رواية حياة العاصم الفصل الثالث والعشرون 23 - بقلم سلوى عوض
بارت 23
عاصم: ادعيلهم يا منيره ربنا ينجيهم
منيره: يارب يا عاصم
عاصم: طاب سلام بجا وخلي بالك من نفسك ومن البنات
منيره: حاضر يا جلبي
ليغلق الهاتف مع منيره
لمؤاخذه يا جماعه
مراد: نشوف شغلنا بقا، يحيي اتصل علي استاذ علاء، يا عاصم عاوزين نكسب وقت
يحيي: اتصل عليه فيديو
عاصم: حاضر، بس هبعتله رساله علي الواتس اني هكلمه فيديو
وبالفعل يرسل رساله لعلاء، ليتصل علاء فيديو
عاصم: استاذ علاء، اخبار حضرتك؟
علاء: الحمدلله بخير، منيره بعتتلي رساله وشرحتلي فيها الموضوع بس موضحتش اوي
عاصم: انا هجولك كل حاجه وليك حريه الرأي
علاء: اتفضل انا سامعك
ليقص عليه كل ما حدث
علاء: انا تحت امرك، واقدر كمان اجيب عقود حقيقيه عشان اكيد نهله ديه هتحب تطمن
عاصم: الله يكرمك
علاء: علي ايه، ده اقل واجب، علي العموم انا هرجع مصر بكره
عاصم: بس احنا كده هنعطلك
علاء: مافيش عطله ولا حاجه، يا راجل الناس لبعضيها
عاصم: كتر خيرك يا استاذ علاء
علاء: بس من غير استاذ، الحكايه واحد
عاصم: خلاص ف انتظارك
، يحيي: شوفه هيجي ف طياره الساعه كام علشان هنستناه ف المطار
علاء: سمعته بكره انشاء الله الساعه عشره صباحا
عاصم: تاجي بالسلامه ف رعاية الله
يغلق الهاتف
مراد: ياله بينا عشان نروح نزور الجماعه علشان يعملولي توكيل بالقصيه
عاصم: حاضر
وبالفعل يذهبوا الي القسم ويدخلوا مكتب المأمور
المأمور: اهلا وسهلا، حضرتك مراد، انا جيبت اذن من النيابه عشان اقابل سامر عاصم والسيده كريمه، حالا هبعت اجيبهم لحضرتك وانا هسيب لكم المكتب تتكلموا براحتكم
مراد: شكرا لحضرتك
المأمور: هبعت لحضرتك البوفيه، عن اذنكم
وبعد عشر دقايق يحضر سامر وهو في حاله صعبه، وبعده كريمه
كريمه: واد ولدي، شوفت اخوك وصلني لفين؟
عاصم: مافيش داعي للكلام ده دلوقتي، اخبارك ايه يا سامر؟
سامر: ايه؟ جاي تتشفي فيا؟
عاصم: له، جاي اساعدك يا اخوي
سامر: لو عايز تساعدني صح، انا عاوز شمه بو**دره، تعبان، تعبان جوي يا اخوي
عاصم: فوج لنفسك، شوف بجيت فين، كل ده من جلعك فيه يا جده، وكمان جلعتي توبك ولبستي لبس افرنجي
كريمه: اعمل معروف، طلعني من هنا
مراد: اول حاجه لازم تعملولي توكيل علشان ادافع عنكم، وانته يا سامر عاوزك تحكيلي كل حاجه
سامر: طاب هاتولي شمه، انا تعبان، وف الحجز موتوني من الضرب
عاصم: يعني مجرم ومدمن كمان
كريمه: سيبكم منه، انا يا باشا هجولك كل حاجه
لتبدأ كريمه في سرد اللي حصل
مراد: طيب فين مكان عاليه ديه أو جوزيف؟
كريمه: ماترد يا سامر افندي
سامر: معرفش، معرفش
يخرج مراد من شنطته توكيل قضايا
مراد: عاوزكم تمضولي التوكيل ده علشان أبدأ ف القضيه
سامر: طيب حتي حقنه، اي حاجه، جسمي كله بيوجعني
مراد: انا هتقدم بطلب للنيابه أنهم يدخلوك مصحه، حالتك صعبه اوي
سامر: طيب هاتولي البودره الاول، وبعدين ودوني اي بكان
ليصفعه عاصم بالقلم
عاصم: انا اللي غلطان، لو كنت اديتك قلم زي ده ماكانش حالك بجي كده
سامر: انته بتمد يدك عليا يا تافه يا جاهل؟
كريمه: بس بجا، اخوك كتر خيره أنه هيساعدنا
عاصم: ياله بينا يا استاذ مراد، ده مافيش فيه فايده
كريمه: ابجا اسأل عليا يا عاصم
عاصم: هجيبلكم زياره وابعتها مع العسكري
سامر: طيب متخليهمش يضربوني تاني ف الحجز
مراد: انا هتكلم مع المأمور ينقلك حجز تاني
سامر: وهتجيبولي بودره
عاصم: ياله بينا، عشان لو جعدت أكتر من كده هموته
سامر: يحجلك تشمت فيّ، ما انا خلاص وجعت
لينظر له عاصم نظره فيها حزن
عاصم: ربنا يهديك علي نفسك
وهنا ياتي اتصال من وجيده لمراد
وجيده: مراد بيه، انا عرفت حاجه مهمه اوي
مراد: خير؟
وجيده: سيدي عامر بيه الله يرحمه، كان متجوز الست نهله عرفي، وكان بيقابلها ف مكان مخصوص ف الفيلا، سمعتها بتحكي لابنها عز
مراد: جميل اوي، خليكي مستمره ف مراقبتهم
وجيده: حاضر يابيه
مراد: ياله يا عاصم، في جديد
عاصم: اه، جديد وخطير، وف مصلحتنا
مراد: حلها من عندك يا رب
كريمه: ابجا اسأل عليا يا عاصم
عاصم: إن شاء الله هحاول علي قد ما أقدر أطلعكم من هنا براءه بإذن الله
ليضحك سامر
سامر: انته ليه اشتغلت محامي يا عاصم؟
عاصم: طول عمرك سو، واديك ضيعت نفسك وضيعت جدتك معاك
ليخرج مراد وعاصم من القسم بعد ما يوصي المأمور علي كريمه، ويطلب منه نقل سامر ف حجز تاني
المأمور: حاضر يا استاذ مراد، حضرتك تؤمر
مراد: شكرا لحضرتك، عن إذنك
ليستقلوا السياره، وهنا ياتي اتصال من نهله لمراد
نهله: أستاذ مراد، انا عاوزه اشوف المزارع بكره بعد العصر
مراد: تشرفي يا افندم، وبرده هجهز لحضرتك المبلغ بتاع عامر الله يرحمه
نهله: تمام
مراد: ومن حسن حظك المعلم بتاع الصعيد هيوصل بكره وكمان الخبير الأجنبي والسكرتيره بتاعته
نهله: تمام اوي وانا هجيب عز ابني معايا
مراد: انا كنت عاوز اتكلم معاكي علي انفراد
نهله: خلاص تعالي واتس مراد ساعه واكلمك علي الواتساب وانا ف انتظارك باي
مراد: باي يا اجمل ست شوفتها ف حياتي
نهله: بتقول ايه
مراد يمثل الارتباك هاه لاء مافيش باي
ليغلق مراد الهاتف مع نهله
عاصم: افهم بجا
مراد: انا همثل علي نهله دور الحب والغرام واقولها أن طلبتها للجواز كتير من عامر بس هو كان بيرفض
عاصم: ازاي ده
مراد: اصل عامر كان متجوز نهله عرفي
عاصم: ازاي بس ده حرام يجمع بين أختين
مراد: انا هاءتمنك علي سر ما حدش يعرفه ابدا بس انا حبيتك واعتبرتك ابني زي يحيي بس مكانش ينفع اقول ليحيي
عاصم: سر ايه جول
مراد: انا ونهال كنا بنحب بعض واحنا ف الجامعه هيا كانت ف تجاره وانا كنت ف حقوق بس عامر لما عرف راح خطبها ولاءني كانت لسه حالتي علي ادها أهلها وافقو علي عامر وهيا مكانتش تقدر ترفض لاءنهم كانو فقرا اوي وجوازها من عامر كان كاءنه طاقه قدر بالنسبه لهم وبعدها اتخرجت وربنا اكرمني واتجوزت ام يحيي الله يرحمها لكن حبي لنهال كان ف قلبي بس مكنتش برضي اروح عند عامر كتير رغم أنه كان دائما بيعزمني علشان يشوفني وانا بتحرق بحب نهال لكن انا كنت برفض علشان ديه تعتبر خيانه حتي لما نهال تعبت مكنتش عارف اعمل ايه ده غير أن عامر كان دائما بيضربها ويهينها
عاصم: ايه ده هو كان شيطان مافيش حاجه صح عملها ف حياته
مراد: وفي حاجه كمان يحيي ابني بيحب حياه ورافض يتجوز علشانها واتقدم كذا مره وعامر كان بيرفضه وقاللي بالنص زي ما حرقت قلبك هحرق قلب ابنك كمان
عاصم: لا حول ولا قوه الا بالله مش عاوز اجول أن اللي حصله حلال فيه يعني واكل حجنا وورثنا وظلمنا وكمان عمل فيك كل ديتي
مراد: هو طول عمره كان شيطان
عاصم: بس انا مستغرب انته ليه يعني كت مصاحبه
مراد: متستغربش انا كنت بتحمله ومصاحبه رغم كل ده لاءني كنت خايف علي نهال منه فعاهدت نفسي اني اقف جنبها وحاولت كتير اني اخليه يسفرها برا تتعالج لكنه كان بيرفض
عاصم: لدرجه ديه كان مؤذي تعرف سامر اخوي طالع زيه بالضبط
مراد: انا بفكر أسفر نهال برا علشان تتعالج
عاصم: وماله ياريت
مراد: خلاص انا هتكلم مع الدكتور الألماني بس بعد ما تقرير المستشفي يطلع علشان ابعتهوله انا ممكن اسفرها بطياره مجهزه
عاصم: ربنا يجدم اللي فيه الخير
مراد: ناقص حاجه انا هعرفك علي نهله علي انك المعلم هريدي المسؤل عن المزارع والمجزر اللي ف الصعيد بس خايف تقوللي عاوزه اسافر اشوف ده بعيني
عاصم: سهله انا هتكلم مع جمر واخليها تصورلي المزرعه والمجزر ونبجا نورو الصور ليها وانا اعرض عليها تاجي تشوف بنفسها ونستضيفها ف الصعيد
مراد: طاب لو وافقت
عاصم: سهله ديه خليها عليا
مراد: تمام اوي ناقص بس الصبح اسحب المبلغ من البنك علشان ازغلل عيونها
عاصم: كده زين جوي. طاب حضرتك شايف إيه ف القضية بتاعت جدتي واخوي؟
مراد: انا مش هخبّی عليك لما قريت المحضر للأسف مافيش حتى ثغرة ف الإجراءات. اقدر ابني دفاعي عليها، واللي صعّب الموضوع أكتر إن سامر مدمن.
كل اللي اقدر اعمله إني اخفّف الحكم. المفروض نظر القضية ف المحكمة بعد بكرا
عاصم: ربنا يسترها.
مراد: ربنا يقدرني وأقدر اخفّف الحكم عنهم.
عاصم: وهو الحكم بيبقى جد إيه؟
مراد: مش كل القضايا زي بعض، بس ممكن يكون الحكم خمستاشر سنة — ده اتجار وجلب مواد مخدرة من الخارج.
عاصم: يا ستار، يارب. أعمل معروف يا عمّي، ده كده جدتي هتموت ف السجن وسامر كده مستجيبله اتحطّم.
مراد: خليها على الله.
عاصم: ونعم بالله.
•تابع الفصل التالي "رواية حياة العاصم" اضغط على اسم الرواية