رواية ما لا يقال الفصل السابع 7 - بقلم رضوى وليد
=رييييم ملوش لازمه الكلام ده
جملته صدمتها حست ان خلاص كريم هيطلب انهم نيفصلوا
="بصّي، أنا فكرت كويس في اللي حصل… ويمكن كل واحد فينا كان غلطان بطريقته. أنا غلطت إني ما ركزتش على كلامك أول مرة، وإنت غلطتي إنك أخدتي قرار من ورايا من غير ما نتفاهم. بس اللي أقدر أعمله دلوقتي إني أكون صريح معاكي. أنا مش عايز نفقد بعض بسبب سوء تفاهم، وعايز نكون صريحين مع بعض. إنتي جزء مهم في حياتي ومش عايز أخسرك
أنا مش هخسر مراتي اللي بحبها عشان لحظة زعل مش عايز تاني حاجة بيننا تتحل من ورا ضهري. إحنا شراكة، أنا وإنتي واحد...
أنا محتاجك جمبي مش ضدي
ريم مكنتش عارفه تعبر عن فرحتها بكلام كريم مع انها حاسه بكسره فكلامه وطريقته بس محستش بنفسها غير وهي بتترمي فحضنه وبتقول
-كرييييم انا بحبك جدا
قال وهو بيضمها
=مش اكتر مني
قالت بدموع
-ان فكرت انك هتطلب اننا ننــ
كريم قاطع كلامها وهو بيمسح دموعها
=دي اخر حاجه ممكن افكر فيها
______________
بعد اسبوع
علي الفطار:
-كريم ايه رأيك نسافر نغير جو، بقالنا كتير مسفرناش
=عندي شغل كتير اليومين دول يريم
-يكريم الشغل مش بيخلص كلها يومين او اسبوع بالكتير
=خلاص اظبط واقولك
-اشطا ،انا رايحه عند ماما انهارده اخواتي هيبقوا هناك وانت ابقي سلملي علي مامتك واخواتك
=طب تعالي معايا وفيوم تاني نروح عندكم
ريم لما افتكرت اللي حصل فـ بيتهم)
-لالا اخواتي وحشوني عايزه اشوفهم انت خلص عندك وتعالي علي هناك بعد كدا نروح
كريم بستغراب
=ماشي
__________
فـ بيت ريم
اسراء
:ايه يبنتي لازم نكلمك ونقولك تعالي عشان تيجي متعرفش تسألي من نفسك
ردت ريم
-مالازم نتفق قبلها عشان نتجمع كلنا
ام ريم
:اومال كريم جوزك مجاش معاكي ليه
-راح عند اهله وهيعدي عليا ياخدني
:المهم انكم بخير
-الحمدلله؛..وحشتوني يجدعان
.......................
فـ بيت كريم :
حسن
:اومال مراتك مجتش معاك ليه؟؟!
=عند اهلها..
ام كريم
: مش المفروض تيجي معاك
= اخواتها متجمعين انهارده تيجي ف مرا تاني
:تيجي ف مرا تاني ولا هي مش عايزه تشوفنا
=عيب يأمي اللي بتقولي ده لو كانت فاضيه كانت جت
:احسن برضو
(حسن ابتسم من تحت لتحت)وقال وهو بيحط ايده علي رجل كريم
:لا قولها ان احنا زعلانين منها جامد
وقام يروح لمكان اخواته الباقيين..
ام كريم
:انا استنيت لما حسن يقوم
[كملت بأـVـورة]
قولي عدت سنه ولسا مشوفتلكش حاجه عايزه الحق امسكلك عيل قبل ما اموت
= بعد الشر عليكي
:مش لازم تودي مراتك لدكتور ليكون فيها حاجه؟
=يـ أمي.. تفائلوا بالخير تجدوه
:الله مش لازم تعمل احتياطاتك
=مفيش حاجه ان شاء الله بعد كدا اشمعنا هي؟ ماا ممكن انا..
:لاا يحبيبي بعد الشر عليك وعليها ااه
قال وهو باصص قدامه بشرود
=خير ان شاء الله
.......................
قالت ريم وهي واقفه مع صلاح فالبلكونه
-مالك حساك مضايق فيه ايه؟
:مفيش حاجه
-علي ريم؟؟
:مشاكل ف الشغل
قالت وهي بتضربه فـ كتفه بكتفها
-مشاكل فـ الشغل.. ولا فـ البيت
:ومين معندوش مشاكل فالبيت
قالت بضحك وهي بتتريق علي نفسها
-اناا..
كملت
-يعم قول يارب..ربك يسهل، محتاج فلوس؟
قال بهزار وهو بينكشها من شعرها
:فلوس ايه يعبيطه انتي
-بتكلم بجد..
قاطعهم صوت من وراهم
=حوش ايدك من علي مراتي يالا
صلاح بحضن
: ايه يعم فينك لازم ناخد مراتك عشان تيجيلنا
كريم بنفس الحضن
=وانا اقدر مجيش
ريم
-تعالوا جوا
.........................
ف العربيه:
ريم
-كان يوم لذيذ انبسط بصراحه
=ديما يروحي
(فون كريم رن)
:.....
=الحمدلله انت ايه دنيتك
:......
=اه مالها
:.......
=يعني ايه
:......
=يبنت اللذينه، طب ومشوها ليه
:......
= ياااه يعني هي لسا هنا فـ مصر
:..........
=ربنا يهديها
...............
ريم قالت بفضول
_فيه ايه مين اللي كان بيكلمك
=واحد صاحبي فـالشركه
-كان بيقولك ايه
=عارفه نهي
-لا..هعرفها منين
=البنت اللي اصرت اني اعزمها واتخانقنا بسببها
-اه اه مالها
=مش هي اللي سابت الشركه ولا جالها شغل برا ولا حاجه من دي
-اومال ايه
=مشوها من الشركه لانهم اكتشفوا ان هي متخرجتش يعني مكملتش دراستها ومزوره شهادتها
-وهما لسا فاكرين.. احسن برضو انهم مشوها
=يبنتي.. يبنتي ملناش دعوة
ريم وهي بتبصله
-ايه هتدافع عنها ولا ايه
___________________________
تاني يوم (يوم الجمعة) الساعه 8 صباحاً
كريم
=اه.. هنسافر بكرا زي دلوقتي
-بجد هنروح فين
=الجونة
قالت بفرحه وهي بتقوم
-طب انا هروح اجهز الشنط
كريم
=طب يلا عشان اشوف اللبس اللي هتاخدي
كمل وهو ماشي وراها بـاتجاه الاوضه
=عشان ايه حاجه كدا ولا كدا تنسيها
ريم قالت وهي بتلفله برفعه حاجب
_طب ايه رأيك ان انا هاخد مايوه القطعتين
=يــاعيني وايه كمان
قالت ببرود-
انا اصلا معنديش من اللبس ده ولا اسمح لنفسي البسه
قالت عشان تستفزه
-بس لو كان عندي كنت خدته
قال وهو يضحك وبياخدها تحت دراعه
=ده لو بقي..
_________________
قدام الفندوق فـ العربية :
قال كريم
=طيب ادخلي انتي وانا هركن العربيه واجيب الشنط وجاي
_تمام هستناك ف الريسبشن
................
دخلت ولعنت حظها لما شافته قدامها
•تابع الفصل التالي "رواية ما لا يقال" اضغط على اسم الرواية