رواية ليه لا الفصل الثاني 2 - بقلم ميرنا عمار
شافني بفقد الوعي ف حضني ب ايد واحدة والإيد التانية استخدمها ف العوم لحد م وصل للمركب وطلعني ونا فاقدة الوعي
حاول يفوقني كتير بس مكانش في اي رد مني
-رحيق يبنتي.. رحيق فوقي
قال كدا ابو الفصاد وهو عمال يخبط ع خدي
/طب يالا ناخدها من هنا بسرعة اصلا رحيق عندها فوبيا من الماية مش عارفة ازاي نسيت الموضوع دا ومحاولتش امنعها
قالت كدا نور وهي بترتعش
بصلها بشبه صدمة-عندها فوبيا...!لازم ناخدها من هنا بسرعة يالا
مسك المقداف وبدأ يقدف بسرعة جدا لحد م وصل شالني وجري للعيادة الي ف الفندق
-كويس إنك جبتها ف الوقت المناسب كانت ممكن تخش ف شبه صدمة بسبب الفوبيا
قالت نورا بتوتر/يعني مكانش مغمى عليها بسبب الماية
-لا الفوبيا هي الي عملت كدا بس متقلقوش هتكون بخير ان شاءالله بس هي لازم تطلع اوضتها ترتاح
المرة دي هو مشالنيش جابو كرسي متحرك حطوني عليه وطلعوني الاوضة ونيموني ع السرير
بعد فترة
-أخيرا فوقتي ي رحيق انتي كويسة مش كدا
بصتلها ب استغراب/اي الي حصل
"مش لازم المهم الوقت إنك بخير
الباب خبط وكان صوت رجولي بيحمحم من وراه
-اقدر ادخل
قالت نور وهي بتعدلي هدومي-ايوا تقدر
-حمدلله ع سلامتك ي أستاذة رحيق
بصتله ب ابتسامة/الله يسلمك بس انا اي حصلي اخر حاجة فاكراها لما شوفت جسم ف الماية لما غرقت ومسكت فيه
بصتلي نور بتردد-مهو الجسم الي مسكتي فيه..
وقبل م تكمل قاطعها هو
-كان أحد المنقذين وبعدها انتي فقدتي الوعي.. بعد كدا لما يكون عندك فوبيا من حاجة يريت تقولي لاننا مسئولين عنكو ف مش عايزين نتعرض للاتهامات من اهاليكو واننا غفلنا عنكو
بصتلو بقرف/اظن اني جاية الرحلة استمتع مش أخاف وأفضل قاعدة ف اوضتي
-يبق تعرفينا ع الاقل عشان نبق عاملين حسابنا وعلى فكرا كان ممكن تستأذني كتير من زمايلك استأذنو
/دي حاجة تخصني
اتنهد وكمل-الي يريحك بس المرة الجاية إن شاء الله هنطلع الجبل ف لو عندك فوبيا م المرتفعات خليكي مكانك لو وقعتي مش هتلاقي حد ينقذك المرة دي
ودار ضهرو ومشي.. كنت عايزة اقوم اضربو من طريقتو المستفزة
/مش عارفة شايف نفسو على اي دا
نور كانت شاردة ف انو لي مقالش ان هو الي انقذني مش حد تاني
/سرحانة ف اي انتي التانية
-هاا ولا حاجة المهم إنك بخير الوقت.. وي رحيق لو لسة تعبانة ارجوكي مش هنخاطر هقعد جمبك ومنطلعش معاهم ع الجبل
"ايوا ي رحيق ونا كمان مش عايزين تغامر انا كدا كدا عندي فوبيا من المرتفعات ف هقعد
/انتو اتجننتو..لا طبعا هنطلع كلنا سواء عندكو فوبيا ول لا إحنا جايين نستمتع
" طب حضرتك لما وقعتي لقيتي الي انقذك انا لما أقع م الجبل ي ترا مين هيأنقذني.
-مش مشكلة طائر نورس معدي يبق يشيلك ونتي بتقعي
كلنا ضحنا وقعدنا مع بعض بنهزر لحد م حل اليل
ماما رنت ومعرفتهاش حاجة لأنها لو عرفت هتقلب الدنيا ف طمنتها علينا وبس
الباب خبط
-الغدا ي أنسة
_غدا اي بق د العشا هتأذن
-هم وجبتين بس الي بنقدمهم
_تمام كتر خيرك
قفلت الباب وراه وجتلنا
-الاكل وصل ي رجالة شمرو الأيادي كدا عشان اشك انهم جايبلنا بط وحمام
ضحكت/لي هي دُخلتك افتحي الغطيان دي كدا انا واقعة من الجوع
فتحت الغطيان واتصدمت الاكل عبارة عن شوربة خضار وسلطات كدا غريبة
نور قالت بصدمة-اي الاكل دا اكيد دا ليكي انتي
انتي المريضة فينا اما انزل اسألهم اكلي انا فين
قالت سوزي بضحك"ويترا لو ليها هي لوحدها هيجبولها تلت اطباق من كل صنف
وقفت نور تفكر بطريقة شكلها مضحك
-انا هكلمهم هاتي الفون الأرضي الي وراكي دا كدا
/يبنتي هو إحنا قاعدين عند خالتك دا فندق طبيعي يبق دا الاكل
-يرتني كنت قاعدة عند خالتي كان زمانها داخلة عليا بجميع انواع المحشي مع بط وفراخ وحمام وملوخية
ضحكت سوزي"فينها خالتك الوقت.. هناكل ازاي الكلام دا انا مش بشوف الكلام دا غير ف حياة انجلينا جولي عشان الدايت بتاعها
/يالا انا اصلا كنت عايزة أعمل دايت بسم الله
-اقفي عندك
/في اي يمنيلة خضتيني
-الاكل دا جايلنا بالغلط
" ونتي عرفتي منين يذكية انتي. ،في كارت مكتوب ول حاجة..!
-مش دا أكل دايت
كلنا قلنا-ايوا
-يبق أكيد الاكل دا بتاع البت رنا وتاليدة وسارة الي ف الاوضة جمبنا هم البنات دول بتوع الدايت والعود الكيرفي والكلام دا
كلنا ضحكنا عليها وهي طبعا مسكتتش ورنت ع الاستقبال واتأكدو من ارقام الغرف وفعلا كان فيه غلط ودا مش أكلنا وطلعت نور عندها حق وجابو أكلنا واعتذرو
قعدنا ناكل ونضحك ونتريق ع أحداث اليوم
تاني يوم..الباب خبط
-في اي اعتبرونا ف صباحيتنا وسبونا ننام
قالت العاملة بضحك/انا اسفة بس لازم تنزلو تفطرو ف مطعم الفندق انهاردة
دعكت نور ف عنيها شوية وقالت-لي في حد اتسرق منو حاجة وهتدورو ف الاوض
ابتسمت العاملة بلطف/لا انهاردة يوم التنضيف
هزت نور راسها ودخلت صحتنا وبلغتنا بالي قالتو العاملة وكل واحدة جهزت ونزلنا
-ي ترا هيفطرونا اي بق فول وطعمية وكدا انا نفسي رايحة للفول اوي
قالت سوزي بضحك"حبيبتي احنا هنا ف مطعم على اعلى مستوي يعني كرواسون و عيش توست والكلام دا
ضيفت على كلامها/وسلطة
بصت نور ب استنكار-زي سلطة امبارح يعني
" اتهدي ي نور بق اصلا إحنا الي بنقوم نختار الفطار من هناك
قالت وهي بتشاور ع مكان كدا عبارة عن مطبخ بس خارجي فيه أكل زي اوبن بوفيه واحنا نختار
نور عنيها لمعت وجريت تختار الاكل وجرينا واحنا بنضحك ع جنانها
دورت كتير بس الاكل غريب جدا
لما لقيت حاجة أعرفها قولت بحماس / فيه بيض مقلي اهو اخيرا لقيت حاجة اعرفها
صوت رجولي كان ورايا بيقول _دا جورميد فرايد ايجز
لفيت ضهري عشان أشوف مصدر الصوت لقيتو هو بشحمو بلحمو "ابو الفصاد"
اتنهدت واتكلمت ونا باخد من البيض/معلش متعلمناش زي م حضرتك اتعلمت ف مشيها بيض مقلي
قرب من جمبي وهو بياخد من نفس الاكلة وقال-مش من درجة التعليم
بصتله ب استفهام/نعم؟
-اقصد يعني مش ب مستوى التعليم
بتيجي من اللف والسفر
نور جت-رحيقة خدتي اي..؟،انا لفيت المكان كلو ان الاقي اكلة اعرفها متيجي نطلع م الفندق وندور ع فول وطعمية
ضحك ابو الفصاد وقال-على فكرا الاكل كلو انتو تعرفوه بس هم الي ضافو مسميات خلت الاكلة غريبة يعني الي الأستاذة بتاخد منو دا زي م انتي قولتي هو بيض مقلي فعلا بس بيبق محطوط عليه توابل نادرة وبيستوي على نار هادية جدا ومش معمول ب زيت خالص عشان كدا غيرو المسمى بتاعو مش اكتر
هزيت راسي بتفهم-خلصانة انا هاخد من الكبدة المتشوحة الي هناك دي
ضحك بصوتو كلو واول مرة اركز فيه وف ضحكتو
عسل اوي احم نكمل
اتجاهلت ضحكتو وهو خد الاكل وقال وهو ماشي
-متنسيش تاخدي من الملوخية الي هناك دي
قال كدا ومشي وهو مبتسم ونا بصيت لقيتها فعلا اكلة شبه الملوخية اوي وبعد بعض الاستفسارات اكتشفت إنها شوربة بروكلي
فطرنا والعاملة بلغتنا انهم انتهتو من النضافة ولو عايزين نرجع غرفنا نطلع عشان نروح للمغامرة التانية
طلعنا الغرفة
قولت ونا مرمية ع السرير /بس طلعنا يبت ي نور جهلة اوي قصاد ابو الفصاد الي تحت دا
-يختي اقعدي هم الناس دي عايشة ازاي بجد معقول دا أكلهم ،انا ان مكانش فطاري فيه طعمية مفطرش
قالت سوزي بضحك"دول هاي كلاس يبنتي المهم انا بجد مش هطلع معاكو بخاف جدا من المرتفعات
/سوزي لازم نطلع كلنا مع بعض بجد واجهي الخوف دا
نور بصتلي ب استهزاء-اما انتي يبت ي رحيق حتة استرونج اندبندت وومن من هزة مركب كان السمك هيتعشى بيكي لولا اخينا دا..
كانت هتقول اسمو بس افتكرت انو منعها ف سكتت
مدتش اهتمام ل سكوتها المفاجئ
/بس هو قال ان كان فيه منقذ هو الي انقذني ونا فاكرة لما ركبنا مكانش جمبنا اي منقذين
سوزي قالت"انتي مخدتيش بالك بق المهم سيبوكو م السهراية الحمضانة دي..اطلعو لاني مش هطلع هقعد هنا
قولت انا ونور وإحنا مربعين ادينا ومكشرين-يبق احنا كمان مش هنطلع
" يجدعان بجد ملكوش دعوة بيا انجوي بالرحلة
قلتلها ونا بقرب منها/احنا ان م انجويناش معاكي مش هننجوي خالص
بصتلنا سوزي بحب وضحك ف نفس الوقت" خلاص هطلع د انتو رخمين
ضحكنا وهزرنا لحد م اتصلو بينا وبلغونا ننزل
جهزنا ونزلنا وقالت سوزي بقلق"اقسملكم بالله ان وقعت هفضل اتحسبن عليكو لحد م أقع ع الارض واسيح ف دمي
/يختي بدل م تقولي هتشاهد عشان اموت شهيدة ول اقرا اخر ايتين قبل م اموت
-خلاص يجماعة بق افتكرو حاجة حلوة ونتي يست سوزي قلتلك طائر النورس هينقذك اتهدي بق
ضحكنا ومشينا والجايد بلغنا اننا نمشي وراه
-عاملة اي الوقت
بصيت جمبي لقيت ابو الفصاد
قلتلو ببرود/انا قدامك اهو تقدر تعرف انا بخير ول لا
-منستش لماضتك ال محاضرة الي فاتت
اتكلمت ونا باصة قدامي وماشية/هتصفرلي يعني اعمال السنة وتشيلني مادتك
اتنهد وهو بيضحك ف بصيت عليه وتوهت ف ملامحو الي ضارب عليها أشعة الشمس بس قبل م يرجع يبصلي بصيت قدامي تاني وقولت ف نفسي
/ابو ضحتك الي تجنن دي مش لايقة ع شخصيتك خالص
-ع العموم مش هنتكلم ف الموضوع دا هنا لاني ف المدرج حاجة وخارج الكلية حاجة تانية
بصتلو ب استهزاء/بتروح تشتغل ف ملهى ليلي بعد الكلية
رفع حاجبو بنفس الطريقة الي رفعها لما اتنرفزت عليه ف الكلية وطردني ف اتوترت من شكله
/اي هتطردني من الرحلة كمان... وجريت من قدامو وناديت ع نور وسوزي الي سبقوني
ضحك عليا وقال- مجنونة
طلعنا الجبل وكان مختلف ع تهيئات سوزي تماما لانها كانت مفكرة انو عبارة عن منحدرات بس الحقيقة انه طريق مشقوق ف نص الجبل وامن جدا
سوزي قالت بفرحة"متوقعتش ان الأجواء هتبق تحفة كدا
/الي يشوفك الوقت ميشوفش وشك الاصفر قبل م نطلع هنا
-ع رأيك ي بت ي رحيق بس الأجواء خطيرة اوي
فضلنا نمشي حوالي ساعة سليمة
وقفت ف نص الطريق وقعدت ع صخرة صغيرة/انا تعبت فيكو صحة كملو
قعدت نور جمبي-ونا والله كفاية عليا كدا انا بكسل اتمشي للسوبر ماركت الي ف اخر الشارع عندنا مش عارفة مشيت دا كلو ازاي
قالت سوزي بحماس"يجماعة مش فاضل كتير يالو عايزة أشوف قمة الجبل متتباردوش
بصينا انا ونور ل بعض ب استغراب
/بت انتي مش كنتي عاملة زي الكتكوت المبلول اول الطريق وخايفة ومش خايفة وهقع ومش هقع
" معرفش ان الطريق كدا احسبو منحدر يالو بق الناس بتطلع
وطبعا مع زنها قومنا وكملنا مشي وحمدت ربنا ن ابو الفصاد كان مع الدكاترة ورا ف مأزعجنيش طول الطريق وبعد نص ساعة كمان وصلنا للقمة اخيرا
/اخيرا
سوزي وقفت مبهورة من المنظر" اقسم بالله اني كنت هبق اغبى انسانة اتوجدت ع الارض لو كنت فضلت قاعدة تحت
-سيان ي سوزي يحبيبتي فضلتي تحت ول طلعتي معانا انتي غبية ف الحالتين
/انا عطشانة اوي طلعو الماية
نور بصتلي بخوف-احم انا شربتها
قلتلها بصدمة/انتي بتهزري
-والله كنت عطشانة اعمل اي
/تقومي تشربي ٤ ازازات ي مفترية
قعدت ع صخرة كدا وحطيت ايدي ع جبيني بحسرة
/اقوم أشرب من دمك الوقت
"دمها سم ي رحيق تموتي اخس عليكي
ضحكت عليهم وطلعت اجري وراهم
طبعا الجبل من فوق كان ارض واسعة جدا مش زي الجبال التانية الي قممها بتبق حادة
تعبنا وقعدنا نضحك ع بعض ونا قعدت ارتاح وسوزي ونور قررو يروحو يجيبولي ماية لان واحنا طالعين كان فيه اوضة صغيرة جدا مبنية فوق الجبل للطوارئ اتمشيت شوي ووقفت اتفرج على الأجواء من فوق
-أجواء تحفة مش كدا
اتخضيت من مصدر الصوت ولفيت لقيتو كالعادة ابو الفصاد
/طب كح ولا اعطس ول اعمل اي حاجة دي المرة الخمستاشر الف تخضني فيها
جه يرد عليا فيه بنت جت نادتله
=دكتور على لو سمحت
لفلها ب ابتسامة عريضة كأنو عامل اعلان ل معجون سنان
-اؤمري
=عارفة انو مش وقتو ولا مكانو بس كنت عايزة أسال حضرتك ع الاكزامينشن الي قررت تعملو ممكن تبلغني بالمعاد
-انا آسف والله بس لسة محطتش المعاد لاني هعملو بعد إمتحانات الميد تيرم ان شاءالله
غمزتلو وقالت=ي دكتور طب اعتبرني اختك الصغيرة
لفلي يشوف انا بعمل اي ورجع كملها-انا أسف والله ي... إسمك اي؟
قالت ب ابتسامة=علياء
اعتذرلها انو مينفعش بس البنت كانت لازقة وقعدت تجرو ف حوارات ف نرفزتني
/م خلاص ي انسة مش قالك أسف ومينفعش عن اذنك بق عشان عايزة الدكتور ف كلمتين
بصتلي بغيظ=هو الدكتور يخصك ول حاجة بتقرري عنو كدا
اتنرفزت اكتر لدرجة اني مكنتش واعية لكلامي
/اه يخصني ويخصني اوي كمان ممكن بق توريني عرض كتافك الحلو دا وتمشي
لسة هترد عليا قاطعها هو-اتفضلي ي علياء كل التجديدات هتنزل ان شاءالله ع الجروب اول ب اول
هزت راسها و بصتلي بقرف ومشيت ونا رجعت ادتلو ضهري وبصيت للمناظر الي حوليا
قرب مني ببطئ-اخصك ازاي ي انسة رحيق
للحظة إستوعبت كلامي
/احم مقصدش انا حسيت إنك عايز تقلها امشي بس محرج ف انا قومت بالواجب
بصلي ب استفزاز غير مفهوم-بس انا مكنتش عايزها تمشي
لفتلو واتكلمت بحدة/انا بعتذر ل حضرتك جدا وهنادي عليها حالا تكملو حواركو التافه وهجبلكو اتنين لمون عن اذنك
مشيت ونا دمي فاير ومش لاقية اي مبرر ل تصرفي دا
ضحك ع تصرفي وجه ورايا
-استني
لفيت/اؤمرني
-ممكن افهم سبب نرفزتك
اقلك ازاي ان انا ذات نفسي مش فاهمة.. قلتلو/مش متنرفزة انا هادية تماما اهو حتى بص ابتسامتي
سبتو ومشيت وهو ملحقنيش لان نور وسوزي كانو جم
قالت نور ب استغراب من شكلي لاني لما بتعصب وشي بيقلب طماطم
-مين عصبك كدا وشك هيفرقع
/اسكتي آنتي خالص هاتي الماية دي
شديت منها الماية ونا بشرب بشراهة لدرجة الماية كانت بتقع على هدومي خلصت الازازة ورميتها ع الارض
قلدتو ب استهزاء/قال اي بس انا مكنتش عايزها تمشي.. هناك عندك اهي خدها ولفو بيها المكان وانا بنفسي هجبلكو شجرة لمون
ضحكو عليا ونوعا ما فهمو لما لقيوني بتكلم كدا ونا ببص عليه
قالت سوزي بضحك"هو مين بس فهمينا
-شكلو ابو الفصاد
قالت نور كدا وهي بتغمز ل سوزي
/اخرسو انتو الاتنين اخرسو سامعين
الاتنين قفلو بقهم وهم بيضحكو ونا مشيت ووقفت ف مكاني الاولاني عشان أهدى شوية مش عارفة انفعلت ليه كدا
يتبع..
•تابع الفصل التالي "رواية ليه لا" اضغط على اسم الرواية