رواية حصون هاوية الفصل الثامن 8 - بقلم دهب محمد
الفصل الثامن
عاد من الخارج بعد أن اطمئن على سير العمل ولكن فى طريقه إلى غرفته و أثناء تناول الطعام كانت نظرات أمه و عائشه غريبه لا يعلم كيف و لكنها تبدوا غامضه
تغاضى عنها و هو يكمل طعامه
خديجه : ماما فى رحله شرم عايزه اروحها
رفع رأسه و هو ينظر شزرا
زيد : تروحى لوحدك
خديجه : فيها اى منا رحت قبل كده الغردقه انا و عائش
نظر لها باتهام و هو يعيد النظر لخديجه
زيد : امتى حصل الكلام ده و ليه محدش بلغنى
عزه : أهدى يا زيد دى كانت رحله لتلات ايام تبع مركز معروف
صاح فيهم بقوه
زيد : ولا معروف و لا مش معروف مفيش سفر من غيرى
صاحت خديجه بدموع : ماما بصى بيقول ايه
زيد : انتى تخرسى خالص
عزه : خلاص بس خديجه ادخلى اوضتك و انا هتكلم مع زيد
نظرت لهم بدموع و هى تتجه إلى غرفتها بينما تتبعها عائشه التى ألقت بنظرات اللوم له
كانت أنظاره تتابعهم و خاصه هى موطن القلب و ما أن اختفوا عن الأنظار و اغلق باب غرفه أخته حتى عادت أنظاره إلى والدته التى تنظر له بغضب و لوم
عزه : تعالى ورايا
تبعها إلى غرفتها و هو يسير خلفها كطفل مذنب جلست أمامه
عزه : هاا ممكن افهم مالك متعصب على اختك ليه من غير سبب
زيد : يا ماما انا .....
عزه : ولا كلمه يا تقول الصدق ياما تخرج من الاوضه دى من غير كلام كتير على الفاضى
تنهد بقوه و هو يحاول أن يتمالك أعصابه و لا يجعل والدته تشك به
زيد : ولا حاجه يا امى انا بس مضغوط فى الشغل و حضرتك عارفه إلى حصل ...
تحشرج صوته و هو يكمل بصعوبه
زيد : الحا...دثه و من وقتها وانا بخاف على خديجه
عزه : شغل ايه يا زيد هو انت مش سبت المستشفى الى كنت فيها و لا رحت مستشفى تانيه
زيد : حاجه زى كده يعنى بخلص مصلحه لناس اعرفها
عزه : ناس كويسه ولا ليهم علاقه بحادثه ابوك
احمر وجهه غضبا و هو يحاول الا يظهر لها كذبه
زيد : ناس كويسه ...عن عنئذنك محتاج اريح شويه
يتبع عرض أقل
•تابع الفصل التالي "رواية حصون هاوية" اضغط على اسم الرواية