رواية حب خفي الفصل الرابع 4 - بقلم ياسمين رضا
وفمره وانا وروان قاعدين فالمدرج سمعنا واحده بتقول لصحبتها :
انا سمعت ان دكتور زين متجوز.....
= ايوه وانا كمان سمعت انه متجوز ليلى....
{اشهر بنت فالجامعه}
أنا اول ما سمعت الكلام ده قلبى دق وحسيت بغيظ منهم معرفش ايه سببُ....
راحت ليلى داخله بتقولهم بدلع :
بس يا بنات انا مش عايزه حد يعرف الكلام ده لاني مش عايزه حد يفتكر ان هو اللي بينجحني عشان انا مراته.....
بصتلها بقرف من فوق لتحت وقعدت استعيذ بالله من الشيطان الرجيم.....
ليلى : هو انتى شايفه شطان ولّا ايه يا روميساء....
ما ردتش عليها لحد ما روان قالت بصوت يكاد مسموع :
ايه ده مش انتى بنت عمه ما قلتيش ان هو اتجوز ليه....
ليلى : من دى اللى بنت عمه.....
وفضلت تضحك كانت بتحاول تستفزني بكل الطرق بس انا كنت هاديه اصلا انا في المواقف دي ببقى هاديه لدرجه تستفز اللى قدامي وانا هاديه جداااااااااااا
روحت رديت على روان وقولتلها:
مين دي اللي بنت عمي هو يبقى ابن صاحب بابا انا ما ليش دعوه بيه رحت برقتلها علشان تسكت ونعدي اليوم البارد ده.....
اخيرا اليوم خلص واعدي على خير الحمد لله...
-------------------------------------------------------------
واحنا مروحين :
روان : انتى مقولتلهاش ليه انه يبقى ابن عمك
وبعدين تعالي هنا هو اتجوز المفعوصه دي فعلا..
قعدت اضحك
= يا بنتى هو انتى غبيه مش انا قولتلك قبل كده هو قالى معرفشى حد....
- نسيت والله....
= هو فعلا اتجوز هقلك هى مين بس متقوليش لحد وطبعا الفضول هيقتلك.....
- ايوه
= طب يبقى سر لانه حذرني أقول لحد.....
- حاضر وعد مش هقول لحد....
= أقول....
- اخلصي أنا هطلع من بوقك الكلام.....
= خلاص يا ستي ولآن مع المفجأه الكبرى...
-..........
= انا ابقى مراته......
- ايه.....
= اه والله اهم حاجه يبقى سر زى ما قلتك....
سيبتها فحاله صدمه وقعدت أضحك.....
عدت فتره وجه ايام الامتحانات كنت كل إما عدى كنت بشوف البنات محاوطين ليلى كنت بسبهم وامشي.....
عدى الوقت بسرعه وجه آخر يوم امتحانات واللى كانت مدته....
ــ كل شويه راحه جايه فى حاجه ولا ايه...
= ها لا ولا حاجه.....
ــ طب ما تفضليش راحه جايه علشان خيلتينى...
= حاضر....
احم احم....
ــ خير....
= بصراحه كده انا فى حجات مش فاهمها ممكن تشرحهالى......
ـــ طب هاتى اللى انتى مش فاهماه....
شكراااا
طلعت اجرى جرى وجبتله الكتاب.....
فضل يضحك على شكلى الطفولى....
عملت كوبيتين قهوه وقعدنا فالبلكونه قعد يشرحلى وبصراحه كان شرحه حلو اوى فضل يشرح بطريقه مبسطه جدا وسهله قعدنا لحد الفجر.....
= قومى يلا علشان نصلى الفجر وبعدها خشى نامى.....
قولت بنعاس :
حاضر....
قومت اتوضيت وصلينا جماعه كان صوته حلو اوووووووى خلصنا صلاه ولقيته شد ايدى وبيسبح عليها بصراحه مكنتش قادره أقاوم من
كتر منا عايزه انام....
خلص تسبيح على إيدى وكنت خلاص بنام......
قولت الاذكار وكنت خلاص بفصل.....
= قومى يلا نامى علشان تريحى جسمك
شويه....
قولت وانا مش قادره افتح عينى :
حاضر....
ودخلت على السرير جرى واخته فحضنى ونمت ....
-----------------------------------
يا أنهر ابيض الساعه ٩
قعدت الف حاولين نفسي زى الهبله وأقول :
إتأخرت إتأخرت خلاص هسقط.....
ــ براحه يا بنتى الإمتحان مش هيبدأ غير لما أنا أوصل.....
سكت وأنا خلاص هموت من كتر التوتر أخدنى
وصلنى....
واول ما وصلت دخلت على المدرج جرى واول مادخلت دخل ورايا....
= بصو يا شباب الامتحان هيبدأ لو لمحت أى حركه من اى حد هسقطو على طول.....
وبعدها راح بصلى وابتسم ابتسامه صغيره علشن يحسسنى بالأمان....
بصتلو بابتسامة وانا متوتره وعماله ادبدب على الأرض برجليا....
بدأ يوزع الورق ولما جه يدينى بصلى بهدوء وابتسم..
وقلى بهمس :
ركزى الامتحان ان شاء الله سهل....
بصتله بارتباك وبدأت احل والحمد لله الامتحان
فعلا كان سهل....
اخيرا الامتحان خلص وكده خلصت امتحانات اخر السنه.....
ودّعت روان لاني مش هشوفها تاني غير على بدايه السنه الجديده.....
بعد ما سلمت عليها قعدت ادور عليه لحد ما لقيته في مكتبه....
= دق دق دق ممكن ادخل....
- خشي....
= هو فاضل كتير وتخلص....
- ليه فى حاجه....
= اصلي بصراحه مش عايزه اروح لوحدي....
- طب تعالى اقعدى وشويه وخلص.......
محستش بنفسى غير وانا بنام....
-----------------------------------
بعد شويه :
= قومى يلا يا روميساء علشان نروح...
مكنتش قادره اقوم فروحت سندت عليه لحد ماروحنا....
- قومى يلا علشان وصلنا.....
قولت بنوم :
امممممم
عايزه انام...
راح ضحك وشالنى وطلعنى فوق.....
نمت معرفشى قد ايه صحيت كان الفجر بيأذن
لان امبارح كنا وصلنا والمغرب بيأذن....
قمت اشوفه لقيته بيتوضى علشان يصلى الفجر هو كمان....
= صباح الخير....
- صباح النور....
صلينا انا وهو جماعه وبعد ماخلصنا لقيته شد ايدى زى المره اللى فاتت وقعد يسبح على ايدى
بصتله وضحكت على طريقته....
وبعد ما خلص بصلى وابتسم قولنا الأذكار وبعدها قومت عملت الفطار....
- يلا علشان تفطر يا زين...
= ايه الريحه الحلوه دى...
كنت بحاول اخفى ابتسامتى.....
بعد ما خلص أكل تسلم ايدك.....
- شكرا
بصلى بابتسامة ومشي....
مش عارفه كنت حاسه بشعور غريب تجاهلت شعورى ودخلت افطر.....
------------&&&--------------
بعد اسبوعين :
كان سعتها الساعه ٧ المغرب دخلت صليت المغرب كان فالشغل
دخلت لبست بجامه كان لونها اسود وكان شكلها حلو اوى...
وطلعت لب وسوداني وعملت فشار وعصير منجه وبعد ماخلصت خلاص كنت لسه هشغل مسلسلى المفضل
لقيته دخل عليا ساعتها اتوترت اووى وكنت هموت من الكسوف من شكلى ووشي عامل زى
الطماطايه من كتر الكسوف بصلى وضحك ومشى فكرته دخل ينام لاكنى لقيته رجع تانى..
= دوقينى كده من اللى بتشربيه...
وقبل ما رد لقيته شدها من إيدى بصتله بإستغراب بعدها روحت ضحكت على شكله بس حاولت أخفى ضحكتى بالعافيه....
سبت الحجات ودخلت على المطبخ....
لقيته جه ورايا
= انتى زعلتى علشان اخدت العصير ولا ايه....
ضحكت على شكله....
= خدى العصير اهو يا ستى ومدايقيش نفسك...
ضحكت ضحكه خفيفه وقولتله :
- انا مش زعلانه
= امال دخلتى على جوه ليه....
ــ قومت علشان اجيب كوبايه تانيه...
حطيت لنفسى واخدت منه كوبيته وكملتله عليها.....
خرجت وهو راح خرج ورايا...
= هتعملى ايه تانى....
ـــ هقعد اتفرج على مسلسل حلو اوى تقعد تتفرج معايا.....
= ماشى...
قعدنا نتفرج وكان الفيلم شويه رعب على ضحك على إثاره....
وقعدنا نضحك كتير....
= تعرفى انا عمرى ما ضحكت بالطريقه دى ....
- ان شاء الله مش هتكون آخر مره....
-------------&&&&&--------------
صحيت الصبح لقتنى نايمه جمبه على الكنبه بعد ما راحت علينا نومه واحنا بنتفرج على المسلسل....
قعدت أتامل فشكله واقد ايه هو قمر كدا....
هو اصلا جسمه حلو وشعره اسمر وناعم وابيضانى وعيونه عسلى....
حسيت بحركه عنيه فعملت انى نايمه بسرعه....
= طبعا لو صحيتى دلوقتى هتفضحينا.....
بس ايه ده شكلك وانتى نايمه حلو اوى بس ايه القمر ده برضو....
مكنتش اعرف ان راسك تقيله اوي كده وانت نايمه....
منا لازم لما امثل انى نايمه امثل صح....
بعد ماقام راح يلبس علشان يروح الشغل....
قومت جرى عملتله الفطار وعملتله سندوتشات لانه مكنش هيلحق يفطر....
ــ ابقى هاتلى النتيجه وانت جاي
= كدا كدا كنت هجبهالك....
ــ مع السلامه
بصلى وابتسم وبعدها مشي....
----------&&&&&----------
رنيت على روان صاحبتى واللى بابها كان هيجبلها النتيجه هى كمان وهو راجع من الشغل
قفلت معاها بعد ما اتكلمنا شويه....
قعدت مستنيه سى زين على مايجى....
بعد شويه سمعت صوت الباب جريت عليه جرى
ها عملت ايه....
= جهزى شنطه هدومك يلا
ــ ايه
= زى ما سمعتى كده....
-------------------------------------------------------------
ايه رايكم فالبارت
•تابع الفصل التالي "رواية حب خفي" اضغط على اسم الرواية