رواية انتقام القدر الفصل الثاني 2 - بقلم انوش احمد و ولاء حامد
البارت الثاني
قدر وهي حاطه ايدها على خدها وسانده على الترابيزه ها يا حلوه خلصتي الصوره ولا لسه عايزه ترسميها
لينا ابتسمت بهدوء لاء خالص والله انا بس حبيت اسلوبك تحسي انك عفويه اوووي وداه في حد ذاته مميز
قدر حمحمت بهدوء الله يكرمك
لينا سحبت شنطتها وقعدت جمبها انا لينا قدر بقلق وانا قدر
لينا واو اسمك مميز اوووي
قدر الله يكرمك انتي احلى
قدر بتردد شكلك من الناس الهاي
لينا بإبتسامه قصدك ولاد الزوات واللي يدور وراهم يلاقيهم من ذوات الاربع
قدر بكسوف انتي سمعتي شكل ودنك دش
لينا بضحكه بصراحه عجبتني اوووي
قدر كويس اهو الواحد عمل حاجه تعجب حد في ام المكان اللي قرفان من روحه داه
لينا فعلا الناس هنا بتيجي علشان المكان هادي مش اكتر
قدر يا اختي الدوشه حلوه بردو ونس كده والناس واخده بحس بعضيها انما هنا الناس كل واحد في وادي غير التاني
لينا داه حقيقي انتي منين يا قدر
قدر من الطالبيه تعرفيها
لينا بصراحه لا اسمع عنها بس معرفش هي فين
قدر وتسمعي عنها فين
لينا بمحاوله تذكر تقريبا سمعت اسمها في مسلسل
قدر ااااه مسلسل قولتيلي وانتي منين بقى
لينا من مديني
قدر ايجبت يعني تشرفنا صحيح ايه اللي هايعرف بتوع ايجبت بالطالبيه مهو اخركم تسمعو عنها في التلفزيون
وهما بيتكلمو قدر عدلت الشنطه وحطتها على رجليها لينا بصت للشنطه بإنبهار
وااااو او ماي جاد اتس فانتاستك
قدر اؤمري ترجمي يا اختي انا اخر معرفتي بالانجليزي واللغات عموما ثانوي عام ومن بعدها اتمسحو من دماغ العبده لله فالله يسترك ترجمي اللي كرتيه زي بكره الكورشيه ورا بعض داه ايه
لينا بضحك بقولك الشنطه دي تحفه اوووي دي برند إيه
قدر دي مش برند دي هاند ميد تعرفيه شغل يدوي مصنوعه من القش
لينا وهي بتلمس الشنطه بصوابعها بإنبهار واااو دي بجد مصنوعه من القش انتي بتهزري
قدر لا والله بتكلم بجد داه اسمه شغل هاند ميد بيتعمل يدوي
لينا دي تحفه انتي عارفه دي لو في برند سعرها هايكون كام دي تعدي وتتخطف خطف كمان
قدر بإستغراب على ايه يعني
لينا أنا عايزه اعرف انتي جيباها منين بليز
قدر ليه
لينا عايزه اشتري واحده
قدر بتفكير لثواني طلعت شنطتين من الهاند باج اللي على ضهرها
لينا خطفت الشنطتين واو واو واو بجد ايه داه
قدر دي يا ستي شنطه سيناوي بتتعمل من الصوف المغزول يدوي وبتتطرز كمان يدوي بصي هو انا كنت جيابهم لواحده صحبتي بس برن عليها مبتردش
لينا برجاء ممكن اخدهم وانتي هاتيلها غيرهم
قدر بتقل اممم
لينا بليز اللي هاتقولي عليه هادفعه بجد الشنطه دي تحفه وانا بعشق الشغل داه
قدر بتفكير بينها وبين نفسها طيب اللي زي دي اقولها السعر اللي بتعامل مع الزباين التانيين ولا ازود شويه ولا شويتين مش عارفه لو زودت مش هايبقى طمع بس اللي زي دي مظنش هايفرق معاها الزياده وبين البايع والشاري يفتح الله
لينا حركت ايديها قدام وشها رايح جاي هووو روحتي فين
قدر ها معاكي
لينا طيب قولتي إيه بقى بليز وفي محاوله منها لاقناعها انا ممكن كمان اقول لاصحابي عليكي وهما كمان بيحبو شغل الهاند ميد اوووي
قدر بس صاحبتي يعني
لينا انتي قولتي انها مش بترد ممكن تجيبيلها غيرها بكره او اي يوم انا عايزاهم بجد
قدر بس سعر الشنطه الواحده عامله 800 جنيه يعني الشنطتين دول عاملين حوالي 1600 جنيه
لينا بس انتي بتهزري
قدر بقلق ايه غاليين دول شغل يدوي و
لينا قبل ما تكمل دول رخيصين جدا انتي عارفه لو موجودين تبع اي محل مشهور او برند هايكون سعرها كام
قدر ربنا يبارك لكل واحد في رزقه
وهما بيتكلمو جات القهوه
قدر خدت بق وشرقت استغفر الله إيه داه دي قهوه ولا لهوه
لينا إيه
قدر القهوه مره زي العلقم
لينا بصت عليها اووو دي اسبريسو
قدر إيه
لينا قهوه مركزه لو كنتي عايزه حاجه مسكره شويه كنتي جبتي بلاك كوفي وذ ميلك او ليتل كريم اند مور شوجر
قدر بذهول ها كل داه اسم قهوه دانا مش حافظه اسم اهلي كله عايزاني انا اخفظ داه كله
لينا بضحك قصدي نسكافيه بلبن وعليه سكر
قدر يا اختي اعدلي لسانك داه النبي عربي
لينا عليه الصلاة والسلام
قدر ايوه كده يا شيخه اهو نعرف ناخد وندي مع بعض في الكلام
لينا المهم خلاص كده انا هاخدهم
قدر ماشي مش هازعلك
لينا طلعت من شنطتها الفين جنيه اتفضلي يا ستي
قدر بذهول بالبساطه دي
لينا عادي هنا يستحقوا اكتر من كده اصلا
قدر عدت الفلوس بس دول الفين طلعت 400 جنيه دول حقي ودول بتوعك
لينا لاء طبعا داه حقك انا عارفه انك عامله معايا كومبليموه يا بنتي انتي اصلا لقطه
قدر في سرها دانتي االي لقطه البت طلعت الألفين جنيه زي ما يكون اتنين جنيه
حكمتك يارب الحمد لله على كل حال
لينا ممكن اخد رقمك
قدر ليه
لينا علشان اكيد اصحابي هايتهبلو لما يشوفوهم وانا مش عارفه انتي جيباهم منين
قدر ماشي يا قمر اكتبي عندك وملتها الرقم
لينا ثواني هارن سجلي الرقم
قدر إيه الرقم داه ايوه يا عم الله يسهلك رقم مميز من الغالي اوووي
لينا بمرح داه حسد
قدر لا قر وحياتك
لينا عين الحبايب والطيبين مش بتحسد
قدر الله يكرمك يلا بقى لاني اتاخرت وطريقي لسه طويل
لينا أنا ممكن اوصلك
قدر لو عرفت توصلي ابقى قابليني لو عرفتي ترجعي خليكي يا حاجه الله يكرمك
انا عارفه طريقي
وجالها الجرسون بالحساب
قدر فتحت الورقه بفخر وبصت فيها عنيها برقت وشهقت مره واحده هاااا يالهووي كوبايه قهوه وياريتها عدله ب 300 جنيه ليه زرعهالي مخصوص ولا حاططلي فيها الشوال
لينا داه اسبريسو بيكون غالي لانه بيكون كبسولة و ليها جهاز مخصوص
قدر كبسولة ايه ونيله ايه ليه هو انا باخد دوا دانا لو روحت اي قهوه وجربت جميع المشاريب مش هادفع 30 جنيه مش داه كله
لينا بضحك سيبك من التشيك انا عزماكي
قدر الله يكرمك متخافيش متعشيه وابوها كبير
طلعت فلوس ولسه هاتحطها
لينا علشان خاطري كفايه الشنط انتي عملتي معايا فيها تخفيض كبير فمن فضلك خليني اقدر اردلك ولو جزء صغير منه
تحت إلحاح وإصرار لينا وافقت قدر
قدر ماشي يا ستي نردهالك في الأفراح يلا اطير انا
لينا مع السلامه
قدر طلعت وهي مبسوطه وبحال غير الحال وكل شويه تطبطب على الشنطه وفرحانه
وصلت المحل عند عم حسين
قدر بإبتسامه واسعه مساؤه فل يا عم حسين
عم ايش ايش ايه طالعه بحال وجايه بحال
قدر ربك كريم وفرجها
عم حسين ربنا يفرجها عليكي دايما من وسع
قدر انا وانتا وطلعت فلوس
عم حسين ايه داه يا بني
قدر حساب البضاعه وقبل ما تقعد تناهد اطير انا اللحق وقتي
عم حسين بإبتسامه ربنا يكرمك يا بنتي ويستر طريقك قادر يا كريم
قدر رجعت البيت وهي مبسوطه
ومن على الباب مريومه يا مريم يا ست الحبايب
مريم من المطبخ ايه يابت جايه بزيطه وزمبليطه ليه
قدر مبسوطه يا بركه داعاكي كان مفتوحله أبواب السما
مريم ايه اللي حصل
قدر اغير وجيالك فوريره
مريم ماشي متعوقيش اللا انتي شوقتيني
قدر ماشي دخلت بسرعه غيرت وطلعت لأمها
قدر طلعت فلوس كتير
مريم هاا ايه داه يا بت
قدر رزق انهارده والله يا ماما طول اليوم مكنتش لميت هم اليوم ولا بعت كتير ولحد العصر وربك من ساعتها فتح أبواب الرزق ونزلت ترخ
مريم قولي الحمد لله
قدر الف حمد وشكر لله
مريم طب هاتعملي بيهم ايه
قدر عدت جزء من الفلوس بصي دول فلوس الايجار والميه والنور والغاز
وعدت فلوس تاني ودول خليهم معاكي لمصروف البيت
مريم يابت منتي ادتيني امبارح
قدر خليهم معاكي اهو رزق يوم بيشيل يوم
وانتى عارفه السوق ملهوش حال ثابت
مريم ماشي يا ضنايا انا هادخل أعينهم جوه
قدر ماشي
دخلت مريم ومتبعاها من بعيد غزل اللي سمعت كل الحوار اللي دار
غزل بطمع بقى الست غزل عماله تصر وتحوش لروحها واحنا منشفاها علينا ومين عالم طبعا تلاقها طول النهار بتجيب لنفسها كل اللي عينها تيجي عليه وتيجي لحد عندنا وتدعي الفقر والرضا طول عمرها مش سهله وعماله تقولنا كأني وماني وتقعد ساعه تدينا محاضرة عن الرضا والحمد والشكر
فضلت واقفه متداريه ورا العمود لحد ما امها رجعت المطبخ ودخلت تتسحب على طراطيف صوابعها وقفلت الباب وراها بالراحه وفتحت دولاب امها وبدئت تفتش فيه لحد ما لقيت الفلوس امها حطاها تحت هدومها سحبت الفلوس بقى كل دي فلوس يا كفره ومستخسرين فيا 200 جنيه سحبت من الفلوس ورقتين كل ورقه ب 200 جنيه
وحطت الفلوس تحت هدومها ورجعت هدوم امها الدولاب تاني زي ما كانت ورجعت على اوضتها اللي مشاركه قدر فيها تتسحب بنفس الطريقه
غزل طلعت الفلوس وحطتهم على لوح السرير وهي مبتسمه والله وشكلها هاتزهز معاكي يا غزل وتجيبي اللي نفسك فيه وكملت بغرور انا مش اقل من حد انا أجمل منهم لولا الفقر بس خلاص عرفت الطريقه واهي سهله وموجوده
مريم خلصت الاكل ونادت البنات وقعدوا ياكلو
قدر كانت بتاكل بسرعه ونفس مفتوحه غزل بسخريه بالراحه يا حبيبتي في ناس معاكي محدش بيجري وراكي اللي يشوفك يقول مبتذوقيش الذات بره
قدر طب مهو داه حقيقي انا مباكلش لقمه توحد ربنا بره ومن صباحيه ربنا على لقمه الفطار اللي امك ادتهاني
غزل برفعه حاجب والمفروض بقى اني كده أصدق يعني
قدر والله تصدقي متصدقيش دي حاجه ترجعلك انا لا مجبره ابررلك ولا مجبره احلفلك
مريم بحده كلي من سكات اظن الطفح اللي قدامك من تعبها وشقاها بدل ما تشكريها بتسمي بدنها على لقمه وكلاها على جوعه
غزل والله ما بقيت عارفه ارضيكم كل كلمه مني بتقف في الزور وتعرض
مريم بت انتي يا تطفحي من سكات يا تغوري على اوضتك
غزل وعلى ايه لأحسن نزعل منا وليه النعم والإحسان
قدر بصتلها بلا مبالاه
قطع حربهم خبط الباب
مريم لبست الطرحه على راسها وفتحت الباب
عم شعبان انا جاي على حسب ميعادي معاكي ست قدر
مريم من عيني استني بس دقيقه هاجيبلك الفلوس
ردت الباب ودخلت اوضتها وغابت فيها شويه وطلعت وهي وشها اصفر ومخطوف
قدر مالك يا ماما
مريم مصيبه يا قدر مصيبه
قدر بخوف مصيبه ايه
مريم بعياط الفلوس
قدر طيب نمشي الراجل اللي على الباب ونبقى نتكلم ماشي اهدي بس قدر خدت منها الفلوس وطلع دفعتهم لعم شعبان ودخلت
قدر في ايه بقى
مريم بعياط الفلوس اللي لسه واخدها منك عنتهم جوه ودخلت اجيب فلوس الايجار لقيت الفلوس ناقصه 400 جنيه
قدر يمكن اتنطرو كده ولا كده ولا يمكن عنتيهم في مكان تاني
مريم بعياط لا يا بنتي انا حطيتهم بإيدي على الفلوس التانيه وانا لا بحط قرش هنا ولا هنا مفيش غير دولابي خبطت بإيديها على رجليها يارب انا ناقصه داه هو غلب يارب راحو فين انا هاتجنن
قدر بصت لاخواتها بغموض هانعرف يا ماما هانعرف مسير المستخبي يبان من هنا وجاي متحطيش قرش في الدولاب
مريم بعياط :اومال احطهم فين ان مكانش حيطان البيت تسترنا ونتحامى فيها يبقى مين بس اللي يسترنا ونتدارى فيع
قدر متشغليش بالك حطيهم في بوك في صدرك مش هايتعبوك
مريم بعياط لله الأمر من قبل ومن بعد
قدر ونعم بالله
سكتت قدر شويه وبصت لي امها اللي مبقاش ليها نفس للاكل وسابت الاكل ودخلت اوضتها بحزن
قدر فضلت تبص لاخوتها بغموض وخدت بالها من توتر غزل اتنهدت وسكتت
خلصو اكل وشالت الاطباق ودخلت اوضتها وفضلت سهرانا بتفكر وعقلها عمال يودي ويجيب لحد ما اتاكدت ان كلهم ناموا طلعت واتسحبت علي طراطيف صوابعها دخلت على امها الاوضة وقفلت الباب بالراحه عشان محدش من اخوتها يحس او يسمع حاجه
مريم بخضه مالك يا ضنايا في اي يا حبيبتي منمتيش ليه لحد دلوقتي داحنا عدينا نص الليل
قدر بتعب وهي بتفرك دماغها من الصزاع والتعب يعني بعد كل اللي حصل ياماما عايزاني اعرف انام ازاي بس
مريم ليه بس يا بنتي في ايه كف الله الشر
قدر بتردد بصي يا امي بالمفتشر كده وعلى بلاطه في حد من بناتك هو اللي مد ايده وخد الفلوس
مريم لا يا قدر اوعي تقولي كده يا بنتي اخواتك متربين وعنيهم مليانه اوعيوتظلمي يا بنتي
قدر بس الشيطان شاطر يا ماما مهو بالعقل مفيش غير انا وانتي وغزل وفتون وانا اللي مدياكي الفلوس وانتي مش هاتسرقي روحك مهي كده ولا كده معاكي اصلا
مريم قصدك اي يا قدر مش فاهمه انا توهت منك يا بنتي
قدر يعني قصدي ان اللي دايما بتشتكي وبتتكلم على الفلوس هي غزل
مريم اوعي تظلمي يا بنتي داه الظلم ظلمات يا ضنايا و يا بخت اللي كان ليه وما يبقاش عليه
قدر يا ماما انا مش بظلم انا بفكى معاكي بصوت عالي والعقل بيقول برضو حرس ولا تخون
مريم بحيره طيب اعمل اي مش فاهمه حاجه وتوهت منك دليني يا بنتي
طلعت قدر بوك صغير قماش وادته لمريم واتكلمت بحسم ده تحطي في الفلوس وتشيليه في هدومك تحطيه في صدرك مهياش غلبه يعني
مريم بصتلها منا مبعرفش ومبتحملش حاجه تشكشك في جسمي
قدر مش غلبه هي هتتعودي عليه ولو معرفتيش اشبكيه بدبوس في هدومك لحد ما اشوف اخرت بنتك إيه وناويه على ايه
بدا الشك يدخل قلب قدر اتجاه غزل : قدر لنفسها الصبر وكله مع الايام هايتكشف اصبري يا غزل اللي في الدست هاتجيبه المغرفه
بيجاد في المكتب عمال يزعق بعصبيه وحده وصوته عالي ومسمع من شرق لغرب
بيجاد اللي انتو بتعملوه داه اسمه لعب عيال انتو مش جايين تشتغلو انتو تهزروا تلعبو اي حاحه غير انه يكون شغل
دي مش تصاميم ديزاينر شغالين في شركه زي شركتنا ده اخرو شغل عيال لسه بتتعلم مش المفروض اكبر مصممين في البلد
يزن بمحاوله لاحتواء الموقف اهدي شويه يا بيجاد العصبيه مش هاتحل حاجه وبعدين انت مش شايف الوضع ازاي و السوق واقع يعني مش علينا بس داه على الكل
بيجاد لا طبعا السوق مش واقع وبطل تقدملهم مبررات داه اللي خلاهم يسوقو فيها انتاةشوفت شمل التصميمات كلها متكرره الف مره ومتعاده هي هي مفيش جديد مبقاش عندهم شغف يجددوا اللي انت بتقولو ده كلام فاضي احنا في عز السيزون وكل المحلات والجاليري شغاله شغل من نار انا اللي مشغل معايا شويه عيال عمالين بس يكبشو في فلوس ومحدش فيهم عايز يتعب نفسه ويجدد ولا يدور على الجديد ويوسف احتياج السوق ايه
لينا دخلت على الصوت بإستغراب اي ده يا جماعه مالكم في ايه صوتكم عالي اوي كده ليه وجايب لحد الشركه من بره
بيجاد بزعيق وهو بيخبط على المكتب بعصبيه البهوات العالم المهمله المستهترين اللي انا مشغلهم معايا شويه عيال عاملينلي شويه ديزاينرات متكرره ومفيش حاجه واحده توحد ربنا جديده و تشد العملاء ومبيعات الكام شهر اللي فاتوا كل يوم في النازل عن اللي قبله ولو فضلنا بالوضع ده يبقى هايخربوها وهايقعدوا على تلها
لينا بتعقل طيب اهدي وكل حاجه ليها حل اكيد مهي مش هاتتحل بالزعيق والصوت العالي اكيد
بيجاد اهدي ازاي بس بقولك كل اللي بنيته في سنين عمري اللي فاتت هيتهد فوق راسي بسبب شويه عيال عاملين نفسهم أمير مصممين في مصر و مش عايزين يتعبو نفسهم في الشغل
لينا طيب ما تفكر تجيب ديزاينر جديد
بيجاد لحد ما نعمل اعلان ويتقدم ناس ونشوف شغلهم
الوضع داه هياخد وقت وانا ما عنديش وقت اصلا التاخير مش في صالحي يا لينا كده السيزيون هايضيع وتبقى خساير بالجمله
بيجاد انا محتاج حد يكون ملم بلسوق وملم بكل تفصيلة فيه حد عارف الجديد ويقدر يفهم احتياجات السوق ويقدر يلبيها بسهوله
لينا افتكرت قدر وبصت لبيجاد بتفكير انت شغلك كله تبع الهند ميد مش كده
بيجاد بضحكة سخريه لا بجد والله علي اساس انك اول مرة تعرفي ولا إيه منتي شريكه في ام المخروبه دي
لينا يابني حاول تفهمني مش قصدي اتغابى عليك انا عايزه افهم انتا محتاج حد يكون ملم بكل تفصيل الهاند ميد واحتياج السوق
بيجاد بعصبيه يابنتي اومال انا بقالي ساعه بتكلم في اي ما هو ده انا عمال اقوله من الصبح ايه الجديد فيه بقى
لينا بصتله وعنيها بتلمع سهلة والحل عندي كمان
بيجاد بلهفه ازاي بقى
لينا حطت تلشنطه بتاعتها على المكتب وشاورت عليها :انت شايف الشنطه دي
بيجاد بعصبيه لينا مش وقت تفاهه خالص لو سمحتي
و مش وقته خالص تفرجيني على حاجه جديده في الشوبينج بتاعك
لينا يابني لالا مش قصدي كده خالص مش شوبينج ولا حاج
الشنطه دي مصنوعه من القش
بيحاد بعدم استعاب بتقولي ايه وبص للشنطه بتركيز انتي متاكده
لينا ايوا طبعا متاكده الشنطه دي مصنوعه من القش وازيدك من العشق بيتا الشنطه دي انا اشترتها بي الف جنيه بس
مسك بيحاد الشنطه بلهفة انتي بتقولي اي جبتيها منين دي ومن محل اي ومين اللي عملها عاملها
لينا طيب اهدا كدا وواحده واحده وانا هفهمك على كل حاجه هي اولا اللي عملتها بنت اتعرفت عليها في كافيه
بيجاد بسرعه فين البنت دي شغالة فين واوصلها ازاي
لينا بتفكير وهي بتحط ايديها تحت دقنها البنت دي على ما اظن انها مندوبه مبيعات كوستمر سيلز يعني
بيجاد طيب لصالح شركه ايه او محل ايه بالظبط وفين
لينا بصراحه مش عارفه بس البنت طلعت لي شنطتين اجمل من بعض انا صحابي في النادي لما شافوهم اتجننو عليهم لدرجه ان انا حرفيا عايزة اقولك يا بيجاد ان طلب مني كميه كبيرة وكمان جايبه لي شنطه من الصوف السيناوي استني كده
طلعت موبايلها ووريته الصوره
شاف الصورة بيجاد وتنح واو انتي متاكده ان الشنطه دي بي الف جنيه بس دي لو هي تبع البرند بتاعنا دي اقل حاجه يوم ما انا اعمل ديسكوند كمان عليها توصل بالميت ل ست او سبع آلاف جنيه واكون عامل معهم احلي واجب كمان وتتخطف خطف
لينا بتاكيد والله دي الحقيقة وداه سعرها وانا قولتلك اللي حصل
بيجاد بحسم طيب انا عايز البنت دي حالا باي طريقه وباي شكل وباي تمن كمان مفيش وقت
لينا ايوا ده اللي هو ازاي يعني مهو انا مش شيلاها معايا في الشنطه
اجبها منين دلوقتي انا يعني
بيجاد ببوادر اخباط طيب ايه مفيش طريقة نعرف نوصل بيها للبنت دي ولا ايه
لينا لا طبعا معايا رقمها عشان اتفقت انها هتجبلي شغل تاني
بيجاد بلهفه طيب حلو اوي اتصلي بيها دلوقتي بسرعه وخليها تقابلنا حالا
لينا دلوقتي دلوقتي داه اللي هو ازاي يعني
بيجاد ايوه دلوقتي مفيش وقت انجزي يا لينا بسرعه الشركه بتوقع وانا مش هافضل قاعد حاطط ايدي على خدي وانا قدامي الحل
لينا بقله حيله طلعت التليفون واتصلت علي قدر
لينا يترحاب حبيبتي اخبارك ايه
قدر الحمد لله يا قمر اؤمري
لينا الامى لله بقولك انا عايزة اشوفك ضروري دلوقتي ينفع
قدر بقلق دلوقتي دلوقتي
لينا اه في مشكله عندك
قدر تمام مفيش مشكله عنيا ليكي بس هو في حاجه ولا ايه الشنط فيها حاجه يعني
لينا لالا خالص مش انا قولتلك لما كنا في الكافيه ان صحابي هيتجننو عليها انا جيبالك شغل جديد وهما طلبين منها
قدر بارتياح وفرحه عينا الاتنين حاضر
بيجاد شاور للينا بهمس: اساليها لو عندها شغل تاني ولا شنط بس
لينا طيب بقولك ايه هو انت عندك شغل هاند ميد ثاني غير الشنط انا عارفه انك كوستمر سيلز
قدر يعني اي مش فاهمه
لينا يعني مندوبه مبيعات ما علينا المهم لو عندك شغل هاند ميد واكسسوريز جيبيها معاكي وانتي جاية وصدقيني مش هتخسري حاجه بالعكس ان شاء الله هاتكسبي
قدر خلاص تمام اقابلك فين
لينا في نفس الكافيه عارفاه
قدر لالا بالله عليكي المكان المعقرب دع بلاش منو برغم ان دخلتو كانت مصدر رزق ليا بس سبحان الله لا قبلتو ولا استلطفته تحسي كده ان ريحه تقيل على قلبي
لينا اوكي نتقابل في اي مكان تاني يعجبك اختري انتي اي مكان علي زوقك
قدر ماشي بصي في كافيه على ناصيه ..... عارفاه هستناكي فيه
لينازاه عارفاه خلاص مسافه الطريق وابقى عندك
قدر خرجت بسرعه وراحت عند عم حسين
حسين في اي يابنتي مالك
قدر عم حسين ناولني الشغل اللي لسا جيبينو جديد
فتحت الكراتين بسرعه وبدات تعبي في الشنطه بتاعتها وحطيت اكسسوارات ومكرميات ومن كل الشغل الجديد
اخذت حاجات كتير جدا معاها لدرجه ان الشنطه كانت مليانه على اخرها
لبست الشنطه على ضهرها وخرجه وهي تجري
حسين وقفها في يابنتي فهميني مالك جايه متسربعه كده ليه
قدر لما ارجع افهمك يا راجل يا طيب ادعيلي بس ربنا ييسرها
حسين روحي يا بنتي ربنا يفتح لك كل الابواب المقفوله ويعطيك ويرزقك من حيث لا تحتسبي
طلعت بسرعه ركبت ميكروباص وبعد وقت وصلت المكان
وكان لسه لينا موصلتش دخلت وهي بتنهج قعدت تستناها
واتصلت علي لينا انتي فين يا بنتي
لينا انا قربت اهو ياقلبي معلش علي التاخير
قفلت معاها وبعد شويه كانو وصلوا كلهم وهما وداخلين جي اتصال للينا بصتلهم طيب ادخلو انتو لحد ما اخلص المكالمه وانا جايه وراكم على طول مش هتاخر
بيجاد دخل وهو بيلف حواليه بيحاول يدور عليها لانه ميعرفش شكلها ايه اصلا
اتصلت قدر وقالت انت فين يا بنتي
لينا انا واقفه بره خلاص اديني دقيقه وجايه لك على طول دقيقه واحده بس
قدر لالا خليكي مكانك انا جيالك استني
قدر وقفت وهي خارجه خبطت في شخص
بيجاد مش تبصي قدامك وتفتحي بدل ما انتي ماشية زي القطر كده
قدر انا برده اللي افتح يا اعمي
بيجاد ايوه طبعا انا مش عارف بيدخلو ليه الاشكال دي ازاي هنا في مكان راقي زي داه
لينا: بيجااااد اهدا دى صحبتى و انت اللى محتاجها يبقى تتكلم باسلوب راقى عن كده دا مش اسلوب ولاد ناس دا اسلوب شوارعي
قدر بعدم فيهم في ايه يا بنتى ومين دا
لينا طيب تعالي نقعد الأول و صدقينى مش هتندمى
قدر قعظت بضيق و هى بتنفخ :اللهم طولك يا روح خير
بيجاد: بطلى نفخ بقى حرقتينا
قدر: يشيخ حرق لما تحرقك اهو تريح الناس منك
لينا بصتلهم وهزت رأسها بصي يا قدر انا هاقولك على المطلوب بالمختصر المفيد انتى بتبيعي شغل هند ميد صح
قدر: اه
لينا: طب بتجبيه منين
قدر: بجيبه من كذا مكان انا مش بجيبه من مكان معين
لينا: يعني ايه
قدر: انا بلف على الاماكن فى ناس متخصصه انا بجيب منهم الحاجه دى علشان يكون شكلها شيك و حلو لان الزبون بيفرق معاه الحاجات دي اوي و بيدور على الاحسن والاشيك والجديد و لو فيها اى غلطه مبياخدهاش
لينا: يعني الشنط دى منين
قدر: الشنط دى من صوف سيناوي انا جيبها من ناس اعرفها متخصصه في الحاجات دي وداه شغلى و ياريت تدخليلي دوغري في الموضوع بلاها اللف والدوران مبحبوش
لينا: طب ممكن اشوف طيب من الشغل اللى معاكى ولان واضح انك جايبه شغل كتير جدا
قدر بصتلهم وفتحت الشنطه بدات تعرض عليهم الشنط والشغل اللي معاها بيجاد و يزن بصوا للشنط بزهول و صدمه عرض أقل
•تابع الفصل التالي "رواية انتقام القدر" اضغط على اسم الرواية