رواية ليه لا الفصل الخامس 5 - بقلم ميرنا عمار
لقى كثبان رملية كتير جدا قعد يمشي وسطهم لحد لما لاحظ قماشة ورا احد الكثبان دي مشي لحد عندها ببطئ لحد م فجأة
لقاني مرمية والرمل مغطي نص جسمي
جري عليا بصدمة من منظري اي الي وصلني ل كدا
شالني حطني ع رجلو
قال برعب-رحيق.. رحيق اصحي انا جيت أهو رحييق رحيق فوقي انا جيت عشانك ي رحيق
بس مفيش اي رد مني جسمي كان متلج جدا وشفايفي زرقة جدا
-مش هيحصلك حاجة ي رحيق اوعدك انك هتكوني بخير اوعدك
قال اخر كلمتين بصوت مهزوز
شالني وجري بيا لحد م قابل افراد الانقاذ معاهم النقالة حطوني عليها وجريو لحد مكان الخيم
اول م وصل بيا نادى بصوت عالى جدا
-نادووو الفريق الطبي فورا....بسرعة مفيش وقت
سمعو سوزي ونور صوت زعيق طلعو يشوفو في اي لقوني متحملة على النقالة وداخلين بيا احد الخيم جريو عليا وهم بيصوتو
-رحيييق رحيييق... فيها اي مالها
"اي الي حصل ي دكتور ارجوك احكيلنا
قال دكتور على وهو بينهج-مفيش وقت للأسئلة
وجري مع الفريق الطبي ودخل الخيمة ودخلو وراه نور وسوزي
بدأ الفريق يفحصني بعناية وبعد فترة
=لازم تروح المستشفي فورا
قال كدا أحد الأطباء بعد م فحصني
اتكلم دكتور على بخوف-فيها اي..!؟
=نبضها ضعيف جدا درجة حرارتها وصلت ل تحت ال ٣٠ ودا خطر جدا ف الطب خصوصا انك جايبها ساكنة تماما ومش بترتعش
كمل بتحذير
=لازم تدخل طبي فورا ي على
بص للي معاه وقال
=عقبال م عربية الاسعاف توصل هنا غطوها بكذا بطانية فوق بعض وقبل دا كلو انتو..
شاور ع نور وسوزي
=انتو غيرو هدومها الاول
نور وسوزي هزو راسهم وخرج الجميع من الخيمة وسوزي ونور بدأو يغيرو هدومي
خرج دكتور على مع الطبيب الي فحصني
-استعجل الاسعاف ارجوك ي نادر انا مش هخاطر اتصل شوف قدامهم قد اي لو هيأخرو هاخدها بعربيتي
نادر بصلو بتفهم=اهدى ي على متفهم وضعك البنت دي مش مسئوليتك بس دي مسئوليتنا كلنا عشان كدا انا كلمتهم من اللاسلكي وبلغتهم انهم يجهزو غرفة بسرعة متقلقش هتبق بخير
قال آخر كلمتين وهو يطبطب ع كتف دكتور على
انسحب دكتور نادر ووقف دكتور على تايه مش عارف يعمل اي اي الي بيحصل ولي بيحصل
نور طلعت -دكتور على
بصلها بلهفة وجري عليها-غيرتولها هي عاملة اي ادخل
-غيرنالها وغطيناها كويس بنحاول ندفي الخيمة على قد م نقدر
كملت بتوتر-هي هتبق بخير صح جسمها ازرق وشفايفها زرقة...،انا انا خايفة ل يجرالها حاجة
قاطعها-لا مش هيجرالها حاجة اتفائلي رحيق قوية...،قوية ل درجة اني اكتشفت انها اقوى مني انا
دخلي وقرب مني
سوزي ونور حسو انو عايز يقولي حاجة ف طلعو
قرب مني وقعد جمبي واتنهد-انتي عملتي فيا اي....؟! انا مبقتش عارف نفسي من يوم م شوفتك مش فاهم انا مين واي الي غيرني وهل اتغيرت للاحسن ول للأسوأ..
قومي ي رحيق وفهميني قومي عشان الاقي نفسي تاني معاكي نَفسي الي تاهت من يوم م دخلتي حياتي ارجوكي قومي احمي قلبي.
سكت شوية وكمل
-قلبي ي رحيق الي علقتيه بيكي من غير م احس
دخلت نور وبلغتو بسرعة ان الاسعاف وصل
قام بسرعة شالني وطلع حطني ع النقالة ودخل معايا عربية الاسعاف
نور وسوزي صممو يركبو بس الممرض رفض وقال ان شخص واحد بس الي يركب معايا
نور وسوزي خدو عربية تانية وجم ورايا
بعد فترة مش كبيرة وصلوني المستشفي وطبعا دكتور نادر كان معانا عشان يتابع حالتي
اول م وصلت الممرضين عرفوني ودخلوني الغرفة الي جهزوهالي
=استنى انت برا ي على هبلغك بكل جديد
رجع كذا خطوة ل ورا وقفلو الباب قعد ع احد الكراسي وحط راسو بين أيديه ب إرهاق
-رحييق هي فين هي فين ي دكتور على
قالت كدا نور وهي جاية تجري
وقفها دكتور على-هي ف الاوضة حاليا بيفحصوها اهدى هتكون بخير ان شاءالله
قعدت نور ع الكرسي وهي بتعيط
-هقول ل خالتو اي ي سوزي هقلها اي قوليلي خالتو بترن من الصبح ومش قادرة أرد عليها خالتو لو عرفت هتروح فيها ي سوزي اعمل اي
كانت بتعيط وهي بتتكلم ف طمنها دكتور على
-هتكون بخير سدقيني هتكون بخير رني على خالتك حاولي تطمنيها
نروح ل ماما الي بدأت تدور ف مذكرات الكلية عشان تجيب اي رقم يوصلها ب الكلية بعد م تعبت م الرن عليا وع نور وسوزي ومش بتلاقي رد
رنت ف رد عليها حد
قالت بقلق-الو
=الو
-ازاي حضرتك انا انا.. والدة رحيق خالد محتاجة أتواصل مع حد ف الرحلة عشان برن عليهم ومش بيردو من امبارح وموبايل بنتي اتقفل ارجوك اديني اي رقم من هناك اتطمن عليها
العميد اتفهم توترها وقلقها=عنيا حاضر هديكي رقم دكتور على مشرف الرحلة تواصلي معاه وهو هيطمنك ان شاءالله
=ربنا يطمن قلبك يارب
اداها الرقم ورنت عليه فورا
عند دكتور على سمع فونو بيرن طلعو واتفحص من الرقم بس هو غريب ف رد
-الو
=ايوا.. ايوا ي دكتور على انا فاطمة والدة رحيق ممكن تديهاني اطمن عليها أرجوك برن عليها مقفول وصحباتها مش بيردو اديهاني اطمن قلبي يبني
اللحظة دي حس الدنيا بتلف بيه هيقول اي للأم الي قلبها مفتور على بنتها من غير م تعرف هي فيها اي... مال لو عرفت
...مش عارف يرد يقلها اي يكدب بس القلق هيفضل ف قلبها ول يقلها وقلبها يتعب اكتر
=يبني ساكت لي بنتي فيها اي
بعد مناقشات كتير ف عقلو يرد يقول اي
-بنت حضرتك ف المستشفي
ماما خبطت صدرها بصدمة=يمصيبتي مستشفى فيها اي مالها حصلها اي قولي يبني ارجوك
بدأت تعيط
-اهدي اهدي سدقيني هتبق كويسة حصلها حادثة صغيرة وهتقوم منها بخير ان شاءالله
=قولي إسم المستشفي ومكانها فورا
-مش لازم تغلبي نفسك انا هطمنك اول ب اول سدقيني
زعقت=قولي العنوان بقلك انا جاية ل بنتي فورا مش هستحمل أفضل بعيد عنها اكتر من كدا
اتفهم وجعها وخوفها ف اداها العنوان
-خليكي هبعتلك تاكسي
=لا انا هعرف اجي بطريقتي
وقفلت ف وشو
-قلتلها لي
قالت نور كدا بعتاب
-كنتي عايزاني أعمل اي اكدب عليها...،اما زعلها بالحقيقة افضل بكتير من اني اطمنها بالكدب
-خالتو عندها القلب لو تعبت ف متلومش الا نفسك
اتنهد وحاول يهدى-آنسة نور اقعدي وارتاحي ارجوكي احنا ف وقت حرج مش محتاج اي ضغط لاني مضغوط بما فيه الكفاية
نور كانت هترد بس وقفتها سوزي لما ضغطت على أيديها
مر الوقت وطلع دكتور نادر
=متقلقش نبضها رجع طبيعي الحمدلله ومؤشراتها الحيوية رجعت طبيعية بس لسة في انخفاض بسيط ف درجة حرارتها ومع العناية هترجع زي الفل ان شاءالله
اتنهد دكتور على براحة-الحمدلله... ينفع ادخلها. ؟!
=والله يعلى هو ينفع بس من رأيي إستنى لما حرارتها ترجع دا آمن ليها اكتر
هز دكتور على راسو بتفهم ورجع قعد ع الكرسي بيحمد ربنا هو ونور وسوزي
بعد ساعة وصلت ماما
=بنتي...ي رحييق هي فين فين بنتي انطقو
قامت نور تهديها-اهدي يخالتو هي بخير والله الدكتور لسة مطمنها
بصت ماما ل نور بعتاب-لي ينور لي مكلمتنينيش
نور قالت ببكاء-عايزاني اقلك اي يخالتو الحقي بنتك بتروح مننا...انتي روحك ف رحيق لو مسها اي شئ بيبق عليكي آنتي اضعاف خوفت عليكي يخالتو خوفت عليكي
حضنتها ماما وهي بتعيط
=اهدى يقلب خالتك اهدى انا بخير اهو بس طمنيني عشان خاطري رحيق بخير
بصتلها نور وهي بتمسح دموعها-والله يخالتو بخير الحمدلله بس لسة تحت الرعاية ساعة و هتفوق ان شاءالله وندخل نطمن عليها كلنا
=اي الي حصلها ي نور اي الي وصلها ل كدا
نور معرفتش ترد تقلها اي ف فصلت ساكتة
=ردي يبنتي مالها
أتكلم دكتور على-حادثة بسيطة متقلقيش
مشيت ماما تجاه دكتور على وبصتلو=ولما هي بسيطة جايبنها المستشفي لي هتصوروها
بصتلهم كلهم=انا عايزة أعرف بنتي وصلت هنا إزاي ومحدش يلف ويدور
سوزي اتكلمت"بسبب انسان و*اطي وعديم الاخلاق اتهمها اتهام بشع...رحيق متحملتش وجريت ف نص الصحرا عشان تعيط وهي بعيدة عننا...تاهت ف الصحرا ولقيناها الصبح مرمية وحالتها صعبة
بصت ماما بصدمة ل سوزي" مرمية ف الصحرة...مين البني أدم دا
نور اتكلمت"تامر...الي قلتلك انو بيدور ورا رحيق وعايزها
=انا عايزة اروح عندو الوقت...اقسم بالله م هخلي فيه عضماية سليمة
قال دكتور على وهو بيطمن ماما-هيتعاقب هو و الي تبعو اهدى انتي بس واقعدي هنزل اجبلكو حاجة تفطرو بيها أرجوكو اهدو نطمن على رحيق الاول وبعدها ندي لكل واحد حسابو
مداش فرصة لحد يرد ونزل
=تعالى ينور انتي وسوزي
قربو ل ماما وحضنتهم
=رحيق بنتي أسد من و هي صغيرة بتواجه اي صعب وبتعديه صح.. ؟
بصولها-ايوا
=يحبايبي كنتو بتحاولو تخبو عني ازاي..إزاي اتحملتو الوجع دا
-عشانك يخالتو انتي غالية عليا يمكن اكتر من رحيق
حضنتها ماما جامد وطبطبت ع كتفها
ماما...ماما الي قلبها ارهف من اي حاجة ف الدنيا...ماما الي ممكن تعيط لو شافت قطة موجوعة...ماما الي حنيتها تسوى ملايين الدنيا وما فيها
بعد فترة فوقت و الممرضة بلغتهم بكدا ودخلولي
اول م فتحت شوفت ماما
بصيت ب ابتسامة واتكلمت بتعب/فطومتي
قربت ماما مني وحضنتي بدموع=قلب فطومتك ي ماما قلب فطومتك من جوا
قامت من حضني بصتلي بعتاب=كدا ي حيقة كدا ي قلب امك توجعي قلبي عليكي
/انا بخير ي ماما انا بخير كنت بحلم بيكي ونا نايمة كنتي معايا حتى ونا نايمة
لمست خدي بحنية=ومعاكي يروح قلبي لاخر نفس فيا
دموعي نزلت كنت عايزة اقوم احضنها وحشاني بس هي منعتني ورجعتني مكاني
نور وسوزي اطمنو عليا بعياط
/انا بخير اهو في اي بق كفاية عياط
سوزي قالت ببكاء"انا بحبك اوي ي رحيق
بصتلها ب استهزاء/تسدقي مكنتش اعرف
" إمبارح لما حسيت إنك بتروحي مننا قلبي كان هيتخلع من مكانو اتأكدت إنك اغلى ما يمكن عندي
نور أكدت على كلامها وجم حضنوني حمدت ربنا ان عندي ناس ف حياتي زيهم يمكن ربنا ممنش عليا ب الاخوات اه عندي تميم بس دايما بعيد عني... بس هم عوضوني عوضوني كتير
جه دكتور على واول م شافني بقيت كويسة حسيت ب فرحتو الي كانت باينة ف عنيه
حاول يهدى نفسو-حمدلله ع السلامة ي رحيقة هانم
ابتسمتلو/الله يسلم حضرتك ي دكتور
-انتي بخير...متأكدة
بصتلو/ايوا الحمدلله اقدر اخرج
-لاا حاليا انتي انهاردة هتكملي هنا لسة محتاجة أكسجين
/مالو الي ف الجو قال لاء
ضحك-معلش تعالى على نفسك وخدى من هنا غيري نفس
كلنا ضحكنا وهو وزع الاكل الي جابو وسأل الدكتور هل انا ينفع أكل
وافق بس بسيط
دكتور على طلع برا يعمل مكالمة
=مين الحليوة دا يبت ي نور انا معرفتش غير اسمو وانو مشرف الرحلة
بصت نور ل ماما بضحك-دا الي بنتك نرفزتو وطردها
ماما شهقت=داا
نور هزت راسها
ماما بصتلي=مقولتليش لي انو حليوة كدا يبت
بصتلها ب استغراب/هتعمليبو اي ي فطومة دا قد ابنك بتفكري ف اي بس
=متخافيش فقدت الامل من ساعة ابوكي...بس اسكتي كلي كلي
نور وسوزي فهمو ماما الا انا
مر وقت ودخل علينا تاني عشان يطمن عليا
/والله انا بخير أرجوك مش بحب جو المستشفيات عايزة اروح بيتنا وحشني آوي اطلب من الدكتور يأذنلي بالخروج
-ي رحيق مش هنتهاون كملي اسطوانة الاكسجين دي حتى
/هاخدها معايا البيت بس أرجوك عايزة امشي
مقدرش يزعلني ف طلب من الدكتور وقالو عادي بس تكمل اسطوانة الاكسجين
مشينا من الاوضة ونزلنا من المستشفي وركبنا عربية دكتور على لانو رفض ان نطلب اوبر تماما
كان كل شوية يبص عليا من مراية العربية وماما لاحظت لانها كانت قاعدة جمبو ونا وسوزي ونور ورا
ماما اتكلمت بخبث=مش حاسة ان لازم تتجوزي بق ي رحيق ول اي
بصتلها بصدمة/عايزة تخلصي مني بدري ي فطوم!!
=لا مش القصد يعني بس....اسكتي انا غلطانة
ضحك دكتور على علينا وقال
-مامتك معاها حق ي رحيق
/في اي يجماعة انا لسة ٢١ سنة مبورتش متتكلمو يبنات
طبعا سوزي ونور كانو فاهمين دماغ ماما ف اكتفو بالضحك
ماما همست ل دكتور على=أصل بيني وبينك متقدملها عريس ميترفضش الصراحة بس مين يقنع البومة دي
بص دكتور على قدامو ببعض الغيرة واتكلم معاها بجدية-هي فعلا معاها حق لسة صغيرة اصبري عليها
=قلبت لي منت لسة قايل من شوية ان معايا حق
-على سبيل الهزار...سيبيها تتخرج بس من جامعتها الاول وبعدها انا هتجوزها
ماما قالت بصدمة=اييه
بصلها بتوتر-اقصد يعني انا هجبلها العريس واجوزهالك مش عايزة تخلصي منها
=مش للدرجادي بردو دي حبيبة قلبي بس بردو مش عايزاها تعيش نفس تجربتي
دكتور على حس بنبرة حزن
-ان شاءالله بنتك هتاخد واحد زي العسل
قال كدا وهو مبتسم ومعلى صوتو طبعا انا سمعت الجملة دي اما باقي الحوار ف هم كانو موطيين صوتهم
/بنتها مين ي دكتور
=وهو انا عندي غيرك اسكتي انتي بس كمل ي ابني
-وهيكون حنين عليها وبيحبها اكتر من نفسو
/عندك يعني من النوعية دي طب ساكت لي
قال بهمس ل نفسو
-سايبك لوقتي انا ي رحيقة
=بتهمس تقول اي يبني
-بقول انو سايبها للوقت المناسب
=ااه يالا كل واحد هياخد نصيبو
وصلنا بعد ساعتين وطلعنا شقتنا وهو طلع معانا
=اقسم بالله منت ماشي غير اما تتغدى
-والله م ينفع سدقيني ورايا شغل
=انا اقسمت الغي الشغل بق
بصتلو ونا داخلة/اقعد لان مهما اتججحت ماما مش هتمشيك
-طيب المهم خشي آنتي ارتاحي وانبوبة الاكسجين متفارقكيش
/هزيت راسي ودخلو سوزي ونور معايا يساعدوني وماما دخلت تعمل غدا
مر وقت وحسيت ب ملل
/بقولكو اي انا هخرج البلكونة شوية
-اقعدي يبت
/لا بجد مخنوقة هطلع شوية صغيرين عشان خاطري
"سيبيها ي نور روحي
طلعت روحت البلكونة
نور قالت ب عصبية ل سوزي-يبنتي دي تعبانة
" اسكتي بس انتي
طلعت سوزي قالت ل دكتور على ان طنط هتأكلنا ف البلكونة ف يروح يستنى هناك
راح لقاني قاعدة
-احم...
بصتلو/خير جاي هنا لي ضاق بيك النفس جوا
-مامتك بلغتني ان هيتغدو هنا ف جيت انتظر هنا
كمل بنبرة حنية-انتي كويسة متأكدة
هزيت راسي ونا بتنفس
/انا تعبت من البتاع دي عايزة اشيلو
-لا لما الاسطوانة تخلص
/بس خانقاني
-معلش استحملي عشان نسبه الاكسجين الي فقدتيها ترجع
اتنهدت وافتكرت ليلة امبارح وبصتلو
/انت مسدق عني الي اتقال
-اي الي اتقال
/ع اساس مش عارف
-لا بجد اي الي اتقال عشان اسدقو
/دكتور على الكلام الي الولد قالو عني إمبارح
-فين الكلام الي اتقال بردو
قولت بنفاذ صبر/اني بني آدمة متخلفة عشان قاعدة بشرح ل حضرتك
جيت اقوم شدني وقعدني بضحك
-اقعدي بس اقعدي
بصيت الجمب التاني بغضب
-بصيلي
/لا
-بقلك بصيلي
بصتلو ف هو كمل-إسمعي كويس الكلام الي اتقال إمبارح دا هوا بنسبالي مستحيل يدخل عقلي خصوصا ان عارف أخلاقك كويس
بصتلو بحزن/حضرتك اتهمتني اني عملتلو حاجة لما كنا فوق الجبل
غمض عينو بغضب من نفسو واتنهد-انا أسف عارف اني غلط كتير اوي بس كنت متعصب سدقيني..
هزيت راسي.. وهو سكت شوية وبعدها بصلي
-هربتي لي امبارح لي جريتي بالشكل دا
/مكنتش شايفة ولا سامعة اي حاجة غير كلام الحيوان دا واديك شوفت ف الجبل لما بزعل بعمل اي.. ف جريت كتير يمكن ألاقي مكان يدفيني او الاقي مكان مفهوش حد كنت عايزة ابعد
كملت بضحك
/بس تقريبا بعدت بجد ودخلت على ليبيا ونا مش واخدة بالي
ضحك واتكلم بجدية-طيب اسمعي..ينفع كلام المتخلفين دول متحطهوش ف دماغك
/مش بعرف
-طب يستي اعتبريه كلب ونبح..الكلاب لما بتنبح انتي بتعملي اي
/بصوت واطلع اجري
ضحك بصوتو كلو
-مش وقت هزار الله يرضى عنك
/مش بهزر دا الي هعملو فعلا
-بفرض انك انسانة طبيعية مش بتخاف منهم
/بسيبهم ينبحو واكمل طريقي
-بالظبط...دول زي الكلاب بالظبط بينبحو عشان يشوفو رد فعل الي قدامهم لو كان خوف بيقدرو يستعرضو عضلاتهم عليه عشان يدمروه اما لو كان الي قدامهم بارد وخوفو تحت رجلو ف هيكشو ويرجعو الف خطوة بعيد عنو
كمل-بس دا ميمنعش انهم هيتحاسبو على كل حرف طلع منهم وجرحك...اوعدك ي رحيق اني هخليهم يفكرو مليون مرة قبل م ينطقو بس اسمك
بصتلو ب امتنان/مش عارفة اشكر حضرتك ازاي ي دكتور..
-مش عايز شكر منك كل الي عايزو..
ولسة هيكمل ماما نادت عشان الغدا
بصتلو ب استغراب/مش قولت ماما هتجيب الغدا هنا
-ايوا سوزي بلغتني بكدا
هزيت راسي/طب يالا اكيد ماما غيرت رأيها
دخلنا وقعدنا ع السفرة وقضينا جو لطيف مع بعض
-حرفيا بق لازم امشي انا اخرت جدا
=متبات معانا يبني
بصيت ل ماما بصدمة يبات معانا فين وازاي
بصلها بضحك وبمغزى-الجيات كتير ب اذن الله وقتها يبق أقيم عندكو
وبصلي - لو حصل اي حاجة تكلميني فورا فاهمة
هزيت راسي وطلعت معاه لحد الباب
-مش محتاج اوصيكي ي رحيق اسطوانة الاكسجين تخلص وبكرا ان شاءالله هجيلك نروح المستشفي نطمن تاني
/تاني مستشفي انا مش بحب المستشفيات وسدقني انا بخير
-دا الي عندي هعدي عليكي بكرا ان شاءالله
نزل السلم وفضلت واقفة لحد م اختفي مش عارفة ليه اتدايقت لما مشي انا مش عايزاه يمشي بس نفضت من دماغي ودخلت
قعدنا كلنا ف الصالة بنهزر ونضحك
=مقولتليش ي رحيق دكتور على دا متجوز ول خاطب ول حاجة
/وبعدين ي ماما في اي مهتمة بيه لي كدا
=هشوفو ل نور ارتاحتي
بصيت ل نور ونور بصتلي بصدمة
-في اي يخالتو متصلي ع النبي كدا دكتور على اي
قولت ف سري/بدل م تقول هشوفو ل بنتي
=بتمتمي تقولي اي
/ها ولا حاجة بقول في حد ف حياتو اصلا
ماما بصت ب استغراب=مين دي
هزيت كتفي ببعض الزعل لما افتكرت الي قالو إمبارح/مش عارفة ف ياريت متفكريش فيه..
قومت بتعب واستأذنت اخش اوضتي
نمت ف سمعت صوت رسالة فتحت اشوفها من مين لقيتها منو..
-عاملة اي الوقت
طبعا هو مكانش عندي ف الواتساب صورة البروفايل عرفتني عليه
/بخير الحمدلله
-اسطوانة الاكسجين خلصت
/ايوا لسة خلصانة من شوية
-طيب نامي على ضهرك عشان نفسك ولو تعبتي قومي روحي البلكونة اتنفسي هوا طبيعي
/حاضر
عملي لاف وسكت
انا فتحت بروفايلو وركزت فيه قد اي جنتل اوي وحليوة ع راي ماما
خرجت منها فورا انا اي الي بعملو دا ونمت
نور وسوزي بيتو عندي لان ماما أصرت
تاني يوم لقيت الفون بيرن ورقم غريب
/الو
-صباح الخير
دعكت عيني/مين
-سيد امين
/أفندم
-انا ي رحيق هكون مين يعني
ركزت ف الصوت
/إزيك ي دكتور على
-بخير الحمدلله اجهزي عشان هنروح للدكتور
/بس انا كويسة وبعدين دكتور اي الساعة ١٠
-قومي يكسولة اخلصي
/مش قادرة أقوم عايزة انام
-هنروح للدكتور وبعدها كملي نوم لما ترجعي يالا مش هستني برا كتير
فتحت عيني بصدمة
/برا فين
-عندكو هيكون عند الجيران مثلا انا ف الصالة اجهزي يالا مستنيكي
قومت مفزوعة جه برا امتة جريت ع الحمام خدت شاور و جهزت وطلعتلو
-اخيرا انا مكلمك ١٠ طالعالي ١١
قولت ببرود/عقبال م جهزت بق مش عارفة انا اي دكتور الصبح دا طول عمري بتعب وماما بتوديني بليل
-انا هوديكي الصبح بعد كدا
/أفندم
-يعني الدكتور هو الي طلب تيجي ف المعاد دا يالي
ودعت ماما وسوزي ونور ونزلت ركبت معاه
/م كنت روحت مع ماما وخلاص
بصلي وهو بيقرب مني ف كشيت ل ورا
قولت بتوتر/ان انت بتعمل اي
بصلي استهزاء-هبوسك
شهقت بصدمة/ي سافل ي قليل الادب نزلني
-حزام الامان ي دراما هانم وسعي كدا
اتنهدت ب اطمئنان/وقعت قلبي ي شيخ
قال وهو ماسك الدركسيون وباصص قدامو وبيسوق-وبعدين لما تيجي الفرصة وابوسك أكيد مش ف العربية
/نعم فرصة اي
-اقصد مراتي لما تيجي مش هعمل كدا ف العربية
/ااه
سكت شوية وقولت
/هو مين الي قولت عليها إمبارح ان قلبك مال ليها... مقصدش حاجة والله بس يعني عايزة يعني....خلاص فكك
بصلي بضحك-متشوقة تعرفيها
/مش اوي يعني عادي
-باين اوي عليكي
/لا سدقني يعني نور اهه نور هي الي قالتلي أسألك
-ونور هتستفاد اي لما تعرف
قولت بتلقائية من التوتر=اصل يعني ماما كانت شايفاكو ل بعض
وقف العربية بصدمة
خبط جبهتي بغباء/اي الي قولتو داا
-شايفة مين
/مقصدش هزار هزار ماما بتموت ف الهزار كمل سواقة
كمل سواقة وهو بيهز راسو-هزار.. طيب
سكت طول الطريق عشان مخربش الدنيا اما افتح بقي تاني ووصلنا والدكتور فحصني وكنت كويسة تماما الحمدلله ومش محتاجة اي أكسجين صناعي
نزلنا وركبنا العربية تاني والمرادي عملت حزام الامان قبل م يقرب مني ف هو ضحك عليا
-تفطري؟!
/عرفت منين انا هموت م الجوع
غمزلي-قلبي عندك
بصتلو بغباء/قلبك فوق معدتي
اتنهد بقلة صبر-لا ف رجلي اسكتي ي رحيق اسكتي هتجلط..
•تابع الفصل التالي "رواية ليه لا" اضغط على اسم الرواية