رواية عدوي الحبيب الفصل الخامس 5 - بقلم رزان عزالدين
-تغريد انا بحبـ...
فجأة رصاصـ*ـة اخترقت كتفه...
و واحدة تانية اخترقت جنبه...
و وقع علي الارض قدامي..
-حــســام!!!!
اول ما وقع شوفت اللي ضربه ورا
رفعت المسـ*ـدس اللي كان مديهولي وضغط علي الزناد
ضربه واحده كانت كفيلة تخليه يقع علي الارض
بابا جيه علي صوت ضرب الرصاص
-في ايه!!!
نزلت علي ركبتي جنب حسام
الدم كان مالي الارض
حطيت ايدي ع خده وقولت وانا دموعي بتنزل:
-حسام!
ي حسام رد بالله عليك
وشه كان شاحب
جسمه ساقع
بابا نادي علي عمو أيمن واتصلوا بالاسعاف
جم بسرعة وخدوه وانا منهارة
عمو أيمن راح معاهم وانا وبابا روحنا بالعربية
طول الطريق كنت بفكر في كلام حسام
بيحبني؟
طب انا بحبه!
بس هسامحه ازاي بعد م دمرلي حلمي اللي بتمناه من سنين!!
حسام دخل اوضه العمليات
عدت ساعات من العياط
التوتر
خوف
واخيرا الدكتور طلع
عمو ايمن راحله بسرعة
-ابني عامل ايه!!؟
-اهدي ي استاذ
هو كويس جدا الحمدلله بس شوية وهيفوق من البنج
-الحمدلله
ينفع ندخله؟
-اه
دخلناله كلنا
فضلنا قاعدين حواليه وساكتين
فضلنا كتيير اويي
لغاية ما قررت امشي قبل ما يصحي
مش مستعده اني اتكلم معاه بخصوص اي حاجة
-بعد اذنكوا انا همشي
بابا اتكلم:
-مش هتستني تطمني عليه؟
-لأ مش هقدر
بعد اذنك ي عمو ايمن
-اتفضلي يا بنتي
مشيت و وصلت عند الباب
-تغريد...
صوته طلع ضعيف
متعب
الفتله ببطء
كان بيبصلي بحب؟
حنان؟
-رايحة فين...؟
-حمدلله علي سلامتك ي حضرة العقيد حسام، انا همشي
-بس انا ملحقتش اكمل..
-لما تتحسن نبقي نتكلم
بعد اذنك
وخرجت
ساعات بنبقي لازم نحكم بعقلنا، رغم ان قلبنا بيقول حاجة تاني..
عدي يومين
كنت بروح من البيت للعيادة ومن العيادة للبيت
مافيش جديد
كنت بحاول ع قد ما اقدر مفكرش في حسام
لأن التفكير فيه وفي اللي عمله فيا كان صعب جدا..
-انت بتعمل ايه هنا؟!
كان واقف وساند علي عربيته
-جيت عشان نتكلم
-بس انت لسه تعبان!
-انا كويس، ينفع اتكلم؟
-اتفضل؟
-انا بحبك
بحبك ي تغريد
-وانا مش بحبك ي حسام
وصدقني كرهتك اكتر بعد ما دمرتلي حلمي
-انا عملت كده عشان كنت خايف عليكِ!
اكيد مش هدمر حلم حد انا بعشقه غير لمصلحته!!
-ده مش مبرر، عمره ما هيكون مبرر
اتنهد وقال بقلة حيلة:
-يعني انا لو كنت قولتلك اني بحبك ومش عايزك تكملي في الجيش كنتِ هترضي ي تغريد؟
كنتِ هتعندي...
-بالظبط، وده يفهمك اني مستعدة اتخلي عن اي حد طالما واقف قدام حلمي!
انت حبك عُمره ما كان صح ي حسام
-تغريد انا اصلا قولت..
قاطعته:
-مش عايزة اسمع حاجة تاني
بعد اذنك يا...حضرة العقيد!
وسيبته ومشيت
مشيت وسبت قلبي معاه..
-جيتي ي تغريد؟
-اه ي بابا
-تعالي عشان تاكلي
-مش قادره ي بابا عايزة انام
-انتِ كويسة؟
-اه يا حبيبي
دخلت اوضتي وغيرت
قعدت علي السرير ومسكت تليفوني
كان جايلي ماسيدج من رقم غريب
-مساء الخير
مع حضرتك اللواء عادل الأحمدي يا آنسة تغريد
بعد مفاوضات كتير وطلب من العقيد السابق حسام الجُهري بإعادتك للجيش
عرفنا ان حضرتك كنتِ مظلومة في الحكم، لو عايزة ترجعي للجيش احنا مرحبين بيكِ
مع تحياتي
*عادل الأحمدي*
ــــــــــــــــــــــــــــــــــــــــــــــــــ
يمكن كنت غلطان لما عملت كده..
بس انا شوفت حاجات كتير في حياتي، خلتني خايف اخسر حد بحبه تاني..
السبب الحقيقي ورا حادثة ماما واخويا الله يرحمهم ان ماما كانت بتوصل اخويا للبطولة بتاعة السباحة
السباحة كانت حلم اخويا الصغير من زمان وكان ماهر جدا فيها
بس للأسف، حلمه اللي خلاص كان في الطريق عشان يحققه
كان السبب في موته...
قبل ما اقابل تغريد اترفدت من الجيش، بس كان طلبي الوحيد ان تغريد ترجع تاني للجيش واني ظلمتها
باباها قالي ان نفسيتها اتدمرت بعد ما اترفدت
فحاولت اعمل حاجه صح في حياتي..
بس للأسف مرضيتش تسمع مني
اتوقعت انها ترفضني
مش انا الشخص اللي هبقي فارس احلام حد
مش انا اللي اقدر ابين مشاعري بسهولة
بس حبيت..
وحبيت بجد..
بعد ما قابلت تغريد تعبت
نفسيتي بقت وحشه شوية
بس حاولت اتعايش
تغريد تستاهل حد احسن مني
ويمكن كان...يوسف!
-هتفضل قاعد كده ي حسام؟
-مافيش حاجة اعملها ي بابا، كده كده شغلي كله اون لاين
-طب خد ده
ومدلي كوبايه ايس كوفي
شربته وكالعادة كسرت التلج بسناني
-ااااهههه!!
-في ايه ياض!
-ضرسييييي
-ياااحلاوة
ياريتني سمعت كلامها
ضرسي اتكسر
-معاد الدكتورة الساعة 4 البس يلا
-ماشي
لبست وروحت للعيادة
اول ما دخلت روحت السكرتيرة
-لو سمحت في معاد محجوز باسم حسام أيمن؟
-اه، اتفضل ادخل الدكتورة تغريد
-للدكتورة مين!!
-تغريد يا فندم
همست:
-بقا كده ي بابا
ماااشيي
دخلت وشوفتها قاعده
رفعت عينها عليا وقالت بملل:
-اهلا
-وسهلا
قعدت قصادها علي الكرسي
وفضلت باصصلها
عيونها وحشتني اوي..
-بتشتكي من ايه؟
-ضرسي اتكسر
-من؟
-احمم، التلج
-مبتحرمش
تعالي اشوفهولك
قعدت علي السرير بتاع الكشف
طول ما هي كانت واقفة كنت باصصلها
اينعم مش باين غير عيونها بسبب الكمامه بس حقيقي كانت كفيله تخلي كل المشاعر اللي بحاول انساها ترجع..
-ي حساااام!!
فوقت علي صوتها وهي بتناديني، تلقائيا قولتلها:
-ي قلبه
-نعم!
-ا...اقصد نعم
-ضرسك اتشرخ متكسرش الحمدالله
-طيب، اعمل ايه؟
-بص
فضلت تقول حاجات غريبة مفهمتهاش بس في الاخر قالت انها هتعمل حاجه كده فوافقت وخلاص
-انتِ مرجعتيش الجيش ليه
-مش هقدر ارجع غير لما العقيد بتاعي يرجع
سكت شوية وقولت بهدوء:
-بس العقيد بتاعك مش هيرجع تاني..
-يبقي افتح تليفونك
فتحت التليفون وانا مستغرب
لقيت رسالة من العقيد بتقول
-بعد النظر في موقفك نكتفي بحصولك علي فرصه
اتمني متضيعهاش
مع تحياتي
*عادل الأحمدي*
بصيتلها بصدمة وقولت:
-ازاي؟!
-مافيش حاجة مستحيلة عندي
اشوفك في المركز ي حضرة العقيد
ابتسمت وقومت
وقبل ما اخرج قولتلها:
-انا آسف ي تغريد علي...
قاطعتني:
-انا بحبك ي حسام
-بتـ ايه؟
-بحبك
-بتعرفي تعملي قهوة؟
-ايوا، بس معندناش
-هجيبلك وانا جاي انا وبابا النهاردة
ــــــــــــــــــــــــــــــــــــــــــــــــــ
-النهاردة التدريب شديد، مش عايز دلع
قالها حسام بصوته العالي الحاد كالعادة وانا قاعده بعيد وبتفرج عليهم
طيب، عدي عشر شهور
انا وحسام اتجوزنا
وحاليا انا حامل، فمش بتدرب معاهم
حصلت تغيرات كتير
حسام طلع انسان لطيف
حنين اوي
بيخاف عليا من الهوا
وصح!
يوسف اتعرف علي بنت اسمها مريم وخطبها
وعايش احلي قصه حب
-يوووووسف!!
يوسف فاق من سرحانه وقال:
-نعم
-بتفكر في اييييهه
-في مريم
-اه، قولتلي
مسكه من قفاه وقال:
-طب لو متدربتش عدل هقول لمريم انك مش راجل وبتتدلع
-لاااااا إلا دييي
-طب اتلم
بصيت عليهم وفضلت اضحك
حسام جالي وهو باصصلي بحب
-عاملة ايه ي حبيبي
-الحمدلله ي حضرة العقيد
-ابني عامل ايه؟
-قاعد اهو
ضحك وباس جبيني وهمس:
-بحبك ي تغريدتي
-وانا اكتر ي حضرة العقيد
عدت ايام و ولدت
وابننا يزن نور حياتنا
والحقيقة؟
عدت سنين وسنين
حسام بقا لواء وبعد كذا سنه اتقاعد
ويزن كبر، وبقا عقيد
في يوم كنت قاعدة مع حسام وبنتكلم
والباب اتفتح، يزن اخيرا نزل اجازة
روحت عليه وحضنته
-حمدلله علي سلامتك ي حبيبي
-الله يسلمك يا ماما
حسام حضنه برضو وسلم عليه
يزن دخل غير بعدين طلع
-انا عايز اقولكوا علي حاجة
-قول ي حبيبي
-في بنت بتدرب معايا و...
بحبها...
بصيت انا وحسام لبعض وابتسمنا
قصتنا خلصت، وبدأت قصة جديدة...
-تمت-
ــــــــــــــــــــــــــــــــــ
يتبع الفصل كاملا اضغط هنا ملحوظه اكتب في جوجل "رواية عدوي الحبيب دليل الروايات" لكي تظهر لك كاملة
•تابع الفصل التالي "رواية عدوي الحبيب" اضغط على اسم الرواية