رواية احببت قائدي الفصل الثامن عشر 18 - بقلم رودي محمد
وفعلا عادل قرب منها ولسه هيشلها
جت ندي و ادم... ف اي ي جدعان مالكم
لميس... انتي عارفه اني مش بحب الاغنيه دي
ندي.. دي اختيار اخوكي ومراته وبعدين ثانيه انا متفقه معاهم ع اغنيتك المفضله
وبعدها بشويه......
اشتغلت اغنيه......
هوبنا رجعنا ليكم..(معلش ي جماعه اصلي بحبها اوي 😂😂)
لميس.... ايو كده
ودخلو القاعه واشتغلت مهرجانات والكل كان فرحان وبيرقص
م عاد ادهم اللي كان مدايق ع حب عمره وكان واخد جمب ومتغاظ اشتغلت اغاني كتير....
ندي وادم واقفين مع بعض
ادم متابع ندا وكل حركتها وضحكتها وسرحان فيها وف جمالها وهي كانت مركزه مع الاغاني وبتتحرك مع الاغاني وتغني.فجاءه ادم قرب منها جامد
ندي.... بتوتر ف اي
ادم... عايز اقولك حاجه..
ندي.. قول الف حاجه انا سمعاك .
ادم.... بص حوليه وبعدين قرب منها جامد ولسه بيتكلم ندي انا. وبص عليها ومش عارف يبدأ منين واخير اخد قرار انه لازم يتكلم ندي انااا
ندي:. وهي بتبص عليها بنظرة تشجعه انه يتكلم وهي هتموت وتسمعه هااااا انت اي انطق
فجاءه لميس قربت منهم وشدتها تعالي ارقصي
ندي.... وهي ماشيه ورا لميس وبتبص ع ادم هو ده وقتك ي شيخه
وفعلا الكل بداء يرقص لميس وعادل وندا وادم واسراء وعمر وكل الموجود ف الفرح...... ......
..... بعدها اشتغلت ربنا يخليك لقلبي طبعا الكل نزل من ع الاستديج وكانو بيرقصوا سلو العرسان وبعد شويه كل الكابلز اللي ف الفرح طلعوا يرقصوا
ندي بصت عليهم وكانت فرحانه جدا وكان شبه بترقص مع نفسها وهي واقفه ادم بص عليها كتير وبعدها اتحرك من مكانه ووقف قدامها ومد ايديه ليها واتكلم وهو بيراقب رد فعلها ممكن ترقصي معايا. ندي للحظه اتصدمت بس يصت حوليها بكسوف وحطت ايديها ف ايده وفعلا رقصو مع بعض كان بيبص ليها ب هيام راح قربها منه جامد وشم ريحتها اللي بدوبه وقلبه فرحان جدا انه قريبه منه كده كان نفسه يقولها كلام كتير اوي بس قرر ف نفسه لما يخلص الفرح لازم يتكلم معاها وهي كان قلبها بيدق جامد من قرب منها ومتوتره جدا بس كانت فرحانه انها معاه حتي لو ل لحظه..
خلص الفرح والكل خارج.....
سلموا ع العرسان قدام القاعه
عمر.. هنتاخر ع الطياره ي جدعااااان كفايه سلامات
كريمه.... اصبر ي واد الله خلاص هتسافر ومش هنشوفكم
ندي.... بعد اذنكم ي جماعه
ادم... نداا. رايحه فين
ندي... رايحه الحمام شويه وراجعه
الكل بداء يمشي....
ادم... هي اتاخرت ليه كده
.....
...... ندي راحت الحمام وكانت بتفكر ف ادم فعلا وكانت ماشيه سرحانه فيه وبتكلم نفسها ازاي قدرت اقرب منه كده وليه انا فرحانه كده لا اكيد انا فرحانه عشان لميس بس انا كنت حابه قربه مني يووووو ي ندي انا اتهبلت شكلي عملت ف اي بس ي دومي.. معقول حبيبتك اوي كده.. اي ده لااااا انا محبتوش اه انا مش بحبك وفجأه وهي خارجه من الحمام وماشيه حد جه من ورا وحط ايه ع بقوها ب منديل خدرها.......حاولت تقاوم بس للأسف اتخدرت ومقدرتش تقاوم فقدت كل سيطرتها
ناهد.... هي فين ندي ي ادم..
ادم.... هي قالت رايحه الحمام.... انا هروح اشوفهااا ادم دايما ي ندي كده تعباني ومجرجراني وراكي
علي... يلا بينا ي ناهد
ناهد... استني ندي ي علي زمانها جايه...
علي.... مش ادم هنا خليهم يجوا مع بعض يلا بينا احنا
.......
ادم راح الحمام ملاقش حد روحتي فين ي اخرة صبري ودور عليها كتير وفضل ينده عليها بس مفيش حد بردو خرج وفضل يدور عليها مكنش فيه حد خالص رجع تاني كان الكل مشي بص حوليه كده واتكلم مع نفسه هما راحو فين معقول تكون رجعت ومشيو من غير م تسال عليا.. خرج فونه ورن عليها... الرقم المطلوب مغلق او غير متاح....
ادم... هو ف اي بالظبط
رن ع. علي.... ..
علي.. ده ادم... الو اي ي ادم يابني معلش احنا مشينا ابقي انت هات ندي ع البيت
ادم... اي اه حاضر حاضر مع السلامه
... يعني اي ندي راحت فين ي ربي عليكي ي ندي
ف الطياره....
......
لميس... عادل ي عادل رد بقي متهزرش عارفه انك صاحي
عادل... ابوس ايدك انا تعبت عايز انا من ساعه م ركبنا الطياره وانتي مفصلتيش ي شيخه انا تعبتلك
لميس... طلقني ي عادل انت مش مستحلمني طلقني انا عايزه اطلق
عادل.... مش لما اتنيل ع عين اهلي اتجوزك..
لميس... طب خلاص قولي حدوته عشان انام انا زهقت
عادل... لميس بطلي جنان حدوته اي ده بس اللي عايزاني اقولها
لميس... قولي حدوته الشاطر عادل... ولميس
عادل.... باستفزاز مين دول
لميس.... ضربته عادل قولي حاجه بقي
عادل... ابوس ايدك اتخمدي
لميس.... انا بقولك طلقني ي عادل
عادل... حاضر لما ننزل من الطياره هطلقك
لميس... وهي بتتكلم زي الاطفال تطلقني ف الغربه وترميني الرميه دي اخدتني لحم ترميني عضم مكنش العشم 🥺
عادل... غصب عنه ضحك عليها وع طريقتها طيب تعالي واخدها ف حضنه فعلا وحاول يخليها تنام
.........
...............
ف مكان تاني ف الطياره.
عمر... قاعد واخد اسراء ف حضنه
عمر... تعرفي ي اسراء بحبك قد اي
اسراء اممم قد اي
عمر.... لما نوصل هقولك واسكتي بطلي لعب ف شعري بدل و ربنا م اقولك دلوقتي ونفضح الدنيا هنا
اسراء.... هييييهييييهيي.. ضحكه رقيعه...
عمر.... اموت انا. يخربيتك اخرسي وباسها من خدها بحبك ي بجره
اسراء.... اهو انت..
.......
تاني يوم......
ناهد راحت اوضه ندي بس مكنش فيها حد والاوضه زي م سبتها
ناهد.. معقول تكون بايته ف الشغل اما ارن عليها
رنت.. الرقم المطلوب مغلق
ناهد الله لا انا قلبي مش مطمن... علي قوم ي حاج بنتك مش مش رجعت من امبارح
علي... اكيد كان عندهاشغل رني عليها
ناهد... رنيت تلفونها مقفول
علي.... طب استني ارن ع ادم... جاب تلفونه ورن ع ادم
ادم.... ب لهفه... الو ايو ي عمي
علي.... صباح الخير يابني اسف لو ازعجتك بس هي ندا فين
ادم...لا ي عمي ولا يهمك هي هي هي ندي مروحتش؟
علي... لا بابني من ساعه م سبناكم امبارح ومجتش انتوا اتخانقتوا
ادم... لا ي عمي بس الحقيقه هي امبارح مكنتش معايا ودورت عليها كتير وسالت عليها كل اللي تعرفهم بس محدش عارف هي فين كنت فاكر انها جت البيت وانتوا نايمين محبتش اقلق حد منكم
علي.... يعني اي. بنتي فين ي ادم هي دي الامانه يابني
ادم... متقلقش ي عمي اوعدك اني هرجعا لو كانت تحت الارض
ناهد... ي مصبتي ي بنتي هي فين هتكون راحت فين بس
.....
ادم.. قفل السكه ودماغه هتتشل من التفكير هتكوني رحتي فين ي نداا اه منك ومن عامليك
فون ادم رن برقم غريب ادم دي ممكن هي
رد... الو
مجهول.... اهلا ادم بيه
ادم... مين.
مجهول.... السنيوره ندا عندنا ف الحفظ والصون...... يتبع
•تابع الفصل التالي "رواية احببت قائدي" اضغط على اسم الرواية