رواية ليه لا الفصل الثامن 8 - بقلم ميرنا عمار
دكتور على حاول يدور ف سيرة وائل الذاتية على اي عنوان يخصو بس كانت كل العناوين مجهولة وخافي اي حاجة تخصو
=هنعمل اي يبني هنوصلها ازاي
-بقالي تلت أيام ي طنط بدور روحت الشهر العقاري عشان اشوفو مسجل اي حاجة ب اسمو بس ملقتش روحت اعرف بياناتو من البطاقة بس رفضو يدوني اي حاجة هو خافي اثرو ابن الك*لب
=طب انا عايزة ارجع بيتي
-لا يطنط عقبال م نلاقي رحيق هتفضلي هنا لانو مش بعيد يكون حاطط حد عند بيتك مجرد توصلي يعمل فيكي حاجة ونا مش هخاطر
بدأ دكتور على يفكر لحد م جتلو فكرة
بص ع ماما بلهفة-انتي عارفة عنوان العمارة القديمة الي كنتي ساكنة فيها
=ايوا يبني...
بس دي وائل سايبها من زمان واكيد حد ساكن مكانو الوقت
متقلقيش انا عارف هعمل اي تعالي معايا بس
خد ماما ومشيو على مكان العمارة
بعد وقت وصلو العمارة
=عم طارق..
لفلها عم طارق بواب العمارة من أيام طفولتي
_يااااه الست هانم بنفسها شرفتي ونورتي شرفتي ونورتي ازاي حالك ي فاطمة هانم
ماما ابتسمتلو بعرفان=بخير ي عم طارق الحمدلله
عم طارق بص على دكتور على ب استغراب
ماما فهمت ف قالتلو =دكتور على
خطيب رحيق
دكتور على برق وبصلها بس رجع ل وضعو وسلم عليه وعم طارق رحب بيهم كتير
=كنت عايزاك ف مهمة كدا
_اؤومريني ي ست هانم انتي جمايلك فوق راسي
=ربنا يخليك ي عم طارق
فاكر وائل
ضيق عم طارق عينو وهو بيفتكر
_وائل مين
=وائل الي كان ساكن قدامنا
_ايوا ايوا افتكرتو كويس انو غار من هنا من زمان دا شيطان
=عايزين نعرف اي حاجة توصلنا بيه انت هنا من أيام م والده كان عايش وكنتو صحاب صح..!؟
اكيد عارف اي مكان يخصو
بدأ عم طارق يتردد
_متخافش ي عم طارق عرفني بس ب اي حاجة واعتبرو سر
=ايوا دي مسألة حياة او موت بنتي رحيق تحت أيده يعم طارق
بصلها وكأنو كان عارف
_هو رجع!!؟
ماما هزت راسها بدموع
_هقولكو
رحيق دي بنتي مستحيل اسيبها ف موقف زي دا
بصولو بحماس
_ايام لما كان حاج عمران عايش الله يرحمه كان قايلي انو ناوي يسيب العمارة مجرد م بيتو يكتمل وانو بيعمل بيت زي الجنة
حاول يتذكر العنوان
_عنوانو...! عنوانو..!
=اي هو يعم طارق
_ايوا افتكرت
وقال العنوان..
شكروه وجريو ع العربية وهو قالهم من بعيد
_يبق طمنيني يست هانم على رحيق
ماما بصتلو من الشباك=هجبهالك لحد عندك تشوفها ي عم طارق
مشيو والمكان الي وصفهلهم عم طارق كان بعيد شوي وعقبال م وصلو كان اليل بدأ يليل
=لو خدها ل مكان تاني ي على
هنعمل اي..!؟
-متقلقيش مجرد م نوصل هنعرف كل حاجة ان شاءالله
وصلو أخيرا ودا المكان الي كان محتجزنا فيه انا وماما قبل م ياخدني من هنا
=دا المكان ي على الي كان مخبينا فيه اكيد خد رحيق ومشي
-اهدي بس ي طنط إحنا لازم ندخل الأول وهنعرف كل حاجة بس حاطط امن ع الباب لي
بدأو يتسحبو لحد م وصلو للبيت من ورا
هحاول اطلع السور دا ونتي هتقعدي ف العربية عقبال م اجي
ماما بصت ع السور العالى
=لا هطلع معاك
-مينفعش عشان قلبك ف ارجوكي ارجعي العربية ونا هقفل الستاير بحيث متخافيش وهسيب الفون معاكي ونا هاخد دا
كان فون صغير بيبق معاه علطول
=لالا خدني معاك
-ي طنط مقدر خوفك بس صحتك اهم من اي حاجة ارجوكي ارجعي العربية
بس عرفيني مسار الفيلا ازاي عشان ابق عامل حسابي
وفيه كام عامل جوا
بدأت ماما تحكيلو ع الي تعرفو
=بس خد بالك جمال دا ايد وائل اليمين اوعى يشوفك او يوصلك وخد بالك من نفسك
هز راسو ووصلها للعربية وقفلها الستاير وماما فضلت تدعيله
اتسحب لحد م طلع السور ونط ومحدش حس بيه
كمل مشي ببطئ واتخبى ورا الحيطة لما لقى اتنين ماشيين جمب بعض بيتساهرو
=خليه يتمتع ي وليد
ضحك وليد_ربنا يسترها ي جمال بيه انا رايح اكمل شغلى
بص دكتور على عليهم وهو بيهز راسو
-بقا انت جمال...هخش أتأكد ان رحيق مش جوا وبعدها ليا حساب تاني معاك
دخل لما لقى جمال اختفى وبدأ يتسحب ل جوا الفيلا
الخدم كانو مشغولين وجمال كان واقف مع أحد البوابين برا ف الجو ف الفيلا كان فاضي الى حد ما
اتسحب دكتور على لحد م طلع أحد الغرف واتخبى قبل م حد من الخدم الي كان معدى يشوفو
وبعد م الخدم اختفو طلع وبدأ يدور ف كل اوضة
بس بدون فايدة رحيق مش موجودة ولا وائل ودا بيعني ان وائل خدها من هنا
ولسوء حظو جاي ينزل قابلو جمال
=البيه بنفسو دا اي السرور والهنا دا
-نهايتكو مش هتبق ع ايد حد غيري
=مش لما تعرف نهايتك انت الاول
وبدأ يطلع مسدس ويحطو ف وشو
دكتور على متهزش ولا اي تعابير خوف ظهرت عليه بل راح قعد على كنبة كانت موجودة وحط رجل ع رجل
-طب الي علمك تمسك مسدس معلمكش ان لازم السلاح يبق جاهز الاول
بص جمال ع المسدس يتأكد هو جاهز ول لا بس قام عليه دكتور على بسرعة وبحركة ذكية خد منو المسدس وحاوط دراعو على رقبة جمال
وهنا بدأ الكل يتجمع حتى البودي جاردات
=الي بتعملو غلط ي دكتور على غلط كبير اوي
-اموت ف الغلط..
انا عايزك تخرس خالص
بص ع كل الي واقف وشاورلهم بالمسدس
-كل واحد يرمي مسدسو بعيد والا
حط المسدس ع دماغ جمال
-والا هنهي حياتو ف رمشة عين
الكل اتوتر خصوصا ان جمال رئيسهم ف غياب وائل
-والموبايلات كلو يرميها بعيد
بالفعل كلو عمل زي مهو طلب
-دلوقتي زي الشاطر تعرفني وائل راح فين برحيق
=معرفش معرفش وائل بيه مكانش بيعرفني اي حاجة
زعق دكتور على
-انت مفكرني عيل صغير يروح*مك
مش انت ايد وائل اليمين بردو ولا الشمال..!
=ايوا انا ايدو اليمين بس اي عمليات سرية زي كدا مش بيعرف حد بيها
-انا هعد من واحد ل تلاتة ان مقولتليش ف خلال المدة دي ف مش هكتفي بقتلك بس
كل واحد موجود هنا هيموت وهولع ف الفيلا دي بالي فيها سمعت ان والد وائل بيه بانيها بتعبو وشقاه
خرج حد من الواقفين برعب
_انا هقلك هم فين بس
بس رجعني ل عيالي ومتقتلنيش
بصلو جمال وهو بيهز راسو بمعني لا
_انا مش هخاطر بحياتي اكتر ي جمال انا عندي بنت صغيرة ونفسها تتربى ف حضني واعتبرني منسحب من كل اعمالك انت و وائل بيه
بص ل دكتور على
_انا عارف كل حاجة وهقولك
قبل م ينطق زعق جمال
=لو نطقت حرف ي وليد بنتك ومراتك حياتهم هتبق ف خطر
صاب القلق وليد
-متقلقش ي وليد انا جمبك واوعدك ان بنتك ومراتك ف حمايتي ومحدش هيهوب نحيتهم
اوعدك
عرفني مكان رحيق أرجوك
نقل وليد نظراتو بين جمال ودكتور على بتوتر وبيفكر يساند مين
بس افتكر لما حاول قبل كدا يبوح بحاجة تخص وائل بيه من غير قصد وكانت النتيجة خطفو بنتو تلت ايام
ف سكت ورجع ل ورا وابتسم جمال وبص ل دكتور على ب استفزاز
=رجالتنا متربية ع العِشرة بردو
رفع دكتور على المسدس ل فوق وطلق طلقة
-دا آخر تحذير لو معرفتش مكان رحيق ف اقسم بالله ل هحول الفيلا دي بالي فيها رماد ومش هسمي على حد
=أعمل الي تعملو مش هتعرف مكان رحيق أبدا
نجوم اليل اقربلك
خبطوا بطلقة ف رجلو
صوت جمال من الوجع والكل اتوتر اكتر
همس دكتور على ف ودن جمال-اخليك مشلول برجل واحدة ول الاتنين
فضل جمال يزعق من الوجع
وعلى دكتور علي صوتو - مصير كل واحد هنا تحت كلمة من جمال
لو قال مكان رحيق ف هطلِق سراحكو
اما...
اما لو متكلمش ف كل واحد هنا يعتبر نفسو ف اخر دقايق حياتو
الكل اترعب خصوصا بعد الطلقة الي خدها جمال والكل بدأ يهاجمو
وف لحظة قلب الكل ضدو
زعق جمال بوجع
=اسكتووو اسكتو خلااص
-اي رجعت ف كلامك
هتخلي حلمي اقرب من النفس
ول هيفضل ابعد من النجوم ف رأيك
فضل جمال يفكر ازاي يعدي من المأزق دا بس ب دون فايده هو وحيد الوقت حتى الجارد بقو ضدو
فضل ساكت شوية ف دكتور علي صوب المسدس تجاه رجلو التانية
-هاا ناوى تكتفي بالعكاز ول حابب تقعد على كرسي متحرك طول حياتك
اتنهد بوجع هو مش طايق وجع رجل واحدة هيقدر ع الاتنين
=خلااص هقول هقول سيب رجلي ف حالها
ابتسم دكتور على ب انتصار
=وائل بيه خد رحيق الواحات ليه بيت هناك هيقعدو اسبوع وهيتجوز رحيق وبعدها هيسافر
ادالو عنوان البيت بالظبط
ف خلال دقايق الشرطة جت لانهم اكتشفو ان وائل وأعوانو شغالين ف تهريب سلاح وآثار وقبضو ع الجميع
طلع دكتور على وراح ل ماما ف العربية
ماما بصتلو بلهفة=وصلت لايه
ابتسم-وصلنا ل بنتك متقلقيش اول مهمة انتهت فاضل اخر مهمة رحيق ترجع لحضني انا ونتي
بدأو يتحركو تجاه الواحات ووراهم كذا فرد من الشرطة
وصلو الواحات وكان النهار بدأ يطلع
بدأ دكتور على يصحى ماما الي راحت ف النوم
-طنط فاطمة ي طنط
قامت ماما مفزوعة
=رحيق رحيق بنتي
-وصلنا
دقايق ان شاءالله ورحيق هتبق جمبنا
نزلو المكان وكان بيت معزول شوية وبردو عليه حراس كتير
احد رجال الشرطة قال ل دكتور على
_لازم نخش جوا الاول نقبص على وائل وبعدها كل الحراس هيخضعولنا
-طب هنخش ازاي المرادي الحراس ف كل حتة
_متقلقش الحراس الي ورا البيت هخلص عليهم ب مسدس كاتم الصوت الي معايا ومحدش هيسمع اي طلقات رصاص اما الي قدام ف عددهم كبير ولو اطلقنا على واحد التانيين هيسمعو وهيطلقو نار بمسدساتهم الي صوتها عالى ووائل لو سمع ممكن ياخد خطوة جريئة احنا مش قدها او انت بالاخص عشان رحيق..
هز دكتور على دماغو بتفهم وبدأو ف تنفيذ الخطة
وبالفعل قضى الشرطي على الحراس الي ورا البيت واتسللو لجوا
اتكلمو بهمس
_انت هتخش جوا وتلفت انتباه وائل بوجودك ووقتها هنحاصرو ف كل مكان
بس انتبه لانو معاه مسدس
دخل دكتور على وهو بيتسحب لحد ن وصل لاوضة سمع فيها شهقات
وطبعا هو عارف الشهقات دي كويس جدا
دخل ب اندفاع وشافني ايوا انا حالي كان متبهدل زي ميكون وردة دبلانه
فيا بعض الجروح واثار الضرب
اتخض وجري عليا
-رحيق.!!
بصتلو بعيني الحمرا وابتسمت رغم وجعى
/على
جري عليا وحضني ونا اتعلقت بيه زي الغريق الي أتعلق ف قشاية
=جيت لقضاك ي على بيه
قال كدا وائل وهو داخل ومعاه مسدس مصوبو ناحية دكتور على
بصلو دكتور على بعين اول مرة ف حياتي اشوفها
سابني وجري عليه وخد منو المسدس ونزل فيه ضرب زي الغول
المرادي مكنتش قادرة اوقفو او بالاحرى انا مش عايزة اوقفو سيبتو ياخد حقو من حرمانو مني ومن ضربو ليا سيبتو يشفي غليلي وغليلو
وائل اغمى عليه من الضرب ودخلت الشرطة بعد م قبضو على كل الي برا
شالوه من عليه بصعوبة
قال بزعيق-سيبووني اخلص عليه الحي*وان سيبوني اصفى دمو سيبووني
رجعو الشرطي لورا ب ايده
وقالو ب زعيق_اهدى انفعالك مش هيفيد ب حاجة والمحكمة عايزاه عايش ف متدخلش نفسك ف متاهات
بصل ل وائل_الك*لب دا لازم يتربى من الشرطة الاول
-انا مش عايزو يشوف النور
عايز كل يوم يتعذب بكل الوان العذاب لدرجة يطلب منكو تموتوه عشان يرتاح..
شالوه افراد الشرطة وخدوه معاهم
ماما دخلت شافت حالتي قعدت تعيط
=حقك عليا ي نور عيني
بدأت تفتش ف جسمي على الضرب
وقالت بعياط=ازاي قدر يضربك كدا
اتوجعتي قد اي يعيوني اتوجعتي قد اي
عيط واترميت ف حضن ماما ونا بعيط
/خديني من هنا ي ماما خديني من هنا عشان خاطري
مشينا من المكان دا وكل شوية دكتور على يبصلي ويرجع يبص الناحية التانية بخنقة من نفسو ومن الدنيا كلها
نفسو بس يمسك وائل تاني ويفض كل غضبو عليه
ركبني العربية جمب ماما ورا وهو رجع ركب
مشينا ف صمت مفيش
غير صوت الدموع الي نازلة مني بتحكي كل حاجة
بصلي من مراية العربية بعيون غضبانة ممزوجة بالحنية
- ضربك لي ي رحيق
بصتلي ماما عشان اجاوب
بس لسة زي منا شاردة ف نفس المنطقة ف العربية سارحة ب افكاري
وحياتي الي مكانتش عادلة خالص..
وقف دكتور على ونزل
نزلني ونا كنت بتحرك معاه بدون مقاطعة مبقاش عندي طاقة اناهد او اجادل او حتى اعترض
طلب من ماما تستنى ف العربية وماما تفهمتو
خدني عند الكورنيش
بصلي وبص لعيوني الي لسة ما زالت حمرة
-عمل فيكي اي ي رحيق ضربك لي احكيلي
اللحظة دي بدأت افوق وعيط
عيط كتير جدا
-اهدى اهدى انا جمبك وعمر م حد هيأذيكي تاني انت دخلتي حصن حمايتي ي رحيق عمر م حد هيأذي شعرة منك تاني اهدى ي حبيبتي
بصتلو/ضربني كتير ي على
ضربني عشان انا ضعيفة
مش عارفة أدافع عن نفسي
بخاف
بخاف
بخاف
هفضل بخاف لأمتى
لأمتى هتفضل الدنيا بتنهش فيا عشان بخاف
ممكن ترد عليا
كملت بعياط
/نفسي يعلى احس بنفسي وبقيمتها
نفسي الحياة تديني فرصتي عشان اعيش زي اي بنت بتعيش حياتها
طول عمري بتعذب من بابا ولما مشي جه مكانو وائل وكمل مسرتو
كنت بفضل طول عمري خايفة
خايفة من كل حاجة حتى صوت الماية انا بخاف منو ي علي
خلو مني انسانة ضعيفة خلوني من غير قيمة
فضلت اعيط وهو فضل ساكت بيبصلي مستني اكمل واطلع كل الي جوايا مستنيني انهار يمكن ارتاح كدا
-خلصتي
بصيتلو ب استغراب
قرب مني - ينفع تنسي حياتك الي فاتت دي كلها
اعتبري نفسك اتولدتي انهاردة
هعوضك عن كل حاجة فاتت هعوضك عن تعبك واذيتك..،دموعك
هعوضك عن كل حاجة ي رحيق سلميلي حياتك ونا مش هخلي خدك يلمسو الدموع تاني
مسح دموعي - دموعك ي رحيق الي بتاكل ف جسمي لما بشوفهم
لو الحياة مدتكيش فرصتك
اديني انتي فرصتي
هخليكي مش محتاجة اي فرص من اي حد
حتى من الحياة
بصتلو بدموع ممزوجة ب ابتسامة
/انا بحبك
برق للحظة
-انتي قولتي اي
ضحكت على شكلو
/بحبك
دعك عنيه يمكن يستوعب اكتر
/شوفت حجم الصدمة يالي كنت مستهون بصدمتي
- انا..انا مش عارف أقول اي مش عارف ي رحيق
قال اسمي وهو بيعلى صوتو وبص للنيل ناحية السما
وقال ب اعلى صوت- ي ماماااااااا
كان صدى صوتو مسمع ف كل حتة
-انتي سمعتيها زي منا سمعتهاااا صح
لقيتهاااا ي ماماااااا
شبهك ف كل حاجة
لا وبتحبني زي منتي كنتي بتحبيني
بصيت عليه بضحك ونا بعيط من فرحتو
-سعادتي الي كنتي بتتمنيهالي قبل م تمشي انا لقيتها الوقت
لقيتها ي حبيبة قلبي
رجع بصلي
-انتي بالكلمة دي منحتيني سعادة عمري م حلمت بيها
ركبنا العربية ف سعادة لا توصف
................................
طبعا بعد م وائل اتقبض عليه تميم اتسمحلو السفر تاني وجتلو التأشيرة وف اول طيارة كان وصل عندنا
خبط الباب ونا فتحت
صوت
حضني جامد لدرجة انو كان هيدخلني ف ضلوعو
/وحشتني اوي يتميم
كان معاه دكتور على ع ولما شافني حضناه شدني من حضنو بغيرة
-مقدر اشتياقك ليها بس مش كدا ي اخى
_وسع كدا بس عايز ماميتوو
ماما برقت لما سمعت اسم ماميتو وجريت عليه بصويت وحضنتو جامد
=ابني نور عيني نور عيني نور عيني
_ماميتو الي وحشاني اوي اوي اوي
بعد جو الاحضان والسعادة الي غمرت قلوبنا ب مجئ تميم قعدنا ف الصالة بنتكلم والباب خبط تاني
قال تميم بحماس
_مكانكو انا هفتح
راح فتح وكانت سوزي ونور
نور بصت ب صدمة
-تميم...؟!
_انتي..!
-انت جيت امتة
_من ساعة عاملة اي
-الحمدلله ي تميم
سلمو ع بعض ودخلو وقعدتنا كملت
طبعا مخبيش عنكو تميم بيموت ف نور بنت خالتي بس هي متعرفش
..........................................
بعد مرور سنة
وقفت قصاد على
اه على مش دكتور على مهو بقا زوجي بق..
وقفت قصادو ونا مكشرة وساندة ع بطني الي كبرت
بصلي ل فوق
-اؤمري ي قمر القمرات
كشرت زيادة/مهو مبقتش قمر القمرات ولا حتى جميلة الجميلات زي م بتقولي
قام وقف - لي
عيوني دمعت/هدومي ي على كلها بقت ضيقة انا تخنت
-مين قالك ي روحي ان انتي تخنتي
دهو بس عقبال م تولدي هترجعي زي الاول
هي طبيعي تضيق عشان بطنك الي بتكبر كل شهر يروحي بس دا مش معناه انك تخنتي
/لا انا تخنت بطني مكبرتش اوي
-صدقيني متخنتيش والله انتي عودك لسة تحفة زي م هو
عيط/لا انا تخنت ومناخيري كبرت وشكلي بقى وحش ونت هتتجوز عليا
برق عينو بصدمة - اتجوز عليكي.. ؟!
هزيت راسي بطفولية
- انتي بتجيبي الكلام دا منين
/الفيس
-قولي كدا..
ي حبيبة قلبي معقول هسيب القمر دا واروح اتجوز عليه دنا ابق غبي واهبل وعبيط
/هم قالو ان الواحدة لما بتحمل وشكلها بيبق وحش جوزها يبقرف منها وبيروح يتجوز غيرها
خبط كف بكف
-لا حول ولا قوة الا بالله مهو الي هيتجوزها دي لما تحمل وشكلها يبق وحش هيروح يتجوز تاني.؟!
مين المتخلف الي قال كدا
/واحدة ع الفيس
- ي حبيبة قلبي دول ناس هبلة مش بتثق ف ازواجهم ملناش دعوة بيهم
الي بيحب حد بيتقبل كل عيوبو دا لو كان فيه
اما آنتي ما شاء الله ولا عيب فيكي حتى ف حملك قمر زي منتي بل كمان احلويتي
بصتلو بفرحة/بجد
-ايوا يروح قلبي
/حيث كدا بق هقوم أعمل أحلى صنية بشاميل
وقومت اجري
- صبرني ي رب لحد م تولد بالسلامة عشان انا ع الحال دا هاخدلي اوضة ف ابو العزايم
مرت باقي الشهور وجه اليوم الي كنت مرعوبة منو من بداية حملى
/انا خايفة ي على مش عايزة اولد
-يروحي مال بنوتتنا القمر هتيجي منين
قال تميم وهو جاي علينا
_نزلوها بلوتوث
/تميم قولو اني مش عايزة اولد ونبي
بصلو علي-اتكلم انت ي تميم بق
قرب مني تميم_يروح قلبي دي عملية بسيطة خالص مش هتحسي بيها
بصتلو بتوتر/انت جربت قبل كدا..؟!
ضحك على بصوتو كلو وبصلو تميم ب نرفزة ورجع بصلي
_اعتبريني جربت وبقلك سهلة متقلقيش
/طيب ي تميم لو اتوجعت والله هقوم افرم دماغك
_عيب عليكي
اتقدم تميم ناحية على الي كان بيضحك
_اضحك يخويا اضحك
بدأو الممرضات ياخدوني غرفة العمليات وسط توترنا كلنا
/علي خش معايا
-لا يروحي ملهوش لزوم هتولدي واوعدك هخش اول م تولدي علطول
/لا خش معايا عشان خاطري لو مدخلتش معايا مش هولد
بصت احد الممرضات ب ابتسامة-ادخل معاها حضرتك
هتكون داعم كبير ليها ويمكن متحسش بالولادة ابدا ف وجودك
مع اصرار الكل دخل بس هو مكانش عايز يشوفني ف الحالة دي أبدا
دخل وخدت البينج وبدأت العملية
بعد فترة سمعنا صوت بكاء
/علي...علي دي بنتنا صح
بصلي على وهو بيحسس على دماغي ولابس الكمامة
-ايوا هي نورت حياتنا ي رحيقة
/قولو هاتها اشوفها
بالفعل جابوها جمبي وبوستها
ف اللحظة دي محستش ب اي حد معانا ف الاوضة غيري انا وهي بوستها تاني بدموع
قد اي صغنونة وجميلة
بصيت ل على الي عيونو كانت بتدلق حب
/بص ي علي صغنونة خالص
- ايوا ي روحي
خدوها مني وكشرت
/خدوها ي علي قلهم يجيبوها هم واخدينها فين
طمنى علي/لسة يدوب مولودة من دقايق بياخدوها يقلبي ويفحصوها ويوزنوها
هزيت راسي وغمضت عيني وروحت ف النوم من التعب
طلع علي ب بنوتي وهو شايلها ومبسوط بيها
ماما جريت عليه وسمت الله وقعدت تقول ما شاء الله وهي شايلاها وفرحانة بيها
قرب تميم ل علي وحضنو_مبروك ي وحش تتربى ف عزك
ضحك علي-مش هتبطل تقولي ي وحش
_ابسلوتلي يبني من ساعة م حكولي الي حصل وازاي أنقذت رحيق ونا تخيلتك وحش
ضحكو الاتنين وراح تميم ل ماما وخد منها البنوتة
باسها وقال_حبيبة قلب خالو وروحو من جوا
بص ل نور
_اتجدعني بق عايز واحدة زيها
ضحكت نور وهي بتشيلها منو- هتجدعن حاضر هاتها بس
شالتها وكانت فرحانة بيها خالص هي وسوزي
خدوني ع الاوضة بتاعتي العادية وكلو دخلي واطمن عليا
قرب مني علي وباس جبيني
-مبروك علينا ريناد وحمدلله ع سلامتك ي حياتي
/سميتها ريناد
هز راسو ونا قولت بفرحة/انا بحب الاسم دا اوي عرفت منين
غمزلي-قلبي عندك
افتكرت لما قالي قلبي عندك آخر مرة وكنت متخلفة ومفهمتهوش بس المرادي فاهمة وفاهمة اوي كمان
ابتسمت ب ارتياح وكنت هنام بس
فوقت ع صوت ماما وتميم بيتخانقو مين يشيل ريناد
_ي ماما ي حبيبتي هشيلها شوية وخديها
=اسمع ياض انت انا هشيلها وبعدين مش بتعرف تتعامل معاهم انت مش شايف شايل البت ازاي هاات
بصتلهم بتعب
/عايزة أنام شوية أرجوكو بطلو صداع انتو مش عيال صغيرة
بصولي وفضلت ريناد مع خالها
وماما بصتلو بغيظ وهو بصلها ب انتصار ف وسط ضحكنا على شكلهم
.................................
مر ٣ شهور
كنت داخلة اطمن ع رينو بنتي لقيت باباها نايم ورينو نايمه ع صدرو وهو حاطط دراعة ورا راسو
قربت منهم ونا بطلب من ربنا يحميهملي لاخر العمر
قربت منهم ببطئ وشيلت ايد علي الي كانت تحت راسو ونمت عليها واتخبيت ف حضنو وحطيت ايدي ع بنوتي
فتح عينو وبصلي وقرب باسني من راسي
وهمسلي-بحبك
بصتلو بحب الدنيا كلها ف عيني/مش قدي ي ابو الفصاد
وخلصت حكايتي انا وابو الفصاد
بس حكايات كتير ف الحياة مبنيه ع الحب مش بتخلص بل بتعيش وبتمد جذورها ف ارض الحياة وبتدوم طول العمر♥️
تمت♥️👀
يتبع الفصل كاملا اضغط هنا ملحوظه اكتب في جوجل "رواية ليه لا دليل الروايات" لكي تظهر لك كاملة
•تابع الفصل التالي "رواية ليه لا" اضغط على اسم الرواية