رواية الفتاه المنحوسه الفصل الرابع والعشرون 24 - بقلم سحر حسين
بقلم سحر حسين عزت
البارت 24
المصيبه 24
علي الشباك لحد ما ...............
لما هدي كانت بتقفل الشباك لحظت أن في خيال حد في اخر الشارع بس مهتمتش و قفلت الشباك عادي تعالوا بقي نشوف تاني يوم و المصيبه الجديده
تاني يوم صحيت هدي بدري علي الساعه سبعه كده عشان عندها تسليم شغل المهم صحت هاله عشان تقولها ......
هاله انا نزله عشان عندي تسليم شغل و في حاجه بسيطه ناقصه هخلصها بسرعه ماشي
ردت هاله
ماشي يا حبيبتي ربنا يعينك
قامت هاله عشان تقفل وراها الباب بس قبل ما هدي نزلت دخلت عند صالح لقته نايم راحت باست رأسه و بعدها مشيت و قبل ما هاله تقفل وراها الباب و قالت لهدي
هدي انا عايزه اقولك على حاجه
قالت قولي بسرعه خير
قالت
انا قررت اجيب محمد هنا و نقعد و تكلم مع بعض أقوله كل حاجه عني و اعرف كل حاجه عنه
ابتسمت هدي و قالت
اخيرا هنفرح المهم طيب ليه هتجبيه هنا ما تتقبلوا بره
قالت هاله
لا طبعا مش هينفع اسيب عم صالح و كمان لازم تكوني موجوده
ردت و قالت
طيب وانا لازم اكون موجوده ليه انا مالي
قالت
كده معلش انا مش عايزه ابقي معاه لوحدي و نبي يا هدي بلاش تسبيني لوحدي
استغربت هدي اووي من كلامها و قالت
ليه يا بنتي هو انتي صغيره و بعدين انتي كنتي متجوزه قبل كده يعني المفروض متكونيش خايفه كده
قالت
مش عارفه حاسه ان في حاجه هتحصل و فعلا خايفه و يمكن موضوع اني كنت متجوزه ده اللي مخوفني
قالت
لا متخافيش مش حاسه ان محمد ممكن يعترض علي حاجه زي كده و بعدين انتي اصغر منه و ده الأهم علي ما اظن
قالت
مش عارفه بقي المهم متتأخريش و عرفيني هتخلصي امته بالظبط
قالت
أن شاء الله مش هتاخر انا اخري علي العصر كده أن شاءالله
قالت
طيب كويس جدا يعني انا هقوله يجي علي المغرب كده
قالت هاله
يبقي تمام اووي كده وانا أن شاءالله هجيب طبق حلويات كده ولا فاكهه معايا وانا جايه أن شاءالله
قالت
ماشي يا حبيبتي يلا عشان متتأخريش مع السلامه
باستها هدي و مشيت و هاله قفلت الباب ورآها و دخلت تكمل نومها و ظبطت المنبه علي واحده الظهر كده المهم نامت بس هدي و هي كانت ماشيه في الشارع حاست بخطوات حد ماشي وراها فا وقفت وبصت وراها و ملقتش حد وهي مهتمتش و كملت ماشي عادي و لما كانت في نص طريق برضوا حست أن في حاجه غلط و هنا قررت تمشي براحه و عشان تركز ان الماشي وراها ده خطواته قلت برضوا ولا لا و فعلا حست أن هو كمان مشي براحه راحت باصه وراها مره واحده و كان اللي ماشي وراها كان طارق اول ما هدي شافته سكتت و مكنتش عارفه تتكلم ولا تمشي من غير ما تقول حاجه و قررت تكمل طريقها لفت وشها و كان طارق لسه هيتكلم لقاها مشيت المهم وصلت هدي لحد الورشه و كان طارق وراها فتحت ورشتها و بدأت شغل و لما طارق اتأكد انها مش هتتكلم معاه ولا حتي هترمي السلام عليه مشي بس الراجل الغامض كان وراهم و كان معظم الوقت بيراقب الاتنين تري مين الشخص ده و هو عايز مين فيهم هدي ولا طارق المهم فضلت هدي تشتغل و كانت معظم الوقت بتبص علي الطريق بره المهم الوقت جري لحد ما صحيت هاله قامت و جهزت الاكل لعم صالح و دخلت صحته و هو كل و نام تاني وللاسف الشديد صالح بقي في حاله صعبه مش بيقدر يقوم من علي سريره بعد كده قامت هاله و روقت الشقه و هتمت بكل حاجه طبعا العريس جاي النهارده بعد ما خلصت كل حاجه خدت تلفون عمها صالح و تصلت بمحمد و هي كانت قاعده علي السفره و كانت متوتره جدا المهم رد محمد و اول ما رد قال
الو ايوه يا عم صالح عامل ايه
قالت هاله
انا هاله
سكتت و هو كمان سكت ثواني كده و هما الاتنين اتكلموا في نفس اللحظة وقالوا
عامل ايه و هو قال انتي عامله
بعد كده ضحكوا هما الاتنين و هاله سكتت و هو قال
عامله ايه
قالت
الحمدلله بخير انت عامل ايه
قال
الحمدلله بخير طمنيني عم صالح عامل ايه
قالت
و الله لسه زي ما هو
قال
أن شاء الله هبقي اعدي عليه انهارده لو مش هيبقي فيها ازعاج يعني
ضحكت هاله و قالت
لا طبعا تنور في أي وقت
سال محمد و قال
بتضحكي علي ايه
قالت
بصراحه اصلي كنت عايزه اقولك تشرفنا انهارده عشان كنت حابه اتكلم معاك
ضحك و قال
هو عم صالح قالك علي طلبي
اتكسفت و قالت
ايوه و عشان كده حابه اتكلم معاك الاول
قال
ماشي بس هنتكلم في ايه انا عايزك و بحبك و مش فارق معايا اي حاجه تانيه
غمضت عيونها و ابتسمت و خدت نفسها كده و فضلت ساكته شويه لحد ما هو قال
الو ايه روحتي فين
قالت
معاك
قال
يارب دايما تكوني معايا
ضحكت و قالت
شكرا ... المهم بس بعد ما تعرف عني كل حاجه ابقي قرر مش يمكن لما تعرفني كويس تغير رأيك
ضحك و قال
لا متخافيش مدام انتي وافقتي عليا يبقي مستحيل اجي انا و اغير رايي
قالت
معلش برضوا لازم نتكلم مع بعض
قال
ماشي اللي يريحك طيب هاجي امته أن شاءالله
قالت
بعد المغرب هتكون هدي خلصت شغلها
قال
ماشي أن شاءالله هكون موجود في الوقت بالظبط
قالت
ماشي مع السلامه
قال
مع السلامه يا حبيبتي
اتصدمت هاله و فضلت حاطه التلفون علي ودنها و متنحه و نسيت تقفل التلفون و طبعا هو كمان مقفلش راح اتكلم محمد و قال
الو الو
قالت
ايوه
قال
مقفلتيش ليه
قالت
هقفل اهو مع السلامه
وراحت قفله في وشه السكه و حطت التلفون علي السفره و بعدها حطت اديها علي خودها من كتر الكسوف حست نفسها سخنه و فضلت تتكلم مع نفسها و قالت
هو ازاي قالي كده هو قال ايه اصلا و هو بجد بيحبني طيب ازاي ده حصل بسرعه كده هو انا ليه متلخبطه كده و شمعنا المره دي مكسوفه كده يمكن عشان اول مره احب بجد
المهم قامت هاله و عشان تجهز نفسها و شويه وجت هدي و كانت مبسوطه جدا اول مره تسلم شغل كتير و طبعا دخلها مبلغ كبير جدا و ده اول مره تحصل معاها و كانت جايبه معاها حاجات كتير و اول ما دخلت الشقه قالت
هاله انا مبسوطه اووي
قالت
يارب دايما يا حبيبتي بس خير في ايه
قالت
اول طلبيه اعملها بنفسي من ألف للياء و اول مبلغ كبير يدخلي بجد انا مبسوطه جدا هو بابا فين عشان افرحه
قالت
مبروك يا حبيبي عم صالح جوه نايم
قالت
نايم ايه انا هصحيه
دخلت هدي و فعلا صحت صالح و طلعت الفلوس و قالت
شوف يا بابا ده دي فلوس اول طلبيه اعملها انا بنتك بقت احسن و اكبر نجار في الدنيا
فرح صالح و قال
جدعه يا هدي احتفظي بالفلوس دي عشان تعملي بيها خطوبت هاله
قالت هدي
من عيوني والله يا بابا لعملها احلي و احسن خطوبه في الدنيا
ضحك و قال
بقيتي ناصحه يا هدي و ميتخفش عليكي يا بنتي
قالت
تربيتك يا احسن اب في الدنيا
قال
الحمدلله كده هموت وانا مطمن عليكي
قالت بحزن
أن شاء الله مش هتموت و تفرح بيا و تفرح بعيالي كمان امال مين اللي هيجوزني
قال
يااا يا مين يعيش يا بنتي ربنا يسعدك يا حبيبتي
قالت
طيب قولي بقي يا سي بابا احط الفلوس دي فين
قال
خليها معاكي يا حبيبتي
قالت
اخليها معايا ليه يا بابا دي فلوس حضرتك
قال
يا بنتي ده حق تعبك انا مليش علاقه اسمعي الكلام و ابقي اصرفي انتي علي البيت يا هدي و ربنا يقويكي يا حبيبتي
قالت
ربنا يخليك ليا يا حبيبي
قال
تسلمي يا بنتي
قالت
طيب اسيبك بقي ترتاح و اروح اشوف العروسه بتاعتنا و صلت لحد فين
قال
ربنا يتمم لها على خير و عقبالك يا ام لسان و نص انتي
ضحكت و باسته في رأسه و خرجت من عنده و راحت عند هاله لقتها قاعده بتكلم نفسها قدام مرايا التسريحه بتاعتها اول ما شافتها هاله كده قالت
يا لهوي انتي اتجننتي يا هاله يا حبيبتي
قالت هاله
هدي ده قالي أنه هو بيحبني و قالي يا حبيبتي
قالت هدي
العب بجد والله
قالت
اه والله يا هدي و انا ساعتها و انا مش عارفه اركز في أي حاجه خالص
ضحكت هدي و قالت
كل اللي انتي فيه ده من كلمه حبيبتي ولا بحبك
ضحكت هاله و قالت
هتفرق معاكي يا رخمه انتي
قالت
اه طبعا هتفرق المهم البيه ده قالك هيشرف امته
قالت
قال بعد المغرب
بصت هدي علي الساعه اللي محطوطه علي الحيطه و قالت
طيب كويس يعني كمان نص ساعه
اتوترت هاله و قالت
ايه نص ساعه بجد يا هدي
ضحكت هدي و قالت
يا بنتي مالك اهدي شويه هتقعي من طولك وربنا
قالت
مش قادره يا هدي مش قادره
قالت
المهم بس انا جعانه في اكل ولا عليه العوض
قالت هاله
انا بصراحه معملتش اكل
قالت هدي
كمان يعني مفيش اكل
قالت هاله
بصراحه انا عملت بس اتحرق مني
خبطت هدي بايديها علي رأسها و قالت
منك لله يا بعيده طيب و انا ذنبي ايه في السهوكه بتاعتك دي
قالت
معلش بقي يا هدي و بعدين بكره نشوفك انتي هتبقي عامله ازاي
قالت و هي بتضحك
مستحيل ابقي زيك عارفه ليه
قالت
ليه بقي
قالت
عشان مش بعرف اطبخ اصلا
و هما بيضحكوا رن جرس الباب و في اللحظه ده الكل اتوتر المهم راحت هدي تفتح الباب لقت محمد واقف و معاه علبه شوكولاته المهم قالت هدي
اهلا اهلا بالعريس منور اتفضل
دخل محمد و قال
ده منور بيكي يا اسطي هدي
دخل و فضل واقف و بعد ثواني خرجت هاله و كانت لبسه فستان طويل ازرق فاتح و طرحه بيضه و محمد لبس قميص ابيض و بنطلون اسود المهم محمد اول ما شافها بص عليها من فوق لتحت و فضلوا الاتنين و اقفين بصين لبعض حوالي خمسة أو ستة ثواني كده راحت هدي قالت
ايه يا عريس هتفضل واقف ولا ايه
نزل محمد احلام السما الي ارض الواقع و قال
لا انا عايزه اطمن علي عم صالح بس
قالت هدي
بابا لسه نايم دلوقتي للاسف
قال
خلاص خليه براحته المهم أن هو بقي كويس
قالت
الحمدلله بخير المهم اتفضل اقعد
راح يقعد و فضلت هاله كل ده واقفه مكانها
راحت هدي شدتها من اديها و قاعدتها قصد محمد و قالت
اقعدي يا عروسه هنا وانا هدخل اعملكوا عصير
رد محمد و قال
براحتك يا هدي
قالت
علي اقل من راحتي كمان يا عريس انت تأمر
و بعد كده سابتهم هدي و دخلت و بعدين ضحك و هاله ضحكت و بعدين بص لهاله و قال
ما شاء الله ايه القمر ده
قالت و هي مكسوفه
شكرا انت كمان شكلك حلو في الابيض
قال
ربنا يخليكي
بصت في الارض و هي مكسوفه راح محمد قال
هااا يا ستي اسالي
قالت
اسال عن ايه
قال
اسالي اللي انتي عايزه يعني عايزه تعرفي عني ايه و انا هقولك
قالت
طيب ما تحكي انت من غير ما أسأل يعني
ضحك و قال
طيب بصي يا ستي
........................................
استنوا بقي الحلقه اللي جايه عشان نعرف محمد هيقول ايه ........
تابع
بقلم سحر حسين عزت
•تابع الفصل التالي "رواية الفتاه المنحوسه دليل الروايات " لكي تظهر لك كاملة