رواية ليه لا الفصل السادس 6 - بقلم ميرنا عمار
روحنا المطعم
-ها تحبي تفطري اي
/والله مخبيش عليك انا نفسي رايحة للاومليت اوي
نادى ع الجارسون وبلغو بالطلب
كنت ببص من الازاز الي جمبي ع الشارع والناس الي رايحة والي جاية ف بصلي
-لي رافضة الجواز
استغربت سؤالو ف بصيتلو
/مين الي قالك اني رافضة
-لما مامتك قالتلك رد فعلك كانت بتوحي بكدا
/بص بعيدا ان سني لسة صغير بس عايزة اتجوز عن حب..مش حابة جو الصالونات لان اغلبو بيبق جاي عشان شايفني مناسبة وهعرف افتح بيت واكوِّن أسرة ودا شئ يُحترَم...
بس انا عايزة الي يتجوزني ميتجوزنيش عشان مناسبة لا.. مهو لو هيتجوزني عشان مناسبة مجرد م يلاقي الانسب هيروحلها اما لو هيتجوزني عشاني انا عشان حبني انا وراضي بيا وبعيوبي وقتها لو اكتر انسانة نموذجية ف العالم قدامو مش هيفكر فيها حتى..
بصلي ب اقتناع-اوافقك جدا عجبتني طريقة تفكيرك
بس مش بتفكري بالطريقة دي ف المدرج لي
/أفندمم..مين الي كان كل شوية يمسك ف كلمتي...،واطلعي برا ول ازفك ونتي طالعة
قولت آخر جملتين بصوتو ونا بقلدو
ضحك عليا-انا بتكلم كدا
/اه
قعدنا نتناقش لحد م الفطار جه فطرنا ف جو من الحماس ونا مكنتش ببطل رغي خالص وهو كان بيسمع حواراتي التافهة ب انتباه شديد
ركبنا العربية
- حزام الامان
رفضت اربطو/ مش هربطو حاسة ملهوش لازمة
بصلي بخبث - ملوش لازمة
جري بالعربية ووقف مرة واحدة ونا ميلت لقدام واتخبط ف التابلوه
/اااه يبني هو انا موعودة بيك...غيران من حاجبي طيب كل شوية تغبطو.. ؟!
بصلي بضحك
-عرفتي لي حزام الامان مهم
هزيت راسي ب اقتناع/طب كنت تقولي لازم توريني عملي
حطيت ايدي ع حاجبي بوجع/حرام عليك الجرح كان قرب يخف من آخر مرة
شال ايدي من عليه وبص ع الجرح
-سليمة سليمة
بصتلو بغيظ وهو كان بيضحك على شكلي
روحني ورفض يطلع معايا
بصتلو من شباك العربية/متشكرة ل تاني مرة اظن مسئوليتك خلصت تجاهي
-انتي مسئولة مني لاخر نفس فيا
/نعم؟!
-إطلعي ي رحيق طمني مامتك بترن عليا اطلعي
مشيت شوية ونا بفكر ف كلمتو وبعدها بصيت عليه تاني كان مستنيني واول م شافني بصيت عليه عملي باي باي ب ايدو
ابتسمت وعملتلو باي وطلعت ع السلم ونا بفكر ف جملتو
/مسئولة منو لاخر نفس فيه... ؟!
يقصد اي دا...الإنسان دا بقا غريب آخر فترة وبيقول حاجات مش مفهومة
طلعت ودخلت وطمنت ماما وبلغتني ان سوزي ونور مشيو هزيت راسي ودخلت اوضتي ارتاح
مر يومين وقررت انزل الكلية عشان إمتحانات الميد تيرم الي قربت
/انا ماشية ي فطومتيي
=استني
لقيتها طالعة من المطبخ معاها موز بلبن
/اي ي ماما هو انا رايحة حضانة موز بلبن ف الكلية
=ايوا امسكي دكتور على طلب مني اديكي فيتامينات وحاجات تقويكي
/تقومي تعمليلي موز بلبن
=ايوا وبطلي لماضة بق
/هاتي أمري لله
نزلت ع السلم ونا ببرطم
/حتى وهو مش موجود قارفني
ركبت ومشيت واليوم دا سوزي سافرت ل جدها ونور كانت تعبانة ف محدش جه معايا
-حمدلله ع السلامة ي حريق هانم
قال كدا دكتور على وهو داخل معايا المدرج
/الله يسلم حضرتك ي دكتور... على الله انهاردا مطردش كمان
غمزلي وقال-شتان بين اليوم الي فات وانهاردة
مفهمتش ف بصتلو ب استغراب ومشيت وقعدت
بدأ يشرح بس كنت حاسة انو بيخطف نظرات ليا ف نص الشرح كدا اه بيبص على كلو وهو بيشرح بس لما كان بيجي يبصلي كنت بحس بنظرات غير
نفضت من دماغي و المحاضرة انتهت ولحسن حظي ان كان عندي دي بس
خرجت وهو كان عايز يلحقني بس في بعض الطلاب اجتمعو حواليه الي بيسألو على حاجة والي بيعرف منو معاد الاكزامنيشن
مشيت شوية وقبل م اخرج من الكلية وقفني أحد زمايلي
=رحيق
لفيتلو وقربلي
/ازيك ي احمد
=بخير ي رحيق الحمدلله كنت عايزك ف خدمة
/اؤمرني اقدر أساعدك ف اي
=الاسايمنت بتاعك الي شكر فيه دكتور مالك..محتاجو اذا سمحتي يعني
متخافيش مش هنسخو ليا بس محتاجو اشوف الديتيلز واحاول اقلدها
ابتسمتلو/ولا يهمك ي احمد ثواني اشوفو ف الملفات عندي لانو مش معايا حاليا ورقي الصراحة
هز دماغو ونا مسكت فوني اقلب فيه
/انا فاكرة انو كان معايا pdf لاني اصلا كنت ناوية ابعتو ع المنصة
مش لقياه
=طب مش مشكلة لما تروحي يبق ابعتيهولي
طلع دكتور على وشافنا واقفين
/ثواني بس ي احمد كدا
بدأت أدور ف الشنطة يمكن ألاقي الورقي بس بعض الاوراق وقعت مني ف انا وهو ميلنا وبدون قصد خبطنا ف بعض
قومت بسرعة ونا بمسك نفس المنطقة الي بتتخبط كل مرة
/ااه هو انا موعودة اتخبط فيكي
قام هو كمان بعد م لم الاوراق وقال وهو بيدهوملي
بضحك=محسودة
ضحكت عليه وخدت منو الورق/شكلها كدا
جه دكتور على لما شاف الموقف كلو وهو متعصب وشدني
/في اي
-تعالي معايا
شدني وهو ماشي
/سيب ايدي
فضل ماشي وهو ماسكني ف وسط استغراب احمد ف لفيت لاحمد وكلمتو وهو بيشدني
/هبعتلك كل حاجة لما أروح ي احمد تمام
هز احمد راسو ب ابتسامة ودكتور على لما قولت كدا شد على أيدي اكتر لحد م دخلني العربية وهو لف فتح الباب ودخل
قولت ب زعيق/ممكن افهم اي الي حضرتك عملتو دا
بصلي ب غضب-مين دا وكنتي واقفة معاه بتعملي اي ولي كنتو بتضحكو كدا
/ونت مال حضرتك يخصك ف اي مش فاهمة
بدأ صوتو يعلى-رحيق متختبريش صبري لاني اصلا معنديش صبر مين داا وكنتي واقفة معاه بتعملي اي ولي كنتو بتضحكو كدا
عليت صوتي/اسمع انا مش هسمحلك تتدخل ف حياتي وبعدين مين إنت ولي اصلا عايز تعرف كل دا
ف اللحظة دي على صوتو جامد وقال بعصبية
-عشان متنيل على عين الي خلفوني بحبك.. ارتاحتي
انا برقت بعيني وفضلت لحظات استوعب الكلمة الي اتقالت وبصيتلو/انت..قولت اي
بصلي تاني وبنفس العصبية-بحبك فاهمة
بتجن لما أشوفك واقفة مع غيري
بفقد عقلي ومش بشوف قدامي..
انا فقدت النطق للحظات وفضلت مركزة عليه وع الكلمة الي قالها
اتنهد وحاول يهدى عصبيتو شوية وبعدها بصلي-مستغرب صدمتك لاني حبي كان واضع جدا
اتعدل وقعد بحيث يبق قصادي
-ملاحظتيش حبي ي رحيق
انا اتلجمت وفضلت ساكتة
عدل قعدتو تاني وقال وهو بيسوق
-هسيبك فترة لحد م تستوعبي الصدمة عشان شكلك فقدتي النطق
نزلت راسي ل تحت ونا ببتسم مش عارفة لي بس يمكن الكلمة دي جاوبت على اسئلة كتيرة مكنتش لقيالها اجابة بدأت أدقق ف كل الكلام الي كان بيقولو ولما افتكرت جملة انتي مسئولة مني لحد آخر نفس فيا ف بصتلو بلهفة
/يعني كنت تقصد بجملة انتي مسئولة مني لحد آخر نفس فيا
قاطني وهو بيهز راسو-ايوا ي رحيق كنت اقصد ان انتي مش اي حد انتي الي سلبتي عقلي وكياني كلو انتي مني ومسئولة مني لاخر نفس فيا
بدأت افتكر باقي الجمل
/وشتان بين المرة الي فاتت وانهارده دي
قاطعني بردو-ايوا شتان لان لما طردتك المرة الي فاتت مكانش كره بس كنت بثبت ل نفسي انك ولا تهميني لما كان قلبي متعلق بيكي اما الوقت ف انا اتأكدت ان قلبي متيم بيكي
/يعني انت بتحبني من وقتها.!
هز راسو-ومن قبلها من اول مرة شفتك فيها بس كنت بعاند قلبي انك عادي مجرد إعجاب وهيروح لحالو بس كنت كل م تبقي قدامي بتسلبي كياني مببقاش دكتور على الي الكل عارف عنو الصرامة انتي خليتيني انسان تاني ي رحيق انسان بيعشق وكل هدفو ف الحياة يوصل لمعشوقتو
كانت عينو بتقول الكلام دا قبل لسانو
ابتسمت وهو رجع بص للطريق - مش عايز منك اي رد الوقت بس أتمنى انك متكسريش قلبي
وقف قصاد عمارتنا ونا مخدتش بالي ان وصلنا
-رحيق
/ها اي
ضحك شوية لما شاف شرودي وصدمتي-وصلنا ي رحيق
بصيت ع العمارة عشان اتأكد ف هو ضحك اكتر
-انزل اوصلك ل تخشي شقة حد من الجيران
مبصتلهوش ونزلت وخدت السلم جري ل فوق
وهو فضل واقف لحد م اطمن اني دخلت ومشي وهو بيضحك على حالتى
اما انا ف كنت ف وادي تاني دخلت الشقة وجريت ع اوضتي وقفلت الباب ونا قلبي هيطلع من مكانو
/بيحبني ازاي بس بيحبني ازاي انا لي كنت غبية لي عمري م فهمت حبو الي كان اوضح من الشمس
هحط عيني ف عينو ازاي بعد كدا لالالا انا مش هروح الكلية تاني اصلا
طب والميد تيرم..!؟
يولع انا مستحيل اقف قدامو تاني
ماما قربت من اوضتي لما سمعتي بكلم نفسي
=بتكلمي مين ي رحيق
انتفضت لما سمعت صوت ماما
/ و ولا حاجة ي ماما
مشيت ماما وهي بتستعوض ربنا عليا
جه الليل ونا النوم أبعد ما يكون عن عيني سمعت صوت رسالة ف فتحتها لقيتها منو
-اتمنى تكون الصدمة اتلاشت الوقت
ول نايمة ومبرقة عينك وباصة للسقف لسة.!
قال كدا وبعت اتنين ايموجي ضحك فتحتها بس مردتش ف هو ضحك لما شافني شفتها ومردتش وعرف اني لسة مصدومة
قفلت الفون بسرعة ولسة نبضات قلبي زي م هي بل لما بتيجي سيرتو او حاجة تخصو بتعلى نبضات قلبي
جه تاني يوم بعد اما عاندت عقلي انو ينام بالعافية
ماما جت صحتني
=انتي ي مفعوصة انتي مش هتقومي للكلية الساعة بقت ٩
قومت ونا نعسانة جدا/مش هروح ي ماما إطلعي واطفي النور
=مش هتروحي لي يبنتي امتحاناتك قربت
/مفرقتش من يوم يست الكل سيبيني أنام الله يرضى عنك
وغطيت راسي بالبطانية
سمعت صوت رجولي من برا
-هي هتفضل كسولة لامتة ي طنط
برقت ونا تحت البطانية
هو هو دا صوتو ونا اغفل عنو..! بس دا اي جابو من على وش الصبح كدا
فتحت البطانية شوية وقولت ل ماما بهمس
/ماما قوليلو ماتت او فطست او اي حاجة ومشيه عشان خاطري
=انتي اتلبستي يبت قومي اتلحلحي كدا عشان تمشي معاه
/يولية هتمشي بنتك مع راجل غريب مش خايفة ل يخطفني
غمزلتلي وقالت وهي طالعة من الاوضة=لا مهو مبقاش غريب خلاص
قومت من مكاني ونا بستوعب كلمة ماما
/مبقاش غريب ازاي يعني
برقت عيني
/معقول هتأجرلو اوضة تميم
قومت جهزت ونا بحاول أأخر عشان يمشي بس هو لابت ما شاء الله
خلصت وحمحمت وطلعت
=يادي النور يادي النور اخيرا العروسة شرفت دا كلو يبنت المخفية
-سيبيها ي طنط الصدمة كانت كبيرة عليها بردو
قربت ناحيتو وشاورتلو ب صباعي
/انت هتاخد اوضة تميم..؟!
ماما بصتلي ب استغراب
=نعم يعنيا
/مش انتي قولتي انو مبقاش غريب خلاص يبق أكيد اجرتيلو اوضة تميم
إسمعي ان حصل هكلم تميم وهو يتصرف معاكو
الاتنين خبطو دماغهم على غبائي المفرط
الغباء ليه حدود الا معايا
-رحيق
لو الغباء بياخدو عليه فلوس ف سدقيني كنتي هتبقي اغنى انسانة ع الارض
رفعت راسي بتكبر
/اللهم زدني تواضعا
ضحك عليا
=اتفضلي ع الكلية ي اخرة صبري هتشليني هتشليني
قالت اخر كلمتين وهي متعصبة نوعا ما
مشيت معاه ونا بحاول أبعد عنو ومتكلمش عشان لساني بيتقطع معاه
-لسة مصدومة
/ها لا انا زي الفل
-واضح جدا
فضلت ساكتة طول الطريق ف هو محبش يكسر صمتي
لما نزلنا الجيبة بتاعتي مسكت ف الباب فضلت أشدها بس كانت معلقة جامد
لاحظ وقفتي بعد م قفل الباب وهو نازل قرب مني-في اي
بصيت بعصبية/الزفتة دي مش راضية تتفك
ضحك على عصبيتي-اهدي بس مش كدا
نزل وبدأ يشوف العيب فين وطلع ان الجيبة ماسكة ف طرف الباب من تحت ف مسك طرف الجيبة ونزلو وبعدها طلعو من تحت بالباب وقام وقفل الباب
-بشدك ليها كنتي ممكن تقطعيها اتعاملي مع الامور ببساطة مش بالهمجية الي انتي فيها دي
بصتلو ببرود وقولت ونا ماشية
/على آخر الزمن هتعلم منك انت المعاملة
مشي ورايا بضحك من شكلي الي كان عاجبو جدا
كان ماشي جمبي ف بعض البنات همسو عليه وانو قد اي جنتل وحلو ونا سمعتهم ف قربت منهم
/لا وكمان بيحب واحدة لسانها متبري منها اجاركي الله
ف احذري قبل كدا سمعت واحدة بتقول نفس الي قولتوه دا
و البنت بتتعالج وف مصحة الوقت
البنات اترعبو ومشيو ونا رجعتلو
وهو ضحك عليا-قولتلهم اي خليتي وشهم اصفر كدا
/ولا حاجة كنت بعرفهم بنفسي
ومشيت
ضحك ولاحظ غيرتي ومشي ورايا لحد م دخلنا المدرج وبدأ يشرح
خلص شرح ونا قررت اروح لاني هغيب من المحاضرة الي بعدها طبعا وقفني دكتور على وقرر يروحني
-الايام الجاية هتبق حلوة اوي وياكي ي رحيقة
قال كدا بعد م نزلت من العربية وطلعت العمارة
جه اليل و
جتلي رسالة كنت خايفة انها تجيلي ف يوم م الايام
..................
مرت الايام وكنت بتجنب دكتور على تماما وكنت ساكتة طول الوقت دكتور على حاول يوقفني كذا مرة بس كنت بصدو كلو لاحظ تغيري المفاجئ
وف مرة ونا خارجة م الكلية
وقفت ع الرصيف استني تاكسي عشان امشي
صوت قرب من ودني وهو بيقول
=أهلا
بصيت ل مصدر الصوت وانصدمت
/انت
قرب مني ووقف قدامي
=توقعت إنك مش هتتفاجئي من وجودي
بصيتلو بدموع وخوف/ان.. انت اي جابك الوقت
=اخس عليكي ي رحيق بدل م تاخديني بالحضن د انتي حتى وحشاني
/أرجوك سيبني ف حالي سيبني من ساعة م بعت الرسالة ونا عايشة ف رعب ارحمني بق حرام عليك
خد دمعة من ع خدي وحطها قدام عينو
=دموعك غالية عليا اوي ي روحي إوعى تعيطي
كان دكتور على طالع بعربيتو ف شافني من بعيد واقفة وبتكلم معاه قرب ببطئ بالعربية عشان يلاحظ مين دا
/طب أعملك اي وتبعد
=لالا انتي شكلك متعرفيش
قرب من ودني وكمل=دنا جاي وناوي اكمل باقي حياتي معاكي
ف اللحظة دي نزل دكتور على جري ومسك وائل من ياقة القميص
-عايز اي منها يلا انطق
نزل ايدو بعصبية=ونت تطلع مين ي نجم
-انا عملك الاسود انطق انت مين
بصلي ورجع بص ل دكتور على=انا خطيبها
بص دكتور على بصدمة-خطيبها!!
=ايوا ممكن أعرف مين حضرتك وجاي تضربني ب اي حق
تطلع مين انت..!
قرب مني ببطئ-مين دا ي رحيق واي التخاريف الي بيقلها دي
فضلت ساكتة و دموعي نازلة
زعق-رحيق مين دا اي الي بيقولو دا ردي عليا متفضليش ساكتة
وقف وائل بينا=ردي كفاية هتعمل اي ب ردها
وهعدي مسكة قميصي دي عشان هعتبرك جاي تعمل خير وتساعدها
بصلو دكتور على بغضب وخبطو بونية
-اياك تتدخل بيني وبينها
قام ومسك فيه وكان هيضربو
وقفت بينهم وزعقت بعياط/كفاية كفااية ارجوكم
بصيت لدكتور على بعصبية/مش قالك انو خطيبي لي مصر تسمعها مني اديني بقولهالك اهو دا يبق خطيبي ونت ملكش اي حق تتدخل بينا واتفضل اخرج برا حياتي ارجوك
بصلي بصدمة وهو بيحاول يستوعب حجم القلم الي خدو
وقف قصادو =اظن ردها لجمك
هسيبك تستوعب الصدمة الي انت فيها دي ومش هرد ضربتك وهبق ارجل منك
بصلي دكتور على نظرة اخيرة نظرة مش هنساها ابدا نظرة كلها كسرة انا كسرتو رغم انو قالي متكسريش قلبي
ومشي
مشي وهو قلبو مكسور اتخدع من اكتر انسانة وثق فيها وحبها
فضلت اعيط كتير
كنت عارفة انو هيرجع..رفضي المرادي هيأذيني وهيأذي ماما ونا مقدرش
بصلي بعد م بص ع فراغ دكتور على الي اختفى ف الطريق
=شطورة انك وافقتيني
أتكلم بخبث =المرادي جاي ومستعجل الجواز اوي
رجع لورا=ف يالي عشان هتفق مع فطومة على كل حاجة
مشيت معاه ونا ساكتة و دموعي نازلة
نروح ل دكتور على الي كان سايق العربية بسرعة جنونية لحد موقف فجأة واتكلم بزعيق وعصبية
-غبي غبي غبيي ازاي مفهمتش انها رفضاك دا كلو لي محستش انها مش عايزاك...لي كنت متمسك كدا لييي
قال كدا وهو بيخبط الدركسيون جامد
-طلعت مخطوبة امال ونا كنت المغفل كانت شايفة حبي ف كل حاجة كلامي تصرفاتي لي ممنعتنيش لي مثلت عليا البراءة وعلقتني بيها
دموعو خانتو بس مسحهم بسرعة
-مش دي الي تنزل دموعك عليها ي على مش دي لا
بعدها اتحرك ومشي
يتبع..
...............................
•تابع الفصل التالي "رواية ليه لا" اضغط على اسم الرواية