رواية العشق والغفران الفصل الثاني والعشرون 22 - بقلم مريم غريب

قصة العشق والغفران.

البارت الثانى والعشرون:

يارا بتنهيده:الشاب اللى كنت حكتلك عنه قبل كده فاكره.

وحطت ايدها على خدها وقالتله:لما ضربتنى بالقلم.

باسل:اه اه...ماله؟؟

يارا:عايز ياخد ميعاد عشان يجى يتقدملى.

باسل:انا مش قولتلك تستنى لحد م اسال عنه.

يارا:لا م انا خلاص عرفتلك كل المعلومات اللى هتعوز تعرفها.

باسل:لا والله..طب عرفتى ايه انشاء الله؟؟

يارا:انت عارف هو يبقى ابن مين؟؟

باسل:لا والله م حصليش الشرف وعرفت.

يارا:هو يبقى ابن حسن الطحان..اسمه فارس حسن الطحان.

باسل بتفكير:حسن الطحان حسن الطحان..الاسم ده مش غريب عليا...اااه مش هو ده يبقى صاحب شركة التكنولوجيا الحديثه للتعهدات الهندسية؟؟

يارا:ايوه بالضبط كده.

باسل:بس ايه ده..انتى مش قولتى انه متربى فى دار ايتام؟؟يبقى ازاى ابن حسن الطحان؟؟!!

يارا بارتباك:هاه..لا م هو انا طلعت غلطانه عرفت ان المعلومه دى غلط.

باسل باعجاب:تمام..لا انا اسمع ان ابوه كويس بس برده انتى هتتجوزى ابنه يعنى لازم اعرفه.

يارا برجاء:ياباسل عشان خاطرى اتعرف عليه لما يجى عشان خاطرى ياباسل.

باسل بحزم:خلاص يايارا..قولت هسال عليه.

يارا:طيب وحياة روما عندك توافق انه يجى وتتعرف عليه هنا.

باسل ابتسم غصب عنه وبص ل مريم وقال:ثبتينى يابت..بتحلفينى باغلى حاجه عندى..ماشى يايارا انا هنزل اكلم بابا ونتفق على يوم يجو فيه.

يارا اتنطت من كتر الفرحه وباسته كتير فى خده.

باسل:اوعى يابت مش بحب البوس.

يارا:بقى كده طب اهو.

وباسته تانى كتيير.

باسل بضحك:ههههههههههههههههههههههه طب خلاص خلاص..يلا امشى بقى.

يارا:حاضر.

......................................................................................................................................................................................................................................................................................................

ومر كام يوم وجه اليوم اللى هايجى فيه فارس مع حسن للتقدم لخطبة يارا.

ووصلو القصر واستقبلهم باسل وجلال ورحبو بيهم ودخلو كلهم فى الصالون.

جلال:اهلا اهلا نورتنا يااستاذ حسن.

حسن:ربنا يخليك ياجلال بيه..انا اعتقد انك عارف احنا جايين ليه النهارده..جايين نطلب ايد الانسه يارا لابنى فارس.

جلال:ايوه عارف وانا يشرفنى نسبكو انت معروف بالسيره الكويسه والسمعه الطيبه.

حسن:متشكر ياجلال بيه يعنى اعتبر ان دى موافقه.

جلال:هى نص موافقه ههههههههههههه..لازم يارا هى كمان توافق.

حسن:اه طبعا.

جلال:باسل..اطلع هات اختك.

باسل:حاضر يابابا.

وطلع باسل يجيب يارا.

باسل:يلا يايارا.

يارا بتوتر:يلا فين؟؟

باسل:يادى الزهايمر..مش عريسك تحت تعالى عشان بابا يسئلك قدامهم موافقه ولالا.

يارا بارتباك:هو انا لازم انزل؟؟اصلى مكسوفه.

باسل:لا متتكسفيش وخلصينا بقى.

يارا:حاضر وجت تمشى معاه قالها:استنى ياهانم.

يارا:ايه؟؟

باسل:انتى من امتى بتلطخى وشك بالهباب ده..انحرفتى ياختى.

يارا:ههههههههههههههههههه عادى ياباسل اى واحده بنت لما تتخطب ولما بتكبر اساسا بتحط ميك اب.

باسل:بقولك ايه خففى الزفت ده عشان منكدش عليكى.

يارا:طب خلاص اهدا حاضر.

وراحت خدت منديل من على الكومود بتاعها وخففت مساحيق التجميل شويه..ونزلت مع باسل ودخلو الصالون وهى كانت باصه فى الارض...فارس اول م شافها قام وقف وهو مبتسم.

جلال:سلمى يايارا على اونكل حسن وفارس.

يارا راحت سلمت عليهم وهى مكسوفه وخدودها مصبوغه باللون الاحمر من شدة الكسوف..وبعد كده راحت قعدت جمب جلال...وهنا جت ناهد.

ناهد بابتسامه:مساء الخير.

الكل:مساء النور.

ناهد:ازيك يااستاذ حسن.

حسن:الحمدلله ياناهد هانم.

ناهد:القصر نور.

حسن:الله يخليكى منور باصحابه.

ناهد:ماشاء الله..ابنك كبر خالص ولو انى م شوفتهوش قبل كده خالص..صحيح فين المدام يااستاذ حسن كان نفسى اتعرف عليها مجتش معاكو ليه؟؟

حسن بتبرير مذيف:اصلها مسافره بره عند اختها عشان تعبانه شويه.

ناهد:الف سلامه.

باسل كان عمال يبص ل فارس وبيشبه عليه لحد م نطق وقاله:هو احنا م تقابلناش قبل كده؟؟

فارس بارتباك:لا..اعتقد م تقابلناش.

باسل:حاسس انى شوفتك قبل كده....بس مش فاكر فين.

فارس ابتسم فى توتر ويارا كانت على اعصابها فى اللحظه دى..لحد م جلال قطع اللحظه وقال:خلاص ياباسل ابقى افتكر على مهلك بعدين..المهم دلوقتى..يارا الاستاذ حسن جاى يطلب ايدك ل فارس ابنه..هاه موافقه؟؟

يارا بابتسامة بخجل:موافقه.

جلال:على بركة الله.

وهنا دخلت الداده معاها المشروبات للضيوف واطلقت زغاريت..وناهد بصتلها بضيق على الزغروته دى.

..........................................................................................................................................................................................................................................................................................................

وبعد جلسة فارس وجلال فى قصر البحيرى..روحو الفيلا عند حسن وفارس جه يطلع اوضته استوقفه حسن.

حسن:فارس.

فارس:نعم يابابا.

حسن:تعالى انا عاوزك فى موضوع.

فارس:حاضر.

وقعدو سوا فى الليفنج.

فارس:خير يابابا.

حسن بارتباك:الحقيقه..انا مش عارف ابداء منين..هو الموضوع..بص فى الحقيقه هو...هو.

فارس بنفاذ صبر:فى ايهه يابابا اتكلم.

حسن:بصراحه انا..انا عايز..

فارس:عايز ايه؟؟

حسن:عايز اتجوز الانسه ليلى.

فارس بابتسامه وبيتصنع الغضب والدهشه:انت بتقول ايه؟؟

حسن بتوتر:قولتلك عايز اتجوز الانسه ليلى.

فارس بتمثيل:ياااه انت ازاى تقولى كده..لولا..عايز تتجوزلولا..لكن انت مش غلطان انا اللى غلطان عشان خليتكو تتقابلو.

حسن:فارس اهدا لوسمحت واسمعنى انا فعلا حبيتها وعايز اتجوزها.

فارس مستحملش اكتر من كده وانفجر فى الضحك:ههههههههههههههههههههههههههههههههههههههههههه هههههههههههههههههه.

حسن:فى ايه؟؟ايه المضحك؟؟

فارس وهو بيحاول يتماسك:ههههههههههههههههههههههه لالا هههههههههههه م هههههههه م فيش حاجه هههههههههه.

حسن:اسمعنى بس انا قولت بما انى انا وهى م اتجوزناش قبل كده يبقى حتما نستحق بعض..وكمان انا فكرت اروحلها واقولها كده بس كنت خايف ترفض ف قولت اقولك انت عشان تقولها وممكن تسمع كلامك.

فارس بابتسامه:امممممممممم..بس لولا ملهاش غيرى..يعنى ملهاش عيله عشان تروح تطلب ايدها منهم.

حسن:يعنى ايه؟؟

فارس بحركه مسرحيه حط رجل على رجل وقاله:يعنى تطلب ايدها منى انا.

حسن:طيب م انا قولتلك اهو عايز اتجوزها وقولتلك تروح تفاتحها فى الموضوع.

فارس:هههههه لالا انت مش فاهمنى..بص فاكر من شويه لما كنا عند اهل يارا وطلبنا ايدها منهم.

حسن:اه.

فارس:اهو انا عايزك تعمل معيا نفس اللى عملنا هناك..يلا ياابنى عرفنى على نفسك.

حسن:نعم.

فارس:فى ايه ياابوعلى متنساش انى دلوقتى ابو لولا.

حسن تنهد بحنق وقاله:عايز تعرف ايه ياعمى؟؟

فارس:ههههههههههه..بتشتغل ياابنى؟؟

حسن:اه..عندى شركة تكنولوجيا والكترونيات هندسيه.

فارس:اممممم عندك كام سنه؟؟

حسن:عندى 52 سنه.

فارس طلع سجاير من جيبه وولعها وقاله:عندك شقه.

حسن بانغعال:انت بتشرب سجاير قدامى ياحيوان.

فارس:هههههههههههههههههههه خلاص خلاص اهدا..هههههههههههههههههههههههه.

فارس بجديه:انا مبدئيا موافق جدا ومتخيل كمان ان لولا هتوافق.

حسن بابتسامه عريضه:بجد يافارس.

فارس:اه..عموما انا هروحلها النهارده عشان ابلغها عملنا ايه عند يارا وهفتحها فى الموضوع.

حسن:طب يلا قوم روحلها حالا.

فارس:طيب استريح شويه.

حسن:قوم يلا يافارس حالا.

فارس:هههههههههههههه حاضر.

و راح فارس ل ليلى وقالها على الموضوعين الاول خبر خطوبته هو ويارا والتانى طلب حسن للجواز منها.

فارس:هاه..قولتى ايه يالولا؟؟

ليلى بابتسامة خجل:هو انت ايه راءيك يافارس؟؟

فارس:بصراحه انا موافق جدا..لسببين..الاول انك هتبقى جمبى علطول ومش هنبعد عن بعض والتانى لانى حسيت قعلا انه بيحبك وكمان حسيت انك بتحبيه وهتبقى مبسوطه معاه.

ليلى بكسوف:خلاص اللى تشوفه.

فارس بضحك:اموت انا فيكى وانتى بتحمرى كده ههههههههههههههه.

ليلى ضربته على راسه ضربه خفيفه وابتسمت

.............................................................................................................................................................................................................................................................................................

فى اليوم التالى.

عادل عرف ب خبر خطوبة فارس ويارا فاستشاط غضبا وقرر ينفذ خطته..راح القصر وطلب يقابل ناهد.

ناهد:نعم..حضرتك عاوز ايه.

عادل:انا جاى احذرك ياهانم من مصيبه كبيره هتحصلكو.

ناهد:نعم!!مصيبة ايه.

عادل:خطيب بنتك.

ناهد:ماله؟؟

عادل حكالها كل حاجه عن فارس وان حسن مجرد متبنيه وبس وانه نصب عليهم وكل حاجه.

وبعد كده ناهد شكرته وخدت نمرة موبايله عشان لو احتاجته تانى ومشى وهو حاسس بانتصار.

ناهد دخلت القصر وهى فى حاله جنونيه وفضلت تنادى عليهم كلهم جلال\باسل\يارا.

وكلهم طلعو من الاوض ونزلو جرى.

جلال:فى ايه؟؟فى ايه ياناهد؟؟

ناهد:شوفت الكارثه والمصيبه اللى كانت هتحصلنا.

جلال:كارثة ايه اتكلمى.

وحاكتلهم على كل حاجه قالهالها عادل.

يارا اتصدمت من معرفة ناهد الحقيقه واعصابها باظت وانفاسها تسارعت ومش عارفه تعمل ايه.

باسل:اه يا ابن ال....وانا اللى بقول شوفته فين قبل كده ياابن ال...وانتى عرفتى منين ياماما؟؟

ناهد:فى واحد جه وقالى كل حاجه..كتر خيرهم الناس انقذونا من الاشكال دى.

جلال:بس حسن الطحان راجل اشهر من النار على العلم ويحتكم على ملايين..ايه اللى يخليه يتبنا الولد ده ويخليه وريثه الشرعى و يعنى اكيد لازم يكون عرفه كويس..انا مش فاهم حاجه.

ناهد بقولك:بقولك تفهم م تفهمش الموضوع انتهى وكويس اننا عرفنا الحقيقه..وبعدين انت عايز تعرف ايه..م اكيد الولد ده خدعه ورماله طعم عشان يسرق فلوسه هو كمان.

وهنا يارا اتكلمت:لا ياماما..فارس تاب..واونكل حسن عارف عنه كل حاجه..وهو لما عرف كل حاجه وعرف ان فارس تاب وبطل يعمل كده كتبله كل املاكه واتبناه.

ناهد:احنا ملناش دعوه خلاص يصتفلو هما مع بعض..المهم اننا عرفنا الحقيقه قبل م يحصل وتتجوزيه.

يارا:م هو ياماما انا هتجوز فارس.

ناهد:نعم..بتقولى ايه؟؟قولى تانى عشان مسمعتكيش.

يارا بدموع:انا بحب فارس..وهتجوزه.

ناهد بصتلها بغيظ وغضب وراحت ضربتها بالقلم وكانت هتضربها تانى باسل حاش ايدها قبل م تنزل بقلم تانى على وش يارا.

ناهد بزعيق وعصبيه:اوعى انت كمان..م هى ناقصه انت تتجوز واحده من الشارع طمعانه فينا وفى فلوسنا واختك تتجوز حرامى ونصاب و جاى من ملجئ..انتو عايزين تموتونى انتو اييييه.. ليه بتعملو فيا كده ده جزائى بعد م كبرتكو وعلمتو احسن علام وتعبت فى تربيتكو ترودولى الجميل بالشكل ده..اسمعى يابت انتى جواز من البنى ادم ده لاء..انتى فاهمه والا هسيبلكو البيت وهغور فى داهيه.

وسابتهم وطلعة الاوضه ويارا انهارت فى العياط وباسل خدها فى حضنه وحاول يهديها.

وجلال بص على اولاده باشفاق..وتنهد وسابهم وطلع برا القصر خالص.

.......................................................................................................................................................................................................................................................................................................

اما فى اليوم التالى بعد م يارا كلمت فارس وقالتله اللى حصل اتصدم هو كمان وقعد حزين لا بياكل ولا بيشرب..لحد م رجع حسن وقعد معاه.

حسن:ايه يافارس مالك قاعد كده ليه.

فارس سرحاااااااان.

حسن بصوت عالى:فارس.

فارس:هاه.

حسن:ايه يابنى مالك؟؟

فارس حكاله اللى حصل.

حسن:امممم..طب مين اللى له مصلحه يعمل فيك كده..مين يعرف عنك كل الحاجات دى وراح قالها هيستفيد ايه.

فارس بصله تانى بسرعه وقاله:انت كده جاوبت على سؤالى..هو..م فيش غيره.

حسن:هو مين؟؟

فارس:عادل..عادل اللى المفروض صاحبى واخويا ومتربيين سوا من واحنا عيال صغيره فى اللفه.

حسن:طيب عادل ده عمل كده ليه.

فارس بتنهيده:فاكر انه كده بيلوى دراعى..عايز يرجعنى ليهم تانى عشان اكمل فى السكه اللى مشيت منها..بس والله م هسيبه.

حسن:طيب اهدا انت ومتتصرفش من دماغك وانا هتصرف.

فارس:هتعمل ايه؟؟

حسن:مالكش دعوه..المهم تنسى خالص عادل انت فاهم.

فارس:حاضر.

وقام حسن وسابوه وراح القصر يقابل جلال.

ووصل والخدامين خدوه فى اوضة المكتب وكان قاعد هو وباسل.

حسن:السلام عليكم.

جلال\باسل:وعليكم السلام ورحمة الله وبركاته.

جلال:اتفضل اقعد ياحسن بيه.

وقعد حسن.

حسن:انا عرفت ان حضرتك ولنقول كلكو عرفتو حقيقة فارس.

جلال:الحقيقه يا..

حسن مقاطع:استنى بس ياجلال بيه اسمعنى للاخر..فارس فعلا كان للص بس تاب ورجع كل قرش خده من الناس وبما فيهم انتو وانتو كنتو اول ناس تاخد حقها من فارس..وهو لما قرر كده جه يشتغل عندى وكسب فلوسه بالحلا عشان يعرف يرجعها وضميره مستريح وانا اثناء فترة شغله معايا حبيته واتمنيته يكون ابنى فعلا..لحد م فى يوم قررت ان فعلا هخليه يبقى ابنى واكتبه باسمى ويبقى وريثى الشرعى..ساعتها رفض ف سالته ليه..ف حكالى عن حياته اللى فاتت كلها ولما عمل كده خلا رغبتى تزيد ف انى اديله اسمى واساعده يرجع عن اللى هو كان فيه..واحب اقولك كمان ان السبب الرئيسى فى تغيير فارس هو...بنتك يارا..ف ارجوك انا جاى بترجاك انك م تبعدهومش عن بعض..متخليهوش ييأس ويرجع للى كان فيه ومتكسرش قلب بنتك هما الاتنين بيحبو بعض..اذا كان ربنا نفسه بيغفر الذنوب والكبائر احنا البشر هنبقى احسن منه.

جلال:استغفر الله انا م قولتش كده..بس..

حسن:ارجوك تفكر كويس ياجلال بيه..انا واثق جدا فى فارس..ومحدش اصلا عارف ب حقيقة فارس غيرنا احنا وبس ف متقلقش.

جلال بص ل باسل لاقاه بيهز راسه بابتسامه.

جلال بابتسامه:ماشى ياحسن بيه..انا موافق على ابنك فارس يتجوز بنتى.

حسن بابتسامه عريضه:متتصورش انا فرحتى عامله ازاى انا متشكر جدا.

جلال:احنا اللى لازم نشكرك على عاملته مع فارس اديته اسمك وخليته يبقى بنى ادم سوى.

وبعد م مشى حسن شافته ناهد وهو خارج ف راحت ل جلال.

ناهد بغضب:ايه اللى جابه هنا الراجل ده؟؟

جلال:كان جاى يتفق معايا على يوم فرح فارس ويارا..اصلى قررت اخليه فرح علطول م فيش داعى للخطوبه.

ناهد بانفعال وعصبيه:انت بتقول ايه؟؟انت اتجننت ازاى تعمل كده.

جلال ولاو اول مره يضرب ناهد بالقلم باسل جرى عليه بسرعه وحاشو عنها.

جلال بغضب:لما تكلمى جوزك ياهانم تحترمى نفسك وتخدى بالك بتقوليلو ايه.

ناهد بصدمه وهى حاطه ايدها على خدها:بتضربنى ياجلال.

جلال:اه ياناهد..ولو م احترمتيش نفسك هتشوفى اكتر من كده.

وهنا الكل نزل على الصوت العالى يارا\ومريم\نيهال.

ناهد:والله م انا قعدالك هنا..واشبعو كلكو..انتى يايارا هانم اتفضلى روحى اتجوزى الحرامى بتاعك عشان بعد كده يحول نشاطه عليكى ويسرق فلوسك..وانت ياباسل بيه اشبع بالهانم بتاعتك اللى جبتها من الشارع وخليها معاك لحد م تستغلك على الاخر.

مريم نزلت دموعها من كلام ناهد وسابتهم ومشيت.

باسل بغضب:ماما..ارجوكى كفايه..ولو على مراتى اللى مضياقاكى انا خلاص هخادها من هنا ونروح نعيش لوحدينا وانتى افضلى قاعده فى بيتك معززه مكرمه.

ناهد بسخريه:وهتروح فين؟؟وانت منغير فلوس ابوك متعرفش تعمل حاجه.

باسل:واضح ان حضرتك ناسيه انى دكتور..ولما كنت بمارس مهنتى احيانا كنت باخد فلوس ومش هغلب..ممكن اشتغل واشبعو انتو بالفلوس..انا تعبت منكو كلكو واذا كان على الاطفال والخلفه انا مش عايز والمدام اللى واقفه جمبك دى..طااااااالق.

ناهد ونيهال وقفو مصدومين من كلامه وهو سابهم وطلع ل مريم دخل الاوضه لقاها فاضيه..دور عليها م لقهاش..لحد م لقى ورقه على الكومود ف مسكها وقراها..مضمون الرساله كان.

"باسل..ياحبيب ايامى وعمرى كله انا اسفه انى طول السنتين اللى عيشتهم معاك اتسببتلك فى كل المشاكل دى مع عيلتك..صدقنى اسفه..بس دلوقتى جه الوقت عشان اصلح كل ده انا طلعت خلاص من حياتك..ميرضينيش ابدا انك تخسر اهلك بسببى..وعارفه انو غيابى هيفرق معاك بس مسيرك هتنسانى بس انا بقى ياحبيبى مش هنساك..انت عيشتنى اجمل ايام حياتى كنت بمجرد م اشوفك بس او اشم ريحتك احس انى محظوظه جدا ومحدش فى الدنيا دى فى قمة سعادتى..وكل اللى انت اديتهولى فى الفتره اللى عيشتها معاك يستحق انى اضحى ب باقى سعادتى عشان باقى سعادتك انت..صدقنى ممكن تحب مراتك هتحبها متستغربش..هتحبها لما تجيبلك ولاد..بعتذرلك تانى وبقولك حاجه اخيره..متدورش عليا ياباسل..متدورش عشان مش هتلاقينى....روما.

باسل ساب الورقه ونزل بسرعه وزعق فى الخدامين والحرس وسالهم عليها قالولو خرجت ومشيت..ف خرج هو كمان يدور عليها..لكنه م لقهاش..ف رجع القصر وجلال ساله قاله مش لاقيها فاتصل بجيهان صاحبتها.

جيهان:الو.

باسل:الو مدام جيهان؟؟

جيهان:ايوه انا مين معايا؟؟

باسل:انا باسل البحيري..جوز مريم.

جيهان:اه اه..اهلا يا استاذ باسل.

باسل:لو سمحتى هى مريم مجتلكيش؟؟

جيهان:لاء..بس ليه حضرتك بتسئل يعنى انت متعرفش هى فين؟؟

باسل بلع ريقه بصعوبه وقالها:طيب لو سمحتى لو جتلك كلمينى بس منغير م تحس ارجوكى تعملى كده لو جتلك.

جيهان:حاضر حاضر.

وقفل معاها.

واتصل بالبوليس لانها ملهاش اى ارايب او حد..ومر يومين وباسل فى حاله لا يرسى عليها بياكل ويشرب خفيف بس عشان يعيش..لحد م جاله تليفون من الضابط

باسل بلهفه:الو.

الضابط:صباح الخير يااستاذ باسل.

باسل:صباح النور يافندم طمنى لقيتو روما؟؟

الضابط باسف:انا اسف جدا فى اللى هقوله.. الحقيقه يااستاذ باسل مدام مريم......ماتت.

باسل:................................................

ياترى ايه اللى هيحصل؟؟؟؟؟؟؟؟؟؟!!!!!!!!!!!!!!!!!! عرض أقل