رواية شادي ونورهان الفصل الخامس 5 - بقلم سلمى ايمن
=يوسف......
رمشت عائشه وهيا بتعيد الاسم
_يوسف
=اي مش عاجبك الاسم ولا اي
_لالا بس.. هو انت وافقت انه يجي
=اها عادي طالما سمعته حلوه وزاي الفل ولما يجي هنا مع عائلته ونشوف طباعهم ومعاملتهم ازاي يبقا ربنا يسهلها.. ممكن في نصيب
_امم تمام ان شاءالله خير...
.......
صحيت من نوم بأنزعاج من صوت امها اللي دخلت عليها وهيا بتقول بسعاده غامره
_بت يا نورهان زغرطي يابت
قالت نورهان بضيق
=لي في اي يما حد يصحي حد بالشكل ده عاوزه انام لسه فاضل ساعه علي موعد الشغل سبيني انامهم
_الواد اسر
=ماله نيله عاوز اي
_كلمني من شويه وحدد يوم كتب كتاب بعد يومين
كانت نورهان مستوعبتش ما قالته لثواني وفتحت عينيها بصدمه وهيا بتقول
=بتقولي اي... هو كلمك وقالك
_ايوه... مالك مصدومه كده ليه افرحي يابنتي أخيراً بعد وقت ده كله ربنا فرجها وان شاء الله تتم علي خير
وختمت كلامها وهيا بتذغرط بسعاده وفرحه ملأت قلبها اما تانيه كانت فتحه عينيها وهيا مش مصدقه اللي سمعته وحطت ايديها في راسها وهيا مش عارفه تعمل اي وامها عرفت خلاص بعد انتظار سنتين بحالهم ازاي هتقدر ترفض وتقنع العائله بعدم حبها لأسر.....
.......
نزلت من البيت مُتجهه للمكتبه كعادتها يوميه ودخلت متجر الكتب وهيا بدور بين الرفوف لحد ما مسكت كتاب في ايديها وهيا بتبص فيه بتمعن
_احببت وغداً
لفت وراها علي طول بعد ما سمعت صوت رجولي بينطق اسم الكتاب ولما لفت، لاقته هو وقال وهو بيشير علي كتاب
=فهمت دلوقتي انتي معزوله من البشريه ليه وقاعده لوحدك ليه
حطت كتاب مكانه وهيا بتقول
_لا مفيش حاجه اسم كتاب شدني بس
ووقفت لثواني و بعديها بصت ليه وقالت
=ولحظه... انت جاي ورايا ليه.. انت بتجسس عليا ولا اي
ابتسم بسخريه وقال
_اتجسس.. والله يا انستي انا حاسس انك انتي اللي بترقبيني وبتشوفي تحرُكاتي كمان بتكون فين وامته... اصل مش معقول نفس الوقت اللي دخلت فيه الا دقيقتين
_انت بتقول اي... علي فكره انا جايه هنا اقرأ عادي واسأل عمو صاحب المحل وهو هيقولك اني باجي هنا كل يوم وبطل فتي
=واي الكتاب اللي انتي كنتي مسكاه ده.. انتي شايفني وغد للدراجتي
بصتله من فوق لتحت وقالت بأشمئزاز
_وكمان جاهل.. الكتاب ده يا حبيبي بيكلم علي رحله التعافي من علاقات المؤذيه وازاي تتعامل مع شخصيات نرجسيه، وفقدان الذات بعد علاقات و حاجات تانيه
بصلها وابتسم ابتسامه جانبيه جانب وجهه ورفع حاجبه اليمين وقال
=حبيبي
بصتله بتوتر من اللي نطقته من غير ما تحس وقبل ما تكلم سابقها هو في كلام وقال
_انا ملاحظ اني من اول ما دخلت وانتي عينك مفرقتنيش خالص اي الحكايه.. عجبتك
غمز ليها في نهاية كلامها فا بصت هيا في الارض وهيا بتستغفر بصوت عالي ونسيت نفسها من اللحظه اللي دخل هو فيها وقالت وعينيها لسه في ارض
=طب انا استأذنك دلوقتي اشوفك...
_بكره ان شاء الله بعد اذان المغرب هكون عندك
سمعت اللي قاله وافتكرت الكلام اللي ابوها قاله ليها في بداية يوم وبصتله وقالت بتسأول
=اها صح انت...
_عينكِ
قاطعها وهو بيشير بعيونه لعينيها فا بصت للأرض وهيا تزفر لنسيانها ده انما تاني ابتسم عليها ومن حركاتها فا كملت هيا كلامها
_انت ازاي تكلم ابويا من غير ما تاخد موافقتي.. انا مقولتش حاجه علي فكره
=والله يا انستي من نظراتك ليا امبارح واستجابك لكلامك معايا يبان موافقتك بيا قد اي
قالت بضيق
_محصلش
=امم باين عشان كده لما قولتلك هاتي رقم ابوكي الابتسامه كانت هتاكل وشك لولا انك مسكتيها وحاولتي تبيني ان في مليون غيري علي باب مستعدين يجولك بس انا معنديش صبر اني اصبر علي دلع ده فا عملت من نفسي
_علي فكره انا ببتسم عادي جدا وده طبعي كده
=اقعدي برري برري بفهم انا حركات البنات دي ما هو مش انتي لوحدك بتقرأي يااا احببت وغداً
بصت حوليها بحرج وقالت وهيا بتسير ببطئ
_طب طب انا هستأذن دلوقتي سلام
وقبل ما تطلع قالها
=رايحه فين
بصتله بضيق بس مطالتش في البص فيه بعد ما اشار ليها بعينيه فا خبطت بي رجلها علي ارض بحنق وزهق وقالت بصوت حاولت مطلعهوش عالي
_خليك في حالك لو سمحت..
وبعديها سمع صوت استغفارها الكثير بصوت عالي فأبتسم هو من تصرفتها وقال
=عبيطه شويه بس تنفع ومالو... نعقلها
.......
طلعت بره المتجر وخدودها احمرت من كتر الخجل وفضلت ماشيه علي طريق ودماغها بتفكر فيه واللي حصل ما بينهم رغم انها لسه مش مستوعبة انه خلاص جاي بكره ويتقدم وهتشوفو كتير واحتمال يبقا ده نصيب.. بس احاسيس غرييه حساها جواها متعرفش هل دي فرح او سعاده ام قلبها لسه مش مصدق فكرة قدوم شخص في حياتها ومابين يوم وليله هيبقا شريك حياتها.. شعور غريب صح
رفعت عينيها من الارض بعد ما كانت في دوامه من تفكير وهيا ماشيه ومش واخده بالها واول ما صدفته عينيها، بنت بتجري قُدامها بسرعه رهيبه،تصنم جسمها ونسيت اللي مفرود تعمله كالحظات زاي دي فا كان النصيب انو يقعو في الارض سوا
_انا اسفه حقك عليا معلش
جمله قالتها عائشه وهيا بتحاول تقوم من تحت البنت اللي قالت ليها
=لالا ولا يهمك وكمان انا المفرود اللي اعتذر مش انتي معلش هبله في مشي
قامو الاثنين وكل واحده فضلت تظبط في هدومها وحجابها فا بصت البنت لي عائشه وقالت وهيا بضيق عيونها
_لو مكنتش غلطانه ولو مكنتش فقد ذاكره كمان مش انتي اللي وقعت عليها امبارح لما قولتيلي انو فلوس وقعت منك
بصت ليها عائشه بتركيز وبعد لحظات قليله قالت
=ايوه صح.. انتي نفس البنت
قالت البنت واللي كانت نورهان
_صدف غريبه والله طالما كده نتعرف ممكن دي اشاره من ربنا اننا نبقا اصحاب.. انا اسمي نورهان
قالت عائشه وهيا بترفع ايديها بأبتسامه خجله
=وانا عائشه.. تشرفت بيكي
قالت نورهان وهيا تبتسم ابتسامه خفيقه وبتبص علي ساعة ايديها
_طب يا عائشه كان نفسي اقعد واكلم معاكي اوي صراحه بس في الواقعه الثالثه نبقا نقعد مع بعض... ودلوقتي لازم أعلي سرعة الجري عندي لانهم خلاص هيفصلوني من الكافيه
وقبل ما تمشي سمعت صوت عائشه اللي وقفتها قبل ما تجري وقالتلها
=انتي بتشتغلي فيه كافيه
_ايوه
=طب هو ينفع تاخديني معاكي لاني بقالي اسبوعين بدور علي كافيه اقعد فيه
_اها طبعاً يا قمر تعالي.... شدي حزام وثبتي خمارك كويس واربطي شنطتك جامد وهيا لننطلق
=طب ما تيجي نركب احسن
بصتله نورهان وقالت بأبتسامه بسيطه
_اصل صراحه فلوسي علي قدي فا...
قاطعتها عائشه وهيا تمسك بي يديها وقالت بأبتسامه لطيفه
=مش بقينا صحاب من انهارده وصحاب مفيش مابينهم فلوس ولا كسوف تعالي
اوقفت تاكسي وركبو هما الاثنين وبعد دقايق قليلا وصلو ونزلوا الاثنين سوا وبصت نورهان علي ساعة تلفونها وقالت
_تصدقي التاكسي ده نعمه والله انا كان زماني لحد دلوقتي قاعده بجري زاي القطه اللي نست بناتها والله يابنتي مش عارفه اشكرك ازاي
قالت عائشه بأبتسامه بسيطه
=العفو يا روحي انا معملتش حاجه..... هو ده كافيه
اشارت عائشه لقدام فا هزت نورهان رأسها
_ايوه هو.... عجبك
=ما شاء الله جميل اوي وشكله هاديي ولطيف اوي... انا لو عجبتني القعده هناك هدمنه واجي كل يوم
_تنوري دايماً
دخلو الاثنين مكان واشارت نورهان لعائشه بالجلوس وقالت
=هروح انا اجهز واجيلك علي طول
هزت عائشه رأسها بأبتسامه بسيطه انما نورهان دخلت وسط زملائها اللي منهم لسه مجاش ولبست طقم شغل وسمعت حد من زملائها وهو بيقول
=ميرنا الترابيزه التانيه اللي في الليمين روحي شوفي ناس اللي لسه جايه دي عاوزه اي
مسمعتش رد فا عادت البنت جملتها
_ميرنا... انتي يابنتي مش...
فتحت البنت عينيها بصدمه بعد ما شافت نورهان
=نورهان معقوول جيتي بدري
ابتسمت نورهان وهيا بتغمزلها بخبث
_حركه جديده مش كده
=ده استاذ شريف لو عرف هيوزع رز بلبن علي كافيه كله بحسابه
_ اومال لو انتظمت علي كده هيعمل كده
=نورهاااااان
كلمه قالها بعض من زملائها الاخرين، اللي انصدمو هما كمان لما شافوها في وقت غير عادتها بتيجي فيه، فقالت نورهان وهيا بترفع حاجبها اليمين
_ما خلاص يا جدعان اي الأوفر ده طبيعي الانسان لما بيبدأ في شغل مش بيطلع برفكت ولا ممتاز في اول الايام اكيد بيحتاج يدرب ويحاول يعود نفسه زاي المدرسه المدرسه متولدناش واحنا بنعرف نروحها لا اتعلمنا وبعديها ادربنا وبعديها اتعودنا وهكذا
قالت ليها واحده من البنات
=سنه ونص بتدربي يا شيخه اومال لو مكنتش المسافه ربع ساعه ولا نص ساعه كنتي عملتي اي.. ده اقرب واحد من بعدك مابين بيته وشغله ثلاث ساعات لو مكانه كنتي عملتي اي هجيلنا المغرب
قالت نورهان بصوت عالي
_ما خلاص ده انتو ميعجبكوش العجب اما صحيح.. متأخره ووحش وبدري وبردو وحش استقيل وترتاحو مني.. ناس تخبط الخلق صحيح
ومشيت من جانبهم وراحت ناحية عائشه اللي بتابع الحوار من غير وهيا فاهمه حاجه وقالت
=هيا دوشه دي بتبقا دايما كده
_لالا ياستي احنا بنكون هادين.. بس اول عشر دقايق من قدومي لازم يحصل كده.... روتين يومي علينا وعلي كل ناس اللي بتيجي هنا
=بس هما مالهم بيبُصولك كده ليه
_لا دول بيحبوني بس مش اكتر
بصت ليها عائشه وهيا بتبتسم بتشنج وقالت
=متاكده انو بيحبوكي
وأشارت للي واقفين في مسافه منهم وبيبصو لي نورهان بحنق وضجر، فقالت نورهان بلا مبالا
_لالا عادي قد لا تري الحب ينبع بهم لكن بؤبؤ عينيهم يسرد كل شئ
تشنج وجهها وقالت بأبتسامه غريبه
=بتقولي اي
في الوقت ده دخل شادي المكان وبمجرد ما شافها قال
_تعالي عاوزك في كلمه
ومشي وسبقها فا غمضت هيا عينيها وقالت
=خير الله ما جعله خير في اليوم اللي باين من اوله ده
_في مشكله معاكي
قالت نورهان بأبتسامه بسيطه
=لالا مفيش حاجه يابنتي هروح واشوف النيل..قصدي الاستاذ ده عاوز اي وجيالك علي طول
اهزت عائشه راسها دون كلمه فا مشيت التانيه وراحت مكان ما واقف شادي اللي كان مستنيها وبمجرد ما شافها قال بصوت حازم شويه
_عملك حاجه امبارح
=هو مين
_بكلم عن الشخص اللي ميطلقش عليه اسم راجل أصلاً
تنهدت نورهان وقالت بهدوء
=معمليش حاجه وميقدرش اصلا...بس اتكلم معايا وخلاص
_قالك حاجه ضايقتك ولا معجبتكيش
بصتله لثواني وافتكرت اللي حصلها امبارح وقالت بصوت واطي يتخلله الحزن
=هو حدد كتب كتاب معايا
_وانتي قولتي اي ولا عملتي اي
=معملتش حاجه ولا اقدر اقول حاجه بقالنا سنتين انا وامي واهلي كلهم مستنين اللحظه دي وحطينا املنا كلنا فيه وامي سمعت الخبر والفرحه مالت قلبها فا هرضي بي نصيبي وخلاص
_هو اللي هترضي دي وخلاص انتي في ايدك ترفضي او توافقي دي حاجه مش لعبه دي تكملة باقية حياه مع الشخص اللي هتبقي معاه
=ما انا اعمل اي لو قولت لي امي اني مش عاوزاه هتزعل وتضايق بعد ما كانت نفسها تشوفني عروسه ده غير انو عمامي كلهم ممكن يجوزني غصب لاني بنسبلهم حمل عليهم فا عاوزين يجوزوني وخلاص ولو سألوني ليه مش موافقه هقول اي مش مرتاحه معاه او انو اتغير عن الاول وبقا مش عاجبني هيقولولي بعد سنتين انتظار قلبك مرتحش ليه مفعول الحب خلاص مشي من عليه... مفيش بي ايدي حاجه اعملها
_طب ينفع غيرو
=مش فاهمه
_يعني انتي قولتي انو اعمامك شايفينك حمل عليهم وعاوزين يجوزكي وخلاص يعني مش فارق يكون مين هو العريس
=ايوه
_خلاص هاجي اتقدملك.....
يتبع......
بقلم سلمي ايمن
طولت من البارت وناويه علي احداث نار
انتظروووني
•تابع الفصل التالي "رواية شادي ونورهان" اضغط على اسم الرواية