رواية عشق للأبد الفصل التاسع 9 - بقلم سولييه نصار
الجزء التاسع♥️
في البيت كان هاشم قاعد على الانتريه وهو بثفكر ازاي يقول لكريم عن الموضوع ....هو عارف قد ايه كريم طيب وهيتصدم في مرام حب عمره ...عمره ما حب يعمل معاها كده بس هي اختارت تسمع لأمها وهو مش هينسى اللي امها حاولت تعمله معاه ...واكيد مش هيغامر بحياة كريم مع واحدة زي مرام ...اتمنى أن كريم يحب زهرة ويكمل معاها وميفتحوش موضوع مرام بس زهرة عندها حق لازم كريم يعرف ....
حك رأسه بتعب فجأة شاف مرام بتقرب منه وهي متوترة بصلها بهدوء فقالت بتوتر :
-جدي أنا فيه واحد عايز يتقدملي...زميلي في الشغل .....
-ايه خطة جديدة عشان تبوظي جوازة كريم ...
قالها هاشم ببرود فبهتت وهي بتقول.:
-ايه اللي بتقوله ده يا جدي ...لا طبعا...أنا مالي بكريم أنا خلاص طلعته من دماغي ...
-اومال ليه قابلتيه فاكر اني نايم على وداني ...مرام اللي في بالك مش هيحصل ....
بصتله بضيق وقالت:
-ايه اللي في بالي يا جدي ؟!أنت ليه بتعاملني بالشكل ده ...أنا حاسة انك بتكرهني ...كل ده عشان كريم بيحبني ومبيحبش زهرة ...أنا مش مصدقة انك بتحبها اكتر مننا كلنا وهي مش من دمك
-مش من دمي صح بس احسن منك بكتير ....
دموعها نزلت بغضب وحقد وقالت :
-تربية الملاجئ تبقى احسن مني ؟
-ايوة احسن منك وبكتير كمان ...لأنها عمرها ما فكرت تسرقني !!!
بهتت اكتر وهي بتبصله فقال :
-مصدومة ليه دي حقيقتك وحقيقة امك اللي هعرفها لكريم دلوقتي !!!
كانت مرام مصدومة وهي بتبصله قلبها بيدق بسرعة ...خايفة بالفعل يكون كشف الالاعيبها ...حست بالضغط العصبي .....
فجأة جات مدبرة البيت عشان تقوله أن كريم وزهرة جم ......
ابتسم هاشم وقال:
-كويس خليهم يدخلوا اوضة المكتب
وبعدين بص على مرام وقال:
-تجيبي امك وتيجي على. المكتب احسنلك ....
......
كنت قاعد في المكتب مع زهرة اللي بتفرك ايديها وكانت متوترة لسبب أنا مش عارفه ...جدي طلبنا وانا لحد دلوقتي مش فاهم ...
دخل هاشم فجأة وقعد على الكرسي وهو بيبص لكريم بنوع من الشفقة ....بعد شوية دخلت مرام ووالدتها والتوتر مالي وشوشهم زي ما يكونوا عاملين عاملة ....بصلهم الجد بصرامة وقال:
-ها تحبوا تتكلموا انتوا وتعترفوا بالحقيقة لكريم ولا اعترف أنا !!!
اتوترت مرام وبصتلهم من غير فهم.....
قالت والدة مرام وصوتها بيترعش :
-نعترف عن ايه يا هاشم باشا ؟!
ابتسم هاشم وقال:
-خلاص اتكلم أنا واقول اللي عملتوه ...استنوني لحظة عشان اجيب ضيف كمان معانا ....
طلع وبعد شوية جه وهو بيقول :
-تعالى ....
فجأة شهقت ام مرام بصدمة وهي بتشوف كابوسها بيتحقق!!
•تابع الفصل التالي "رواية عشق للأبد " اضغط على اسم الرواية