رواية غرفة ثعابين الفصل الثامن 8 - بقلم محمد طه

_بصت صفاء لخالد بقلق وتوتر وبعدين بصت على الأوضه المقفوله وما ردتش على سؤال خالد وسابتهم وقامت دخلت أوضتها؟

_خالد بصوت واطي..أنا متأكد إن فيه حاجه ماما مخبياها علينا 

_ندي بصوت واطي..هوا أنته لسه متأكد دلوقتي..ما أبقاش ندي أختك إن مكنش فيه بلاوي ف الأوضه دي..دا أنا عندي إحساس بيراوضني وبقول يا رب إحساسي يطلع غلط..بقلم..محمد طه 

_خالد بقلق..خير يا ندي..ويا رب إحساسك يطلع غلط عشان شكل إحساسك دا وراه مصيبه 

_ندي تقرب من خالد وبصوت واطي..حاسه إن الأوضه دي تبقي قبر أبونا..أو بمعني تاني تبقي الصندوق الأسود بتاع أبونا..وأمك مش راضيه تخلينا نفتحها عشان ما نعرفش حاجه عن أبونا وينزل من نظرنا 

_خالد بصوت واطي..حتي لو كلامك دا صحيح..

مفيش إنسان ما بيغلطش..المشكله إننا ندفن على الغلط وما نحاولش نصلحه..لو كان أبونا غلط زمان وظلم حد أو نصب أو سرق أو حتي ق،تل..كل مشكله وليها حل..والمفروض إن إحنا نعرف ونحلله المشاكل دي..مش ندفنها ف أوضه ونقفل عليها 

_ندي بصوت واطي..هوا دا بقي اللي إحنا عايزين نوصله لأمك..بس هيا مش عايزه تفهم كده 

_خالد بغضب..ندي..إيه مش عايزه تفهم دي..ما تاخدي بالك من ألفاظك 

_ندي..والله ما أقصد حاجه..بس هيا مش عطيانا الفرصه إننا نفهمها 

_خالد بغضب..تاني 

_ندي..يووووووه 

(عند صفاء ف أوضتها)

_صفاء بعد ما سابت خالد وندي..دخلت أوضتها وفردت ضهرها على السرير وبدأت تفتكر حاجات من الماضي..بقلم..محمد طه 

(صفاء كانت قاعده بتأكل عيالها وفجأه دخل عليها جوزها بكر وكان معاه معدات حفر وتكسير) 

_صفاء باستغراب..إيه الحاجات دي يا بكر وهتعمل بيها إيه..ناوي على إيه المرادي يا بكر 

_بكر بتردد..هوا إيه اللي ناوي على إيه دا يا صفاء..

هوا كل شغلانه هتحسسيني إني برتكب جريمه..يعني لا عيزاني أشتغل حاوي ولا عيزاني أبيع سم الثعبان..

لأ وكمان عيزان أتخلص من الثعبان وأقت،له 

_صفاء بغضب..والثعبان لسه عايش يا بكر..الثعبان اللي كان هيق،تل إبنك..وأنا مش هرتاح غير لما الثعبان دا يمو،ت يا بكر 

_بكر بغضب وصوت عالي..والثعبان دا مش هيمو،ت يا صفاء..وقولتلك 100 مره الحمدلله ربنا ستر وإبننا ما حصلوش حاجه..وقولتلك برضوا 100 مره قبل كده إن الثعبان دا هوا اللي بيأكلنا ويشربنا..ومن غير السم بتاعه اللي ببيعه إحنا هنمو،ت من الجوع 

_صفاء بتحذير..ماشي يا بكر..بس خليك فاكر إني حذرتك من الثعبان ده 

_بكر وهوا قايم وبياخد الحاجات اللي جايبها معاه من برا..وأنا لتاني مره يا صفاء بقولك أتفائلي بالخير 

_صفاء..أنته ما قولتليش الحاجات دي أنته جايبها ليه وهتعمل بيها إيه..بقلم..محمد طه 

_بكر بهدوء..يعني إنتي مش عارفه إيه الحاجات دي يا صفاء..دي أدوات حفر وتكسير عشان أشتغل بيها..هشتغل فواعلي يا صفاء ولازم يبقي معايا الحاجه اللي هشتغل بيها..فيه أي أسئله تاني (وسابها وراح يدخل أوضه الثعابين بالمعدات)

_صفاء..طيب أنته مدخلهم أوضه الثعابين ليه 

_بكر بعصبيه..يعني أسيبهم هنا ف الصاله العيال يلعبوا بيهم ويتعورو يا صفاء 

(وفات يوم والتاني وف يوم بكر كان راجع من برا تعبان ودخل ينام عالطول وهوا كان متعود إنو أول ما يرجع من برا يدخل أوضه الثعابين عشان يطمن عليهم ويحطلهم أكلهم وأحتيجاتهم..لكن ف اليوم دا نسيهم ودخل ينام عالطول)

_وصفاء شيطانها قالها تدخل هيا تحط للثعبان الهادي أكله وفتحت باب الأوضه وأتصدمت من اللي شافته؟