رواية انتقام القدر الفصل الخامس عشر والاخير 15 - بقلم انوش احمد و ولاء حامد
البارت الخامس عشر والأخير
بيجاد بص للينا بغموض
لينا شكلك ناوي على مصيبه خير طمني
بيجاد قدر مش عايزه شغل تنطيط مراهقين قدر عايزه اللي يهاجم حياتها من كل نحيه
لينا ايوه هاتعمل ايه مش فاهمه
بيجاد هابقى اقولك سلام يا قمر
غمزلها بعنيه وسابها وطلع
لينا يا بيجاد يا بيجاد ملحقتهوش اووووف ربنا يستر ومتتهدش على دماغك بقى
بيجاد خد العربيه وهو عارف طريقه كويس اوووي وصل ونزل
بيجاد بصوت رخيم السلام عليكم
الراجل بصله بإستغراب وعليكم السلام يا ابني
بيجاد حضرتك مش عارفني ولا بتحاول تفتكرني
الراجل والله يا ابني الاتنين متاخذنيش بقى العتب على السن وانا راجل كبير والذاكرة بعافيه شويتين
بيجاد وهو بيمد ايده بالسلام انا بيجاد الكيلاني جوز قدر حضرتك حضرتك فرحنا
عم حسين ملامحه اتغيرت لحده ااااه اتفضل اقعد خير قدى مش هنا في المستشفى
بيجاد عارف انها بتكون من الساعه سبعه للساعه 12 الضهر هناك وبتيجي هنا الساعه واحده للساعه اتنين بالظبط بتمشي تاني على المستشفى وترجع البيت الساعه 11 بالليل
عم حسين بذهول ولما انتا عارف كل داه عنها جايلي انا هنا ليه مروحتلهاش هناك ليه
بيجاد لاني عايزك تساعدني
عم حسين مش فاهم معلش انا مش راجل أعمال زيك انا راجل على الله حكايتي تعلالي دوغري
بيجاد عايز ارجع قدر
عم حسين وبعدين
بيجاد عايزك تساعدني
عم حسين اااه اساعدك والله كان على عيني بس اللي عرفته عنك ميخلنيش اقعدك اساسا قدامي
بيجاد بحزن عندك حق بس صدقني انا ندمت وعرفت غلطي وربنا بيسامح احنا كبشر مش هنسامح
عم حسين حشا لله لا طبعا بس متأخذنيش اللي انتا عملته مكانش هين بردوا والخبطه مانت المرادي شديده اوووي على قدر انا يعلم ربنا اني بعتبرها بنتي واعز عندي من ابني دي عي اللي هونت عليا وحدتي وكانتلي البنت وانا كنتلها الاب ومبخلتش عليها بالنصيحة في حياتي
بيجاد وعلشان انا عارف قوه علاقته بيها وتأثيرك عليها جيتلك دلني وساعدني
عم حسين مش عارف اقولك ايه لان قدر عنديه وانتا دوشت عليها بالقوي
بيجاد طيب انا عندي فكره واتمني تساعدني
عم حسين قول ولو في مقدرتي مش همانع
بيجاد حكاله على اللي في دماغه
عم حسين بضحكه عاليه يخرب عقلك دي قدر هاتمرمطك
بيجاد مش مهم المهم ترجعلي
عم حسين سيبها على الله هي شويه وهاتيجي اتداري انتا في اي حته لحد ما اشوف
نص ساعه والكل مترقب وصول قدر
قدر دخلت بإبتسامه بشوشه صبح صبح يا راجل يا عجوز
عم حسين صبح صبح يا طاقه القدر
قدر يااااه من زمان مقولتليش الاسم داه
عم حسين بقوله على حسب ما بشوفك وانهارده عيني عليكي بارده وشك منور وضحكتك مرسومه على وشك
قدر الحمد لله على كل حال المهم أخبار الشغل ايه
عم حسن الحمد لله تمام وماشي زي الفل المهم بقولك ايه في واحد كده غلبان استقصدني اني اشوفله شغل وانتي عارفه المحل محتاج عماله قولت وماله نشغله ومنها نكسب فيه ثواب منهة ونفعنا في الشغل
قدر طيب ماشي انتي ادري بالحال هنا بس اشوفه الأول
عم حسين حاضر هو جوه مع العمال ونادا بصوت عالي تعالي يا ابني
طلع بيجاد وعنيه بتلتهم ملامحها وعرف وقتها هي قد إيه كانت وحشاه
قدر بصتله بغيظ هو داه اللي غلبان داه تعبان وميه من تحت تبن كمان
عم حسين بمكر هو انتي تعرفيه يا بنتي انا حاسس اني بشبه عليه
قدر بصتله بغيظ حاجه زي كده
عم حسين طيب مقولتيش هانشغله ولا لاء
قدر وهي بتطلع من المحل اللي شايفه اعمله وركبت عربيتها واتحركت
عم حسين بضحك اللبس يا باشا دي شكلها ناويه والنيه لله تمسح بيك بلاط البازار بلاطه بلاطه
بيجاد وماله الصبر طيب
قدر اول ما اتحركت مسافه كافيه طلعت التليفون واتصلت بلينا بعصبيه وغيظ ما قلتليش ليه على اللي المنيل اخوكي ناوي يعمله
لينا بعدم فهم بجد هو عمل ايه ده سابني وطلع وما قاليش حاجه بس شكله كان ناوي على حاجه ايه هي الله اعلم المهم قوليلي عمل ايه
قدر عملوا اسود ومنيل ومهبب شبه اليوم اللي شفته فيه
لينا بضحك حيلك حيلك فهميني بس عمل ايه بالله عليكي
قدر بتريقه البيه اخوكي جاي المحل بتاعي وقال ايه غلبان وعايز يشتغل فيه
لينا بعدم تصديق بتهزري مستحيل بيجاد يكون عمل كده بجد يا قدر
قدر و الله عمل زي ما بقولك
لينا ايوه بقى شكله كده استوى المهم ناويه على ايه
قدر ناويه اعيد ربايته اللي ابوكي وأمه نسيو يربوهاله
لينا اشطا معاكي طبعا
اشتغل بيجاد في البازار
وحاول اكتر من مره يتكلم معاها
وقدر بتسيبه وتمشي
بيجاد وهو بيمسك ايديها يا قدر كده مينفعش بقولك محتاج اتكلم معاكي
قدر بحده وهي بتنطر ايدها وانا مش تحت امرك وأظن اللي بيني وبينك انتهي فالافضل ننفصل بإحترام
بيجاد مش قبل ما نتكلم
قدر سابته ومشيت ابقى اتكلم مع نفسك
عم حسين ها ازي الحال ايدلك كام يوم وهي ولا معبراك ولا مدياك فرصه تقول تلت التلاته كام
بيجاد مش هيأس الصبر الصبر طيب
تلني يوم راحلها البيت
قدر ايوه فتحت الباب
قدر بغيظ يا نعم
بيجاد عايز اقعد اتكلم معاكي
قدر يحنن مكانش ينعز بس انا لوحدي مفيش حد معايا
بيجاد لا والله داه على اساس اني خطيبك يعني ولا ايه انا جوزك يا هانم ولا نسيتي
قدر نسيت ومسحتها من دماغي بأستيكه كمان
بيجاد كده مينفعش ياريت نتعامل زي اي اتنين متحضرين
قدر عارف اللي ينفع معاك ايه
بيجاد بصلها وكش حواجبه ايه
قدر كده وسكعت الباب في وشه
بيجاد هي بقت كده ماشي الصبر طيب يا قدر وماله
مرت الايام والشهور وبيجاد ميأسش انه يحاول كل يوم مره واتنين وقدر بتصده بكل طريقه
قدر أصبحت في الشهر الخامس من حملها
قدر بتعب وهي في المستشفى خلاص هانت يا غزاله كلها كام يوم وتعملي العمليه وتقومي وتتنططي زي القرد من تاني
غزل بخوف تفتكري لسه فيه امل
قدر الأمل موجود طول ما فينا نفس وانتي جواكي بذره طيبه والدليل على كده انك رفضتي تخضعي لمنعم وفوقتي لنفسك
غزل بدموع متفكرنيش انا بحاول انسي ياقدر
قدر هاتنسي وهاتخفي وهاتعيشي وبكره تقولي قدر قالت
غزل بتردد هو يعني ينفع يعني
قدر عايزه تعرفي حصله ايه مش كده
غزل هزت راسها الجبان هرب بره مصر من رحمه ربنا لانه كان هايبقى وصمه عار في حياتنا لا كنت عاقدر اتنازل عن حقك وحق اللي عمله فينا وفيكي ولا كنت هاستحمل اننا نتعاير علشان ابونا مسجون للأسف محسوب علينا اب
مريم الحمد لله ربنا نجانا من شره
قدر ايوه الحمد لله انها جات على قدر كده المهم بقولك ايه انا هاروح اغير هدومي عشان رايحه للدكتوره
مريم طيب هاجي معاكي
قدر لا متسبيش البنات لوحدهم انا كده كده رايحه مسافه الطريق صد رد مش هتاخر
مريم ماشي يا ضنايا ربنا معاكي اول ما تخلصي طمنيني
قدر ماشي يلا سلام
روحت وغيرت وراحت ميعادها
اول ما دخلت العياده اتصدمت قدر قربت منه بحده بتعمل ايه هنا
بيجاد بهدوء جايه اطمن على ابني في مشكله عندك ولا ايه
قدره هي كازه على اسنانها امتى اكبر مشكله عندي يا بيجاد امشي احسنلك من هنا
بيجاد مااظنش ليك الحق ان انتي تمنعيني ان انا اطمن على اللي في بطنك اظن انتي رفضتي ان انا اتدخل في حياتك فمش هسمح ان انتي ترفضي ان انا اتدخل في حياه ابني حتى لو كان قبل ما يتولد داه حقي وانا مش هتنازل عنه لان مهما ان كانت المشاكل اللي بينا هو هايفضل ابني وانا مش هاتخلى عنه
قدر بصتله بغيظ وانتا كنت متجوز عشان تخلف وتعمل اسره غريبه مع ان اللي اعرفه انتا كنت متجوز عشان الشغل فملكش اي حق دلوقتي فيه
بيجاد بتعقل وربنا أراد وحملتي يبقى ليا كل الحق فيه وفيكي انا سايبك بمزاجي لحد ما تهدي ونقعد نتكلم انما الصبر له آخر
قدر بحده أعلى ما في خيلك اركبه يا بيجاد واوعي تفتكر ان اللي في بطني هايبقى منغاز جحا اللي هاتخده حجه مش هاسمحلك لأنها اكيد خطه جديده من خططك العظيمه
بيجاد لا خطه ولا نيله وبطلي الكلمه اللي مسكاها كل شويه على لسانك زي ريقك اهدي داه ابني وانا مسؤل عنه وعنك بمزاجك او غصب عنك
قدر وايه اللي يغصبني ان شاء الله
بيجاد ابني اللي في بطنك يا قدر
قدر ابنك افتكرته دلوقتي عشان شغلك ولا ايه الحكايه بالضبط متطيب اخرك
بيجاد ابو شغلي على الشغل على دماغك الجزمه دي لان انا خلاص جبت اخري وتعبت منك انت ايه يا شيخه ما بتتهديش ما بتتعبيش من كتر المناهده والمناقره ليل ونهار ايه مش شايفه ان بقى لي شهور وشهور بجري وراكي عشان اقعد اتكلم معاكي وافهمك لما تعبت
قدر ببرود والله انا ما طلبتش منك انك تتعب معايا ولا تجري ورايا ومالكش دعوه لا بيا ولا بدماغي
قطع حرب كلامهم الممرضه وهي بتنادي بإسم قدر
دخلت بغيظ وهي بتدبدب الارض ووراها بيجاد بكبرياء
الدكتوره اتفضلي نشوف البيبي ونطمن عليه الاول لان حضرتك بقالك اكتر من تلات شهور مجتيش المتابعه
قدر بخجل معلش والله يا دكتوره ظروف ولما حسيت بتعب جيت خصوصا ان حجم بطني مش طبيعي وخايفه على الجنين
الدكتوره بتفهم طيب اتفضلي وهانشوف دلوقتي
رقدت قدر على السرير
والدكتوره بدئت تكشف بالسونار
الدكتوره ابتسمت ورجعت المكتب
بيجاد بقلق ولهفه طمنيني يا دكتوره هي كويسه
الدكتوره هزت راسها اه هي امورها كلها تمام بس
اقدر بصيت لها بعد ما قعدت على الكرسي بس ايه يا دكتوره في حاجه ولا ايه
الدكتوره هزت راسها اه بصراحه اه مبروك يا مدام قدر انت حامل في ثلاثه
قدر وهي مبرقه عليها بهبل مين دي
الدكتوره ابتسمت وحاولت تكتم ضحكتها حضرتك حامل في ثلاثه
قدر ليه ارنبه الناس بتجيب فرداني او مجوز وانا بجيب بالتلاته ده اللي هو ازاي يعني فهميني بانهي عقل
الدكتوره ماشاء الله الاخصاب عندك قوي علشان كده حصل انقسام
قدر انقسام ايه ونيله ايه انتي بتقولي ايه يا وليه
الدكتوره اهدي يا مدام العصبيه غلط عليكي
قدر سبيني باللي انا فيه الله يكرمك
طلعت بغيظ
وبيجاد خد الروشته وطلع وراها وهو مبتسم
قدر بتضحك على ايه ها على خيبتك ولا وكستي
بيجاد بغمزه تؤ عشان تعرفي اننا جامد اوووي الناس الطبيعيه بتجيب بالواحد والاتنين وانا بجيب بالتلاته دانا اعتبر من خوارق الطبيعه يا بنتي
قدر يا سم وكملت بغيظ يا اخويا متنشكحش اوووي كده مهي الكلاب بتخلف بالخمسة والقطط بتخلف بالتلاته والاربعه والارانب بتخلف بالعشره يعني انتا من فصيلتهم
بيجاد هو انا ليه حاسس انك بتشتمي
قدر بتعوجه بوق حاسس مش متأكد
بيجاد ولو متأكد هسامح عشان هدعارف ان عندك حق وهمس لها وبيني وبينك عرفت انهل بتمون هرمونات
قدر هرمونات امشي من وشي بدل ما اطلع الهرمونات دي عليك في ام الساعه السوده دي
بيجاد طلعي وانا قابل المهم تسامحيني
قدر بحزن اسامح عايزني اسامح على ايه ولا ايه هو انتا كنت دوست هلى ايدي ولا رجلي عشان تطلب السماح وانا اقولك سامحت ونسيت ونعيش في تبات ونبات ونخلف صبيان وبنات الكلام داه كلام روايات يعني مش في الواقع يا بيجاد
بيجاد عارف اني جرحتك وجعتك بس عرفت غلطي واتربيت والله عرفت ان الله حق وعرفت قيمتك وقيمه البيت والحياه
اديني فرصه عشان عيالنا
قدر بصتله بحيره وسابته ومشيت بدون ولا كلمه
بيجاد لا بقى مبدهاش انتي شكلك مبتحبش الأدب وانا من يومي قليل الأدب
قدر قصدك ايه ها
بيجاد بدون ولا كلمه شالها على كتفه زي شوال البطاطس
قدر بصراخ بتعمل ايه يا ابن ال نزلني ياض بظل ما اصوت واللم عليك الناس واقول خاطفني ولا بتتحرش بيا واخليهم يعلمو عليك ويعملو معاك الصح
بيجاد ببرود وماله صوتي براحتك هقول مراتي ومعايا القسيمه في جيبي والبطاقه بتاعتي وبتاعتك يا هبله انا مكتوب متزوج وانت مكتوب فيها متزوجه من مين
قدر بغيظ وهي بتضربه بإيديها على ضهره وبترفس برجليها اااه انتا عامل حسابك بقى
بيجاد اعملك ايه منتي اللي مش عكياني فرصه ومرمطاني وراكي لما جبت اخري بقالك تلت شهور يا كافره سفيت تراب الاسفلت ومصعبتش عليكي
قدر بتاعكم اللي يصعب عليك يفقرك يا اخويا
بيجاد انت فقرتيني يا شيخه ده انتي فقر ثم اخوك ازاي يا بنت عيب عليك بالتلاته اللي في بطنك دول وغمز لها بعينه بضحكه وهو بيرميها في العربيه بيقفل الباب عليها ولف بسرعه وركب
قدر بزعيق نزلني بقولك بدل ما ارمي نفسي واجيبلك مليون مصيبه
بيجاد وهو بيصفر جربي يا قلبي العربيه اوتوماتيك يعني لو وقفتي على شعر راسك مش هاتعرفي تفتحي الباب
قدر وهي بتتلفت حواليها انتا موديني فين
بيجاد على بيتنا يا روحي
قدر قصدك بيتك انا مفيش بيت بيجمعني بيك
بيجاد سابها تصرخ لحد ما وصل نزل وشالها تاني ودخلو
قدر زقته وحاولت تمشي
بيجاد بشخطه اتهدي بقى فرهدتيني يا شيخه انتي ايه مبتفصليش لو ليكي فيشه اشدها يمكن ترتاحي وتريحيني شويه
قدر خدت نفس وحاولت تهدي نفسها عايز ايه يا بيجاد عايز توصل لايه بكل اللي بتعمله داه كله
بيجاد عايز نقعد ونتكلم زي اي اتنين عاقلين داه لو حسبتك منهم
قدر مينفعش انتا عارف ان اختي تعبانه ولازم ابقى جمبها وفي الوقت داه تحديدا ممكن ناجل اي حاجه لحد ما تعمل العمليه وبعدها نقعد ونتكلم واسمع اللي عندك مادام حارقك في بطنك اوي كده
بيجاد تغاضى عن كلامها بغض النظر عن اسلوبك وكلامك بس مشاي هاناجل الكلام بس وانتي هنا في بيتك ازعلي اتخاصمي خدي جمب لحد ما نقعد ونتكلم روحي لاختك بس ورجلي على رجلك تروحي وتقعدي وتطمني عليها وترجعي معايا وبعدها لكل حادث حديث
قدر تحت اصراره استسلمت ولكن وهي مقرره ترسله القلم عشره
طلعت اوضتها وهي بتسكع على السلالم بغيظ دخلت الجناح وسكعت الباب وراها
بيجاد واقف وهو حاطط ايده على راسه مش عارف اللي جاي مخبي ايه
مرت الأيام وقدر رافضه اي تواصل اة اي كلام مع بيجاد تماما
لينا يا قدر اهدي شويه احنا قولنا ايه
قدر بغيظ مش عارفه طول ما انا شيفاه قدامي دمي بيغلي
لينا وهي بتطبط على ايديها معلش ادي لنفسك فتره تشوفي بيجاد من جوه بيجاد اتغير علشانك بجد يا قدر ندم وربنا غفور رحيم بلاش تبقى انتي قاسيه
قدر يعني دلوقتي طلعت انا اللي غلطانه كمان
لينا لاء بس بالعقل انتي حامل في تلاته يعني مش مسؤليه سهله فكري بعقلك شوفي انتي افتقدتي ابوكي قد إيه هل هتحبي أولادك يعيشو اللي انتي عشتيه
قدر بدفاع الظروف غير الظروف انا اتبهدلت علشان مكنتش لاقيه اللضا انما دلوقتي انا معايا اللي يكفيني انا وعيالي وعيال عيالي
لينا مختلفناش بس الماله مش فلوس وبس المسأله بيت دافي وأب يخاف ويراعي وأم تطبط وتحايل بيت كله دفا بلاش انتي تخلقي بينكم جفا علشان عيالكم فكري بعقلك يا قدر وحكمي عقلك ونحي المشاكل على جنب شوفي بيجاد من جوه ولما تتأكدي من صدقه ابقى اغفري بس مش بالشكل داه انتي مش سايبه فرصه ولا مساحه بينكم
قدر هزت راسها بشرود وهي بتفكر في كلام لينا وعقلها شغال من كل نحيه
مر اسبوع ووصولو لميعاد العمليه اللي الكل منتظرها على أحر من جمر
الكل متجمع في اوضه غزل قبل ما ياخدوها للعمليه
غزل بخوف انا اسفه بجد يا ماما سامحيني علشان ربنا يرضى عني وعلشان ابقى داخله وانا مطمنه
مريم وهي بتمسح دموعها مسمحاكي يا ضنايا بس انتي شدي حيلك واطلعي واملي الدنيا ضحك ولعب تاني يابت
اتلفتت لصوت قدر وانتي يا قدر سامحيني انا عارفها ني غلطت في حقك كتير بس والله مكان قصدي
قدر وهي بتضم رأسها لحضنها يابت انتي بنتي الصغيره اللي اتربيتي على أيدي مفيش ام بتزعل من بنتها وانا لسه عند وعدي لو خلفت بنت هسمسها غزل يا غزاله
بيجاد بيه
بيجاد اسمي بيجاد يا غزل انا اخوكي وانتي زيك زي لينا
غزل ابتسمت بحزن خلي بالك من قدر هي طيبه والله وقول لمستر يزن اني اسفه مكانش قصدي
بيجاد على ايه مش فاهم
قدر بسرعه حاضر كل اللي عايزاه هايكون المهم اوعي تفكري فب حاجه ولا حد الا نفسك دلوقتي وكلنا هنا مستنيينك ماشي
غزل مسحت دموعها حاضر بس قوليله اني اسفه وندمانه بجد
جهزوا غزل ودخلت اوضه العمليات والكل تمت العمليه والكل مترقب النتيجه
قدر طمني يا دكتور
الدكتور هو طبيا العمليه نجحت بس هاننتظر اسبوع على ما نشيل الشاش ونشوف وان شاء الله خير
قدر يارب
مر اسبوع والكل على اعصابه وبيدعي بقلب صادق
بيجاد وهو بيقرب من قدر بحرص اهدي يا قدر ان شاء الله هليوم وتبقى زي الفل خلي إيمانك بربك كبير
قدر ان شاء الله انا خايفه خايفه عليها انا مش حمل صدمات غزل قدامنا قويه بس انا عارفه ان من جواها متدمره
بيجاد ضم راسها لحضنه وقدر مسكت فيه بدموع
بيجاد وهو بيطبط على ضهرها ان شاء الله خير قولي يارب
قدر يارب يارب انا تعبت والله تعبت
بيجاد حس ان الوقت مناسب عارف وحاسس بيكي حقك عليا يا قدري الحلو من الدنيا
قدر رفعت وشها ليه قدرك
بيجاد وهو بيمسح دموعها بإيديه احلي قدر ربنا حطه في طريقي علشان ينور عتمه قلبي
قدر بصت في عنيه وشافت الصدق
بيجاد والله لما غبتي قلبي وجعني انا فاكر كل لحظه كل ضحكه كل دمعه كل كلمه وحقك على قلبي ياةقدر بس اديني فرصه وانا والله هاعمل المستحيل علشان تنسي وتسامحي
قدر خايفه اصدقك اتوجع المرادي هاتبقى بموتي يا بيجاد مش بكسره بس
بيجاد وهو بيضمها بعد الشر عنك ياريت اقدر اشيل عنك وانا مستعد ادفع عمري وامسح ذنبي من قلبك
قدر فرصه واخر فرصه
بيجاد بتنهيده اخيرا والله مش هاتندمي صدقيني
قدر هزت راسها
بيجاد بهمس وحشتيني
قدر ميلت في الارض بكسوف
مر الليل براحه على قلوب وجعها الفراق واخيرا صاب الجرح واندملصحي بيجاد وصحي قدر والكل اتحرك للمستشفى
غزل ضربات قلبها قربت تكسر القفص الصدري
والكل عينه على أيد الدكتور اللي بيشيل الشاش ببطئ شديد
فتحت غزل وهي بتحاول تتعود على الضوء بعد عتمه دامت لشهور
الدكتور شاور بإيده كام دول
غزل بعد ما اتعودت على الصور تلاته
غير الصوابع ودول
غزل واحد
الدكتور ابتسم مبروك العمليه نجحت حمد الله على السلامه يا انسه
غزل الله يسلمك
انسحب وسط فرحه الكل برجوع غزل من تاني
غزل بمشاكسه ايه داه يا قدر انتي بالعه عربيه نقل
قدر بغيظ كل حاجه اتعدلت الا لسانك لسه زفر
غزل بضحك لا شكلك يهلك من الضحك
قدر مهم تلاته يا اختي شوفي الحظ
غزل اه حظ عوالم تجبيهم مره واحده وترتاحي
مريم طيب خلونا نمشي انا زهقت بقالنا كام شهر هنا لما حاسه ان اتعودت على ريحه المطهرات
رجعوا البيت اخيرا
غزل انسحب ودخلت غيرت واتوضت وصلت ركعتين شكر لربنا وهي بتبكي بحرقه في ركوعها
وخد قرارها انها تغير كل حاجه في حياتها
خلا ايام كانت رمت كل اللبس القديم واشترت لبس محتشم وساتر
وبدئت تهتم بكليتها ودراستها
والحياه بين بيجاد وقدر استقرت
قدر راحت تزور أهلها وتطمن عليهم
غزل دخلت وهي قاعده
غزل بحب حمد الله على السلامه يا ام العيال
قدر وهي بتبصلها بفرحه الله يسلمك يا قلبي مبروك الحجاب
غز الله يبارك فيكي اقعدي الوقفه هاتتعبك وانتي شكلك جايبه اخرك
قدر بتعب انتي بتقولي فيها المهم طمنيني عليكي
غزل الحمد لله تمام بصراحه كنت عايزه اطلب منك طلب ومكسوفه
قدر قولي وانا عيني ليكي
غزل بصراحه عايزه اشتغل وقبل ما تتكلمي يكون بعيد عن جوزك او اي حاجه من طرفه
قدر ابتسمت حاضر شغلك عندي شوفي الوقت الفاضي وامسكي البازار مع عم حسين
غزل بازار ايه
قدر بازار قدر الحسين بتاعي انا وعم حسين ومش هلاقي احسن منك تمسكه
غزل تسلمي ماشي نروح من بكره
قدر طلعت مفتاح من شنطتها
غزل ايه داه
قدر وعدي ليكي العربيه
غزل برفض لا مش عايزه
قدر بشخكه انتي هاتروحي شغل ومش هينفع تتبهدل في المواصلات يلا بقى انا مش حمل مناهده انا تعبانه خلقه ويا ستي لو على تمنها هابقى اقسطها من شغلك على أقل من مهلك يلا بقى مش طالبه غلبه هي انا فيا اللي مكفيني وطافح والله
غزل ابتسمت وحضرتها ربنا ما يحرمني منك
قدر ولا منكم يارب
مرت الايام وغزل مسكت الشغل واثبتت كفاءه كبيره فيه
مرت الشهور ووصلت قدر للشهر التاسع والتعب زاد عليها
يزن اصادف اكتر من مره بغزل واستغرب التحول اللي حصل لكن معلقش
في نص الليل قامت قدر وهي بتصرخ
بيجاد في ايه
قدر بموت مغص يا بيجاد بموت
بيجاد لبسها الاسدال وشالها
لينا طلعت على الصوت في ايه
بيجاد شكل قدر بتولد غيري وهاتي شنطة البيبي وحصلينا على المستشفى بسرعه
ونزل جري وساق بجنون ووصل المستشفى في وقت قياسي
خدو قدر على الولاده بسرعه اتصل بيجاد بالكل وبلغه
وفي دقايق كان الكل موجود
غزل قاعده ماسكه المصحف وبتقراء فيه
يزن بصلها بنظره غريبه
طلعت الممرضات وهما شايلين الأطفال
اتفضل ولدين وبنت زي القمر ربنا يحميهم
بيجاد بلهفه وقدر طمنيني على مراتي
الممرضه بخير كلها شويه وتتنقل اوضتها
بيجاد طلع كل الفلوس اللي كانت معاه وعطهالهم من فرحته
غزل مش هتأذنلهم وتسميهم
بيجاد لما قدر تفوق انا هاسمي الولدين والبنت لما هي تفوق
اذنلهم وسماهم ادم وادهم
ودخلو بعد وقت
غزل حمد الله على السلامه
قدر بتعب الله يسلمك طمننوني
بيجاد وهو بيحط الأطفال جمبها زي القمر اهم انا سميت الاولاد وانتي سمي البنت
قدر بصت لغزل وابتسمت غزل
بيجاد يبقى غزل مبروك يا ام آدم وادهم وغزل
قدر بتعب كل داه
بيجاد قولي ماشاء الله
مر اليوم وتاني يوم الكل رجع البيت وغزل مهتميه بقدر بصدق
وكل ما يزن يشوفها تغض بصرها وتمشي
يوم السبوع الكل واقف على قدم وساق وبيجاد مسلم الفيلا لشركه ويدنج بلانر بإشراف لينا
بدئت حفلة السبوع والكل فرحان وقدر أصرت انها تعمله على الجو المصري
مريم حطت التلات أطفال في غربال السبوع وخطت ادم على اليمين وادهم على الشمال وفي النص غزل وبدئت تخبط بالهون
مريم اسمع كلام امك
قدر من جمبها وهي بتخطي بخوف ومتسمعش كلام ابوك
لينا بضحك اسمع كلام عمتك لينا
غزل بضحك واسمع كلام خالتك غزل وخالتك فتون وخليك حنين على ابوك وامك
مريم ربنا يحميكم بعد ما تمت السبع خطوات الكل بداء يغني اغاني السبوع ومريم شايله طبق مليان حبوب وملح وبترش منه وهما بيغنو حلقاتك برجالاتك
بعد ما خلصوا يزن وقف في نص الحفله يا جماعه انا عايز انهارده الفرح يبقى فرحين وعايزكم تشاركونا قرب من غزل تقبلي تتجوزيني
غزل بصدمه ايه
يزن هز راسه تقبلي تشاركيني حياتي
غزل بكسوف انا
يزن اه همسلها بحيث محدش يسمعهم حسيت واتاكظت من صدقك وانك توبتي واتغيرتي وافتخر انك تبقى شريكة حياتي
غزل هزت راسها
مريم زغردت بصوت عالي
الكل بارك وهناهم
مرت الشهور واتجوزو في فرح اسطوري
وسافروا عمره بدل شهر العسل
ورجعوا والكل حياته استقرت
يوم عيد ميلاد الترم الثلاثي الأول بيجاد عمل حفله كبيره
واتجمع الكل
مازن قرب من بيجاد مبروك ما جالك يا بيجاد بيه
بيجاد الله يبارك فيك يا مازن
مازن احنا اه في بينا منافسه في الشغل لكن شريفه انا مبعرفش اضرب من تحت لتحت
بيجاد واللي حصل مع المصممين كان ايه
مازن كان عك بس مش مني
بيجاد حصل خير
مازن ينفع بالمناسبه دي اطلب ايد لينا
بيجاد بص للينا اللي واقفه مترقبه ووشها احمر وبتفرك في
ايديها اااه هي الحكايه كده شكلكم كده مظبطينها
مازن خالص كل اللي بيني وبين لينا الشغل وبس بس انا حسيت بمشاعر وجيت دوغري قولت ايه
بيجاد هز راسه للينا على بركه الله هات اهلك وتعالي انما دلوقتي مش وقته ولا مكانه
مازن ماشي
مرت الايام وتمت خطوبه لينا ومازن
وخلال كام شهر تم الجواز
مرت سبع سنين وأصبح عمر التؤم 8 سنين
بيجاد راجع من الشغل تعبان وهلكان طلع الجناح وقف مصدوم
بتعمل ايه يا قدر
قدر بصلته نهي لابسه جلبيه ومعصبه شعرها بإيشارب ونفس اللبس لابساه بنتهم
ردت غزل بنضف يا بابي المكان مليان غبره اخيييي
بيجاد وهو بيخبط كف بكف قدر هي هي مش هتتغير حتى البت عوضي عليك يارب بدل بلوه بقو اتنين
ابتسم بغلب ونزل وهي بيضحك
لقراءة ومتابعة روايات جديده وحصريه اضغط هنا
•تابع الفصل التالي "رواية انتقام القدر" اضغط على اسم الرواية