رواية الفتاه المنحوسه الفصل الثالث والعشرون 23 - بقلم سحر حسين
❤️ بسم الله الرحمن الرحيم ❤️
الفتاه المنحوسه :
بقلم سحر حسين عزت
البارت 23
المصيبه 23
فتحت الباب و كان في .............
و كان طارق واقف قدامها و هدي اول ما شافته قفلت الباب تاني علي طول و دخلت الاوضه و قفلت الباب علي نفسها راح طارق خبط علي الباب تاني راحت هاله عشان تفتح و اتفاجات لما فتحت الباب و شافت طارق المهم قالت
طارق باشا خير
قال
انا جاي عشان عم صالح ممكن اشوفه
قالت
اه بس هو نايم دلوقتي
قال
بعد اذنك انا الازم اشوفه
قالت
طيب ثانيه واحده
راحت قفلت الباب و دخلت عشان تشوف صالح و قالت
عمي
رد صالح و قال
ايوه يا هاله عايزه حاجه يا بنتي
قالت
ده طارق باشا يا عمي عايز يشوفك
قام نص قومه كده و قالها
ايه طارق
قالت
ايوه
قال
فين هدي
قالت
هدي في الاوضه و قفله علي نفسها الباب
قال
و طارق فين
قالت
بره علي باب الشقه
قال
طيب خليه يدخل و روحي عند هدي خليكي معاها و اوعي تسبيها لوحدها يا هاله يا بنتي
قالت
حاضر يا عمي
خرجت هاله من عنده وراحت تدخل طارق و فعلاً بعد ما دخل عند صالح راحت عند هدي و اول ما شافتها هدي قالت
هو مشي
قالت هاله
لا لسه عمي قالي ادخله
قالت
هو ايه اللي جابه هنا
قالت هاله
حي يزور عم صالح
قالت هدي
لا والله فيه الخير بيفهم في الأصول اووي
قالت هاله
و انتي مالك و ماله يا هدي انتي لسه بتفكري فيه
قالت هدي و هي غضبانه
لا طبعا ايه اللي انتي بتقوليه ده انا بقيت حتي مش عايزه اشوفه
قالت هاله
طيب علي العموم هي كلها عشر دقائق و هيمشي اصبري شوي
قالت
انا هفضل هنا لحد ما يغور من هنا
ضحكت هاله و قالت
ماشي يا ام لسان طويل انا هخرج اعمله حاجه يشربها
قالت
كمان روحي يا اختي
المهم خرجت هاله و كانت لسه هتدخل الاوضه بتاعت صالح و سمعت صالح بيقول لطارق
اسمع يا طارق يا ابني اتمني تخليك بعيد عن بناتي
قاله طارق
يا عمي انا عمري ما هأذيهم انا بس عايز افضل جانبهم عشان لو احتاجوا حاجه
قاله
كتر خيرك يا ابني بس انا موجود و لو انا موت فا خطيب هاله موجود مفيش داعي لوجودك جانبهم
قاله
يا عمي هو انا عملت ايه لكل ده بعد عمري طويل لحضرتك بس انا هبقي اقرب ليهم
لسه صالح هيكمل كلامه دخلت هاله و قالت
يا طارق باشا احنا مش محتاجين مساعده من حد و خصوصاً حضرتك و عايزه اقولك على حاجه حتي احتاجنا حاجه و مفيش غيرك جانبنا مستحيل نطلب المساعده منك و علي ما اظن ان كلام عم صالح واضح خليك بعيد عننا و بعد اذنك بقي عشان عمي لازم يرتاح
قام طارق وقف و بص علي صالح و قاله
ألف سلامه عليك يا عمي بعد ازنك
و بعدين خرج من الاوضه و كانت هاله وراه المهم قفلت الباب و بعدها نده عليها صالح و قال
يا هاله
قالت
ايوه يا عمي جايه اهو
راحت عنده و اول ما دخلت قالت
نعم يا عمي
قال
هدي فين
قالت
في الاوضه متخافش عليها انا معاها و بعدين هدي دلوقتي مش هدي الطفله بتاعت زمان
كانت هدي واقفه علي الباب الاوضه دخلت و قعدت جانبه علي السرير و بعدين اتكلمت و قالت
ايوه هدي بتاعت دلوقتي مستعده تاكل اي حد يقرب منها متخفش عليا يا بابا
رد و قال
بنتي كبرت بدري المهم يا هاله انا عايزك تستعجلي انتي و محمد علي الاقل في الخطوبه يا بنتي
قالت هاله و هي مكسوفه
طيب ازاي يا عمي هنعمل كده و حضرتك تعبان علي لما تقوم بسلامه
رد و قال
يا بنتي انا مش ضامن نفسي بكره هبقي معاكوا ولا لا علي الاقل هموت وانا مرتاح أن في راجل معاكوا
قالت هدي
بعد الشر عنك يا بابا و نبي متقولش كده
رد و قال
يا بنتي عايزين نفرح بقي
قالت هدي
اه لو كده معاك حق و بعدين يا هاله انتي اصلا هتموتي علي واد فا مفيش داعي للتأخير
راحت هاله ضربت هدي علي كتفها و قالت لها
ايه اللي انتي بتقوليه ده مش بقولك لسانك طول اووي
الكل ضحك و اتكلم صالح و قال
يا بنتي انا عارف كل حاجه و بيبان عليكوا و انا كنت عارف من اول يوم يا هاله
بعد ما قال كده فضل يكح شويه و هما خافوا عليه المهم راحت قالت هدي
ارتاح يا بابا واحنا هنعملك كل اللي انت عايزه و نفرحك يا حبيبي
ردت هاله
أن شاء الله هنفرج كلنا يا عمي المهم بس أن حضرتك ترتاح دلوقتي
المهم خرجوا هما الاتنين من الاوضه و سابوا صالح ينام و بعد ما خرجوا راحوا يقعدوا علي السفره و اتكلمت هدي
هاله بجد احنا لازم نعمل ده في اقرب وقت للاسف تعب بابا بيزيد مش بيقول
قالت هاله
طيب و انا هعمل ده ازاي يا هدي و معقوله أن انا اللي هقوله تعالي عشان نتكلم مع بعض
قالت هدي
و ايه اللي هيخليه يجي هنا يا ناصحه
قالت هاله
امال هنعمل ايه يا فالحه
قالت
اتكلموا في التلفون و اعرفوا كل حاجه عن بعض و بعدين يجي بشبكه علي طول
قالت هاله بصدمه
لا يالهوي انا اعمل كده لا مش هعرف يا هدي ايه اللي انتي بتقوليه ده انتي اتجننتي
قالت
طيب وليه لا يا موكوسه
قالت
لا اتكسف أكلمه انتي اكيد مجنونه
قالت
طيب يا عاقله قومي جهزي الاكل انا عندي شغل كتير لسه
قالت
اه انتي لسه هترجعي الورشه تاني
قالت
ايوه انا عندي حاجات هتتسلم بكره و مفيش وقت للدلع
قالت هاله
طيب خلاص روحي انتي شغلك وانا هجبلك الاكل لحد عندك
ضحكت هدي و قالت
هاااااا و بتقولي هتتكسفي تكلميه ده انتي هتتجنني عشان تشوفيه قومي يا بت انا جعانه
قالت
حاضر يا ساتر عليكي
قامت هاله و حضرت الاكل لهدي و قعدت هدي تاكل لوحدها عشان هاله بتاكل مع صالح المهم بعد ما خلصت قامت تغسل اديها و نزلت الورشه تاني و فضلت تشتغل لوقت متأخر و محمد كان لسه فاتح القهوه و لما لحظ أنها لسه شغاله دخل عندها و قال
انتي لسه قدامك شغل كتير ولا ايه يا انسه هدي
ردت و قالت
لسه قدامي بتاع نص ساعة كده تقريبا
قال
طيب انا قاعد قدام القهوه لحد ما تخلصي
قالت
طيب ليه لو انت عايز تقفل اقفل براحتك
قال
لا هستناكي لما تخلصي عشان اوصلك انتي امانه عندي من عم صالح و لازم اخد بالي منك
ضحكت و قالت
طيب متشكره جدا يا محمد
قال
العفوا علي ايه ده واجبي
قالت
اه طبعا يا خطيب اختي
فرح جدا اول ما قالت كده و قال
ايه انتي قولتي ايه
ضحكت و قالت
هاله جدعه و بنت حلال خالي بالك منها و اوعي تزعلها
قال و هو مبتسم و باصص في الأرض
متخافيش انا عمري ما هزعلها محدش بيزعل حد بيحبه وانا والله بحبها
قالت
و انا متاكده من كده و هي يومين كده و هتجيبك تتعرف عليك وان شاء الله كام يوم كده و تبقي خطيبها رسمي
قال
أن شاء الله طيب انا هسيبك تخلصي شغلك و لما تخلصي ابقي عارفيني بس
قالت
حاضر
خرج محمد من الورشه و رجع علي القهوه بتاعته و يعتبر كانت فاضيه لحد ما جه واحد لبس جلابيه صعيدي و شكله غريب و جديد علي المنطقة قاعد علي القهوه و طلب شاي و كان قاعد معظم الوقت بيبص علي الورشه و علي هدي من غير ما حد ياخد باله و فضل قاعد لحد ما لقي هدي بتقفل الورشه راح قايم محاسب علي الشاي و مشي لحد اخر الشارع و فضل واقف بعيد و بعد ما هدي قفلت راحت لمحمد و قالت
انا خلصت و اخيرا
قال
طيب يلا بينا اوصلك لحد البيت
قالت
مفيش تتعب نفسك انا هروح لوحدي
قال
لا ازاي انتي عايزه عم صالح يزعل مني
ضحكت و قالت
عمك صالح برضوا ما علينا
قال
طيب يلا بينا عشان محدش يزعل يا ستي انا ميهونش عليا زعل حد
ضحكت و قالت
طيب و قهوه
قال
الصبي بتاعي هو اللي بيقفل
قالت
ماشي يا بينا
قال
يلا
و فعلا مشيوا مع بعض و فضلوا يتكلموا عن هاله لحد ما وصلت البيت و كان الراجل الصعيدي ماشي وراهم من بعيد لبعيد عشان محدش ياخد باله منه المهم اول ما وصلوا البيت طلعت هدي و فضل محمد واقف تحت لحد ما يطمن انا طلعت بخير و اول ما هاله فتحت لهدي الباب قالت
حزري مين اللي و صلني لحد هنا
قالت
مين يا اختي
قالت
محمد خطيبك
قالت
ايه
و من كتر الفرحه جريت علي الاوضه و راحت علي الشباك علي طول و نسيت أنها بشعرها و بعد ثواني محمد بص لفوق و شافها بشعرها و كان معجب بيها اكتر واكتر و فضل واقف باصص عليها و مبتسم و هي نسيت نفسها خالص لحد ما جت هدي و قالت
بعملي ايه يا مجنونه انتي انتي بشعرك
دخلت هاله بسرعه و قالت
يا لهوي انا نسيت الطرحه
ضحكت هدي و قالت و هي بتقفل الشباك
انتي نسيتي نفسك خالص مش بس الطرحه يا هبله
قالت
يعني هو شافني بشعري
قالت هدي اكيد
هاله شعرها اسود داكن و بشرتها بيضه اووي فا شكلها جميل بشعرها المهم محمد فضل يضحك عليهم المهم مشي بعد ما الشباك اتقفل بس الشخص الغامض فضل واقف شويه و كان بيبص علي الشباك لحد ما ...............
•تابع الفصل التالي "رواية الفتاه المنحوسه دليل الروايات " لكي تظهر لك كاملة