رواية ليه لا (كاملة جميع الفصول) حصريا عبر دليل الروايات بقلم ميرنا عمار
رواية ليه لا الفصل الاول 1 - بقلم ميرنا عمار
تمام كل واحد قال رأيه.؟!
الكل ف صوت واحد.. ايوا
طبعا لكم حرية الرأي ولي دكتاتورية القرار يبق ان شاءالله مش هنلغى الاكزامنيشن ولازم الكل يحضرو
اتنرفزت.._طلما حضرتك مقرر اصلا بتاخد آرائنا لي
بصلي برفعة حاجب كدا كنت عارفة اي الي هييجي من
وراها بس فضلت ثابتة.. قرب للبنش بتاعي ببطئ
/اعرف إسم الانسة
بصتلو بتحدي"رحيق اسمي رحيق
/اسم جميل ي رحيق..
بص لكل الحضور...ينفع ي شباب النرفزة الي كانت فيها دي
طبعا الحضور طبلو كالعادة وهللو ان لا ودا غلط والي قال دي قلة أدب..رجع بصلي تاني تحبي تطلعي برا بنفسك ول ازفك ونتي طالعة
مسكت شنطتي وبصيت للكل بقرف ومشيت كنت عارفة انو هياخد اسمي وهيصفرلي اعمال السنة وشغل اعدادي دا بس عادي ولا يفرقلي روحت البيت لاني مكانش عندي غير المحاضرة دي
-رحيقة خدي اقلك
لعبت ف خدودها الي بعشقها/اي فطومة قلبي انتي
-مش هتبطلي لماضه بقا
/اله ونا عملت اي طيب
-حابة نفسك ونتي بتطردي كدا وسط زمايلك
/نور لحقت قالتلك
-ومن امتة نور خبت عني يبنتي امسكي نفسك وقت الغضب قلتلك مليون مرة لسانك مش الكل هيستحمل كلامو زي م احنا بنستحمل
/هو الي دكتور رخم وبارد ومتكبر ل درجة اولى شايف نفسو اي دا مش عارفة اتعين ازاي اصلا المهم فكك منو طبعا نتي عارفة إني بحبك صح
-مفيش فلوس
/اخس عليكي ي فطوم
-عايزة اي بتمهدي لاي ب بحبك دي
/الكلية عاملة رحلة للاقصر ونتي عارفة من زمان اني همووتت واروح الاقصر من زمان ف عايزة اطلع.. مترفضيش عشان خاطري انتي اكتر واحدة عارفة ان نفسي أسافر الاقصر اوي
-كام يوم
بصيتلها بتوتر/لازم تعرفي..
-هتستظرفيي
/خلاص خلاص أسبوع
-نعم يختي أسبوع..انا قولت هتقولي يومين وساعتها هوافق رغم اني هعصر على نفسي فدان لمون عشان خاطرك انما تقوليلي اسبوع ليي هتقيمي هناك.. انسي مفيش مرواح
/ي ماما الفرصة الي جاية للكلية بتاعتي نادرا لما بتيجي عشان خاطري وافقي نور رايحة معايا وسوزي مش انتي بتحبيها.!؟.كل دول رايحين يعني مش هبق لوحدي عشان خاطري وافقي
-ي رحيق ي حبيبتي انتي عارفة ان انا ونتي ملناش غير بعض واخوكي مسافر وبيجي كل سنة مرة معقول مش عايزاني اقلق
قومت حضنتها/والله ي فطوم الرحلة امنة جدا والله وطالع معايا صحابي وهاخد بالي من نفسي كويس متقلقيش وافقي عشان خاطري بق دي فرصة متتعوضش
بصتلي بقلة حيلة لاني بقدر اقنعها كل مرة-طيب ي رحيق الي تشوفيه
اتنطط من فرحتي و حضنتها اوي لان الاقصر دي نفسي اسافرها من ونا كنت باخدها ف مادة الدراسات ونا ف ابتدائي
.....................
-يعني هتروحي
/ايوا يبنتي فطومة وافقت
-طب انا عايزة اقلك حاجة
/في اي
-دكتور على طالع معانا
/متقوليش بقا..ودا اي الي جايبه معانا
-مش دكتور ف الكلية يبنتي طبيعي يطلع
/مش مشكلة مش دا الي يعكر صفو رحلتي هتجنبو تماما
مر تلت ايام وجه معاد الرحلة صحيت بدري جدا وشنطتي كنت مجهزاها من بليل قومت بحماس ونا مبسوطة جدا لاني رايحة لاكتر مكان انا بعشقو لبست وجهزت وروحت اودع ماميتو
-مش عارفة انا اي الي مخليكي تروحي وتسيبيني
حضنتها/يفطوم ونا مهاجرة د هو اسبوع هترتاحي من زني ووجع الدماغ اسبوع بحالو
بصتلي بجدية-رحيق انا عارفة انك شقية رغم سنك دا بس تاخدي بالك من نفسك كويس وتكلميني كل شوية واي دبة نملة تحصل تكلميني فاهمة ول لا وموبايلك ميتقفلش لحظة سامعة
/عيوني والله هطمنك عليا اول ب اول يالا هاتي حضن بق
حضنتها ونا رغم سعادتي اني هروح لمكان بحبو الا اني زعلانة ان أسبوع مش هشوف ماما...حضنتها وحصنتني بالادعية قبل م امشي ووصتني اقول دعاء السفر..ومشيت
-دا كلو يبنتي انا بعتالك من امتة تطلعي
/فطومة بق كانت ماسكة فيا ووصتني الوصايا السبع ونتي عارفة
كنا بنتساهر ونضحك انا ونور ولمحتو واقف بعيد بيبصلي مقدرتش احدد اي النظرات دي بس اتجاهلتها.. ايوا ايوا هو نفسو الدكتور الرخم البارد على..ركبنا الاتوبيس وكل واحد قعد مكانو وبدأنا نتحرك قولت دعاء السفر زي م فطوم وصتني وافتكرتها ورنت ف نفس الوقت كلمتها وطمنتها اننا مسكنا الطريق
طبعا مخدتش بالي مين قاعد ف الكرسي الي جمبي من الناحية التانية بس كنت بركب الهاندفري ف الفون وجه مطب ف الفون وقع ف جيت اخدو وجاية ارفع راسي بصيت لقيتو هو بتناحته بيبصلي ب ابتسامة مستفزة
-انتي.. دي الرحلة شكلها هتبق ممتعة خالص
اتجاهلتو وركبت الهاند فري و اندمجت ونمت
مر ساعات معرفش قد اي بس صحيت ع رنة الفون ولقيتها ماميتو
-ي جزمة مش بتردي لي ها قلقتيني
/اي ي فطوم كنت نايمة والاتوبيس كلو نايم ومحستش بالفون
-نامت عليكي حيطة ي بعيدة انتي نايمة عندك ونا هنا كنت قاعدة بضرب أخماس ف أسداس
/ي فطوم خلاص بق قلبك ابيض وعد يستي اني هحط الفون ف ودني وهرد عليكي علطول
قفلت معاها بعد م طمنتها عليا وع نور لانها بنت خالتي ومسكت الفون اسكرول ع الفيس شوية وحسيت بحد بيخبط عليا ف ببص لقيتو هو بردو شكلها الرحلة هتطول معاك ي ابو الفصاد انت اصلو طويل اوي
/نعم حضرتك محتاج حاجة
-رجل حضرتك لو مش هزعج معالي حضرتك
بصيت لقيت رجلي كانت برا حبة ف دخلتها جوا واتجاهلتو تماما
-رحيق
/ايش
-بصي مين خطب
بصيت ف فونها لقيت بوست خطوبة من وائل متصدمتش لاني كنت عارفة انو هيعمل كدا.. هزيت راسي وكملت اسكرول
-نتي...مزعلتيش؟
بصيتلها ب ابتسامة/وازعل لي
بصتلي بتردد-انو يعني كان.. كان يعني.
/نور عشان نبق صريحين انا وهو مكانش فيه بينا ذرة تفاهم كنا متناقضين طول الوقت ف طبيعي دا يحصل وهو يشوف حياتو ونا اشوف حياتي انا وهو كنا تجارب فاشلة ف حياة بعض ف طبيعي محدش فينا يزعل لما يلاقي التاني بيتعلم من غلطو وبيعيد التجربة بس بنجاح
-فعلا انا قولت هتزعلي وتقبلي اليسا وقالو سعيدة ف حياتها
ضحكت عليها/انا فعلا سعيدة ف حياتي سعيدة طلما ماما واخويا جمبي وكويسين دول هم سعادتي الوقت.. ونتي طبعا
-ايواا كويس إنك لحقتي نفسك عشان كنت هشتم
ضحكت/عيب عليكي ي نواره
مر كام ساعة وفطوم رنت كذا مرة وطمنتها ف كل مرة دا طبع مامتي قلوقة جدا جدا عشان ملهاش غيري انا وتميم اخويا... أخيرا الاتوبيس بدأ بيطأ بيعلن وصولنا لمدينة احلامي الاقصر كنت متحمسة جدا طايرة من فرحتي
نزلت بسرعة ونا بسحب شنطتي
-يبنتي ع مهلك مش كدا
/اسكتي انتي متعرفيش انا كنت بحلم بالرحلة دي من امتة
وقف الجايد تبع الكلية بتاعتنا وبدأ يرحب بينا
_مرحب بيكو ف مدينة الاقصر الجميلة طبعا كلكو متحمسين تلفو المدنية وتستكشفو كل حاجة بس طبعا هتطلعو الاوتيل الاول ترتاحو وتفطرو وبعدها هنبعتلكو موظف الاستقبال يبلغكو اننا هنتحرك
خدنا للاوتيل وكل ٤ بنات خدو اوضة كنت انا ونور وسوزي وريمان
دخلنا الاوضة وكنا مبهورين بجمال الاوضة كانت عبارة عن اوضتين جمب بعض وف كل اوضة سرير ياخد اتنين كان كبير الى حد ما ارتحنا وحطينا الشنط وماميتو رنت طبعا وبلغتها بالتطورات وطمنتها علينا اترميت ع السرير لاني تعبت جدا من قعدة الكرسي ف الاتوبيس ونمت شوية وصحيت ع نور وهي بتقولي ان الاسيست جه وبيقلنا نجهز قومت بحماس ونشاط وخدت شاور وجهزنا احنا الأربعة ونزلنا
طبعا المرشد بدأ يرشدنا يودينا كذا مكان ويلففنا ف المدينة وياااه ع الاقصر وجمال الاقصر ويحيكلنا عن الاثار الموجودة وتاريخها ومن هذا القبيل مر اليوم الحمدلله بسلام وكان يوم جميل جدا جدا والحمدلله م احتكتش ب الاخ على دا
تاني يوم كان المفروض نركب مركب ونلف ف بحيرة هناك كدا ونا عندي فوببا من الماية بس قول همسك نفسي عشان مضيعش متعة الرحلة
/هنتوزع ازاي ي نور
-دكتور على هيبلغنا لان واضح كل دكتور هيجمع شوية طلاب ويركب معاهم
/يكونش ابو الفصاد دا هيركب معانا
نور ضحكت-مين ابو الفصاد
شاورت عليه/هناك الي واقف مستعرض عضلاتو وفارد نفسو دا مفكر نفسو شاروخان
نور ضحكت جامد-دكتور على يخربيتك اسكتي هتفضحينا
"بتضحكو ع اي ي خونة من غيري
-تعالى شوفي أستاذة رحيق دا لو دكتور على سمعها مش بعيد يزقها للسمك الي ف البحيرة
" عملت اي
-بتقول ع دكتور على ابو فصاد
سوزي بضحك"معاها حق الصراحة طويل اول بس بيني وبينكو هو جامد هو تقريبا اصغر دكتور ف الكلية
بصتلها بقرف ومردتش عليهم
سوزي بصت ل نور وضحكو الاتنين
كنت هشتمهم بس جه ابو الفصاد وقاطعنا
-يالا يبنات انا هكون التابع ليكو جمعو نفسكو واركبو هنا
قال كدا وهو بيشاور ع احد المراكب..ركبنا كلنا كنا ١٠ افراد وساعدتو ال ١١
-متفردي بوزك دا بق
/متخيلة دا جمبي وعايزاني افرد بوزي
-مش انتي قولتي هتجنبو اتجنبيه بق واسكتي
اتنهدت وفعلا حاولت اتفادى وجودو تماما عشان محسش بخنقة كفاية توتري من الماية الي شكلها مرعب
المركب كان ماشي بينا لحد م وقف ف نص البحيرة وكنا بنشوف الاسماك من تحتنا ومبهورين بجمالها طبعا انا طلعت الفون اتصور عشان اوري ل ماميتو واتصورنا انا والعيال صحابي وحتى قلقي من الماية وتوتري يخفو .. ونا بدخل الفون اختل توازني لاني كنت واقفة جمب الماية...ونا بحاول اعدل وقفتي عشان أقدر اقعد حسيت بدوخة بسبب حركة المركب ف لسوء حظي وقعت ف الماية
الكل اتصدم ونا كنت بصوت ف الماية/الحقوني هغرق هغرق حد يلحقني مش بعرف اعوم
طبعا كلو بقا بيصوت وهو قلع الجاكيت ونط وعام لحد م وصلي
انا مكنتش شايفة حاجة غير جسمو ف مسكت فيه جامد
قال بزعيق-متمسكيش كدا امسكي من كتفي كدا مش هعرف اعوم
قولت ونا بفقد الوعي/طلعني طلعني ارجوك
شافني بفقد الوعي ف حضني ب ايد واحدة والإيد التانية استخدمها ف العوم لحد م وصل للمركب وطلعني ونا فاقدة الوعي
يتبع...
•تابع الفصل التالي "رواية ليه لا" اضغط على اسم الرواية