رواية احببت قائدي الفصل التاسع عشر 19 - بقلم رودي محمد

 رواية احببت قائدي الفصل التاسع عشر 19 - بقلم رودي محمد

فون ادم رن رد بلهفه ع امل تكون هي ادم الو

مجهول... السنيوره عندنا ف الحفظ والصون . تخرج مراد الالفي من السجن السنيوره تكون عندك وكل م يكون الوقت اقرب ده بيحافظ ع حياتها

ادم.... قام من مكانه وهو بيتكلم بعصبيه

اياك تقرب منها فاهم قسمابالله هقتلكم كلكم

السكه اتقفلت

ادم... قام من مكانه رمي كل حاجه ع المكتب ف الارض... معرفتش احميكي ي ندااااا.معرفتش احميكي اتخطفتي وانتي معايا فضل يكسر ف المكتب كله

خبط الباب ودخل الملازم علاء وشاف المكتب متبهدل خالص وادم متعصب ع الاخر قرب علاء واتكلم بخوف نوع ما من عصبيه ادام واللي شافه .

علاء... تمام ي فندم

ادم... ندي اتخطفت ي علاء... واللي خطفها عايزانا نخرج مراد الالفي

علاء.. بصدمه اتخطفت ازاي بس مهي كانت امبارح ف الفرح

ادم.... اتخطفت امبارح من الفرح انا دماغي هتتشل مش عارف افكر ليه اشمعني هي م انا كنت ماسك القضيه دي لي هي

علاء... اهدي ي ادم بيه هي عشان بنت ف الاخر وعارف ان الدخليه هتخاف عليها والضغط هيبقي من الكل عشان ترجع ف اقرب وقت اهدي وانا هكلم اللواء ممدوح ونجتمع حالا نشوف حل او خطه

ادم... مين ليه مصلحه ف خروج مراد وبعدها افتكر كلام ندي

فلااااش بااااااك

ادم.. عملتي اي ي ندي جبتي كل المعلومات عن مراد

ندي.. تمام ي ادم بيه دي كل المعلومات عنه بس معاه اخ اسمه سلامه الالفي بس ده مسافر حاليا ف سويسرا مفيش حد عارف هو بيعمل اي هناك بس اكيد بيخلص ورق ل دفعه جديده من الاسلحه وعشان كده لازم نركز معاه جدا

ادم.. حلو اوي ده نقول ل علاء يهتم هو ب سلامه ده ونشوف اي حكايته

ندي... مش عارفه بس خايفه يظهر اخر لحظه وقت القبض ع مراد ويبوظ الدنيا

ادم... لا متقلقيش ده لو ظهر تبقي حلو اوي وناخد الاتنين ونخلص

بااااااااااك

.........

ادم... بص ي علاء واتكلم.. سلامه

علاء. بعد فهم بص وهو مش فاهم واتكلم بحزر سلامه مين

ادم... سلامه اخو مراد انا نسيت اقولك انك لازم تتبع خطواته اكيد رجع من سويسرا وهو اللي خطف ندي محدش ليه مصلحه ف خروج مراد غيره

علاء. تمام ي فندم انا هشوف كل حاجه تخص سلامه

ادم... اتكلم بنبره كلها حده وصوت جهوري كل المعلومات ي علاء ف ظرف ساعه تكون عندي الوقت بيكلفنا حياة ندي وانا مش هسمح ان يحصلها حاجه مهما كان التمن مش هرحم حد فاهمني

علاء. تمم ي فندم بعد اذن حضرتك

•••••••••••••••• بقلم رودي محمد•••••••••••••••••••

ف البيت ناهد بتعيط... علي اهدي ي ناهد ادم وعدني هيرجعها...

ناهد...بعياط مش عارفه اهدي ي علي مش عارفه اهدي دي بنتي الوحيده جبتها بعد سنين حرمان انا كنت رافضه الشرطه انت اللي وافقتها بنتي لو ضاعت مني مش هسامحك ي علي وفضلت تعيط علي قرب منها واخدها ف حضنه متقلقيش بنتك اسد وهترجع بالف سلامه

رن فون ناهد

ناهد... بلهفه مسكت الفون بس اصابها اليأس مره تانيه مش هي مش هي

علي.. طب ردي شوفي ف اي

ردت الو ي كريمه

كريمه.. مال صوتك ي ناهد ف اي

ناهد.. بنتي اتخطفت ي كريمه

كريمه.. ي لهوي ده امتي وازاي

ناهد.. مش عارفه مش عارفه حاجه خالص

كريمه... طب خلاص اقفلي انا جيالك

.......

........

ف لندن

........

لميس... بتجري ف الشارع وعادل وراهاا اهدي ي مجنونه لميس وقفت وفردت ديها وبصت ع عادل وهي بتضحك وفرحانه اوي من قلبها

لميس.... ياااااه ي عادل الجوا جميل اوي هنا بحبك ي عادل قد الدنيا بحبااااااااك

عادل... قرب منها وحضنها جامد من ضهرها وانا بحبك ي قلب عادل......

اسراء... بس ي عمر عيب الله

عمر... ي بت الناس هنا متعرفش العيب بيبوسو بعض ف الشارع عادي

اسراء يضحكه.... بس انا مش من هنا ي عموووووووره

عمر... لا بقولك اي احياة عيالك عموررررررررة دي بتفكرني ب لميس ونداا بلاش منها ابوس ايدك

.......

...........

ف مكان مهجور

ندي قاعده ع الارض... متكتفه... مش عارفه تتحرك ندي.. بزعيق انتو ي حيوانات ياللي برااااااااااا

دخل واحد عايزه اي ي بت بطلي دوشه

ندي... انتو مين يلاااااا تبع مين عايزين مني اي

المجهول.... معرفش حاجه

ندي... نديلي كبيرك يلاااا انا مش بكلم عيال

قرب منها ونزل لمستواها ولسه هيمسكها من شعرها دخل واحد انت ي حيوان بتعمل اي

.......

•••••••••••••••••••رودي محمد••••••••••••••••••••••

ف الاجتماع

.... اللواء اهدي بس ي ادم

ادم....وهو بيتكلم بعصبيه غصب عنه اهدي ازاي ي فندم اهدي ازاي احنا هنخرج مراد؟

اللواء.... ادم انت واعي بتقول اي انت كده بتسلمهم رقبتنا وكل واحد بعد كده عايز يخرج حد يخطف ضابط وهتبقي فوضه لازم نشوف حل غير كده

ادم.... نداااااا لوجرالها حاجه انا مش هسكت تبقي فوضه انا مش مسؤول لو عندك حلول تانيه قولي هي اي

اللواء.. بصرامه. ادم انا مقدر مشاعرك وعارف انك اخدت عليها بطبيعة الشغل بينكم بس خد بالك من تصرفاتك ي اما هبعدك عن القضيه دي خالص

ادم.... قام من مكانه وبص للواء بتحدي ونظره كلها حده حتي لو بعتني ي باشا انا اسف مش هتخلي عنها لو الموضوع كلفني حياتي

.....

علاء... اهدو ي جماعه

طب ي ادم بيه انا ممكن اتبع رقم نداا واعرف هو فين دلوقتي وحضرتك تديني الرقم اللي كلمك وقالك وانا هجبلك مكانه ده غير اني بجمع معلومات عن سلامه حاليا وعرفت انه نزل القاهره يوم خطف مراد فعلا.

ادم... تمام ي علاء هاتي بقي المعلومات ليا بعد اذنكم. مشي خطوتين وبعدها بص عليهم تاني واتكلم...

لو الوضع اتكلف اننا نخرج مراد اظن حضرتك مش هتخاطر بيحاتها ...بص ع اللواء بحده ومشي اللواء كان مصدوم من ادام ومش تصرفاته بس قدر انها شغاله معاه بقالها فتره وانها ف الاخر بنت وخايف عليها بس هو ادرك فعلا ان ادم بيحبها لانه عمره م شافه بيتصرف بالعصبيه دي.

اللواء.... لازم عادل يرجع ده اخوه هو الوحيد اللي هيقدر يسيطر عليه انا اول مره اشوفه ف الحاله دي

واحده من الموجودين... بس ده عريس جديد ياباشا ومسافر برا مصر حرام يعني يجي

.....

••••••••••••••••••رودي محمد•••••••••••••••••••••••

......ف لندن.......

لميس.. ثانيه ي عادل اكلم ماما اطمن عليها...

رنت لميس ع والدتها الو اي ي ماما..وحشتيني

كريمه.. تمام ي لميس الحمد لله انتي اكتر ي حبيبتي

لميس. صوت مين اللي جمبك ده

كريمه... دي ناهد ي بنتي

لميس... بقلق مالها ي ماما ف اي ندي كويسه

كريمه.. بتوتر اه اه كويسه ي بنتي هقفل دلوقتي سلام

.....

لميس بصت ف الفون لاقيت مامتها قفل

عادل... مالك ي لميس..

لميس... مش مطمنه ي عادل...

سمعت طنط ناهد بتعيط وماما لما سالتها قفلت بقولك اي رن ع ادم اطمن منه ع ندي

عادل... عشان خاطر عيونك بس .. مع اني مش عايز ارن ع حد خالص. وانت معايا ي جميل

لميس...بحب حبيبي انت يديمك ليا....

.....

ف المكان المهجور

لسه بيقرب منها دخل واحد انت ي حيوان..

المجهول... بعد عن ندااا بتوتر تمام ياباشا

ندي... انت مين وعايز مني اي وانا هنا لي

انا.. سلامه الالفي....

ندي....اه اخو مراد حصلنا الرعب والتهديد..

سلامه.... شكلك زي م سمعت عنك قطه شرسه وليها ضوافر

ندي... هتغرز ف لحمك متخفش

سلامه... بعصبيه.. شكلك مطوله معانا هنا

ندي... هات من الاخر يلا عايز اي

سلامه... قرب منها ونزل لمستواها ومسكها من شعرها.جامد وقال بصوت كله عصبيه وغضب.. لا عاش ولا كان اللي تقول ل سلامه الالفي يلاااا فاهمه ي بت.

ندي... ف وشه تفووو

سلامه .... مسح وشه وضربها قلم جامد

ندي..... اتكلمت ب ملامحها قبل صوتها كان بابن ع وشها رأكشنات الغضب والعصبيه..واتكلمت بحده وصوت عالي. وحياه امي م هسيبك والقلم ده لارده ليك م انت لو راجل فكني وهتشوف هعمل فيك اي ي كلب.

سلامه...مش هتخرجي ي قطه

بص عليها بقرف ومشي.. ووجه كلامه للراجل اللي معاه. اقفل عليها وخالي بالك منها فاااااااااهم

..... فاهم فاهم ي باشا..

ندي... بعد م خرجوا بصت عليهم وبصت ع الاوضه كلها مكنش فيها شبك ولا اي مكان تفكر تهرب منه ولا قادره تتحرك بسبب انها متكتفه.. واتكلمت مع نفسها.. اااااه ياني يا صغيره ع الهم ي لوزااااااااااا

كان مالي ومال الشرطه لما دي اخرتها اي العصابه دي بس ي ربي طب اعمل اي اعمل اي

هتعملي اي ي ندوش بس اكيد ادم مش هيسبني اه اكيد مش هيسبني هو اه هيرتاح مني بس لااااا انا واثقه فيه هيعمل المستحيل عشاني

وبدأت ترد ع نفسها وكانها بتكلم حد وكانت بتتكلم بصوت عالي... بس انتي اي مخليكي واثقه انه مش هيسيبك م ممكن ميقدرش يوصلك اصلا

... لااااا ادم بيحبني وهيقدر يوصلي

مين قالك انه بيحبك هو قالك حاجه زي كده

... لا مقاليش حاجه بس انا حاسه بيه

احساسك ممكن يبقي غلط

... حتي لو مش بيحبني بس ادم عمري م هيسبني بردو انا واثقه فيه ومتاكده من كده وبكره اثبتلك

ولو مجاش وسابك ليهم

.. لا هيجي قلبي بيقولي كده

بطلي تمشي وراء قلبك هتخسري

.... يووووو بطلي زن بقي وغوري من هنا سبيني ف الهم اللي انا فيه بدل م ادور ع حل اخرج بيه

(الثقه اهم من الحب بكتير ممكن. اكون بحب حد بس مش بثق فيه ده مش حب الحب الحقيقي اني لو انا وسط النار ابقي واثقه ان فيه حد مش هيسبني لو مش قدر يخرجني ف انا متاكده انه هيفضل انه يتحرق معايا.. الحب مش مجرد كلام وبس.. هي واثقه ف ادم عشان عارفه ومتاكده انه لو مقالش ليها بحبك كلام بس قالها بافعال وتصرفات اثبتت ليها ده عشان كده هي واثقه فيه بجد)

•••••••••••••••••••رودي محمد••••••••••••••••••••

واحد من الرجاله كان واقف وراء الباب وكان سامع كلام ندي لان صوتها كان عالي. فضل مستغرب هي بتكلم مين وبعدها قال اكيد مجنونه م هي ناقصه واحده هربانه منها وسابها بعد م اتاكد انه قفل عليها كويس وراح عند صحابه...

ندي.. بتفكر ف ادم وازاي هيعرف هي فين... طب هو هيعرف انا هنا من فين

بس جاتلي فكره............ يتبع

•تابع الفصل التالي "رواية احببت قائدي" اضغط على اسم الرواية