رواية قضية شرف الفصل السادس 6 - بقلم هنا حسين

وليد..... بصراحه البنت ماشيه علي حل شعرها مقضياها مع الشباب

ونس بصدمه وغضب.... وليد ايه اللي بتقوله ده انت عارف انت بتتكلم عن مين

وليد.... انا اسف يا ونس بس دي الحقيقه انت ناسي ان الموضوع سهل بنسبالها وكمان امها اتجوزت وسابتها لا وكمان جوز امها عنده اتنين شباب وبتروح عند امها وبتبات هناك والله اعلم ايه اللي بيحصل

ونس.... لا مستحيل مريم تعمل كده انا واثق فيها

وليد.... براحتك يا صاحبي انا قولتلك اللي فيها

ونس.... سبني لوحدي دلوقتي

خرج وليد وونس فضل يفكر في كلامه وعقله مش مصدق اللي اتقال

꧁اذكروا ﷲ꧂

عند مريم رجعت البيت والباب خبط وفتحت لقيت قدمها مهدي وراجيه

مريم.... انا ماينفعش اقولكم اتفضلو علي شان انتو ماتستهلوش الاحترام

مهدي بعصبيه.... احنا مش جاين نضايف احنا جاين نقولك كلمتين وماشين

راجيه.... مريم ونس رجع من السفر وطبعا احنا مش عاوزين مشاكل

مهدي..... وعلى شان كده شوفي انتي لو هتروحي عند امك او تسكني شقه جديده بس تكون بعيده من هنا وانا هتكفل بإجرها

مريم بغضب وانفعال..... دي شقتي وانا مش هطلع منها وابنك اللي عاوزني اهرب وماشفهوش هو اللي لازم يهرب مش انا واعرف انا مش هسيب حقي أبداً وقوله الكلمتين دول

مهدي.... ابني مش بيخاف من حد وبعدين حق ايه ده مش انت وامك قبضو التمن من زمان لسه فاكره ان ليكي حق انا اللي عندي قولته يلا يا راجيه

خرج هو وراجيه ومريم قعدت على الارضيه وفضلت تبكي على حظها وعلى الايام المقبله

꧁استغفرالله واتوب اليه ꧂

عند راويه

فايز.... انت عاجبك قعدت بنتك وحدها كده

راويه.... طب اعملها ايه راسها ناشفه مش راضيه تيجي

فايز..... يعني ايه راسها ناشفه تجي وانا اكسرهالها

مرسي ابنه..... جوزهالي يا خالتي وهي هتبقا تحت طوعي

راويه..... هي رافضه فكرت الجواز نهائي

فايز بغضب..... يعني ايه الكلام ده يعني البت تمشي علي حل شعرها مش كفايه ابني قبل يتجوزها وهي معيوبه

راويه بضيق.... خلاص بقا يا فايز انا هحاول معاها

مرسي.... ايوه يا خالتي اصلا محدش هيقبل بيها غيري

꧁سبحان الله وبحمده سبحان الله العظيم꧂

عند ونس رجع البيت وهو مضايق وافكاره متتاقضه من اللي سمعه دخل علي غرفته وراجيه دخلت وراه

راجيه..... مالك يا حبيبي في حاجه مزعلاك

ونس.... مافيش يا ماما مضايق شويه

راجيه.... ليه بس حاجه حصلت في الشغل

ونس..... لا الشغل كله تمام بس انا عاوز اعرف مريم عايشه ازاي وفين

راجيه..... وانت ايه فكرك بيها دلوقتي

ونس.... ماما لو سمحتي قوليلي كل حاجه

راجيه... اقولك ايه يا ابني معانا بنت مش عاوزه اتكلم

ونس بغضب..... يعني اللي قاله وليد حقيقي

راجيه ابتسمت بخبث وقالت لنفسها برافو عليك يا وليد

راجيه.... احنا ملناش دعوه بيها يا ابني امها سيباها علي راحتها

ونس بضيق..... ماما قوليلي كل حاجه ماتخبيش عليه حاجه

راجيه.... البنت مش مكبره عمها وماشيه علي كيفها حتى انا وابوك رحنا نزورها ونقولها اللي بتعمليه غلط ترضيتنا وقالت محدش ليه دعوه بيا

ونس.... معقول مريم تعمل كده الطفله البريئه

راجيه بغيظ.... مابقيتش طفله بقيت كبيره وتعرف الصح من الغلط لاكن نقول ايه مش لاقيه كبير

ونس.... هي فين يا ماما

راجيه.... في شقتها اللي قصادنا

طلع ونس بغضب متوجه لشقتها

راجيه.... ونس رايح فين احنا ملناش دعوه بيها

لاكن ونس مسمعش منها وراح لمريم

بقلم هنا حسين

꧁صلو علي النبي ꧂

عند مريم كانت بتتكلم في التليفون

مريم.... ساره انا مش عارفه اعمل ايه حاسه اني بقيت ضعيفه رغم اني لازم ابقي قويه

ساره.... اهدي يا مريم ويخليكي قويه

مريم..... مش عارفه.ليه خايفه اقبله حاسه اني مخنوقه ياريت امي كانت معايا دلوقتي لاكن سابتني

ساره.... اهدي يا حبيبتي لو عوزاني اجيلك اجيلك

كادت ان ترد لاكن قاطعها خبط علي الباب بقوه

مريم بفزع... ساره الباب بيخبط هشوف مين وهكلمك

يتبع