رواية ما لا يقال الفصل العاشر 10 - بقلم رضوى وليد
اخوك مااات..
كريم بصدمه"
انت بتقول ايييه انت واخده عايش. !!
عصام بتوتر شديد مش قادر يقف ، بيلف حوالين نفسه..قال
:انا تايه...مش قادر استوعب اللي حصل.
=ايه اللي حصل وهو فين دلوقتي ؟؟؟!
:اخوك....الموضوع كبر
كريم بنرفزة
=يبني انت اتكلم عدل.
:انا رميت اخوك فـ البحر
كريم قال وهو بيمسكه بعنف
=يعني ايه ؟؟!!
عصام بخوف
-والله أنا كنت في طريقي للمستشفى… وهو كان بيهذي ويقول كلام مش مفهوم،و فجأة قطع كلام خالص.
قربت منه أشوفه، لقيته مش بيتنفس ولا فيه أي حركة… كان مات.
اتشلّيت من الخوف، وخوفت حد يفتكر إن أنا السبب، فـ في لحظة ضعف… رميته علي اول البحر قبل ما حد يشوفني
كريم بعصبيه
=إنت غبي ولا بتستعبط؟! المشكله كانت ممكن تتحل بـ ميه طريقه تانيه غير ان الناس يفكروا انت اللي...
مكملش جملته وقال
دكتو انت.. دكتور تعرف ان كان ميت ولا عايش
يعني إيه “قطع كلامه”؟ يعني إيه “مكنش بيتنفس”؟!
ممكن يكون جاله إغماء! صدمة! هبوط!
كان ممكن يفوق!
كان ممكن يعيش لو كنت دخلته المستشفى بدل ما…
ترميه في البحر زي ما يكون كيس زبالة!
:ولما انت خايف عليه كنت هتموته لييه؟؟ ده حقي ان جيت انقذك من تهمة كنت هتاخد فيها اعدام ولا مؤبد
كريم
=كنت سبتني ولا كنت كنت اتصرفت بغبائك ده تقول انك هتنقذ حياته وانت موته بأيدك ذنبه فرقبتك ليوم الدين
:بص الكلام ملوش فايده دلوقتي عمري ماهعرف اوصفلك انا كنت حاسس بأيه ساعتها ولا التوتر اللي خلاني اتصرف التصرف ده من ساعه ماشفته مات
=في حد فـ الدنيا يعمل كدا انت عبيط؟!!!
:كريم انا خايف ليكون حد شافني وانا برميه
=هيكون مين شافك فـنص الليالي اللي احنا فيها دي
:احسن الحكومه تعرف
=يبقي جزاتك إنت فاكر اللي عملته بسيط؟!
إنت اتصرفت بتهور و من غير تفكير واللي حصل مش هيعدي بالساهل..
-يعني ايه !!!!!!
=امشي من قدامي دلوقتي يـ عصام
_______________
كريم مقدرش يقف بعد الخبر قعد فـ أقرب مكان و حط راسه بين ايديه وبيقول لنفسه
= ليه..ليه حسن ليه تعمل فأخوك كدا..انا آملك وانت تخوني !!!!!!!!!
كمل بعصبيه لما افتكر مسكته لريم
=بس ده مسيرك...الموت و مسير اي حد ممكن يجي جمب ريم
. . . . . . . . . .فوقت ماكان قاعد يفكر فمصيبته جه صوت ست من جمبه بتقول
:ايه السبب اللي يخلي واحد يقتل اخوه
كريم بستغراب
=انتي مين يست انتي
-ياتري الفلوس ولا لامؤخذا وحده ولا ايه...
=انتي عايزه ايه!!!!
قالت وهي بتتجاهل كلامه
-ميهمنيش السبب ...
قال وهو بيقرب عليها بعصبيه
=انتي مين و عايزه ايه
:انا ممكن اسكت ومقولش حاجه علي اللي عملتوا ف اخوك انت وصاحبك
=انتي عرفتي منين !!!
:سمعت كل حاجه قالهالك صاحبك..حبيت كمان اسمع الموبايل وسجلتلكم اقول للحكومه انكم رميتوا واحد فـ البحر ولا اسكت
=ما انتي ممكن تكوني كدابه
بعد مسمعتوا التسجل قالت
:ها نقول للحومه ولا نسكت
قال وهو بيكمل كلامها
=بـ مقابل..
: تتجوز بنتييي نهيي
جملتها نزلت كالصاعقه علي كريم
=نهي مين ؟؟...
قال لما افتكرها
=نهيي!!
-ااايوا هي ديي اللي جت فـ بالك
=انتي اكيد بتخرفي واعملي اللي تعملي.. بعد كدا انتي ازاي تقبلي لبنتك جوزاه بـ الطريقه دي؟؟؟؟!
قالت وهي بتتجاهل كلامه
:صدقني 24 لو محصلش اللي قولت عليه تستني الحكومه انت وصاحبك
كملت كلامها وهي ماشيه كأنها بتثبته فـ دماغه
-وصاحبك اللي هيشيل الشيله لانه معترف بكل حااجه
. . . . . . . . . . . . .
(مشيت تحت صدمه كريم من كل اللي بيحصل معاه فـ يوم وليله مكنش عارف يعمل ايه ولا يتصرف ازاي ولا ينفع يسيب صاحبه يتسجن )
________________
رجع كريم ولقي ريم بتجري عليه وبتقول
-اتأخرت اوي كدا ليه ؟؟
مردش فقالت
-طب بقيت كويس
=اه
_متعرفش حصل ايه معاه دلوقتي
-اكيد ف المستشفي وبخير وملناش دعوة بالموضوع ده تاني
-طب انا جهزت الشنط
=لا مش هنسافر دلوقتي
-ليه !!!!
=اسمعي الكلام دلوقتي يـريـم
_____________
الساعه 9 صباحا>>
قاعد كريم فـ المطعم اللي قالت عليه سوزان ان نهي هتكون فيه 10ص تقريبا و فـ وقت مكان غارق في أفكاره ومش مركز في حاجة رن فونه..
*ريم*
-فينك يكريم صحيت ملقتكش !!
=نزلت اتمشي شويه
-طب كنت قولي انزل معاك
مالقيتش رد منه فقالت
-يكريم انت منمتش اصلا وطالع بدري ولوحدك فـي ايه طيب
=ريــم !!!!!
-طب جاي ولا هتتاخر !!
= معايا نص ساعه وجاي.. اطلبي اللي عايزاه وافطري لحد ماجي
_________________
بعد عشر دقايق لقي نهي داخله وماشيه لجوا بصتله وبسرعه بصت قدامها بأحراج..لكن لقيته بيطلب منها تقعد معاه ..
بعد مسلموا علي بعض قالت نهي بتوتر
:انا بصيف هنا انت كمان بتصيف هنا؟؟
كريم قاطع كلامها وقال
=نهي انا عارف كل حاجه
نهي
:كل حاجه.. كل حاجه ؟؟!
=كل حاجه..
( انها مزورة شهادتها )
ممكن تكوني صريحه معايا !!
قالت بأحراج
-احم اكون صريحه فـ ايه
=نهي انتي بتحبيني بجد!!
:ايه السؤال ده
=معلش جاوبيني
:لا، مش بحبك..يمكن كنت، وصرفت نظر عن تفكري
=وليه فجأة بطلتي تحبيني
قالت بعد زفرةٍ طويلة…
:عشان لما شوفتك مع مراتك وقد ايه بتحبوا بعض ومبسوطين مع بعض حطيت نفسي مكانها ومكنتش هسمح لاي وحدة تاخد جوزي مني ولا حتي تفكر فيه بالجواز
قالت وهي بتبعد عينيها عنه
:زي ما انا كنت بفكر فيك..
.... جاوبت على سؤالك، دلوقتي قولي إيه سبب كلامك ده
كريم مردش عليها فقالت
:براحتك ..بس ايه بقي حوار الراجل اللي كنت بتضربه بالليل ده.. كنت بتضربه ليه.. الي حد ما..الكلام اللي وصلي انك مخلتش فيه حته سليمة
كريم بستغراب
=مين اللي قالك....مامتك ؟
=ماما؟.... لا مش ماما صاحبتي معايا هنا عرفاك
.....المهم انت تعرف ماما منين و ايه اللي دخلها فـ الموضوع
انت تعرف انها بتشتغل هنا؟؟
كريم
=لا معرفش..هي بتشتغل هنا ؟!!
:اه هنا مكان شغلها وانا قاعده معاها لحد ملاقي شغل يتوافق مع تعليمي
=طيب انا هقولك علي كل حاجه وانتي تقرري تساعديني ولا لاء
___________________
فـ الفندوق
ريم
-هنمشي امتي انا زهقت ومش عايزة اقعد فالمكان ده تاني بعد اللي حصل وانت كل شويه تمشي وتسييني !!
=ممكن بالليل
-ليه مش دلوقتي؟؟؟
=ريم قولت بالليل
-ماشي ياكريم حاضر
هتفضل بقي تكلمني كدا لحد امتي !!
قال وهو بيقعد
= ريـم مش عايز كلام كتير
قالت وهي بتقعد جمبه ولمست خدّه بخفّة عشان يبصلها
-اتكلم يكريم اتكلم انا مش هستحمل تعاملني بطريقه دي !!
=ريم اللي عملتي مش سهل ومفيش عذر ابدا يبرر انك متقوليليش
-يكريم انا كنت خايفه من ردة فعلك واللي خوفت منه حصل انت كنت هتموت اخوك وتودي نفسك فـ داهيه انا كنت خايفه عليك انت
=ريـم قولتلك مفيش حاجه تقنعني انك تسكتي وتخبي عليا ابدا
-يكريم بقي خلاص
= انتي لو كنتي شاكه
ولو1% ان انا مش هصدقك يريم تبقي غلطانه لان انا عارفك كوووويس
زي ما انا عارف اخويا وتفكيره اللي متغيرش من واحنا صغيرين
قالت وهي بتحضنه
-طب انا اسفه يكريم اسفه والله
___________________
فـ المطبخ
نهي
:مشوفتوش اللي حصلل
ميادة
:في ايه !!
نهي
:كريم عايز يتقدمـلي..
يتبع...
•تابع الفصل التالي "رواية ما لا يقال" اضغط على اسم الرواية