رواية شادي ونورهان الفصل الرابع 4 - بقلم سلمى ايمن
_فهمت دلوقتي مش بتردي علي تلفونك لي ....
بصت ليه بصدمه وهيا مكنتش متوقعه ابدا حضوره هنا وبالشكل ده وكان شادي بيبصله بأستغراب وهو بيبص علي نورهان اللي قالت
=أسر انت اللي جابك هنا
قال ليها اسر وبص علي شادي
_قعدالي مع واحد في كافي علي اساس انك بتشتغلي فيه ومش بتردي علي تليفون... يا خساره تربيت ابوكي فيكي ده ربنا رحمه قبل ما يشوف بنته وهيا بشكل ده
=انت اتجننت.. اي الكلام ده
قالت نورهان الكلام ده وهيا بتقوم من كرسي مدافعه عن حالها بوجهه غاضب وكملت كلامها
_انا مسمحلكش ابدا انك تغلط فيا ولا في تربيتي... اقسم بالله انسي اللي احنا فيه واللي بينا وافضحك في اللي يسوي ولا ميسواش لو غلط فيا تاني يا اسر
قال اسر ساخراً
=طبعاً... ماهو ده اللي انتي فالحه فيه عشان تدفعي بيه عن حالك انما لو جبت حد من عائلتك وشافوكي مع راجل غريب تفتكري هيقولو اي تفتكري امك هتقول اي لما تشوف بنتها مع راجل لوحدهم في كافيه ومتعرفش بيتنقشو في اي ولا اي
قام شادي بعد ما سمع كلام اسر اللي ضايقه ونرفزه جدا ووقف قصاده
_وانت تبقا مين بقا عشان تقول كل كلام ده
=بيقولو خطيبها وانت تبقا مين يا جدع عشيقها ولا الاكس بتاعها
قالت نورهان بصوت عالي وحده
_احترم نفسك يا اسر وشوف كنت رايح فين ومتجيش هنا تاني ابدا
قال اسر
=عشان تعيشوا حياتكو هنا مع بعض من غير اي دخيل يجي عليكم
امسكه شادي من ياقه هدومه وبيبصله بكل حده ونرفزه
_عيب تكون راجل وتقول كلام ده لي واحده بنت اللي هيا بالأصح خطيبتك.. شوف نفسك انت بتعمل اي الاول ومتجيش تكلم علي بنات ناس اللي متربين تربيه متجيش ربع تربيتك اصلاً
زقه اسر بقوة خلت شادي يرجع لي وراه لدرجه انه كان هيقع بس مسك في احد كراسي اللي محطوطه علي جنب، فقال اسر ليه
=وانت تطلع مين في الحكايه دي كلها يا روح ماما المنقذ بتاع الهانم ولا بودي جارد الشخصي ليها
محتملش شادي اكتر من كده واشتعل قلبه غاضباً وبسرعه شديده كان عند اسر وقام بضربه في وجه ضربه خلت التاني يرتد لوراه من شده الضربه، بس الموضوع مسكتش عن كده وبقا اشبه بصراع بين الاثنين
وكان الجميع بيشاهدو في صمت والكل متردد انه يدخل يفصل ما بينهم لاحسن يتأذو في الاخر، وكانت نورهان حاولت ان تفرق مابين الاثنين بس مقدرتش فا ملقتش طريقه غير انها تجيب المدير يمكن هو اللي يفك العراك ده
وغابت لدقايق قليلا وجاءت سريعاً برفقه المدير شريف اللي اتي مهرولاً بعد ما سمع انو الخناقه مع ابنه، وشاف منظر الخناقه فا ناده خمس من رجال اللي شغالين في مكان وقال
_انتو واقفين بتتفرجو علي اي روحو بسرعه فكو مابينهم
دخل بعض الشباب اثنين مسكو بي اسر واثنين بي شادي اللي حاول ان يتملص منهم بغضب يشتعل في عينيه وهو بيبص علي اسر بكل حده وضيق وكان الامر نفسه بي اسر
وقف شريف في نص وهو بيبص علي الاثنين بضيق وغضب وقال وهو بييص لشادي
=ينفع افهم اللي حصل ده.. انتو في مدرسه علشان تتخانقو بالشكل الغبي ده
قال شادي بضيق
_متبُصليش اسأل اي حد في المكان هنا وهيقولك علي اللي حصل واللي عملو الحيوان ده
قال شريف بهدوء
=اسكت يا شادي بعد اذنك
وبص لي اسر وقال
_في اي حضرتك ينفع تقولي المشكله
وقف اسر بي استقام وهو بيبص لي شادي بكل ضيق وغيظ
=الموضوع ان الانسه اللي هناك دي
شاور علي نورهان اللي بتتفرج من غير كلام و بتوتر وزاد التوتر لما شاور عليها اسر وكمل كلامه
_تبقا خطيبتي وجيت عشان اخدها بس الشخص ده وقف قصادي ومرداش يخليني اقرب منها
قال شادي بصوت عالي
=كداااب.. كداااب اوعي تصدقو لان البني ادم ده دخل المكان وقال كلام علي بنت دي مينفعش يقولو حته لو كان خطيبها ملهوش الحق انو يقول كده
قال شريف محذرا
_اخر انذار ليك وهتترمي بره المكان لو فتحت بقك بكلمه تاني
وبص لي اسر وقال
_بعتذر منك نيابه عن ابني واللي عمله بس حضرتك المكان هنا ليه حدوده واحترامه ومينفعش اللي عملته ده
قال اسر بهدوء اغاظ شادي
=من ناحية تصرفي فانا بعتذر انا كمان عليه انما انه يدخل في شؤون ما بيني انا و خطبتي هو اللي دفعني اني اعمل كده
_وانا بعيد اعتذاري تاني ليك وتقدر حضرتك تتفضل او تشوف كنت ناوي علي اي
نظر اسر لي شادي نظرة اغضبت الثاني وبعديها راح ناحية نورهان ومسكها من ايديها وقال لشريف
=بستأذنك انا هاخد نورهان انهارده لاني محتاجه في شوية حاجات وكده
قال شريف بهدوء
_اتفضل طبعاً
جذبها من ايديها وطلع بره المكان تحت نظرات شادي متعجبه وبعد ما طلعو تقرب شادي من والده وقال بتعجب واستغراب
=اللي انت عملته ده يا بابا، ازاي تسمحله انه ياخدها بالشكل ده
_عاوزني اعمل اي يعني واحد وعاوز ياخد خطبته اقولو اي بصفتي اي
=انت صدقت كلام الغبي ده.. ده دخل وقلل منها وانا كل اللي عملته اني دفعت عنها...
_بصفتك اي
صمت للحظات قليلا وهو معرفش يجاوب بي اي وبعد تفكير قال
=بصفتي اني راجل ولازم ادافع علي واحده ست لو حد ضيقها او تعدي حدوده عليها مش كنت دايما بتقولي كده
_بس ده خطيبها مش اي راجل غريب عشان تعمل كده
=خطيبها.. يعني لسه ميجوزلهاش ولا ليه حق عليها لسه وانو لما يدخل ويشوفنا انا وهيا مع بعض يقول كلام ميصحش فا ده يخليني ادخل
_لو اي راجل مكانه كان عمل كده فا متبررش حاجه.. والغلط عليا اصلا اني سمحت ليكم انتو الاثنين انكم تقعدو مع بعض من غير ما اتوقع المصايب اللي هتحصل بعد كده
ختم كلامه وهو بيمشي بعيد عن تاني بضيق من اللي عامله اما تاني فضل واقف مكانه وكل ما يتخيل اللي حصل من دقايق قلبه بيشتعل من الغيظ ويشدد من ضغط ايده جامد وهو بينتوي علي شئ....
..........
اما في ناحيه الاخره عند نورهان
اتأكدت انها بعدت عن الكافي مسافه كويسه، لتسحب ايديها بقوه من ايده وهيا بتقول بصوت حاولت مطلعهوش عالي
_انت ازاي تمسك ايدي بطريقه دي قدامهم انت مجنون ولا في فدماغك حاجه
قال ليها بحده
=ما بلاش تكلمي انتي وانتي السبب اصلا في كل اللي حصل ان مكنتيش قاعدتي مع العيل الغبي ده ولا كان هيحصل حاجه بس نعمل اي من يوم ما باباكي الله يرحمه مات مبقاش في راجل يحكمك ولا يركز معاكي فا استهليتي الوضع اللي انتي فيه وعُمتي فيها
ضربه جات علي وجهه بقوه وهيا بتبص ليه بكل غضب حده ورفعت سبابتها امام وجهه
_انا حذرتك مره المره تانيه صدقني هتندم ندم طول حياتك لو اتعديت حدودك معايا تاني يا اسر وانا مش نورهان الاوله اللي كان اي حد يضحك عليها بكلمتين لاااا الحمدلله بقيت احسن من الاول مليون مره من اللي فات و ابويا رباني تربيه سليمه ميه في ميه يشهد عليها كل اللي يعرفني واللي ميعرفنيش كمان من قعده واحده معايا بس.. فا متجيش انت يا راجل يا مش محترم تقلل من تربيتي ولا احترامي... ليييه انت مين... مجرد واحد دخل حياتي صدفه وفي اي ثانيه اقدر اطلعه منها من غير اي مجهود فا بلاش تخليني اعمل حاجه انت مش هتحبها ابدا
قال مبتسماً بخفه
=صدقيني لولا اني بحبك مكنتش رحمتك في ايدي ثانيه واحده وحبيت اقولك بالنسبه لواقفه دي اني كمان ثلاث ايام هكتب كتب كتابي عليكي واظن لو مكنتش غلطان انو العائله الكريمه كلها موافقه واولهم مامتك اللي هتموت وتشوف بنتها احلي عروسه... ومن بعد كده هيكون ليا كامل الحق عليكي مش مجرد واحد داخل حياتك
فتحت عينيها دون تصديق وهزت رأسها وقالت
_مستحيل... أبداً اني اتجوز واحد زيك ولا في احلام كمان ده لو مفيش غيرك في الدنيا كلها افضل الموت علي اني اخد واحد زيك
=غريبه رغم انك كنتي هتموتي عليا لما جيت خطبتك ولا مفعول الحب خلص خلاص
_مش هنكر.. فعلا كنت بحبك وكان اسوأ حب يعدي في حياتي تصدق... حب كاذب ومش حقيقي ومجرد مظاهر وزهو البدايات في البداية وبعديها كل حاجه اكتشفت والحجاب اتشال من عليك وبانت كل حاجه الحمدلله
=والله انتي اللي موهمه نفسك بكل ده انما مفيش اي جديد حصل وكل حاجه زاي ما هيا
ضحكه انفلتت منها دون قصد وقالت
_ههه متوهمه... ميكُنش حلم بردو وهصحه بعد شويه.. والله يا اسر انت اللي عايش في ميه البطيخ وبقيت عندك زاي الكلب المشتري رميه في شقه من غير اكل ولا شرب ولو فكرت تتطمن عليه مش بعيد تبعتله حد يخليه هو اللي يطمن عليه.... هو ده حالي يا اسر باشا في الوقت اللي ابويا مات فيه كنت محتاجه دعم وسند في الوقت ده بس خطيبي مش فاضي عنده اللي اهم مني
=انا عمري ما كلمت حد غيرك من اول معرفتك علي فكره
ضحكه ثانيه فلتت منها
_ههه الكلام ده تقولو لبنت في اوله حضانه ده لو صدقت اصلا
=والله يا نورهان انا قولت اللي عندي وبيراضاكي او لا كتب كتاب هيكون بعد ثلاث ايام ودي كلمتي.. سلام
ومشي من جمبها وهيا واقفه مكانها واخده صدمه ومش عارفه تعمل اي وهل هينتهي بها المطاف في الاخر في جواز بيه... اهزت راسها سريعا منهياً الفكر دي ومشيت وهيا هتفكر بي اي طريقه انها تمنع الجواز ده
...........
في تاني يوم
صحيت من نوم بنشاطً وسعاده وهيا بتستعد للنزول كالعاده في اماكنها المفضله يوميه
سمعت صوت بنت صغيره جايه عليها وهيا بتنادي اسمها بسرعه وحماس شديد
_عائشه.. عائشه عائشه
قالت عائشه بنعاس وهيا تفرك عينيها
=اي في يابنتي حد يجي كده وهو لسه صاحي من نوم
_حذري فزري المفاجأة انهارده
=هيعملو حفله في مدرسه بتاعتك
ازالت ابتسامه الاخره وقالت بعبس
_حفله اي... لا دي حاجه تانيه خالص مفاجأة ليكي انتي مش ليا
اشارت عائشه لنفسها بتفكير
=حاجه ليا انا... ما تقولي وتخلصي يا مريم بدل الالغاز اللي عماله تطرحيه عليا دي
وقبل ما تكلم مريم سمعت صوت باباها وهيا بتناديها بحده
_مريم اطلعي بره الاوضه
قالت مريم وهيا بتبتسم بخبث لي عائشه
=ابويا هيقولهالك بطريقه احسن مني سلام
_في اي انا مش فاهمه حاجه
جمله تفوهت بيها عائشه من غير فهم فقعد قدامها ابوها وهو بيقول بكل هدوء
=الموضوع عادي مفيهوش حاجه فكك من اختك مريم... انتي تعرفي عم مصطفى صح
_عم مصطفى بتاع الجنينه
=ايوه
_ماله بقا
=جيبلك عريس
اهزت عائشه رأسها لثواني لتنتبه لما ما قاله وثبتت رأسها وبصتله وقالت
_جيبلي اي
=عريس يابنتي وسمعت انو من عائله مُحافظة زينا كده واخلاق وكويس وظروفه الماديه تمام.. وهو شافك لما كنتي في جنينه مره فا كلم مصطفى وقاله عنك فا ادله رقمي وانا كلمته وكان الشاب قمه الاخلاق والاحترام واتفقت انو يجي بكره
_تقدر تقولي اسمه يا بابا
=يوسف......
يتبع....
لو رواية عجبتكم التفاعل رجاءً
بقلم سلمي ايمن
توضيح صغير للناس اللي مش فاهمه القصه ماشيه ازاي:
بصو الحكايه بتكلم عن اربع اشخاص مش اتنين
نورهان وشادي وعائشه ويوسف
وكل اثنين حكايتهم مختلفه عن ثانيه
نسيت اوضح كده في اول رواية بس المره الجايه
هبقا اكتب ملحوظة لي اي حاجه جديد اعملها في رواية
•تابع الفصل التالي "رواية شادي ونورهان" اضغط على اسم الرواية