رواية العشق والغفران الفصل الثامن عشر 18 - بقلم مريم غريب
قصة العشق والغفران.
البارت الثامن عشر:
وجريت العربيه اللى خبطت فارس ومحدش حتى عرف ياخد ارقامها...واتلمو الناس على يارا وفارس وطلبو الاسعاف وخدوه المستشفى ودخلوه غرفة العمليات.
ويارا واقفه برا منهاره فى العياط وفضلت تدعى وتقرا قرأن...وفاجاه جت عليها الممرضه.
الممرضه:يا انسه.
يارا:نعم.
الممرضه:الاستاذ اللى جوا كان قبل م نبداء العمليه عمال يقول كلام ملغبط ومش مفهوم واللى فهمناه من كلامه ان فيه ورقه فى محفظته عايز يديهالك..هو انت مش اسمك يارا؟؟
يارا:ايوه.
الممرضه:اتفضلى.
واديتها الورقه...مضمون الرساله اللى فى الورقه كان.
"الجواب ده انا كتبتبه من يوم م عرفت انى بحبك يارا انتى انسانه رقيقه وجميله اوى ومن اول يوم اتقابلنا لما خبطنا فى بعض النادى فاكره,من يومها وانا حاسس انى بحبك اوى حبيت ابتسامتك اللى عمرى م هنسها وكل حاجه حصلت بينا فى الشهرين خلتينى احبك اوى..وانا خايف من اليوم اللى يجى وتعرفى فيه حقيقتى انا خايف تبعدى عنى..ده انتى ملاكى اللى خلانى ابعد عن العالم اللى كنت فيه مش عايز اسيبك ابدا انا بستمد منك قوتى..نفسى تفضلى جمبى علطول انا بحبك..اتمنى انك انتى كمان تكونى حبتينى...بحبك...فارس"
يارا رمت الورقه وجريت على غرفة العمليات وراحتله وصرخت وعنيها كلها دموع:لا مش هتموت انا بحبك..انسى كل اللى انا قلته ارجع يافارس..متموتش انا ازاى هعرف اعيش منغيرك يارا مينفعش تعيش من غير فارس..يافارس ارجع ارجوك متسبنيش.
وهنا الممرضات طلعوها من غرفة العمليات وهى فضلت تعيط بره الاوضه
..وعدا ساعه ونص وخرج الدكتور.
يارا:هاه يادكتور فارس اخباره ايه؟؟
الدكتور:ياانسه ده انكتبلو عمر جديد انا مندهش احنا ازاى انقذناه الخبطه كانت جامده جدا على دماغه..بس هو حاليا تمام بس فى كسر فى الرجل الشمال والايد الشمال كمان وطبعا فيه شوية كدمات.
يارا بدموع:بجد يادكتور يعنى هو كده وبس م فيش حاجه تانى؟؟
الدكتور:اطمنى ياانسه هو دلوقتى كويس جدا وبعد ساعه هيتنقل غرفه عاديه تقتدرى تشوفى هناك..عن اذنك.
يارا:اتفضل.
ومشى الدكتور وفضلت يارا عند الغرفه لحد م طلعو فارس على السرير النقال ودخلو الاوضه العاديه..وهى فضلت معاه ومش سايباه.
والوقت اتاخر عليها ف ناهد اتصلت بيها ويارا قالتلها انها هتبات عند واحده صحبتها..وفضلت مع فارس.
.............................................................................................................................................................................................................................................................................
فى اليوم التالى:
فى القصر عند ناهد..هى قاعده هى ونيهال كالعاده سوا.
نيهال متصنعه البكاء:شوفتى ياانطى باسل بيعمل ايه..سايبنى انا لوحدى بقالو يومين وقاعد مع مراته التانيه ازاى.
ناهد:معلش ياحبيبتى بس مضيقيش نفسك انتى واوعى تعيطى كده تانى بقى انتى هتعيطى من حتة بنت زى دى.
نيهال:لما هو بيحبها اد كده اتجوزنى ليه؟؟
ناهد:ياحبيبتى حب ايه ده مجرد بيشفق عليها ياحرام عشان ملهاش حد ومسيره يعرف انه مش بيحبها.
نيهال:لا ياانطى كده كتير اوى انا عمرى م حد زعق فيا وزعلنى زى باسل كده انا اعصابى تعبت بجد لا انا مش هقدر اك....
ناهد مقاطعا بسرعه:لا ياحبيبتى شيلى الافكار دى من راسك وانا اوعدك انا هتصرف معاه وهعرفه قيمتك واوعدك كمان ان مريم دى مش هتطول معانا.
وندهت ناهد على الداده وقالتلها تطلع تنادى باسل.
............................................................................................................................................................................................................................................................
اما عند باسل ومريم....قاعدين على السرير وباسل نايم وحاطط راسه على رجل مريم وهى بتمرر ايدها على خصلات شعره الاسود الغزير الناعم.
وهنا خبط الباب مريم صحته.
مريم:باسل..باسل.
باسل بنوم:نعم ياروما فى حاجه؟؟
مريم:قوم شوف الباب بيخبط.
باسل:طب م يخبط ياحبيبتى.
مريم:ههههههههههههه يخبط ازاى يعنى قوم شوف مين.
باسل بضيق:حاضر قايم اهو يومه اسود اللى على الباب انشاء الله.
مريم:ههههههههههههههه.
وقام باسل فتح وكانت الداده.
باسل بابتسامه:لا طالما انتى يبقى سماح.
الداده:ههههههههههههههههه اسفه يابنى على الازعاج.
باسل:ولا يهمك ياداده..خير فى حاجه؟؟
الداده:اه ناهد هانم عاوزاك.
باسل:حاضر انا نازلها..بس ممكن ياداده تقعدى مع روما لحد م اطلع..اصل اعصابها لسا مشدوده مش بتعرف تقوم من سرير عشان يعنى لو عازت حاجه تجيبهالها.
الداده:اه طبعا يابنى متقلقش.
ونزل ل ناهد.
باسل:نعم ياماما.
ناهد بحنق:اقعد.
باسل وهو بيقعد:انا بقلق من الكلمه دى..خير ياماما فى ايه؟؟
ناهد:مش كفايه كده ولاايه.
باسل:كفايه ايه مش فاهم!!
ناهد بانفعال:كفايه قاعده مع الهانم اللى فوق دى..انت ناسى مراتك اللى المفروض انها عروسه جديده مش كفايه انك بتزعقلها والله كتر خيرها البنت انها ساكته عليك بالشكل ده بس انا بقى مش هسكت.
باسل:فى ايه ياماما..م هو كان قدامك هى عملت فيها ايه..وبسببها هى قاعده فو ق فى السرير مش قادره تتحرك.
ناهد:انا م يهمنيش ده كله انشا الله يحصل فيها ايه انا اللى يهمنى نيهال..دى بنت ناس ومن عيله وليها اصل مش ال....
باسل مقاطع بغضب:ماما..كده كتير..ودى مش اول مره اقولك متغلطيش فى مراتى..بس واضح ان م فيش فايده..اوكى انا هخادها من هنا ونروح نعيش فى بيت لوحدنا واشبعى انتى ببنت الحسب والنسب.
ناهد وهى بتتصنع البكاء:هتسيب امك وتمشى ياباسل عشان مراتك..ياخسارة تربيتى فيك.
باسل بضيق:ياماما ابوس ايدك كفايه بقى..انا تعبت مش عارف ارضى مين ولا مين..اسغفر الله العظيم..خلاص مش ماشى بس ارجوكى ملكيش دعوه ب مريم.
ناهد:ماشى..بس كفايه كده بقى..انت قعدت معاها يومين لازم تروح تقعد مع نيهال.
باسل:ايوه بس مريم لسا مخفتش.
ناهد بلا مبالاه:الداده واختك ممكن ياخدو بالهم منها وهى اتحسنت شويه يعنى كمان يوم او اتنين وهتخف خالص.
باسل:ياماما بس...
ناهد بصرامه:خلاص ياولد..اسمع الكلام.
..............................................................................................................................................................................................................................................................
اما عند يارا وفارس فى المستشفى.
يارا قاعده على كرسى جمب فارس وبتبصله بحنان وهى بتعيط..وهنا خبط الباب ودخلت المرضه.
الممرضه:اتفضلى ياانسه دى حاجة الاستاذ اللى كانت فى جيوب هدومه امبارح.
وادتها الموبايل والمحفظه ومفاتيح العربيه.
يارا:شكرا.
الممرضه:العفو عن اذنك.
يارا:اتفضلى.
وبعد شويه رن الموبايل..يارا بصت فى الرقم لقيت المتصل اسمه"طارق" ف ردت.
طارق:انت فين يافارس؟؟اتاخرت ليه مش قايلك تعالى هتتغدا معانا انت لسا زعلان يابنى.
يارا:انااا..انا مش فارس.
طارق بص فى موبايله بيتاكد انه رقم فارس وقالها:حضرتك مين؟؟هو مش ده موبايل فارس؟؟
يارا:ايوه..بس..انا يارا.
طارق:اه اه عرفتك انتى الانسه يارا البحيرى..اهلا يا انسه..بس هو فين فارس؟؟
يارا بدموع:فارس فى المستشفى وانا معاه.
طارق بخضه:ايه..فى المستشفى ليه؟؟حصله ايه؟؟
يارا:فى عربيه خبطته الصبح قدام النادى.
طارق:انتو فى مستشفى ايه؟؟
يارا:مستشفى ال.........
طارق:طيب انا جاى حالا.
وقفل معاها..وكان قاعد معاه عادل ومصطفى وكمال.
كمال:ايه ياطارق مين اللى فى المستشفى؟؟
طارق:فارس.
كمال:ايه..ايه اللى حصله؟؟
طارق:مش عارف اللى رد عليا يارا وقالتلى خبطته عربيه الصبح قدام النادى انا هروحله.
كمال:استنى هنيجى معاك.
وقامو كلهم وراحو المستشفى.
.........................................................................................................................................................................................................................................................................
اما عند يارا لما قفلت فاق فارس وهو بيتئاوه.
يارا بلهفه:فارس..فارس انت كويس؟؟
فارس بتعب:يارا..انتى هنا ياحبيبتى.
يارا بدموع:اه..اه هنا معاك.
فارس:يارا ابوس ايدك متسبنيش..انا مليش غيرك.
يارا مسكت ايده وقالت ببكاء:مش هاسيبك يافارس..مش هاسيبك.
فارس:يايارا والله انا رجعت كل حاجه سرقتها من الناس بس لسا فاضل مبلغ كبير شويه لما اطلع من هنا هرجعه ومش هعمل كده تانى.
يارا:طب كفايه كلام استريح انت دلوقتى.
وهنا الباب اتفتح..ودخلو صحابه.
طارق بلهفه:فارس مالك ياخويا ايه اللى حصلك؟؟
فارس:متقلقش ياطارق..دى حادثه بسيطه.
كمال:حمدله على سلامتك يافارس.
فارس:الله يسلمك ياكمال.
مصطفى:خضيتنا عليك والله..قولى بس مين اللى عملها فيك وانا اروح اجبهولك من قفاه.
فارس:هههههههههه ليه ياعم الشرانى الطيب احسن..وبعدين انا بقيت تمام.
عادل بص على يارا واستغرب انها لسا معاه رغم انها عرفت حقيقته..وعرف انها فعلا بتحبه ففكر فى خطه تانيه.
عادل:فارس..حمدلله على السلامه ياغالى كده تخضنا عليك.
فارس بعتاب:الله يسلمك ياعادل..وشكرا لمحبتك ياصديقى.
طارق:بقولكو ايه احنا مش عيال بقى عشان تفضلو زعلانين من بعض كده دى عشرة سنين ده احنا اخوات ياض انت وهو.
فارس:طبعا اخوات..وانا عارف كده قوله هو.
طارق:يلا ياض ياعادل روح احضن فارس وبوس على راسه.
عادل بشر من جواه:والله لاوريك يافارس.
عكس اللى قدامهم كلهم عامل انه طيب وبيحبه ورح حضنه.
وهنا الكل خد باله من يارا.
كلهم:ازيك ياانسه.
يارا بابتسامه:الحمدلله.
طارق:احنا متشكرين اوى انك خدتى بالك من فارس.
يارا:لا شكر على واجب..طيب يافارس انا اطمنت عليك مع اصدقائك هروح دلوقتى وهاجيلك بكره.
فارس بحب:متتاخريش يايارا.
يارا بابتسامه:حاضر..سلام.
ومشيت يارا وراح طارق قعد جمب فارس على السرير بس غلط وقعد على رجله المكسوره.
فارس:ااااااااااااااااااااااااااااااااااه..حاسب ياحيوااااان.
طارق:اسف اسف..معلش يافارس..وكمل بخبث:بس ايه ياعم الفيلم الرومانسى اللى شوفته من شويه ده.
فارس:اخرس ياض ملكش دعوه.
طارق وهو بيغمزله:ايوه ياعم..عقبالنا يارب لما نلاقى اللى يتخض علينا كده..دى البت عيطت وهى بتكلمتى فى الموبايل.
فارس بابتسامه:بجد ياطارق؟؟
طارق:ههههههههههههههههههههههه شوفتو يارجاله فارس واقع ازاى.
كلهم:عقبالنا يارب.
.............................................................................................................................................................................................................................................
اما فى القصر عند الداده فى المطبخ..جت بنتها سماح التى تبلغ من العمر 24 سنه وهى خريجة صيدله..جت تزورها.
الداده:عامله ايه ياسماح؟؟
سماح:الحمدلله ياماما كويسه.
الداده:ديما ياحبيبتى..عايزاكى تخلى بالك اوى من نفسك الحته عندنا مش كويسه اوى يابنتى وانتى لوحدك.
سماح:متخافيش ياماما ده انا سماح..طيب خلى حد كده يقربلى وهو مش هيلاقى دكتور يخيطوه.
الداده ضحكت بشده من جملتها:هههههههههههههههههههههه اه يافقريه منا عارفه انك بنت فى البطاقه بس.
سما بزعل مصطنع:بقى كده ياماما.
الداده:يابت انا بهزر معاكى ده انتى قمر هو فيه زيك.
سماح:ههههههه ماشى..بس بمناسبة القمر..مين الواد القمر الموز اللى كان برا ده؟؟
الداده:بس يابنت عيب احترمى نفسك.
سماح:ايه ياماما ده سؤال بريق والله اصله بصراحه جميل اوى قوامه الرياضى جامد جسمه ممشوق وقمحاوى وعيونه واسعه ورمادى وشعره طويل سنه و نااااعم وغزير كده الواد موز ياولدتى.
الداده:احترمى نفسك يابت.
سماح:هههههههههههه انا بهزر ياماما هو انا اقدر ابوص غير ل رامى خطيبى حبيبى ده كان يدبحنى.
الداده:ماشى ياغلباويه..ابقى سلميلى عليه.
سماح:يوصل..مش ناويه تسيبى الشغل بقى ياماما..انتى خلاص كبرتى وبعدين انا الحمدلله اتخرجت وبشتغل يعنى انتى مش محتاجه للشغل.
الداده:والله ياسماح انا لولا الست مريم كنت فعلا سبت الشغل هنا.
سماح:ودى مين الست مريم صحبة البيت الرزله اللى بره دى..اللى اول م شافتنى ....وقلدتها بلهجه ساخره:انتى مين عاوزه مين...حاسستنى انى جايه من كوكب تانى.
الداده:الله يسامحها بقى..وعموما مريم دى تبقى مرات ابنها وعينى عليها الست ناهد مبهدلاها على الاخر تصورى خلت ابنها يتجوز عليها وكمان نفسها تطفشها من هنا باى شكل وانا صعبان عليا اسيبها لوحدها البنت ساعات بيفرق معاها وجودى.
سماح:ماشى ياماما اما اشوف حنيتك دى هتوصل ل فين.
الداده:طب اسكتى بقى وخليكى قاعده هاروح اطلعلها الاكل وهجيلك تانى.
سماح:ماشى.
وراحت الداده تحضر الاكل وحطت فى الشوربه الحبوب اللى ادتهالها ناهد عشان تحطها فى الاكل ل مريم.
سماح:انتى بتحطى فى الاكل ايه ياماما؟؟
الداده:ده يابنتى الست ناهد قالتلى بروتين او حاجه كده ادتهولى عشان احطه للست مريم فى الاكل عشان تخف بسرعه والله تتحسد بقت طيبه معاها اليومين دول.
سماح قامت من مكانها وقالتلها:ورينى كده.
وخدت منها شريط الدوا.
واتصدمت بعد كده وقالتلها:هى بتستغل جهلك وبتخليكى تحطى حبوب منع الحمل فى الاكل لمرات ابنها.
الداده:.............................................. عرض أقل
•تابع الفصل التالي "رواية العشق والغفران" اضغط على اسم الرواية