رواية ليه لا الفصل السابع 7 - بقلم ميرنا عمار
وصلنا انا ووائل البيت
وايوا زي م سمعتو دا وائل خطيبي السابق مع الاحداث هتفهمو كل حاجة
رنيت الجرز وماما فتحت واتفاجئت
=انت..!
-حماتي الي وحشاني موت
قال كدا وهو داخل الشقة قعد ع الانتريه وحط رجل ع رجل
-تعالى يحماتي تعالى وهاتي العروسة معاد فرحنا المفروض يتحدد
ماما دخلت بخوف وهي ماسكاني
وقالت بدموع=أرجوك سيبها عشان خاطري عارفة ان اتأخرنا ف الدفع المرادي بس والله مش ب ايدي اوعدك اني هرجعلك كل حاجة بس أبعد عن بنتي عشان خاطري
قام وقف وقربلنا وبص =خلص الوقت ومعاه خلصت الفرص..،بنتك تلزمني الوقت ف حددي معاد الفرح والا بنتك هتكون اتعس انسانة ف الكون
-اديني آخر فرصة
مسك ماما من طرحتها وقربها من وشو وماما صوتت
=ايديتكو فرص قد اي هاا ردي عليا
/سيبها سيبها أرجوك وهنفذ كل الي هتقولو وهنتجوز أرجوك سيبها عشان خاطري
سابها ورجع قعد مكانو وولع سيجارة
=تمام اخر الشهر
بصيتلو بدموع/اي
=هنتجوز يروحي اخر الشهر
هزيت راسي بعياط
=يالا جهزو شنطكو
/لي
=هتقعدو معايا لحد الفرح يقطة انتي وهي
قالت ماما بتوتر- خلينا هنا
زعق=مش هعيد كلامي يالا
مشينا انا وماما من قدامو بسرعة
...................
نروح ل دكتور على الي راح بيتو وبدأ يلم هدومو وخد قرار ان يرجع ل موطنو القديم حيث وُلِد
اما عني انا وماما ف خضعنا لقرارو ولمينا هدومنا ومشينا معاه ف صمت وكسر كل خطوطنا القديمة ومشي بينا لمصيرنا المحتوم
................................
مر اسبوع ونور وسوزي لاحظو اختفائي وحاولو يتواصلو معايا او مع ماما بس بدون اي فايدة
وكمان لاحظو اختفاء دكتور على ولما سألو كانت الاجابة انو رجع ل موطنو القديم واستقال من الشغل
"وبعدين ي نور دول اختفو زي الملح الي داب ف الماية
-مش عارفة ي سوزي مش عارفة استني هرن على دكتور على أكيد يعرف حاجة
وبالفعل رنت
-الو
_ايوا مين!؟
-دكتور على انا.. انا نور
دكتور على بتركيز _نور مين
-نور بنت خالة رحيق
اتنهد دكتور على_عايزة اي ي نور
استغربت نور نبرتو الحادة ف الكلام
-متعرفش حاجة عن رحيق! ؟
_لا ينور معرفش حاجة عنها عن اذنك هقفل
وقفل الخط قبل م نور تتكلم
"ها قالك اي
-ميعرفش وقفل هو في اي انا مش فاهمة اي حاجة
" ولا انا ي نور لما سألنا الجيران قالو انهم شافوهم بيركبوا عربية ومعاهم شنطهم وماشيين
-طب راحو فين هتجن
نيجي لينا انا وماما
في جنينة كبيرة وف وسطها بيت أشبه ما يكون للفيلا بس على صغير قاعدين انا وماما ف الاوضة الي اتحبسنا فيها من يوم م جينا يدوب باب الاوضة بيتفتح وقت الاكل
حضنت ماما ونا بعيط
/انا كسرت قلبو ي ماما كسرتو
=اهدي ي قلب أمك اهدي على لو عرف الحقيقة هييجي وينقذنا واثقة
بصيتلها/ومين هيقولو مين هيعرفو بالي احنا فيه وائل مانعنا نشوف حتى أشعة الشمس هنوصلو ازاي ي ماما هنوصلو ازاي
قالت ماما بندم=منو لله ابوكي هو السبب ف كل دا حسبي الله ونعم الوكيل فيه وف اشباهو
فضلنا انا وماما نعيط ف صمت ع الحال الي وصلنا ليه
الباب اتفتح دخل بخطوتو الي من ساعة م عرفتو بترعب منها
=أتمنى تكونو مبسوطين معانا
قرب مني
=مينفعش عروستي يعني تبق زعلانة قبل فرحها
/لي بتعمل كدا
بصلي بنظرة شر=اوعى تسأليني انا السؤال دا
اسألي والد حضرتك لي وصلكو للمرحلة دي
اتنهد وقام=ع العموم مجرد م اتجوزك هطلِق سراح فطومتك اما انتي ي حلوة
ف هنسافر ونعيش شهر عسلنا
قال اخر كلمتين وهو بيغمزلي
/سيب ماما معانا هتروح فين من غيري
=شئ ميخصنيش بس لو عايزاها معانا مش همانع طبعا
/ايوا أرجوك خليها معايا
=بس عندي شرط
/اي هو
=الست الوالدة هتعيش طول عمرها خدامة تحت رجلي انا ونتي وفوق دا كلو هتبات ف المخزن ونتي هتقاطعيها تماما
/انت بتخرف تقول اي
=دا الي عندي يالا اسيبكو تفكرو
واه طلبت ناس من البيوتي سنتر ييجو يظبطوكي مهو مش معقول هتجوزك بالشكل دا لازم تبقي جاهزة كليا عشان تبقي ملكي..
ضحك ومشي وقفل الباب
/هسيبك عند خالتو ي ماما
=اياكي تنطقي هاجي معاكي
/لا ي ماما مستحيل هتروحي عند خالتو وتعيشي معاها ونا هطمن عليكي كل فترة
=مستحيل اسيبك مع الشيطان دا لوحدك مستحيل لا
مسكتها من كتفها وقلتلها بعياط /ارجوكي ي ماما عشان خاطر بنتك الي بتحبك وبتعشقك وبتكره تشوف دمعة منك او تشوفك تعبانة
متجيش معايا خليكي هنا وخليكي واثقة ان بنتك هتفضل قوية لاخر نفس فيها ومستحيل تسمح لاي حد يذلها او يذل فطومتها
ماما حضنتني وفضلنا نعيط على مستقبلنا الي مستنينا
انا بحب فطومة لأبعد درجة
بحبها لدرجة اني مستعدة ابعد عنها لاخر عمري مقابل مشوفهاش مذلولة او متهانة
..........................
ف أحد البيوت الريفية الي بيحاوطها الغيطان من كل الاتجاهات
قاعد أحد المسنين وعلى رجلو حفيدو الي قاعد ع الارض وحاطط راسو على رجل جدو
اتكلم بدموع بتنزل منو-كنت اتمنى يجدو الاقي حد زي ماما...ولما لقيتها
كانت شبها اوي ضحكتها..،جنونها..، عصبيتها..، حتى ملامحها
حبيتها اوي يجدو
قال جده وهو بيحسس على شعرو
_على قد م الحب جميل على قد مهو قاسي
بيظهرلك جمال الوردة وبتنجذب ليها
ولما تكتشف انك غرست ايدك ف الشوك عشان تقطفها بيبق فات الاوان وبتتجرح
مش نصيبك ي علي يبني والي مش من نصيبنا
زعلنا عليه ملهوش لازمة
قال دكتور على وهو لسة بنفس الوضع-طب وقلبي
_هيتعافى مع الوقت
زي م الجرح بيتلم جرح القلوب بيتلم
فرق الوقت الي بيتلم فيه
قام من على رجل جده وبصلو-صعب..،صعب ي جدو التعافى من حبها صعب
_لي يبني لي مستنتش تسمع منها
-اسمع اي يجدو بقلك طردتني من حياتها علني وقالت بكل بجاحة ان البأف الي كان معاها يبق خطيبها
بصلو جده _ودموعها
افتكر دكتور على ان عيني كلها كانت دموع ونا بقولو ان وائل يبق خطيبي
اتنهد دكتور على - ميغفرلهاش الي قالتو
كمل وهو قايم-عن اذنك ي جدو
ياخد قلبي الوقت الي ياخدو عشان يتعافى بس باقي أعضاء جسمي لسة سليمة انا رايح المزرعة اكمل عنك الي كنت بتعملو
مشي دكتور على وابتسم جدو
-مش بالسهولة دي ي إبن الغالية عمرها م هتطلع من قلبك
راح دكتور على وهو بيباشر عملو ف مزرعة جدو كانت عبارة عن أقسام كل قسم بيطلع فاكهة معينة وفي قسم معين لأكل المعزتين بتوع جدو
ف وسط مهو بيزرع بذور الفُل افتكر كل ذكرا بيني وبينو شقاوتي وجناني و عصبيتي حتى غيرتي من علياء والبنتين الي كانو بيعاكسوه وهو ماشي جمبي
ضحك لما إفتكر ردي وقتها بس لما آخر مشهد بينا اتعاد ف ذاكرتو اختفت ضحكتو
-هنساكي ي رحيق هنساكي صدقيني وهنسى اي ذكرى بتفكرني بيكي
..........................
نيجي ليا
وائل دخل علينا تاني عشان يبلغني ان بنات البيوتي سنتر وصلو
وقربلي بتهديد
=ان لعبتي بديلك ي رحيق ف صدقيني هوصل فطومتك ل مرحلة انتي مش هتتمنيها لالد اعدائك
هزيت راسي بخوف وهو طلع
دخلو البنات وكانو بنتين بس بدأو يفردو حاجتهم عشان يبدأو شغل
ف وسط م كانو مندمجين ماما بصت ع الكومود لقت فون واحدة منهم كان واضح عليه انو موبايل الشغل اتسحبت من ضهرهم وخدت الفون من غير م يحسو
قالت ماما بشبه توتر=عن اذنكو انا داخلة الحمام
دخلت ماما وحاولت تفتح الفون ولحسن الحظ انو كان سحب مش معمولو اي باسوردات
بدأت تكتب رقم نور بتوتر وهي بتبص على باب الحمام ورنت
مردتش اول مرة ولا تاني مرة بس ردت ف التالتة
-الو
قالت ماما بهمس=ايوا ي نور ي بنتي
شهقت نور بصدمة-خالتو انتو فين روحتي فين آنتي و رحيق أنا حاولت أتواصل معاكو كتير بس كان من غير فايدة طمنيني عليكو
=انقذي رحيق ي نور
قالت بخوف -مالها رحيق
=وائل رجع وخدنا ي نور وناوي يتجوز رحيق غصب عنها ارجوكي ي نور اتصرفي
-أهدى أهدى ي خالتو انتو فين
=معرفش يبنتي معرفش كل الي اعرفو ان رحيق بنتي حياتها ف خطر روحي ل على بلغيه ارجوكي يلحق بنتي ارجوكي ي نور
اتفتح الباب ع ماما وكان وائل
ماما صوتت وهو دخل شدها من طرحتها
=بتخُميني يبنت الك*لب مفكرة اني مش هعرف
صوت وجريت عليه/سيبها ونبي سيبها عشان خاطري
شد شعرها اكتر وماما صوتها كان بيعلى من الوجع
=كلمتي مين ها عرفتي مين بمكانك قولي
/سيبها أرجوك سيبها عشان خاطري أرجوك أرجوك سيبها
زقها جامد وبصلي=حان وقتي ان اطلق سراح امك لانها بتمثل خطر عليا وهاخدك انتي لمكان محدش عارفو ابدا
اتقدم ناحية ماما الي كانت بتعيط=اما انتي ف اوعدك انك مش هتشوفي بنتك تاني أبدا
هخليكي تحلمي تبصيلها بصة بس من بعيد
وجاي يطلع ماما جريت عليه بعياط ومسكت رجلو
-لا ونبي لاا الا بنتي متبعدنيش عن بنتي
انا اسفة انا اسفة والله مش هتتكرر خدني معاها واوعدك عمري م هغلط ابدا بس متبعدنيش عنها
زقها برجلو ومشي
طبعا بنات البيوتي سنتر مشيو بعد م خدو الفون ونا وماما حضنا بعض بعياط
/لي عملتي كدا ي ماما
=مقدرش أشوفك ف الحالة دي واسكت انا اسفة ينور عيني
فضلنا نعيط ع سوء الموقف الي بقينا فيه
مر الوقت وجهز وائل الشنط وجالنا
مسك ماما من أيديها وشدها ومشي بيها
انا جريت وراهم ونا بعيط
/سيبها ي وائل معايا مقدرش من غيرها أرجوك
فضلت اتحايل عليه طول الطريق الي مشي فيه بس بدون فايدة
بعدها حط ماما ف عربية وقال حاجة للسواق وخلاه يمشي
صوت/لااا ماما واخدها فيين سيبها أرجوك
قعدت ع الارض ونا بعيط
/أرجوك سيبهاااا
شدني ودخلني جوا وبدأ يستعد عشان ياخدني ع المكان المجهول الي هيتدمر فيه حياتي
بعد المكالمة دي نور اترعبت خصوصا لما سمعت صوت صويت قبل م يتقفل الخط عليها
قعدت تعيط ومش عارفة تعمل اي
رنت ع سوزي وبلغتها بالي حصل وسوزي جتلها فورا
"هنوصلها ازاي
-مش عارفة ي سوزي خالتو كانت بتصوت لما وائل شاف الفون معاها انا مش فاهمة في اي ووائل بيعمل معاهم كدا لي.. احنا لازم نوصل لدكتور على فورا
............
العربية الي كانت فيها ماما نزلتها عند مكان غريب متعرفهوش
=استني استني عرفني انا فين طيب
بصلها السواق ومردش عليها ومشي
وائل كان دارس كل حاجة وداها مكان متعرفهوش عشان متعرفش ترجع بيتها
فضلت ماشية كان المكان عبارة عن أراضي زراعية نادرا لو فيه بيت
فضلت ماشية فترة لحد م تعبت
قعدت وهي بتعيط ومش عارفة تعمل اي او توصل ل بيتها ازاي
نروح ل دكتور على الي كان قاعد برا البيت معاه كتاب وقهوة وقاعد بيقرا فيه
-على يبني
بص علي ع جدو الي كان ماسك العكاز وطالع عندو
قام على راحلو
_تعالى ي جدو
مسك ايدو ومشاه لحد م قعدو جمبو
_جيت ليه مش قلتلك ارتاح انت بق
-أكلت المعزتين
_ايوا ي جدو وزرعت الفل عشان عارفك بتحبو
هز جده راسو وهو بيبص حواليه
لاحظ واحدة ماشية بس بعيد عنهم شوية وواضح عليها جدا انها تايهة من طريقة مشيها
-مين دي
بص ع جدو وهو بيشرب القهوة
_مين
جده شاورلو ع الست الي ماشية
بدأ دكتور على يضيق عينو بس بعد المسافة مش مخلياه شايف غير جسمها الي بيتحرك
رجع يشرب دكتور على القهوة_أكيد صاحبة ارض من الاراضي دي يجدو متشغلش بالك
رجع جده راسو وهو بيهزها
-يمكن
_قولي ي جدو تحب تاكل اي
-والله يبني الي ييجي من أيدك زي الفل
قال بتكبر_منا طباخ زماني طبعا
ضحك جده-مش قدي ي ولد انا لو بصحتي كنت وريتك الطبخ على اصولو
ضحكو مع بعض لحد م قاطع ضحكهم صوت صراخ
بصو ل مصدره لقوها نفس الست الي كانت ماشية وتوقعو انها صاحبة احد الاراضي
قام دكتور على_خليك مكانك ي جدو انا هروح أشوف في اي
جري دكتور على نحيتها ولما قرب كانت الست قاعدة بضهرها بتعيط برجلها
قرب منها ببطئ
_انتي مين
لفتلو وشها الي كلو دموع وهو اتصدم
ايوا هي ماما
حاول يستوعب هي وصلت هنا ازاي ف جري عليها
_طنط فاطمة اي وصلك هنا وبتصرخي لي
قالت ماما بعياط=بنتي أنقذ بنتي ي على عشان خاطري
قال ببعض التوتر لما شاف حالة ماما_مالها
=وائل هياخدها لمكان محدش يعرفو هيبعد بنتي عني ي على هيبعدها ونا مقدرش من غيرها عشان خاطري رجعهالي
_اهدي بس اهدي هي فين رحيق
=مش عارفة مش عارفة
قرب منها ووقفها وسندها لان رجلها اتجرحت ف حاجة
_تعالى بس معايا اطهرلك جرحك واحكيلي اي ال حصل
خدها ووصلها عند جده ف بصله ب استغراب
-مين دي يبني
رجع بصلها
-انتي بخير يبنتي
_هفهمك كل حاجة يجدو بس لازم اداوي جرحها الاول
خدها لجوا وقعدها وجبلها بيتادين وطهر جرحها ودموعها مبطلتش
بصلها بعد م خلص الجرح_ممكن بق تهدي وتفهميني اي الي حصل وفين رحيق وازاي وصلتي لهنا
بدأت ماما تحكيلو كل حاجة حصلت كل حاجة
=كلو بسبب ابوها
لما كنا ف العمارة القديمة ايام لما كنت لسة على ذمة خالد جوزي كان جارنا واحد اسمو وائل خالد بيحبو جدا وبيعزو اوي وكان مقرر وائل هيكون الاختيار ل بنتي ك زوج مستقبلي
رحيق رفضت بس هو ضربها وغصب عليها انها تتجوزو
وف مرة سمعت صوت زعيق طلعت لقيتو هو ووائل شادين ف بعض وبيزعقو وخالد مسك وائل ضربو ف وائل رد الضربة ونا جريت اسلكهم وسكان العمارة معايا
بعد م هديو وائل قالو ان لو مرجعلهوش حقو ف هيندمو وهيخلي عيشتو مرار
خالد خاف م تهديدو وسألتو كتير يقصد اي بحقو بس مكانش بيرد عليا
وف مرة رجع خالد كان مضروب صوت وجريت عليها افهم منو بس زقني وجري لم هدومو وطلقني ومشي
مشي بليل وكان بيتسحب عشان محدش يشوفو
مفهمتش مشي لي وقعدت اعيط انا ورحيق على حالنا
بعد فترة جه وائل وعرفنا ان خالد واخد منو قرض بقيمة مليون جنيه وماضي على ربا انو بدل م يرجعلو مليون هيرجعلو مليونين ونص طلب وائل مننا نسددو بس رفضنا ف هددني ببنتي والشيكات الي كان مضيها خالد ونا مقدرتش ف كنت كل شهر ادفعلو مبلغ
ولما زهق وطلب المبلغ ونا رفضت قرر انو يتجوز بنتي غصب عنها وكانت رحيق ف تانية جامعة وفعلا اتخطبو ونا مقدرتش أعارض وفهمت اختى ونور وصحاب رحيق انهم بيحبو بعض بس فجأة فسخ كل حاجة وقالي قبل م يمشي انو هيرجع لو مرجعتش الفلوس دفعة واحدة ولما اخرت وقعدت سنة رجع تاني وبعت ل بنتي رسالة انو هيكون اكبر كابوس ف حياتها ورجع خدنا وقرر يتجوزها اخر الشهر وحبسنا عندو ولما حاولت أتواصل مع نور شافني ورماني هنا وخد بنتي
كملت بعياط-انا عايزة بنتي ي على أرجوك رجعلي بنتي ل حضني
وقف دكتور على مصدوم من الي بيسمعو وبصلها_تميم فين ف دا كلو لي محاولتوش توصلولو
=كلمناه بس وائل كان عارف ومنعو من السفر ومعرفش يوصلنا أبدا
وقف دكتور على وخبط قبضة ايدو ف الايد التانية _وائل..وائل.. وائل..
اقسم بالله لهندمك على كل حاجة عملتها ولو مس شعرة واحدة من رحيق هخليه يشوف الموت وميطولهوش
قعد ف مستوي ماما_طب يطنط مش فاكرة المكان الي كنتو فيه خالص
=مش عارفة إحنا كنا فين
ماما وصفتلو المكان الي كنا فيه
=دا بس الي فاكراه من المكان...انا عايزة بنتي هددني ان عمري م هشوفها تاني ف حياتي عشان خاطري ي على رجعلي بنتي
_اهدي ي طنط اوعدك ان رحيق هترجع ل حضني قبل حضنك
بصتلو ماما ب ابتسامة=يعني انت مسامحها
_وهو انا عمري زعلت منها
=صدقني بنتي كانت متهددة كل الي قالتهولك كان غلط
_عارف يطنط عارف انا آسف اني مشوفتش دموعها وعيونها الي كانت بتتوسلني افضل وممشيش
انا آسف ي طنط اني محاولتش افهم منها وسبتها تضرب دماغها ف الحيط حقك عليا
=يعلم ربنا اني أول م شوفتك يبني حبيتك وشوفتك ل رحيق...
رجعهالي أرجوك
........................................
اما عندي انا ف دخل وائل عليا لقاني لسة مكاني ودموعي منشفتش
مسكني من دراعي
=عايزك تفوقي معايا كدا وتبطلي عياط عشان مش هينفعك
جاب قماشة وغطى عنيا
/انت بتعمل اي
=اسكتي
غطى عنيا ومشاني وركبني عربية وهو ركب جمبي ومشي
/احنا رايحين فين ي وائل أرجوك رجعلي ماما
مسك ايدي وباسها=تؤ ماما مينفعش تبق ف دنيتنا الجاية
عشان دنيتنا الجاية فيها وائل ورحيق بس
ابتسم لأفكاره بخبث وطار بعربيتو الي حيثُ لا أعلم
يتبع..
•تابع الفصل التالي "رواية ليه لا" اضغط على اسم الرواية