رواية عشق ابيض واسود الفصل الثامن عشر 18 - بقلم عائشة الكيلاني

نور اتنهدت بهدوء و تردد:- صح انا حامل و عارفه من يومين حضرتك كنت مش هنا ولا اعرف طريقك علشان اقولك مانت لو مهتم كنت عرفت لوحدك أو حسيت بس انت دايما كدا حاسس زيرو مانت لو كنت بتحس بيا مكنتش سبتني في اكتر وقت محتاجك فيه شكرا 

نور خدت الكوبية و قامت طالعت طبعا من غير شبشب أو جزمة :- انا بقا مش قعدلك فيها دا بيبصلي ناقص يضربني ما هو مش فالح غير في كدا والله لوريك يا ياسين 

ياسين قام كور ايديه :- لا كدا زودتها 

نور لفت وشها له بدموع:- و كمان بتعلي صوتك عليا يا ياسين مكنش العشم يا ابن عمي لدرجة دى انا تقيلة على قلبك عموما هريحك مني 

لفت وشها و طالعت على فوق لبنى بصت لاسر:- اي دا 

اسر:- مش عارف عجبك كدا يارب تكوني ارتاحتي يا نشرة الأخبار 

جميلة بتاكل و هى بتضحك و فرحانة :- ياسين ليا عندك هدية على الخبر الحلو دا اى خدمة 

ياسين بصلها:- سبني في وكستي هروح اشوف بت المجانين الى فوق 

اسر:- برااحة عليها فاهم اوع تزعلها 

ياسين:- انا شكلي متلقي على باب جامع فعلا حاضر يا حاج يا ماشاء الله اخويا و ابنى هيجو الدنيا مع بعض 

جميلة:- متخفش يا حبيبي انا هربيهم معاكم 

ياسين:- انتوا اصلا عايزين تتربو يا جميلة بس بقا خليني ساكت كفااية اكل ، هو الاكل الى بتكليه بيروح فين 

جميلة بابتسامة:- يا عم صلي على النبي في قلبك دى مراتك واكلة اد السفرة دى عشر مرات في الاخر هيجي ساحلية 

لبنى:- بسس بطلوا تطويل لسان و انت روح شوف مراتك يا الى معندكش دم ولا احساس 

ياسين طالع كانت نور واقفة قدام المرايا و بتجهز حالها و بتعيط بصلها بغيظ و قال:- ممكن اعرف بتعيطي ليه دلوقتي يا بنتي انا اتكلمت ولا جيت جانبك انا حتي لسه مش مستوعب الخبر تقومي تعيطي 

نور بصت له:- معلش بقا متجوز نكدية معلش وسع من قدامي 

ياسين مسك ايديها:- مكنش دا اتفاقنا يا نور 

نور:- انت بتكلمني غصب عنك شوفت بتكلمني ازاى مش دة الانسان الى حبيته ولا دا الشخص الى بيخاف عليا من الهوي انت مبقتش تحبني صح اه انت حتي بطلت تقولها في حد في حياتك صح 

ياسين بصلها باستغراب من كلامها الغريب نور تأثر و  دموع :- تلقيك تعرف واحدة عليا أو هتتجوز اصل الست بتحس بكل حاجة تجاه جوزها 

ياسين ضرب كف على كف:- انتواا ولا بتحسوو ولا بتتهببو انتوا مش بتعملوا حاجة غير النكد و الكدب و الا اي الستات ميعرفوش يكدبو و انتوا ابليس يسقف ليكم 

نور شورت على نفسها:- قصدك انى شيطانية يا ياسين 

ياسين:- دا كلام دا انتي ملاك برئ دا انتي نسمة و انا الشيطان 

نور بعصبية:- طلاقني انا مش عايزة اكمل معاك طلاقني يالا ياما هموت نفسي 

ياسين:- حاضر 

نور بحزن و دموع:- و قدرت تقوله يا ياسين هونت عليك بعد كل دا عايز تطلاقني 

قالتها وهي في حضنه ياسين دا كله مندهش من تقلبات مزاجها رفع ايديه و طبطب عليها بحنان و حب:- و انا اقدر اسيبك يا نور انتي روحي في حد بسيب روحه انتي مراتي و حبيبتي و بنتي عندي نور كبير و كام شهر و نور الصغيرة تنور بيتنا و حياتنا 

نور بعدت عنه بغضب:- اي القرف دا اابعد عني و عن طريقي و هطلاقني ساامع بلا بنتك بلا بتاع 

نور فتحت الباب و نزلت جري 

لبنى بصت ليها بخوف و قلق:- براحة يا بنتي هتقعي مش كدا 

نور نزلت و لبست الجزمة:- عمي قول لابنك يطلاقني و يبعد عني مش عايزاه 

اسر بص لياسين:- عملت اي يا زفت 

ياسين:- هو انا كلمتها 

نور:- يعني اي مجنونة بقطع في شعري قصدك اي ، انا سيبهلك 

نور خرجت من الفيلا و ياسين وراها ركبت العربية و السواق اتحرك بعد وقت في بيت اهل لبنى 

ابتهال:- ايوة يا الى على الباب جاية اهو 

ابتهال فتحت الباب نور اترمت في حضنها و قعدت تعيط بشهقات ابتهال بقت تمسح على شعرها بحنان و قلق:- بسم الله الرحمن الرحيم مالك يا بنتي انتي كويسة اتخنقتي مع ياسين 

نور:- ا انا مش عايزة اسمع سيرة البنادم دا 

ابتهال بعدتها عنها:- طب تعالي يا حبيبتي ندخل نتكلم بدل الواقفة دى اهدي كل حاجة ليها حل 

نور دخلت ابتهال كانت هتقفل الباب ياسين حط ايديه على الباب:- وحشتيني يا ست الكل اي الحلاوة دى 

ابتهال بصت لياسين بغيظ و بعض الحادة قفلت الباب و قعدوا :- مضايق البت ليه يا اخر صبري 

ياسين:- هو انا كلمتها يا جدعان هى الى مش طيقلي كلمة 

نور بدموع:- انت تسبني يومين زي الكلبة و ترجع عايزني اخدك بالحضن يا خاين اكيد كنت معاها 

ياسين:- ما ترحمني بقااا مع مين يا بنتي انتي عايزة تجنني 

نور بدموع:- بصي خليكي شاهدة و بالنسبة انك سافرت يومين من غير ما تقولي ولا تطمني عليك بتعقبني على اي على حبي ليك و بعدين دا موضوع قديم ااه اتهبب اتقدم بس انا حقيقي معرفوش ولا حتي اتكلمت معاه حازم حتي ميعرفش اسمي 

ياسين بجنون:- اناا مسك نفسي بالعافية مش عايز اتغبي عليكي 

ابتهال بتسمع ببرود و بعدين:- اخرس و بعدين انت بتتكلم معاها كدا ليه غلطان و بتبجح 

ياسين :- يا تيته متخلنيش اتعصب 

ابتهال ضربته بالشبشب:- تتعصب على مين يالا هاا تتعصب على مين غلطان و تبجح 

ياسين:- والله انا حر زى ما الهااانم سافرت و كل حاجة من غير ما تقولي لا و اي تصطاد عريس مانا مش موجود مانا هوي بقاا و فوق كل دا تخرج من غير اذني و تخبي عليا انها حامل يا ماشاء الله على الهنا الى انا فيه كنتي هتقولي امتي انكي حامل لم تولدي ولا لا يبقا عريس و تعزمني على الفرح 

نور ببرود:- والله ابنى و انا حره فيه و بعدين انت الى بقلك فترة مختفي و اقولك ليه اصلا 

نور قامت استخبت وراء ابتهال 

ياسين:- يا تيته ابوس ايدك خليكي محضر خير و ابعدي سبني اربيهاا لانها ساقت في العوج و بعدين فترة اي يام فترة هما يومين اااه 

ابتهال ضربته:- يومين يا فرحتي بيك و بتقولها بكل وقاحة يا قليل الادب مراتك منهارة تسيبها و تمشي و بعدين انت الى غلطان 

ياسين:- بقا كدا 

ابتهال:- أبوة بقا كدا و لو مش عجبك اطلع برا دا بيتها قبل ما يبقا بيتك 

ياسين ببرود:- براحتك خاالص انا ماشي سلام 

ياسين اتجه لباب فتحو و خرج 

نور:- ياسين استنا 

ابتهال لفت وشها ليها و ضربتها بالشبشب 

نور:- اااع يا تيته مش كدا 

ابتهال ضربتها تاني:- من امتي بنتكلم مع أزواجنا بالطريقة دى هاا تسافري من وراه و تخبي عليه انكي حامل انا هربيكي 

نور:- والله انا عملت كدا لحد ما اتاكد افرض طالع كاذب هيبقا حلو يعني 

ابتهال:- كاذب يا جزمة انا هوريكي روحي على اوضك يانا يا انتوا يا عيال الشاذلي 

نور دخلت على جوه اتصلت بى ياسين 

ياسين:- افندم 

نور:- جزمتك على دماغي بس تعال انقذني من تيته دى ها تموتني يرضيك ام ابنك تموت 

ياسين:- للاسف مش هقدر لانى وصلت البيت باي باي 

نور بحزن:- تمام يا ياسين سلام 

برا ابتهال قامت بملل:- ايوة 

ابتهال فتحت الباب:- لا فعلا عندك كرامة 

ياسين:- يا تيته والله العظيم انا ما ناقص كفاية عليا اخر صبري الى مش عارف مالها 

اتنهد و قال بصوت عالي:- يا نور انا رجعت 

جو نور مسحت دموعها بفرح و فتحت الباب واقفت مكانها لم لقيته موجود بجد جريت عليه و حضنته و اكن روحها رجعتلها تاني حضنته بقوة و خوف لا يسيبها اشتياق ياسين برضو نفس الكلام 

ابتهال لنفسها:- اي المجانين دول 

ابتهال :- ما تلمو نفسكم بقاا ليكم بيت امشو زهقتوني يلا من هنا 

ياسين بعد عن نور و قبل جبينها بصلها بهدوء كانت عيونها بتلمع بفرح و حب 

نور كانت بتبصله بفرح و ابتسامة اتفجت لم شالها حست بخجل 

ابتهال:- يا ابن المجنونة 

ياسين:- عن اذنك يا تيته و اسفين على الازعاج 

نور سندت راسها عليه مكنتش عايزة تحس باى حاجة غير وجوده و حلمهم نزلوا من بيت ابتهال و ركوب العربية نور سندت راسها على كتفه و غمضت عيونها بارتياح 

ياسين بصلها و قال بهدوء:- انتي كويسة تعبانة 

نور بهمس:- كويسة طول ما انت جانبي يا روحي 

ياسين بصلها و قال لنفسه:- ربنا يهديكي يا اخر صبري 

اما في الفيلا 

لبنى:- اطلقو نهار اسود الواد اتجنن لا لا ممكن يكون قتلها 

اسر بصلها و قال بهدوء:- ربنا يجعل كلامنا خفيف عليكي اطمني يا حبيبتي ابنك عاقل اعقل مني انا شخصياً اي الرضا دا كله عن نور مش دى الخطر على ابنك انتي ل تشدي ياما ترخي مفيش وسط 

لبنى :- لان يا روحي سبق و قولت ان انا ام و فهمت غلط مشكلة نور ان ليها اسلوب بيخلي الى قدامها ياخد انطباع غلط عنها و دا الى حصل معايا كنت عايزة راحته و مكنتش اعرف ان راحته مع نور و بعدين انا مربيها مش هبقا انا و الزمن عليها كفاية موضوع اهلها الى اشك انها لسه فاكره لحد دلوقتي و موت امها مرض شاهين الى كان مجننها لا عارفة تعيش زى البنات ولا عارفة تكون حره ف خلاص غلطت و توبت و مش هعمل نور الا انها بنتي زى جميلة و بعدين هى مش مانعة ياسين عننا بالعكس دول بيقعدو هنا اكتر ما بيقعدو في بيتهم 

اسر:- مقيمين هنا و لسه 

لبنى:: لسه لم يخلفو البيت هيبقا احلي بصوت و شقاوة عيالهم 

فوق في اوضة جميلة 

جميلة نايمة دموعها بتنزل على المخدة و هى مش قادرة تطلع مشهد سيف و سالي من دماغها ولا مشهد قاسم و نرمين قالت بالم و صوت ضعيف:- ما يمكن المشكلة فيا انا يمكن مش حلوة كفاية ممم رغاية و دا الى خلي قاسم يكرهني 

اتنهدت بوجع و حسرة:- اتجوز عليا قبل ما يتجوزني طلاقني تاني يوم و دلوقتي عايش مع مراته في منتهى السعادة ولا اكنه كسرني و سيف هه عارف اكتر حاجة بتوجعني و عملها صح انتي كوبري يا جميلة هو انتي مين يحبك ولا يستحملك سيف اكيد هيرجع لسالي 

حطت ايديها في شعرها بانهيار:- هيرجعلهاا هيرجعلهاا ب بعد ما اتعالج و خف بعد ما شيلت همه كله ها يسبني و هيروحلها هو ليه مش حاسس بيا ليه مش شايفني انا مخنوقة 

جميلة قامت دخلت غرفة الملابس طالعت فستانها و الجاكيت و خرجت دخلت التواليت غيرت هدومها و خرجت وقفت قدام المرايا لبست إكسسواراتها و ظبطت نفسها و خرجت 

لبنى:- جميلة 

جميلة لفت وشها كانت لبنى واقفة وراها و مربعة ايديها:- في حاجة يا مامي 

لبنى:- في حاجات انتي اي الى عمله في نفسك دا و رايحة فين 

جميلة:- مفيش حاجة بس مخنوقة و عايزة أخرج حاسه اني بتخنق 

لبنى:- مالك يا حبيبتي 

جميلة:- مفيش حاجة يا مامي بس زهقانه ادى كل الحكاية هخرج مش هتاخر انا محتاجة اكون لوحدي 

جميلة ودعت امها و نزلت بسرعة ركبت العربية و السواق اتحرك راحت تعمل شوبنج تاني يوم في بيت سيف 

سيف:- انت مين 

قاسم :- انا اعرفك كويس حتي لو كنت انت مش عارفني 

سيف ببرود:- و بعدين 

قاسم :- انا جوز جميلة لا كنت متجوزها و طلقتها 

سيف:- ممم و جاي عندي ليه 

قاسم:- علشان انبهك و اقولك انها واحدة مخادعة و مقرفة انا ارتحتلك ف هقولك على سبب الى طلقتها علشانه 

سيف:- و انا مش عايز اعرف 

قاسم طالع ظرف:- ازاى بس انت تحديدا لازم تعرف اهو تكون اخد فكرة 

قالها و هو بيحط الصور قدام عينيه :- جميلة واحدة مش كويسة للاسف حبي ليها كان عميني ضحكت عليا و رسمت عليا دور الحب 

سيف كور ايديه بغضب لكن قال بهدوء:- تمام اطلع برا 

قاسم:- جميلة ليها علاقات كتير قبلي و للاسف عرفت كل دا يوم الفرح بعد ما لبست هى دى جميلة تعمل نفسها بريئة و هى من جوا مخادعة جميلة للاسف خانتني و كل يوم مع واحد شكل. ممم سبب انتحارها مش علشان ابوها رفضني سبب انتحارها انها للاسف اخطات في قالت تتجوزني و تنقذ نفسها وووووووو

يتبع 

الحلقة 18

قاسم:- اتجوزتني علشان تنقذ نفسها بعد ما وقعتنا كلنا في مصيبتها و انا اتجوزتها و للاسف عرفت كل دا بعد ما ادبست فيها 

سيف كان بيبص لصور بتركيز حطهم على التربيزة  رفع عينيه بص له بحادة كان ساكت لكن نظراته و ملامحه بيقولوا انه غيران قام بهدوء اتجه لقاسم الى بص له بثقة انه نجح لكن اتفجا بى الى شده و ضربه بوكس في انفه قاسم مسح الدم الى في انفه بغضب و حقد:- انت اتجننت يا 

قبل ما يكمل كان سيف ضرب كف على وشه و كف تاني مسكه من هدومه و خبطه في جبينه

 خبطه مرة كمان:- يا كلب اانت ازاي كدا بتفتري على بت عمك يا حقير 

قاسم زقه بغضب:- و انت مااالك ولا علشان ماشية معاك ف بدفه عنها بيم انك شبها 

سيف كور ايديه بغضب زقه وقع على الأرض و بقا يضرب فيه بجنون و عدم تصديق معقول في حد يعمل كدا في بت عمه و مراته سابقا بيضربه و هو مش شايف قدامه فضل يضرب فيه :- قووما 

سيف قالها و هو مذل مسك قاسم من هدومه بص له:- ااانت 

تمشيي بكرامتك يا تمشي على قبرك 

قاسم بص له و عينيه مفتوحة نص فتحه بسبب ضرب سيف له سيف زقه قاسم مكنش قادر يرفع وشه ولا يمشي قاسم مشي و هو بيتوعد لسيف الى بزق عليه مسك الصور و اخد الولعة و ولع في الصور و هو جن جنونه معقول في واحد يعمل كدا في الى بت عمه ازاى رما الصور في الارض و بقت رماد مسح على وشه بغضب و حزن مسك تلفونه بس مكنش في رد اخد المفاتيح و خرج من الجنينة لا من البيت كله ركب عربيته أما عند جميلة في الخيل كانت واقفة بتملس على الحصان بتاعها :- انت الوحيد الى حاسس بيا و تفهمني مع انك مش بشر لكن بتعرف تهون عليا و تخفف وجعي ، الناس وحشة اوى يا ماڤيا انا مش بحبه قاسم قاسم الى عطني اكبر درس في حياتي اكتر انسان كنت هخسر ابويا علشانه ضحك عليا 

دموعها تنزل:- اخد مني كتير اوى طالعت بت عدوها طلاقني يا ماڤيا طلاقني صحيت لقيت نفسي في بيت اهلي من غير ما اعمله حاجة ، حتي سيف طالع مش نسي مراته و استخدمني علشان يضيقها 

مسحت دموعها:- بس في الاخر هيرجعلها دا طبيعي هو محصلش فيه الى حصل فيا انت بتعيط ليه يا ماڤيا انا جاية افضفض معاك مش تعيط يعني اروح لمين بس يا حبيبي متعيطش انا كويسة 

جميلة فكته و خرجته من غرفته اتنفست بعمق و ركبته و خرجت بيه من المزرعة بتاعتهم

 كانت بتجري بيه بى مهارة رفعت ايديها ببهجة مزيفة :- انااا مبسوطة اوى يا ماڤيا انى حره ياااه و

 يسلام على الحورية براحة يا ماڤيا هتوقعني انا صحيح مبسوطة اني معاك بس مش كدا يا روحي هيهيي 

جميلة وقعت من على الحصان راسها خبطت في الارض مكنتش قادرة تتحرك ولا تصرخ صحيح عيونها مفتوحين بس من الوقعة مش قادرة تصرخ دموعها نزلت بوجع قالت بصوت صرخت بوجع و صوت ضعيف جدا:- اااه 

برا سيف وقف العربية و نزل منها دخل المزرعة و بينادي عليها:- جميللة جميلللة انتي فين 

سيف بص حواليها مكنش فيه حد شاف حصان بيجري :- اي الفوضى دى الامن قالوا انها هنا راحت فين دى و مين دا كمان بتهرب تعال 

سيف اخد الحصان و ربطه على جانب 

سيف سمع صوت بعيد شوية فضل ماشي تجاه الصوت لكن جري عليها بسرعة لم شاف واقعة على الارض صوتها طالع بالعافية غمضت عيونها بألم سيف اتجه ليها نزل لمستواها حط راسها على قدامه:- اي الى حصل انتي سامعني ردي عليا يا بنتي 

جميلة بألم :- كويسة بس الواقعة المرة دى جامدة شوية س سيف ابعدي عني روح نادي ام فوزي تساعدني اقوم  ا ابعد انا كويسة مش عايزة اموت و ربنا غضبان عليا ف ابعد من فضلك 

ام فوزي جريت عليها حضنتها:- اسم الله عليكي يا حبيبتي جميلة هانم انتي كويسة 

جميلة حطت ايديها على ضهرها:- مش حاسه بضهري ساعدني اقوم ارجوكي 

ام فوزي قامت و هى حضنها مشيت شوية و قعدتها على الكنبة :- انتي كويسة حاسه بحاجه 

جميله مذل ايديها على ضهرها:- والله العظيم كويسة  نهار اسود ماڤيا ماڤيا راح فين اكيد تاه لو جرله حاجة هموت فيها 

قالتها بعياط سيف كان بيبصلها بدهشة 

ام فوزي:- طب هروح اشوفه ، بس مين دا خطيبك 

جميلة:- اسكوتي ياختي انتي كل شوية أسئلة و ابني مش عارفه حصله اي 

ام فوزي:: و دا بيحصله حاجة يا جميلة دا مش بيعمل حاجه غير انه بيوقعك و اسر بيه ان شاء الله هيخلص منه 

جميلة:- يا ولية بطلي رغي و روحي شوفيه راح فين 

ام فوزي راحت تشوف ماڤيا سيف قعد جانبها :- انتي كويسة 

جميلة:- مممم كويسة بس ضهري وجعني شوية ،شكرا 

سيف:- على فكرة انا و الزفت دى الى بينا انتهي و مستحيل اشوفها مش ارجعلها 

جميلة بابتسامة :- و انت بترر ليه يا سيف على فكرة بقا انت و سالي لايقين على بعض جدا ما شاء الله عليكم ربنا يجمعكم مع بعض على خير و يخليكم لبعض 

سيف بهدوء و غيظ:- على فكرة بقا يا جميلة انتي كدابة لان انا و ست زفته مش لابقين على بعض ولا حتي نشبه بعض في حاجة كل اصحابي قالو بلاش سالي حتي عمي الله يرحمه بس مسمعتش كلامهم ياريتني كنت سمعت كلامهم 

جميلة بمزح و ضحك:- يا عمي كنت منعتني 

سيف:- ايوة ارجعي البت الى اعرفها مش الساكته دى خليكي دائما بتضحكي لان مش ليق عليكي الا الضحك انتي وشك حلو عليا 

جميلة بغرور مزيف:- طول عمري وشي حلو بس اي سبب الكلمة دى 

سيف سند ايديه على التربيزة:- لان كلموني امبارح من القسم و اللواء قالي انى ممكن ارجع لشغلي تاني 

جميلة ابتسمت بفرح و دموع مسحت دموعها:- مش قولتلك مفيش حاجة بعيدة ولا مستحيل على ربنا ، يا سيف انت شخص كويس و تستاهل كل خير الى حصل ممكن يكون درس او اختبار و انت قدهم طلامة واثق في ربنا 

سيف:- الحمدلله ، هو انتي ممكن تتجوزي تاني 

جميلة بتفكير:- مش عارفة يا سيف الى عملو قاسم مش سهل انى اتخطه بسهولة ولا حتي اقدر اثق تاني في راجل 

سكتت شوية بصت له:- الإنسان دا اذاني اوي لدرجة انى بقيت واحدة مش عارفها كسرت ابويا قهرت امى عليا كنت هموت مرات اخويا كل دا بسببه طبعا احنا يعتبر اهل و انت مش غريب برضو قاسم رسم عليا الحب انتحرت بسبب ان بابي رفضه ف انتحرت علشان اضغط عليه ابويا وافق و هو مش راضي عن الموضوع حتي اخويا الدنيا كلها قالت لا بس مين يسمع 

سيف بهدوء:- و بعدين 

جميلة اتنهدت بمرارة:- بعدين يا سيدى تاني يوم جوازي قال انتي بنت عدوي و مش عايزك اخدت غرضي و خلاص اللعبة خصلت 

سيف اتصدم عينيه اتسعت كور ايديه بغضب هى بتقول اي غرض اي و لعبة اي فاق على صوت جميلة الحزين:- كان بيتسلي ولم زهق طلاقني بعد ما انتقم من ابويا علشان سجن امه لانها قتلت ام نور معرفش السبب ليه 

سيف:- كملي 

جميلة:- جت شهد مرات عمنا قالت كلام غريب ان قاسم بيحب نور و مش عارفه اي و انها جاية تشمت فيا ضربتني و عطتني منوم صحيت لقيت نفسي بالبسي في بيت ابويا بس يا سيدى دى حكايتي مع قاسم الى خليني مجنونة اخدت وقت عقبال ما اتحسنت كنت مستنيه يرجع و يقول مفيش حاجة من دى حصلت و عايزك بس الكابوس كان حقيقي و واقع و كمان كان متجوز عليا اتجوز عليا بعد كتب كتابنا على طول 

مسحت دموعها الى في عينيها :- انتوا غدارين اوى يا سيف 

جميلة بمزح علشان تقفل الموضوع:- قولي بقا انت هخلص منك امتي امتي تتجوز و ابقا عمتو الحرباية 

سيف:- عمتو 

جميلة:- اه احنا مش اخوات 

سيف:- خوت في نفوخك يا بعيدة نكدي عليا جواز اي و زفت اي 

جميلة بضحك:- يا عمي كنت منعتني و انا مش معاك الكون هلاك 

سيف:- بالجزمة في المزرعة 

جميلة:- خلاص يا سيفو بهزر معاك انت قموص اوى 

سيف:- يا عمي كنت منعتني 

قعدوا يضحكوا هما الاتنين لدرجة ان عيونهم دمعت أما عند سيف في زعله بيجري على جميلة و في فرحه في خوفه وحدته دائما جميلة ملجاو و امانه حتي لو كانت ضيعة أو و جميلة نفس الكلام الغريب انهم عارفين بعض من فترة صغيرة لكن اكنهم عارفين بعض من زمان تعلقهم ببعض الى الى هما اصلا مش حاسين بيه ولا انهم بيحبو بعض اما جنة ف كانت في المستشفى علشان تعمل عملية تجميل في غرفتها 

الدكتور:- جاهزة تشوفي نفسك بعد التجميل يا جنة

جنة بهدوء عكس التوتر و القلق ؛- جاهزة

الدكتور بدا يشيل الشاش من على وشها بصلها و سكت

جنة:- في حاجة يا دكتور انا عايزة اشوف وشي بعد العملية

الدكتور شاور لممرضة ان تديها المرايا بالفعل جنة مسكت المرايا بصت لنفسها سكتت شوية و هى بتبص لنفسها  في المرايا وقعت من ايديها صرخت بأعلى صوتها :- لاااااااا وشييي انتوا عملت اي فيا يا كلاب انا ها وديك في داهية 

الدكتور:- اهدي يا انسة كله محلول مفيش حاجة تستاهل العصبية و الغلط 

جنة بانهيار و جنون:- انتوا لسه شوفتو غلط دا انا هفضحك و هقفلك المستشفى انا هوريك 

الممرضة:- يا حبيبتي اهدي دا كدمات بسيطة و هتروح مع الوقت و النفخ كمان و الفم اتنفخ غصب عننا الورم ها يختفي من الوقت 

جنة دموعها نزلت بوجع و حزن حقيقي وشها اتشوه اكنها شافت واحدة تانية غيرها واحدة مخيفة مشوها خد وارم خد في زرقان فمها منفوخ و وارم انفها برضو بقا اسوا رجعت شعرها لوراء. و مذل بتعيط بانهيار و فقدت الوعي 

الدكتور بعصبية:- فوقيها و اتصلي بحد من اهلها اتصرفي شوفي تليفونها فين و اتصرفي 

الممرضة:- حاضر 

فعلا دورت على فون جنة و اتصلت برقم اتصل بيها مليون مرة كان سليم اتصلت بى سليم 

سليم:- انتي لازم تسمعيني يا جنة 

الممرضة:- مرات حضرتك في مستشفى***

سليم وقف العربية و قال بلهفة:- اي مستشفى ليه هى كويسة حصلها حاجة 

الممرضة:- كويسة بس هى كانت بتعمل عملية و تعبت ياريت تجي فورة العنوان ***

سليم قفل السكة في وشها و اتحرك بعد وقت وصل المستشفى سال على اوضتها و دخل لكن وقف مكانه مصدوم من شكلها لان كان متغير تمام:- فين جنة 

الممرضة:- انا هشرحلك كل حاجة بس ارجوك بلاش شوشرة لان سمعة المستشفى 

سليم بعصبية:- متتحرق سمعة الزفت ااي الى عملتو فيها 

الممرضة:- مراتك عملت تجميل في وشها و حقيقي معرفش الدكتور عمل اي 

سليم بغيرة و كور ايديه:- د اي دكتور ، 

سليم اتجه لجنة و حاول يفوقها لحد ما فاقت فتحت عيونها بعدت عنه بفزع بصت حواليها:- مش حلم مش حلم ، وشيي باظ يا سليم شكلي باظ بسببك انت بكرهكك انت جاي ليه هاا جاي تشمت فيا صح افرح انا شكلي راح يا سليم وشي رااح اااه 

قعدت تعيط بانهيار حطت ايديها على وشها الممرضة بصت ليها بشفقة دموعها نزلت فعلا كانت جاية جميلة و اجمل لكن بوظت شكلها مش عارفه تتكلم سليم كان حزين جدا عليها زعلان عليها و منها ليه واحدة بالجمال دا تبوظ جمالها الى ربنا خلقها بيه ربنا خلقها جميلة ليه تعمل في نفسها كدا علشان التغير فعلا غيرت شكلها بس لى الاوحش 

اما في بيت ياسين 

نور بترتب البيت ياسين جاه بسرعة:- انتي بتعملي اي يا نور 

نور:- مش بعمل حاجة البيت عايز يترتب ف برتبه مانا مينفعش اشوف بيتي متبهدل و اقعد اتفرج و الشغالة واخدة لسه مرجعتش من السفر اعمل اي 

ياسين اخد المنفضة منها و قبل راسها:- انا الى هعمل انتي ارتاحي و انا مسؤوليتي البيت و انتي تقعدي سلطانة زمانك 

نور بصت له بصدمة و قالت باعتراض:- لا طبعا انت بتقول اي انت شغلك في الشركة مش هنا و بعدين انا قعدة زهقانه هموت من الزهق و البيت حاجة بسيطة مفيش داعي انك تعمل حاجة 

ياسين مسك ايديها و قعدها على الكنبة:- تمام و علشان كدا انا الى هعمل كل حاجة لا حرام ولا عيب ان اساعد مراتي  حبيبتي بنتي الصغننة خلاص الكلام الريموت اهو و التليفون قدامك شوفي هتتفرجي على التلفزيون ولا هتقعد على التليفون 

نور قامت:- طب هقوم اطبخ 

ياسين:- ولا حركة نور حبيبي انتي حامل و اى حركة غلط عليكي قبل ما تكون غلط على ابننا ملكيش دعوة ابقي اطلب دليفري 

نور:- انت مش بتحب اكل برا و بعدين انا بسلي نفسي 

ياسين :- سلي نفسك باى حاجة الا دول 

ياسين قعدها و بدا يعمل شغل البيت نور نامت على الكنبة و كانت بتبصله بتعب و حب فخر خجل لانها مش عايزاه يعمل كدا شايفه انها اهانة ليه عيونها لمعت بفرح حطت ايديها على معدتها و قالت لنفسها و هى بتبص عليه:- كل يوم بتثبتلي ان قلبي اختار صح كل يوم بفرح و بقول الحمدلله يارب انك جعلته من نصيبي ياسين مش بس زوج لا دا صديق و اب و حبيبي مفيش دور معملوش حتي الابن انسان حنين محترم جدع كاريزما في نفسه ياخد اكبر منه ليه المفروض يتجوز من سنه انا مبسوطة اوى انه اب ولادى الى جايين لو موت هبقا مطمئنة عليهم ربنا يحفظك و يخليك ليا يا حبيبي 

غمضت عيونها و نامت من التعب بالليل ياسين قعد و نور نايمة على قداميه و بيلعب في شعرها 

نور :- مش فترة الوحم جت يا حبيبي 

ياسين بابتسامة:- بدري كدا طب الحمدلله قولي بقا يا ستي نفسك في اي و انا اجيبه لحد عندك اى حاجة هتقوليها 

نور بفرح و حماس:- اى حاجة اى حاجة 

ياسين بحب:- اى حاجة اكسسوارات 

نور:- انت عرفت انى مينفعش البس الحاجات دي دلوقتي لانها بتتعبني 

ياسين:- امرك غريب بس ماشي عربية أو روبوت كلاب قطط 

نور:- انت عايز تموتني و عارف انى عندي فوبيا من الكلاب و القطط 

ياسين:- يبقا حاجة تتاكل 

نور قامت و بصتله بابتسامة و خوف:- لا يا حياتي ا انا عايزة حاجة بتتشرب 

ياسين بصلها بعدم فهم نور بتفرك في ايديها: 

نور :- تعرف يا روحي نفسي في اي 

ياسين:- نفسك في اي يا حبيبتي 

نور:- هتزعل 

ياسين بصلها بحب:- انا لو زعلت من الدنيا كلها مستحيل ازعل منك يا روحي 

نور:- اذا كان كدا هقول على الى عايزاه ، احم انا بصراحة نفسي اشرب شيشة حياة جربتها و قالت انها تحفة 

ياسين:- هى دى اكلة جديدة يعني ولا اي 

نور بتفرك في ايديها:- لا طبعا اي الهبل دا هو في اكلة اسمها شيشة يا ياسين قصدي شيشة الى بتتشرب 

ياسين رمش عيونه :- انتي عايزة تشربي شيشة 

نور:- اه دا حلم عمري انى اشربها و بعدين مانت بتشرب سجاير و انا ساكت اجربها 

ياسين:- هبطلها 

ياسين لسه هيحط السجارة في الطفية اتفجاء بايد نور :- ايدك هتتلسعي 

نور بصوت شتوي:- طفي السجارة يا حبيبي ولا يهمك انا هنا علشان راحتك 

ياسين بعدا شوية:- انتي معاكي جن صح شوفتي قعد اقول بلاش تغني قدام المرايا اهو بقا معاكي عفريت ربنا يجعل كلامي خفيف عليكي 

نور :- لا تقلي يا فرعوني الصغير الكبير انا بخير طول ما انت بخير و جانبي 

ياسين:- هقوم انام 

نور قامت بسرعة و خرجت جري حطت الفساتين تحت رجل ياسين:- بلاش تدوس على السجادة علشان رجلك متتبهدلش يا فرعوني 

ياسين بص على الفساتين بذهول :- نور انتي كويسة 

نور:- هى الواحدة مننا عايزة اي غير ان فرعونها يبقا بخير و تكلمه بصوت الشتوي ياا استااذ ياسين 

ياسين:- استاذ  طب وسعي كدا يا استاااذة نور هروح اتخمد 

ياسين دخل ينام نور بصت له باستغراب:- هو فرعوني متعصب ليه أما اروح اشوفه 

نور قعدت جانبه:- انت نمت يا روحي 

ياسين:- يارب 

ياسين قام:- خير يا اخت نور 

نور:- بيم ان بطلت شغل في المصحة ف قررت اعمل حاجة بعد اذنك 

ياسين ؛- بت انتي مش مظبوطة 

نور:- مش عايز تسمع المشروع الى هعمله مع جميلة 

ياسين:- قولي و ربنا يستر 

نور:- احم انا و جميلة قررنا نفتح مدرسة رقص متنوع بس الشرقي اكتر هاا اي رايك يا روحي 

ياسين بصلها بهدوء ما قبل العاصفة نور قامت من جانبه بسرعة سيف مسك ايديها جذبها له 

نور بصت له بتوتر و خوف:- ا انا كنت بهزر يا حبيبي 

ياسين:- طبعا يا روحي بتهزري لان دا لو بجد انت هوزع الرحمة على روحكم انتوا الاتنين 

ياسين قبل راسها و راح ينام:- نامي يا نور ربنا يهديكي 

بعد شوية نور:- ياسين انت نمت ، ياسين ياسين قوم 

ياسين صحي بقولك:- مالك يا نور انتي كويسة حاسه حاجة تعبانة 

نور:- هسالك سؤال واحد و تجاوب عليه بصراحة انت اتجوزتني علشان بتحبني ولا بتتسلي بيا 

ياسين رمش عينه مسح على وشه بهدوء قال بصوت ناعس:- لا بتسلي لقيت نفسي زهقان قولت اتجوز انتي مصحيني مفزوع علشان سؤال انتي عارفه إجابته الدنيا كلها عارفة اتجوزتك ليه نامي يا حبيبتي لانى عندي شغل الصبح 

نور:- فعلا انا هموت و انام 

ياسين:- بعد الشر عليكي يا روحي 

نور نامت و ياسين كمان بعد شوية صحيت:- ياسين اصح في حاجة مهما ياسين اصح بقااا 

ياسين صحي:- مالك يا بنتي بس 

نور:- هو لو موت و مين هيربي البيبي معاك اكيد هضطر تتجوز صح و تجيب لابنى مرات اب تعذبه و تنيمه على السلم مانت واطي 

ياسين:- مفيش حد هيربي ابننا غيرك باذن الله هتقومي بالسلامة و نربيه و نجوز عيالو كمان 

نور حضنته:- انا بحبك اوى يا ياسين 

ياسين:- و انا بموت فيكي بس هموت و انام انتي كمان لازم تنامي 

نور:- معاك حق تصبح على خير 

نور نامت و ياسين كمان بعد شوية صحيت تاني:: حبيبي ياااسين 

ياسين قام بفزع:- بسم الله الرحمن الرحيم مالك يا حبيبتي 

نور:- مين احلي انا ولا سيبال 

ياسين:- انا معرفش مين دى بس انتي طبعا و هتبقي احلي لو سبتني انام 

نور:- يا روحي انا فعلا تعباك معايا نام يا حبيبي 

ياسين نام و نور كمان بعد شوية 

نور:- ياسين اصح ياسين 

ياسين قام بنفذ صبر:- نعم يا روحي 

نور:- تصدق نسيت كنت هقول اي يلا تصبح على خير 

ياسين نام من غير ما يتكلم و نور كمان بعد شوية 

نور:- ياسين 

ياسين صحي:- انا بقول اروح عند امي انام الساعتين دول 

نور بدموع:- بتتعصب عليا يا ياسين بعد ما حبيتك و علقتني بيك انت مبقتش تحبني يخسارة حبي ليك يخسارة وقتي الى ضاع معاك على الفاضي 

ياسين بيحاول يكون هادي لانه جاب اخره:- معلشي يا حبيبتي حقك عليا قوليلي مالك 

نور:- متعرفش مكان المناكير بتاعي لانى عايزة احط منه ممكن تحطلي المناكير 

ياسين:- دلوقتي 

نور:- اه دلوقتي 

ياسين:- يارب يارب حاضر يا نور بس هتحطيه و ننام لانى بجد تعبت 

ياسين قام جاب المناكير و حطه ليها نور بتنفخ في أظافرها علشان المناكير ينشف ياسين نام و نور كمان نامت 

تاني يوم بعد وقت طويل ياسين بيعمل شغل البيت الباب خبط راح يفتحه كانت لبنى 

لبنى بصت له بصدمة اما في بيت نورا 

نورا بهدوء:- انا عارفه انك بتحب جنة و الحقيقة أنا مش ها لقي حد احسن منك لبنتي الى برضو بتحبك و بتكابر و الدليل تصرفاتها 

سليم:- بحبها بس كلمة حب قليلة جدا على الى حاسه تجاها 

نورا:- امك الله يرحمها كانت ست الستات كان ستات البيت كلهم بيغيرو منها و من حب ابوك ليها لدرجة اننا افتكرنا انها ساحرة له 

سليم بيسمع بهدوء نورا كملت بوجع:- فعلا حاولت اذيها اعمل عمل و اتنين و تلاته بس مفيش فايدة ابوك مهما لعمل بيحبها اكتر من الاول لدرجة لم ماتت اخدت قلبه و عقله معاها 

سليم:- خالتي انتي كويسة 

نورا بدموع:- ا امك ماتت بسببي ك كنت مخططة انها تخاف و تسكوت لكن اتفجت لم اطردت من بيتها بالبس البيت اطردت من غير رحمة 

سليم:- انتي بتقولي اي يا خالتي 

نورا:- هحكيلك عمك من زمان بيعملني وحش عكس ابوك الى كان بيعمل امك بكل حب و احترام غيرت كلنا غيرنا منها ف قررنا ان نتهمها في سرقت دهابنا الى في الأصل جمعنا و دخلنا حطينه في شقتكم كان شاهين متاخر في الشغل و هى معاكم في اوضة نور نايمتكم و نامت معاكم ستك كان معاها نسخة لازم يكون معاها نسخة من مفتاح كل شقة تقدر تقول ان مكنش فيه حاجة اسمها خصوصية و دا الى ضايق لبنى و امك برضو بس كانت بتجي على نفسها علشان ابوك ميزعلش تاني يوم بعد طالعنا شقتكم و طالعنا الدهب من دولاب منى ا

كملت بوجع و عياط:- انا كان في بالي انها تخاف و تسكوت و متقولش لاسر مين الى كان هيموت لبنى خطط لكدا بس انها تخاف و تسكوت مش تفضح سامحني يا سليم ، ابوس ايدك بنتي ملهاش ذنب في الى حصل لامك ا انا السبب حقكم عليا بس كان غصب عني ووووووو

يتبع 

الحلقه 18