رواية رنا وسيف الفصل الرابع والاخير 4 - بقلم سلمى ايمن

=الحكاية ياستي واللي تقريباً لسه محدش حكيهالك اني جاي عندك طالب ايد سعدتك... 

سكتت وهيا تستوعب الكلام اللي قاله منذ ثوانً ، فقرصت نفسها تتأكد ان كانت لسه في حلم ام حقيقه وأحست بالألم فقال التاني بملل

_هاا استوعبتي ولا لسه

=انت بتكلم جد

_لا بهزر معاكي وبعمل حوار

=يا سيف بقا بطل رخامه وقولي كلامك ده حقيقي ولا اي  لأني.. 

قاطعه بنبره خاليه من اي معني

_ اي سيف ده... في حد قاعد جمبك ولا اي

=لا مفيش حد بكلمك انت

_انا انا ازاي يعني

مفهمتش هو قاصده اي واي معني كلامه ده بس مكملتش دقيقه و افتكرت اللي عملته امبارح هيا واختها فقالت بي نبره بها من الغرور والتكبر

=اهااا نسيت اقولك اني عرفت الاسم وحبيت اقولك جيب الأصعب لان ده لغز طلع تافه اوي اوي مقعدتش دقيقه افكر وجبت الاسم 

_ده انتي نهارك طين 

توترت من ان يكون الاسم غلط وان يكون اخر

=ليه 

_خالتي حبيبتي لو انتي فاكره انا قولتلك الاسم مش اكتر من كام ولا اقل من كام 

=مش اكتر من 7 ولا اقل من 4

_يبقا العدد كام

=ثلاثه

_نعم بتقولي اي 

=قصدي قصدي اربعه معلش اتلغبط

_وسيف ده كام حرف

=وسيف اربع حروف 

_انتي هتستعبطي يابت 

=ثلاثه حروف 

_ازاي بقا وانا قولت الاسم اربع حروف

=بصراحه لما قولتلي اللغز وفي اللغز في كلمه سيفاً فا قولت اكيد يبقا سيف

_يا سلااام يعني لو قولتلك حمل قوةً لا تهتز كأن الحزم على كتفه فا يعني كده اسمه حازم عشان في كلمه حزم 

قالت بتذمر

=طب متريحني وقولي لاني مش هعرف

_اخص يعني بشوف ناس بتعمل المستحيل عشان تعرف معلومه ولو واحده بس عن نصها تاني ونصي مش قادر يعرف حتي اسمي 

=طب...طب اديني... 

مكملتش كلامها بسبب دخول اختها عليها وهيا بتقول بصوت عالي 

_ماما بتقولك اصحي بسرعه والبسي لان ضيوف جايه علي سكه 

سمعت صوته في تلفون وهو بيقول

_طب اسيبك انا بقا دلوقتي يا خالتي واجهزي بسرعه لأني فاضلي.....نص ساعه كده فا الحقي او اقولك البسي اسدال واطلعي بيه كده كده امي مبتهتمش بالبس قد كده اوك يا عروسه

وقبل ما تقول كلمه لاقت المكالمه انتهت فا بصت لي اختها وقالت

_مين الضيوف دي يا نور

=العريس وعائلته اللي لسه قافله معا من شوية

_هو اللي حصل انا مش فاهمه حاجه وحصل كل ده ازاي

=عادي كأي عريس اتصل بي ابو العروسه واتفق معاه وجاي يتقدم عادي

_ده امته ده وحصل ازاي يعني افهميني كده انا نمت بليل ومفيش اي حاجه حصلت عاادي وصحيت والساعه لسه 11 فا ازاي

هزت كتفه بدون مبالا

=كلمه بعد ما نمتي ووافقو وماما حضرت كل حاجه وكلها ربع ساعه وجايين وانتي ولا حته غسلتي وشك

ومشيت وهيا سايبه اركشنات تانيه ثاتبه وهيا مش مستوعبه اي حاجه من اللي حصلت وامته وازاي فا قامت بسرعه وطلعت بره الاوضه بتاعتها وكان اول شخص تشوفو قدامها ابوها فا راحت ناحيته بسرعه وقالت 

_اللي بيحصل يا بابا انا مش فاهمه حاجه وضيوف مين دي اللي جايه دي في وش صبح

=ده واحد متقدملك

_ايوه هو مين يعني واحد متقدملي من غير ما اعرف هو مين ازاي

=زميلك في الجامعه 

_انا معنديش زمايل في الجامعه يا بابا وانت عارف كده فا قول مين

=هتعرفي بعدين روحي اجهزي بس

قالت بضيق

_لا ما هو مش كل ما اكلم حد يقولي بعدين واجهزي وازاي اصلا توافقو علي حد ويجي يتقدملي من غير ما تاخدو موافقتي هو مش متقدملي انا بردو ولا اي

=هتعرفي بعدين مقدرش اقول حاجه لأن وعدته اني اخلي كل حاجه سر لحد ما يجي وهو يقولك

_وانت لحقت تعرفه عشان توعده.. اعترف وقولي انك تعرفو

=والله يابنتي مسمعتش عنه ولا شفته ولا كلمته غير امبارح ومن مكالمتي ليه حسيته شاب طيب وجدع ولقطه في زمن اللي احنا فيه ده

قالت بسخريه

_لقطه.. لي مهند هو ولا اي  اكيد شاب عادي وو.. 

صمتت ثوان وبعديها قالت بمكر

_بقولك اي... انا موافقه علي عريس بس تقدر تقولي معلومات عنه كا اسمه وعمره وعايش فين

=اها طبعاً عنده 32 سنه وعايش في جيزه

_جميل واسمه اي

=معرفش صراحه 

_نعم... ازاي واحد جاي يتقدم لبنتك ومتعرفش اسمه اي ده ازاي ده

قال بحنق وصوت عالي

=معرفش حاجه وسيبيني دلوقتي لاني مشغول والحقي اعملي حاجه في نفسك لانهم زمانهم وصلو

بصتله بضيق وفي نفس الوقت شافت مامتها معديه من جمبها فا مشيت جمبيها وقالت بدلع

_ست الكل يا اغلي ما عندي اسم المتقدملي اي

قالت مامتها بزعيق

=سيبيني دلوقتي بالله عليكي يا رنا لأني زاي ما انتي شايفه كده رايحه جايه برتب المكان فا روحي  اجهزي ولا اعملي اي نيله في نفسك وتعالي ساعديني بدل ما انتي بتلفي ودوري في نفسك كده وفي الاخر ولا هتكسبي ولا هتاخدي 

سبتها رنا وهيا بتضرب في الارض بضيق فاسمعت اختها نور وهيا بتيجي عندها وبتقول بسرعه

_الضيوف وصلت 

بصت ليها بصدمه وقالت

=نعم احلفي 

وجريت وسابتها تحت ابتسامه نور الخبيثه اللي كان قصدها كده عشان تبطل تفكير كتير وتشوف حالها

وبعد ربع ساعه

الباب خبط معُلناً بقدوم الضيوف واللي استقبلهم ابو رنا وام رنا بأبتسامه مرحبه بينما كانت هيا في اوضتها بتظبط طرحتها وبمجرد ما سمعت صوت طرق الباب احست بتوتر وارتعاش في ايديها رغم انها مش اول مره تشوفه بس شعور المرادي مختلف تماماً عن اللي فات

"كما لو أنها تمضي في دربٍ تعرفه… لكن شعورها هذه المرة مختلف لأنه عاد ليكون نصيبًا."

دخلت اختها نور عليها وبصت في وشها وقالت بأستغراب 

_اي ده انتي لسه مخلصتيش 

=لا خلصت اهو وطلعه

_بس انتي لسه محطتيش ميكب

=لازم في اول مقابله يشوفني بطبعتي من غير نقطه مرتب واحده حتي

_اول مره بردو

قالت اختها نور بخبث وهيا بتغمزلها فا ابعدتها رنا عنها بضجر وقالت

=يالهوي عليكي فعلاً الواحد لازم يخلي بالو من كل كبيره وصغيره وهو معاه اخت صغيره ودانها زاي الفيل وعينيها زاي البومه

_شبهك كده

تجاهلتها رنا بعدها استمعت لصوت والدتها وهيا بتنديها تطلع تسلم علي ضيوف فأومات ليها رنا وطلعت معاها بأبتسامه خجوله مرحباً بهم وبعد ان انتهت قعدت جمبه وهيا بتبص ليه بأبتسامه بسيطه فقال

_غريبه يعني سلمتي علي كل موجودين ونسيتي تسلمي عليا رغم اني انا العريس

قالت بصوت واطي

=معلش هعوضهالك المره الجايه 

_المره الجايه ليه هو انا هتقدم كام مره 

= فكك بقا وقولي بقا لأني الموضوع معلق في دماغي عملت كل ده ازاي

_طب مش تشربيني حاجه حتي 

=قول الاول وهطفح اااا قصدي واشربك اللي انت عاوزه

_بسيطه القعده اللي قعدتها مع صُحابك خدت فيها رقم ابوكي وكلمته وصُحابك بردو كلامو واقنعو بيا وهو اكلم معايا يجي ساعه وارتحلي  واتفقنا انو ميقولش حاجه لا هو ولا حد من عائلتك وبس

=يعني كنت طبخنا سوا ومخططين لكل حاجه من وراه ظهري

_مش بظبط كده اوي

=اممم واي البدله دي اللي انت لابسها

قال مستغرباً

_مالها البدله 

= اي اللون ده علي فكره بعتلك رساله علي واتس انك تلبس رصاصي عشان نكون مطقمين مع بعض اي الكحلي ده  

بصلها بتشنج وقال 

_كنت عايزاني انزل من العربيه اروح محل اشتري بدله ولا بي 2000 جنيه واجيلك عشان ارضي سعدتك ونكون مطقمين ده لو كان اساس زمان شباب قعده في البيت وبلاها جواز .. وكمان انتي عارفه انا صارف كام في البدله اللي مش عاجبه حضرتك دي

= والله يا خويا ميهمنيش بكام ولا خامه اي.. انزل ازاي بقا صورتي علي فيس او علي الانستجرام 

_اهااااا قولي كده بقا من الاول انك مش فارق معاكي لا جواز ولا خطوبه ولا بتاع والمهم الصوره اللي هتنزل في الانستجرام الواتساب 

=طبعاً وهو الجواز هنستفاد منه ايه في الاخر غير شيل المسؤولية وطفح المر وبيت ده غير تنظيف وحمل وتربيه وزعيق ده غير خناقات مانا قعده في بيت ابويا متهنيه ومرتاحه من غير نهك ولا تعب

وظلّ الحديث بينهما يتتابع حتى اشتد ثم وجدا الحل، ثم انتهى الأمر بعد وقتٍ قصير من زمن بعقد القِران، ليعيشا بعدها في سعادةٍ وطمأنينة 

قال بسعاده

=رغم انو احنا خلاص اتجوزنا خلاص بس عاوزه اعترفلك بحاجه.. انو احلي ايام عشناها سوا كانت  فتره الخطوبه كانت كلها اجواء جميله ومشاعر صادقه وروعه يااا يا زمن

قالت بحنق بعد ما سمعت كلامه ده

_قصدك اني مشاعري دلوقتي مزيفه يعني

=لالا يابنتي قصدي انو كانت لسه بردو مكناش نعرف بعض فيها اوي وكنتي خجوله وكتكوته علي نفسك 

_اهاا ودلوقتي بقيت زاي سيد قشطه عارفه قول متكسفش يا حبيبي حقك ما هي الجوازه دي غلطه اصلا من الاول

قال وهو بيحاول يلطف الاجواء حتي لا يشعلها مجددا

=يا روحي دي معرفتي بيكي متأخر هيا اكبر غلطه اني معرفش القمر ده من بدري كان احلي كافي واحلي صدفه اتقبلنها سوا واحلي جو هندي عشناه في العربيه بي نزول المطر كان اجمل يوم دايما حفظه في قلبي

قالت بسعاده بعد ان نست ما كانت غاضبه منه

_اها والله يوم بتمني يتعاد مليون مره ومزهقش منه بجد كانت احلي لحظات

تذكر شيئا سريعا وقال

=صحيح يا رنا انتي عرفتي اسمي ازاي 

_حلمت اني

قاطعها وقال

=لا عارف الحكاية القديمه دي و خوشيلي بالحقيقه ياما لاني مش داخل دماغي كلام انك نمتي وحلمتي انك راكبه حصان ابيض وماسكه بي فارس شعره اشقر فا عرفتي اني اسمي فارس والكلام اللي ميدخلش دماغ طفل اصلا فا ها قولي عرفتي ازاي

نظرت جانباً وهيا تحاول ان تبرر

_بس علي فكره انا حلمت بي كده فعلا و

وقبل ما تكمل كلامها قاطعها تاني وقال بملل وهو بيتجاهل كلام

=طب بس بس يا خالتي واساسا مش بعيد يكون روميو وانتي ماسكه فيه كأنك جولييت فا من غير كلام كتير قولي عرفتي ازاي

_ من تليفون.... زاي ما انت عرفت اسمي من تليفوني انا كمان عرفت اسمك من تليفونك ساعتها لما اتقدمتلي وكنت فاتح الفيس علي صفحتك وظهر اسمك فارس اسامه فا عملت نفسي معرفش لحد تاني يوم حلمت بالحلم ده واتحججت بالحجه دي وبس

=اممم تمام كده واحد بواحد بس انا معظم معلومات عرفتها من غير مساعدة حد غيرك انتي

_طب مانا في معلومات عرفتها عنك كمان من غير مساعدة حد 

=اي هيا

_اني كنت بستنى فارس أحلامي بشوق، وجيت غريب في البداية، لكن قربك من قلبي صرت أكثر من مجرد شخص عاد... 

تمت الحمدلله 

 بقلم سلمي ايمن