رواية مهد القدر الفصل الثامن والعشرون 28 - بقلم ملك سعيد
فارس بحماس : بصوا بقي يا شباب ... أنا جهزتلنا حفلة من اللي قلبكم يحبها
سيف بص لعز و فهد باستغراب وقال : حفلة إيه دي ؟!
عز ففهم عن أي حفلة بيتكلم فارس
فقال بسخرية: حفلة توديع عزوبية
سيف وفهد اتصدموا لما عرفوا نوع الحفلة
فقام سيف بسرعة وقال :
الله يستركم إيه الحفلة الهباب دي؟؟ ... أنا مش هشارك
فهد باعتراض: ولا أنا انتوا عايزين تجروني للرزيلة ... استغفر الله العظيم
فارس برفعة حاجب : إيه يالا إنت وهو ... رزيلة إيه وهباب إيه ... أنا مش بسألكم علي فكرة .... أنا بقولكم مش اكتر
سيف بص لعز وقاله بتهديد: عز إنت ساكت ليه؟؟ .... لو وافقت اقسم بالله لأكون فاضحك واقول لقدر عليك
قام عز وعدل جاكت بدلته وقال ببرود:
أولًا أنا مبتهددتش .... ثانيًا بقي أنا مش موافق علي الحفلة السخيفة دي
فارس قرب منه ووقف قدامه وقاله بترجي : والنبي يا عز أنا جهزت كل الترتيبات ... وعزمت صحابنا ولا مؤاخذة شوية بنات قمامير طعمين ... عايز تقصر رقبتي قدامهم
عز بتهكم : اقصر رقبتك إيه ؟! وبنات إيه ؟! ... يخربيتك ده إنت هتتجوز بكره ... اتلم شوية ... وبلاش شغل المسخرة ده
فارس بصلهم بغيظ وقال : هي بقت كده ... يعني أنا الغلطان لإني عايز افرحكم
فهد بسخرية : وهو إنت كده هتفرحنا ؟!
فارس بثقة : طبعًا
سيف : شغل المسخرة ده أنا مليش فيه ... أنا راجل بتاع ربنا
فارس ضيق عينيه بشك وقاله:
إنت بتلقح علي مين ؟!
سيف بتبرير : هو أنا كنت جيت جنبك ... ابعد عني الله يسترك ... مش ناقص ذنوب
فارس بص لعز وقاله بنبره شبه باكية : عز اتصرف
عز بقلة حيلة : عايز تحتفل
سيف وفهد بصوله بصدمة وفارس اتحمس من سؤال عز وقاله بسرعة : ايوا طبعا
عز بثقة : يبقي الإحتفال علي طريقتي
♥ ❥ ♥ ❥ ♥
في فيلا الصباغ
البنات كانوا متجمعين مع بعض
نور كانت قاعدة علي الكرسي سرحانة
وباقي البنات بيتكلموا وبيخططوا لبكره
البنات لاحظوا إن نور مش بتشاركهم الكلام
فقالتلها قدر باستغراب: مالك يا نور ؟! مبتتكلميش ليه ؟!
نور اتعدلت في قعدتها وقالتلهم بضيق : خايفة اقولكم اشايلكم معايا الهم
رضوي : هم إيه ؟!
نور بصتلهم بتوتر ومردتش
فقالتلها ندي : يا بنتي قولي في إيه؟!
قررت نور تقولهم عن اللي سمعته وقالت:
بصوا بقي امبارح سمعت فارس وهو بيتكلم في التليفون ... وعرفت انه بيجهز لحفلة توديع عزوبية
البنات اتصدموا من الي سمعوه وكل واحدة
كانت بتتخيل شريكها في الحفلة الي مليانة بنات
قدر قالت برفض : لا مستحيل عز يخوني
دعموها ندي و رضوي في رأيها
إما نور كان ليها رأي تاني : بس أنا معنديش بنص جنيه ثقة في فارس ... خطيبي وعارفاه مترباش ... يا بنات قولتلكم سمعته بوداني
ندي بشك : معقول سيف يعملها ويخوني!!
رفضت رضوي فكرة إن فهد يخونها وقالت : لا فهد متربي مستحيل يخوني
قدر بشك : أنا معرفش عز متربي ولا لاء ... بس من اللي بشوفه معاه ... حساه ممكن يعملها ... وخصوصًا انه عاش كل حياته برا
نور بتأيد كلام قدر وقالت : ما هو ده اللي مخليني واثقة إن فارس يقدر يخوني بكل سهولة ... لإنه كان مع عز
رضوي بقلة حيلة: طب هنعمل إيه ؟!
قدر بابتسامة ثقة : متقلقوش أنا هتصرف
♥ ❥ ♥ ❥ ♥
في السجن
ماجد واقف قدام مراد وقاله بكل الي عرفه من مراقبته لعز و قدر
مراد بتوعد : مش هسيبهم يتهنوا لو فيها موتي
ماجد : هتعمل إيه يا باشا ؟!
مراد : ههرب
ماجد بصدمة : إزاي ؟!
مراد بثقة : هقولك _____
ماجد بابتسامة خبيثة : الله علي دماغك يا باشا .... خطتك متخرش الماية ابدا
مراد بتهكم : إنت عرفت هتعمل إيه ؟!
ماجد بثقة : أكيد يا باشا
مراد : طب روح إنت دلوقتي ... وجهز اللي قولتلك عليه
ماجد : تمام يا باشا
مشي ماجد
وساب مراد وهو بيتوعد لدمار عز و قدر
♥ ❥ ♥ ❥ ♥
جه الليل بسرعة
والشباب كانوا متجمعين في فيلا عز
وكانوا بيحتفلوا بطريقته
واللي هي
سيف بمدح لعز : بجد يا عز هي دي الحفلة ولا بلاها
عز بغرور : علشان تعرف قيمة جوز اختك
فارس بغيظ : تقدر تقولي فين الحفلة دي ؟! ... ووجه كلامه ل سيف وقاله بضيق : وإنت بتشكره علي إيه ؟! ... انتوا هتشلوني ... مش كان زمانا دلوقتي في الحفلة مع شوية بنات قمامير و طعمين
فهد : ما تبطل سفالة بقي ... مش عارف الآنسة نور قبلت بيك إزاي؟؟
فارس بغرور : بتحبني يا ظريف
عز : بطل غرورك واترزع مكانك ... وخلينا نبدأ الحفلة
فارس بسخرية: ومالك بتقولها بثقة كده ليه ؟! .... فين الحفلة دي ... لا في بنات ... ولا في شرب ... ولا في اغاني ... فيه بس ماتش بيتسمع وشوية عصاير محترمين ... حتي مبيعملوش دماغ .... هي دي حفلة توديع عزوبية ... ماتش!!
عز اتجاهل كلامه و قعد علي الكنبة قدام شاشة التلفزيون الكبيرة واللي كانت بتعرض ماتش لفريقهم الي بيشجعوه واللي هو الاهلي
فارس وقف مكانه وهو بيبص عليهم بغيظ لإنهم كانوا مستمتعين بالماتش ولا كإنهم في حفلة
وبعدين وجه نظره للشاشة ولقي إن الماتش حماسي
فقعد جنبهم ومسك طبق الشيبسي وقعد ياكل وهو مندمج مع الماتش
إما عز ف بص عليهم وشافهم مندمجين
وابتسم بثقة ، و كل دقيقة يبص في ساعته كإنه منتظر حد
♥ ❥ ♥ ❥ ♥
جوا عربية قدر
نور بفضول : إنتِ واخدانا علي فين ؟! .... و ليه قولتلنا نظبط نفسنا ؟! ... ونلبس اشيك حاجة؟؟
قدر كانت بتسوق بتركيز ، ولما سمعت اسألة نور ابتسمت بثقة وافتكرت مكالمتها مع عز
(Flash back)
قدر قررت تكلم عز في التليفون بعد ما عرفت بموضوع الحفلة
فإتصلت بيه وبعد مدة رد عليها عز
فقالته بسرعة : عز إنت هتعمل إيه انهاردة بليل؟؟
عز استغرب سؤالها فقالها : هعمل إيه يا قدري يعني
... في حاجة يا حبيبتي؟؟
قدر بصراحة : بص يا عز أنا مش هخبي عليك ... و الأحسن انك كمان متخبيش
عز بقلق : في إيه يا قدر ؟! ... وإيه اللي هخبيه عليكي ؟!
حكتله قدر كل اللي سمعته من نور
وبعد ما خلصت كلامها قالتله : عز معقول إنت هتخوني ؟!
عز ضحك علي كلامها وقالها بصوت متقطع من الضحك : يا بنتي معقول بتسأليني السؤال ده ؟! ... بس هريحك يا ستي و اقولك لا ... مش هخونك ولا هفكر اني اعمل كده في يوم من الايام
قدر بشك : يعني إنت بتنكر إن فارس مش بيخطط انه يعمل حفلة توديع عزوبية
عز بوضوح : بصراحة مش هنكر
قدر بصراخ : نعمممم
عز بعد التليفون عن ودنه بسبب صوتها العالي
ولما قدر سكتت
رجع التليفون علي ودنه تاني وقالها : اهدي يا مجنونة وخليني اشرحلك الموضوع
قدر بعتاب وغيرة : هتشرح إيه يا عز ؟! ... ولا اقولك اقفل وروح احتفل مع أي بنت في الحفلة ... ومفيش فرح بكره ... علشان تمشي ورا فارس بعد كده
ضحك عليها عز وقالها : يا بنتي اهدي وخليني اشرحلك الموضوع
قدر بنفاذ صبر: قول يا عز وخلصني
عز بدأ يشرح لقدر الموضوع
وانه رفض فكرة الحفلة وانه قرر يحتفلوا بطريقته
قدر هديت بعد ما سمعت كلام عز وقالتله بفضول: وإيه هي طريقتك دي انشاء الله؟؟
عز ابتسم علي فضولها وقالها : يا ظالمة لو مكنتيش شكيتي فيا و اتصلتي ... كنتي هتلاقيني بتصل بيكي واقولك جهزي نفسك إنتِ و البنات علشان تحتفلوا معانا ... وعلي فكرة هي مش حفلة بمعني الكلمة احنا بس هنقضي اليوم مع بعض
قدر بفرحة : بجد يا عز!!
عز بحب : بجد يا عيون عز
(back)
نور بصراخ : قدررررررر
انتفض جسم قدر من الخضة وداست علي فرامل العربية بسرعة لدرجة إن البنات اندفعوا لقدام
، قدر بصت لنور وقالتلها : بتصرخي ليه يا مجنونة؟!
نور : بقالي ساعة بنادي عليكي ... وإنتِ ولا هنا
قدر : اه معلش سرحت شوية
رضوي بتساؤل : وإنتِ سرحتي في إيه ؟! ... وكمان مقولتلناش احنا رايحين علي فين ؟!
قدر ببساطة : عند عز
نور بصدمة : نعم !!
ندي باستغراب : هنروح عند عز نعمل إيه ؟! ... تلاقيهم في الحفلة دلوقتي
قدر : مفيش حفلة ولا نيلة
نور : إزاي ؟! ... اومال الي أنا سمعته ده كان إيه
قدر : هقولك _____
نور بتوعد لفارس : والله لأولع فيك يا فارس ... مش أنا قولتلكم انه مترباش
ندي بابتسامة بلهاء : مش قولتلكم إن سيف عمره ما يخوني
رضوي : مستحيل يقدر يعملها اصلا
ضحكت قدر علي كلامهم
ونور بصتلهم بضيق وهي بتتوعد لفارس
♥ ❥ ♥ ❥ ♥
عز بص في ساعته للمرة الالف في القاعدة
وده الي لاحظة فارس
فقاله باستغراب : مالك يا عز ؟! ... كل شوية بتبص في الساعة ... إنت مستني حد ولا إيه؟!
نور : ايوا مستنينا احنا
فارس لما سمع صوت نور قام وقف بسرعة وبصلها بصدمة
وكذلك باقي الشباب إلا عز اللي بص لقدر بابتسامة مستمتعة بالي هيحصل دلوقتي
نور قربت من فارس ومسكته من ياقة قميصه وقالتله بتهديد: كنت عايز تخوني ... والله لهربيك بعد ما نتجوز
فارس بتبرير : حبيبتي إيه اللي إنتِ بتقوليه ده ؟! ... معقول مش بتوثقي فيا ابدا ؟! .... إزاي تشكي اني ممكن اخونك
اتصدم فهد من تبريرات فارس وقال بصوت واطي سمعه سيف و عز : سبحان مغير الاحوال ... مش ده اللي كان بيندب علي الحفلة
سيف بسخرية : فارس ده مش سهل ... طلع سوسة
عز : ممثل فظيع ... لو أنا مش متأكد انه بيكذب كنت صدقته
نرجع لنور وفارس
نور برفعة حاجب : صدقتك أنا !! ... بص إنت كلك علي بعضك كده واحد خاين ... بس متقلقش هربيك واظبطك ... وكمان حاجة أنا عارفة انك كنت ناوي تعمل حفلة توديع عزوبية ... ف بلاش تمثيلك ده لإنك مكشوف اوي
سابت ياقة قميصه وزقته بعيد عنها بغيظ
إما قدر فقربت من عز ووقفت جنبه وقالتله بهمس : ادينا جينا هنعمل إيه دلوقتي ؟!
عز بحب : انهاردة كل الي انتوا عايزينه ... احنا هنعمله ... يعني باختصار اعتبرونا مصباح علاء الدين ... اطلبوا واحنا ننفذ
قدر اتحمست من كلام عز و قالت بصوت عالي سمعه الكل : يا بنات كل واحدة نفسها في حاجة ... تقولها والشباب هينفذولنا كل طلباتنا
البنات اتحمسوا هما كمان
إما الشباب بيتصدموا من اللي سمعوه
وبصوا لعز لاقوه بيبصلهم بابتسامة مستفزة
وده غاظهم أكتر
عز كان مستمتع بنظرات الغيظ من الشباب ليه فقال بصوت عالي
: زي ما سمعتوا يا بنات كل اللي نفسكم فيه هيتحقق انهاردة ... كل واحدة هتتطلب من شريكها اللي بتتمناه ... وهو واجب عليه انه ينفذلها طلبها
لما قال كلامه بص للشباب وقالهم بابتسامة بريئة مصطنعة : ولا إيه يا شباب ؟!
فارس بغيظ : طبعا احنا نقدر نقول لاء
فهد بصوت واطي : حسبي الله ونعم الوكيل في كل ظالم
سيف بهمس : كان يوم اسود يوم ما شوفتك يا عز
ندي بحماس : علي كده بقي أنا عايزة سيف يطلبلي بيتزا لإني جعانة اوي
سيف ما صدق ان ندي طلبت حاجة بسيطة فقالها بسرعة: من عيوني يا عيوني ... فورا هطلبلك احلي بيتزا هتاكليها في حياتك
فارس مال علي نور وقالها : وإنتِ يا نوري نفسك في إيه ؟!
بصتله نور بغيظ وقالتله وهي بتجز علي اسنانها:
نورك عايزاك تبعد عنها ... لإنها ماسكة نفسها علشان متمسكش في زمارة رقبتك
اتغاظ فارس من ردها فقال:
يعني مش هتطلبي ؟!
نور جاتلها فكرة خبيثة فبصت لفارس بخبث وقالتله : هطلب بكره
قلق من ابتسامتها و كلامها ف سألها بقلق : ناوية علي إيه ؟!
نور ببراءة : علي كل خير يا عمري
إما عند ابطالنا
عز بحب : نفسك في إيه يا قدري؟؟
قدر بطفولية : نفسي في شوكولاتة
عز افتكر لما كانوا في دار الايتام
لما قدر افتكرت إن الشوكولاتة اسمها ليوناردو دا فينشي
فإبتسم ليها بحب وقالها بعبث : هجبلك احلي نوع شوكولاتة ... وخصوصا نوعك المفضل
قدر بحماس : بجد يا عز ؟! ... بس استني كده إنت تعرف إيه هو نوعي المفضل؟؟
عز بثقة: طبعًا
قدر بتساؤل : وإيه هو ؟!
عز بغرور مصطنع : ليوناردو دا فينشي طبعًا
قدر افتكرت لما كانت بترسم وعز اتريق عليها وقالها انها ليوناردو دا فينشي وهي فكرته شوكولاتة
فضحكت بصوت عالي و شاركها الضحك عز
وبعد ما خصلوا ضحك
عز قال لقدر : هجيبلك الشوكولاته ولا إيه ؟!
قدر : هاتها
عز حط إيده في جيب الجاكت بتاعه وطلع 5 شوكولاتات
قدر فرحت بيهم اوي وحضنته من الفرحة وقالت:
أنا بحبك اوي يا عز
عز بادلها الحضن وقالها : اسمها أنا بحبك اوي يا مهد
قدر : أنا بحبك اوي يا مهدي
عز وهو بيشد علي حضنها اكتر : ومهدك بيموت فيكي
فهد : ها يا ستي نفسك في إيه ؟!
رضوي : بص هو طلبي غريب شوية ... بس بما إن انهاردة لازم تنفذ طلباتي .... فأنا عندي طلب صغنون اوي
فهد باستغراب : إيه هو الطلب الصغنون اوي ده ؟!
رضوي : ترقص علي اغنية (chammak challo)
زي شاروخان في فيلم Ra one
فهد بصدمة : بتهزري صح ؟!
رضوي ببراءة : لاء
فهد : إنت عايزاني أنا ارقص علي اغنية ياك تنشلوا ديه !!
رضوي بضحك : ههههه ياك تنشلوا مين؟؟ ... مش معقول يا فهد إنت مسخرة
فهد بجدية مصطنعة: بت إنتِ ايه إنت مسخرة دي ... احترميني شوية
كتمت ضحكتها وقالت:
خلاص أنا اسفة ... بس هترقص علي الاغنية علشاني مش كده ؟!
فهد : مش لما اسمع الأغنية واشوف بيترقص عليها إزاي
رضوي بحماس : خلاص يبقي هترقص علي الأغنية بكره في الفرح
فهد بصدمة : نعم ياختي ؟!
رضوي بجدية: عندك مانع؟؟
فهد بقلة حيلة: ابدا
انتهت السهرة وكل شاب وصل خطيبته ل بيتها
وفي منهم الي بيخطط لإنتقام خبيث زي نور
والي قلقان وشايل هم الرقصة زي فهد
واللي في عالم تاني زي قدر و عز
و سيف و ندي
•تابع الفصل التالي "رواية مهد القدر" اضغط على اسم الرواية