رواية انتقام القدر (كاملة جميع الفصول) حصريا عبر دليل الروايات بقلم انوش احمد وولاء حامد
رواية انتقام القدر الفصل الاول 1 - بقلم انوش احمد و ولاء حامد
انتقام القدر
البارت الأول
صاحيه من النوم بتتمطع يا فتاح يا عليم يا رزاق يا كريم يارب اكفينا شر النهار وما يتأتي فيه
طلعت من الاوضه وهي بتحاول تفوق
مريم انتي صحيتي يا قدر
قدر بمشاكسه لا لسه نايمه وطلعتلك من الحلم
مريم بضحك يابت بطلي طوله لسانك اللي عايز قصه داه
قدر في دينك تقدري تستغني عني ولا عن لساني
مريم الصراحه لاء هو اللي مهون عليا
قدر طيب ريحي شويه الوقفه الكتير غلط عليكي هاغسل وشي واصلي الصبح واجي اكمل الفطار
مريم يا بنتي حرام عليكي صحتك انتي طول النهار بتلفي على رجليكي وتيجي بدل ما تريحي تعملي شغل البيت
قدر بإبتسامه متخافيش يا مريومه انا صحتي بومب والحمد لله وزي ما بتقولي العافيه للدود
مريم بس مش في سنك حرام عليكي انتي لسه عودك أخضر وكفايه عليكي بهدلة الشغل
قدر خلاص بقى كان زماني صليت وخلصت رغايه انتي اوي يا مريم
مريم بإبتسامه مفيش ماما كل مريم مريم طب حتى احترميني يابت
قدر هزت رأسها حاضر هافكر واشوف اجيب ماما منين يا وليه اللي بيشوفنا مع بعض بيفتكرنا اخوات مش ام وعيالها
مريم والله يا قدر انتي اللي رافعه معنوياتي
دخلت صلت ولبست ودخلت تكمل
مريم هاتكملي بلبس الخروج
قدر معنديش وقت المفروض في بضاعه جايه من الفيوم مع المندوب هايوديها عند عم حسين ومتنسيش المسافه من الطالبيه لخان الخليلي قد إيه
مريم ربنا يوسع رزقك ويرزقك من وسع قادر يا كريم
قدر دعواتك دي اللي بتهون عليا تعب اليوم
مريم دعيالك يا بنتي ويشهد ربي
فتون صحيت يا صباح اللي بتغني على الصبح بتعملو ايه
قدر بعمل محشي اغرفلك
غزل من وراها ياريت يا اختي اهو نغير
قدر بنفخه ماما انا خلصت اطير انا
مريم مش هتاكلي لقمه
قدر مش هالحق
مريم مسكت لقمه وحطت فيها شويه فول ومدته لقدر خدي داه نأنأي فيه وانتي نازله اهو يسند قلبك
قدر ماشي كلامك يلا سلاموز يا قمر
ونزلت اتوكلت على الله تشوف شغلها
ساعه الا ربع عدت على قدر بهدله في المواصلات تجري ورا اتوبيس او سيرفيس لحد ما ربنا كرمها ووصلت
قدر بأبتسامه ومشاكسه صبح صبح يا عم حسين
عم حسين بإبتسامه صبح صبح يا قدر
قدر عامل ايه يا راجل يا عجوز
عم حسين هاعمل ايه اهو على حطت ايدك لولا انتي بتسالي عليا محدش هايسال ولا يعرفني من اساسه
قدر ربنا يخليك ليا يا راجل يا طيب الا قولي الاقيش عريس حليوه ومسمسم زيك كده
حسين بضحك طب وزيي ليه منا موجود وراجل سنجل وعندي محل قد الدنيا انفعش
قدر بإصطناع التفكير هافكر واقولك اصلي من كتر العرسان بجري وراهم بالمشقه وحيات
عم حسين ربنا يسعد قلبك ويحلي ايامك زي ما بتعرفي تطلعي الضحكه من جوايا
قدر ربنا يخليك يا راجل يا طيب
عم حسين فكرتيني في واحد جابلك الكرتونتين دول
قدر خبطت على اورطها يا لهووووي معلش حقك عليا كلموني إمبارح ونسيت اقولك
عم حسين عيب يابت المكان مكانك
قدر داه العشم يلا هاشوف اللي فيهم عشان اللحق اتوكل على الله
غطعم حسين ماشي وانا جهزتلك شوية حاجات انما ايه وصايه
قدر تسلم يا غالي
خدت البضاعه في شنطه سفاري وشالتها على ضهرها وبدئت تلف على الكافيهات والمطاعم المتوسطه تعرض البضاعه للناس وتفرجهم على الشغل اليدوي وشغل الهاند ميد
خدت البضاعه في شنطه سفاري وشالتها على ضهرها وبدئت تلف على الكافيهات والمطاعم المتوسطه تعرض البضاعه للناس وتفرجهم على الشغل اليدوي وشغل الهاند ميد
مابين شنط واكسسوارات وهدوم وتحف وانتيكات
فضلت تلف في وسط البلد وتتنقل من محل لمحل
دخلت مطعم مليان زباين وبدئت تعرض البضاعه زي كل يوم
واحده من الموجودين اتفرجت على اللي موجود مع قدر
واختارت شنطه قماش مطرزه بخرز يدوي وشكمجيه
الزبونه: بكام دول
قدر الشنطه علشان خاطرك ب 300 جنيه والشكمجيه ب 350
الزبونه لاء غاليه متخليكي متهاوده في السعر شويه
قدر والله متهاوده معاكي انتي لو طلعتي تجبيهم من بره مش اقل من 800 جنيه للحته الواحده
الزبونه: خلاص هاخد الشنطه ب 250 جنيه والشكمجيه ب 300 جنيه
قدر يا قمر مينفعش داه جمله الشنطه عليا 280 جنيه اديهالك ازي ب 250 جنيه كده تبقى واقفه بخسارة عليا وانتي ميرضكيش
الزبونه يا ستي انا باجي هنا كتير وهابقى زبونتك
قدر من عيني بس دلوقتي انا في سعر الشنطه والشكمجيه ها علشان لو مش لازمينك اروح اتوكل على الله اشوف اكل عيشي
الزبونه بقلب وش خلاص هاخدهم بس انتي معملتيش معايا واجب خالص
قدر ان شاء الله المره اللي جايه
وخلصت البيعه اللي طلعت عينها
طلعت من المطعم وتفت على الأرض بطريقه كوميديه
قدر اسفوخس على دي أشكال النتنه طالبه شيئ وشويات وجاي على ارمط الغلبان وتفاصل نسوان عايزه حش وسطها وفضلت تكمل باقي اليوم لف
واخر اليوم رجعت خان الخليلي
عم حسين ها مجبوره ولا مكسوره
قدر فضل ونعمه ومدت ايدها بفلوس داه حساب اللي خدته انهارده
عم حسين ومالك مستعجله على ايه بس خليهم معاكي والحساب يجمع
قدر لا والنبي يا عم حسين دانا ما بصدق اشيل من على اكتافي هم وينزاح فمتجيش انتا وتقولي خلي عشان كده الحمل هايزيد وانا ما بصدق يخف من عليا يلا يا راجل يا طيب يادوب اللحق وقتي قبل الدنيا ما تليل
عم حسين ماشي يا قدر مش هازعلك ربنا يستر طريقك يا بنتي ويكفيكي شر اولاد الحرام
قدر اللهم آمين يادوب اطير انا بقى سلام
رمت كلامها وطلعت تجري
واتحركت ورجعت بمعركة الصبح علشان ترجع بيتها تاني لحد ما وصلت
قدر وهي داخله بزاعبيب امشير
يا ناس يا هو يا قوم انا جيت
مريم حمد الله على السلامه
يلا ادخلي غيري وتعالي احنا مستنييك عشان ناكل مع بعض
قدر ماشي كلامك يا مريومه
وبدئت تشمشم عامله ايه يا مريومه
مريم بإبتسامه: عامله شويه مسقعه انما إيه سكر كده تاكلي صوابعك وراهم
غزل دخلت بتهكم محسساني انك عملالنا ديك رومي مش شويه بدنجان وبطاطس وفلفل بتقليه
نفسي مره اشوف اللحمه الفراخ
قدره بتنهيده يا ستي قولي الحمد لله غيرك مش طايل اللضا تعالي شوفي اللي بياكلو من الزباله وانتي تحمدي ربنا على النعمه اللي انتي فيها
مريم يا بنتي احمدي ربنا عشان تدوم بصي للي اقل منك علشان تحمدي ربنا على اللي عندك
غزل بغيظ ومبصش للي أعلى ليه هما احسن مني في ايه من حقي اني اعيش زيهم واحسن منهم كمان انا مش ناقصه ايد ولا رجل
مريم يا بنتي الله يرضى عليك ويهديك من بص لعيشه غيره حرمت عليه عيشته
غزل بتمرد وانتي بتسمي دي عيشه بيت في حته معفنه وناس اعفن ومدرسه حكومي 70 طالب في الفصل بنجيب طقمين في السنه واللحمه والفراخ كل شهر مره داه لو ربنا كرمها وجت
مريم لو مش عاجبك انزلي اشتغلي وهاتي لنفسك اللي نفسك فيه
غزل وانا اشتغل ليه انا مسؤله منكم لو مش قادرين تصرفو عليا مكنتوش خلفتوني
مريم انتي ايه يا بت انتي عايزه ايه ها طالعه عينك فارغه لمين فهميني يمكن ارتاح
قدر بوجع مجبتهوش من بره طالعه لابوها كان زيها باصص لغيره واخرتها رماها وقال يلا نفسي سبيها يا ماما والدنيا هاتعلمها وتربيها
مريم خبطت كف بكف
لا حول ولا قوه الا بالله العلي العظيم يارب
قدر انا هادخل اغير على ما تحطي الاكل
مريم ماشي وصحي فتون معاكي جات من الدرس ودخلت تنام
قدر عيني يا مريومه
دخلت وغيرت وصحت فتون طلعت كانت مريم بتغرف وغزل قاعده قدام التلفزيون بتتفرج عليه
قدر بحده ايه يا بت انتي جبله امك تعبانه وواقفه تعملك الطفح اللي هتاكليه وسيباها كمان تغرف وقاعدة تتفرجي على المدعوق اللي قدامك
غزل بنفخه اوووف بقى في إيه يا قدر مكانوش طبقين يا اختي مهو مش هناكل المحمر والمشمر
قدر اقسم بالله بت زباله وبكره تعرفي قيمه النعمه اللي في ايد لما تزول من وشك
قعدو ياكلو من سكات وقدر بتاكل بغيظ
وطلعت من جيبها فلوس ومدت ايدها لأمها
مريم ايه داه يا ضنايا
قدر خليهم معاكي مصاريف للبيت
مريم لسه معايا بقيت اللي اديتهوني من كام يوم مخلصوش والله
قدر معلش خليهم بردو اهم يبقوا راقدين لأي ظروف انتي عارفه الشغل يوم قايم ويوم نايم وأيام كتير بيعرج فنعمل حساب بكره من انهارده
مريم ماشي يا حبيبتي ربنا يعينك على شيلتك
قدر على ايه يا ماما بس
مريم على كتير يا بنتي على بهدلتك ومرمطتك على نزولك ومرواحك ومجيك ولفك بالساعات عشان تجيبي القرش وكمان بتيجي كتير تعملي شغل البيت بدالي يابنتي حرام عليكي صحتك انتي لسه صغيره
قدر برضا الحمد لله على الصحه يا مريومه وبعدين العافيه للدود يا قمر مش كنتي بتقولي كده
مريم بحزن ايوه قولت بس انتي لسه صغيره اووي على الهم داه يا بنتي وشيلتك تقيله
قدر ربنا مش بيدي الشيله الا للكتاف اللي تتحمل والضهر اللي يشيل وبنتك قويه عفيه انا يتخاف مني ميتخافش عليا
غزل بلا مبالاه مادام معاكي فلوس عايزه 200 جنيه
قدر ليه وبتوع ايه
غزل للدرس
قدر والله هي الحصه ب 200 جنيه مع اني سألت المستر بتاعك وقالي الحصه ب خمسين جنيه عايزه 150 جنيه بقى تعملي بيهم ايه ودول تكن تلات حصص زياده
غزل عايزاهم اجيب اكل وشرب زي زمايلي بعد الحصه بدل ما برجع على لحم بطني بقعد ابص عليهم واتحسر عليا وعلى عيشتي وعلى فقري
قدر والله اللي ليكي عندي تمن الحصه ومجدعه مني هاديكي عشرين جنيه غير كده معنديش مش لازمك انزلي واشتغلي ويارب تصرفي في اليوم الف جنيه ولا هسألك من الأساس
غزل ليه ان شاء الله منتي معاكي فلوس اهو عماله تحوشي لروحك وتحرمي علينا
قدر والله ما مبخدش من حد حاجه انا بشتغل واتعب واشقى واللي بشيله بشيله للبيت
قدر سببها هيبقى مسيرها زيها زي ابوها في الشارع
مريم هو انتي شوفتي ابوكي يا قدر ولا إيه
قدر لا ما شوفتهوش ومش عايزة اشوفو بس اكيد الي زيه بدماغه دي مسيرو الشارع مدام طول عمره طماع اخرو الشارع مهما خد من الدنيا هيطلع ايد ورا وايد قدام اصل اللي زيه عينه فارغه ميملهاش الا التراب
مر اليوم وعلى بليل دخلت تنام في الاوضه المشتركه مع اخوتها
قدر حطت رأسها على المخده هتنام وغزل قاعده فاتحه الموبايل و مشغلة اغاني بصوت عالي
قدر بخنقه انتى يابت اقفلي ام الزفت ده عايزة انام
غزل وانا مالي هو كنت قولتلك متناميش ولا حوشت النوم عنك
قدر اتعدلت من رقدتها وقعدت على السرير لا يا معظوله ممنعتيش بس صوت الزفت اللي في ايدك مقلقل نومتي ثم هو انا بتعب واشقى عشان ادفع فلوس دروس وبكع دم قلبي عشان في الاخر رايحه فين رايحه الدرس جايه منين جايه من الدرس رايحه المدرسه وجايه من المدرسه وكل ما تحطي وشك في وشي وهات هات هات واخره المتمه قاعده على التليفون طب والله يا غزل الزفت ما هدفع فاتوره الهباب النت الشهر ده وريني بقى هاتغرفي تشغلي الهباب اللي في ايدك ده ازاي هو الغلط مش غلطك الغلط غلطي اني جبت لك تليفون من الاساس
غزل بعصبيه انت بتعايريني بايه اومال لو جايبه لي تليفون عدل ولا تليفون غالي ما كانش حتة التليفون معفن بقاله نص قرن كنتي عملتي فيا ايه
قدر والله يا حبيبتي داه اللي عندي و لو مش عاجبك محدش ضربك على ايديك وقالك امسكيه هاتيه وروحي اشتغلي وجيبي اللي احسن منه يا حبيبتي مادام مش عاجبك
واتنيلي اقفلي الهباب داه واتخمدي عشان لو سمعتله صوت هاقوم اخدو منك ومش هتمسكيه بإيدك تاني ولا حتى هاتلمحيه ويبقى لا غللي ولا رخيص وانتي عرفاني كويس وبعدين يا اختي بدل ما انت مضيعه وقتك على ام المخروب اللي في ايدك ده ذاكريلك كلمتين يمكن ينفعوكي عشان لو لقيت كحكه يمين كحكه شمال ولا قرصه في النص والله العظيم ما هدفع مصاريف ولا هدفع جنيه تاني لمدرسه ولا لدروس و تكملي ما تكمليش تاخدي دبلوم ما تاخديش لنفسك مش ليا ولو عايزه كمان تقعدي في البيت برده لنفسك مش ليا انا قولتلك وقد اعذر من أنذر
وبعد خناقه معتاده اخيرا نامو هما الاتنين
صحيت قدر و اتوضت وصلت و خرجت من الاوضة
مريم بصوت عالي رايحه فين ياحبيبتي علي الصبح
قدر رايحه الشغل يا ماما
مريمم على ريق النوم كده من غير فطار
قدر معلش مش هالحق يا دوب هنزل عشان اتاخرت وعشان الحق الشغل من بدري
مريم طيب اقعدي كوليلك لقمه يا حبيبتي قبل ما تنزلي بلاش تروحي على لحم بطنك
قدر مش هينفع ياماما اتاخرت والله
مريم لا مفيش نزول غير لما تاكي الاول منا مش هاسيبك لروحك لحد ما تقعي من طولك
قدر قعدت بقله حيله كلت وشربت كوباية شاي
كل شويه مريم عماله تبصلها وترجع تبص في الطبق تاني وكانهة عايزة تقول حاجه ومتردده
قدر هو في اي ياماما عماله تبصي وتسكتي قولي اللي واقف علي لسانك على طول
مريم بتردد لا يا حبيبتي مفيش حاجه سلامتك
وفضلت كل شويه تبصلها تاني وتسكت
قدر لا بجد هو في اي بالله عليكي انطقي انا مش جمل خوتت راس على الصبح
مريم لا لا يا حبيبتي سلامتك متشغليش بالك يلا توكلي على الله عشان شغلك متعوقيش عليه اكتر من كده
خرجت رفعت كتافها بشوقك
ونزلت ولسه بتقفل باب الشقه ونزلت اول سلمه ووصلت لاول مصطبه قابلها عم شعبان
أعم شعبان بصوت اجش: ازيك يا ست قدر صباحك فل
قدر في زحام من النعم يا عم شعبان انتا اخبارك ايه
شعبان بخير يا ست قدر كنت جاي بس عشان افكرك بلايجار المتاخر
قدر بضيق اصطبحنا واصطبح الملك لله ولا إله إلا الله من عيني يا عم شعبان وانا رجعه اخر النهار هعدي عليك واديك الايجار قول ان شاءلله من غير مقطعه
شعبان ان شاء الله يا ست قدر ربنا معاكي وييسرلك كل أمر عسير
وسابته و كملت نزول وقبل ما تخرج من البيت شافت قدامها محصل الكهربا
الراجل الفاتوره بتاعت الكهربا يا ست قدر
قدر بنفخه :لا حول ولاقوة الابالله العلي العظيم اصطبحنا واضبح الملك لله هو يوم باين من اولو انا عارفه والله يا عم سعيد انا لسه نزلة وبقول يا فتاح يا عليم يا رزاق يا كريم ده انا حتي لسا معفرتش الاسفلت بخطوتي ولا سلمت علي الطريق برجلي المهم ما علينا يا عم سعيد باذن الله بكره او بعدو ان شاءلله اذا ربنا كتبلنا عمرا هدفع الفترة حاضر من عنيا
سعيد ربنا يوسعها عليكي يا ست قدر خلاص مش مشكله انا كده كده بعدي كل كام يوم
قدر اللهم آمين علينا وعليكم يارب صباحك فل يا راجل يا طيب
وخرجت قدر من البيت وبعد ما خرجت مشيت كام خطوه من البيت طلع في وشها محصل فترة الميه
الراجل الفاتوره بتاعت الميه يا ست قدر
قدر بضيق يا رب الصبر و الرحمه من عندك يا رب ماشي يا عم حسن معلش بس خليها عليك واديني يومين تلاته او علي اخر الاسبوع و عليك بخير
حسن خلاص ماشي يا ست قدر كده كده انا رايح جاي علي الحته لان انتي عارفة اغلبها موظفين وبيدفعو مع القبض وربنا يوسع علي الكل يارب
قدر اللهم آمين خلاص ماشي يا عم حسن يكون ربنا فرجها علينا
مشيت شويه ووصلت علي اول الشارع وقبل ما تركب
قبلت شخص تاني
قدر وبينها وبين نفسها هو يوم مطين بطين هو اصطبحتو فلوس يا فتاح يا عليم يا رزاق يا كريم اللهم لا اعتراض يارب بس مش حوار هو كل شويه حد يجي عايز فلوس كلو بيقولي هاتي هاتي مفيش مرة حد يقولي خدي
وقبل ما الشخص يتكلم قالت
قدر قبل ما تقول الفاتوره يا عم سامح اديني يومين ثلاثه او على اخر الاسبوع باذن الله هدفع في مشكله ولا حاجه عشان الصراحه جبت اخري واتهريت بالمعنى الحرفي
سامح بابتسامه مفيش مشكله يا ست الكل عنينا ليكي خلاص ان شاء الله انا مش هعدي اليومين دول وباذن الله هاجي على اخر الاسبوع هعدي عليكي
قدر تمام يا عم سامح ربنا يوسع عليك وعلينا
مشيت قدر وركبت الاتوبيس وبعد وقت وصلت خان الخليلي
قدر صباح الخير يا عم حسين فين الشغل خليني اخدو واخلص
عم حسين طلعلها البضاعه وهي بتحطها في الشنطه الهند باج بتعتها بغيظ
عم حسين مالك بس يا قدر فيكي اي علي الصبح جايه تقولي يا شر اشتر
قدر بنفخه وهي بتشد كرسي وقعدت عليه مفيش والله بس تعبانه شويه الظاهر بس من كتر ضغط الشغل جالي صداع
عم حسين يا بت مش علي عمك حسين ده الشعريتين دول مشابوش من فراغ يابت الدنيا علمتي اقراء الناس من طله في وشه
قدر لا والله يا عم حسين اطمن انا زي الفل الحمد لله
عم حسين احنا اخر الشهر خلاص كل سنه وانتي طيبه الفواتير والايجار صح
قدر والله العظيم يا عم حسين الواحد احتار مش عارف يسدها منين ولا منين من ايجار ولا ميه ولا كهربا ولا غاز ونت وطلبات غزل اللي مبتخلصش وطلبات فتون وغير طلبات البيت اللي من صباحه لمساه بيقولك هات ومبيكتفيش
هم حسين معلش يا بنتي قولي الحمدلله حالنا احسن من غيرنا بكتير طول ما فينا صحه نحمد ربنا عليها مادام قادرين نجري على المعايش
قدر الحمد لله يا عم حسين والله ما معترضة ربنا كبير الله المعين والمستعان يلا اسيبك انا واتوكل علي الله
ادعيلي بقا
عم حسين ربنا يعينك ويقويكي ويرزقك من حيث لا تحتسبي
مشيت قدر وطلعت واتوكلت على الله وفضلت تلف علي المحلات وعلي المطاعم والكافيهات وتعرض الباضعه بتاعتها وبعد وقت كانت خلصت معظم البضاعه اللي معها وكان فاضل جزء صغير منها طلعت تتمشى شويه وهي مخنوقه ومش حايه بالوقت ولا الكريق اتهندت بحزن على حالها و بينها وبين نفسها وبعد هالك يا بت يا قدر الدنيا هتفضل وخدكي لحد فين الدنيا هتفضل تطوح فيكي يمين وشمال بيقولو لكل واحد من اسمه نصيب فانا يا ترا نصيبي من اسمي قدري خير ولا قدري شر والله انا ما بقيت عارفه ولا فاهمه حاجه الحمد لله يارب انا مش معترضة بس تعبت ومش قادره اقول قدام حد ان انا تعبت علشان اللي في رقبتي هيتعبو علي تعبي كلهم بس
ماعدا البت غزل بنت ال ولا بلاش
فضلت ماشيه وهي سرحانه لحد ما لقيت نفسها في منطقة راقية
قدر الله ايه الجمال والحلاوة دي يا وأولاد والله البت غزل كان عندها حق هما دول الناس اللي عايشين بجد مش احنا اللي مدفونين بالحيا
هزت راسها ونفضت كل الافكار اللي في راسها بعد ما استوعبت كلامها وقالت اعوذ بالله في اي يا قدر هتكفري بنعمه ربنا ولا اي امبارح و اول امبارح لسا مديها موشح في الرضا وانتي اللي جاية دلوقتي تعترضي اللهم لا اعترض علي حكمك يارب والله مش قصدي استغفر الله العظيم اعوذ بالله من الشيطان الرجيم
واتحركت شويه جيه نظرها علي كافية فخم وقفت قدامه بتردد شويه
قدر لنفسها اما ادخل اشرب حاجه وافك عن نفسي شويه مهو ضربوا الاعور على عينه قال كده خربانه وكده خربانه اما ادخل واروق علي نفسي يعني هو من مالو ولا يهنالو
اتحركت وهي لسه هاتدخل الكافيه لقت اللي بيوقفها
الامن رايحه فين حضرتك ممنوع دخول البائعين المتجولين
قدر بشهقه لا يا خويا انا مش جايه هنا عشان ابيع انا دخلة زبونه
الامن بشكلك ده ممنوع تدخلي المكان هنا فايف استار للطبقة الراقية بس
قدر برفعه حاجب مش شايفه يعني انهم كاتبين لبس محدد وسع من وشي يا جدع انت بدل ما اخلي اللي في رجلي يسلم عليك واعملك هنا فضيحه واخلي اللي ما يشتري يتفرج عليك
الامن بقلة حيلة اتفضلي يا هانم ربنا يستر ورفدي ميبقاش علي ايدك النهارده بس لو سمحتي مش عايزين فضايح
قدر يا عم تف من بوقك ان شاء الله متوصلش لكده ومفيش فضايح ولا يحزنون
دخلت وقعدت وهي بتتلفت حواليها بإنبهار
وصقفت بي ايدها بصوت عالي
الويتر بصلها بستغراب واشمئزاز ومتكلمش
قدر خدت بالها من بصته ليها اتكلمت بحده انا جايه هنا زبونه عندك اعتراض علي البسي ولا حاجه احب اعرف اص بنتك مش عجباني
الوتير احم لا يا فندم تحت امرك تشربي اي
قدر عايزة كوباية قهوة بس اي تكون حاجه نضيفة
اتحرك الوتير
وكانت لينا قعدة قدمها وفضلت تبص عليها وسمعتها وهي
بتمتم في سرها بصوت واطي بس وصل لودان لينا بوضوح
قدر اعوذ بالله من الشيطان الرجيم هو في اي الناس عمالة تبص عليا كده ليه كأني من كوكب وهما من كوكب تاني عاملين فيها ولاد زوات وهم اللي يدور عليهم يلاقيهم من اولاد ذوات الاربعه
ضحكت لينا علي كلامها
قدر في اي يا حلوة انتي كمان عماله تبصيلي وتبحلقي في خلقتي علي اي
واتعدلت ولفت نفسها انا عدلتلك نفسي اهو لو عايزة تخدي صورة عشان تبقى واضحه اكتر عرض أقل
•تابع الفصل التالي "رواية انتقام القدر" اضغط على اسم الرواية