رواية حريم الباشا الفصل الرابع عشر 14 - بقلم اسماعيل موسى

فتح فارس الناطورى عنيه كأنه اول مره يشوف مليكه، اول مره يشوفها كأنسانه لها كيان مستقل ورأى

سمح لها فارس ان تنظف الجرح، استخدمت مليكة حقيبة الاسعافات الاوليه فى تطهير الجرح وتعقيمه،انت لازم تروح لدكتور يا فارس باشا.

ملوش لازمه الدكتور من فضلك حطى شريط لاصق واتفصلى ارجعى بيتك قبل الوقت ما يتأخر

انتابت مليكة مشاعر مضطربه شعرت بفارس كإنسان له قلب بعد ما كنت معتقده انه مجرد وحش متسلط

تمدد فارس الناطورى على السرير ولم تنجح مليكه فى منع نفسها من تأمله عن قرب للحظه،انها انسان فى النهاية

مليكه اقفلى الستاير قبل ما تخرجى همس فارس قبل أن يغرق فى شرود عميق

تأمر بحاجه تانيه يا باشا ؟

وجدت مليكه فى نفسها رغبه للبقاء قرب منه ،تحت قدميه دون أن يأمر او يتسلط

متشكر مدام مليكه ،مفيش حاجه انك ترجعى القصر تانى

الفلوس هتوصلك كل اول شهر، انتى حره من خدمتى ومن فنجان القهوة

ليه يا باشا؟

سألت مليكه تريد معرفة السبب ،كان الفضول داخلها يكفى لاشعال حريقه

مبقاش له لازمه يا مدام مليكه ،انتى سددتى دينك بالكامل

وانا بعتذر ان كان بدر منى حاجه ضايقتك

كل هذا الاسترسال لم تتوقعه مليكه شعرت نفسها فى صدمه عنيفه بين توقعات غير مدركه وواقع كان يفرض نفسه

من فضلك وانتى نازله ابعتى رزان ،بعدها اطبق فارس على فمه واشعل سيجاره.

خرجت مليكه من الغرفه فى حاله من التخبط

ليه عمل كده؟

حتى شعور السعاده الى كانت بتحس بيه كل ما خرجت من غرفة فارس تبخر مبقاش له طعم

الحريه التى تاقت لها أصبحت بلا معنى، وضعت النقود على الطاوله آمام عيون سيد عبد الهادى

الباشا قال الفلوس هتوصلك كل اول شهر مفيش داعى انى اروح القصر

فتح سيد الحقيبه احصى  الفلوس بس كده معناه ان اجرتك كخادمه هتنقص ؟

انتى عملتى ايه يا مره زعل الباشا منك ؟

معملتش حاجة يا سيد

امال استغنى عن خدماتك ليه ؟

انا محتاج فلوس كتير، لازم، ترجعى القصر وتشتغلى انا داخل فى مشروع كبير ومحتاج فلوس

مش هينفع يا سيد، الباسا صرفنى من خدمته خلاص

لا هينفع صرخ سيد بكره الصبح هكلم فارس باشا واعرف السبب، لازم ترجعى تخدمى فى القصر.

قضى فارس الناطوري سوم كامل فى الراحه، لم يهاتفه إى شخص

المهاتفه التى كان ينتظرها لم تصل بعد

اعتقد ان هناك شيء خطاء، لكنه يعرف ان خطته نجحت

ربما هذا الشخص يستمتع بتعذيبه من بعيد قبل أن يظهر فى العلن

صوفيا

ام تالين؟

لأول مره لم ينجح فارس الناطورى فى معرفة الاجابه

_____________

كان الفيديو امام ضحى تعاينه وعلى وجهها ابتسامه عريضه

كده تالين تقدر تاخد حقها من فارس

وبعد شوية تفكير تذكرت صوفيا هانم ،صوفيا زوجة الرجل المرموق، وسألت نفسها ليه محققش استفاده من الفيديو ؟

لو كانت صوفيا ذى ما انا متوقعه هتدفع فلوس كتير مقابل الفيديو ده

بتردد اتصلت بصوفيا وغيرت صوتها ،قالت ان معاها فيديو

يخص فارس الناطورى ،فيديو يخلي رقبته تحت رجلها

تتحكم فيه ذى ما تحب

صوفيا سألت مين معايا  بنبرة تهديد ؟

ضحى همست من غير اسأله عايزه الفيديو ولا لا؟

الفيديو تمنه كذا والرد يوصلنى قبل نهاية اليوم

والا هبيع الفيديو لفارس اعتقد هيدفع فلوس كتير

عشان سمعته متتقضحش