت انتي مايصحش كده. لازم الزوج و الزوجه بينهم تعامل بأدب عشان احنا القوارير و....
فصرخ فيها بجنون .... قوارير ايه يا حدايه . انت داخله محاضره ادب اخرسي انا هخلص علي امك حالا .
لتضع يدها علي فمها وتهز راسها ..فصرخ بجنون ..انت مجنونه ماتنطقي. حاجتي مالها والله هموتك .
فلم تنطق فشد شعرها...... انت ساكته ليه يا حيوانه .
قالت بغضب ...الله انت ملبوس مش قولتلي اخرسي وانا ست مؤدبه بسمع الكلام عايزني يتقال عليا مش مؤدبه واخرج عن طوع جوزي وابقي ناشز وماتجوزش تاني ... عيب و الله .
نظر إليها بذهول وقهر ..ناشز وعيب وتتجوزي تاني .. لا ازاي دانا اللي يتقال عليه ماتربيتش انا وعيلتي.
فهمست بلين ..لا عيب انت حلو .
صرخ ومسكها بعنف ... انا استاهل اني دخلت عقربه زيك حياتي بت انت هموتك أنطقي.
تنهدت وقالت قاطبه .. طب خلاص هقول الله بس اقولك وما تزعقيش .
فصرخ بنفاذ صبر .... ماتنطقي يمين الله اطلع روحك في ايدي .
همست بخوف حقيقي...طب هقول ماشي سيب كده ايدك دي ...فكت يده وبعدت قليلا تنظر اليه برهبه فشكله مخيف .. ... اصل اصل لما انت حرقت قلبي وقهرتني . كنت لسه غضبانه ومادركتش يعني انك عملت جميله وقمر وعسل كده ..قمت قلت افرغ غضبي في حاجه وانا في غضبي مابشوفش .
سكتت تبتلع ريقها فاشار اليها بغضب لتكمل بدات تفرك بيدها
...يعني كنت محروقه قوي والله ماهو مافيش حد بياخد واحده من عريسها وانت رحت اتفقت مع عماد الزباله وامه العقربه واديتهم ...
فصرخ ..انت بتحكيلي ايه منك لله انت فيه ايه .
قطبت جبينها ...الله مش بجبلك الحكايه عشان تدرك الاسباب وتقدر غضبي واللي عملته .
نظر اليها بغيظ ..طب اعمل ايه اموتها افرفتها بين ايديا ماتنطقي يا زباله ..
تنهدت .،يا رب سامحه بقه ..شوف انا دخلت القوضه داهين..ايه يا واد ده دي قوضه والا مول تجاري.نظر اليها بغضب جحيمي ..
تنهدت...ماتخافش انا عيني حلوه مابقرش .
صرخ بحرقه ..تقري علي ايه يا زباله هو فاضل حاجه منك لله .
هزت راسها ..اه ياني من عصبيتك ...اسكت بقه ... بصيت يا هوبا لقيت بدلتين كده يعني .كانو وحشين والله الوانهم كلها غامقه كده مافيش الوان فرايحي .. قمت نقيت الغامقين كلهم سواد عابر للمجره شكل احزاني وقومت مسكت البدل بالمقص عملتهم شراشيب كنت كل اما افكر في عملتكو السوده اقطع واسلبح ... خلتهم سلابيح من قهرتي بس يا سيدي دي كل الحكايه يعني اودي غضبي فين انقهر يعني .
نظر اليها بقهر وذهول ..قطعتي بدلي بالمقص كلها ..
هتفت برهبه ...لا فيه بدلتين سبتهم ايديا احمرت جامد من المقص تقريبا خامتهم حلوه قوي ...
كانت عيناه جاحظه يضع يده علي قلبه ..نظرت اليه برهبه حقيقيه فهمس بفحيح ...والساعات ...
ابتلعت ريقها وابتعدت اكثر ...الساعات ..اه الساعات بقه انا ماكنتش هاجي جنبهم. بس انت السبب انتو كلكو منكو لله اه انا غلبانه مابعملش حاجه الا مجبره ..انا كنت بعيط ودول بيلمعو كدهون مسكت الساعات لقيتهم يعني كبار كده وشكلهم وحش تقال هيوجعولك ايدك قولت بقه افرغ طاقتي السلبيه .. كان فيه تحت في المطبخ وانا بقلي السمك لقيت هون نحاس كبير كده جبته بقه وقعدت في ارضيه القوضه ادعك فيهم وادق ادق وافرغ قهرتي واغني كتاب حياتي واهرس فيهم ولما كتاب حياتي خلص وانا بهرس لما ارتاحت خاااالص . بس تصدق خامتهم كويسه اصلي وانا بدعكهم في الهون ايدي اتهرت حتي شوف احمرو ازاي .
تراجع يحس انه شراينه ستنفجر .. لتشعر برهبه وانها زادت عليه لتبتلع ريقها .....هو عمل كده ليه عنيه حمرا هنقتل والا ايه ماهو مجنون الزباله ده.. ايه طب اعمل ايه..اجري فين هو مبرق كده ليه هو انهبل .
لتسمعه يصرخ بهياج .. ...دعكتي ساعاتي بايدك يا حيوانه.
قالت برهبه ولين ..لا مش بليدي بالهون ..والله كنت مقهوره يا هوبا وايدي بتحرقني واستنيتك تجبلي كيناكومب للتسلخات ..
فصرخ ... تسلخات تقطع وشك يا شيخه..انا حاجتي يتعمل فيهم كده..انا دانا ليا سنين بقتني فيهم دانا بيتعملي ساعات مخصوص. يروحو كده في لحظه .اندفع للحجره واخذ علب الساعات وعاد ...حاجتي ...تعب سنين يا صهيب يروح ..هاه انا ساعاتي في الهون .بدلي شراشيب ..دانا بفتخر بحاجتي .دنا ماحدش بيلبس زيي ..بدلي ..ساعاتي ..دبابيسي .دانا بمشي يبصو عليا دي حاجتي ..كان يعبث باشلاء الساعات يتمتم لنفسه بجنون وينظر ساهما لممتلكاته .
لتخاف وتنكمش ... نهار اسود الواد اتجنن..واقف يكلم روحه عيونه مفتوحه زي الاهبل مجنح هيبخ نار . طب ايه مش هيسيبني هيخليني شراشيب ربنا يولع فيه .. اطفش فين..اه انا دلوقتي اتسحب وانزل ماهو هيقتلني استغل انه واقف محصور شالله يفطس واستدارت بهدوء تنزل وتفتح الباب .
لمحها وهيا تخرج ليهيج ويصرخ ....راحه فين يا زباله والله اموتك انا هخلص عليكي ..واستدار خلفها لترتعب وتنزل مسرعه عالسلم ... وتخرج من الباب .
شعر بالجنون وهاج اكثر فهيا خرجت بقميصها والروب خفيف
صرخ بهياج وغيره رجوليه ....انا هموتك يمين الله الحرس يا زباله واقفين .
كان مشتعلا يتاجج بداخله نار عليها وهو يجري وراءها وتناسي ما فعلته من الاساس واحترق ان يراها احدا. كانت تجري حول البسين وهو يصرخ بجنون كل تفكيره في ملابسها الخفيفه .....خشي الفيلا هموتك هخلص عليكي.
كانت تقف حول الحمام وهو يدور وهيا تدور بخوف فقالت بغضب... لا مش هخش انت هتضربني .
فصرخ بغليان....لا مش هضربك دانا هقتلك مش هسيبك انا لسه هضرب ...ليجري وراءها لتدور هيا ايضا ..
فصرخ بحرقه..... خشي جوا لمي نفسك انت واقفه الناس بتفرج عليكي خشي يا زباله انت كلك باين ربنا ياخدك ..
هزت كتفها وراسها استدار وصرخ في الحرس... وشكو الناحيه التانيه اللي هيبص هخلص عليه .. .
قطبت جبينها ... هو اهبل خايف حد يشوفني هو عبيط .
فصرخ بغيظ ... اتلمي واطلعي بلبسك ده .
قالت بحده ... لا انت هايج وعيونك بتطلع نار ليه انا ايه يعني ساعتين وبدلتين كنت غضبانه مراتك غضبانه يا جدع.
فصرخ بحرقه ...منك لله ساعتين وبدلتين.. دول بملاين انت ايه اللي فهمك يا جربوعه .
نظرت اليه بغضب ..انا جربوعه والا انت اللي فاكر نفسك حاجه ايه فدايا الله مش مراتك وكنت غضبانه .
فصرخ ....هيا مين اللي مراتي والله اموتك انا هموتك مانا مايتعملش فيا كده واسكت .
اندفع اليها لتدور وتصرخ... احترم نفسك بقه الله مانت معاك فلوس هات غيرهم ايه يعني الله انت مالك قارط عالدنيا كده .مال الكنزي للنزهي اصرف ومنجه نفسك عادي .
صرخ فيها .....اصرف ايه يا حيوانه دول مايتقدروش بفلوس ..
وبعدين اخرسي خشي الفيلا يمين الله اطلع روحك الناس بتتفرج علينا.
لتلمع فكره في راسها فقالت ... يعني عايز تضربني صح .
صرخ بجنون ... لا هقطعك واشرشب وشك وهخبط رلسك في للحيطه لما تبقي فرافيت واموتك وادعك وشك في الهون اللي دعكتي فيه الساعات يا قادره .
قالت بنعومه ... كل ده يا متوحش ...يعني هتموت مراتك يا هوبا .
صرخ فيها ...اخرسي مرات مين يا حدايه يا عقربه يام اربعه واربعين منك لله متجوز مرضعه ابليس .
تنهدت بحزن ...يعني مش مراتك ..طيب ...هنا فتحت روبها ليظهر قميصها..نظر اليها وتلفت حوله برعب صرخ بهياج... انت بتعملي ايه يا حيوانه بتفتحي ده ليه جسمك باين يا زباله .
قالت بتذمر .. ..ايه مش انت بتقول مش مراتك وهتموتني عشان لما اموت اموت مكشوفه وتتحاسب يلا هه وهمت ان تخلع روبها.
فصرخ ونظر حوله .... انا هموتك هاه انا هموتك مانا مش هنجلط لوحدي لمي نفسك واقفلي الروب .
قالت مقاطعه .. لا انا مش مراتك انت زعلان ليه خليهم يتفرجو انا لا نمت ولا حد قرب مني. يبقي يتفرجو امال لازمتي ايه بقه من غير راجل. انا مافيش راجل يبصلي يعني .اموت مش مبصوص فيا ..يا جدعان مزه ببلاش اهوه بصو وافرحو بلا راجل بلا زوج بلا ونيس مطلوقه ...
صرخ بهياج والغضب ينهشه ... .مطلوقه ومزه نهارك اسود منك لله .طلقه تاخد اجلك وراجل يبصلك انت عايزه راجل يبصلك يا زباله وانا موجود انت ايه اللي حدفك عليا تحرقيلي قلبي منك لله.
قالت بحزن ..انا مانحدفتش انت اللي انحدفت بتكدب ليه الكداب بيروح النار ..وهقلع وهتروح جهنم .
صرخ يشير بيده الي جسدها بهياج ..جهنم تقطع وشك اقفلي الزفت .
قالت بخوف ....لا انت هتضربني وانا خايفه .
صرخ ..خايفه ...انت يا قادره بتخافي ...يا بت انا هايج ماتهيجنيش اكتر جسمك باين يا حيوانه .
هزت كتفها فسقط الروب من علي كتفها ... وانت مالك مش عايز تزلني اهوه خليهم يتفرجو اشعر بمراره القهر والعنف الذكوري ..
اتفرجو يا خلق .
فصرخ بجنون ...يتفرجو علي مراتي هيا حصلت .واذل ايه دانا مذلول انا وعيلتي وايامي السوده الله يحرقك دمي بيغلي انا جسمك باين كده مش متحمل خدك ربنا .مراتي يتبصلها .
قالت بجديه .. لا انت قلت جربوعه ومش مراتك خلاص والله لاوريك هاه .
صرخ وجري وراءها لتلف حول البسين فصرخ ....هجيبك من شعرك اللي طلقاه ده يمين الله هقطعه في ايدي .
قالت بوعيد .. هتزود هقلع الروب ماشي .احس بقلبه هاءجا لا يريد لاحد ان يري جسدها لم يفهم حالته المحترقه وجنونه عليها فصرخ ... انت مرات صهيب الشامي ماحدش يشوفك اما تبقي تغوري من هنا ابقي افتحيها عالبحري يا مرضعه الاقون يا حدايه بروحين .. انا انا يتعمل فيا كده ليدور وهيا تدور ... والله هموتك خلاص انا جبت اخري .
فقالت بعفويه ..ياكش تخرب...لتخلع روبها
توقف مشلولا يتلفت بذعر ثم صرخ... يخربيتك يخربيتك البسي يا حيوانه منك لله .
هزت راسها .....لا انا خايفه انت هتضربني وانا بخاف .
صرخ فيها .....بتخافي .. سيادتك بتخافي يا قادره البسي هموت منك لله .
قالت مبتسمه ... طب هلبس ومش هتضربني .
فصرخ... البسي وهموتك .
فقالت ...كده طب هقلع القميص لو ضربتني.
ليحس بكلبشه في صدره لتمد يدها علي حمالات القميص فصرخ.... ارجعي ارجعي منك لله مش هضرب مش هضرب .
قالت وهيا تمسك حماله القميص ... احلف انك مش هاتضرب .
صرج بهياج ... ..مش هضرب ضربه تاكل وشك .
نظرت اليه بخوف ...لا مش مصدقاك انا خايفه موت انا هقلع خلاص وانت تيجي تموتني اموت مكشوفه تتحاسب اشوفك في الاخره ومدت يدها للقميص ..
فصرخ بجنون وتوسل ...لا والله والله ارجعي يمين الله ماهضرب ماهتهبب . ظلت تنظر اليه بخوف فصرخ.... البسي بقه قولت مش هتقطرن علي دماغ اهلي .
تنهدت ولبست فصرخ... اقفلي وغطي نفسك كويس. لتمتثل فصرخ غوري علي فوق .
قالت بابتسامه ... .هتيجي معايا والا هتقعد هنا .
صرخ مهتاجا ... مال اهلك اجي والا ماجيش كنتي وصيه عليا .
قالت بلين ... الله مش مراتك اخاف عليك لو مش خايفه كنت سيبتك تاكل روحك تنشل وتنقهر وتموت واورثك وانت علي قلبك اااد كده واصرف وابرطع ...هو انت عندك كام يا صاصا ..
فصرخ فيها ...اخرسي ربنا ياخدك اخفي من قدامي ها ثانيه تخفي.
لتستدير مسرعه وتصعد وقف هو مهتاجا لا يعلم كيف يتحكم في نفسه صرخ باعلي صوته وظل يصرخ بجنون من غيظه ويدق بقدمه بالارض واستدار وبدا يبعثر في المراسي الموضوعه بغضب يشعر ان راسه ستنفجر حتي انهك تماما ..
وقف ينهج استدار ليجد الحرس ينظرون اليه فصرخ فيهم... بتبص علي ايه يا طين منك له فيه ايه كل واحد يغور في نصيبه تاخده..استدار الحرس مسرعين ..وقف يغلي ..لا لا انا مش متحمل لا ومالك محروق كده هيا زباله تخلص عليها .. واستدار وصعد اليها ورزع الباب.
كانت هيا واقفه لتنكمش خوفا عندما رزع الباب قالت برهبه .... ايه انت حلفت مش هتضرب .
اقترب منها بغل ...لا اضرب ايه انت ماتنضربيش انت تتأدبي اللي طايح لازم يتلم.ايه اشترتيني جايه تخلصي ذنوبي ..لااا لو فاكره ان الشويتين دول هيهدوني واسكت لاااا دانت لعبتي في عداد عمرك .
خلع بدلته وبدا بفك ازرار قميصه لترتعب فهيا لم تتوقع ذلك .
لتتجلد وتسال برهبه ... ايه يا هوبا هتنام .
نظر اليها بغضب ....اه هنام طلبتيها ونولتيها يا قادره ..كان صهيب صوته يخرج من بين أسنان بغيظ.
بتقوليلي هقلع القميص بتهددي صهيب الشامي أنتِ فاكرة إنك كدة بتلوي دراعي دا أنا أشيلك وأرميكي للحرس يربوكِ لو فكرتي تتخطي حدودك يا زباله.
فلك بضحكة مستفزة ....تربي مين يا صاصا أنت آخرك تربي عضلاتك دي يا بيضه مراتك عسوله ومتربيع . وبعدين ما ترميني أهو أخلص من وشك ..
جن جنونه وهجم عليها يطبق بيديه على الفراش حولها ليحاصرها بجسده الضخم حاول تقييد يدها التي امتدت لتخدش صدره فالتوت تحته كالسمكة وضربته بركبتها في فخذه وهي تصرخ...
أوعى إيدك دي.. سيبني يا حيوان.. أنت فاكر إنك عشان طويل وعريض هتكسر عيني دا أنا أهد القصر ده على دماغك .
صهيب وهو يمسك رسغيها بقوة أوجعتها...بتضربيني يا فلك بتمدي إيدك على صهيب الشامي . دانا مش هخلي فيكي حتة سليمة عشان تعرفي مقامك.. اللسان ده مش هيسكت إلا لما أقطعه.
فلك وهي تعافر بقوة ....امد ايدي علي صهيب ..ماله صهيب و جوزي مين يا نطع يا طور الجواز إشهار وقبول وأنا مش قابلاك.. أنا لو شفتك في حلم بستعيذ بالله من الشيطان الرجيم.
صهيب من شدة غيظه جذبها من خصرها بقوة لترتطم بصدره العاري وكاد أن يلتهم وجهها بأنفاسه اللاهثة .... طور طب تعالي بقه يا بنت الأصول عشان أوريكي الطور ده لما بيهيج بيعمل إيه..أنتِ اللي اخترتي الوش التاني.
فلك وهي تحاول دفعه بكل قوتها وتصرخ في وجهه.. أنا مش خايفة منك.. . هتعمل فيا إيه يعني هتقتلني.. اقتل.. أهو أخلص من العيشة السودة اللي شوفتها من يوم ما لمحت وشك النحس.
بدأ يمزق ما تبقى من روبها بعنف وهو يحاول إسكات صوتها بينما هي تضربه وتسبه بأفظع الألفاظ وهو في حالة من الغليان لا يرى أمامه.. حتى بدأت قواها تنهار تدريجياً أمام قوته الغاشمة وتحول الشتم إلى أنين والضرب إلى رعشة خوف..
هجم عليها يشدها اليه .. يقبلها بعنف لترتعب هيا وتحاول ان تزود عن نفسها وهو يجتاحها وهيا تتملص منه وهو يمزق ملابسها لتنفجر في البكاء بقهر فهيا لم تتوقع ان يفعل ذلك كانت تنتفض وتبكي وهو في حال...
هو فوقها أنفاسه محمومة الغضب متمكن من كل جزء بداخله..كان علي وشك ان ينتهك انوثتها الا ان فلك لم تستسلم احست بشيء داخله يدفعها ان تستميت من اجل ان تنجو منه ..
فجأة مدّت يدها على صدره مش دفاع مش دلال. اللمسة كانت صادمة بسيطة لكنها وضعت شيئا حيا بينهما. وضعت يدها علي صدره تقول بصوت هامس لين لكن صادق..لا لا لازم يبقي فيه هنا انسان انت مش ممكن تكون ميت كده انت انسان يا هصيب والله انسان .
تجمد لحظة لا حركة ولا اندفاع كأن جسده عصى اوامره فجأة. النظرة التي كانت غضبا اعمى توقفت واتسعت عيناه وفيهما صاعقة صمت غريب احساس لم يختبره من قبل .سحب انفاسه من صدره عيناها في عينيه ثابتتان على غير المتوقع فتلوّن وجهه وتصدع الغضب داخله وانقلب الى شيء اخر. ملتبس مزيج من استفزاز ولين مربك همستها نفذت الى داخله بلا استئذان ولمسة خفيفة وكلمة واحدة زلزلتا حصنه من الداخل. فلم تستطع قوة جسده ان تسيطر على الرجفة التي اصابته فتراجع خطوة لا اختيارا بل هروبا صارت نظراته فاضحة كاشفة لما حاول اخفاءه .حيرة خجل مكتوم غضب على نفسه وانكسار داخلي صغير لكنه موجع.
اما هي فلم تتحرك لم تدافع اكتفت بان تتركه يواجه ذاته بعينيه ليكتشف ان الوحش الذي ظنه مسيطرا قد تعرى في لحظة من لمسة لم تكتمل وكلمة واحدة قالت له ....انت انسان.
ابتلع ريقه ....وجدها تشهق وتنتفض احس بها وبيدها علي صدره لمستها حرقته..دخلت الكلمه هزته من داخله .. بدا يعود لنفسه فهو ليس كذلك وجدها تنتحب بقهر علي حالها اغمض عيونه فهو مهما كان لا ياخذ احد غصبا .شدها اليه لتنتفض برعب فهدر بفحيح ..
اسمع حسك هكمل وادوس واقهر امك في ليلتك السوده ايه دي كلها ليله انا حاسس اني متجوزك من سنين ..
كانت شبه عاريه في احضانه فتململت وحاولت ان تبتعد شدها علي صدره العاري بتحذير... مش عايز نفس اكتمي هاه عشان والله هموتك فعلا.
كان صدره تحت راسها كطبول حرب يده قابضه علي خصرها بعنف يتحكم في هياج جسده كانت تبكي ودموعها تتساقط علي صدره كان يغلي لم يحتمل تلك الدموع فصرخ..
اخرسي حنفيه واتفتحت.
لتشهق بالبكاء اكثر ظل يكبت حاله لا يعلم ما به ..عيطي خلاص قضي الليل عياط هفرح وانبسط انا جايبك هنا عشان كده .
لتكتم نفسها فلا تريده ان يشمت فيها تنهد وقال بغيظ وغضب ..... ايه ده.. دا يوم اسود يا شيخه ايه حرق حرق مافيش رحمه ورا بعضه طب سيبيلي شويه اقهرك مش تقومي تخلصي عليا قهر تقلبيني عفريت .
ضربته علي صدره بنحيب ... ..انت اللي حيوان انت اللي خلتني اعمل كده انت لو راجل ماتلمسش واحده ماتعرفهاش بقله ادبك .
مد يده وقرص وسطها العاري لتصرخ...فقال بوعيد .. اكتمي انت مافيش فايده افلقك نصين دماغك الحجر دي مافيش فيها فايده .ايه لساااان وبس ..كلك علي بعضك اد كده ولسانك يلف يجيب الدائري من طوله .
لترفع وجهها وعيونها حمراء ومناخيرها لون الفراوله وتساقط شعرها حولها ومنظرها ياخد العقل قالت متذمره ... وانت لسانك ايه وحط عليهم قله ادب اهوه انت فاكرني ايه والله ماهسكتلك بقله ادبك .
ظل ينظر اليه وهيا رافعه وجهها بالقرب منه وغضبها يجعل وجهها احمر بشده كانت تثيره بجنون ظل يتاملها الا انه فقد تحكمه و اندفع فجاه يقلبها فصرخت ولا يفلتها ملمس شفتيها يجننه ... تجلد وابتعد قائلا وقلبه يغلي ..... ..ماهو انت مش هتقطمي الا اما اوريكي قله ادبي عشان تتلمي وتعرفي اني مش عماد الدلدول هاه .انا صهيب اللي منه يحفظ ادبه ويلم نفسه.مراتي ماتنطقش وانا بقه هلمك بطريقتي يا مراتي.
ثم نزل عليها مره اخري وهيا تتلوي بعنف ضغط عليها يهيم بها وهيا تحس ان روحها ستصعد وهو لا يكف ابتعد اخيرا وهو ينهج يحتضنها بقوه هامسا بهياج ....
هتتلمي والا اكمل .
نظرت اليه بغضب حارق فقال... لا لسه ماتلمتيش نكمل لينزل عليها مره اخره ويده تطيح في جسدها وهيا ستموت من قهرها ليبتعد قبل ان ينفلت من نفسه وضع راسه علي جبينها وهو ينهج بشده من اجتياحها فهيا انثي طاغيه وفرسه تاخذ العقل وصهيب بعنفوانه اثارت بداخله روح السيطره ...همس وهو ينهج ...
اهدي بقه عشان انا تكه وهتلاقيني مخلص عليكي فاهمه تتلمي ماشي ..اكمل بتحذير ...ماشي ماسمعتش صوتك .
هزت راسها برعب فقال بحده.. ،،لا مش هننخرس دانا قضيت ليله مع راديو هتتلمي .
همست برهبه .. خلاص بطل ايه ده .
قال محذرا .. قلت ماتبرطميش اقطمي ماشي وسمعيني هتتلمي .
قالت باكيه ...خلاص هتلم هتلم بس بطل وشيل ايدك بقه عيب الله .
تنهد هو وشدها اكثر ....ايدي مش هتتشال ومفيش عيب انت بتاعتي مراتي فاهمه اعمل ما بدالي .ولحد ما دماغي يجبني وتلمي نفسك وتعرفي ان صهيب مش هيسيبك طايحه كده .الشهرين دول هعلمك يعني ايه راجل للست ادم لحوا مش طايحه وفارده تقريبا عماد كنت هتركبيه و تدلدلي وتقضي حياتك دكر متنقل. انما انا هنا غير .صهيب الشامي مراته تبقي قطه ماتنطقش تعمل لجوزها الف حساب قبل بس ماتفكر تتحرك فاهمه .
همست بغضب ... انا مش مراتك .
مد يده الي جسدها فصرخت فضحك وقال ....يعني لازقه فيا وعريانه وبوضعنا ده ومش مراتي ازاي طيب.
قالت بوجع ...انت اتجوزتني غصب ودا حرام فاهم وعلاقتنا حرام واللي انت بتعمله حرام وهتخش جهنم علي عمايلك انت نايم مع واحده مش ليك .
رفع جبينه يعلم ان عندها حق فقال بلا مبالاه .. طب ماتوافقي عشان ماتعمليش حرام والا عادي عندك .
قالت بقهر.... انا مش هوافق انت ماينفعش تبقي جوزي .
ضحك هو.... لا والله انت تقريبا ماتعرفيش انا مين .
رفعت وجهها ونظرت اليه تضع يدها علي قلبه تسند عليه وشعرها يتساقط عليه ..همست بحزن ووجع خرج لمس داخله دون استئذان.... ..انا ماكتش اعرف فعلا انت مين بس عرفت وعرفت كويس قوي وعشان كده استحاله اكون ليك لو روحي تطلع .انت وانا نار وميه مايتلاقوش .
مط شفتيه .. ...خلاص مشيها بقه حرام ونوم في الحرام عشان سيادتك مش موافقه عالجوازه .
فصرخت بحرقه ... انت ايه ماعندكش دم هو ايه عافيه .
مد يده فصرخت فقال بغضب....هتعلي التون هبهدلك كفايه اني سيبك تهلفطي بالكلام كفايه قوي .انا صوتك يعلي افلقك نصين
ومش عافيه خلاص خليكي مش موافقه انا بالنسبالي مش فارقه هاخد اللي عاوزه عمك اداكي ليا .
نظرت اليه بقرف .. ليه عبده عندك انت واحد مريض بالسيطره .
ضحك هو ....مش عارف والله نايمين جنب بعض بحالتنا دي ونازلين تهزيق في بعض والله انت مسخره عارفه انت طلعتي مسليه والله بس برضه هعمل مابدالي واخرتها توافقي ماتوافقي مايهمني .
خبطته بقبضتها ....مش هوافق يا جبله .
ضحك ...مصيبه اقسم بالله مبرد مافيش فايده مابتهمدش طب اعمل ايه هتخليني اتهور وانا مش عايز .
صرخت ...ربنا ياخدك قبل ماتقرب يا رب تنشل وتفطس وتموت انا بكرهك بكرهك انت ايه مابتحسش .
نظر اليها بخبث ...مابحسش ازاي دانا والع وقلبها وركن عليها ونظر اليها برغبه ..عايزاني احس ..
بدات تتلوي وتصرخ ..قوم بقه ايه ده انت راجل ازاي قوم منك لله .
غمز لها وهمس بالقرب من شفتيها ..اوريكي انا راجل ازاي ..ارتعشت خوفا فاحس بها فابتسم ..خايفه حاسس بيكي وبرعشتك ...هقعدي هنا تستني اليوم اللي ارحمك فيه وتروحي تدوري بقه علي راجل تعوزيه .
ابتلعت ريقها ونظرت اليه ليتفاجا بها ترتخي بين يديه ....اعمل مابدالك مش هحوشك .انت قرر براحتك تعيش حياتك شيطان الكل بيخاف منه ويدعي عليه بس انا برضه مش خايفه منك .
نظرت اليه بدموع ....انا عمري ماهوافق عمري ماهكون ليك .
تعالي غضبه فهيا لا تردع ولا يعرف لها مالكه ..قال بغضب وهو يغلي ... ماشبهش سي عماد والا عايزه واحد تركبي وتدلدلي عليه .
نظرت اليه بقهر ..انا ماعتش عايزه حد لا واحد ولا غيره انت قضيت علي فرحتي في الليله اللي كت بتمني يبقي ليا بيت .انا ليا سنين يتيمه بتذل في بيت عمي قلت خلاص بقا ليا راجل يحامي عني ويخلي باله منه .امي وابويا راحو وعماد جه عملته امي وابويا وقلت خلاص هعيش واديله مشاعري .
بس ربنا مارادش اني اعيش .جاي تقلي عايزه راجل انا مش عايزه حد ولا عايزه حاجه لاني ماعتش انفع لحد. الحرام مش في الجواز
...الحرام إنك تاخد روح بني آدمة وتكسرها وتستغرب ليه بتصرخ وواقفالك رافضه تخليها مالهاش قيمه لرغبات سيادتك.أنا كنت فاكرة إن اليتيمة بتخاف من الدنيا...طلع اللي يتخاف منه هو اللي زيك فاكر نفسه مالكها.إنت مش طالب جواز... إنت طالب استسلام..انت مايتوافقش عليك لانك ماعندك قلب حجر صوان بتتغذي علي وجع الناس انت حد يخوف ..
لمست قلبه فارتعش داخله ..اكتر حاجه تخاف منها هنا ..لا بيدق ولا بيرجف مفيش لمحه حب جوا ..عماد كان مقرف بس مايخوفش انت بتخوف.عماد رغم كل قرفه كان جواه مشاعر اه والله كان جواه.انما انت حد البعد عنه خير لان هنا مافيش خير ولو فيه انت مش عايزه . ومش فاهمه ازاي انسان عايز يعيش حياته رافض انسانيته .
نظرت لصدره لوهله ثم ملست علي قلبه فزادت دقاته.. همست ... عارف حاسه انك مش حجر لا خالص انت جواك فراغ فضا وده اخطر لان الحجر ممكن يتكسر انما الفراغ ما يتصلحش لازم يتملي وانت رافض .
انت مش قاسي انت مطفي لا بتوجع ولا بتتوجع وده اللي يخوف فيه ناس شريرة بس بتحس بتغلط وتندم وتخاف تخسر. انما انت ولا الخسارة بتهزك. القرب منك مش امان القرب منك ضياع لان اللي جواك مفيهوش حياة ولو كان فيه انت قررت تطفيه بايدك .
مش فاهمة ازاي انسان يطلب حق وهو مش معترف بنفسه انسان ازاي تستسهل الحلال في كلامك وانت من جوه رافض الرحمة .انا ما بخافش من اللي بيقسو انا بخاف من اللي ما بيحسوش واللي زيك البعد عنه سلام .
الغريب انك من جواك متاكد اني ما هنكسرش ومع ذلك مكمل ليه بتجرب قوتك ولا بتعاقب نفسك ولا مستمتع انك تواجه انسانة مش هتستجدى ولا هتطلب رحمة. انت عارف اني واقفة حتى وانا موجوعة وعارف اني لو وقعت هقوم فلو النهاية معروفة والنتيجة مش كسري يبقى انت مكمل ليه .عشان تثبت انك تقدر ولا عشان لما تسيب تبرر لنفسك انك حاولت وانك ما خسرتش. الحقيقة انك مكمل مش علشاني انت مكمل عشان لسه مش قادر تواجه الفراغ اللي جواك فراغ انسانيه معدومه راحت في جحود غريب ..نزلت دمعه منها علي صدره ظلت تطرف بعيونها وعيونه لا تفارق وجهها وانفاسه تتصاعد ...
مسحت دمعتها وهمست .....بتقلي وافقي عشان مايبقاش حرام...
نظرت اليه وسهمت تتامله وقلبه بدات تتعالي نبضاته من نظرتها ليرجف قلبه وانفاسه تتعالي وتسري قشعريره في جسده عندما قالت......
....ايوه قالت ايه بقه الواد هيبتدي يحس والا ايه .قولو اللي تعرف تبقي جهبوزه شطوره قولت ايه يا بت شندلتي الواد ...دا بيحس وخاف وغار عليكي يا فلوكه وماهبدكيش في البلاط من ع😁😁😁😁مايلك السوده .....والنبي غلبان مالقي حد يربيه 😆😆😆😆😆
•تابع الفصل التالي "رواية سيد الكبرياء" اضغط على اسم الرواية