رواية انتقام القدر الفصل السادس 6 - بقلم انوش احمد و ولاء حامد

 رواية انتقام القدر الفصل السادس 6 - بقلم انوش احمد و ولاء حامد

البارت السادس

قدر سحبت غزل من شعرها بجنون وجرجرتها على الارض ومهتمتش حتى لتخبططتها في الكراسي ورمتها في اوضتها اقسم بالله يا زباله لاعيد تربيتك من أول وجديد فاكره يا بت ان محدش هايقدر عليكي لا يا روح امك فوقي دانتي دخلتي في سكه غلط بس ملحوقه ومن هنا وجاي يا غزل الكلب اقسم بديني لاعيد تربيتك من اول وجديد عشان انتي عيارك فلت وانا كفيله اللجمك بيه وشدت الشنطه طلعت التليفون وقفلته خالص وقفلت الباب بالمفتاح

غزل بصت لأمها بعصبيه البت دي ميتفتحلهاش باب فاهمه وانتي المسؤله قدامي لحد ما افهم وراها إيه منا مش اغيب كام يوم اجي لاقي فيهم بلاوي ونصايب مستنياني في البيت منا ميطعلش عين اهلي في الشغل واجي الاقي بنتك بره انصاص الليالي منا لا كنت دايره اتفسح ولا دايره على حل شعري

مريم بحزن ودموع مكتوبه طب اهدي يا ضنايا دانتي لسه جايه من سفر وتعبانه وحيلك مهدود يقطعني يا ريتني ما قولتلك

قدر بزعيق وصل لغزل اللي متكومه في اوضتها: ليه وانتي كنتي ناويه تخبي عليا ولا إيه كنتي هاتستني إيه لما نتفضح وسيرتنا تبقى على كل لسان عشان تقوليلي

مريم دموعها نزلت مش قصدي انا بس كنت عايزاكي ترتاحي

قدر وهي هاتفنجر من العصبيه وهو طول ما انا ورايا بنتك دي هاشوف راحه في حياتي بنتك دي مش هاترتاح ولا هايهدالها بال الا لما تخلص علينا واحد ورا التاني وتريحنا في تربنا وتقفل علينا باب القبر وتدور تصيع

مريم بإندفاع امومي الشر بره وبعيد يا بنتي ربنا يبعد عنا كل شر وقادر كريم يهديها ويهديلها شيطانها اللي سايقها

قدر بزعيق مش شيطانها يا ماما داه اللي سايقها نفسها الاماره بالسوء وعنيها الفارغه وطمعها اللي عاميها

بنتك مش عاجبها عيشتها قلعت توبها وعايزه تفصل توب على مقاسها وبكيفها عايزه تعيش عيشه غير عيشتها بنتك مبقاش عاجبها العجب يعني لا ايام الفقر ارتضت ولا لما عيشتنا ارتاحت ارتضت ول هاترضي وانا تعبت منها وكملت بصراخ انا حطيت صوابع ايديا ورجليا في الشق منها اعمل معاها إيه تاني طالع عين اهلي عشانكم بنتك عايزه ايه فهميني يمكن ارتاح اعمل ايه اكتر من اللي بعمله

مريم قربت من قدر وحضنتها بحزن نعمل ايه يا بنتي ادي الله واظي حكمته والله يا بنتي بدعيلها في كل ركعه

قدر وهي دي بيحوق معاها حاجه بنتك خلاص يا مريم عيارها فلت ومبقاش ليها حاكم ولا بقى ليها ظابط ولا رابط

مريم متقوليش كده والله بكره تفوق وتبقى زي الفل

قدر أمته لما اموت ولا لما تضيع حد يعرفني يا ناس أمته انا تعبت والله العظيم تعبت

مريم طبطبت على كتفها طب هدي روحك دانتي جايه من سفر وتعب ادخلي وريحي جسمك من هدت التعب

قدر بتنهيده وانتي بتقولي فيها دانا كنت بفضل طول اليوم اللف من مكان لمكان ومن مشغل لمشغل ومكنت بنام ساعه ساعتين اريح جسمي عشان مقعش من طولي واقوم اكمل واللف ومواصله الليل بالنهار

مريم طيب وغلاوتي عندك ادخلي وريحي جسمك والصباح رباح الناس سمعت صوتنا يقولو علينا إيه

قدر ومش هايقولو لما يشوفو بنتك جايه انصاص الليالي زي بنات الليل

مريم عارفه بس الصبح ليه عنين

قدر بقله حيله حاضر يا ماما لما اشوف اخرتها مع بنتك إيه وربك يسترها

مريم ان شاء الله هايسترها

قامت وقبل ما تدخل اوضتها اه صحيح خالتي بتسلم عليكي كمت جايه وفاكره اقولك ومسيت بسبب المحروسه اللي جوه

مريم بإستغراب وانتي شوفتي خالتك فين هي جات مصر وماقلتليش

قدر لا دانا شوفتها في اسوان

مريم خبطت على صدرها يالهوووي روحتي لحد اسوان يا جبروتك يادي البت

قدر رفعت عنيها بتعب هو بكيفي ولا بمزاجي أكل العيش مر يا ام قدر واللي امر منه الحوجه والفقر وانا مرسياكي على اللي فيها

مريم بقله حيله خبطت كف بكف هاقولك إيه يا بنتي والله منا عارفه اقولك ايه ما بقيت عارفه اقلو لا اعيد مش هاقول غير ربنا يكتبلك اللي فيه الخير والصالح ويوقفلك ولاد الحلال قادر يا كريم

دخلت كل واحده اوضتها وكل باب مقفول على اللي فيه

مريم دموعها نازله على تربيه بنتها وعماله تدور هي قصرت في ايه

رفعت وشها للسما يارب ليه يبقالي بنت زي كده دانا مقصرتش معاها وانتا شايف ومطلع داه ابوهم رماهم حته لحمه حمرا والكل قالي ارميهم واشقي بروحك وروحي شوفي نفسك وهما ليهم اهل يبقوا يربوهم داه الكل قالي اللحم النتن لاهله وانا قولت عيالي يارب

دانا كنت عيله وعلى كتفي عيال وشيلت جبل همومهم فوق كتافي ولا نخيت ولا اشتكيت وشقيت واتبهدلت واتمرمطت يارب دانا مرضتش اجيبلهم جوز ام يبهدلهم ويطمع فيهم وقولت بناتي ودول ولايا وكلنا مكسورين الجناح ولما يكبرو هايبقوا ضهري. سندي وعكازي اللي بتعكز بيه واسند طولي بيهم في الدنيا يارب ليه البت دي اللي طالعه نبته شيطاني وبتعمل كده اللهم لا اعتراض يارب انا مش معترضه على حكمك ولا قضائك يارب انا عارفه ان في ابتلائك بعبادك رحمه بس ارحمني يارب انتا ارحم بيا من اي حد وارحمني ومكرونة البت دي سبب كسرتي انا وأخواتها متبتلنيش باللي مقدرش عليه وحياه حبيبك النبي يارب وفضلت تدعي ربنا بدموع وحرقه والحزن والحسره بقوا ملازمينها طول الليل

قدر دخلت ويادوب قلعت الطرحه ورمتها جمبها وفردت رجليها على السرير بتعب من غير حتى ما تغير هدومها وقعدت تحاسب نفسها على كل حاجه مرت وبتمر في حياتها ياتري اللي انا فيه صح ولا غلط انا مبقتش عارفه حاجه ولا فاهمه حاجه ايام الفقر كنت عارفه اسيطر عليها وعلى طمعها كنت عارفه اللي معايا وماشيه عليه وهما كمان كانوا مجبورين عليه دلوقتي لا بقيت فاضيه ولا بقيت عارفه لحد ما عيارها فلت هي كتر الفلوس بتغير النفوس اوي كده بس داه مش تغيير داه ضياع ودمار وخراب ياترى عايزه ايه يا غزل مبقتش فهماكي ولا عارفه بتعملي كده ليه ولا عايزه توصلي من داه كله لايه كنتي الأول بتشتكي من الفقر وقله الفلوس قولتي عايزه تاكلي وتشربي وتلبسي

وتعيشي واهو ربنا كرمك من اوسع ابوابه يبقى ناقص ايه تاني عشان ترضي كنتي بتشتهي اللحمه بقت موجوده كل يوم لما الواحد نفسه عفتها كنتي بتقولي اللبس بقيتي بتلبسي من الغالي مكانش عاجبك الحاره بقيتي ساكنه زي اولاد الذوات مكانش عاجبك المدرسه الحكومي وكنتي بتقعدي تتريقي اديكي بقيتي في مدارس خاص ناقص ايه تأتي اعمل ايه يارب دانا مقصرتش سنين وسنين وانا بشقي وبتعب دانا كنت بستخسر اللقمه في نفسي عشانهم حتى الهدمه كنت بقول هما أولى كنت بحط الشلن على الشلن عشان يبقو بريزه واقول هما اولى انا مبقتش لا عارفه ولا فاهمه حاجه بقيت ماشيه زي اللي بيلطش في الدنيا ومش عارف يقدم ايه تاني عشان ترضى ن

فضلت تتكلم وترد على نفسها وكأنهم شخصين واحد بيسأل والتاني بيرد

وفضل كل واحده بتشتكي حالها وهمها لنفسها ولربها في وضع غزل اللي محدش بقى فاهمله حال وكل يوم من سوء لاسواء

لحد ما سحبهم سلطان النوم تحت جناحه كام ساعه يريحو جسمهم من تعب اليوم ما بين تعب شقى ومابين تعب نفسي أصبح أساسه غزل صداع البيت المستمر

ومحستش الا وصوت خبط وهبد على باب اوضه غزل اللي جمبها وكأن البيت بيتهد

قامت منطوره من مكانها وهي بتحاول تفتح عنيها من التعب ومش قادره تصلب طولها فتحت الباب ونسيت انها نامت بهدومها اللي جات بيها من السفر اساسا

الكل طلع على صوت الخبط

فتون اللي واقفه قدام باب الاوضه خايفه تتحرك ومريم اللي بتبص على باب اوضه غزل وخايفه تنطق وقدر اللي طلعت وبتحاول تفوق وتستوعب في ايه ايه الخبط والهبد داه

وفوقها صوت غزل من ورا الباب بجعير

افتحي افتحي انا مش كلبه عندك عشان تحبسيني انتي ملكش عندي حاجه عشان تحاسبيني

قدر ببرود لما تبقى تعرفي تتعاملي زي البني ادمين هابقى اعاملك زيهم بس طول ما انتي ديلك عوج انا هاعرف ازي اعدلك واخليكي تقولي أن الله حق

غزل بصراخ انتي مش واصيه عليا

قدر من ورا الباب طول ما انتي عايشه في بيتي وبتاكلي من خيري وكدي وتعبي وشقايا يبقى مسؤله عنك يا حيله امك وسابتها تخبط براحتها

قدر ماما انا يادوب اللحق انزل ورايا هم ما يتلم

مريم طيب كليلك لقمه تسند قلبك وتطلبي بيها طولك بدل ما انتي اتمأتي كده ووشك بقى قد اللقمه اللي تتغمز

قدر بتعب لا والله يا ماما ماليا نفس وكمان ورايا هم ما يتلم في الشغل والبضاعة متشونه من بالليل على العربيات اخاف حد يسرق حاجه ولا تقع عليها حاجه ولا يحصل حاجه انا مش قد خسارتها داه مال ناس

مريم طب حتى لو سندوتش يسند قلبك طيب

قدر والله ما هاللحق انا لولا جيت في العتمه كان الود ودي وديتها من بالليل وخلصت من هما وشيلته من على اكتافي

مريم طب غيري حتى الهدمه اللي عليكي دي بقالها اسبوع على جتتك يابت لما عفنت وارحت من العرق

قدر وانتي بتقولي فيها انا هاودي البضاعه وارجع صدر رد اتنقع اسبوع دانا ريحتي فاحت انا مكانش عندي وقت انام هايبقى عندي وقت استحمى واغير والله قلبك طيب يا مريم انتي

مريم بصراحه من نحيه فاحت فيها فاحت لما طفحت على العماره كلها لما عمتها

قدر بإبتسامه علشان تهون على امها تشكري يا ست الحبايب ياللي رافعه معنوياتي دايما

مريم بضحك يخص بإيه يا قدر فيكي اللي فيكي وبردوا بتضحكي

قدر بضحكه سبيها للي مثبت جريد النخل يا مريوم المهم على ما اغير جهزيلي أكل للبت دي واوعي سامعه اوعي تحطي في أطباق ازاز

حطي في بلاستيك ملامين اي حاجه الا الازاز

مريم ليه يعني يا بنتي

قدر مش بقولك طيبه انتي انا اكتر واحده عارفه دماغ بنتك ممكن تعمل بدل الحيله الف علشان تصعب على الكل المهم اسمعي مني بس ومش هاتخسري

مريم بإستسلام ماشي اللي انتي عايزاه

دخلت غيرت وطلعت كامت مريم جهزت الأكل على صنيه قدر طلعت المفتاح من جيبها وفتحت الباب وحطته على الترابيزه

وبصت لغزل اللي بتبصلها بكره وحقد ببرود الأكل اهو عندك كلتي لنفسك مكلتيش انتي حره وبشوقك ياكشي يجيلك هبوط ولا هسأل آخرها هابعت اجيبلك دكتور يعلقلك محاليل وخليكي مرميه ومتعلقه بخراطيم وستبها تاكل في روحها وطلعت وقفلت الباب تاني بالمفتاح وراها

قبل ما تطلع مريم بتردد طب مش هاتسيبي المفتاح

قدر بحده لاء

مريم طب يعني لو عازت تخش الحمام

قدر والله لا اطمني يا ام قلب رهيف اوضتها فيها حمام وكامله مكمله من كله متخافيش منا اكيد مش هاسيبها كده عمياني يلا فوتك بعافيه ورايا موال منيل ادعيلي انتي بس

مريم دعيالك يا ضنايا بس سوئت عليكي حبيبك النبي متعوقي طب عشان خاطري وطبطب على صدرها بمحايله

قدر حاضر هحاول اخلص وارجع صدر رد لاني فاصله اصلا خلقه وسابتهم ونزلت تلحق وقتها ومشوراها راحت لحد محل عم حسين تممت على البضاعه واتاكدت ان كل حاجه تمام قبل ما تروح تسلمها

قدر استعنا ع الشقا بالله يلا يا رجاله واتحرك بالعربيات في طريق الفيلا عند لينا

وبعد وقت كانت وصلت

قدر: مساء الخير يا رجاله

الرجاله: مساء النور يا استاذه قدر، ثوانى، هنبلغ بيجاد بيه انك جيتى

خرج الحارس الموبايل بتاعه واتصل على بيجاد

الحارس يباشا استاذه قدر وصلت بالبضاعه

بيجاد تمام ماشي دخلها بسرعه

دخلت قدر وبعد وقت نزلت من العربية ودخلت عند لينا وبيجاد

لينا حبيبتي حمدالله على السلامة طمنيني عليكي

قدر الله يسلمك انا الحمدلله بخير المهم انا جبت البضاعه بره

نزل بيجاد علي صوتها

بيجاد كويس ان البضاعه متاخرتش

قدر ما قولتلك مش بحب اتاخر في شغلي

بيجاد تمام بس اي باقي الحساب

وخرجت من جبها كشف حساب

بيجاد بستغراب هو ده بظبط مش فاهم

قدر ده كشف حساب بكل المصريف وبالعربون اللي انا اخذته وبالبضاعه وكل حاجه شوف الباقي وانا ان شاءلله اذا ربنا ادانا عمر هعدي عليك بكره عشان اخذ باقي حسابي

بيجاد بستغراب ده انت على طول بتقولي الحق انبات مات

قدر الحق لو بات عندك بس انت اللي محتاجني مش انا اللي محتجاج

بيجاد لالا ده انتي جايه من عالم تاني

قدر لا جايه من عالم الواقع يلا فوتك بعافيه

مشيت خطوتين ولفت

قدر اه صح نسيت اقولك في اخر الورقه اني ضايفالك بند وده حساب العربيات انا حاسبتهم من جيبي دلوقتي

وضيفه حسابهم بما يرضي الله عندك

خرجت قدر تحت نظرات الصدمه من الجميع ورجعت البيت نامت زي القتيله من كتر التعب محستش بالوقت

وتاني يوم صحيت علي صوت رنت موبايلها مسكت الموبايل وردت وردت من غير ما تبص فيه

لينا صباح الخير ياقلبي معلش شكلي صحيتك من النوم

قدر صباحك فل ياحبيبتي لا مفيش مشكله كده كده كنت هصحا كويس انك صحيتني انا نايمه بقالي كتير اصلا

لينا طيب كويس المهم ابعتي رقم حسابك عشان بيجاد يحولك عليه باقي الحساب

قدر خلاص تمام ماشي وملتها الرقم

لينا خلاص تمام ياقلبي يلا سلام

وعند بيجاد كان قاعد في مكتبه بشرود

يزن مالك يا صحبي فيك اي في حاجه مضايقاك ولا حاجه

بيجاد ولا حاجه بس بفكر في حاجه كده

يزن بحيره في اي مالك ايه الي شاغلك اوي كده الحمد لله الوضع في الشغل كويس جدا والحمد لله الارباح اضعاف مضاعفه وبتزيد كل يوم عن اللي قبله و المصانع اتاجرت والورش كمان وفرنا اجر المصممين والعمال و الماتريال والخامات والمكسب داخل خالص مخلص وكمان وكمان بقى عندنا طلبيات بكميات رهيبه وبقينا مسيطرين على السوق في اقل من شهر قولي بقى زياده في ايه شاغل بالك ليه بالشكل ده

بيجاد بفكر يا يزن البنت دي لو حد عرف عنها حاجه شغلنا كله هيقع دي تعتبر كنز الكل هايجري عليها بالمشوار

يزن مش فاهم قصدك ايه وبعدين ما احنا بنديها اللي هي عايزاه وزياده كمان يبقى الخوف من ايه ومنين مش فاهمك الصراحه

بيجاد ولو بردوا البحر بيحب الزياده مش بيقولو كده يرضو ولا انتا عندك رأي تاني

يزن ايوا بقولو كده بس برضو عايز افهم قصدك ايه هي عملت حاجه او وصلك حاجه تخليك تشك فيها

بيجاد لا خالص لحد دلوقتي تمام بس انا قصدي ان لو جاتلها فرصه بفلوس اكثر من الفلوس اللي بتاخدها مني مش هترفض

يزن انت بتتكلم على اساس ان في حد يعرفها ما فيش حد يعرفها غيرنا يا بيجاد فاطمن وبلاش تشغل بالك بحاجه مش مستاهله اصلا

بيجاد ده على اساس ان المجال بتاعنا صعب انك توصل لاي حاجه انت عايز توصلها اللي يسال مايتوهش وانا مش هافضل قاعد حاطط ايدي على خدي لحد ما الاقي كل حاجه بتتسحب تاني من تحت ايدي

يزن يا ابني افهمني ما فيش حد يعرفها غير انا وانت ولينا يبقى هايوصلولها ازاي يا ابو العريف

بيجاد ايوه تمام بس ما تنساش ان الخدم والامن في الفيلا عارفينها وكمان جات الشركه اكتر من مره ولو اتكررت الزيارات اكيد الكل هيسال مين دي واللي ميعرفش هايعرف

يزن تمام ماشي بس دول ناس ثقه وانتا عارفهم كويس ودول موجودين معاك من سنين اكيد مش هتشك فيهم دلوقتي يعني

بيجاد لا الكلام ده انا معرفوش انا الشغل علمني اني ما اثقش في حد ايا كان الشخص مين واني لازم احد احتياطي لكل حاجه ممكن تحصل دلوقتي او بعدين

يزن ايوه برضو انا عايز افهم انتا عايز توصل لايه من كل اللي عمال تحكي فيع داه

بيجاد اللي عايز اوصله ان لازم البنت دي تبقى تحت ايدينا باي طريقه مهما ان كانت لازم البنت دي ما تطلعش من ايدنا البنت دي يعتبر هي اللي موقفه الشغل كله على ايد والسوق كله بيحاول يسعى انه حتى يعمل تقليد ومحدش عارف

يزن طيب حتى لو كلامك صح زي ما انت بتقول كده سهل ان حد يوصل لها مش مشكله كده كده احنا معانا الديزاين ونقدر نرجع المصانع تاني مش غلبه داه طبعا في اسواء الأحوال

بيجاد ده ايه الذكاء ده يعني هنكرر نفس الديزاين كل مره وبعدين الناس مش بتحب التكرار وبالاخص الطبقه الراقيه لان دول ما فيش حد فيهم بيلبس قطعه وعايز حد يلبس زيه وبعدين دول بيدوروا على طول على الجديد يعني يلبسوا القطعه مره واحده بس وبعدين مش هينفع تنزل لهم نفس الديزاين في كل سيزون لازم يكون الديزاين مختلف يعني عايزين تجديد مستمر

يزن انا دماغي عملت ايرور منك وبحاول ان انا افهمك ومش فاهم انت عايز توصل لايه بالضبط ولا دماغك بتفكر ازاي

بيجاد من الاخر عايز اوصل لطريقه اضمن بيها ان البنت دي تبقى في ايدي وما تخرجش عن طبقه ايدي البنت كل مره بتجيب شغل مختلف واستايلات مختلفه عن اللي قبلها وفعلا الشغل ما بقاش فيه غلطه وكانه براند اصلي واعتمد عندنا في البراند بتاعنا

يزن طيب تمام محلوله ممكن ان انت تزود لها فلوس عشان تضمن وجودها معاك على طول

بيجاد اكيد لا طبعا انت كده عايز تطمعها وبكده انت لما تزود من فراغ هتفتح عندها باب الطمع وداه باب لو اتفتح مش هاتعرف تقفله فألغي الفكره دي خالص من دماغك

يزن لا بجد كده كتير انا احترت فيك اقولك تزودها عشان تضمن ولاءها ليك تقولي طمع اقول لك نعمل الشغل تقول لي ده هيكون تقليد وخساير كمان من الاخر كده انت عايز توصل لايه متقول على طول

بيجاد صدقني مش عارف دماغي مش مساعداني حاليا اني اوصل لحل بس اكيد في حل اننا نضمن البنت دي وتبقى معانا على طول بس كل اللي اقدر اقولهلك ان الموضوع محتاج فعلا تفكير وتركيز على رواقه عشان اعرف الاقي الحل الصح

يزن طيب في حل تاني ما ممكن تسال لينا هم مش صحاب قربين واكيد لينا فاهمه دماغها كويس

بيجاد بقول لك ايه فكك من الحوار ده عشان مش هينفع خلي لينا بعيد عنه لان لينا دايما بتتعامل بمشاعرها مش بعقلها وانت عارف ان البيزنس عايزه العقل مش القلب

يزن تمام مش هختلف معاك كلامك كله صح بس يا ترى ايه هي الطريقه اللي هتخليك تضمنها بيها هتقولي وصولات امانه هقولك البنت مفتحه وبنت سوق ومعلش لا انت ولا انا ولا عشره زينا يعرفوا يسلكوا معاها ده غير طبعا لسانها وانت عارفه ومجربه بنفسك يعني كل الكلام داه فاكس من الأساس

بيجاد ما هو ده اللي انا بقالي ساعه بتكلم فيها بس اللي انا اعرفه اكيد ان ليها حل

يزن هو اكيد طبعا في حل بس يا ترى ايه هو داه الأهم

بيجاد يا ابني ما انا بقول لك محتاج افصل دماغي عشان اعرف افكر كويس لان التفكير لازم يكون على رواقه

قدر بدئت بتجهز محل عشان تعمل مفاجاه لعم حسين وبقت بتشتغل بإيديها واسنانها علشان تختصر الوقت واخيرا كانت خلصت

راحت عند عم حسين وهي مبسوطه

قدر سلام عليكم ياعم حسين اخبارك ايه يا راجل يا عجوز

عم حسين وعليكم السلام يابنتي انا الحمدلله بخير بس قوليلي الغزاله رايقه اوي كده ليه فرحيني معاكي

قدر طب الحمد لله انك بخير لو عايز تعرف الغزاله رايقه ليه تعالى معايا انا عايزاك في مشوار ضروري وهناك هاتعرف

عم حسين بفضول مشوار اي ده يابنتي

قدر تعالا بس وهتعرف لما نوصل متسالش كتير وهناك كل حاجه هتجاوب على كل اللي في بالك وزياده

عم حسين استسلم ومشي معاها وبعد وقت كانوا وصلوا لبزار كبير

عم حسين اللهم بارك ايه ده كله يا قدر ما شاء الله بتاع مين داه وجيبانا هنا ليه

قدر طيب بص كده على الاسم بازار قد الحسين

عم حسين ايوه منا قريته بتاع مين داه يعني

قدر ده يا عم حسين فتح معايا اومال بازار قدر الحسين

حسين ااااااايوه منا قريته بس مش فاهم

قدر قدر الحسين مش واخد بالك شاورت على نفسها وعليه

حسين الله اسمه حلو قوي يا بنتي

قدر يالهوووي بص على بلاطه كده هو مش انا وعدتك قبل كده ان لو ربنا كرمني في الشغل ده ان انا هعملك اكبر بازار فيك يا خان الخليلي

عم حسين بفرحه وليه ده كله يا بنتي ما انا عايش بطولي وما عنديش حد والمحل اللي بيجي منه بيكفي مصاريفي ومستوره الحمد لله

قدر بصدق اتعودت يا عم حسين اني ما امنش للدنيا مكان ما رجل اليمين تامن لازم الشمال تخون الدنيا ما بتضحكش لابن ادم على طول وبعد كل ده تيجي في النص وتسفخك قلم تديك شلوت تشنكلك تجيبك على جدور رقبتك تجيبك على وشك توقعك وانا بحاول أأمن نفسي من غدر الدنيا من كل ناحيه عشان اضمن لو الدنيا غدرت يبقى في حاجه اعرف اتسند عليها كويس وانا مش عايزه ارجع لنقطه الصفر تاني وكفايه عليا لحد كده مرمطه وبهدله ورزالت الزباين فمش هاعيده تاني سيبك من داه كله المهم ان المكان جه واتفرش واتملى بضاعه كمان

حسين طب والمحل هعمل فيه ايه داه بردوا بيه غلاوه عندي داه عمر تاني يا بنتي

قدر لو حابب توقف في حد ثقه تمام ما فيش مشكله ولو مش حابب ممكن نعمله مخزن وانا هاجره منك لاني كده ولا كده هحتاج كذا مكان علشان اشون فيه البضاعه سواء لهنا او للشركه

حسين طيب والمحل داه يا بنتي انا هاعمل فيه ايه

قدر بص انا جبت حد يتمن المحل وكتبت نصيبك باسمك وبما يرضي الله

حسين يا بنتي ازاي عملتي كل ده انا مش فاهم اي حاجه

قدر زي الناس يا عم حسين اعتبرني اشتريت منك المحل اللي هناك وسبق وقولتلك هعمله مخزن ووقت ما يحتاجوا يلاقوا الباضعه جاهزه على طول بدل اللف كل مره ابقى مجهزه بضاعه جديد بجديد لان دلوقتي الشركه اللي انا شغاله فيها عايزين شغل بكميات رهيبه ومش بيبطلوا طلبيات وعايزيني انزل على طول فكده هضطر ان انا اسافر اكتر من نص الشهر بره البيت الافضل ان البضاعه تكون موجوده هنا وقت ما يطلبه اشحنلهم من هنا على طول وكمان هظبط مع الورش انزل يوم صد رد كل اسبوع انزل الم البضاعه كل مره من مكان مختلف وابعتها على هنا يعني ضربت عصفورين بحجر واحد

عم حسين عقلك يتخاف منه يا قدر

قدر يا عم حسين الدنيا علمتني اني لازم اكون حاطه عيني في وسط راسي عشان اعرف اعيش احنا في غابه واللي بيقول التاني بينهشه

لو فضلت معتمد على الشركه ممكن في اي لحظه يقولولي مع السلامه وانت زي ما انت شايف انا شغلي على الله حكايته لازم اعمل حساب لمشيبي في شبابي وضعفي ومرضي في صحيتي عشان اعرف اشيل روحي فرضا ان هما اتصلوا بيا في يوم انا تعبانه فيه هاضطر ساعتها اجي على نفسي لحد ما اطب ساكته يبقى العقل بيقول اعمل حساب بكره قبل النهارده وبعده كمان

عم حسين عندك حق يا بنتي كلامك كله صح ربنا يعينك ويعينا

مرت الايام

وافتتحت البازار مع عم حسين وخفت الموضوع عن كل الناس حتى امها ما حدش خالص يعرف عنه أي حاجه

وبدات تورد البضاعه للمحل والشركه

طول الفتره دي وبيجاد بيفكر ازاي يوقع قدر وازاي يضمنها في ايده

اما قدر بتخطط لمستقبلها ومستقبل اخواتها علشان تضمن اللي جاي ومنتسيتش في عز شغلها غزل ومشاكلها اللي مبتنتهيش اتفقت مع المدرسات يجوا البيت عشان يدوها الدروس قدام عين مريم عشان تبقى تحت عينيها وما تخرجش تاني و اتفقت مع الباص ياخدها ويرجعها البيت وبتابع معاه كل يوم

مرت الشهور وقدر متابعه شغلها ما بين المحل اللي بيكبر يوم عن يةم وشغلها كمان في الشركه وكل لسه بيجاد بيفكر ازاي هيقدروا يضمن قدر وايه الطريقه المضمونه لداه وخصوصا انه عرف ان في ناس كتير بتحاول توصل للمكان اللي بيجيبوا منه الشغل فقرر ان هو ما يتقابلش معاها تاني في الشركه وتعامله معاها كله هيكون من الفيلا وان اليوم اللي هي هاتقابلهم فيه يصرف كل الخدم اللي موجودين في الفيلا علشان يأمن كل حاجه عرض أقل

•تابع الفصل التالي "رواية انتقام القدر" اضغط على اسم الرواية