رواية ما لا يقال الفصل السادس 6 - بقلم رضوى وليد
كريم قال وهو بيشاور علي اللي فأيده
=ايه ده؟؟!
-..
كريم وهو بيمسكها من دراعها
وقال بحدة
=اي دهه ؟؟
قالت ريم بتوتر
-كريم ممكن تهدي...انا كنت هقولك
=تقوليلي ايه.. انك مش عايزه تخلفي مني
-لالا طبعا ايه اللي بتقوله ده
=ايه اللي بقوله؟! انتي اللي قولتي خلاص..مكمله معايا ليه لما انتي مش عايزه...
ريم وهي بتحط ايدها علي بوقه عشان ميكملش كلامه
-متكملش يكريم متكملش انا بحبك
قال بزعااق=
اومال اييييه ده ايه البرشام ده بيعمل ايه فبيتنا
-كريم مش موضوع منك او منغيرك انا مكنتش عايزه اخلف دلوقت انا قولتلك من الاول ان احنا لازم نعمل احتياطاتنا بس انت مهتمتش.. قولتلك مش عايزة اطفال دلوقتي وانت برضو مهتمتش كنت هقولك اول مفرحنا قرب بس قولت انك كالعادة مش هتهتم وان انت مش هتوافق و هتفضل تقنعني انه لا ومينفعش وانا مُصره علي قراري ومهدتلك الموضوع ف الاول
=عشان هو فعلا مينفعش... مش انتي اللي هتمنعي قدر ربنا
قالت بنبره فيها صرخه
-ماانت مش حاسس بيا قولتلك انا مش عايزه اكون ام غير لما ابقي جاهزة للموضوع...
من بعد اول شهر من جوازنا مثلا الاقي نفسي حامل وانا مش عايزة بس انت مدتش الموضوع اهتمام افرض احنا مش قد مسؤلية طفل مش قد رعايته افرض انا مش عايزاه دلوقت
انا خايفه ...خايفه من كل حاجه ممكن تحصل بعد كدا
=وانتي تفرقي ايه عن كل الستات اللي ف الدنيا اللي اتجوزوا وخلفوا
-معرفش.. معرفش انا قولتلك من الاول ان انا مش زي باقي الستات اللي اتجوزا وخلفوا ومش عايزه
قال وهو بيضحك ضحكه كسره وبيفرق ف جبينه
=تعرفي.. والله انا من يومين كنت هقولك ان احنا لازم نروح لدكاتره يشخصونا ليكون فينا عيب ولا حاجه عشاااان بقالنا سنه مع بعض ومحصلش زفت حاجه...اتاااري الهانم مانعه نفسها من الحمل
قالت وهي بتمسك ايده
-لالا يكريم مفيش حاجه احنا الاتنين كويسين ان شاء الله
=اثق فيكي ازاي بعد كداا
قالت بعياط
_ يكريم متقولش كدا بلاش الكلام ده ارجوك
كملت
-،انا وقفت البرشام من فتره وخدت الخطوه بذات لما شوفتك قد ايه بتحب الاطفال و بتتبسط معاهم زي ولاد اختك وولاد صحابك قولت ان انا مينفعش احرمك من حاجه انت بتحبها واكيد بتتمناها ابقي مش كويسه لو عملت كدا
قال بعصبيه
_انتي مش شايفه ان ده موضوع مش بتاعك لوحدك فبتالي لازم ترجعيلي فيه... لا انتي اللي بتقولي ودلوقتي قررتي انك متحرمنيش...
قالت بعياط اكتر
-انا عملت كدا علشانك مع ان انا لسا عند قراري الاولاني..
كريم انا قولتلك من البدايه
قال وهو بيهدي اعصابه
-انتي غلطتي يريم غلطتي غلط كبير اووي
-يعني اييه
(سابها ومشي من الشقة تحت عياط ريم )
__________________
<الساعه 12 الليل وكريم لسا مرجعش وتيلفونه مقفول..ريم هتتجنن عليه واتصلت بصاحبه فالشركه> وقال
: انه جه ساعتين ومشي.. ليه في حاجه؟؟!
ريم
-هو لسا مجاش لحد دلوقتي
:مش عارف والله بس لو عرفت حاجه هبقي اقولك
-ياريت.. شكرا ليك
.......
________________
11 الضهر :
كريم رجع لقي ريم نايمه في الريسبشن ريم اول مسمعت صوت الباب قامت وكريم قال
=ايه اللي مش منيمك فالاوضه؟
-كنت قاعده مستنيه حضرتك
،كنت فين ومرجعتش ليه
قال وهو داخل الاوضه
=انا مش عايز صداع
قالت وهي قايمه وراه بعصبيه
-يعني ايه مش عايز صداع انت ملكش بيت و وحده كانت هتنزل تروح لمامتك فنص الليالي عشان مش عارفه حضرتك فين
قال وهو بيبصلها
= صغير انا عشان تنزلي تدوري عليا؟؟؟!
قالت وهي بتتجاهل كلامه
-مجتش امبارح ليه و كنت فين؟؟!
=كنت عايز اقعد مع نفسي شويه عندك مانع؟؟!
قالت بعصبيه
-طب كنت طمني عليك ارفع سماعه التيلفون وقول للزفته اللي فـ البيت انك كويس ومش جاي ،لكن قافل الموبايل وانا اولع.. انت بتعمل كدا ليه؟؟!
قال وهو داخل الحمام (التابعه للاوضه)
=ريم انا جاي اخد شاور و نازل تاني ارجوكي بلاش كلام كتير
قفل الباب وريم فتحته وقالت
_احنا لازم نتكلم
=هتدخلي ولا ايه مش فاهم؟!
_ما انت لو تكلمني زي الناس بدل ماانت ملففني الشقه وراك كدا..
=ريم قولت مش عايز كلام
رجع قفل الباب تاني
.................
بعد نص ساعه::
=انا نازل
-انا مبحبش كدا يكريم لو في حاجه عايز تقولها قولها
قال بجديه
=مفيش حاجه عايز اقولها
-طب هتفضل ساكت كدا؟؟!
قال بنبره زعاق
=مش طايق اتلكم اصلا
-طب لييه، قول اللي فقلبك عشان نحل الموضوع سوا
=....
-يكريم اتكلم انت محملني الغلط كله ليه انت لو كنت اهتميت من البدايه مكناش وصلنا للنقطه دي
=ايوا ايوا انا اللي غلطان
قالت وهو بتمسكه من وشه عشان يبصلها
-يعني انت هتفضل تتعامل معايا كدا؟؟
=ريم عندي شغل مش فاضي دلوقتي
قالت بكل بهدوء
-كريم انت اناني.. انك متهتمش لكلامي ولا لنفسيتي بمجرد انك عايز تلبي رغباتك تبقي اناني
بصلها فعيونها للحظات ومشي من سُكات
___________________
فالفون:
-يتغريد (صاحبه ريم) مش عارفه اعمل ايه مش طايق يكلمني
؛يعني يريم ده مكان تشيلي فيه حاجه زي دي؟؟!
-والله انا خلاص كنت هرميي بس لما بطلت اخده نسيتهم هنا
: انتي عارفه انها كانت ممكن توصل لطلاق
-طلاق ايه فال الله ولا فالك انا بحبوا يتغريد
:هو ممكن يكون بيهدي نفسه بالطريقه دي انه يسيبك ويمشي عشان الموضوع ميوصلش لعصبيه والكلام يختلف
-انا عارفه ان هي دي طريقته بس احنا كدا مش هنوصل لحل لما كل شويه يمشي ويسيبني
:اصل اي دماغ راجل مش هتصورله موضوع البرشام ده غير ان مراته مش بتحبه ومش متقبلاه فبتالي مش عايزة منه اطفال
-ده لما اكون مش قيلاله يتغريد انا قولتله كذا مرا
:خلاص سبيه يهدي علي الاخر وهو اللي هيجي ويتكلم
-لحد امتي انا حتي مش عارفه هيجي ولا هيعمل زي امبارح
:طب متكلمي اخوكي صلاح تخلي يتكلم معاه ويهديي وكدا
-فكرت فكدا وان اخويا هيحترمني وهيحترم قرارتي وهيسمع كلامي...بس لا كريم مبيحبش ندخل حد بينا ولا انا بصراحه لان هحسه انه مجبور يسمع وبتاع
=ودي احسن حاجه ... بس برضو هتعملي ايه
-مش عارفه
______________________
الساعه 1الليل
كريم وهو بيفتح باب الشقه لقي ريم قاعده باصه قدامها متكلمتش حتي مبصتلوش قعد علي نفس الانتريه اللي قاعدة عليه مسافه قصيره بينهم وسند راسه علي مسند الانتريه
قالت منغير متبصله
-هتفضل ساكت كتير..
=....
قالت وهي بتلفله
-كريم انا غلطت ومعترفه اسفه انا عارفه ان كان لازم اقولك والموضوع كان يبقي بينا احنا الاتنين مش لوحدي واسفه تاني بس برضو يكريم مش غلطانة لوحدي
=رييييم ملوش لازمه الكلام ده
-يعني ايهه؟؟؟
•تابع الفصل التالي "رواية ما لا يقال" اضغط على اسم الرواية