رواية انتقام القدر الفصل التاسع 9 - بقلم انوش احمد و ولاء حامد

 رواية انتقام القدر الفصل التاسع 9 - بقلم انوش احمد و ولاء حامد

البارت التاسع

بيجاد دخل وهو شايل بوكيه ورد شيك وعلبه شيكولاته فخمه ووراه لينا ومازن

مريم بترحاب: يا اهلا وسهلا نورتونا وانستونا

بيجاد منورك بيكي يا فندم

مريم اتفضلو اتفضلو يا الف خطوه عزيزه دخل بيجاد ومريم شاورتلهم على اوضه الصالون حط الشيكولاته والورد على التربيزه وقعد جمبه مازن ولينا

غزل فتحت الباب نص نص وبصت من وراه وشافت هيئه بيجاد ولبسه بصتلهم بحقد :بقى غزل المقشفه المعفنه اللي كانت بتلف الشوارع وتقف علل النواصي تبيع حافيه وجربوعه تتجوز واحد زي داه طول بعرض وعضلات لا وفوق داه وداه غني وعنده شركات وهلومه كبيره ااااه طبعا وعشان كده فضلت تخبي وتداري وتقولك انا شغاله في شركه ومخبيه ومش عايزه حك يعرف عنها حاجه طبعا عشان كده مرضتش تقول هي بتشتغل فين ولا بتروح فين وتيجي منين وتلاقيها كانت مقضياها صياعه معاه وجايه تتشطر عليا وتعمل فيها الشريفه العفيفه الطاهره وهي دايره ترسم عليه مهو احلو في عنيها وعايزاه لنفسها منتي طول عمرك كده سماويه وغلاويه وسهنه من يومك بس على مين محدش عارفك ولا كاشفك يا قدر غيري ولا حد عارف حقيقتك غيري طول عمرك والسواد والغل ماليكي ومش عايزه حد احسن منك طبعا وانا اقول اللبس الغالي والبرندات داه ليه اتاري البيه صارف ومكلف عشان الصايعه تعرف تملا عينه وتزغللها طول عمرك بحورك غويطه حتى الفلوس مدكناها ومخبياها ومحدش يعرف عنها حاجه الا انتي عشان تفضلي انتي في نظر الكل وليه النعم ونفضل احنا محتاجين ليك

بس على مين اقسم بالله مبقاش غزل ان مكنت اخربها عليكي وادردكها فوق راسك وال ايه عربيه بالقسط وشقه راقيه طبعا مهي الهانم مقضياها معاه وبيدفع التمن وتلاقي امها عارفه ومطرمخه وجايين عليا انا ويعدوا عليا انفاسي بس الصبر حلو يا قدر الكلب والله وجيتي تحت ضرسي ولاطحنك طحن

الكل بين مشاعر مختلطه مريم فرحتها مش سايعه الارض ولا السما وغزل اللي الحقد ملا قلبها وعنيها وقدر اللي مش قادره لسه تستوعب وجودهم في قلب بيتهم وفتون اللي فرحانه لفرحة امها واختها

بيجاد قعد ومريم دخلت جري على اوضه قدر ايه يابت مالك قاعده متخشبه كده ليه زي لوح الابلاكاش

قدر مش عارفه يا ماما رجليا مش شيلاني وحاسه ان ركبي بتخبط في بعض

مريم بإبتسامه وحب وفرحه: معلش هي الخضه بس قومي واصلبي طولك كده وتعالي عشان تقدمي العصير للناس عيب دول بقالهم ياما قاعدين لوحدهم ودي قله زوق مننا

يلا قومي وتعالي وانا جمبك ومش هاسيبك

طلعت مع امها ودخلت المطبخ. شالت صنيه العصير وهي ايديها بتترعش من الخوف والتوتر

مريم بشخطه اجمدي يابت هاتوقعي الكوبايات يا معدوله

مشيت بخطوات بطيئه لحد ما اخيرا دخلت وحطت الصنيه وقعدت وهي بتنهج كأنها كانت في سباق

مريم نورتونا يا جماعه والله

لينا منور بيكي يا طنط

بيجاد حب يحسم الموضوع : طيب يا فندم انا اسمي بيجاد الكيلاني صاحب شركات الكيلاني جروب لشغل الهاند ميد وعندي اكتر من بازار مخصصه للبرندات على مستوى عالي في مصر وفي دبي وفي الرياض وفي الكويت واكتر من دوله

مريم بعفويه يا مشاء الله يا مشاء الله ربنا يزيدك ويباركلك يا ابني قادر يا كريم اللهم بارك يا ابني

بيجاد بتكمله: قدر بتشتغل معانا في الشركه من فتره مسؤله قسم التوريدات وبصراحه انا اشهدلها بالاحترام والالتزام والجديه وتفانيها في الشغل فبصراحه كده زي ما بيقولو شوفت فيها الزوجه اللي ينفع تشاركني حياتي وشوفت فيها ام اولادي ومش هاكدب ولا اخبي عليكي في إعجاب جوايا ليها قولت قبل ما مشاعري تتطور ادخل البيت من بابه ولو كان فيه إعجاب متبادل يبقى برباط شرعي ورسمي قدام الكل منعا للقيل والقال وانا جاي انهارده ويشرفني اني اطلب ايد الانسه قدر من حضرتك ولو حضرتك عايزه تسالي عن أي حاجه انا جاهز ومستعد لكل اسئلتك وطلباتك

مريم والله يا ابني احنا يزيدنا شرف واحنا بنشتري راجل بس عايزاك توعدني انك تاخد بالك منها وتحطها في عنيك والله يا ابني قدر غلبانه ومافيها الا لسان دي طول عمرها حماله اسيه وشافت كتير من الدنيا وشافت اللي مشافوش حد واتحملت اللي ميقدرش يتحمله حد ولا اشتكت ولا نحت ولا في يوم قالت وانا مالي وعليا بإيه طول عمرها واللي في ايدها مش ليها والله ما بقول كده عشان بنتي لا والله داه كفايه انها شالتني وشالت البيت بعد ما المرض نخر في جسمي وكله زي السوس

بيجاد وهو مخنوق من جواه بسبب كتر الكلام والمقدمات اللي ملهاش لازمه من وجه نظره بس قدر يتكلم ببرود وجديه: لا متقوليش كده يا فندم طوله العمر والصحه لحضرتك وهو احنا لينا بركه الا حضرتك

لينا بفرحه وهي بتبص لقدر: انا مبسوطه اووي يا قدر انك هاتبقى مرات اخويا ونعمل حزب مع بعض ونخربها بقى

بيجاد بصلها بغيظ

مازن ميل عليه :اهدا يا شبح مينفعش قلبت وشك كده انتا هنا تحت الميكرسكوب يعني أقل هفوه الكل واخد باله منها ومركز

بيجاد بصله وهز راسه بإقتناع: طيب يا جماعه مبدئيا كده نتفق على الخطوبه والذي منه

مريم ماشي يا ابني ادي الجمل وادي الجمال انتا طالب وصاحبه الشأن قاعده قولك ايه يا بنتي

قدر هزت راسها بكسوف ووش أحمر

لينا بفرحه ايوه بقى السكوت علامة الرضا مش كده ولا ايه

الكل ضحك على عفويه لينا

بيجاد طيب تحبوا نعمل الخطوبه فين المكان اللي يعجبكم نقدر نحجزه ونجهزه

قدر بتحمحمه وهي بتحاول تقدر تجمع الكلام انا بقول افضل لو عملناها عائليه هنا في الشقه انا مبحبش كتر الخبط والرزع والدش الكتير داه

بيجاد ابتسم بإرتياح مغابش عن عين مازن اللي زغده في جمبه من غير ما حد ياخد باله

بيجاد خلاص تمام يا جماعه يبقى على بركه الله ان شاء الله يوم الجمعه اللي جايه اللي من وراها هاتبقى الخطوبه لو الميعاد داه يناسبكم

مريم بصت لقدر اللي هزت رأسها

مريم ماشي يا ابني على بركه الله

لينا وليكي عليا بقى اجيبلك احسن ويدنج بلانر تعمل كل الديكورات للخطوبه في يوم او يومين

بيجاد تمام الموضوع داه مسؤليتك وبص لمريم وانا ان شاء الله هاجهز الجناح بتاعي ولو قدر مش عايزه تقعد معانا في الفيلا انا ممكن اجيب ليها فيلا منفصله

قدر لا لا ملهوش لزوم انا ولينا اساسا أصحاب

بيجاد اتنهد براحه تمام طيب بالنسبه للشبكه

مريم بتسرع:سبق وقولتلك احنا بنشتري راجل ودي هديتك لعروستك يا ابني هاتها حسب امكانياتك

بيجاد تمام انا هاخدكم بكره ان شاء الله ونروح للجواهرجي اللي بتتعامل معاه العيله ونجيب الدبل ولو عجبنا نجيب الشبكه بالمره

لينا بصدمه: ايه يا ابني حيلك حيلك هو سلق بيض

بيجاد بصلها مش فاهم

لينا يعني لسه قدامنا عشر ايام ممكن نبلغ الحواهرجي بداه ونروح بعد بكره وبعده ننزل نلف ونشوف الفستان ونتفق مع الويدنج بلانر كل حاجه واحده واحده بالهداوه

بيجاد بغيظ ماشي اللي يعجبكم دي أمور حريمي انا مش بفهم فيها اوووي

اتفقوا على كل حاجه ومشي بيجاد تحت رفض مريم

مريم والله عيب في حقنا تدخل بيتنا وتطلع من غير ما تاكل

بيجاد برفض والله يا ست الكل انا مش بأكل بالليل صدقيني المره اللي جايه ان شاء الله هاجيلك بالنهار

مريم ماشي بس المره دي مش محسوبه

لينا اكيد داه قدر بتقول على أكل حضرتك شعر والله يا طنط

بيجاد استأذن حضرتك سلام عليكم

مريم وعليكم السلام

قفلت الباب وهي بتبتسم مبروك يا قدر والله وكبرتي وبقيتي عروسه

غزل فتحت الباب بردح :الله الله الله تصدقي يابت دخل عليا الفيلم الحمضان داه

قدر بإستغراب :فيلم فيلم ايه داه بقى ان شاء الله

غزل برفعه حاجه وهي حاطه ايديها في وسطها وبتتهز يمين وشمال فيلم الراجل الغني اللي حب البت الفقيره لا يا روحي داه كلام رويات

مريم بصدمه قصدك ايه يابت

غزل بشر وهي بتبص لقدر بكره: قصدي ان المحروسه بنتك مقضياها والله اعلم انتي عارفه ومطرمخه معاها ولا مخبيه عليكي ومستغفلاكي وملبساكي العمه

مريم بصدمه رفعت ايدها وخلت القلم لف وشها النحيه التانيه

مريم بشخطه اخرسي قطع لسانك عدمه الربايه وناقصه طول عمرك غلاويه وسماويه زي اللي جابك مخدتيش منه إلا سواد القلب وعما البصر والبصيره يا واطيه

غزل بجنون بتضربيني عشان كشفت حقيقتكم ايه فكراني مختومه على قفايا ومصدقه ان العز اللي جه بين يوم وليله كان لله وللوطن ايه يا ربه الصون والعفاف قولي لأمك تمن الشقه داه ادفع ازاي والعربيه اللي دايره بيها يمين وشمال منين واللبس الغالي البرندات ياللي كنتي بتلبسي من الباله بتاعة الوكاله مين دفع تمنه عرفينا الليالي اللي بتغبيها بره البيت بتكوني في حضن مين يا شريفه يا عفيفه

مريم قلعت الشبشب ونزلت ضرب في غزل

مريم اخرسي يا واطيه انتي فاكره كل الناس فلتانه زيك يا وسخه قدر دي ضفرها برقبتك دي اللي شالتكم من الفقر ايه مستخسره فيها تعبها وشقاها دانتي سامعه الراجل بودنك وهو بيقول انها مسؤله التوريد في شركته بس اقول ايه اللي فيكي فيكي هاتفضلي طول عمرك زرعه فاسده وعود عوج مستحيل يتعدل وعمرك ماهاتتعدلي الا بكسرك يابنت الرفدي

قدر اترمت على الكرسي ودموعها الابيه نزلن بحرقه وحسره

مريم زقت غزل برجلها غوري من وشي الهي ما يطلع عليكي صبح وارتاح منك ومن شرك وهمك يا شيطان الانس اتفو عليكي وعلى اللي جابك

غزل زحفت لحد ما قدرت تقوم على رجليها من كتر الضرب اللي خدته ومحدش أتدخل لا فتون المصدومه في تفكير غزل ولا قدر المصدومه من نظره اختها فيها

مريم قربت منها بحده قومي يابت وامسحي دموعك دي انتي عروسه افرحي وهيصي واتنططي ودبي صوابعك في عين اتخن تخين مش دي اللي تستاهل تعكري فرحتك عشانها سبيها مسير الدنيا تعلمها وتعرفها ان الله حق سيبك منها

قدر بصتلها بأسي ووجع انسي ان بنتك

مريم ايوه تنسي دي كلبه ولا تسوي لما بتمشى في شارع وكلب بيهوهو عليكي بتسعريه ولا بتعمليله قيمه

هي زيها زي اوسخ كلب كمان سمعتي يابت ولا اعيده تاني

قوم وافرحي وخدت نفس كبير وزغردت بصوت عالي

قدر ابتسمت رغم دموعها

مريم ايوه كده افرحي داه الجبر بعد صبر وعوض ربنا ليكي طول عمرها بتكره الخير لكل الناس ارمي كلامها في صفيحه الزباله

قدر هزت راسها بحزن ودخلت اوضتها ونامت بحزن وهمست لنفسها لازم طول عمري فرحتي تبقى ناقصه ومخلوطه بالوجع الله يسامحك يا غزل على كلامك الله يسامحك

نام والكل في حال غير الحال

صبح الصبح الكل بيحاول يتناسي سم كلام غزل

قدر بصت بإستغراب على كرسي غزل

مريم بحده مسكوعه في اوضتها متشغليش بالك انتي بيها لما تتربى وتعرف ان الله حق تبقى تقعد وسط البني ادمين

قدر هزت راسها من غير ولا كلمه

فطروا وقدر دخلت نامت تاني وقضت اليوم كله ما بين النوم والصلاه بس

اخر اليوم لينا رنت عليها

لينا بفرحه: قدوره القمر حجي بتعملي ايه

قدر بإبتسامه باهته: ولا حاجه مقضيه اليوم نوم تحسي ان تعب السنين حل في اربعه وعشرين ساعه عليا

لينا عادي خلي جسمك يرتاح شويه وتبقى فايقه على العموم اعملي حسابك بكره هانعدي عليكم هانروح نجيب الدبل

قدر ماشي على أمته كده ان شاء الله

لينا ممكن على العصر

قدر تمام

مر اليوم بسلام وتاني يوم الكل اتجمع وراحوا مع بعض من غير غزل اللي محبوسه في اوضتها منبوذه

اخيرا بعد شد وجذب قدر اختارت دبله ومحبس شيك وبيجاد أصر يكونو الماظ

الكل شغال على قدم وساق وبيسابقو الزمن

قدر دخلت على امها مش كفايه على غزل كده داه الخطوبه بعد يومين

مريم عايزه ايه يا قدر قولي على طول

قدر خليها تخضر عيب في حقنا

هانقول للناس إيه

مريم بنفخه ماشي بس يمين بالله لو عملت اي حركه نقص كده ولا كده لجيبها من شعرها وسط الناس

قدر ان شاء الله مش هاتعمل حاجه خليها تنزل هي وفتون يجيبو فساتين

مريم طيب متروحي معاهم

قدر والله ما فاضيه متخافيش طول ما معاها فتون متقدرش تورب يمين ولا شمال

مريم :ماشي يا قدر لما نشوف اخرتها ايه

قدر ان شاء الله كل خير

يوم الخطوبه كانت المفجاءه للكل قدر جهزت سربرايز تحفه لبست فستان على الطراز الفرعوني مدموج بالتصميم العصري وكله مطرز بشغل الهاند ميد

بيجاد بصدمه من جمال الفستان: واو واو واو بجد يا قدر ايه التحفه داه

قدر بإبتسامه خجل شكرا

بيجاد بجد والله الفستان تحفه طبعا انتي اللي محلياه بصي انا خلاص اعتمدت التصميم داه

قدر بعدم فهم مش فاهمه قصدك ايه

بيجاد هاخد الديزاين داه وانفذه وينزل السوق داه هايكسر الدنيا

قدر ماشي مفيش مشكله

كانت غزل لبسه دريس قصير جدا مفتوح من فوق

وكانت حاطه ميك اب اوفر حتى ستايل شعرها كان اوفر

جت عين يزن علي غزل قرب من بيجاد بهمس وملامح الاشمئزاز باينه على وشه

بقولك ايه بص كده وشاور على غزل صحيح هي مين البنت اللي هناك دي دي كانها هربانه من شارع الهرم دي اكيد جات هنا بالغلط صح اصل مش معقول ده يكون ستايل واحده طبيعيه او بنت محترمه

بيجاد مش عارف والله بس على ما اظن انها اختها باين كده

يزن يا جدع انت عايز تقنعني ان دي اخت قدر حرفيا الفرق بينهم زي الفرق بين السماء والارض انا مش عارف الصراحه دول اخواتي ازاي او يمكن في حاجه غلط مش عارف

بيجاد والله ما اعرف يا ابني بس هو فعلا شكلها اوفر اوي ده هي لو قصده تقول للرجاله حد يجي يشقطني مش هتعمل كل اللي هي عاملاه في نفسها ده هو فعلا في حاجه غلط بس يلا اهو يوم وهيعدي ملناش دعوه بحد خلينا في نفسنا

يزن الصراحه هو منظرها ده انا مش مرتاحله بس يلا ان شاء الله خير ويكون احساسي غلط ولو اني اشك الصراحه

وبعد وقت جاه وقت تلبيس الدبل فغزل استغلت الفرصه وبدات انها ترقص بشكل جريء مبالغ فيه وملفت للنظر

يزن بقرف مش بقولك انا مش مرتاح للبنت دى شايف بترقص ازاي ولا كانها اجدع رقاصه في شارع الهرم هي ناويه تفضحكم اكيد اكيد في نيتها حاجه مش طبيعيه

بيجاد والله يا ابني بدات اتاكد ان كلامك صح وبصل لغزل بفرق من فوق لتحت

ومريم كانت قعده متغاظه من تصرفات بنتها اللي قاصده دايما تقلل من نفسها وتشوه سمعتها قدام الناس

قامت مريم بكل غيظ وسحبت غزل من ايديها من غير ما حد يحس واتكلمت بحده جرى ايه يا بنت المفضوح فضحتينا وجرستينا الناس تقول علينا ايه انت ايه يا بنت ما لكيش كبير عايزه الناس تقول علينا انك رقاصه وجايبينك بالنمره يعني انا قولت البت ربنا هداها وماله البنت فرحانه على اساس انه خطوبه اختها ومش عارف ايه لكن الاقيك يا اختي بترقصي ولا اجدعها رقاصه في شارع الهرم لا يا عين امك لو لمحتك متحركه من على الكرسي ده وعزه وجلاله الله لاخليك تباتي النهارده في المستشفى يا غزل انت فاهمه يا بنت ولا مش فاهمه

غزل بضيق فاهمه دي اخره اللي يعمل معاكوا حاجه عدله اصلا انتوا عيله نكديه اصلا وبتكره الفرح

قعدت غزل علي الكرسي جنب امها وهي بتنفر من الغيظ

مر يومين وقدر بدات ترجع تشوف شغلها مع عم حسين تاني

حسين مالك يا قدر يا بنتي فيه حاجه حصلت مزعلانكي قولي يا بنتي وفضفضي

قدر مش عارفه والله يا عم حسين بس حاسه بحاجه غلط اني اتخذت كده من الدار للنار

حسين ليه بس يابنتي ما انت بتقولي ان هو راجل جد في شغله وباين عليه ان هو ابن ناس فاكيد هيحافظ عليكي

قدر ابن ناس على عيني وعلى راسي جد في شغل ما قلناش حاجه بس انا مش عارفه اذا كان جد في مشاعره ولا لا

حسين يابنتي ما انتي كمان جد في شغلك و في مشاعرك ليه بتحسبيها كده قدر مش عارفه بس يمكن عشان كنت متخيله ان بعد كل القسوه اللي انا شفتها والمرار ما تخيلتش ان يجي حد ويصحي مشاعري والموضوع يبقى جد اوي كده وهتكون حياتنا بارده كانها تلاجه بالظبط

حسين وانت ايش عرفك مش يمكن التلاجه في الشتاء تبوظ وتبقى دفايه مثلا

قدر بضحك التلاجه لو في الشتاء باظت هتبقى الحاجه اللي جواها باظت وهتترمي كلها في الزباله

حسين بقولك ايه يا بنتي سيبي بكره لبكره ما تشيليش هم وخليها على الله يا بنتي

قدر ونعمه بالله بس يا ريت والله يا عم حسين اللي الواحد ما يشيلش هم بكره بس للاسف في حياتي دي من يوم ما فتحت عيني على الدنيا وانا بشيل هم الاسبوع كله من قبل ما يبدا حسين ادام انتي يا بنتي بتفكري كده يبقى مش هتعرفي طول عمرك ترتاحي ابدا اتصلي عقلك شويه اديله اجازه يرتاح من كتر التفكير شويه

قدر صلي على النبي يا عم حسين راحت ايه الراحه اخرها في التربه بعد عمر طويل أو قصير الله اعلم

حسين يا ساتر يا رب يخرب بيت كده ايه السواد ده يا بنت على الصبح ده المفروض ان انتي عروسه يعني داه كلام يتقال يا ساتر يارب منك

قدر اه عروسه ومالو يلا المهم انا لازم امشي بقا اشوقك بكرا ان شاءلله سلام عليكم

حسين ربنا معاكي يا بنتي وعليكم السلام ورحمه الله وبركاته

تاني يوم كانت قدر في اوضتها فجاه رن موبايلها باسم لينا ردت

قدر حبيبتي اخبارك ايه طمنيني عليكي

لينا الحمدلله بخير يا خطيبه اخويا ههههه

قدر ياجدع وده من اي وبعدين ما فيش حاجه اتغيرت من وقت ما اتخطبت لاخوك احنا اصحاب واخوات من قبل حوار الخطوبه ده اصلا ولا ايه

لينا اكيد طبعا يا قلبي انا بهزر معاكي المهم انا اتصلت بيكي عشان اقولك عايزاكي تيجيلي على الفيلا لان بيجاد هيجيبلنا كام كتالوج عشان خاطر نختار منه الديكورات اللي محتاجين نعملها قبل الفرح والفرش والخشب وطبعا حضرتك لازم تكوني موجوده لأنك العروسه يا عروسه

قدر بضحمه خلاص تمام ماشي مفيش مشكله هقوم اجهز واجيلك على طول مسافه السكه

وطقفلت معها وبعد وقت كانت قدى اخذت شاور وتوضت وصلت فرضها وجهزت نفسها ونزلت ركبت عربيتها واتحركت علشان تلحق وقتها وصلت الفيلا

لينا ها ياحب تحبي نقعد هنا ولا نقعد في الجنينه

قدر لالا خلينا هنا الجو بره برد والواحد جتته مش ناقصه

لينا اشطا ياقلبي هقوم اخليهم يعملولنا انتين هوت شوكليت لحد ما يجي بيجاد ونشوف

قدر هو ايه يا اختي الهوت شوكليت ده

لينا دي شيكولاته سخنه يا قدر هتعجبك اوي

قدر يا ستي قولي كاكاو الله يسترك بلاس عوجت لسان على العموم اهو اي حاجه تدفينا في ام البرد ده وخلاص مش مهم ايه هي

لينا ههههه ماشي ياستي

نص ساعه وكان وصل بيجاد ومعاه كذا كتالوج

وبدئوا يتفرجو علي الصور

قدر هي ايه يا اخويا الحاجات اللي انت جايبها لي دي انا حاسه كده ان الديكورات دي ما فيش فيها روح كئيبه كده يعني

بيجاد يا قدر لازم نختار ديكورات تليق مع المكان اللي هنكون قاعدين فيه يعني طبعا انا مش قصدي حاجه والله بس ديكورات الفيلا تختلف عن ديكورات الشقه تختلف عن ديكورات شقه في حاره فاهماني وبعدين احنا عايزين نشوف تصاميم غرف النوم عشان تختاري منها واحده

قدر وتجيبلي ليه تصاميم وحاجات غريبه ما تتفهمش ما اليوم اللي هنكون عايزين نشتري فيه اوضه النوم نطلع على دمياط ونجيب منها كل اللي احنا عايزينه بيجاد يعني انا جايبلك افخم واكبر معارض موبيليا وحاجات راقيه وانت تقوليلي دمياط

قدر ومالها دمياط هو انت هتلاقي زي عفش دمياط ومشبك دمياط

بيجاد مشبك ايه دلوقتي يا قدر انت عايزه تشليني بدري

قدر واشلك ليه بعد الشر ايه ما تعرفش يا اخويا المشبك القرص المدور ده وبعدين يا اخويا انت ليه محسسني ان انت اول مره تسمع عن دمياط دي محافظه من محافظات مصر يعني

لينا بأسلوب مرح طيب بصي يا قدر ياحبيبتي خلاص هقولك على فكره حلوه نروح الاول نشوف المعرض ونتفرج لو معجبكيش حاجه هنبقى نروح نشوف مشوار دمياط ده لان هتكون المسافه بعيده شويه حوار خمس ست ساعات هنشوف القريب هنا الاول لو الدنيا ما ظبطتش نبقى نروح دمياط على طول ايه رائيك كده يعتبر مسكنا العصايه من النص

بيجاد بعصبيه يقدر ما تسمعي الكلام بقى انت ليه غاويه تتعبينا معاكي

قدر بقولك ايه يا اخويا انت هتزعقلي من اولها احنا لسه على البر هي دبله اقلعها من صباعي زي ما لبستها والمصحف ونفضها بقى والصراحه انا بتلكك اصلا

لينا صلي على النبي ياحبيبتي ومعلش حقك عليا انا بس اسمعي مني المره دي ولو ما عجبكيش حاجه هنعمل اللي انت عايزاه

قدر خلاص تمام ماشي عشان خاطرك بس يا لينا

تاني يوم راحوا كلهم يتفرجوا على الحاجه لكن كانت صدمه قدر هي الاسعار

قدر هي فلوس اهلك كتير انت عارف لو رحنا دمياط كنت شفت الفرق الاوض كلها هناك بسعر الاوضه دي وهتوفر كمان صدقني

بيجاد كان هيطق منها قرب علي يزن وقال اقسم بالله انا لو فضلت معاها دقيقتين كمان انا هموت مشلول مجلوط محروق منتحر منها

يزن بضحك هدي اعصابك يا عريس امال هتعمل ايه في اللي جاي ده انت لسه في البدايه والجاي اتقل اشرب بقى منا فضلت اقولك

بيحاد اتقل من كده ايه ده انا شايل جبل على قلبي والله

يزن الله امال فين الرومانسيه والنحنحه

بيجاد الله هو انت كده خلاص استلمتني وهتشتغلني ولا ايه النظام

يزن لا يا صاحبي بس بفكرك انه كان اقتراحك فأتحمل بقى العواقب

بيجاد لا فاكر يا اخويا مش ناسي واتكتم بقى عشان هي واخده بالها مننا وشكلها مركزه ويمكن تكون مطرطقه ودانها معانا كمان

وبعد وقت قربت منه قدر وقالت بص دفعت كتير دفعت قليل العفش ده هيتكتب في القايمه

بيجاد هي اي القايمه دي مش فاهم

قدر متعرفش القايمه الورقه الطويله دي بيبقى مكتوب فيها كل حاجه ده انا حتى بفكر اكتب لك فيها فرد الشرابات

جز على اسنانه بغيظ وقال لينا بقولك ايه انا طالع استنى في العربيه لما تخلصي بلغوني وانا هدخل اعمل التشيك كامل

قدر اه انت عايز تخلع بقى ونقول لهم هنا اصل احنا معلش نسينا الفلوس في البيت لا يا باشا مش لعبه انا بنت سوق وفاهمه خليك واقف رجلك على رجلنا لحد ما تكيش

يزن ولينا مش قادرين يمسكوا نفسهم من كتر الضحك

وبيجاد هاينفجر من الغيظ

واخير وبعد وقت قضوه في الشد والجذب كانوا اخيرا خلصوا مسكت قدر الرسيت وبصت على المبلغ اللي هو دفعه

قدر يالهوي ليه ده عفش سرايا عابدين كلها بجلاله قدرها ما يجيش ب 200 300 الف وانت يا اخويا جاي دفعلي مليون جنيه في شويه خشب ليه يا اخويا الا يكونوا راحوا الاستوائيه جابوا لك الخشب من هناك وجم عملهولك عموله ليه ابن مين في مصر عشان تنام على نابوليا بمليون جنيه داه سنيه بنت عبد الغفور البرعي بجلاله قدره كان 62 الف جنيه وكان مستكترهم كمان

بيجاد وهي بيحاول يتحكم في اعصابه هو انتي دفعتي حاجه من جيبك

قدر تصدق انا غلطانه انا مالي

مرت الايام و كان بيجاد طلب شركه ديكور عشان تظبط الجناح ووصلت قدر قبل وصولهم وبدئت تتلفت في الجناح وتتفرج عليه وبصت لبيجاد بتفكير

قدر انت عارف انا عايزه اعمل ايه عرض أقل

•تابع الفصل التالي "رواية انتقام القدر" اضغط على اسم الرواية