رواية ليه لا الفصل الثالث 3 - بقلم ميرنا عمار
الاتنين قفلو بقهم وهم بيضحكو ونا مشيت ووقفت ف مكاني الاولاني عشان أهدى شوية مش عارفة انفعلت ليه كدا
بعد فترة لما هديت لفينا انا والبنات شوية واتصورنا وقضينا وقت لطيف جدا
/بقلكو اي انا رايحة المكان بتاعنا الاولاني اجيب ماية وبعض الاسناكس عشان نتسلى شوية
كلهم هزو راسهم مشيت شوية وروحت المكان وفتحت الشنط وبدأت اجيب الحاجات
=رحيق..
بصيت ل مصدر الصوت لقيتو شاب مش غريب عليا اوي شوفتو قبل كدا
/اتفضل
=احم كنت عايزك ف موضوع ينفع تيجي معايا
/بسهولة كدا مش اعرف انت مين الاول
بصلي بمخزى=نتي عارفاني كويس
اتنهد وكمل=انا تامر زميلك ف الكلية
بدأت الذاكرة ترجعلي او انا عارفاه من الأول بس بحاول اتفاداه لانو طلب يكلمني كذا مرة وكنت برفضو ف كل مرة
لفيت ضهري وكلمتو ونا بقفل الشنط/اظن ي تامر ردي كان موحد ف كل مرة كنت بتبعتلي فيها
لفيتلو واتنهدت/جاي لي الوقت
=عشان تسمعيني وتديني فرصة..و..
/ وي اي.. ؟!
=رقم والدك عايز ادخل البيت من بابو
/تمام وبعد م تيجي تتقدم..
=مش فاهم عايزة توصلي لاي
/هرفضك طبعا
بصلي بشبه عصبية=مش فاهم رفضاني لي فيا اي ميخليكيش توافقي عليا
رفعت صباعي ف وشو/اولا تتكلم معايا ب احترام ثانيا انا مش عايزاك سامع ول اقولها تاني مش عايزاك..عن اذنك
مشيت خطوة ف مسك دراعي
شديت دراعي منو جامد/انت اتجننت ازاي تمسكني كدا
رفع ايدو واعتذر=انا آسف.. بس انتي مش راضية تديني فرصة ولا راضية حتى تديني سبب ل رفضك ليا
قلتلو بملل/اسمع لاخر مرة هقلهالك انا مش عايزاك دا سبب كافي ان ارفضك ويريت متزعجنيش تاني عشان ردي المرة الجاية مش هيعجبك
جيت امشي وقف قدامي وقالي بتحدي=يترا اي ردك الي مش هيعجبني....معتقدش لان كل حاجة فيكي بتعجبني
قال كدا وهو بيغمزلي وبيبصلي بطريقة حقيرة شوي
محسش بنفسو غير الم نازل عليه واللحظة دي صوتي على عليه
/عرفت انا لي مش عايزاك لأنك انسان حقير نظرتك للبنات مش نظرة كويسة خالص و تاني مرة لو بصتلي بصة زي دي اقسم بالله لهكون اسوأ كوابيسك
مسك دراعي بعصبية ولواه ورا ضهري=انتي ازاي تتجرأي تمدي ايدك عليا شكلك خدتي عليا بزيادة
ف اللحظة دي أبو الفصاد كان بيعمل فون وسمع صوتي ونا بتوجع وبزعقلو وبقولو
/اااه..سيب أيدي يحيوان سيب ايدي ونا اوريك انا أقدر اتجرأ واعمل اي كمان...اااه سيب
جري عليا وشدو عليه وضربو بونية وقعو ع الارض.. الناس بدأت تتجمع والموضوع بدأ يكبر
نزل فيه ضرب تاني
-أنا هعلمك ي وا*طي ازاي تتعامل معاها ومع الي زيها
وبدأ ينقض عليه بطريقة مرعبة لدرجة ان الواد كان هيموت ف ايدو
وقفت ف وشو بتوتر وخوف من الي جاي وفردت ايدي/أرجوك كفاية خلاص كفاية عليه ضرب هيموت منك أرجوك
بصلي بتحذير-اوعي.. من.. وشي
/عشان خاطري خلاص هو خد جزاتو تقدرو تفصلوه من الكلية وتعملو في اي حاجة تانية بس كفاية ضرب فيه هيموت وممكن تتحبس أرجوك عشان خاطري كفاية
رجع لورا خطوتين واتنهد وبصلو وهو بيشاور عليا ونزل ل مستواه-كنت عايز اي منها ياض
تامر كان بيتوجع ومردش عليه
زعقلو جامد لدرجة اني اتنفضت من مكاني
=كنت بطلب أيديها
ضحك عليه ضحكة استهزاء-ورفضتك قومت استرجلت عليها ووريتها انك الشاب الروش الي مش بيترفض صح
قال بوجع=ضربتني بالالم
قالو ب زعيق ونفاذ صبر-وهي بتتدرب كمال أجسام وجاية تستعرض عضلاتها عليك يروح*مك انطق عملتلها اي عشان تضربك
فضل ساكت وبيمسح ف دمو كان هينزل فيه ضرب تاني بس وقفت قصادو
/اتواقح معايا وقل ادبو ونا ضربتو وخدت حقي أرجوك كفاية متوديش نفسك ف سين وجيم بسببي ارجوك
قام من مكانو وطلب من بعض الطلاب ياخدوه يتعالج وبعدها هيشوف هيتصرف معاه ازاي
ف اللحظة دي سوزي ونور جم جري بسبب اللمة
قالت نور بقلق-رحيق اي الي حصل انتي كويسة صح واي اللمة دي
بصلها دكتور على-متقلقوش واحد قل ادبو وخد جزاتو
بص لكل الي واقف وخصص الولاد
-اسمعو ان الموضوع دا اتكرر مع اي بنت تانية ف سدقوني هزعلكو جامد
بعدها شاور عليا وقال بشبه زعيق-ونتي
اتنفضت من مكاني/انا..
-تعالى ورايا
دار ضهرو ومشي..،ونا كنت بقول ي ارض انشقي وابلعيني اكيد هيقولي ان انا السبب ومش بعيد يديني فصل م الكلية
كل الافكار السودة جت ف دماغي
سوزي قربت تطمني"روحي اكيد هيحقق معاكي عشان يشوف هيتصرف ازاي روحي
هزيت راسي ومشيت وراه
فضل ماشي لحد الاوضة الي قلتلكو انها مبنية عشان الطوارئ
دخلت وراه
-اقفلي الباب
/احم خليه مفتوح يعني الهوا وكدا
قال بزعيق-مش هكرر كلامي
خوفت وجريت قفلتو
وقف وحط ايدو ف جيبو
-مين دا ومن امتة بيطاردك ولي ضربتيه عشان اجابتك مأقنعتنيش
بصتلو ببرود ممزوج بالتوتر/اظن دي حاجة تخصني
قرب مني ببطئ ونا رجعت ورا-اظن اني قلتلك مش بحب اعيد كلامي مين دا وليه ضربتيه ومن امتة بيطاردك
مع كل كلمة كان بيقلها كان صوتو بيعلى
قولت بخوف/تامر بيطاردني من لما السنة بدأت حاول يتواصل معايا كذا مرة وكنت برفض ووقفني كذا مرة ف الكلية بس كنت بصدو
هز راسو-ضربتيه لي
/كان بيبصلي بطريقة وقحة وقالي كلام وقح
هز راسو تاني ورجع شعرو لورا واتنهد
-يعني انتي محاولتيش تلفتي انتباهو ابدا
بصتلو بصدمة من الي بيقولو وعليت صوتي/اسمع انا ماما مربياني تربية يمكن حضرتك متربتهاش ف اياك ثم اياك تغلط فيا او ف تربيتي لاني مش هسمحلك
بصلي بزعيق وعينو بتطلع شرار من الغضب-يعني هو هيجري وراكي ويريل عليكي كدا من سواد عيونك اكيد عملتي حاجة
اتصدمت من طريقة تفكيرو ورجعت خطوتين ورا ودمعتي نزلت عمر م حد اهاني الإهانة دي او حاول يتهمني اتهام مش فيا
قولت ببكاء/انا مش هرد على حضرتك لانك متستاهلش حتى افكر ف رد يريحك عن اذنك
فتحت الباب وجريت ونا بعيط... بعيط من حاجات كتير اوي أولهم ان ف اللحظة دي حسيت بمعني ازاي انا مليش راجل لا اب ولا اخ ولا خال ولا عم لان لو كان ليا كان كل كبير وصغير هيعمل حسابو وهو بيتكلم معايا بس عشان أنا ضعيفة كلو بينهش ف لحمي وهم مستمتعين وعارفين اني هسكت ومش هتكلم بس كفاية لحد كدا وكفاية
روحت مكان منعزل شوية وقعدت اعيط كتير قعدت اعيط يمكن النار الي جوايا تهدى شوية
علي الناحية التانية هو كان ف الاوضة رايح جاي
-غبي ازاي تقلها كلام زي دا..،زودتها المرادي اوي ي دكتور على كان المفروض تمسك نفسك شوية
قال كدا أبو الفصاد وهو رايح جاي ف الاوضة
وقف واتنهد.. لحظة وطلع يجري وهو بيقول-لازم أصلح غلطي فورا
نرجع ليا كان فيه حيطة صغيرة فوق الجبل جمبها مقعد صغير كنت قاعدة وراه عشان محدش يشوفني وقعدت اعيط
نور وسوزي كانو بيدورو عليا وقابلو ابو الفصاد
-دكتور على رحيق فين
قالت نور وهي بتوقف دكتور على بتوتر
-انا كنت جايلها اشوفها معاكو ول لا
"ازاي هي مش كانت مع حضرتك
رجع شعرو ل ورا وقال بتوتر-منا عكيتها معاها وقلتلها كلام مينفعش يتقال
بصت نور ب استغراب-قولت اي
-مش لازم دورو عليها الجبل من فوق مش كبير أكيد هنلاقيها
قالت سوزي بتوتر" يلهوي ل تكون انتحرت ووقعت نفسها من فوق الجبل رحيق لما بتتدايق دي اول حاجة بتفكر فيها
اتصدم للحظة انو ايوا ممكن...،حط ايدو ع قلبو وهو بيقول-افتكري حاجة حلوة هنلاقيها ان شاءالله رحيق عاقلة روحو دورو ونا هدور
قعدو يلفو وينادو عليا ونا كنت سامعة صدى صوتهم بس مكانش عندي اي قدرة ان ارد عليهم عايزة ابق لوحدي وبس
بعد فترة دكتور على وهو بينادي عليا سمع صوت شهقات سكت شوية عشان يعرف مصدر الصوت
-رحيق.. رحيق لو موجودة ف اي مكان هنا يريت تردي عليا
سمعت صوتو وكتمت شهقاتي عشان ميسمعنيش مش طايقاه ولا طايقة اشوفو
بدأ يمشي ببطئ واحدة واحدة لحد م جه و وقف قدامي شافني ونا حاطة ايدي على بقي وعيني مليانة دموع ووشي منفخ من العياط
اول م شافني حط ايدو ع قلبو تاني-الحمدلله انك هنا لي ي رحيق لي تقلقيني عليكي
جيت امشي مسك ايدي
-انا آسف
قولت ونا صوتي مليان عياط /مش عايزة اسمع صوتك مش عايزة اسمع صوت حد
جيت امشي مسك ايدي تاني
قال بنبرة كلها حنية اول مرة اسمعها منو-..بس انا عايز اسمع صوتك
شدني وقعدني ف المقعد الصغير وقعد جمبي
-انا آسف ل تاني مرة اني اتعصبت عليكي وقولت كلام مكانش ينفع يتقال بس انا دمي فار لما شفتو ماسك ايدك وعاملها بالطريقة دي مقدرتش امسك نفسي وقتها
بصتلو بعيني الي مليانة دموع/والمفروض كل م حضرتك تتعصب انا اشيل ذنب عصبيتك واتحمل الكلام السم...! بردو ف المحاضرة حضرتك كنت متنرفز بردو وسبت كل الناس ومسكت ف كلمتي وطردتني وخليت شكلي قدام صحابي زبالة...طول عمري عايشة لوحدي انا وماما لا اب واخ طول عمرو برا ولا حتي عم ولا خال ومكنتش حاسة بفراغ وجودهم بس انهاردة انت حسستني قد اي انا محتاجة حد فيهم جمبي انهاردة حسستني ان نفسي مش كفاية...
سكت شوية مش عارف يقول اي قومت امشي لاني مش قادرة
قابلوني سوزي ونور وحضنوني واطمنو عليا وخدوني وهدوني
-قالك اي الراجل دا خلاكي منهارة كدا قوليلي اقسم بالله المرة دي مش هسكتلو
مسحت دموعي/اعتبرو الي حصل دا ولا اي شئ وانا بخير يالا ننزل الناس بدأت تنزل يالو
سوزي جت تتكلم
/ارجوكي ي سوزي مش قادرة أتكلم الوقت انا عايزة ارتاح بس
نزلنا من الجبل واتجهنا لغرفنا لان اليوم كان متعب جدا
الساعة كانت ٧ ف الغدا وصل كلنا مع بعض والجو كان مشحون نوعا ما
-لا مهو انا مبحبش جو العزا دا اتكلمو اضحكو عيطو اعملو اي حاجة
ضحكنا عليها
/اليوم كان متعب وخد كل طاقتنا حتى الكلام مش قادر يطلع
"اتفق جدا يبنتي
اتغدينا وقعدنا نتساهر والعشا اذنت صلينا واتكلمنا شوية وحاولو يخرجوني من الحالة الي انا فيها
الصبح جه وطبعا انا لما بعيط جسمي بيسخن وبتعب ف اليوم دا فضلت ف الاوضة ومطلعتش ونور وسوزي كانو هيقعدو بس منعتهم واصريت انهم يطلعو يستمتعو ب المغامرة الجديدة
..........................................
-رحيق فين مش معاكو يعني
قال كدا دكتور على وهو بيبص على نور وسوزي الي جايين لوحدهم
نور قالت بصرامة-تعبانة شوية وهتقعد انهاردة ف الاوضة عن اذنك يالي ي سوزي
نور سبقت سوزي وسوزي رجعت ل دكتور على
"انت زعلتها جامد ف سامحنا على طريقتنا بس مش هنقدر نسامح حضرتك لحد م رحيق تسامحك
وقف واتنهد ومش عارف يراضيني ازاي بعد م عكها جامد
خلص اليوم ونا لسة مكاني ع السرير اه هديت شوية بس لسة حزينة
نور وسوزي جم وحكولي عن المغامرة وانها كانت تافهة وان الحمدلله اني مجتش بيحاولو ميخلونيش أحزن اني ضيعت مغامرة من المغامرات
مر اليوم وجه اليوم التاني وكنت اتحسنت عن الأول جدا
والمغامرة الخامسة والاخيرة كانت رحلة سفاري هنروح صحرة ونخيم هناك الايام الباقية
لمينا الشنط وجهزنا وودعنا الغرفة الي قضينا فيها مع بعض ايام تحفة
ركبنا العربيات واتجهنا للصحرة
نزلنا وبدأو يوزعو الخيم وك نوع من أنواع الانشطة قررو ان ننصب الخيم بنفسنا
-دي بتتركب ازاي دي
قالت نور بنرفزة وهي ماسكة الحديد الي المفروض بيتغرز ف الارض عشان يثبت الخيمة
سوزي ساعدتها "هاتي كدا الحديد دا ليه مكان بيتركب ف الخيمة وهو الي بيدي شكل الخيمة...،اي الي انتي عملاه فيه دا
ضحكت عليهم ونا بفرد الخيمة/تعالو بس نفردها الاول وبعدها نشوف نور هببت اي
قعدنا انا وسوزي ونور نص ساعة نركب فيهم بس مش راضيين في حاجة مانعة ان الحديد يخش ف أطراف الخيمة
قولت بنفاذ صبر/هوف انا تعبت مش كانو عملو اي تعريشة وقعدنا كلنا تحتها
نور بصتلي ب استهزاء-ولما ديب يعدي ياكلك هترتاحي
/ي مامي هو فيه ديابة
نور هزت راسها بطريقة طفولية
قالت سوزي وهي بتضرب كف بكف
"يعني لو فيه ديابة تتوقعو هيجبونا هنا ونخيم تلت ايام... بلاش غباء الله لا يسيئكو وشوفو المنيلة دي هتتعمل ازاي
شافنا من بعيد ولاحظ حيرتنا وقرب مننا
-اساعدكو...
مداش فرصة لحد يرد وخد الحديد من نور
-اظن انكو مش عارفين تركبو الحديد صح..بصي في فتحة هنا دي مكان الحديد اما المكان الي كنتو بتدخلو منو الحديد الاولاني دا بتاع الباب
بدأ يشرح ازاي بنركبها وسوزي ونور هزو دماغهم بفهم
/عن اذنكو هروح اجيب الحاجات من العربية
مشيت عشان مش عايزة اشوفو
وشوفت تامر وهو متجبس وحاطط قطن ع دماغو بصتلو بقرف وقولت ف نفسي
/تستاهل كلكو تستاهلو واي راجل بيتأذي ف الدنيا دي يستاهل
صوت رجولي من ورايا
-حتى لو بنت هي الي وجعت الراجل دا
لفيت لقيتو واقف وحاطط ايدو ف جيبو.. اتجاهلتو وشيلت الشنطة ولكنها كانت تقيلة
-هاتي عنك
شديتها منو/اظن اني مطلبتش مساعدة لما تلاقيني واقعة ومكسورة يبق تعالى ساعدني.....، ول اقلك حتى لو لاقتني كدا متساعدنيش
مشيت ونا شايلة الشنطة الكبيرة وعمال اعرج برجلي من تقلها
خدها مني غصب-بس لما الانسان بيشوف انسان محتاج مساعدة بيساعدو حتى من غير م يطلب منو
ومشي قدامي
قعدت اقلدو واعوج بقي ونا بقلدو
/انسان مغرور
لف راسو ليا-سمعتك ع فكرا
وصلنا عندهم وسوزي ونور كانو نصبو الخيمة وبقت جاهزة
قالت سوزي وهي بتسقف"برافو علينا بجد شكلها خطير
-بالنسبة للدكتور الي ركبهالك اصلا معندكيش فكرة... ،دا كلو عشان بس شديتي الحبل وربطيها
" اسكتي انتي
نور بصت للدكتور الي شايل الشنطة - معلش مغلبين حضرتك معانا
بصلها ب ابتسامة- ولا يهمك عن اذنكو هروح اشوف دنيتي لو احتاجتو اي حاجة نادوني
قال كدا وهو بيبصلي
/متشكرين احنا مستغنيين عن خدماتك في مليون شخص غيرك يساعدنا
-ومش هيعرف يساعدكو وهترجعولي انا
قال كدا ب ابتسامة ومشي
/هموت واعرف جايب الغرور دا منين هتجنن
ضحكو سوزي ونور علينا وبدأنا نرتب اغراضنا ونعمل فطار لذيذ
فطرنا وسوزي ونور ريحو ف الخيمة اما انا ف طلعت اقف برا اشم هوا
-شاي
بصيت لقيتو مادد ايدو ومعاه كوباية شاي
/متشكرة
-براحتك
قال كدا وهو بيحطها جمبو ع الارض
جيت امشي من جمبو لقيت كلب واقف وبيهوهو صوت وجريت عليه اتخبيت ورا ضهرو..
يتبع..
•تابع الفصل التالي "رواية ليه لا" اضغط على اسم الرواية