رواية العقده والحب معا الفصل السادس 6 - بقلم امل بكر
حطيت الاكل كله وانا مش عايزه اشوفه كل اما افتكر كلامه اضايق اكتر
بصيت علي الباب الي بيتفتح وبيدخل منه عمو مجدي وورا براء وهو ماسك الفون وبيتكلم دخل البلاكونه علطول وعمو مجدي جاي نحيتي
-إلين مشيتي لي من غير ماتقوليلي ؟!
-معلش بس كلام الراجل ده عصبني جداً ومعرفش ارد عليه
-متقلقيش براء رد عليه وهو حكالي كل حاجه
بصتله ثواني وانا مش عارفه اقوله اي قاطعنا صوت ماما
-يلا الاكل جاهز اي ده براء مجاش معاك؟!
-لا اجي بيتكلم في البلاكونه
مازن وزياد اجو وقعدنا كلنا علي السفره مازن راح يقول لبراء يجي علشان الاكل اجي قعد معانا
عمو مجدي،
-براء چيهان مراتي وابنها زياد وبنتها إلين انت خلاص عرفتها
متكلمش بص لماما وزياد وابتسم بهدوء
ماما،
-ازيك ياحبيبي
-بخير الحمدالله
ماما،
-اناعملتلك الاكل الي بتحبو دوق وقولي رائيك
ابتسمت بسخريه وانا بتنفس بضيق
مجدي ابتسم وهو بيبص لبراء،
-ايوا انا الي قولتلها انك بتحب المحشي
اكل وقال رائيه انه حلو جداً
وانا كنت مضايقه جداً ان ماما بتعامله كأنه ابنها
حطيت اخر معلقه في بوقي وقومت
دخلت اغسل ايدي
وفتحت الباب علشان اطلع لقيته في وشي
بصتله باستفهام
شاورني بعينه انه عايز يدخل بعد عنه وهو دخل
روحت اقعد في البلاكونه شويه كنت حابه اقعد لوحدي
زياد ومازن كالعاده بيلعبو وعمو مجدي واقف مع ماما في المطبخ
غمض عيني ولسه جايه افكر فتحت عيني بسرعه بخضه وانا حاسه بحد جمبي فكرت فار
-ا انت بتعمل اي هنا !!
بصلي بسخريه وهو بيقعد علي الكنبه
-ده بيتي اظن مش كل شويه هعرفك
قعد تاني وانا بحاول اكتم غيظي
-لا مش محتاجه ماشيه وسايبهولك كله
بصلي وهو بيبتسم بتفجاؤ سخريه ،
-خططك مامشتش زي مانتي عايزه؟!!
بصتله بعصبيه وانا بتكلم،
-انت زودها علفكره وبعدين هو انت مين علشان اخطط عليك اصلاً
-تخططي عليا ازاي لا مؤخدا !!
نهي كلامه بسخريه
-مش القصد اقصد ان
وقفت كلامي وانا ببصله بضيق،
-انا بشرحلك لي اصلاً
بهمس ،
-هبله والله
سمعته ورديت،
-ده انتا يابعيد
-بعيد قد اي ؟؟
-بارد اوي يعني
قاطع كلامه صوت رنه فوني بصيت لقيته خالو احمد
قومت وقفت وانا بسند علي السور وبرد
اجالي صوته،
-وحشتني جداً ياإلينو
ابتسمت بحب ،
-وانت كمان اوي يااحمد
-عامله اي كله ماشي تمام
بصيت علي الحلوف الي قاعد ده واتفجأت انه بيبصلي اصلاً
لفيت وشي بسرعه وانا برد ،
-ايوا كله تمام
-طب الحمدالله وبراء ابن مجدي موجود في البيت؟!
سكت شويه وانا مش عارفه اقوله اي ولو قولت انه موجود هيزعلو جداً من ماما
-ا اي لاء يااحمد
-طب كويس هتصل بيكي بعدين مشغول دلوقتي
-ماشي سلام
-سلام
رجعت قعد مكاني وانا بحاول اركز في الفون وبس
عمو مجدي اجي وهو بيقولنا نطلع نتفرج معاهم علي الفيلم الاكشن الفظيع
طلعنا ماما وعمو قاعدين جمب بعض وانا قعده في كنبه منفرده وهو قاعد علي واحده شابها بعيده عني مسافه صغيره
فضلت اعيط وانا عماله امسح دموعي علشان البطل ساب حبيبته وهي بتحبه اوي
عيني اجت عليه وهو بيبصلي مسحت دموعي بسرعه
ماما وعمو دخلو ينامو وانا كنت عايزه اكمل الفيلم فقعد وهو كان قاعد برده
اتكلمت بصوت مسموع وانا زعلانه علي البطله،
-منك لله والله رجاله خاينه
بصلي واتكلم ،
-ماشاء الله انتو الستات ملايكه اوي !!
بصتله واخد بالي انه سمعني ،
-ايوا مش شبهكو معندكوش دم
لفلي وحسيت من نبرته الجديه،
-اوحش حاجه انكو بتمثلو دور الضحيه وانتو غير كده خالص
-ولي نمثل دور الضحيه انتو الي بتكونو السبب في زعلنا
-وانتو مش بتخونو ؟!!!
-يعني معرفش اكيد فيه بس مش الكل
-يبقي تسكتي ومتتكلميش تاني طالما متعرفيش
-وانت كمان اسكت خالص طالما متعرفش ان فيه رجاله خاينه
قام وقف بضيق ودخل اوضه
وانا استغربت من الضيق المبالغ فيه
شويه و الفيلم خلص وانا دخلت نمت
صحيت تاني يوم علي صوت ماما وهي بتصحيني
قومت اخد شاور وطلعت لقيت الفطار جاهز قعد
افطر
عمو مجدي اتكلم ،
-إلين معلش ورايا مشوار مهم جداً قبل مااروح العياده
فاروحي انتي الاول ظبطي الدنيا زي مابسمله عرفتك
-بس ياعمو مش عايزه اعملك مشاكل بسببي
-مشاكل اي بس مفيش حاجه حصلت بسببك من اصله
كنت بحاول اتهرب علشان مروحش تاني علشان براء ده ميفضلش يقولي كلام
رديت باستسلام ،
-طيب ماشي
-متقلقيش هتروحي مع براء
هو قال كلامه من هنا ولقيت براء طالع من الاوضه وهو جاهز للنزول والبرفيوم بتاعه الي وصل قبله
عمو مجدي وجه الكلام لبراء ،
-براء انت هتوصل إلين معاك انهارده
وقف مكانه وكأنه ماستوعبش الي عمو قاله،
-انا ورايه مشاور يابابا والله مش فاضي
عمو بصلي ،
-عندك مشكله ياإلين تروحي المشاور معا وبعدين تروحي العياده
رفعت كتفي وانا مش عارفه اقول اي
رد هو وهو بيشاور عليا،
-شوفت يابابا مش عايزه مكسوفه ترفض و..
قاطعه عمو بحزم،
-عندك مشكله ياإلين ؟!
بلعت ريقي بتوتر ،
-معلش ياعمو هروح انا
عمو مجدي،
-خلاص هروح مشواري وارجع مع ان صعب عليا جداً
خلص كلامه وهو بيبص لبراء بخبث
اتنفس بفارغ صبر واتكلم بسرعه،
-هستني تحت ياريت مطولة يابابا
كان كلامه عليا ولكن وجه كلامه لعمو
عمو مجدي ،
-يلا ادخلي غيري ياحبيبتي
دخلت لبست فستان بيج وطرحه بني خلصت ونزلت علي السلم بعد ماودعت ماما كنت نازله علي مهلي علشان كنت بفكر صوت بخضه وانا سامعه صوته العالي
-لاء كمان براحه كمان
بصتله بغضب وانا حاطه ايدي علي قلبي،
-انتي خضتني علفكره !!!
رفع حاجبه بسخريه ،
-لاء اسفين لساعدك والله
بلعت ريقي وانا بتكلم ،
-خلاص حصل خير
زعق وهو بيلف وبيركب،
-اخلصي اركبي اما انشوف اخرتها
بهمس لنفسي ،
-ده عبيط ولا اي مش لسه متأسفلي!!
فتحت الباب الي ورا باحراج
ولكنه وقفني صوته،
-انتي بتعملي اي!!!
باستغراب ،
-هي مش دي العربيه ولا اي
-مش دي العربيه ازاي يعني وانا ركبها !!
اطلعي اقعدي قدام مش سواق حضرتك انا
بتوتر،
-معلش حابه اقعد ورا
بصلي بصه رعبتني ،
-بقولك اقعدي قدام
رزعت الباب وفتحت الباب الي قدام وقعد باحراج وكنت عماله ابعد ناحيه الباب
اتكلم وهو باصص علي الطريق،
-اقعدي علي الشباك احسن
بصتله بفرحه ،
-بجد ينفع؟؟
بصلي وهو بيربش بعيونه،
-هو اي ده الي ينفع؟
ببساطه،
-اقعد علي الشباك
ابتسم ،
-انتي هبله مش كده !!
-الله مش انت الي قولت وانا اصلاً بعرف اقعد علي الشباك كنت بقعد وانا صغيره في بكاش العيد
-ايوا بس انا كنت بألس عليكي علشان عامله تبعدي ناحيه الشباك
-امم غتاته يعني
-الصبر يارب لمي لسانك
بعد شويه وقف العربيه وقالي هينزل ويجي
فضلت متابعا بعيني رايح فين ولقيته دخل دار الايتام
رفعت حاجبي استغربت انه يدخل دار الايتام شكله عنده قلب بقي
لقيت ايدي بتفتح الباب ودخلت انا كمان ورا
بصيت علي عدد الاطفال الي حوالينه مش طبيعيه فضلت واقفه مكاني وانا شايفه بيضحك
وه ده بيضحك !!
طفل شاور عليا ،
-مين دي؟!
كلهم بصو عليا حتي هو قلبي دق بسرعه خوفت يضايق
وفعلاً ملامحه اتغيرت وهو شايفني بلعت ريقي وكنت هطلع ولكن وقفني صوته
-تعالي
رجعت خطوتي ووقفت جمبه
-دي إلين
اتكلمت طفله ،
-دي مراتك!!
برقت باندهاش وبصتله بسرعه
اتكلم وهو بينزل لمستواها،
-لا ياكتكوته دي قريبتي
فضلت تفكر بطفوله
ضحك براء بهدوء ،
-بفهمك بعدين
بصلي وانا اتوترت وبصيت بعيد
اتكلم شخص وهو بيسلم علي براء
-استاذ براء المكان نور والله
-تسلم بنورك
بصلي وهو بيسأل،
-حضرتك مين؟
رد هو بسرعه،
-خطيبتي
اي هو قال اي ده !!!
بصتله وانا قلبي عمال يدق يدق وهو بصلي بثبات
اتكلم الشخص ده،
-الف مبروك ربنا يتمملكو علي خير يارب
مكنتش عارفه اعمل اي ولكني اتعصبت جداً
كنت همشي ولكن وقفني صوته المستفز
-استني ياحبيبتي هنطلع مع بعض
برقتله بغيظ وهو بصلي بصه خلتني الف وشي بعيد عنه
بخوف
سلم علي الاطفال وطلعنا بره
اتكلمت بعصبيه وانا بسند علي العربيه وواقفه قدامه ،
-هو الي قولته ده ؟!!!
بثبات،
-قولت اي بالظبط
-هو انت من النوع بقي الهندي ده انت مش بتفهم،
بصوت هادي ولكن ممزوج بالعصبيه ،
-احترمي نفسك
بليت شفايفي بلساني وانا ببصله بقوه،
-هو اي ده الي خطيبتي ان شاء الله !!!
-كنتي عايزاني اقوله اي يعني الحقيقه !!!
-ومالها الحقيقه عار ولا اي مش فاهمه يعني !!!
بزعيق ونظرات ترعب،
-ايواااا بالنسبالي عاار وزفت كمان
-انت شكلك واحد جاهل ومبتفهمش اصلاً
فاجئني وهو بيمسك دراعي بقوة،
-وربنا كلمه كمان وهتزعلي
عيوني اتملت بالدموع وانا مش عارفه اشد ايده عني
-شيل ايددك وجعتنييي ياغبي
ضغط عليها اكتر بعند واتكلم وهو بينزل لمستوايا،
-انتو كلكو زي بعض
عقد حواجبي باستغراب ولكن كنت في موقف مقدرش استفسر لان ايدي وجعتني جداً
اتكلمت بصوت عياط،
-ايدي وجعتني
شال ايده بسرعه وكأنه لسه واخد باله ركب العربيه ورزعه ورا
مسحت دموعي وانا مش قادره اخد نفسي من العياط يمكن تشوفو موقف تافه بس انا بخاف من العنف لاني شوفت بابا كان بيعامل ماما ازاي وانا مش وقتها وانا بخاف جداً
مشيت خطوه وقولت مش هركب معاه
"هو"
ضربت الدركسيون بعصبيه من تهوري عليها
بصيت عليها لانها طولت ومركبتش نزلت من العربيه وانا شايفها بتمشي
جريت وراها وانا بقفل باب العربيه
-استني
مسحت دموعي بسرعه وحلفت اني مش هرد عليه
ولكن فجأني وهو بيقف قدامي
-انتي بتمشي لي تعالي اركبي
لفيت وشي الناحيه التانيه وانا مش عايزا يشوف عياطي
-لاء مش هركب وسيبني في حالي
اتكلم بنبره اصرار ،
-تعالي اركبي لو سمحت هوصلك العياده
اتكلمت وانا خلاص صوتي كان علي وشك العياط،
-استحاله اركب ولا حتي اكلمك تاني
ابتسم بهدوء علي طريقتها الطفوليه ،
-طب اركبي ومتتكلميش معايا
-لاء وابعد عني بقي
-مش هبعد تعالي اركبي وانا بوعدك مش هكلمك
ركبت وانا وشي ناحيه الشباك قطع تفكيري صوته
-يا بنتي ياإلين انتي
بصتله بعصبيه وانا بلف بجسمي ناحيته ،
-هو مش انت قولت مش هتكلمني!!
بص علي موبايلي وهو بيشاورلي بعينه،
-موبايلك بيرن
انتبهت علي صوته ولقيت خالو محمد هو الي بيتصل كحيت علشان صوتي يبقي طبيعي
بصتله واتكلمت بجديه ،
-اياك تطلع صوت اوعك
بصلي باستغراب ولكني طنشته ورديت
-الو ازيك ياخالو
-عامله اي ياحبيبتي
-بخير وانتو عاملين اي ؟!
-الحمدالله حد مضايقك ؟!
بلعت ريقي بحزن ،
-لا خالص ده انا مبسوطه جداً بس كنت عايزه اقولك اني هجيلك اخر الاسبوع ده
-إلين صوتك واطي قولي تاني
-بقولك ه…
قاطعني وهو بيتكلم ،
-معلش هقاطعك بس كنت عايز اقولك هنروح الاسبوع الجاي اسكندريه انا واحمد ومراته تعالي معانا انا عارف انك بتحبي اسكندريه
ابتسمت بحماس،
-بتهزر ياخالو طبعاً موافقه
-كويس كنت متأكد انك هتتبسطي لو امك هترضي تاخذ زياد كمان
-تمام هقولها وهكلمك بليل
-طب لي ماتسأليها دلوقتي هي مش جمبك؟!
كتمت صوت الفون وانا بكلم نفسي
-اعمل اي يارب اقوله اي فكري بسرعه ياإلين
بصتله لقيته متابعني
سألته بسرعه،
-اعمل اي قولي بسرعه
-في اي؟!!
-خالو بيقولي امك مش جمبك ارد اقوله اي ؟!
ببساطه،
-قوليله عادي اني بوصلك العياده
بخوف،
-لاطبعاً هو هيزعق لو انت كنت في البيت وانا موجوده اقوم اقوله اني راكبه معاك العربيه
بسخريه ،
-لي مش عارفين ان امك متجوزه واحد عنده ابن ولا اي
بصتله بعصبيه،
-احترم نفسك واتكلم كويس
-هو انتي عبيطه مش انتي الي بتتكلمي
-بقولك اي اسكت خالص انا غلطانه اني بسألك
اتكلم بفارغ صبر ،
-قوليله انك بره وراحه مكان لما ترجعي هتقوليلو
ابتسمت بفرحه،
-شطور والله جدع يالا
بصلي بقرف ،
-يالا
مردتش عليه وفتحت الكتم
-ايوا ياخالو معاك بقولك انا في مشوار دلوقتي ولما ارجع هقولك
-مشوار اي ده ؟!!!
فتحت الاسبيكر
وبصيت لبراء بغيظ واتكلمت بهمس ،
-منك لله اقوله اي دلوقتي !!
بصلي وهو مندهش مني واتكلم بهمس زي ،
-الصبر يارب قولي اي حاجه مبعرفش اكذب انا
كنت هتكلم ولكن اجالي صوت خالو،
-إلين انتي معايا؟!!
-ايوا ياخالو معاك بص لما ارجع هقولك
-طيب يوسف عايز يكلمك
-ماشي هاتو
نسيت وفضلت سايبه الاسبيكر مفتوح
-إلينوو وحشتيني
-وانت كمان اوي ياچو
بصيت عليه وهو عمال يزمر مع ان مفيش حد قدامه والطريق مش زحمه قطع استغرابي صوت يوسف
-بابا قالك اننا هنروح اسكندريه الاسبوع الجاي
اتكلمت بفرحه،
-اه قالي مبسوطه اوي
اتكلم بمرح،
-ده احنا هنعمل كل حاجه معملنهاش زمان
ضحكت بصوت عالي
-ياريت بجد ونركب عجل
ً
خضني صوت براء وهو بيزمر وبيزعق بكلمات زي
ماتمشي ياعم وانجز
برقتله علشان يوطي صوته وهو لا هنا وكأن كان قاصده
يوسف اتكلم ،
-هو انتي فين ياإلين ؟!
-بره يايوسف لما اروح البيت باحكيلك
-وده صوت مين؟!
بتوتر اتكلمت بسرعه،
-ده صوت عمو بتاع الميكروباص
لقيته بصلي بغيظ لفيت وشي بسرعه من نظراته الي ترعب
-طب ماشي يايوسف لمًا اشوفك نكلم كتير
-ماشي ياحبيبتي مع السلامه
قفلت معاه وانا بيبصله بضيق.
-هو مش انا قولتلك متعملش صوت
رفع كتافه ،
-الطريق كان زحمه
-مكنش زحمه علفكره انا كنت شايفه
-لا كان في عربيه قدامي علفكره
هو مين يوسف ده؟!
خلص كلامه وهو بيسألني بسرعه
افتكرت اني مضايقه منه اتكلمت،
-وانت مالك اصلاً
بصلي بضيق ومرشد عليا نزل من العربيه ومهتمتش خمس دقايق ورجع تاني
اتكلم ،
-مكنش المفروض امسكك كده ولا المسك من الاساس
لفيت وشي ناحيته وانا مضايقه وبصيت علي ايده الي فيها الشوكلاته وموجهه ناحيتي
بلعت كلامي الي كنت هقولو بتوتر
ابتسم،
-اتفضلي خديها
-لا مش هخدها ومتكلمنيش
-ماخلاص بقي قولتلك متأسفين وجبتلك شوكلاته !!!
نهي كلامه ونبرته كانت ضيق
-انت مقولتش انك اسف علفكره !!
-لا قولت مكنش المفروض اعمل كده هي هيها
-لا مش هي هيها
حط الشوكلاته قدامي واتكلم ،
-علي العموم براحتك لو عايزه بخديها
ضغطت علي ايدي ..انا اكتر حاجه ممكن توجعني برود شخص وطريقه كلامه معايا تبينلي اني مش فارقه معاه
بس انا لي مضايقه اوي منه كده؟!! ده انا لسه عارفه بقالي يومين يعني !!
وصلنا العياده بصمت وهو دخل مكتبه وانا قعد علي المكتب الي برا وبدأت ارتب ادوار الحالات
وبعد ساعتين تعب ومعتش فيه حالات كنت هنزل اجيب قهوه لقيت سكرتير براء قالي ،
-تحبي تشربي قهوه؟!
ابتسمت بهدوء ،
-اه ياريت كنت هنزل اجيب
بمرح،
-تنزلي ازاي بس واحنا عندنا ماكنه لازم تدوقي القهوه بتاعتي
قربت عليه بفضول ،
-ياريت ممكن تقولي بتتعمل ازاي لاني بشربها بس
-سهله خالص
ولسه بيجهز الكوبايه الباب اتفتح وطلع منه براء هتقولو عرفت ازاي من صوت نفسه المضايق علطول سهله يعني
-هو انتو واقفين تشربو قهوه وسايبين الشغل ؟!!
نهي كلامه بضيق واضح
غمض عيني بضيق لان ضهري كان ليه
اتكلم فارس بتوتر،
-لا يادكتور الحالات خلصت ولسه محدش اجي فاقولت نشرب قهوه
لفيتله وانا بتكلم باستفزاز،
-هو ممنوع القهوه ولا اي يادكتور
حط ايده في جيوبه واتكلم باستفزاز زي عصبني ،
-لا بس ممنوع الكلام وقت الشغل ياستاذه
باستنكار،
-كلام اي دي قهوه!!
-روحي علي شغلك عايزه قهوه تنزلي تجيبي مش تتناقشو
كنت هتكلم ولكنه قاطعني وهو بيكلم فارس،
-وانت اخر مره تتناقش معها احنا في شغل
فارس هز راسه بموافقه وده الي عصبني اكتر لقيته دخل اوضه الكشف تاني وانا مقدرتش امسك نفسي ودخلت ورا بعصبيه حتي فارس نده عليا
-تعالي هنا بلاش مشاكل
دخلت ورا ورزعت الباب ورايا كان لسه هيقعد علي الكرسي ولكنه وقف لمًا شافني
قربت عليه وانا متعصبه،
-انت ازاي تكلمني كده!!!
-انت مفكر نفسك مين لاء بجد يعني ؟!!
-ممكن تقولي ولا دلوقتي مبتعرفش تتكلم
-خد بالك انت احرجتني واحرجته كمان وانا مبقبلش بكده نهائي
كان بيسمعني ببرود خلي دمي يغلي اكتر
-خلصتي كلام ؟!
بعند،
-لاء
شاورلي بعينه علي الباب
-اطلعي بره والمره دي بس هفوت كلامك
اتنفست بضيق واضح،
-لا والله خوفت انا كده !!
قعد علي الكرسي ،
-اطلعي علشان صدعت
-خد بالك مش هنسالك اي حاجه من الصبح لدلوقتي
بسخريه،
-لي كده زعلت والله
طلعت بره وانا بقعد علي الكرسي بغيظ من طريقته المستفزه دي انا احسن حاجه اروح مع خالو اقضي كام يوم هادي
بصيت علي فارس الي التزم كلام براء مش فاهمه هو مستحمله علي اي بجد
عمو مجدي فتح الباب وهو بيجري وسألته بخضه
-في اي ؟!!
رد بسرعه ،
-اختي في المستشفي قولي لبراء خلي يجي
قال كلامه بسرعه ومشا وانا قومت خبط ودخلت لبراء ده كمان
بصلي ببرود ،
-عايزه اي
-عمو قالي ان اخته في المستشفي وقالي اقولك
قام وقف وهو بياخد موبايله ومفاتيحه بسرعه
وقفته وانا بسأله،
-هو انا اعمل اي امشي
رد وهو بيفتح الباب وبيخرج،
-معرفش
معرفش عملت لي كده ولكني شديت شنطتي وجريت ورا وركبت بسرعه الاسانسير معاه
بصلي باستفهام ،
-انتي اي الي جابك ورايا؟!
بصتله ببراءه ،
-هاجي معاك
كان هيتكلم ولكن الاسانسير وصل وطلعنا وركبت بسرعه معا العربيه
شغل العربيه وساق بسرعه جداً وانا كنت هموت من الرعب
-يانهار ابيض اهدي
-مسمعش صوتك
-يعني تموتني ومش عايز تسمع صوتي!!
-بقولك اي انتي ركبتي ولزقتي فيا يبقي تسكتي
بغيظ،
-اي لزقتي فيا دي مكنش في غيرك اجي معاك
سكت ومردش عليا ولكن ثواني وسألني بقلق،
-هو بابا قالك اي مالها اي الي حصل
اتكلم بسرعه ونبره خوف
-معرفش هو مشا بسرعه وقالي اقولك هي دي عمتك صح
-امال خالتي يعني !!
-يباي عليك بتأكد الله
بصلي بزهق وبعدين بص قدامه من تاني
كانت الشوكولاته لسه مكانها وانا عيني وايدي بتاكلني كنت عايزه ابلعها
وشكله اخد باله لما قالي ،
-خديها وهعمل نفسي مش شايف
بصتله بعدم فهم ،
-نعم!!
شاورني بعينه علي الشوكولاته،
-خديها
-لا مش عايزه حاجه ومتكلمنيش مش نسيالك الي عملته الصبح
-مبحبش الكلام كتير وقولتك خلاص متأسفين
اتكلمت بخبث،
-تقصد آنك اسف؟؟
-ايوا
-ماشي خلاص مسمحاك بس وربنا لو فكرت تاني تعمل الي عملته موقفي هيبقي غير صدقني
بصلي وكأنه بيقولي اقعدي علي جمب
بصتله واتكلمت بمرواغوه،
-احم الشوكلاته احطهالك في الدرج ده
قولت كده علشان يقولي خديها ويزلل عليا بموت في الناس الي بتتزلل عليا
-خديها محدش هياكلها غيرك
ابتسمت بانتصار ومش فاهمه مالي فرحت لي ،
-تمام
كنا خلاص وصلنا وقولت وانا راجعه باخدها لانها كبيره ومش هتكفي الشنطه
سألني وهو بيركن العربيه ،
-ماخدهاش لي
-لما ارجع الشنطه صغيره
نزلنا مع بعض وهو كان باين عليه قلقان
اول لما وصلنا الاوضه الي طنط فيها
لقيت ناس كتير وحسيت بالاحراج لاني معرفش حد واصلاً هو اي الي جابني!!!
همستله بسرعه قبل لما نقرب عليهم،
-بقولك اي انا ماشيه
وقف حركته وبصلي بانتباه،
-اشمعنا!!
باحراج وانا ببص علي الناس دي ،
-الناس هنا كتير اوي وانا بت بتوتر وخصوصاً اني معرفش حد
-تعالي دلوقتي وبمشي بعدين انتي متعرفيش لو رجعتي بعد لما شافوكي هيعملو حوار من هنا لسنين قدام
ضحكت بهدوء علشان طريقته كانت سخريه
ويعتبر كنت ماشيه ورا وفعلا انا بتوتر من الناس الكتير وبحس بنفسي بيضيق
براء كان بيسلم علي الكل وانا روحت عند عمو مجدي
-عمو هي كويسه؟!
-اخدت دوا غلط شويه وهندخلها
-ان شاء الله جيتي لي ياحبيبتي وتعبتي نفسك
-يعن
قاطع كلامي صوت ست اتكلمت بنبره استقلال ونظرها موجه ناحيتي
-امال انتي مين ياعسليه ؟!
عمو رد عليها ،
-دي إلين بنت مراتي وبنتي كمان
بصتله باندهاش انه قال بنتي ابتسمت بهدوء وعيني اجت علي براء وحسيته اضايق او زعل مش فاهمه
الست دي اتكلمت تاني وهي بتبصلي من فوق لتحت
عمو مجدي اتكلم وهو بيحاول يلطف الجو
-دي اختي ياإلين
وشاور علي بنت كانت واقفه جمبها
-ودي ياسمين بنتها
شاور علي واحد ،
-وده اخويا ممدوح
وشاور علي شاب ،
-وده ابنه معتز
-ودي مرات ممدوح
-وده اخويا التاني سيلمان اجي غلطه بقي
خلص كلامه وهو بيضحك لان سليمان كان شاب في حدود التلاتين كده
اتكلم سليمان بمرح وهو موجهلي الكلام،
-بس والله يابنتي ميقدروش يعيشو من غيري
خلص كلامه بغرور
وانا ضحكت عليه شكله هو الوحيد في العيله دي الي يفتح النفس
بعد شويه دخلولها وانا وقفت بره عملت نفسي بتكلم ورجعت لقيت براء طلع من الاوضه وطلعت ورا ياسمين دي
وهي بتوقفه ،
-براء استني
لفلها،
-خير؟!!
-هو البنت دي كانت جايه معاك
-بنت مين!!
-إلين بنت مرات ابوك
-ايوا عايزه اي
بحزن،
-هو هي عايشه معاكم؟!
-هو في اي ياياسمين ؟!
اتكلمت بنفاذ صبر ،
-براء انا بحبك وانت ولا هنا انت متعرفش انا حسيت بايه وهي ماشيه معاك ده كان ناقص تمسكو ايد بعض
-هو اي الي بتقولي ده؟!!
حسيته حاول يهدي نفسه واتكلم تاني ،
-ياسمين احنا اتكلمنا كتير في الموضوع ده وقولتلك اني مليش في الجواز تمام
-يعني اي مش عايز تتجوزني
-ياسمين انا بقولك مليش في الجواز من اساسه
اتكلمت بأمل في عيونها،
-طب خلاص نتكلم بعدين تاني
كان هيتكلم ولكنها دخلت الاوضه تاني وانا قربت عليه وانا بفكر باستغراب لي ميتجوز وياسمين بتحبه اوي كده
وقفت قدامه قبل مايمشي وانا بتكلم ،
-بقولك انت ماشي؟!
-لا نازل الكافيه في حاجه
نهي كلامه بنبره خانقه
هزيت راسي بلاء وهو كمل طريقه وقفته وانا بمشي ورا
اتكلمت ،
-استني جايه معاك
نزلنا الكافي واتصلت بماما عرفتها انا فين قلقت وكانت عايزه تيجي ولكن قولتلها بلاش علشان شكلهم هيزعلوها بالكلام وهي وافقت لانها مش حمل ضغط
قعد في الكرسي الي قدامه وشويه شويه الناس بدأت تكتر وريحه المستشفي مدوخاني
كنت عايزه اقوم ولكن رجليا مكنتش قادره ولكن جيت علي نفسي وقومت عايزه اشم شويه هوا وهو كانت عينه علي الفون حمد ربنا انه مش هياخد باله مني ده الي فكرته
رفع عينه من علي الموبايل وهو بيتفحص وشي ،
-انتي راحه فين
خلاص كنت متروخه من شكل الناس ومن الريحه،
-طالعه ب ب
مكملتش كلامي وانا حاسه بعيني قفلت غصب عني
"هو"
قلبي اتخض
زهقيت الكرسي بسرعه وقومت شيلتها وقعدها علي الكرسي قعد علي ركبي وفضلت اصحي فيها لغيت لما فتحت عيونها الي اول مافتحتهم قلبي عمال يدق
بلعت ريقي بتوتر وانا مضايق من الشعور ده لانه كان حلو اوي وانا مليش في كده نهائي
اتكلمت بصعوبه وبهمس،
-ه هو ا ا
-طب تقدري تقومي؟!
كانت بتقفل عيونها من تاني حطيت ايدي تحت رجليها والايد التانيه تحت ضهرها وطلعت بيها علي العربيه والناس عماله تبصلي محسسني اني خاطفها
فتحت الباب ودخلتها ولفيت اقعد
-ياإلين سمعاني
احساس انها مكنتش بترد كان مخوفني كنت مستغرب من نفسي ولكن مش وقته اهم حاجه تفوق
شميتها بيرفيوم بتاعي كان في العربيه وبدأت افتح عيونها
-انتي كويسه ؟!
اول مافتحت عيني لقيته في وشي قومت بخضه ،
-انتي بتعمل اي ؟!
-ردي عليا الاول حاسه باي؟!
عقد حواجبي باستغراب هو بيتكلم كده لي
-انتي فاقدي الذاكره ولا اي ؟
-هو انا اغم عليا
-اه انتي تمام ولا ندخل المستشفي
حطيت ايدي علي وشي وانا بتكلم ،
-لا لا تمام مفيش حاجه ده العادي
بفضول ،
-العادي ازاي
بصتله وانا شايفه طريقته الي اتغيرت اتكلمت بسرعه قبل لمًا يقلب
-علشان الناس الناس الكتير بيوتروني وريحه المستشفي بتخنقني
-امم وطالما مبتحبيش المستشفي جيتي لي
سند راسي علي الشباك ،
-خلاص بقي نسيت
برقت وانا لسه اخده بالي اننا في العربيه واحنا اصلاً كنا في الكافيه بصتله
-هو انا جيت ازاي العربيه ؟!
•تابع الفصل التالي "رواية العقده والحب معا " اضغط على اسم الرواية