رواية انتقام القدر الفصل الرابع 4 - بقلم انوش احمد و ولاء حامد

البارت الرابع

مريم طب اهدي يت مهبوشه يابنت المهبوشه وفهميني بالراحه طاقه ايه اللي اتفتح وايه اللي حصل في كلامك اللي منيش فاهماه داه

قدر وهي بترمي شنطتها على طول دراعها وبصوت عالي ودعنا الفقر وقفلنا أبوابه وفتحت لينا الدنيا درعاتها

مريم طب فهميني في ايه بقالك ساعه عماله تقولي نفس الكلمتين

قدر وهي بتلف حوالين نفسها طاقه القدر اتفتحت ومش اتفتحت بس تؤ لا دي اتفتحت وبتروخ كمان بالقووووي

مريم بمهاوده طب اهدي كده وفهميني واحده واحده ايه اللي حصل ولو عيدتي نفس الكلمتين مش هتلاقي الا شبشبي بيسلم عليكي فاهدي كده بدل شغل المهابيل داه

قدر اترمت على الكنبه بضحك فاكره لما قولتلك من كام يوم قبل ما اسافر عندي مصلحه شغلل وادعيلي

مريم بنفاذ صبر فاكره واديني قاعده اهو مستنيه

قدر طب فاكره لما اديتيك الفلوس بتاع الإيجار اللي اتسرق منها

مريم الله يخربيت كده عماله تطلعي من طوخ تخشي على ملوخ ايه اللي جاب السيره دي تاني يا بنتي

قدر السيره متفضتش اولاني يا ماما والاتنين مربوطين ببعض

مريم كشت وشها مش فاهمه ايه اللي جاب عيشه لام الخير يا بنتي فهميني الله يسترك من غير لف ولا دوران

قدر بتنهيده بصي يومها كان في زبونه تقيله خدت مني شنطتين كان مكسب الشنطتين دول قد مكسب اليوم كله وخدت رقمي وقالتلي هاتجيبلي شغل قولتلها تمام يامنتا كريم يارب

مريم ايوه ايه علاقه كل داه بفرحتك بأختك يا قدر انا مش هاشد الكلام من على لسانك يا بنتي بكماشه

قدر يا ماما الله يخليكي انا جايلك في الكلام اصبري علشان تفهمي الموضوع كله من اوله لاخره

مريم ماشي صبرنا

قدر المهم يا ستي قالتلي اصحابها ومش عارف ايه وهاجيبلك شغل واخد منك

مريم يبقى جابتلك الشغل وداه سبب فرحتك صح

قدر مش شغل لاء داه كل ابوب الرزق اتفتحت

مريم مش فاهمه عملت ايه يعني

قدر اخوها عنده شركه بتشتغل في الهاند ميد اللي أنا بشتغل فيه وطلب مني شغل وشغل كتير بكميات اللي انا سافرتله وقعدت اللف من بلد لبد ومن مشغل لمشغل ومواصله الليل بالنهار عشان اخلص واجمعله الطلبيه

مريم بطيبه طيب يا ضنايا ربنا يرزقك ويجبرك قادر يا كريم

طب وطلعت يعني مصلحه متعيشه وطلعلك منها كام على كده

قدر بفرحه لاء كتييييير اوووي بواكي ورزم رزم رزم متتعدش ملايين يا ماما ملايين

مريم بحيره طب هاتحطيهم فين دول يا بنتي في البيت وانتي لسه اهو بتقولي دول فلوس ياما ياما ياما وكتير

قدر برهزة راس بسرعه :لا يا ماما دول ميتعانوش في البيت وخصوصا بعد اللي حصل من كام يوم

مريم بدفاع لا يا قدر اخص عليكي يا بنتي انا مش عايزاكي تظلمي اختك

قدر بإصرار مميت يا ماما الله يسترك مهو بالعقل ميعرفش الا انا وانتي ومكانش في البيت الا غزل لان فتون يومها كانت في الدرس مجاتش الا وقت ما كنا بنغرف

مريم بزعل لا يا قدر اخص عليكي يا بنتي متظلميش اختك الشك وحش يا ضنايا متخليش الشيطان يلعب بعقلك ويدخل ما بينكم داي اختك يابت وربايه ايدي وانا مطعمتكومش لقمه حرام داه مدخلش جوفكم الا الحلال

قدر بحسم للموضوع شدت ايد أمها ودخلت الاوضه اللي بتنام فيها هي وغزل

مريم جيبانا هنا ليه يا قدر ناويه على ايه

قدر بغموض احساسي بيقولي ان الحقيقه هنا اصل غزل مهياش غبيه عشان تصرف الفلوس مره واحده وانها هاتقسمها عشان تشبرق روحها بيها كام يوم

مريم برفض لا يا قدر لا لأول مره اقولك ان احساسك خانك المره دي

قدر بصت لأمها فتره واتحركت بهدوء وبدئت تفتش في هدوم غزل بالراحه من غير ما توقع حاجه ولا تحركها من مكانها كانت بتحرك كل حاجه بحرص

مريم بحده عيب كده يا قدر الله ميصحش يا بنتي تفتحي وتنبشي في حاجه غيرك انتي صحيح اختهم الكبيره اه بس انا لسه عايشه مموتش ولا حابه انكم تكونو بتخونو بعض يا بنتي داه الشك بذرته لو اترمت بتفرع ومحدش بيعرف يقلعها من جدورها تاني لانها بتكون تبتت في قلب صاحبها

قدر مهتمش بكلام امها وفضلت تدور ملقيتش حاجه في الدولاب

مريم ربعت ايديها ها ازي الحال بقى دلوقتي صدقتيني

قدر سكتت بصت على سريرها شالت المخده ونفضتها ورجعت شالت المرتبه لقيت باقي الفلوس على لوح السرير رفعت الفلوس قدام عين امها ها بردوا شك وميصحش

مريم لا يا بت مايمكن محوشاهم من وراكي يعني هي الفلوس ليها شبه

قدر رفعت الميتين جنيه قدام امها طب بصي كده على الفلوس دي

انتي عارفه اني من سنين فلوس الشغل بالذات بعلمها عشان متتخلطش مع أي فلوس معايا

مريم بصت على الفلوس لقيت حرف ال k اللي دايما قدر بتعمله على كل فلوس معاها

قدر ها لسه بردوا مصره اني ظلماها

ثم من أمته وانا بدي ميتين جنيه حته واحده لبنتك

مريم اتهبدت على السرير بحزن ودموعها نزلت غصب عنها والله يا بنتي منا عارفه انا عقلي وقف وكأنه هايشت مني دانا معزتش حاجه عنها كنت بشيلها من بوقي عشانها خبطت على رجليها بكفوفها قصرت في ايه بس يارب

قدر قعدت تحت رجليها مقصرتيش في حاجه ويشهد ربي بس بنتك هي اللي عينها فارغه دلوقتي بدل ماهي فارغه قيراط هاتبقى فارغه اربعه وعشرين قيراط

مريم بندب آآآآه آآآه يا قهرتي آآآآه يا حسرتي على سنين عمري اللي اتكسرت وشبابي اللي ضاع عشان يطلعلي بت زي دي يارب

مريم بحرقه من دموع امها وحزنها اهدي يا ماما غزل عايزه يتعاد تربيتها من اول وجديد

مريم بحزن وعنيها مكسوره في الارض طب ناويه تعملي معاها ايه يا بنتي وهي شيطانها سايقها

قدر بعنين بتلمع بالشر لاء سبيها على دي واللي جاي داه بتاعي انا بس المهم دلوقتي اننالا عرفنا ولا شوفنا ونكفي ع الخبر ماجور

مريم خلاص يا بنتي اللي شايفه فيه الصالح اعمليه

قدر ماشي بس اعملي حسابك اننا هانسيب الحته

مريم يالهووي هانسيب بيتنا وجيرانا هانسيب البيت اللي أوينا دانتو اتولدتو واتربيتو وكبرتو فيه

قدر يا ماما مشوفناش منه الا كل شر كل مليان ذكريات مره داه كفايه خوفك من الناس انهم يعرفو ان ابويا طفش وسابنا هو انتي ليه لحد دلوقتي متطلقتيش منه ولسه باقيه على ذمته مع انه هاجرنا ورمانا ورا ضهره لسه سنين وسنين وسنين تعبت من كتر عدها ليه لسه باقيه عليه وهو مش اكتر من سد خانه في بطاقتك

مريم بتبريرعشان متنهشناش كلاب السكك ونبقى مطمع للي يسوا واللي ميسواش يا بنتي الناس بتبص للمطلقه بصه وحشه اووي بص بتدبح بسكينه تلمه بصه الطمع في عين الرجاله وبصت الخوف في عنين اصحابك من انك تلفي على جوزها وبصت القلق من النسوان على بيوتها مهما شايفين ان المطلقه ست مُلعب هتاخد جوزها منها وتلف عليه ميعرفوش انها مطلقتش الا لما جابت آخرها وقالت يا بس

الناس هاتخاف تدخلك بيتها واللي تعزك اوووي هتخاف تتكلم معاكي او تمدح فيكي لجوزها يقارن بينك وبينها وتحلوي في عينهم ودايما عند الرجاله الممنوع مرغوب

فأنا قصرت عن نفسي كل الشر داه يا بنتي واتحاميت في اسم راجل

قدر بتهكم وهو فين الراجل داه لا مؤاخذه شاوريلي عليه كده

مريم حتى لو كان اسم بس الاسم داه سد ابواب علينا كتير اوووي يابنتي سد الخانه اللي في البطاقه خلت كل كلب يلم روحه عننا اومال انا كل سنه باخدكم واورح اسوان عند اختي شهرين ليه مهو الناس عارفه اننا بنسافر لابوكي كل سنه عشان محدش يشك ولا يسأل عرفتي ليه يا ضنايا

قدر عارفه والله ومقدره يا ماما بس اهو ادينا هانسيب الحته خالص وهانروح حته تانيه خالص لا نعرف حد ولا حد يعرفنا

مريم بحزن وحسره كان زمان انما دلوقتي مبقاش ينفع يا بنتي كبرنا خلاص على الكلام داه وانتوا اهو بقيتو ماشاء الله عرايس تشرح القلب

قدر بإصرار مميت ولا كبرتي ولا حاجه اللي كبرك الهم والحزن قبل أوانه خلينا نعيش على نضافه ونمسحه من حياتنا وننضف اللي فات منه وجوده فيه حتى لو رجع ميبقاش ليه الحق فينا ويرجع يرازينا

مريم بحيره والله ماعارفه اقولك إيه بس سيبي بكره لبكره ولو لقينا حال هناك زي هنا يبقى هانفضل كده ولو كان كل حي في حاله يبقى اعملي اللي يلد عليكي ولو اني عارفه ان الناس نظرتها واحده للمطلقه

واديكي اهو بتقولي ناس جديده وحياه جديده وياخوفي يا بنتي بدل ما كنا هنا مستورين ومتحاميين من الناس ولسانهم نبقى هناك مطمع واحنا ولايا ممعناش راجل

قدر ماشي يا ماما بشوقك واللي عايزاه هايكون واديني ياستي هايبقى زي ما قولتي

مريم طب يابنتي ربنا يراضيكي ويرضى عليكي المهم قوليلي انتي ناويه تقولي لاخواتك

قدر بصي هو انا هاعرفهم ومش هاعرفهم

مريم بحيره : فزروه دي مهو يا هاتقوليلهم يا مش هاتقوليلهم

قدر بتوضيح: يعني هاعرفهم اننا هانسيب الحته واني اشتغلت في شركه كويسه هاتوفرلي سكن كويس في منطقه كويسه ومرتب حلو انما الفلوس والشغل لا وحذاري يا ماما حذاري انا بأكد عليكي اهو ان اي كلمه تطلع بره جوفك اللي حصل يندفن بيني وبينك ولا تجيبي سيره بيه لاي حد

مريم بحزن طب غزل وقولنا ماشي عرفنا اللي فيها طب وفتون كمان مالها هي رخره

قدر مالهاش وزي الفل بس فتون راحت ولا جات عيله بنت 16 سنه واللي في قلبها على لسانها وغزل عامله زي الحيه بتفضل تلف وتدور وتوصل للي عايزاه بمعرفتها هاتفضل تدور وتنخور لحد ما تقرر فتون فكده اسلم للكل ولا انتي ليكي رأى تاني

مريم لا يا بنتي لا تاني ولا تالت اللي شيفاه صح وفيه الصالح اعمليه انا من يوم ما تعبت رجليا وضهري وجعوني وانتي اللي شايله البيت من طقطق لمنطق وسديتي راجل البيت وست كمان من بعد مني

قدر مسكت ايد أمها وباستها ربنا يخليكي لينا ياست الكل ويديمك سند لينا داحنا عايشين بحسك وببركة دعاكي

مريم برضا دعيالكم يا ضنايا قلبي ربي راضيين عليكم ليوم الدين وقادر يهدي اختك يارب

قدر بشرود آمين

رجعت الاوضه زي ما كانت وطلعت الصاله وجهزت الأكل ومر اليوم بسلام من غير ما تقول لحد اي حاجه

راحت المحل عند عم حسين

قدر بتفكير بقولك ايه يا عم حسين

عايزه منك خدمه

حسين وهو بيشاور على عنيه قولي يا وش الخير ومن عيني دي قبل عيني دي

قدر تسلملي ياراجل يا طيب كنت عايزه سمسار كويس يشوفلي شقه في حته كويسه بس ميكونش حراق في سعره

عموحسين موجود بس ايجار ولا ملك

قدر لا ملك بدل ما افضل اكع دم قلبي في حاجه مش ملكي ادفع وتبقى حاجتي واهي مركونه للزمن

عم حسين عندك حق عين العقل ماشي كلامك

واتصل بسمسار معرفه وبلغه

قدر طول المكالمه ساكته لحد ما خلص ها قالك إيه

قالي يومين ويديكي التمام

قدر الله عليك هو داه الكلام

وفعلا بدئت تتفرج على الشقق وعجبها شقه في منطقة الزمالك وخلصت فيها ودفعت تمنها وروحت وهي مبسوطه وطايره من الفرحه وعدت على محل مشويات جابت اكله مشاوي معتبره ورجعت بيها البيت

حطت الأكل ونادت بصوت عالي: يا أهل الدار انا جيييت

طلع الكل

غزل ايه داخله بغاغه ليه

قدر تعالي يا طفسه جيبالك اكله معتبره

غزل بصت على التربيزه وعنيها برقت وريقها جري الله اخيرا المحرمات دي دخلت بيتنا داحنا لما كنا بنشتاقلها ونفسنا تهف علها نعدي نشم ريحتها ونمشي

قدر خبطت كف بكف لا حول ولا قوه الا بالله يعني مجتش مش عاجب جات بردوا مش عاجب انتي ايه اللي يرضيكي بالظبط عشان نبقى عارفين

غزل بلهفه وهي بتقعد على التربيزه اول واحده ومستنتش حد اللي يرضيني اني أكلها كل يوم واني اللبس من افخم المحلات زي الناس اللي عايشه ويبقى عندي عربيه وفيلا وعندي خدم وحشم واللي اتمناه قبل ما انطقه الاقيه مش اقعد احلم بيه

قدر بغيظ لا حول ولا قوه الا بالله يا بنتي ارضي بالمقسوم بلاش فراغه عين

غزل وهي بقها مليان اكل ياستي انا عيني فارغه عايزه مني حاجه

قدر طب انا عايزه أبلغكم بحاجه

قدر انا سبت الشغل

فتون وغزل شهقو بصدمه

فتون بحزن ليه بس كده يا قدر اي اللي حصل معاكي خليكي سبتي الشغل حد عملك حاجه

غزل وهي بتبلع اللي في وبقها من غير ما تسئلي ياختي انتي عايزة تزلينا باللقمه عشان كده قولتي تجبيها وتطفحيهالنا قولي بقا انك قصده وبترسمي وتخططي عشان عايزة تطلعينا من التعليم و نشتغل ونساعدك في البيت مش داه غرضك من البدايه

قدر ببرود اممم ها خلصتي ولا في حاجه تانيه حابه تقوليها

غزل خلصت اي قصدك اي مش فاهمه

قدر خلصتي كلامك اللي طالع من بوقك زي السم ولا لسه

غزل لا لسا مخلصتش

قدر برفعت حاجب لو عندك كلام في جوفك اطرشيه خليني اخلص

غزل سبت شغلك ليه وانت عارفه كويس ان هو اللي بيصرف علينا ما فكرتيش قبل ما متاخدي الخطوه دي بمنتهى الانانيه في نفسك وبس تقدري تقوليلي دلوقتي احنا هناكل منين ونشرب منين ونتعلم منينومين اللي هايصرف على البيت تاني

قدر بسخريه الله مش الفلوس دي اللي ما كانتش عجباكي ولا اكل ولا اللبس ولا شرب ولا العيشه ككل كانت عجباكي ولا جيبه على هواكي دلوقتي لما راح المقبره بقى معاه سكره ولا انت ما بتحسيش بقيمه الحاجه غير لما بتروح منك

فتون بحرج وحزن بان في صوتها المهزوز وعنيها اللي بتلمع بدموع مكتومه معلش طيب احنا دلوقتي هانعمل إيه أنا كنت جايه اقول لماما ان المستر عايز فلوس الشهر واناي بتقولب انك سيبتي الشغل ايه الحل دلوقتي انا مبقتش عارفه

قدر بتنهيده ما لو اختك كانت صبرت كنت لسه هقول واكمل اني اشتغلت في شركه كويسه بدل شغل الشوارع واللف طول النهار والشركه كمان هتوفر لي سكن في منطقه راقيه عشان ابقى قريبه منهم في اوي وقت

غزل بعيون بتلمع بالطمع يا شيخه ما تقولي كده من الصبح مش تخلي الواحد يضرب اخماس في اسداس ودماغه تروح في مليون اتجاه ثم تعالي هنا الكلام داه بجد ولا فض مجالس

طيب هانقعد فين وهاتخدي كام ها يعني هانبقى زي الناس العليوي اللي بنشوفهم من بعيد لبعيد انتي ساكته ليه متقولي بقى واخلصي

قدر بغيظ ما تهدي على نفسك شويه يا ست الأموره منا لسه بقول ان الشركه هتوفرلي سكن بس بردوا فلوس السكن دي هتتخصم من مرتبي علشان تبقى عارفه بس هو على العموم يعني في مكان كويس اووي وعلى ما اظن ان هو هيعجبك اصل طول عمرك بتحبي المظاهر اوووي يا ست غزل لما نشوف اخرتها معاكي يكشي بس يطمر فيكي واسمع منك كلمه عدله بدل ما انتي طول عمرك لا حمد ولا شكرانيه ولسانك بينطق سم مصفي وماتفضليش تستعري من شغلي لما خليتي حيات الواحد بقت حاجه ما يعلم بيها الا ربنا عشان انا كمان جبت اخري خلاص واهو بالمره اخلص من حوار اصل احنا ساكنين في منطقه شعبيه ومنطقه معفنه والناس إيه الشارع اخييي وعايشالي يا اختي عيشه مش عيشه اهلك وكان الرباع ابوكي واحنا منعرفش

مريم بحزن من حالة عيالها معلش يا ضنايا هانقول ايه فراغه عين

قدر هزت رأسها ونفخت بقله حيله عادي يا ماما

المهم بس اعملوا حسابكم ان احنا مش هناخد حاجه من هنا الا هدومنا وبس

مريم يالهوي ليه بس يا بنتي طيب وعفشي وعزالي وحالي ومالي هاعمل فيهم ايه ولا هانروح نقعد هناك على البلاط

قدر لا ما تقلقيش يا حبيبتي ولا تشغلي بالك الشقه مفروشه من كل حاجه وكامله من مجاميعه ومش هنحتاج اي حاجه باذن الله

مريم طيب والعفش هانعمل فيه ايه هانسيبه خساره

قدر لا مش هانسيبه وهو في حد بيسيب حاجه لحد في الزمن داه

مريم بحيره اومال يعني هانعمل فيهم ايه

قدر العفش مقدرو عليه هاشوفله بيعه كويسه والشقه امرها سهل عم شعبان ماهيصدق اصلا متنسيش انها ايجار قديم يعني يوم المنى لما نسيبهاله علشان ياخد مقدم محترم غير التأمين والايجار اللي هايقول عليه هياخده وكده يبقى يا دار ما دخلك شر وان شاء الله تكون الشقه الجديده وشها خير علينا

غزل خلاص بما ان في فلوس هتيجي نجيب لبس جديد لينا بدل الهدوم اللي ما لهاش اي تلاتين لازمه دي احنا بنلبسها بقلنا سنين لما دالت وحتى عشان نبقى واجهه ونشرفك تتفشخري بينا كده قدام الناس في الحته اللي احنا هنقعد فيها زي ما بتقولي عليها دي هاي اوووي

قدر بضيق لا حول ولا قوه الا بالله العلي العظيم ما فيش فايده بردوا فيكي زي ما أنتي بتفكري في نفسك وبس تحت اي ظرف وتحت اي وضع ما بتفكريش غير في نفسك وبس المهم انتي و الباقي طظ فيه بقى مش مهم المهم ان انت تاكلي وتشربي وتلبسي الاول والباقي يولع بقى مش مهم صح يخرب بيت ام انانيتك يا شيخه

خرجت قدر وهي مخنوقه وهي مقرر تنهي كل حاجه خلال ايام

قدر السلام عليكم ازيك يا عم شعبان عامل ايه

عم شعبان وعليكم السلام نحمدوا في على كل حال خير في حاجه ولا ايه اصل متأخذنيش داه لا ميعاد ايجار ولا في حاجه في البيت

قدر بصراحه اه يا عم شعبان كنت عايزة اتكلم معاك في حاجه كده

عم شعبان عيوني ليكي يا ست البنات في اي اامري

قدر ما يامرش عليك ظالم كنت عايزه أسألك لو لازمك الشقه اصل بيني وبينك جالي شغل في منطقه بعيده وانا مش هاقدر اروح واجي المشوار داه كل يوم فقولت اختصر المسافات ونروح هناك

عم شعبان بصدق مع انه يصعب علينا يا بنتي بعد السنين دي كلها انكم تمشوا وتسيبوا البيت دانتوا عشرة عمر وكنتوا طول عمرك ونعم الجيران

قدر معلش يا عم شعبان عاشر يا ابن ادم مهما تعاشر مسيرك يوم تفارق وكله نصيب في الاول والاخر

عم شعبان بتاكيد لكلامها معاكي حق يا بنتي ومحدش يقدر انع يقف قدام مصلحتكم

قدر طيب خلينا في المهم لازماك الشقه ولا اقفلها

عم شعبان بلهفه لا طبعا لزماني اومال ايه شوفي انتي هاتتوملي على الله أمته وناوليني المفتاح

قدر برفعه حاجب بس

عم شعبان بعدم فهم ليه هو في حاجه تاني

قدر اااه لا انا بقول اقفلها احسن

عم شعبان يا بنتي معلش يا واش يا واش عليا انا بردوا راجل كبير فهميني في ايه انا مخدتش بالي منه

قدر في حقي يا عم شعبان منا اكيد مش هاسيبلك الشقه واطلع شوليطي موليطي داه حتى ميرضكش ولا ايه

عم شعبان خبط على راسه معليش حقك عليا طيب بصي هانقسم البلد نصين علشان لا تيجي عليا ولا اجي عليك

قدر يعني ايه بقى

هم شعبان يعني هاديكي خلو رجل حلو وعشان مظلمكيش هادفع خمسين الف حلو كده

قدر خلاص تمام ماشي يا عم شعبان برغم اني عارفة انك مخيطني في الحوار بس انا هعديها بمزاجي

عم شعبان يبقى على بركه الله اديني ساعتين زمن ويبقوا جاهزين وهاجيبهوملك ولا تحبي انتي تعدي تاخديهم

قدر اي حاجه مش فارق بص خليهم وانا ماشيه هاعدي اخدهم

عم شعبان وهو كذلك بس مقولتليش هتروحوا فين يا ست قدر

قدر ارض الله واسعه يا عم شعبان مش غلبه هي هاشوف شقه قرب شغلي اتلم فيها انا وأمي واخواتي

شعبان ربنا ييسر لكم اموركم يا بنتي ويوسع علينا ويعيكم يارب

خلصت قدر ورجعت الشقه كانت امها بتلم حاجاتهم المهمه

قدر يلا يا امي انا كلمت عم شعبان واتفقت معاه يلا شهلو خلونا نخلص

مريم طيب وعم شعبان قالك ايه

قدر وافق وهعدي عليه اخد منه الفلوس لما ادي له المفتاح قبل ما نمشي

مريم وهي بتتلفت في الشقه وكأنها بتودعها ماشي يا بنتي احنا كده خلصنا يلا بينا وقفتنا كده ملهاش عازه

بصت قدر علي البيت بصه اخيرة وخرجت وقفلت الباب وراها وقفلت معاه صفحه خدت عمر طويل من حياتها

وعدت على عم شعبان ناولته المفتاح واخدت منو الفلوس ومشيت في طريقها اللي رسمته لنفسها

مر القت وكانو اخيرا وصلو الشقه الجديده اللي كانت في منطقه راقيه

غزل بلمعه عين مليانه طمع اوبا بقى واخيرا شكلها هتلعب وتحلو معاكي يا بت يا غزل وهتعيشي عيشه اوبها زي أولاد الذواتقدر بصتلها بخنقه وسابتها وطلعت وهي بتساعد امها

مر اسبوع

بيجاد وهو قاعد في مكتبه بيراجع الشغل دخل يزن زي الاعصار بلهفه وهو بينهج

يزن اللحق يا بيجاد

بيجاد وقف من مكانه في ايه ايه اللي حصل هو عمرك ما تدخل عليا بهدوء لازم تنشف الدم في جسمي

يزن ية ابني اسمع بقى واديني فرصه اتكلم الاول البضاعه اللي كانت في المحلات كومبليت كلها خلصت

بيجاد بصدمه ايييه ازاي انتا بتهزر اكيد صح مهو مش معقول ده معداش الا اسبوع اسبوع

يزن ولله ما بهزر انا بتكلم بجد زي ما بقولك كده البضاعه اتخطفت خطف وازيدك من الشعر مكسبهاة وصل ل 700 في الميه وما يزيد كمان اللهم بارك

بيجاد ايوه بقى هو ده الشغل بجد ولا بلاش مش شويه العيال اللي كانو عاملين نفسهم ديزاينر وكانو بياخدو فلوس قد كده وياريت بفايده لا داه علي الفاضي

يزن بتاكيد فعلا معاك حق طيب انتا ناوي على ايه دلوقتي

بيجاد في ايه بالظبط

يزن في الديزاين والبضاعه القديمه اللي مركونه في المخازن

بيجاد بتفكير بص مينفعش تفضل اكتر من كده لان السيزون لو خلص مهيبقاش ليها اي لازمه خصوصا الوسط اللي احنا فيه مبيحبوش التكرار

يزن يعني ايه مهي اوريدي معروض منها في المحلات والجالري بتاعتنا وبردوا متباعتش هندلل عليها

بيجاد فرقع بصوابعه وهو بيشاورله تصدق فكره

يزن بصله وهو مبرق وهز راسه فكره ايه معلش اعذرني على الغباء شويتين

بيجاد بص البضاعه لازم تخلص لان ليها سيزون وتاني هام علشان تفضي مكان ومتفضلش فلوس متجمده اكتر من كده

يزن تمام كل داه انا عارفه ايه الجديد بقى

بيجاد اقولك بص بقى علشان البضاعه دي تخرج هانعمل عروض طبعا هي مش وقتها خالص فداه الجديد اللي هايخلي الكل يجري عليها

يزن عروض على ايه بالظبط

بيجاد على الشغل القديم المركون اللي دايما بيتعمل في آخر كل سيزون يعني عندك مثلا خصم 30% قطعتين وعليهم قطعه الشو داه

يزن بس كده هايبقى فيها خساره او ملهاش مكسب لأنها اساسا اتباعت بأصل تمنها وان لمته

بيجاد مش مشكله المهم انها تخلص علشان تفضي مكان لغيرها واظن المكسب اللي حققه الشغل بتاع البنت دي هايغطي الخسائر وزياده

بيجاد من نحيه هايغطي هو هايغطي مقولناش حاجه طيب معني كلامك انك هاتحتكر البنت دي في الطلبيات

بيجاد وليه لاء اظن بحسبة عقل مدروسه لمده ثواني هاتعرف انه احسن وأسرع واوافر

يزن تمام اوووي ومعاك حق بس في حاجه انت مش واخد بالك منها المصانع بتاعتنا هنعمل فيها ايه لان بكلامك داه المصانع دي هاتقف لأنها من الأساس كانت شغالة علي التصاميم الخاصه بينا

بيجاد انا عارف كل كلامك داه وعامل حسابه ركز معايا كده انتا لو حسبتها بالعقل هاتشوف المصممين كانو بياخدو ارقام فلكيه علي الفاضي وبقولهم فتره مفيش اي تجديد

الخامات والماتريل اللي بنستخدمها وكنا بنتحتاجها علشان التصنيع بخلاف تصميم اللوجو وتنفيذه كل داه كان بيكلف الشركه مبالغ ضخمه يعني لو حسبت مثلا الشنطه اللي بتتباع في الجاليري ب سبع الارف جنيه اصل تكلفتها ممكن يوصل ل اربع او خمس الاف او ماي يزيد على حسب سعر الخامات كمان يعني المكسب صافي مبيكملش خلاف الضرايب والموظفين الخ الخ انما هنا انا جايب شنطه بالف جنيه ومكسبي فيها لا يقل عن 6 آلاف اول ما يزيد كمان خصوصا ان الطلب علهيا جامد لأنها تعتبر ديزاين جديد وفريد من نوعه

وانا متعبتش في حاجه انا بس حطيط عليها اللوجو بتاع الشركه

يزن بمناقشه علشان يحط كل ابعاد الموضوع قدامه بس ده مش غلط عليك وعلي الشركه لان ده كده يعتبر سرقة

بيجاد بنفي لا طبعا لان داه مش من شغل حد واحد بس و هتلاقي واحد و اتنين و تلاته بيعملو و بيقلدو كمان

السرقة بتكون لو انا اخدت الحاجه دي وحطيط عليها اللوجو بتاعي وقولت ان هي بتاعتي انا وبس

انا لما عملت سيرش لقيت ان الشغل داه موجود بالفعل بس الفرق هنا ان فيه تجديد مستمر

وبحسبه عقل بسيطه تكلفت الشنط دي تكلفة بسيطه اوي مقارنه بالمصنع بمعني اللي عملها مستفيد و اللي جبهالي كمان مستفيده و انا الاستفادة الاكبر بفرق ان الناس دي بتتعامل مع الطبقات البسيطه اوي وبيتعاملوا بأسعار رخيصه اوي

اما انا بتعامل مع الطبقة الراقية اللي بيدفعوا في الرخيص الوفات لأنهم بيعشقوا الجديد واللي عايزه تقتني قطعه مش عايزه تشوفها على غيرها علشان كده التجديد بإستمرار مينفعش يقف لحظه والبنت دي جابت كل الجديد ودخلت تجديد في مجال شغلي واضافات انا مكنتش اعرف عنها حاجه ومكنتش اعرف انها ممكن تكون مطلوبه في السوق

يزن بتاكيد لكلامه فعلا معاك حق من نحيه التجديد داه حقيقي لان السجاد الهاند ميد والمكرميات والشنط خلصوا بسرعه رهيبه حتى السليبر يا ابني خلص في 48 ساعه انت متخيل ده غير طبعا الاكساسوريز وحتى شغل الفخار اللي جابته حرفيا كل الشغل خلص مش باقي ولا قطعه في اي محل

بيجاد بإبتسامه وهو داه المطلوب ان الشغل يخلص مش يرقد

يزن طيب ناوي على ايه دلوقتي كده محتاجين بضاعه جديده لان كل الموجود فنش

بيجاد بصله بإبتسامه طلع موبايله ورن على لينا

بيجاد :تعالي على الشركه حالا وضروري جدا في حاجه مهمه مينفعش تتاخر

لينا بإستغراب طيب تمام هاخلص المشوار اللي انا فيه

وهاجي على طول

بيجاد بحده بقولك سيبي كل حاجه واي حاجت وتعالي حالا بقولك الموضوع ضروري

مرت ربع ساعه كانت وصلت لينا الشركه اخيرا

لينا دخلت بسرعه على مكتب بيجاد وهي بتنهج في ايه يا بيجاد جايبني ومستعجل اوي كده ليه

بيجاد عايزك تجبيلي قدر دلوقتي حالا

لينا بذهول نعم دلوقتي اللي هو ازاي يعني

بيجاد ايوه دلوقتي في ايه في كلامي مش مفهوم

لينا مش قصدي انا مستغربه في ايه اصلها مش جيبي هاطلعها واديهالك

بيجاد بصوت صارم :لينااا مش وقت هزار من فضلك اتصلي بيها تيجي دلوقتي من فضلك

لينا هزت راسها وهي مش فاهمه حاجه :حاضر ومسكت الفون ورنت على قدر

قدر بصت في الفون بإستغراب وردت بسرعه ايوه يابنتي عامله ايه

لينا فينك يا قدر دلوقتي

قدر يا بنتي الناس تقول ازيك سلام عليكم مش فين مكناش بايتين مع بعض إمبارح

لينا بضحك مش هاتتغيري ابدا

قدر بضحك بعد الشر عليا اتغير ليه وحشه ولا وحشه

لينا لا يا قلبي المهم بقولك ايه فاضيه

قدر بتريقه لا استني اشوف جدول مواعيدي وارد عليكي اكيد يعني فاضيه وقاعده زي قرد قطع اهو

لينا بضحكه عاليه طيب عايزينك دلوقتي في الشركه هاتقدري تيجي

قدر ماشي مسافه السكه وتلاقيني عندك

لينا ماشي مستنياكي

قدر ماشي سلام يا قمرايه

بيجاد بلهفه ها قالتلك ايه

لينا قعدت على الكرسي وبصتله بغيظ خلاص جايه اهي

يزن وبيجاد بإرتياح ماشي تمام

لينا بصتلهم بفضول لا بقى انا عايزن اعرف ايه الحكايه

يزن بص لبيجاد ومش عارفين يبدائوا الموضوع منين بالظبط عرض أقل