رواية ما لا يقال الفصل الثاني عشر 12 - بقلم رضوى وليد
مينفعش تيجي البيت وانا لوحدي !!
قالت وهي بتحط اديها علي المفتاح اللي فـ الباب بـتوتـر
-كريم مش موجود تقدر تكلمه او تيجي لما يكون موجود
حسن
:انا مش عايز كريم.. انا عايز اتكلم معاكي انتي..
-ملكش كلام معايا... واتفضل دلوقتي عشان لو كريم جه وشافك مش هيسكت !!
=معلش..انا عايزك فـ كلمتين مش اكتر ممكن ننزل نتكلم تحت لو عايزه..
ملقيش رد منها فـ كمل وقال
:عندك حق إنك تبصيلي بقرف أو ترفضي حتى تسمعيني…أنا عارف اني غلطت فيكي، وغلطتي تقيلة، ومكسوف حتى أرفع عيني ليكي…
كنت شايف إني أقدر أفرض اللي في دماغي، وإن اللي بعمله قوة… بس الحقيقة إنها كانت قلة عقل……
بس أنا مقدرش أكمل من غير ما أطلب السماح…
منك، ومن أخويا…
أنا مكسور وندمان، ومش عايز منك أي رد دلوقتي…
خليه لوقته… حتى لو عمرك ما سامحتيني، هفضل شايل ده جوايا."
بس اتمني انك تسامحيني وتخلي كريم يسامحني
"خلص كلامه ولفّ عشان يمشي، لكنه وقف لما ريم قالت"
-انا هحاول مع كريم لان ده اخوك
لكن معايا متحولش تاني
اللي عملتوا مش بسيط ولا هيتنسي وحقي وتجاب مرتين
دلوقتي ولا بعدين انـا لا
بص لها بخيبه امل فـ قالت
-بالمناسبه مش كريم اللي...،،رماك فـ البحر زي ما فـاكـر
:اومـال مين
تجاهلت سؤاله وقالت
-كريم اللي لحقك للمستشفي وكان رايح من البداية عشان ينقذك
عشان تبقي عارف بس... ان اخوك فضل جدع معاك لاخر لحظة رغم اللي حصل و اللي عملتوا
مستنتش رد منه دخلت وقفلت الباب
.................
___________________
الساعه 10 مساء :
-يعني اتأخرت يـكريـم
قال بتعب
=كان عندي شغل كتــير
قرب منها وحط إيديه على بطنها وقال
= أوعى تكون متعب مامي يا حبيبي
-كريم عايزه اقولك حاجه
=قولي يحبيبي
سكتت فـ قال
= في ايه ؟؟!!
-اخوك جه انهارده
قال صدمة
=جه هنا ؟!!!
-اهدي يكريم... جه وكان واقف برا وانا كنت نازله اصلا
قال بعصبيه
=كلمتيي؟؟؟
-رفضت فـ الاول...،المهممم خلينااا ف المهم
=ايه اهم من كداا !!
-اعتذر وطلب مني اني اسامحه وعايزك كمان انت تسامحه.. سامحه يـكريم وافتح معاه صفحة جديده
= قولتلك متدخليش فـ الموضوع ده.،،وميغركيش الصعبنيات اللي بيعملها
-كريم متنساش ان انا قولتك من قبل ماشوفه انك تسامحه.....بعد كدا مينفعش مدخلش...اسمع مني وصالحه انا حسيت بالكسره فـ عنيه افتح صفحه جديده معاه حتي عشان ابننا
ينفع يلاقي ان عمه عايش ولا كأنه عايش بالنسبه لينا ،بعد كدا هيعوز يعرف السبب ولما يعرف هيكرهه بلاش كل ده حتي عشان مامتكم
يعم قولوا متصافين بس مترجعوش زي الاول ولا يبقي بينكم كلام ولا اي حاجه
=يـريم، اللي عمله مش عادي ولا موضوع اللي هو... ممكن يتنسي بالـسهولة دي
ده خدعني وخان ثقتي و..
وقف كلام شويه وقال
ارجوكي بس يريـم انا كل ما بفتكر اللي حصل ببقي عايز اعمل اللي عملته وزياده
-بس يمكن يكون ندم بجد...فرصة اخيره يـكريم
قال بأضطراب
=معرفش يـريـم معرفش
-فكر فيها يـكريـم
بص لها شويه و قال وهو بيحضنها
=انتي طيبة جداا يـروحـي...ربنا يخليكـي ليـا يحبيـبتي
-لالالا مش طيبه لدرجه ان انا كمان هقبل اتكلم معاه انت بس اللي هتصالحه ..
قال وهو بيضحك
= انا عارف .. انا اصلا مقبلهاش ليكي
هروح عند أمي بكرا واكيد هيبقي هناك وهشوف ايه الدنيا
عشانك انتي بسس ....
-وتقوله علي كل حاجه
=اكيد
( ريم فـنفسها مطمنتش لـحسن ولا ارتحتله
بس قالت
:صله الرحم واجبة وانه يمكن يكون ندم بجد وربنا يهديه )
فاقت علي صوت كريم وهو بيقول
=.،،سبينا من السيره دي وقوليلي انتي عامله ايه
-عايزه اسألك سؤال وترد بصراحه يـكريم
=قولي
-هو انا تقيله عليك !!
قال بضحك
=والله كنت متأكد.. كل يومين نفس السؤال
-بـتبعد عن الموضوع ليه ؟؟
رد يـكريم
=طب قوليلي انتي.. حصل ايه عشان الكلميتن دول
قالت بجدية
-انا اللي بـسألك
قال بـهزار
=من ناحيه تقيله فـ انتي تقلتي حرفيا يـريـم
قالت بـعصبية
-كريــم انا مابـهـزرش
=لا يـحياتي مش تقيله عليا ولا هتكوني ولو حصل هستحملك عادي
قالت وهي بتبصله
-يعني قصدك ان انا تقيله عليك اهو !!
قال بصدمه
=انا قولت كدا !!!
انا بتكلم فـ المستقبل وانا متأكد ان عمره ما هيحصل
=بس انا حاسه اني تقيله عليك !
=لالا متصدقيش احساسك ده بيضحك عليكي
-انت بتخدني علي قد عقلي ؟!!
=مين قال كدا !!
-بس يـكريـم...، انت اللي تقيل عليا
=ايه ؟!!
-بهزر يكريـم الله
سكتت شويه وقالت
-طب بـتحبني !!
قال وهو بـيخدهـا فـحضنه
=فوق ما تتصوري
ابتسمت شوية>>
وقالت وهي بتقوم
=يعني انا يكريـم مش تقيله عليك بجد ؟؟!
__________________
بعد سنة ونص...
ريم ماعدتش بس تسع شهور الحمل اللي كانت عاملة لهم ألف حساب،
دي عدت أيام كانت كلها اختبار على كل المستويات…
اختبار لصبرها، لقلبها، لطول بالها، لوجع جسمها وروحها.
عدّت لحظات كتير قالت فيها "أنا مش قادرة"،
ورجعت تاني قامت من تحت التعب، وكملت.
وفي نفس الوقت، كريم كان بيجري في سكة تانية…
اشتغل على نفسه، تعب، وسهر، واتحمل كتير،
وفي عز ما هي بتتوجع وهو شايفها، كان بيحاول ينجح عشانها.
اترقى… وبقى في مكان أحسن،
مش بس في شغله، في تفكيره، في مسؤوليته.
كبر هو كمان، واتغير.
مكنش سهل عليه، بس فضل واقف في ضهرها.
السنة ونص دول غيروهم هما الاتنين،
قربوهم، شدوهم لبعض،
في وقت ريم كانت بتمرّ بتقل الحمل والخوف والضغط،
كان هو بيحاول يشيل معاها بطريقته.
يمكن ساعات قصر، ويمكن ساعات ضاع منه التعبير،
بس كان حاسس بيها… وكان بيتوجع عشانها.
السنة ونص دول مش بس شهور،
دي كانت حياة كاملة اتكتبت من جديد…
وجع وحب، تعب ونجاح، خوف وأمل،
بس في الآخر… عدت.
وهم دلوقتي مش زي ما بدأوا.
بقوا أقوى، وأنضج، وأقرب لبعضهم أكتر من أي وقت فات.>>>>>
( كريم اتصالح مع حسن بس علاقتهم مش احسن حاجه حسن كان طول الوقت بيحاول يصلح بينه وبين اخوه بس مفيش فايده
ريم مكنتش بتديله اييه وش ولا اتكلمت معاه ولا مرا وهو فهم انها لسا مش متقبلاه واحترم رأيها )
_____________
فـ دُبي 2 الليل>>>>
كريم وريـم قاعدين قدام التيلفزيون بيتفرجوا علي فيلم اكشن
عليهم البطانيه وبينهم ابنهم عبد الرحمن ...
فجأه كريم وطي صوت التلفزيون وقال
=عدى تلت سنين جواز، ولسه كل يوم بـصحى وأقول الحمدلله إنك مراتي.
عدينا كتير، تعب وخوف وسهر وولادة…
بس كنتي دايما جمبي، وعمرك ما سيبتيني.
كل يوم بحبك أكتر، وبحمد ربنا عليكي…
ومهما الدنيا خدتنا، إنتي دايما في قلبي قبل أي حاجه (حضنها هي وعبد الرحمن)
وقال بسرعه
=ايوا صح ده انهاردة فرح حسن
(فرح منغير خطوبة)
(فتح الانستغرام) وقال
=زمانهم نزلوا الصور
قالت ريم
-اههه عايزه اشوفها..
بعد مشافوا اول صوره بصوا لبعض بـصدمة
مش ان حسن اتجوز بعد مكان رافض فكره الجواز نهائياً
الصدمه انه【 اتجـوز نـهي 】
كريم
=نهييي !!
ريم بصدمة
-دي البـنت اللي كانت معـاك فالصـورة !!!
رد كريم
=ايـوا هـي دي
-طبعا مـا اي حـاجه تيـجي مـن ريـحه الحبايب
=لا لا متعرفش ان احنا اخوات اكيد
( فضلوا يضحكوا علي الصدفة الغربية
وقالوا انهم لايقين علي بعض )
قالت ريم وهي بتبصله
-لحظهه وحدهه انت لسا فاكر اسمهااا !!!!
=لالا دول هما اللي كاتبين
-كداااب يكريم كداااب وفاكر اسمها
__فـ القاهرة__
فـ يوم ميلا عبد الرحمن الـ2
كانوا عاملين عيد ميلاده فـ مكان جمـيل العيلتـين متجـمعـين ومبسـوطين ومرتاحـين واحلي حـاجه صوت ضحـكهـم مـع بعـض
. . . . .
صلاح قال لريـم وهو بيديلها هدية ضخمه
=دي هديه عبد الرحمن بس في مفاجأه تاني
-يحبيبي غلبت نفسك مكنش ليه لـزوم
قالت بأستغراب
-وايه هي المفاجأه التانيه !!!
=خديجه (مراته) حاامل لو بنت فـ أنا خلاص خدت عبد الرحمن
(اول حمل ليهم بعد مدة)
ريم وهي بتحضنه
-بجدددد يحبيييب قلبي الف الف مبروك مش بتخيل فرحتييي..... فييين خديجه اروح ابركلهااا
_______________________
كريم قال بهمس لـريـم
=شكلك تحفه فنيه ، الدريس هياكل منك حتة
الله اكبر عليكي يبنتي تتحسدي والله ..... بحبككك يأحلي حاجه فحياتي ..
_انت اللي شكلك سوبر جـامـدان الاسـود دايـما عليك فاجر ...
كريم بـذهـول
=يـخربـيت كلامك يـروحـى
_____________________
فـ اخر العيد ميلاد
ريم كانـت بتغسـل اديـها وداخله للريسبشن اللي فيـه الحفـله وقـفت قـدام البـاب بـشويه... بتـدور علي كـريـم بعـنيها
لقيت حسن باصص نحيـتها
بنـظرة فيها خبيث وجرأة، رفع نظره تدريجيًا عليها من تحت لـفوق حست بعينه بتتعمق فيها وابتـسم ابتسامة خفيفه فيها غموض
وغمـز لـها بعـنيه الشـمـال....
تـمـت....
يتبع الفصل كاملا اضغط هنا ملحوظه اكتب "رواية ما لا يقال دليل الروايات " لكي تظهر لك كاملة
•تابع الفصل التالي "رواية ما لا يقال" اضغط على اسم الرواية