رواية انتقام القدر الفصل السابع 7 - بقلم انوش احمد و ولاء حامد
البارت السابع
قدر راحت لعم حسين وشدت كرسي وقعدت عليه بحزن قاعده وشارده منطقتش ولا كلمه
عم حسين بإستغراب من وضعها :مالك يا قدر قاعده شارده زي اللي زرعتها بطيخ وطلعتلها لفت
قدر وهي باصه للفراغ بتركيز شديد :بفكر
عم حسين بتفكري في ايه شاغل بالك اوووي كده ومخلي عقلك يلف زي الطحونه
قدر اتلفتت واتعدلت في قعدتها بفكر في موضع النقل
عم حسين ماله النقل محدش من السواقين قصر معاكي
قدر عارفه
عم حسين انتي مش بتاخدي حساب النقل من الجماعه اللي بياخدو البضاعه
قدر ايوه بس كده الحسبه مش جايبه همها
عم حسين يابنتي ازاي وأنتي بتقولي انهم بيدفعو الطاق ميه مش طاقين بس
قدر بنفخه بص يا عم حسين الطلبيتين اللي فاتو السواقين مكنوش تحت ايدينا وحملنا على عربيه واحده وداه في حد ذاته كان تعب وتاخير عليا وكمان اننا نضطر نجيب عربيات من بره بالغالي مش مضمون انا معرفش السواقين دول يعني كانوا معايا شغل مصلحه وقضيت طياري كده زي ما بنقول
عم حسين ايوه وبعدين دماغك دي فيها ايه بتفكري في ايه
قدر ياعم حسين اسمعني الله يخليك بص احنا بنجدد البضاعه اللي في المحل لانك شايف السوق ماشاء الله نازل فيها وكمان داه صيف يعني السياحه والسياح على ابوه والرجل في خان الخليلي كتير والطلب بقى كتير وفوق الراس نازل دق زي دق الشاكوش غير شغل الشركه داه المشاغل اللي بتعامل معاها من كتر الطلب بقت بتعمل ورديه واتين وتلاته كمان علشان يادوب يلحقوا يسدوا لأنهم مش عايزين يخسروا لقمه عيش وباب رزق اتفتح من اوسع ابوابه عليهم وبقوا شغالين على حس الشركه وطلباتها المستمره
عم حسين كل داه كويس بردوا ايه الي شاغل بالك في موضوع العربيات مش قضيت والحمد لله
قدر اه قضيت الحمد لله بس غلطه لازم اعمل حسابها في اللي جاي عشان اضمن انها متتكررش تاني
عم حسين بصبر ايوه وداه هاتضمنيه ازاي داه سوق يا بنتي والعربيه اللي بتلاقي مصلحه بتتوكل على الله تشوف رزقها عايزه توصلي لايه من داه كله
قدر اااايوه حلو الكلام جيت لمربط الفرس عايزه اعمل ايه علشان ميتكررش تاني
عم حسين يابنتي متخلصي عماله تلفي وتدوري وانا تعبت اجيبك يمين تيجي شمال اخلصي وقولي على طول انا راجل كبير منيش حملك في المناهده
قدر طيب اهدا كده الله بص بقى ع الدوغري عايزه اجيب عربيات
عم حسين بصلها واتلفت حواليه مين دي قصدك على مين
قدر بنفخه يا عم حسين ابوس ايدك ركز معايا بقولك انا عايزه اجيب عربيات نقل
عم حسين منا سمعت بس انتي عارفه انتي بتتكلمي في كام دي مبالغ يا بنتي ومش حاجه لا قليله ولا هينه
قدر عارفه ولو شايل هم الفلوس فاطمن وطمن بالك كمان الخير كتير وربك لما فتح أبواب الرزق فتحها من وسع ومادام فيه المصلحه يبقى وماله
عم حسين مصلحه ايه من عربيات يابنتي داه العربيه بيت تاني مفتوح قولي كلام غير داه
قدر طيب اسمعني كده وفتح دماغك معايا وانا هارسيك على اللي في دماغي تمام
عم حسين ماشي تمام قولي وانا سامعك
قدر بص بقى اول هام العربيات مكسب مش خساره ليه لأنها هاتبقى تحت ايدي منين ما احتاجها وتاني حاجه يبقوا مضمونين واضمن انها ميبقاش فيها جشع ولا خيانه تاني هام العربيات مش هاتخسر بالعكس دي هاتصرف على نفسها ومكسب ليا لما احتاجها موجوده والوقت الفاضي تطلع تشتغل تصرف على روحها وتكفي مصاريفها وتدخلي دخل انا كمان من نحيه تانيه يعني ايه في كلا الحالتين مكسب وراحه ليا ولغيري فهمت اللي في راسي
عم حسين فهمت يا ابويا عليكي دانتي الدنيا طحنت عضامك اووي يا قدر وكبرتي ودماغك بقت توزن بلد جبتي الشطارة دي منين يابت وبقيتي بتفكري في كل حاجه كده ازاي
قدر بإبتسامه هم من الدنيا يا عم حسين الدنيا عايزه المصحصح فيها مش عايزه التايه وعشان كده بقيت بحسب كل حاجه حواليا بالورقه والقلم واخططلها بالمسطره
عم حسين ومادام عقلك شغال كده مجبتيش ليه حته عربيه واديكي اهو بتقولي القشيا بقت معدن والحال عال واهو تبقى تحت رجلك وترحمك من بهدلت المواصلات والتكسيات وفي مشاوريك تبقى مقضياك ومكفياك
قدر غمضت عنيها بإرهاق نفسي والله بس مينفعش عندي واحده في البيت واقفالي بالسقر والنضاره مستنيه مني الهفوه عشان تقول شوفو الكبيره بتعمل ايه وبتسوي ايه وما تصدق بقى تمسكها عليها وهي مش طيقاني لله في لله خلقه
عم حسين غزل بردوا
قدر ايوه يا عم حسين همي في الدنيا اللي حاني اكتافي ومش لقياله حل
عم حسين معلش يا بنتي هوني على روحك بكره تكبر وتعقل وتعرف انك بتعملي لمصلحتها
قدر بكره أمته بس لما اموت ربنا يهدها لاني خلاص قربت اجيب اخري منها
عم حسين معلش انتي الكبيره بردوا
قدر شوحت بإيديها بلا كبيره بلا نيله دانا كبيره في المصايب والبلاوي وبس اديك شايف اهو حته عربيه مش عارفه اجيبها وعامله حساب لحته عيله
عم حسين بتفكير طيب متقوليلها جبتيها قسط وهي يعني هاتنزل وتسأل وتدور وراكي
قدر بلمعه عنين تصدق فكره كانت تايهه عن دماغي خالص هافكر فيه واشوف هاعمل فيه ايه راخر
عم حسين بنصيحه ايوه يا بنتي عايزك تفكري في روحك شويه زي ما بتفكري في كل حاجه الشغل وبيتك وأهلك واخواتك وناسيه نفسك يا بنتي بري روحك ومتعي نفسك محدش هايفكر فيكي ولا يبرك لو مبرتيش نفسك غيري لبسك اللي ايح وارح عليكي داه دانتي بقالك سنين مغيرتهوش طب الأول كان مفيش دلوقتي كمان ايه اللبسي واتدلعي وعيشي حياتك بصي لاخواتك بيلبسوا اخر اللاجه وانتي لسه عامله زي حته الصاج المصديه داه حتى المثل بيقولك لبس البوصه تبقى عروسه وانتي عروسه قمر وتشرح القلب عامله زي الورده بس مستخبيه في كوم زباله
قدر بتهكم: عروسه ايه ونيله ايه بس يا عم حسين اسكت الله يسترك داه كفايه ابويا واللي عمله فينا كرهني في صنف الرجاله وفي كل ما هو مكتوبله دكر في البطاقة داه لولاك كان زماني معتزله جميع الرجال ولا اتعاملت ولا حتى هوبت يميتهم وكنت هربت منهم بالمشوار
عم حسين بحزن من حالتها يابنتي صوابعك مش زي بعضها دول خمسه غير بعض كل واحد غير التاني وكل واحد وبشكل وطبع غير التاني يبقى ليه احطهم في كفه واحده حسبتك كده غلط وخسرانه
قدر بحرقه بس كلهم في الأول والآخر موجودين في ايد واحده وكفه واحده ان وجعك واحد منهم بيخلي الباقي ينأح عليك ويخليك لا طايل موت ولا طايل حياه من كتر الوجع فأريح اخليني بروحي وابعد عن الشر واغنيله وارقصله كمان
عم حسين بحزن على حالتها ربنا يعوضك خير يا بنتي ويرزقك باللي يعوض قلبك ويطبط عليه ويعوض صبرك خير ويجازيكي عن اللي شوفتيه في حياتك راحه
قدر بحب صادق اللهم امين ادعيلي يار راجل ياطيب دعواتك من بعد اكي هي اللي بتريحني وتحسسني ان الدنيا لسه بخير المهم بص انا هاسيبلك موضوع العربيات داه وشوف الدنيا ماشيه فيه ازاي وهاتعمل ايه وبلغني وانا معاك مش هاسيبك بردوا لوحدك بس انتا راجل ودايس في السوق وتعرف مين يجيبلك المضبوط
عم حسين ماشي متشليش هم اعتبريهم عندك انا هاطقسلك واشوفلك الأنواع واقولك على احسنهم وسعر كل واحده جديده ومستعمله وهاتصرف قد إيه في التراخيص والتسجيل والذي منه وهاجيبلك كل حاجه خالصه مخلصه
قدر ماشي كلامك يا حجوج
يلا اطير انا
عم حسين هز راسه بياس منها :ربنا معاكي يا بنتي ويحفظك قادر كريم
طلعت قدر واتمشت شويه وكلام عم حسين بيرن في ودنها لو مبرتيش روحك محدش هايبرك
وقفت وبصت لانعكاس صورتها في بترينه ازاز :والله عنده حق ايه القرف اللي انا فيه داه انا عامله في ورحي كده ليه وعشان ايه اذا كان غزل ولا فتون اللي قاعدين مرتاحين بقوا بيلبسوا على الموضه حتى امي نفسها بقت بتجيب العبايات الغاليه وتلبس وتهتم بروحها وانا اللي تعبانه وشقيانه وطفحانه الكوته لسه مهلهله في روحي على قولتك يا عم حسين الكل عمال يدلع روحه يعني جت على ارمط الغلبان
وطلعت التليفون واتصلت بلينا
قدر بضحك صباحو يا قمر ايجيبت
لينا بضحك صباح الخير يا قدر عامله ايه
قدر عامله هم ما يتلم اكبش واديكي شويه
لينا بضحك يا ساتر يارب ليه كده بس يا بنتي في ايه
قدر مفيش بقولك ايه فاضيه
لينا بإستغراب اه فاضيه في النادي في حاجه ولا ايه
قدر بصراحه اه ينفع يعني نتقابل ولا وراكي حاجه مهمه
لينا :تؤ فاضيه تحبي تيجي النادي ولا نتقابل بره
قدر لاء خليها بره مش جو الأماكن دي فقر بعيد عنك
لينا تمام استناكي فين ولا اعدي عليكي احسن
قدر بصي ممكن استناكي عند الكافيه اللي شوفتك فيه اول مره
لينا اوكي لو عايزاني اعدي عليكي في مكان تاني مفيش مشكله انا معايا عربيتي
قدر تسلمي يا قمر
بس خلينا فيه عشان يبقى قريب
لينا قريب من ايه
قدر يا اختي متستعجليش متبقيش زي اخوكي لما نتقابل هاتعرفي
لينا بضحكه اوكي يا ستي مسافه الطريق وابقى عندك وهو كده ولا كده قريب منه
قدر اشطا يادوب اللحق اوصل سلاموز
وقفلت وخدت تاكسي وقالتله العنوان
قدر بصت من الشباك ياااه يا قدر الطريق داه كان السبب ان كل حياتي تتغير سبحان الله الأول كنت باخده كعابي لما رجليا تشتكي ودلوقتي بقيت بركب تكوسه وبدفع بقشيش كمان سبحان الله والحمد لله على كل حال
وصلت وكانت لينا في العربيه
قدر وهي بتحضنها ايه أخرت عليكي
لينا لاء لسه واصله يادوب من كام دقيقه يعيني خير في حاجه ولا ايه
قدر بصي بصراحه كده عايزه اجيب شويه هدوم وادلع روحي ومش عارفه اروح فين ولا اجيب منين وقولت انتي اللي هاتنجديني
لينا متشغليش بالك سبيلي نفسك خااالص بس إيه سر التغيير داه كله
قدر رفعت كتافها حسيت اني محتاجه اهتم بروحي شويه
لينا بصراحه انتي فعلا محتاجه تعملي نيو لوك كامل هو متأخر شويه بس كويس انه جه
قدر طيب من غير رغي عشان منتاخرش هانروح فين ولا هانبداء منين
لينا هانشوف اللبس الأول وبعدين نشوف الباقي
قدر باقي ايه انا كل اللي عايزاه شويه لبس حلوين لا اكتر. لا أقل
لينا بس يابت انا قولتلك سبيلي نفسك خاااالص يلا يلا
ركبوا ونزلو عند مول كبير
قدر ميلت على لينا بهمس احنا جينا هنا ليه
لينا هانشوف اللبس يلي ومش كل حاجه تسألي عليها دخلو محل ملابس كبير قدر مسكت بنطلون جينز عجبها واول ما بصت على التيكت شهقت بصوت عالي يالهوووي طلعيني من هنا يا اختي حد قالك ان ابويا وارث خالي اللي في البرازيل
لينا بخضه ايه ايه في ايه اللي حصل
قدر بتبرقه عنين وهي بتعدل التكت قدام لينا بنطلون ايه داه ابو ست آلاف جنيه ليه اللي بيلبسه بياخد جايزه ولا فيه رجلين و بيمشي لوحده كان ماله المنطلون ابو 200 جنيه كنت بجيبه وانا حاسه اني برنسيسه في نفسي كده ومنوره الحته
لينا بتفهم في ايه يا قدر مالك عامله كل داه ليه انا عارفه انك بتكسبي كويس وكويس جدا كمان يبقى ليه تبخلي على نفسك مادام الحاجه عجباكي
قدر ماشي مقولناش حاجه بس مش لدرجه اني ادفع ست آلاف جنيه في حته قماشه
لينا بتعقل وشرح يا قدر انا الاوت فيت اللي انا لابساه داه تمنه اكتر من عشرين تلاتين الف جنيه
قدر يا ستي الله يزيدكم انتوا ناس عندكم شركات ومحلات اللهم بارك انا واحده على باب الله شوفيلي حاجه على قدي الله يسترك
لينا بحده الكلام داه تقوليه لحد غيري واسمعيني كويس اوي يمكن محدش هايقولك الكلام داه او مش هاتسمعيه تاني الحياه بتتعاش مره واحده بس بنطلع من الدنيا فاضيين لا بناخد ابيض ولا اسود ولا فلوس بتنفع ولا عربيات بتشفع ولا شركات هاتفيد مش هتاخدي غير اللي اتمتعتي واستمتعتي بيه في الدنيا مادام معملناش حاجه تغضب ربنا ولا استخدمنا النعم دي في اذيت الناس بالعكس داه ربنا سبحانه وتعالي قال بسم الله الرحمن الرحيم
((وَأَمَّا بِنِعْمَةِ رَبِّكَ فَحَدِّثْ))
صدق الله العظيم
در ونعمه بالله يابنتي انا مقولتش حاجه بس برضو يعني
لينا بس برضو اي بس يا قدر هتبخلي على روحك يعني هتصرفي كام الف مثلا عشرين تلاتين اربعين يا ستي وحتى لو وصلت ل 100 الف جنيه اهتمي بنفسك يا قدر ودلعيها انا كنت عايزه اقولك كده من زمان بس خفت لا تفهميني غلط وتزعلي مني
قدر بتفكير والله لينا معاها حق وايه يعني لما اشتري شويه لبس ما هو كلو بتعبي وشقايه يعني هو من مالي ولا يهنالي
قدر معاكي حق يا لينا بقول لك ايه يلا نقوم نشوف هنشتري ايه
لينا ايوه بقى هو ده الكلام المظبوط واخيرا يا شيخه داه انتي طلعتي روحي
وفعلا بدئوا يلفوا في المول وبدات قدر انها تشتري لبس كتير بإستايلات حديثه وشيك لكل المناسبات وبعد وقت طويل كانوا خلصوا وخلصو من التعب وقعدوا في الكافيه
قدر بتعب ااااه حاسه ان رجليا ورمت منك لله يا لينا يا بنت ام لينا
لينا بضحك ايه يا بنتي ماكنوش كام ساعه دول اللي عملو فيكي كده دانتي في الشغل حوت
قدر اه وباحي مكسحه كام يوم بتقتل نوم من التعب المهم فكرتيني بقولك ايه انا بفكر اشتري عربيه بس مش عارفه اجبها منين ولا ايه النوع المناسب بصراحه يعني
لينا هو الصراحه معاكي حق انتي فعلا محتاجه العربية ياقدر انت بتروحي وبتيجي كتير فلازم عشان تريحي نفسك من بهظله المواصلات تجيبي فعلا عربيه
قدر يا اهتي ليدي على كتفك شوفيلي نوع بس يكون في الحنين وانا معاكي بدل ما اتسك على قفايا وانا ميح فيهم بصراحه
لينا ماشي متشليش هم خالص
وهما اعدين قرب عليهم راجل طول بعرض
مروان اخبارك ايه يا لينا طمنيني عليكي
لينا اهلا مستر مروان انا الحمدلله بخير وانتا اخبارك ايه
مروان الحمدلله بخير بص لقدر بإستغراب مين الانسه حد نعرفه اصل شكلها غريب عنك
لينا بهدوء دي وحده صحبتي
مروان بص علي شكل لينا وشكل قدر بستغراب
لينا لاحظت ملامح الاستغراب اللي باينه على وشه وسكتت
مروان غريبه استايل لبسها بسيط مش زيك خالص ولا زي كل اصحابك شكلها وجه جدبد
لينا ماتستغربش يا مستر مروان مش شرط ان كل اصحابي يبقى لازم نكون نفس الستايل والافكير ولا ايه وبعدين هي كان عندها ظروف وحاليا جايين نعمل شوبينج وكده يعني تقدر تقول بنظبط نفسنا
مروان مد ايده لقدر انا مروان نصار صاحب شركه النصار جروب
قدر اهلا وسهلا بحضرتك اتشرفنا
وقبل ما قدر تقول اسمها
لينا بتغيير للكلام
يلا يروحي بقا عشان منتاخرش اكتر من كده
عن اذنك يا مستر مراد
واخدت قدر واتحركوا بسرعه من المكان وبعد وقت كانت وصلت قدر تحت بيتها
لينا بقولك هعدي عليكي بكرا عشان نشوف موضوع العربية ده في معرض انا اعرفو كويس اوي فمتقلقيش ولا تشيلي هم
قدر خلاص تمام ماشي بس بالله عليكي متفتحيش علي البحري الله يسترك خليني في الحونين انتي عارفه كلام الناس مبيخلصش والكل هيسال جابت الفلوس منين وانا لا هاعرف أوضح ولا ابررلهم
لينا بستغراب اي ده هو انتي مش معرفاهم ولا ايه بالظبط
قدر مش كل حاجه ينفع تتقال يا لينا انا معرفاهم اه بس مش معرفهم انها فتحه معايا علي البحري لان مش كل حاجه ينفع تتقال ولا ينفع كل الناس تعرف في حاجات القليل فيها بيكفي فهمتي قصدي
لينا اه خلاص فهمت على العموم نتقبال بكرا ولينا كلام تاني يلا باي
قدر تمام ربنا معاكي
ونزلت قدر و طلعت البيت وهي معها شنط كتير جدا
غزل بحقد وهي بتبص على الأكياس ااه هو الحوار كده بقا ناس عايشة براحتها وعلى كيفها تروح وتيجي في نصاص الليالي من غير ما حد يقولها حاجه وانا لو طلعت واتاخرت ساعه بتعملولي مناحه وتنصبولي محكمه
قدر انا مكنتش بلعب ياحيلة امك انا كنت بشتغل وطفحانه الدم عشان حضرتك وعشان البيت داه يفضل مفتوح
فتون وهي بتقلب في الاكياس الله يا قدر اي الحاجات الحلوة دي
قدر بإبتسامه ولا حاجه ياحبيبتي جبت شويه لبس لنفسي قولت ابر روحي من وقت ما جينا هنا وانا مجبتش لنفسي اي حاجه بسبب طحنة الشغل اللي مبتخلصش. ةبيني وبينك معنديش غير البس القديم اللي جبتو من شقه الطالبيه
مريم حقك يا حبيبه قلب امك كلو من تعبك وشقاكي بري روحك يا بنتي وعيشي حياتك وسنك بلاش تكبري روحك قبل أوانها الكبر جاي جاي افرحي بشبابك
قدر هي اي العبارة بالظبط كل اللي رايح وجاي يقولي بري روحك هو انا كان ميؤس مني للدرجادي
مريم انتي بتقولي ايه يا بنتي انا مش فاهماكي
قدر لا لا ةلا حاجه يا مامت متشغليش بالك يا ست الكل
قدر بدئت تطلع اللبس وتفرجهم عليه وهي فرحانه
غزل بحقد والله يا قدر ونضفتي وبقيتي تعرفتي البرندات
قدر بضحكه سخريه زي ما نضفتك وعرفتهالك بفلوسي وتعبي بالظبط مهو مش حلال ليكي وحرام عليا
غزل قصدك اي يا قدر ها
قدر كل واحد عارف قصد التاني واللي في دماغو واللي على راسه بطحه انا دخلة انام يا ماما عشان عندي شغل الصبح
دخلت قدر اوضتها اخدت شاور وغيرت هدومها ونامت و تاني يوم الظهر صحيت وهي حاسه براحه لاول مره من سنين
اتوضت وصلت فرضها وبعد ما خلصت مسكت الموبايل واتصلت علي لينا
قدر صباحو فل ياحب اخبارك ايه
لينا بإبتسامه صباح النور انا الحمدلله بخير وانتي
قدر الحمدلله بخير المهم هنتقابل كمان نص ساعه زي ما اتفقنا ولا نسيتي
لينا لا خالص فاكره انا هقوم اجهز اهو مش هتاخر متقلقيش
وقفلت معاها ولبست بسرعه ونزلت وصلت لينا وركبت معاها وراحو المعرض عشان قدر تشوف العربية
قدر بقولك ايه انا عايزه حاجه كده محندقه على قدي وعلى قد الايد منا مرسياكي على اللي فيها
لينا تمام تعالي نشوف الأول وانا هاقولك على الانواع المناسبه كمان
بعد لفه طويله بين العربيات استقرت قدر على عربيه هيونداي سودا
لينا طب الحمد لله احنا اخترنا العربيه المهم بقى بتعرفي تسوقي
قدر والله ابدا يا اختى ده انا حتى ما بعرفش اسوق عجله تقولي عربيه مرخ واحده
لينا طيب دلوقتي هتعملي ايه جبنه العربيه اكيد مش هاتركنيها يعني
قدر مش عارفه والله يا لينا
لينا مينفعش تقولي مش عارفه مفيش غير حل واحد وهو انك تتعلمي السواقه
قدر وداه أمته وكيف اصلا منتي عارفه السحله اللي انا فيها
لينا مش مشكله خالص موجود مدارس تعليم سواقه العربيات
قدر لا بالله عليكي انا لا فايقه ولا فاضيه فكك بلا مدارس بلا وجع دماغ هو بعد ما شاب ودوا الكتاب
لينا امال هتعملي ايه ان شاء الله
قدر دماغي فصلت مش عارفه الصراحه بقولك ايه طيب ما تعلميني انتي
لينا صدقيني انا مش هاعرف افيدك في الموضوع داه بالذات لان زي ما فيها شرح نظري فيها تطبيق عملي
قدر مش عارفه خصوصا اني ابقى قاعده جمب راجل يقولي اعملي وسوي
لينا لو دي المشكله سهله في بنات بتدرب في كل مدرسه سواقه
قدر بنفخه مش عارفه سبيني افكر في ام الحوار داه ولما اقرر هاقولك
لينا مش هاسيبك لسه تفكري انتي يومك بسنه عايزه تتحطي قدام الأمر الواقع علشان تنفذي يلا يلا انا مش هاسيبك انهارده
تحت اصرار لينا ركبت قدر ووصلوا لمدرسه تعليم سواقه اشتركت قدر وحددت جدول كل يوم ساعتين علشان لا تأثر في الشغل ولا تأثر في البيت
مر
هو اخذتها لنا وحملت لها تسجيل في مدرسه السواقه وبدات تروح قدر كل يوم ساعتين بتتعلم وبعد مرور شهر ونص كانت قدر اتعلمت السواقه وقدرت انها تطلع رخصه سواقه
قدر بفرحه وهي ماسكه الرخصه شايفه يا لينا قدرت وعلمتها
لينا بضحك اللي قادره ع التحدي وع المواجهه
قدر ايوه بقى كلام الشعارات اللي لا بيودي ولا بيجيب
لينا طيب هاتعملي ايه دلوقتي
قدر هاخد جوله كده بالعربيه لوحدي
لينا طيب you Have a nice time
قدر ليه انتي مش هاتيجي معايا
لينا No بصراحه ورايا مليون حاجه
قدر اشطا على تليفونات بقى
قدر ركبت العربيه بفرحه طفله صغيره فرحانه بلبس العيد وبدرت تلف وتتفرج على البلد
لينا روحت الفيلا كان بيجاد موجود
قعدت معاه
لينا طمني اخبار الشغل ايه
بيجاد فوق الممتاز تقدري تقولي كده ملكنا السوق بإيد من حديد
لينا اخبار تفرح ادعيلي بقى علشان انا اللي عرفتك على قدر
بيجاد فعلا قدر دي عامله زي طاقه القدر اللي اتفتحت
لينا اه صح نسيت اقولك مش احنا قابلنا مروان نصار في المول من فتره
بيجاد مروان نصار
لينا اه قابلناه في المول
بيجاد قبلتوه قصدك قابلتيه انتي واصحابك هناك
لينا لا مش صحابي كان معايا قدر بس
بيجاد بقلق وعرفها او اتكلم معاها عرف هي مين وعلاقتها بيكي ايه ولا ايه اللي حصل بالظبط.
لينا مالك يا بيجاد اهدى ما فيش حاجه حصلت لكل التوتر والقلق ده انا مديتوش الفرصه انه يتكلم معاها اصلا وبعدين انت مالك اتخضيت اوي كده ليه في ايه فهمني
بيجاد انتي عارفه كويس ان مروان نصار العلاقه ما بينا مش احسن حاجه وهو ما بيقبلنيش وبيدور على اي حاجه يوجعني بيها في السوق
لينا ايوه انا عارفه كل داه بس برده مفهمتش ايه علاقه داه بقدر
بيجاد هو انتي ناسيه ان هو اكتر من مره حاول انه يضربني في السوق ويوقعني دانا اكتشفت اصلا بعد ما اجرت المصنع ان اغلب الديزاينر راحوا عنده وهما اصلا كانوا بيتعمدوا انهم يقلدوا الديزاينرات وما يعملوش فيها اي جديد بسبب اتفاقهم معاه واخدين منه فلوس علشان يعملوا كده ويوقعوا الشركه واسمنا في السوق
لينا لا يا بيجاد بلاش تظلم حد وانت مش متاكد لان السوق مفتوح للكل مش معني ان فيه منافسه بينكم ان كل حاجه تحصل ترميها على غيرك
بيجاد انا ما بظلمش حد من غير دليل وبرهان قوي كمان انا بقولك على اللي حصل تفسري بإيه ان كل الديزاين اللي كانوا شغالين معانا راحو عنده ها ليها تفسير تاني عندك طيب لو واحد أو اتنين كنت قولت ممكن فرصه كويسه مش كلهم
لينا بصدمه انت بتتكلم جد
بيجاد اه والله داه حصل فعلا وتقدري تتاكدي بنفسك او تسالي يزن كمان علشان كده قلقت لماعرفت انك قابلتيه بس المهم هو عرف قدر واتكلم معاها
لينا لا بصراحه انا حسيت ان انا مش مرتاحاله حتى قبل ما اعرف الكلام اللي انتا قولتهولي دلوقتي وقدر اساسا ماعرلوش وانا مديتهةش الفرصه حتى قبل ما تتكلم ولا تعرفه بنفسها يعني حتى مذكرتش اسمها قدامه ومشينا قبل ما يفتح اي مجال للكلام
بيجاد اخد نفس براحه طيب الحمد لله المهم انتي كنتي فين كده اصلا
لينا كنت مع قدر بقالي فتره كانت بتعمل شوبينجزيا سيدي ونيو لوك واشترت عربيه كمانو
بيجاد باستغراب هي قدر دي بتعرف تسوق اصلا علشان تجيب عربيه
لينا هو انتا مالك مستقل بيها اوي كده ليه
بيجاد لا ابدا مش استقلال خالص انا يعني بس استغربت مش اكتر
لينا بعدم اقتناع جايز
الشركه كان قاعد بيجاد وهو مخنوق ودماغه عماله تروح في كل اتجاه
دخل عليا يزن
يزن مالك يابني في ايه تاني
بيجاد مروان نصار قابل قدر
يزن بصدمه ايه ده اللي هو ازي وبعدين شافها فين وازاي واتعامل معها أمته ويعرفوا بعض منين
بيجاد هو لا شفها قبل كده ولا اتعامل معها هو شافها مرة مع لينا وهما في المول بس لينا مدتهمش فرصه يتكلمو
يزن طيب كويس بس هو انت قولت للينا حاجه
بيجاد لا طبعا مقولتش حاجه بس هي حست انو في حاجه
يزن والله يابني اختك دي احساسها مبيخيبش بس المهم دلوقتي انت ناوي علي اي بالظبط لان مروان بطبعه فضولي وممكن لا داه اكيد هايفضل يدور وراها
بيجاد صدقني مش عارف اعمل ايه واتصرف ازاي كل حاجه عماله تيجي ورا بعضها ومبقتش عارف اركز في ايه ولا ايه
انا لو كنت خايف قيراط دلوقتي خايف اربعه وعشرين قيراط
يزن طيب و انتا هتعمل ايه او ناوي علي ايه مظنش إنك هاتسيب الموضوع مفتوح كده لحد ما نلاقي الخبطه جات في مقتل
بيجاد هو في حاجه في دماغي لو ظبطت تبقى ضربه معلم وبعدها مهيبقاش فيه خوف تاني
يزن ايوه اللي هي ايه بقى لحسن انا عارفك كويس اوووي خلينا نفكر مع بعض
بيجاد سيبها لوقتها هيكون احسن أكون عرفت اظبطها صح وبعدين هبقا اعرفك في وقتها
يزن خلاص تمام ماشي اللي يريحك بس يارب متكونش بتجهز مصيبه
بيجاد بصله وسكت ومنطقتش
بعد مرور كام يوم كان ميعاد قدر مع بيجاد ولينا لبست طقم شيك وظبطت نفسها ونزلت ركبت عربيتها وراحتلهم
بيجاد اول ما شافها انبهر و نظرته ليها اتغيرت وعجبته ابتسم بمكر وقال بينه وبين نفسه
بيجاد اللي يشوفك دلوقتي ما يشوفكيش اول مره جيتي
فيها
لينا بحب صادق واخيرا قررتي انك تسوقيها
قدر يا شيخه اسكتي ده انا طول الطريق وانا عمالة اتشاهد وحاسه اني نسيت كل اللي اتعلمته
لينا معلش هي في اولها بس مش اكتر وبعد كده هتتعودي
قدر الله المستعان
بيجاد طيب مش نتكلم في الشغل افضل
قدر اكيد وقعدوا كلهم يشوفو ايه الطلبيه الجديده وقدر بتعرض عليهم أحدث صور لكل التصميمات الجديده
واخيرا بعد ما استقروا على المطلوب
بيجاد هتحتاجي وقت قد ايه علشان تكوني جاهزه
قدر لا ما تشغلش بالك انت شوف بس الطلبيه اللي انت محتاجها وانا هظبط كل ده اظن الشغل بينها مش لسه اول مره
بيجاد تمام انا كده عرفتك المطلوب كله وطلع شيك وكتبه ومد ايده لقدر داه العربون زي كل مره وبحبحت ايدي فيه اهو
قدر ابتسمت خلي قلبك ابيض
بيجاد بإبتسامه زادته جاذبيه ماشي يا ستي
خلصو كلام في الشغل و قدر مشيت
لينا اخدت بالها من نظرات بيجاد مالك يابني بتبصلها كده ليه
بيجاد لا ابدا بس مستغرب اللي يشوفها دلوقتي ميصدقتش شكلها ومنظرها الاول شتان بين دي ودي
لينا وايه المشكله مهو كله من تعبها وشغلها وعلى ما اظن ان من ابسط حقوقها انها تشوف نفسها بعد كل التعب اللي هي فيه
بيجاد ايوه يا لينا تشوف نفسها ما فيش مشكله عندي بس اهم حاجه ما تشوفش نفسها علينا احنا
لينا يا ابني هو انت ليه بتحسبها كده انا مش فاهمه بجد والله وبعدين قدر عمرها ما عملت حاجه تثبت انها بنت مش كويسه
بيجاد يا بنتي انا ما قلتش كده بالعكس انا منبهر بيها وبطموحها
لينا باستغراب منبهر طب كويس والله
غزل عرفت ان قدر جابت عربيه
غزل طيب بما ان الدنيا بقت معاكي حلوه وماشيه سالكه زي السكينه في الحلاوه انا كمان عايزه عربيه زيك ولا هو حلال ليك وحرام علينا
قدر حاضر لما ابقى جايباها من مال ابويا هبقى اجيبلك واحده دانا حيلا جايباها قسط يا حبيبتي وبكع تمنها من الشغل بدل بهدلتي رايح راجع في المواصلات وقرفها وبعدين احسن مركب مع سواقين في نصاص الليالي من خوفي وبفضل طول الطريقه اتشاهد وعيني على الطريق ما بتغفلش ثانيه خايفه فانا مش جايباها يا حبيبتي حبا في العربيات ولا حبا في السواقه يا حبيبتي لما تتخرجي ابقى اجيبلك عربيه حاضر يكون ربنا سهلها من هنا لوقتها
غزل وهو كل ده يا قدر وربنا لسه ما فرجهاش لابسه برندات تمنها شيئ وشويات وعماله تقولي لما ربنا يفرجها لما ربنا يفرجها هيفرجها عليكي امتى يا قدر لما يبقى عندك شركات وعمارات واطيان
قدر وايه المشكله هو انت هتكرهيلي الخير وبعدين الخير لما بييجي بيعم على الكل مش عليا انا لوحدي منتي كمان بتلبس برندات ولا حلال ليك وحرام عليا
غزل بحقد لا وانت الصادقه هو بيعم عليكي انتي وبس
قدر اتجاهلت كلامها ودخلت اوضتها ببرود
بيجاد قاعد سرحان وملامحها عماله تتغير ما بين ابتسامه ومكر وخبث وشرود
يزن مالك بقى بقالك كام يوم مش مظبوط ودلوقتي قلهد وعملل تضحك وتكشر وكل ما اسالك تقولي بظبطها بظبطها وانا مش فاهم بتظبط ايه بالظبط مترسيني على الحوار وعرفني ايه اللي بيدور في دماغك يا بيجاد بالظبط
فهمني
بيجاد البت دي ملهاش غير حل واحد بس
يزن ايوه اللي هو ايه بقى عرض أقل
•تابع الفصل التالي "رواية انتقام القدر" اضغط على اسم الرواية