رواية انتقام القدر الفصل الثالث 3 - بقلم انوش احمد و ولاء حامد

البارت التالت

قدر فتحت الشنطه وبدئت تطلع منها شغل كتير ومع كل قطعه بيجاد بيبص ليزن وعنيه بتوسع اكتر عن الثانيه اللي بعدها

بيجاد وهو بيمسك سجاده

هي دي سجاده

قدر اه

بيجاد هو في سجاد هاند ميد

قدر يا راجل ليه هو أول مره يورد على عنيك

بيجاد بتوضيح لاء انا شكل في حاجات كتير في المجال داه معرفهاش مع اني صاحب شركه يعني ملم بكل كبيره وصغيره في السوق

قدر بسخريه وأما انتا صاحب شركه جايلي انا تعمل معايا وبيا إيه

لينا بتوضيح سريع بصي يا قدر هو كل ما في الأمر انه عايزك توصليه بالناس اللي بتجيبي منهم مباشره وليكي مقابل داه كومشن وكومشن كويس جدا جدا كمان

قدر بعدم استيعاب كومشن

لينا بهزة راس اه كومشن

قدر بتفكير سريع انا جايبه الحته جمله ب 200 جنيه لو وصلتهم ليهم يوم ما يضربني الدم هاخد ع الحته 100 جنيه دانا بعتها ليها بالف جنيه

لينا ها قولتي ايه

قدر لاء انا عندي حل تاني

لينا إيه هو

قدر انا اوردلكم اللي انتوا عايزينه وكولكشن جديد بجديد ولو عايزين الجديد كل يوم انا اوردهولكم

بيجاد بتريقه ليه هو انتي فاكره ان داه شغل قطاعي بالحته والحتتين يا حلوه احنا بنحتاج مش اقل من عشر الاف قطعه

قدر والله يا باشا مادام فلوسك حاضره اجيبلك بالمليون مش بالعشر تلاف

بيجاد بعدم تصديق وشاور عليها بتقليل من شأنها وانتي بقى هاتقدري

قدر ببرود والله تقدر تجرب انتا خسران حاجه من كلامكم واضح اوي للاعمى ان السوق معاكم واقع

بيجاد بتفكير تمام هاجربك مبدئيا في بعض الحاجات ونشوف

انا عايز من السجاد داه 500 قطعه مشكلين بس عايز اعرف الخامات والماتريال

قدر شاورت بإيدها داه سجاد كورشيه مكرميه وداه سجاد صوف وبري سيناوي وكلاهما شغل يدوي من الألف للياء

يزن مسك قطعه ودي إيه شكلها غريب ومميز جدا ودي ايه

قدر بشرح دي مكرميه معموله من الكروشيه والخشب واحيانا بيبقى بلاستيك

وكملت شرح وداه شغل فخار اسواني ومسكت قطعه تانيه وداه فخار فيومي

بيجاد يعني انتي بتجيبي من الفيوم واسوان وسيناء ولا داه مجرد اسم

قدر مش شرط هو الفيوم فيها والقاهرة فيها وكل مكان مليان الأهم إنك تجيب الجوده الصح ويكون معمول بإحترافيه لان اغلب الورش او الصنايعيه لو الشغل فيه اغلاط وعيوب بيدخله في قلب السليم كله في قلب بعضه وفي اللي لما بيلاقيك صيده بيغلي السعر فدي بترجع بقى للي مفتح وانتا بتقول عايز كميه يعني عايز اللي مركز ومفتح عينه ومفنجلها كمان

وشاور على بعض الشنط هو في أشكال تانيه من الشنط غير دول

قدر في أشكال وأنواع وأحجام كتير متعدش

عايز من الشنط دي بردوا الف شنطه بتشكيلات مختلفه

بيجاد داه سليبر وبص ليزن

يزن اول مره اعرف ان في سليبر هاند ميد

قدر إيه

يزن شاور عليه

قدر قصدك الشبشب

يزن شبشب داه اسمه سليبر حضرتك

قدر اللي اعرفه اسمه شبشب

يجاد شبشب اسليبر وات ايفر يعني مش مهم اسمه ايه

قدر اسمه شبشب احنا بنقول عليه شبشب متلوحش لسانك النبي عربي يا اخويا واختك عرفاني

بيجاد اوكي اوكي النبي عربي يا اختي عليه الصلاه والسلام اديني عدلتلك لساني اهو خلينا بقى في المهم وشرحلها كل المطلوب واللي عايزه وقدر بتسجل في ورقه معاها كل اللي بيقول عليه لحد ما خلص

قدر كل داه تمام إيه بقى اللي يضمنلي جديه الشغل انتا طالب شير وشويات ولو بسلامتك خلعت انا معييش أسد ولو ربع حقهم للتجار

بيجاد قصدك إيه

قدر انتا عارف اللي انتا عايزه داه تمنه كام

لينا انا قولتله اني اخدت منك الشنطه دي وشاورت على الشنطه اللي لابساها ب الف جنيه بس وهو مش مصدقني

قدر وهي بتحسب في دماغها بسرعه عنيها برقت قدر همست لنفسها يادين النبي داه الشنط لوحدها داخل على الميلون اومال هما هايكسبو فيها كام على كده

الله والله وشكل الزهر هايلعب معاكي وهاتدخلي من باب الملايين يا بت يا قدر وتعرفي ابو ست اصفار بييجي منين وازاي

قدر بقلق بس كده يا باشا لا مؤاخذه يعني انتا بتتكلم في ارقام ذات نفسي معرفش اعدها

بيجاد بمراوغه منا علشان كده يا بنت الناس بقولك عايز اريحك واريح روحي وقولتلك دليني على طريق الناس ولو قلقانه على مكسبك قبل أي طلبيه يا ستي هاديهولك مقدم

قدر برفعه وانا بردوا برجع واقولك حاجب ريح روحك لازمك الشغل معايا اهلا وسهلا اجيبلك بدل الألف عشره تلاف مليون لو تحب ولو عايز مفيهومش حتتين شبه بعض عنيا

بيجاد بإحباط ماشي وطلع من جيبه بدلته دفتر شيكات وكتب شيك ووقع عليه ومد ايده لقدر

قدر إيه داه

بيجاد داه شيك بالجزء من الفلوس

قدر ايوه يعني اعمل بيها ايه حتة الورقه دي

بيجاد بتريقه بتاخدي حته الورقه اللي مش عجباكي دي وبتروحي البنك بيدوكي بدالها فلوس

قدر بصت على الورقه بذهول دي

بيجاد اه معلش حاجه جديده عليكي

قدر هو انهارده شكله كل يوم الجديد

بيجاد طلع ورقه حضرتك اتفضلي امضيلي هنا وابصمي كمان وعايز بطاقتك عشان اصورها

قدر بخوف وداه ليه ان شاء الله

بيجاد ضمان لحقي لما استلم بضاعتي هتاخديها

قدر احنا كده بنخون بعض من اولها

بيجاد مش تخوين اسمه ضمان حق

قدر وانا ايش دراني ان كلامك حقيقي

بيجاد تقدري تروحي البنك دلوقتي لو تحبي وهاتخدي المبلغ اللي موجود في الشيك

قدر بصت على الرقم اللي مكتوب قدامها بذهول وانتا عايزني امشي في الشارع كده بالفلوس اللي مش عارفه اعد اصفارها من كترهم

بيجاد ايوه ايه المشكله

قدر المشكله اني مش هالحق اطلع بره البنك بيهم اصلا انتا بتهزر معايا يا جدع انتا

بيجاد وهاهزر معاكي ليه داه شغل والشغل شغل

قدر ايوه بس انتا بتقول كلام غريب يا عم افهم انا مقدرش دانا لما بيبقى معايا خمس تلاف بحطهم في ازبل شنطه عندي عشان محدش يفكر يبص عليها فمبالك بالرقم اللي مش عارفه هو قدامه كام صفر داه

يزن طيب والحل احنا عرضنا عليكي كل الحلول وانتي بتقفليها

قدر يوه في ايه منا بفكر معاكم يعني اودر روحي واودركم معايا

لينا خلاص يا جماعه انا هاعدي عليكي واخدك بعربيتي لحد البنك واوصلك للمكان اللي انتي عايزاه كده تمام

قدر لو كان كده ماشي ربك يحلها من عنده لينا طيب اقابلك فين هنا كويس ولا نروح مكان تاني

قدر لا يا اختي المكان هنا مطوح خلينا عند الكافيه اللي شوفتك فيه أقرب من داه

بيجاد طيب هاتمضي ولا ايه

قدر وانا كنت خدت ابيض ولا اسود هامضى على ايه وانا كنت كلت ايه عشان اشرب عليه ميه مش لما امسك حاجه في ايدي ابقى امضي وابصم بصوابع ايديا ورجليا كمان لو عايز

يزن خلاص يا جماعه بكره لينا وهي بتوصلها لما تستلم الفلوس تخليها تمضي على الايصال وتجيبهولك

قدر اذا كان كده ماشي

طب هاتعوزو حاجه من الشغل داه ولا اشيله

لينا لاء انا هاخد منه شويه حاجات صحباتي هايتجننو يا قدر بجد

بيجاد ماشي هانمشي احنا وبكره على ميعادنا

قدر ماشي كلامك

وبدئت لينا تنقي حاجات كتير وقدر طبعا حست انها طاقه القدر واتفتح ليها

قدر ها كده تمام اشيل الباقي لسه مشواري طويل

لينا لاء تمام كده حسابهم كام

قدر حاسبتها خلي معاكي الورقه دي لتضيع مني وبكره ابقى هاتيها معاكي يا اختي الله يسترك

لينا بضحك حاضر

قدر طلعت وهي مش مصدقه روحها معقول كرم ربنا بالشكل داه

طول الطريق وهي مش مصدقه نفسها طلعت تجري على محل عم حسين

قدر وهي بتتنطط من الفرحه دعوتك استجابت يا عم حسين كان مفتوحلها باب السما لاء أبواب السموات السبعه وطلعت زي الصاروخ

عم حسين اهدي اهدي كده وفهميني بالراحه ووحده واحده ايه العباره

قدر بقولك طاقه القدر واتفتح يا عم حسين عارف لو ربنا كملها على خير وعد وعهد عليا لاخلي المحل داه اكبر محل فيك يا خان الخليلي وبكره تقول قدر قالت

عم حسين ربنا يرزقك يا بنتي ويوسع رزقك كمان وكمان

قدر ايوه ادعيلي من قلبك بالله عليك بقولك ايه قصداك في خدمه

عم حسين شاور على عنيه عيني دي قبل عيني دي

قدر تسلملي عيونك ياراجل يا طيب مش انتا عندك عربيه بتجيب فيها البضاعه

عم حسين ايوه ليه

قدر السواق اللي فيها امان ومضمون

عم حسين وهو بيخبط بكفه على رقبه اضمنه برقبتي يا بنتي بس ليه

قدر كنت عايزاه هو والعربيه تلات ايام

عم حسين بإستغراب ليه هاتعملي ايه

قدر هاجيب بضاعه

عم حسين منتي بتجبيها شحن

قدر المره دي غير ولازم عيني تبقى وسط راسي لازم اقف عليهم حته حته عشان كده لازم اروح بنفسي قبل ما ادفع قرش صاغ واحد

عم حسين منين ما تنوي العربيه جاهزه تاخدك من الباب للباب قدر ماشي كده تمام

رجعت البيت وهي فرحانه دخلت جري وقبل ما توصل اوضتها مريم بصوت عالي

جايه متسربعه وداخله اوضتك معدتيش عليا ولا داخله بزعابيبك زي كل يوم

قدر معلش ورايا شغل ادعيلي يا ماما لو ظبط الدنيا كلها هاتظبط معانا وهانروح من حال لحال وتبقى كل أبواب الرزق اتفتحت لينا

مريم ربنا يوسع عليكي كمان وكمان ايه العباره رسيني

قدر لما تتم داه سيدنا النبي قالك استعينوا على قضاء حوائجكم بالستر والكتمان خليها بيني وبين نفسي ولما تتم ان شاء الله من غير مقاطعه وشر انا هاجيلك وارسيكي على الحوار من طقطق لمنطق

مريم ماشي كلامك يا ست قدر لما نشوف اخرتها

قدر اخرتها فل ان شاء الله داه بركة دعاكي والله

مريم دعيالك يا بنتي ويشهد عليا ربي

مريم عارفه والله من غير ما تقولي المهم فتون وكملت بلويه وش وغزل فين

مريم لسه في الدرس ليه حصل حاجه ولا ايه

قدر لاء بطمن بس

قدر دخلت الاوضه وقفلت الباب بالمفتاح ومسكت الموبايل وبدئت تدور في الصور على كل الأشكال وبدئت حمله اتصالات بكل الناس اللي بتتعامل معاهم في الشغل وبيوردولها الشغل

قدر بلغتهم بالكميه وانها محتجاها خلال تلات ايام تكون جاهزه

الكل اعترض بس قدر قدرت تسيطر على الموقف

قدر بحده وهي بتتكلم في التليفون يعني ايه صعبه معندكمش شغل يكفي الله يرحم ايام مكنتو بتدللو على الشغل ومش لاقيين اللي يشيل لما نيجي نشيل تتنططوا من الفرحه انكم هاتخلصو من الشغل اللي راقد مرمي

صاحب مشغل اصل الكميه كبيره وفلوسها بردوا مهياش هينه هاتعملي ايه فيها لو متباعتش ترجع تاني في اربيزنا

قدر ميخصكش اللي يخصك فلوسك تاخدها كاش ووقتي والباقي يخصني

صاحب المشغل ماشي لو كان كده يبقى استبينا

قدر ماكان من الأول لازم نقعد نناهد مع بعض على العموم كمان يومين وهاجي اخد البضاعه وهاشوفها بنفسي حته حته

صاحب المشغل ماشي كلامك

قدر فضلت تقفل من مكالمه وتعمل غيرها وهي مش حاسه بالوقت

عدا وقت كبير وهي قاعده قفلة علي نفسها الباب وبتكمل المكالمات بتعتها

جات غزل من بره وجات تدخل الاوضه لقيت الباب مقفول بالمفتاح فضلت تخبط وترزع عليه

قدر بحده من جوه ايه في إيه لخبط المخبرين داه

غزل بضيق مالك يا ختي قفلة علي نفسك كده ليه بتعملي ايه جوه مش عايزه حد يعرفه ولا يكون سر حربي مثلا

قدر لا سر حربي ولا حاجه يا اختي كنت بريح جتتي شويه من التعب وعايزه انام فيها حاجه دي كفرت ولا كفرت يعني اديني سبتلك الاوضة كلها اشبعي بيها ياكشي تكفيكي وخرجت قدر وهي بتنفخ بغيظ

قدر بتردد ماما عايزه اقولك على حاجه

مريم خير يا ضنايا

قدر عندي شغل وعايزه اروح اجيب بضاعه

مريم يعني هتسافري صد رد بردو

قدر بصراحه لا هاغيب كام يوم

مريم بخضه كام يوم ليه دانتي عمرك معملتيها

قدر بصي كده بيني وبينك عندي طلبيه شغل لو اتوفقت هاتبقى لقمه عيش حلوه

مريم ايوه يعني هاتقعدي قد ايه منا عايزه افهم بردوا مبقاش على عمايا

قدر بحسم بصي هما حوالي ثلاث او اربع تيام على حسب التساهيل للأسف مضطره والله غصب عنب

شهقه مريم وخبطت بايديها على صدرها يالهوي يا قدر ازي يعني تالت اربع ايام تباتي بره البيت مينفعش يابنتي الناس تقول علينا اي

قدر بنفخه وخنقه ماما بالله عليكي مش كل كلمه تقوليلي الناس ومش الناس مفيش حد من الناس اللي انتي بتتكلمي عليهم دول لا بياكلنا ولا بيشربنا ولا يسد مكانا في عوزتنا ولا حد بيجي يخبط على بابنا لما بنكون محتاجين والدنيا ملطشة معانا من كل نحيه وبعدين يا ماما انتي عارفه انا لا رايحه العب ولا رايحه اتفسح

مريم بس برضو يا بنتي انك تباتتي بره البيت مش مبلوعه هانقول للناس ايه

قدر بنفخه تاني الناس يا ماما افهميني والله انا رايحه عشانا كلنا ادعيلي بس وانا هحاول اخلص بدري بدري وعلى قد ما اقدر معوقش ادعيلي انتي بس وربنا يفرجها من عنده

مريم بقله حيله داعيه لك يا بنتي ربنا يفتح لك ابواب الرزق والخير كلها منين ما تكون قادر يا كريم

قدر اللهم آمين يارب العالمين هو ده اللي انا عايزة بس

تاني يوم نزلت قدر واتصل بلينا

لينا ها يا قدر هاقابلك فين

قدر عارفه الكافيه

لينا اه

قدر استنيني هناك

لينا تمام

اتقابلت قدر ولينا وبعد وقت واتحركوا هما الاثنين للبنك

لينا قدمت الشيك وصرفته

لينا بتوضيح داه كده عربون من تمن البضاعه

قدر بصت للشنطه بصدمه وسكتت

لينا طلعت ايصال وقدمته لقدر

قدر بنفخه هاتي يا اختي ياكشي اخلص من الهم الازلي داه مضت علي ايصل الامانه ورجعته للينا تاني وخرجو من البنك

لينا ها يا قدر تحبي اوصلك فين

قدر قالت ليها علي المكان

وركبت مع لينا وبعد وقت وصلت المكان

ونزلت

قدر تشكري يا قمر وسابتها ومشيت ولينا اتحركت بعربيتها

قدر اتمشت شويه وهي مسكه في الشنطه جامد ومتبته عليها بخوف لحد ما وصلت المحل عند عم حسين

اول لما وصلت لقت العربية مستنياها بالسواق

عم حسين هاتتوكلي على الله دلوقتي

قدر ايوه ادعيلي ربنا ييسرها في وشي

عم حسين دعيلك يا بنيي وركبت العرييه واتوكلت على الله ساعات مرت على قدر لحد ما وصلت لأول مكان ومضيعتش وقت في الراحه و بدات تلف طول اليوم من مشغل لمشغل وتتفق وتقف لحد ما تستلم البضاعه اللي مبلغاهم بيها وأول ما تتأكد من كل قطعه طلعت الفلوس ودفعت تمنها على طول

قدر وهي واقفة بتتابع البضاعه وهي بتتحط علي العربيات وكأنها بتتابع حلمها قدام عنيها واخيرا بعد ايام قدرت تخلص

اتنهدت براحه

وركبت واتحركت في طريق رجوعها بعد تلات ايام متواصله من الشغل ليل بنهار مريحتش كام ساعه فيهم وصلت عند عم حسين اخيرا براحه

عم حسين بإستغارب وهو بيبص على العربيات اي ده كلو يا بنتي اللهم بارك هنعمل اي في البضاعه دي كلها احنا معندناش مكان نشونها فيه

قدر بسرعه لا لا ما تقلقش يا عم حسين هو كده كده اصلا مش هيتخزن ولا هتبات هنا حتى

حسين مش هتتخزن ازاي اومال هاتعملي فيها إيه

قدر بتوضيح دي رايحه صد رد لاصحاب النصيب وبصت في ساعتها يادوب اللحق اوصلها لأصحابها عشان انفض همها من على كتافي

عم حسين دلوقتي ازي بس يا بني داه انتي ليه واصله وحتى ما لحقتيش تريحي جتتك هتروحي فين تاني دلوقتي خليها يا بنتي والصباح رباح وبكره يحلها الحلال

قدر بإصرار الشغل ده يا عم حسين مش محتاج راحه الشغل ده عايز تعب وشقا القرش اللي جاي منها مش جاي من ابو بلاش وعلى يدك انا كنت بلف طول النهار على رجليا لحد اما تورم عشان كام جنيه فدلوقتي لما ربنا كرمني اقول تعبت مينفعش

حسين عارف والله يابنتي انا بس عامل عشان تعبك

قدر التعب ده مدفوع تمنه كتير اوووي اما التعب اللي فات كان يعتبر تعب من ابو بلاش

حسين خلاص اللي انتي شايفة يا بنتي براحتك

قدر خلاص تمام ماشي وباذن لله خير

طعلت تليقونها واتصلت علي لينا

قدر ازيك يا حبيبتي اخبارك ايه

لينا الحمدلله بخير ياقلبي وانتي اخبارك ايه

قدر بخير الحمد لله المهم عايزه ابلغك ان البضاعه جاهزة

لينا بصدمه اي ده يا بنتي انتي لحقتي عملتيها ازاي دي

قدر يا بنتي انا قولتلك قبل كده انا مش بهزار في الشغل وانتو اللي ليكم بضاعه شوفي بقى اجيب لكم البضاعه فين بالظبط علشان مينفعش تفضل مركونه كتير

لينا طيب خليكي معايا متقفليش على ما اظن ان بيجاد لسه ما راحش الشركه هشوفه وهرد عليكي

لينا نزلت هي وبتجري على السلم

لينا بصوت عالي يا بيجاد يا بيجاد

بيجاد قام منطور من مكانه بلهفه مالك يا لينا على الصبح في ايه مالك نازله بتنهجي وبتجري كده ليه

لينا وهي بتاخد نفسها بالعافيه قدر كلمتني وقالت ان البضاعه جاهزه

بيجاد بستغراب ايه ده هي لحقت عملتها ازاي دي اصلا

لينا والله مش عارفه يا ابني بس هي كلمتني وقالت لي كده

بيجاد طيب خلاص تمام ماشي كلميها وخليها تيجي على الشركه

لينا تيجي على الشركه ازاي وتدخل بالبضاعه دي كلها ازاي هناك يعني بالمنظر ده دي مش شنطه ولا اتنين الأكيد انها عربيه وعربيه كبيره اوووي كمان

بيجاد بتفكير اممم عندك حق طيب وبعدين

دخل يزن بإبتسامته المعتاده صباح الخير يا جماعه اخباركم ايه

لاحظ صمتهم الاثنين مالكم في ايه واقفين عاملين زي تماثيل الشمع المتحنطه كده ليه حد يفهمني

بيجاد بحيره قدر كلمت لينا وقالت لها ان البضاعه جاهزه

يزن طيب تمام فين المشكله

بيجاد بقول للينا تيجي على الشركه ونحطها في اي مخزن

بتقولي مينفعش تروح الشركه عشان الكميه

يزن بسيطه خليها تيجي على الفيلا بدل البهدله يعني ومنها نتأكد من سلامه الشغل كمان ونبقى ضربنا عصفورين بحجر واحد

بيجاد عندك حق فعلا ماشي كلامك

لينا رفعت التليفون على ودنها لأنها كانت لسه مسكاه في ايديها ايوه يا قدر انتي لسه معايا

قدر ايوه بس الصوت كان بعيد اووي ومغلوش

لينا معلش طيب ينفع تجيبي الحاجات وتيجي الفيلا بدل البهدله من هنا لهنا

قدر ايوه ينفع مفيش مشكله هاتي العنوان وانا مسافه الطريق وابقى عندك

لينا تمام اوكي اكتبي عندك …..

قدر تمام وقفلت وركبت العربيه وقالت العنوان للسواق واتحركوا مع بعض وصلت الفيلا

بيجاد كان سايب خبر عند البوابة بوصولها

الامن فتح الوبابته الباشا سايب خبر انك اول ما توصلي ندخلك على طول

قدر بتقدير تسلم يا سطا

فتح البوابه ودخلت قدر بالعربية متحملة

نزلت قدر بإبتسامه وبصت للينا وهي بتشاوعلى العربيه اتفضلي يا ستي ادي البضاعه استلمي

بيجاد ويزن شاورو لعمال من اللي شغالين في الفيلا بدأوا ينزلو الكراتين

بيجاد تمام اوكي الله ينور تقدر تروحي

قدر هو اي اللي تمام اوكي معلش مش فاهمه

بيجاد قصدي يعني اني هشيك على البضاعه

قدر لا شيك براحتك انا ما وريش حاجه

بيجاد بس ده هياخد وقت طويل يا بنتي

قدر تمام هو انا قلت لك حاجه خد الوقت اللي انت عايزه ما فيش اي مشكله عندي وادينا قاعدين اهو

بيجاد خلاص تمام ماشي اللي يريحك

وبدئوا يفتحو واحده واحده ويفرزوها وقدر واقفه متابعهم من سكات لحد ما خلصو

وبعد وقت كانوا خلصوا واتاكدو ان البضاعه كلها كويسه وفوق الممتازه كمان ومافيش فيها اي غلطه

بيجاد تمام كده مفيش اي حاجه فيها غلطه

قدر تمام الحمدلله ايدك بقا

علي ايصال الامانه بتاعي

بيجاد بهدوء اوكي ما فيش اي مشكله ممكن تعدي بكره عليا في الشركه تاخديه عادي

قدر بحده لا يا باشا ما اتفقناش على كده لا مؤاخذه زي ما انت اخذت حقك انا كمان لازم اخذ حقي معلش الحق وحق حقك خدته وبضاعتك عندك واتأكدت منها بنفسك حقي فين

بيجاد بحده هو انا هاكل حته الورقه بتاعتك يعني ولا ايه

قدر الله اعلم ما فيش حاجه دلوقتي بقت مضمونه يا باشا وبعدين انا مش مغسل وضامن جنه بضاعتك وخدتها وحقي وهاخده ومش متعتعه من هنا الا لما اخد حقي ووقتي كمان

لينا بمحاوله لتهدئة الجو بينهم خلاص يا بيجاد مفيش مشكله كده كده انت اخدت البضاعه واتأكدت بنفسك تقدر تسبقنا على الشركه وانا هاجي انا وقدر وراك وفي الاول والاخر ده حقها انت من الاول خليت التعامل ميري فالحق ما يزعلش حد

بيجاد اوكي مفيش مشكله انا كنت عامل على تعبها مش اكتر

قدر لا تعبك راحه انا والتعب حبايب وأصحاب يعني لا جديد عليا ولا انا جديده عليه وبصت للسواق بقولك اي يا سطا خد العربيه وسبقني على المحل وانا مش هتاخر باذن الله مسافه الطريق وهتلاقيني وراك

قدر ركبت مع لينا وصلو الشركه واول ما دخلت قدر كانت ماشيه بخوف وقلق بتتلفت حواليها وهي رجليها بتخبط في بعض لحد ما وصلت مكتب بيجاد

بيجاد طلع الوصل ومد ايده اتفضلي يا ستى الوصل بتاعك اهو كده تمام

قدر اتاكدت من الوصل وهزت رأسها لا تمام الله ينور

بيجاد فتح الخزنه وبدا يطلع رقم فلوس وحطها في شنطه

لحد ما خلص

بيجاد وهو بيقفل ابشنطه وداه كده يبقى باقي حسابك الباقي اللي اتفقنا عليه

قدر وهي باصه للشنطه برتياح وعنين بتلمع وكأنها يادوب مسكت حلمها وطالته بإيديها حضنت الشنطه بلهفه تسلم ياباشا كده فل اوي اوي كمان بالاذن انا يلا سلام عليكم

وخرجت وهي قلبها هايخرج من صدرها من كتر الفرحه وقفت تاكسي

قدر على البنك يا اسطى

وصلت البنك ووقفت قدام الموظفه لو سمحتي عايزه افتح حساب

الموظفه هاعنلي إيداع

قدر هزت راسها وطلعت شنطه الفلوس وقفت وهي متابعه المكنه بتعد رزم الفلوس كأنها بتعد أحلامها قدامها

اول ما خلصت طلعت تجري على البيت وهي فرحانه ومبسوطه زي العيل الصغير اللي فرحان بيوم العيد

دخلت على امها وهي بتتنطط من الفرحه

قدر بصوت عالي طاقه القدر اتفتحت ياماما طاقت القدر اتفتحاااااات يا ناااااس عرض أقل