رواية قضية شرف الفصل السادس عشر 16 - بقلم هنا حسين
مريم بضيق.... هو انت ليه واخد فكره وحشه عني
ونس.. مش انا اللي واخد بعدين اسلوبك وكلامك هما بيثبتو ده
مريم... ونس..... انت ليه دايما شايف ان انا غلطانه وانت مش شايف انك غلط في حاجه
ونس..... لا ماغلطش في حاجه حتي لو غلط فانا
اهو اتحملت غلطي واتجوزتك
مريم..... لا بجد جيت على نفسك اوي وبعدين انا ماكنتش عاوزه اتجوزك
ونس... كان بايدك ترفضي لاكن انت ماعملتيش كده
مريم.... غلطه يا ونس وهتتصلح قريب
ونس.... مش فاهم
مريم.... يعني هنطلق
ونس باستغراب...... نطلق
مريم.... ايوه طبعاً هو انت فاكر ان انا هكمل معاك حياتي مستحيل يا ونس
ونس..... تمام.وانا كده بس طول ما انت لسه علي ذمتي تسمعي كلامي
مريم..... تمام كنت عاوزه اتكلم معاك في حاجه كمان
ونس.... اخلصي في ام الليله اللي مش عاوزه تخلص
مريم..... كنت عاوزه انام عند مرام كده كده كلهم عارفين طبيعه جوزنا
ونس..... بس مابيعرفوش اللي بيحصل هنا وطلوعك من هنا تعني قله احترام ليا
مريم.... بس انا مش مرتاحه معاك هنا
ونس.... انا اللي عندي قولته بقلم هنا حسين
وشرع في الصلاة وتركها واقفه تغلي من ردوده
صلوا علي النبي
في الصباح راح ونس وخد معاه مرام ومريم في العربيه وصلو مرام للمدرسه
مريم..... هو انت هتفضل واقف كتير مش مرام نزلت
ونس.... تعالي اركبي جنبي
مريم..... ليه يعني ماكتير بتنزل مرام وانا بفضل مكاني
ونس.... دلوقتي الوضع اتغير انت بقيتي مراتي ومايصحش حد من صحابك يشفوكي قاعده ورا كده نزلت مريم وقعدت جنبه وهو انطلق بسياره
بعد مانزلت تقابلت هي وساره
ساره..... اهلا بالعروسه
مريم.... ساره انا مش نقصاكي
ساره.... مالك بس يا حبيبتي
مريم..... مضايقه من ونس انا اصلا تعبت يا ساره ومش عارفه اعمل ايه حتي ماما اللي مفروض تبقا اول واحده اشكيلها همي مابتكلمنيش وفضلت راجل غريب عني
ساره..... يا حبيبتي متزعليش نفسك بعدين ده جوزها وانت شوفتي حصلكم ايه حتي لو كان اختيارها غلط
مريم..... بتبرري لايه انها رمت نفسها علي واحد متخلف اخد فلوسها حتي ماعملتليش العمليه
ساره... مش انت ضد العمليات والحجات دي
مريم..... بس وقتها كنت صغيره ماكنتش هفهم تمنين لو عملتها ليا كان زماني اثبت لونس اني شريفه
ساره.... هو انت لسه عاوزه تنتقمي منه
مريم.... مش عارفه بس اللي عمله مش قليل كمان اتهمني في شرفي انا لو جاتني الفرصه انتقم
ساره..... طب انا عندي خطه انما ايه هتخلصك من ونس للابد
مريم.... خطه ايه قولي
صلوا علي محمد 🌺
بعد فتره روحت مريم علي البيت لقيت ونس لسه مرجعش والخدامه في المطبخ وراجيه في مشوار
ومافيش غير مرام في اوضتها قعدت شويه في اوضتها تفكر في اللي قالته ساره للحظه قلبها وجعها وفكرت تتراجع لاكن قالن ان ده حقها حست بزهق وخرجت من غرفتها متوجهه لغرفه مرام قبل ماتدخل سمعت صوت عياط
مرام بعياط وخوف..... ونبي ماتعملش كده علي شان خاطر ربنا
وفجٱة دخلت مريم عليها والاخري انتفضت بخوف
مريم بستغراب...... مرام مالك بتعيطي وكنتي بتكلمي مين
مرام بتمسح دموعها وقالت
مرام..... مافيش وبعدين انت مالك بيا
مريم بعصيبه.... انت مجنونه يعني دي جزاتي اني مهتمه بيكي وعاوزه اعرف مالك بتعيطي
مرام ببكاء..... مالكيش دعوه بيا يا مريم خليكي في حياتك
هديت مريم وصعب عليها شكل مرام قربت منها وخدتها في حضنها
مريم بحنان..... مرام انت اختي الصغيره وخايفه عليكي صدقيني انت الوحيده اللي بحبك من العيله عوزاكي تعتبريني اختك وتحكيلي كل حاجه بتحصل معاكي اذا كانت في المدرسه او غيره وهيبقا سر مابينا
مريم بخوف..... انا واقعه في مصيبه يا مريم وخايفه حد يعرف وانا مش واثقه في حد علي شان اقوله
مريم..... ماتقلقيش احكيلي وانا صدقيني مستحيل اخزلك
مرام خدت نفس وبدات تحكي لما حست بالامان
اذكروا الله
رجع ونس من الشغل ودخل غرفته لقي مريم واقفه في البلكونة بشعرها
ونس بضيق..... مريم تعالي البسي طرحه واطلعي اقفي براحتك
مريم انتبهت لوجوده ودخلت لجوه
مريم.... مافيش حد شايفني اصلا انا طافيه النور
ونس..... مش عارف ليه لما بكلمك لازم تجدليني ماتقولي حاضر وخلاص
مريم.... حاضر حاجه تاني
ونس.... ايوه انا هنام عشان تعبان شويه لو سالو عليا علي العشا قوليلهم اني مش جعان
مريم بقلق غير مبرر..... هو انت ايه اللي تاعبك
ونس..... شويه صداع
مريم..... طب اطلع اجبلك العشا هنا
ونس...... لا مش جعان لو جوعت ابقي اكل
ودخل اخد شاور وطلع نام كانت مريم طلعت وقالتلهم انهم مش هياكلو
ونس بستغراب.... انت مش هتتعشي
مريم.... لا اصلي اكلت من شويه
اوم لها ونس وراح علي شان ينام
بينما هي لم ياتي لها نوم بسبب احداث اليوم
يتبع
•تابع الفصل التالي "رواية قضية شرف " اضغط على اسم الرواية