رواية شادي ونورهان الفصل السادس 6 - بقلم سلمى ايمن

_خلاص هاجي اتقدملك.....

بصتله لثواني وهيا مش عارفه تقول اي ومكنتش متوقعه ابدا انو يقول كده ولا خطر في بالها يوم ان ممكن يحصل كده، انما تاني استوعب الكلمه اللي قالها من غير اي ترتيب رتبه ليها وقال بهدوء ليها موضحاً 

_بصي هو انا مش عارف ان كان ده ينفع ولا لا.. بس ممكن تستخدمي جوازي منك ده وسيله لحد ما نبعدك من اللي اسمه اسر ده وكل واحد  يروح طريقه

=ازاي 

_هخطُبك

=مش هيرضو هما عاوزين جواز وخلاص مش هيستنو خطوبه تانيه 

بصلها وهو مش عارف يعمل اي وحط ايده في جبينه بتفكير فا قالت نورهان ليه

_بص رايح نفسك هو ده نصيبي هعمل اي الحمدلله... الوحيد اللي كان يقدر يمنع الزواج ده هو ابويا بس الله يرحمه ما باليد حيله بعد كده

وبعدت عنه وهيا بتروح تشوف طلبات ناس اللي دخلت انما تاني مقفلش تفكيره عن كده ومشي وهو بيفكر في شئ، انما نورهان فضلت تشتغل وهيا مضايقه ومخنوقه ودماغها مشغول باللي هيحصل كمان يومين فا بدون قصد الصينيه اتزحلقت منها ووقعت في تشيرت زبون فقال ليها بعصبيه وهو بيقوم من كرسي بتاعه بسرعه

_انتي عاميه ياماما اللي انتي عملتي ده... انتي مجنونه

=انا اسفه مخدتش بالي والله استني هروح اجبلك حاجه تنشف بيها

مسك كوباية الشاي اللي نصها ادلق وواقعها علي ايديها وهو بيقول

_واي رايك في شعور لما تدلق كوباية عليكي.... وحش صح 

كتمت نورهان صوتها ومسكت دموعها واعتذرت تاني وقالت

=بعتذر تاني حضرتك هكون مركزه المره جايه اكتر...تحب حضرتك اوصلك الحمام 

مشي من غير اي رد ليها انما الناس كانت بتبص عليها منهم بنظرات شافقه ومنهم حقد حست بي حد بيجذبها من ايديها ولما شافت الحد ده لاقيتها عائشه اللي جذبتها وقعدتها قدامها في كرسي وقالت

_انتي كويسه يا نورهان مالك حساكي مش علي بعضك في اي 

بصت ليها وسرعان ما انهارت في العياط وهيا بتحاول متعليش صوتها فا اقتربت منها عائشه وهيا بتقولها 

_طب احكيلي في اي العياط دايما مش حل لي اي حاجه احكيلي وان شاء الله ممكن نلاقي حل

فضلت تعيط لدقايق وسبتها عائشه تطلع كل اللي جواها وكانت بطبطب عليها بصمت وبعد ما هدأت الاوله وسكتت ثواني وبصت لي عائشه اللي شجاعتها بي عيونها انها تكلم واتكلمت تانيه وقالت بصوت متقطع

=ابويا مات من كام شهر كده 

_الله يرحمه 

فأكملت نورهان 

=وانا مخطوبه بقالي سنتين... فا انتظرنا كل مده دي في الاول بسببي انا ولما انا خلصت لقينا لسه هو عاوز مده استغربنا بس قولنا ماشي مفيش مشاكل..... كنت بعشقه من بعد ما ابويا ما مات كرهته... في الوقت اللي محتاجه دعم وسند ووقت ما كنت ضايعه فيه اصلا كان هو مش معايا فيه.... الطريقه اتغيرت مش عارفه هل هو كان بيمثل قدام ابويا دور العريس الملاك ولما مات ظهرت حقيقته وامي ست طيبه مش بدقق 

_طب خلاص ارفضي

=مقدرش اعمامي وخيلاني كمان عاوزين. يجوزني حته لو غصب لو كان ابويا عايش كان هيهمه راحت بنته بس مفيش حنيه ولا اهتمام من بعد الاب ما راح... وامي هتزعل اوي لما تعرف اني مش عاوزه اكمل وتقولي هيتغير ومش عارفه اي فا مش عارفه اعمل اي 

_بس ده ملهمش دعوه بيه ده حاجه ليكي انتي وحاجه هتكملي باقية عمرك ببها انتي فا مظنش انو ليهم دخل ابدا

=الكلام ده للناس العقله انما هما شايفيني حمل عليهم ومسؤليه فا عاوزين يتخلصو مني لي اي حد

في لحظه دي افتكرت حاجه وهيا كانت مع شادي وبصت علي هيئه عائشه فقالت ليها

_بقولك اي... هو في حاجه ناويه اعملها بس حبيت اسألك فيها

=اتفضلي طبعاً 

_هو عادي لو جوزت مؤقت

=تجوزي مؤقت ازاي

_الشاب اللي انتي شوفتي معايا ده عاوز يساعدني اني مجوزش الراجل ده فا هو احنا ممكن نجوز مؤقت عادي عشان ابعد اللي انا مخطوب ليه عني 

=مينفعش وحرام كمان الجواز المؤقت ده معروف انه زواج متعه الناس بتستخدمه للمتعه ويعملو اللي عاوزينه ويطلقو وده حرماً شرعاً

_بس انا مش هعمل اي حاجه انا يدوبك هجوزه ولما اشوف التاني بعد عني هيطلقني وخلاص 

=مينفعش يا نورهان ده انه يعتبر خداع وظلم للطرف الثاني ده مش لعبة وكمان مفروض تعلمي اهلك انو الجواز اجباري حرام 

_ما انا مش عارفه اعمل اي 

=طب اتجوزي الشخص ده 

_ازاي بس ده مجرد واحد لسه عارفاه امبارح فا ازاي 

=عادي انا متقدملي بكره واحد عرفته من يومين وجايلي بكره وممكن ده نصيبي.... بس المهم  انتي مرتاحه مع شخص ده ان كنتي مرتحالو خلاص خلي يكلم اي حد من عائلتك ويتفق معاه وخطيبك ده قوليلو كل شئ قسمه ونصيب ولو معجبهوش وعمل حاجه بلغي عنه

_ما انا اهلي مش هيوافقو لو قعدت مده خطوبه تاني

=كتب كتاب هيكون بعد يومين  

سمعت صوت رجولي وراها ولما لفت وشها لاقيته هو فا بصت لي عائشه اللي قالتلها

_يبقا خلاص كده اتحلت 

=يا عائشه انا متلغبطه الصراحه حسه كل حاجه دخلت في بعض ماهو

قاطعها شادي وهو بيقف قدامها وقال

_بصي بكره هجيلك انا وابويا وبلغي اعمامك  بي كده  لو عاوزين كتب كتاب بعد بكره بعد اسبوع بعد مش عارفه كام انا جاهز من كل نواحي معايا شقه مجهزها بكل حاجه 

بصت نورهان لي عائشه اللي قالت ليها

=مفيش حل غير كده يا نورهان كلمي خطيبك وبلغي عن كده واتكلمي مع اهلك كمان وان شاء الله خير وانا حسه انهم هيوافقو من ناحية انهم عاوزين يجوزوكي ومن ناحية انهم هيشوفوكي مرتاحه مع مين اكتر وبي مين موافقه 

بصت نورهان ليهم الاثنين ولي شادي اللي ابتسم ليها وهز راسها فا غمضت هيا عيونها مستعدا للقادم..... 

....... 

وبعد مرور ساعات بعد ان اتصلت بي اثنين من اعمامها وطلبت منهم انهم يجو بيتها في موضوع المهم وبعد ان اجتمعو عندها وكانت هيا قاعده هيا ومامتها اللي متعرفش حاجه فقالت نورهان ليهم بهدوء وبصت لواحد من اعمامها

_بصي يا عمي مدحت طبعاً اسر كلمك انهارده انو كتب كتاب هيكون بعد يومين مش كده

هز راسه فا كملت هيا

=بصي يا عمي من نهاية كده انا مش مرتاحه ليه او بالمعني اصح مبقتش عاوزاه زهقت منه معاملته بقت مختلفه وحشه اوي معايا فأنا اي يخليني اكمل مع واحد مش مرتاحه معاه

رد عليها واحد منهم

_والله يابنتي احنا تعبنا عقبال مجهزناكي وقعدنا سنتين في حالهم عشان البيه يصلح ولا ينيل المشاكل اللي عنده ويوم ما يقول جاهز راحه من قلبك ليه تروح اي الدلع ده

وقال تاني

=دي مشاكل طبيعيه تحصل هو اي حد يتخطب او يجوز وتحصله كام مشكله يفشكل علي طول لو  ناس كلها عملت باللي انتي بتعملي محدش هيجوز في سنته لو فضل كده اعقلي وخلي جواز ده يتم علي خير وعيشي  كأي واحده جوزت

ردت عليهم نورهان بهدوء

_انا كنت حسه بكده وعشان كده انا متقدمليش عريس وهيجيلي بكره وطلب مني اني ابلغكم

=انتي مش هتجوزي حد غيري اسر وخلص الكلام وبعد بكره تكوني مجهزه نفسك لكتب كتاب سيدتك قاعده مستنيه كل ده ويوم ما راجل نطق جايه تكلمي دلوقتي 

_يا عمي ده بعد وفاة ابويا مفكرش حتي يقعد معايا ولا يواسيني وانا في حاله صعبه دي واتفاجئت بي معاملته معايا استنيت قولت يتغير بس لقيته بقا اسوء

قال ليها عمها تاني

=نورهان خلص كتب كتاب بعد يومين ومش هنقبل بي اي عرسان تاني انتي فاهمه

_العريس اللي متقدملي جاهز من كل حاجه وقالي لو عاوزه اكتب كتابي عليكي كمان يومين موافق... هتجوزوني لواحد مش بحبه ولو حصل مشاكل معاه واكون خلفت مش بعيد يرميني وانتو اللي هتشلوني انا وعيالي فكره شوية

بص عمها لي عمها تاني وهمس ليه

= معاها حق في الحته دي احنا ناقصين عيال فوق رقبتنا فوق عيالنا من رأي نكلم العريس اللي متقدملها ده ولو فعلا كلامها صح وعاوز يتجوز كمان يومين خلاص نسيب من الواد اسر علي اقل في بديل ليها

بص عمها تاني ليها وبعد تفكير كتير وكانت هيا متوتره جدا قال

_خلاص تمام انا موافق بالعريس اللي جاي يجي بكره هو وابوه ونشوف....... 

يتبع..... 

بقلم سلمي ايمن