رواية ما لا يقال الفصل الثامن 8 - بقلم رضوى وليد
دخلت ولعنت حظها لما شافته
لقيت حسن قاعد عنـد كـاونتر الاستقبال الجانبي للمشروبات
اتوترت وقالت انها هتدخل الحمام بس قررت تبقي قدام الناس واتحركت بعيد
حسن اول مشافها وقف من مكانه تلقائيا وقال
:اوووف ايوا بقي.. ده اللي كان ناقصني بجد
بعد مشافها وهي بتتحرك سند دراعه وقال
:يارب تكون لوحدها او حتي مع صحابها
مــافقش من تفكيره غير علي صوت صاحبه وهو بيقوله
؛انت يعم قاعد بتعمل ايه هنا واحنا مستنينك برا.. يلا تعالي
_____________________
( ريم قررت مع نفسها انها مش هتنشغل بموضوع حسن و مش هتنكد علي نفسها بسببه وانها كمان مش هتقول لكريم انها شافته )
قالت لكريم
-انا مش قادره عايزه انااام
كريم
=وانا كمان
-ننام بتاع ساعتين كدا ولما نصحي نشوف ايه الدنيا
___________
فـ مطبخ جانبي صغير مخصص لتجهيز الخضروات
قالت نهي (اللي كانت زميله كريم فـ الشركه )
:بقولك شوفته بعينييي..الحمدلله يارب استجاب دعوتي
ردت ميادة (صاحبة نهي)
: يبنتي انتي مش قولتي قبل كدا انه متجوز
:آه… بس مش مهم، أنا شايفة الفرصة كويسة.. أتعرف عليه أكتر
مياده :طب ما ممكن يكون جايب مراته معاه
:لا شوفته لوحده نازل من العربيه مكنش معاه حد اكيد جاي ف شغل او عايز ريح منها
مياده؛
اه كل ده استنتجتي من لحظه شوفتيه فيها
ام نهي؛ حلو يبت؟؟!
نهي:حلو بس.. ده قمرر اه لو شوفتوا.. ولا لو شوفتوا ضحكته ولا عضلاته من هنا لبكرا مش هخلص كلام عنه
ميادة
: حلو ولا مش حلو هتعملوا اي يعني...الراجل متجووز
ام نهي:طب وفيها اييه
مياده سابت اللي فأديها وقامت وهي بتقول فـ نفسها
( دول مجانين )
_________________
الساعه 10 مساء>>
قالت ريم وهي بتصحي كريم
-الحق يكريم الساعه 10، الليل جه
كريم
=طب وفيها ايه يحبيبتي.. لسا معانا ايام تاني متقلقيش
-يووو.. طب قوم عشان نلحق نعمل ايه حاجه، ننزل البارتي اللي بدأت من ساعه
قال بنعس
=بلاش حفلات انهارده
-اومال هنعمل ايه هنقضيها نوم
=....
-قوم يكسول!
قال وهو بيقوم
=طيب ننزل ناكل وبعدها نقعد قدام البحر شوية
_______________
نهي كانت واقفه فـ مكان بتراقب كريم من بعيد
وبتعيط بحرقههه لما شافت كريم بيهزر مع مراته وبيرموا الميه علي بعض وقد ايه بيحبهاا
مياده
:يعني انتي ينهي ملقتيش غير راجل متجوز وتقعي فيه الوقعه دي؟؟
سكتت نهي شويه وقالت وهي بتبصلهم من بعيد
:كمان جيبها وجاي عشان يحرق دميي
ميادة
؛انتي اللي غلطانه يـنهي
قالت نهي وهي بتتجاهل كلام ميادة
:اللي منرفزني...
كملت بعياط وهي بتسند راسها علي كتف ميادة
:ان شكلهم حلو اووي
سوزان(ام نهي) كانت واقفه علي مقربة منهم قلبها واجعها لما شافت بنتها بالحاله دي وقد ايه بتحبه، ومشيت بهدوء قبل ما حد فيهم يلاحظ وجودها
_______________
-الميه تحفه يكريم وبارده
(كانو واقفين علي اول البحر يدوب رجليهم اللي وصلالهم الميه والدنيا هاديه ومكنش فيه ناس كتير وضوء القمر <تحفه> كأنوا فوقيهم.... ♡♡)
قالت ريم
-تعالي نتصور
=يلا
-يلا بقي صورني لوحديي
-صورني كدا
-ات يدك بس وصورني
-بـيين البحر يكريم
-يلا تعالي اصورك انت لوحدك
بعد دقايق التصوير قال كريم
=سيبك من الصور وتعالي نقعد
وهما قاعدين علي الرمل مسافه كويسه بينهم وبين البحر حبت ريـم تكسـر الصمت وقالت>>
-مبسوطه اوي
=يارب دايما روحـي
-كريم فاكر اول مرا شوفـتنـي فيها
=اكيد
قالت وهي بتاخد نفس عميق
-احلي صدفه
=تعرفي ان ايام الجامعه احلي ايام حياتي
قالت ريم بسرعه
-لانك عرفتني فيـها صـح؟؟!!
قال كريم
=لا خالـص.. احلي ايـام حياتـي لانـى دخلت الكليه اللي كنـت بحـلم بيـها
ريم وهي بتبصله برفعه حاجب
-يشيـخ.. طب انا قايـمه....
قاطعها كريم بضحك وهو ماسك فيها
=بهزر بهزر
-طب اومـال ايه
=انتي قولتـيها
-طـب يـلا كمـل كلامـك
=بالرغم من اختلاف كلياتنا،الا ان الصدف جمعتني بأحلـى دكـتورة في الدنيـا..
من أيام الجامـعة لحد دلوقتـي، محـدش قدر يوصل لمكانتـك في قلبي.
-يعنـي يكريم مش هيجـي يـوم وتلعن الساعه اللي عرفتـني فيـه
كملت
-يـارب لا
=يبنتي انتي مُصره تبوظـي اللحظه ليه
قالت بأحراج
-بدعي بس
=عامة يستي لاا..،..
ده انا بحمد ربنا انك فحياتي ومراتي وحبيبتي وكل حاجه ليا اي حاجه تاني مش مهم
احنا مش حُب يومين برضو
-انا كمان يكريم بشكر الايام اللي جمعتني بيك حد جدع وحنين وجمييل ...، متحضر كدا، يعتمد عليك... انت عظيم يكريم
ياريت الرجاله كلها تبقي زيك
قال بهزار
=اه والله ياريت..، كان زمان الستات كلها مبسوطة مش منكدة
قالت ريم وهي بتبصله ببرود
-بطل غرور.. انا اقول انت متقولش،. بعد كدا قصدك اييه
=انا راجل عظيم زي مابتقولي يريم عشان انتي مراتي..
قالت وهي بتحط اديها علي قلبيها
-اوووف جت فـ قلبـي دي
قال وهو بيخدها فحضنه
=اصملة (اسم الله) علي قلبك
____________
تاني يوم الساعه 9 صباحاً
=يلا يريم بقي خلصييي ساعه بتجهزي؟؟
قالت وهي بتقوم من قدام المرايه
-خلصت اهو متحمسه جدااا اشوف المفاجأه
=يلا بينا هتعجبك جداا
_________________
قالت ريم وهي باصه قدامها بفرحـه
-يختتتت تعرف من امتي
مطلعتش علي يخت بسبب اخر مرا
=عشان كدا عملتهالك مفاجأه
...اي خدمة
قالت وهي بتبوسه فخده بسرعه
-بحبك يأحلي كريييم
...................
فــ اليخت
-انا خايفه انك تتوهناااا كنت جبت الراجل معانا
قال وهو بيوسع عينه
=مش واثقه فـ جوزك
-اكييييد يحبييبيي...لا
=حبيبتي انا حافظ البحر اكتر من بـيتنا
-ربنا يستر
...................
-طب ايه مش هتاكلنا سمك
=لسا هقولك.....يلا نبدا نصتاد
-يلا بينا
__________________
فـ اوضه ميادة
:ينهي متعمليش فنفسك كدا حبيبتي انتي عاقله وجميله ماشاء الله ولولا الظروف اللي حصلت كان زمانك مكمله تعليمك وفـ احسن شركه دلوقتي بس برضو متعلمه تعليم عالي يعني اي حد يتمناكي بلاش كريم وفكري فنفسك
:مش بأيدي يميادة انا لقيتني فجأة بحبو وبفكر فيه كتير ومش سهل ان انساه انا اشتغلت معاه حبة حلوين برضو...، ايوا مكنش شايفني بس كفايه عليا كنت بشوفه كل يوم
ميادة
:مفهاش حاجه لو نبدا من جديد ونحب نفسنا واللي بيحبنا
________________
-بقالنا ساعه ومصتدناش حاجه في ايه
=يبنتي الصبر اهم حاجه الصبر
قالت وهي بترجع راسها لورا
-انا زهقتتتتت
قال وهو بيبص قدامه
=ياربي...جايب طفله معايا
قالت بملل
-الصيد ده طلع ملل بطريقه..!!
قامت وهي بتقول
-انا هعرف اكسر الممل ده
قامت وجابت اللابتوب وشغلت الاغنيه المفضله ليها وبدأت تغني بصوت عالي
كريم بضحك
=مجنونه
ريم وهي بتشده من دراعه
-يعم قوم وسيبها لحد مالسمكه تمسك فـ الصناره
رقصوا وغنوا بصوت عالي، وانبساطهم باين في كل حركة. كريم ماسك إيد ريم، وكرروا الرقصة المفضله ليهم من فيلمهم المفضل وسط ضحك وفرحة ماليا المكان>>>>
...............
بعد ساعه :
-امممم شبعت جدااااا تسلم ايدك بجد
=بالهنا والشفا يروحي
-يلا هتعرف تروحنا قبل الليل مايجي
=يبنتي طب اهدي شويه مستعجله علي ايه
-البحر بيبقي مرعب بالليل
=معاكي حق
____________
الساعه 10مساء
كريم قال وهو بيوقفها من دراعها
=انا قولت يلا مش هنقعد دقيقه زياده هنا يلا
-يكريم لو مشينا فالليل ده ..وبالعصبيه اللي انت فيها دي ممكن نعمل حدثه او ما شابه بالله اهدي والصبح بدري نروح.. حتي لو بعد الفجر نمشي
=مش هعيد كلامي تاني يلاا
-يكريم بقيي
=هنخرج دلوقتي نعمل تشيك اوت
-برضو يكريم مافيش فايده فيك
كان لسا هيتكلم بس فونه رن قعد كذا ثانيه باصص فـ الفون ريم استغربت منه وقالت
-ف أيه.. مين بيرن
مردش عليها.. شافته وهو بيتحرك ببرود متجه لخارج الفندوق ريم مشيت وراه لقيته بيبعد عن الفندوق ووقف فشارع هادي وبدا يتكلم فـ الشغل مع اللي فـ الفون بعصبيه
قعد كذا دقيقه بيتكلم خلص وريم بصتله وقالتله
-في اييه؟؟
=ادخلي استنيني فـ الرسيبشن جوا وانا هعمل مكالمه وجاي يـلا
-طب في حاجه؟؟!
=قولت يـلا
__________________
كريم خلص مكلماته وماشي للفندوق وشاف المشهد اللي عمره مكان يتصوره فالحظه دي
"حسـن ماسك دراع ريم بعنف "
يتبع...
•تابع الفصل التالي "رواية ما لا يقال" اضغط على اسم الرواية