رواية انتقام القدر الفصل الحادي عشر 11 - بقلم انوش احمد و ولاء حامد

 رواية انتقام القدر الفصل الحادي عشر 11 - بقلم انوش احمد و ولاء حامد

البارت الحادي عشر

غزل قربت من يزن وتكلمك بصوت مايع ممكن توصلني في طريقه بليز

يزن بصلها بقرف من فوق لتحت سوري فيه عربيه مخصوص ليكم وسكتي غير سكتك خالص يلا يا ماما مش فاضي

وسابها وركب عربيه

يزن وهو بيسوق اخدها فين دي يخربيتها دانا اتاخد بيها محضر آداب بفستانها اللي ناسيه نصه في البيت

الله يخرب بيتك يا شيخه انا مش عارفه طلعت لي من انهي داهيه والله العظيم انا ما عارفه دي تبقى اخت قدري ازاي شتان ما باين دي ودي واحده محترمه ومتغطيه من ظفر رجلها لشعر راسها والثانيه دايره على حل راسها ونفخ بغيظ استغفر الله الواحد هيشيل ذنب دي ليه الله يهديلها حالها بعيد عني

وصلت عربيه بيجاد الفيلا ووراهم عربيه لينا نزل بجد وفتح الباب لقدر وساعدها انها تنزل عشان فستانها الضخم

قدر وقفت قدام الباب وحطيت ايديها الاثنين في وسطها وبصوت حاد شيلني

بجد بصلها بذهول نعم

قدر بنفخه هو مش العريس المفروض يوم الفرح بيشيل العروسه

بيدها هز راسه ايوه بس ده في حاله ان هو داخل بيها الشقه يعني كام خطوه مش حضرتك اللي واقفالي على باب الفيلا وعايزاني اشيلك ليه يا بنتي حد قال لك ان انا كنت كسبان صحتي في كيس شيبسي

قدر بشهقه امال يا اخويا ايه الطول والعرض ده كله والعضلات اللي هتفرقع من الهدوم واكسه لتكون نفخ ويطلع في الاخر كمبروسر.

بجد بص لها بذهول ايه

قدر بتوضيح اللي بينفخوا بيه الكوتشات على الطريق

بجد بص للينا وهو بيحاول يتحكم في اعصابه طيب اخنقها دي وارتاح منها

لينا بابتسامه حاولت تلطف الجو اللي دايما ولاع مابينهم خلاص بقى اهدى عيب عليك داه انتا عريس

بجد غيظ عريس عريس مين اسكتي والنبي يا لينا هي دي بتهنيني على حاجه.

قدر شايفه شايفه اخوكي خليكي شاهده هي الرجاله كلها كده عامله زي القطط تاكل وتنكر

بجد بصلها ببجاحه وهو انا لحقت اكل في دينك

قدر بصتله بكسوف ووشها احمر ولينا اتحرجت من كلام اخوها

لينا اتحممت احم احم لا احترم نفسك وافتكر ان انا واقفه يا عم خلصنا بقى من الوقفه اللي على الباب دي وشيلها خلينا نخلص

بجد والله ابدا ما هيحصل مش من هنا انا اشيلها فوق حاضر قدام الجناح بتاعنا الناعمه من هنا لفوق ليه ياحبيبتي مستغني عن عمري

قدر نفخت بغيظ ماشي اما نشوف يا رب ما نطلعش فوق كمان تقول لي لا مش شايل عشان بقى والله هسيبك وارجع لامي

لينا بصيت لهم وضحكت واتحركت كام خطوه

بجد بص لها باستغراب رايحه فين يا لينا

لينا بتقدير انا متفقه مع واحده صاحبتي ان انا هبات معاها يومين ثلاثه كده عشان بس تبقوا براحتكم في البيت من غير عزول انتوا لسه عرسان جداد

قدر قدر ردد بسرعه وانت تباتي بره بيت ابوك ليه هو انا جايه عشان اكرشك منه ادخلي ادخلي بلاش كلام خايب ما عندناش احنا بنات تبات بره البيت

لينا ابتسمت لهم بحب وهزت راسها وفتحتلهم الباب ودخلت

طلعت قدره بجد على جناحهم وقفت وبصتله بتحدي قدام الجناح اديني طلعت اهو وحجتك بطلت

بجد بصلها وهز راسه بقله حيله ربنا على القوي والمفتري

وشالها اول ودخل لحد اوضتهم حطها وقف على الارض واتنهد يا الله ايه ده يا بنتي ده انا كنت فاكرك ريشه طلعتي جبل

قدر رفعت صباعها بحده لا اكسكيوزمي بقى ده مش انا ده القتيل اللي انتوا جايبينهولي لما انت من كم دقيقه وبتقول يا ساتر يا رب امال انا اعمل ايه بقى اللي شايله 17 كيلو على قلبي بقالي كام ساعه ليه يا كفره كان ماله الفستان الخفيف الهادي بدل القتيل ده

بيجاد همس لنفسه مش هقول حاجه دي قدر خلقه ربنا اللهم لا اعتراض

دخلت قدر الحمام وغيرت الفستان ولبست اسدال ولفت الطرحه وطلعت ليه بجد والنبي يا اخويا هو البتاع اللي

الوليه قعدوت تلطسهةلي على وشي ده مش عايز يروح عمال اغسل في وشي وابدا مش عايز يتعتع هي الويه دي عملت

ايه لزقته في وشي يا اختي هو داه بيطلع كيف بقى

بجد بتنهيده يا جاهله ده ميك اب ووتر بروف يعني عازل للميه

قدر بغيظ يا عم خلصني خليني اشيل ال تلاته كيلو دوكو مدهونين على وشي دول اشيلهم كيف

بيجاد هو انت ما مرش عليك حاجه اسمها مزيل ميك اب

قدر بنارفزه يا اخويا لابويا طبخ ولا امي غرفت اتكلم عربي الله يسترك في ام الليله دي خليني اخلص وشي خلاص جاب اخره شاور لي كده على اللي انت بتتكلم عليه في ام المحل اللي انتوا رصينهولي على السراحه ده

بجد بعنين مبرقه ال ايه

قدر بسخريه السراحه ما تعرفهاش دي كمان

بيجاد رفع كتافه بقله حيله بصي مش هرد ومسكها من ايدها واتحرك عند المرايه واخد علبه واديها لها حطي من ده على منديل وامسحي بيه وشك هيطلع كل اللي عليه خدته من ايديه وبدئت تمسح وشها بيه اكتر من مره اخيرا كانت خلصت

قدر يا ساتر الحمد لله اخيرا الواحد وشه نضف داه ايه داه دايما تصعبوها على الواحده

بيجاد بصلها بتقييم واخذ باله من الحجاب اللي حطاه على راسها هو ايه ده يا قدر انا عارف انك محجبه بس الكلام ده بره البيت مش هنا اكيد دانا حتى جوزك تقريبا بيقولو كده

قدر بتريقه اه عارفه انهم بيقولوا انك جوزي بس بيقولوا برده ان احنا هنصلي ما تعرفش يعني ايه تصلي ايه كفره

بيجاد بكزت سنان ماكانوش كلمتين يا قدر اللي عملت عليهم الموال ده كله

اتوضوا وصلوا وقال بيجاد دعاء الزواج

بيجاد بإبتسامه لعوب مبروك يا عروستي

قدر بصيت له بكسوف وشها احمر حاولت تخلص من الموقف طلعت تجري على الترابيزه اللي محطوط عليها الاكل وقعدت رفعت الغطاء عن الاكل بعينين بتلمع شايف يا ابني اكله معتبره بالسمنه البلدي حاجه كده ترم العظم

بيجاد بص لها وابتسم هنا وشفا وبداوا ياكلوا قدر حرفيا كانت بتاكل بفجعه

بيجاد بصلها بذهول قدر انت بقالك نص ساعه بتاكلي انتي اكلتي الاخضر واليابس ما بقاش بقى الا الصحون لو بتتاكل كليها

قدر بإحراج وكسوف جعانه يا ناس بقالي يومين ماكلتش

بيجاد بتريقه ليه الاكل كان عندكم خلص من البيت وما عرفتوش تجيبوا غيره على حد علم ان في الفندق بعت لكم وجبات محترمه ليكي وللتيم اللي كان شغال كله

قدر بابتسامه يا اخويا وانت حاسب اللي بعتوه ده اكل ده اكل ما يرومش جته ده عينات كده في قعر الطبق

بيجاد مش هجادل انا المفروض بيقولوا ان انا راجل عريس فمش هجادل معاكي خالص انا راجل محتاج صحتي

قدر بصيت له بنص عين مش مرتاحالك

بيجاد بابتسامه لعوب لا والله فكرتك عني غلط خالص ده انا حتى راجل مؤدب

قدر بصيت له متاكد

بيجاد هزلها راسه بصراحه لا مش متاكد

خدهم الكلام والتعارف واصبحت زوجته قولا وفعلا

مر الليل والصبح قدر بتتقلب وهي نايمه حست بحد جمبها انتفضت بسرعه وهي لسه مفاقتش وزحفت لآخر السرير حرامي اللحقووووني حرامي يا ناس

بيجاد صحي مفزوع قام بسرعه ايه في ايه

قدر بعدم وعي ايه مين فين انتا مين عايز ايه

بيجاد يخربيتك انتى جالك من بالليل للصبح زهايمر قطعتيلي الخلف لاء انتي قطعتي كل حاجه مش الخلف بس يا قدرانا جوزك ها جوزك امبارح وشاور بإيده كان فرحنا

قدر وهي بتساوي شعرها احم احم اااه معلش افتكرت

بيجاد بتساوي ايه دانتي كأنهم حاطين سلكين كهربا على السرير علشان يبقى بالشكل داه

قدر لا طبعا دانا شعري حرير وسايح زي الزبده

بيجاد اه منا شوفت بنفسي اهو والله

قدر لا والله داه من الهباب اللي البت فضلت مسكاه ودايره ورايا فستك فستك فستك مهو مال سايب

بيجاد بغيظ انا داخل اخد شاور وتمتم بغيظ روحي يا شيخه منك لله قال بيقولو شهر العسل دانا فتحته ولقيته بلاص مش

خلص شاور وقدر دخلت خدت شاور واتوضت وطلعت وبيجاد أصر يصلي بيها إمام

قدر بصتله بإبتسامه وهمست لنفسها شكلك عوض ربنا ليا بجد اتمنى احساسي يبقى صادق وميخونيش

فطروا مع بعض في جو مخليش من الضحك والمشاكسه بينهم

اذن العصر وصلت قدر وبيجاد وكانت وصلت مريم وفتون وغزل علشان يباركولها

قدر نزلت جري بسرعه واترمت في حضن امها

مريم بدموع فرحه مبروك يا ضنايا عامله ايه طمنيني البيت وحش من غير حسك فيه يا بت

غزل وهي عنيها هاتطلع على كل مكان في الفيلا اللي بتنطق بالفخامه ايه يا غزل مش هاتفرجينا على الجناح الملوكي بتاعك ولا مبقيناش قد المقام ومستعريه مننا بعد ما سكنتي الفيلل

قدر بحده من أمته وانا بستعر من اصلي طول عمري بقول اني من الطالبيه اتولدت وعشت واتربيت فيها لا في يوم استعريبت ولا خبيت واصلي وفصلي معروفين للناس لا في يوم غيرت جلدي ولا في يوم قلعت توبي

مريم بضيق من تصرفات غزل سيبك منها دي بت دماغها فاضيه

قدر لاء يا امي تعالوا تعالوا وسحبت امها من ايدها وطلعوا كلهم الجناح وبدئت قدر تفرجهم عليه والكل بيبص بإنبهار

غزل اومال ايه الباب داه

قدر داه الدرسينج روم

غزل مستنتش حد وفتحته ودخلت وهى بتتلفت حواليها بغيظ وحقد واستكتار وهمست لنفسها بقى قدر المعفنه عندها كل اللبس داه داه لبس يفتح محلين اه با بنت المحظوظه بيضالك في القفص

قدر سابتها تتفرج براحتها

غزل اتلفتت حواليها تشوف حد واخد باله منها ولا لاء ولما اطمنت سحبت ساعه من الدرج المخصوص بتاع بيجاد وحطتها في جيبها بسرعه من غير ما حد ياخد باله او يلمحها

خلصوا فرجه وقعدوا مع بعض وقت طويل

مريم بحرج يلا يا بنات الوقت اتأخر

قدر لا تمشوا ايه هنتغدا مع بعض وحشتني اللمه

غزل ايوه عندك حق نقعد نتغدا معاكم ونشوف الخدم والحشم

مريم يابت خلي عندك دم نتغدا ايه ليه ناقصك اكل ولا جيعانه يقولو ايه مفيش دم خالص معندكيش حبه من الأحمر طيب افتكري ان اختك عروسه وحيقي عينك بحصوه ملح

قدر يا ماما اقعدوا معايا شويه

مريم وقت تاني يا ضنايا الجايات كتير وشدت غزل بإيد والفي التانيه سحبت فتون ومشيت

لينا طلعت وبتبص على المكان بإستغراب اومال طنط واخواتك فين

قدر مشيو

لينا ليه يا بنتي انا عامله حسابهم هايتغدوا معانا

قدر لاء عادي مره تانيه بقى الوقت اتأخر

لينا بصتلها وسكتت

مر اسبوع والحياه ماشيه كويسه بين بيجاد وقدر واغلب الوقت ضحك على عفويه قدر واسلوبها المرح

بيجاد صحي وبداء يجهز علشان ينزل شغله لبس بدله كلاسيك وفتح الدرج يطلع الساعه وملقهاش لقي مكانها فاضي بداء يدور يمين وشمال وملقاش ليها اي اثر خالص

قدر بحب ناول الشغل

بيجاد بجديه اه

قدر طيب مش هاتفطر معايا

بيجاد معلش متأخر منتي معايا في الشغل وعارفه

قدر ربنا يعينك ماشي بس اعمل حسابك هنتغدا مع بعض

بيجاد اكيد ان شاء الله

طلع وساب قدر بترتب الجناح ونازل شارد

لينا بإبتسامه ايه يا عريس زهقت من العسل بدري بدري

بيجاد ها في حاجه يا لينا

لينا بإستغراب مالك يا بيجاد في ايه

بيجاد مش عارف يا لينا في حاجه غلط

لينا قصدك ايه فهمني

بيجاد لا متشغليش بالك

لينا لو مشغلتش بالي بيك هاشغله بمين قولي ايه اللي حصل واحنا طول عمرنا بنفكر مع بعض بيجاد بص على باب اوضته بتردد

لينا فهمت ان الموضوع يخص قدر طيب تعالى معايا نتكلم في المكتب تحت افضل

نزلوا ودخلوا ولينا قفلت الباب وراها بالمفتاح فهمني بقى ايه اللي حصل ومخليك نازل شارد وسرحان ومش على بعضك كده

بيجاد مش عارف يا لينا مش عايز أظلم حد بس عقلي قرب يقف

لينا من غير اللغاز من فضلك فهمني واحده واحده

بيجاد الساعه الرولكس اللي جبتها علشان بدله الفرح اختفت من الجناح ومش لاقيلها اي اثر خالص انا هاتجنن هي عملت كده ليه وخدتها ليه انا مش منقص عليها حاجه بخلاف فلوس شغلها معانا دي بتكسب ملايين يعني مش الساعه دي اللي هاتغنيها ولا دي البدايه انا بقيت محتار ومش عارف حاجه في حاجه خالص

لينا بهدوء وتعقل تحليلك مستحيل اولا لأنك لو فكرت وحسيتها بالعقل لثواني هاتعرف ان قدر مخرجتش من البيت اساسا علشان تحكم عليها كده فمتخلكش غبي يا بيجاد

بيجاد يا لينا انا بفكر معاكي بصوت عالي مش أكتر ولو انتي شايفه اني غبي عرفيني يا ستي الذكاء

لينا طيب واحده واحده كظه علشان نعرف نوصل لحل انا بقولك ان قدر مخرجتش اساسا وانتا بتقول انك اخر مره كنت لابسها يوم الفرح يعني لو هي بالغباء داه مش هاتفكر تسرقها وهي لسه عروسه جديده اكيد كانت هاتصبر شويه لما يبقى فيه رجل داخله وخارجه من الجناح علشان تبعد الشك والشبهه عنها

بيجاد بإرهاق مش عارف صدقيني انا بقيت محتار

لينا بص نحط احتمال انك ممكن تكون ركنتها هنا أو هنا ودي عاده مش جديده على حضرتك طبعا فبلاش تظلم مراتك وخد بالك ان قدر كرامتها غاليه عليها اوووي ولو شمت خبر بالموضوع مش هايخلص على خير وانتوا لسه عرسان جداد

بيجاد ايوه الحل ايه اسكت يعني وكأن شيئ لم يكن

لينا لا اصبر انا هادور عليها بمعرفتي لو لقيتها كان بها يبقى تمسح الموضوع داه من دماغك ولو ماكنش نبقى نشوف بعدين مش عايزين نسبق الأحداث

بيجاد ماشي يا لينا شوفي وابقى بلغيني انا لازم اتحرك دلوقتي لاني اتاخرت

لينا هزت رأسها وفضلت واقفه متابعه بيجاد لحد ما اتأكدت انه

مشي بره الفيلا طلع بسرعه على قدر

قدر بعفويه اخيرا يا اختي شوفتك داحنا بقينا زي الاغراب اشحال مش عايشين مع بعض تحت سقف واحد داه الاول كنا بنشوف بعض أكتر من كده

لينا بصلتها وغمضت عنيها

قدر يا اختي مالك يابت فيكي ايه

لينا بتردد بصي انا عايزه اقولك على حاجه بس من فضلك اتصرفي بعقل وبحكمه

قدر بشهقه :هااا يالهوووي اخوكي بيخوني طب حياه امه هي كان اسمها ايه

لينا بحده يا قدر من فضلك مش وقت هزار والله الموضوع مش سهل في حاجه حصلت وانا عايزه اقولهالك بس من فضلك مره تانيه تتمالكي أعصابك وتتصرفي بعقل من غير جنان

قدر قعدت قدامها خير يا لينا حصل ايه وغوشتيني

لينا بصي في حاجه كده حصلت

قدر بنفاذ صبر لينا اخلصي بقالك ساعه عماله تقولي نفس الكلمتين قولي اللي حصل على طول

لينا بصي بصراحه كده في ساعه من بتوع بيجاد اختفت

قدر بصدمه هو انتوا شايفيني حراميه ولا ايه انا اه كنت ببيع وبشتري بس عمري في يوم ايدي ما اتمدت على قرش حرام

لينا يا غبيه اما مش بشك فيكي منا لو بشك فيكي مكنتش جيت وقولتلك اساسا وسيبتك على عماكي

قدر اومال ايه بتقوليلي ليه

لينا يا قدر فتحي دماغك معايا من فضلك دانتي طول عمرك بتلقطيها وهي طايره

قدر طايره ايه وطايحه ايه افكر في ايه وانا جوزي شاكك اني سرقته

لينا لاء طبعا يا قدر افتكري انتي قولتيلي قبل كده ان حصل موقف مشابه مع غزل

قدر برفض لاء طبعا قصدك ايه

لينا يا قدر ارجوكي افهميني بالعقل كده من يوم جوازكم مفيش اي حد خالص دخل الجناح لا انا ولا اي حد من اللي شغالين في الفيلا والساعه دي بالذات بيجاد كان لابسها يوم الفرح لانه كان شريها مخصوص مع البدله الساعه دي تمنها أكتر من خمسه مليون جنيه يا قدر

قدر بصدمه يالهوووي حته حديده بكل الفلوس دي

لينا ايوه يا قدر لأنها برند عالمي وعلى فكره بيجاد جه وسألني عليها

قدر قامت منطوره وشك فيا صح

لينا لاء طبعا مستحيل هو طلب اني ادورله عليها في اوضتي او في اوضه المكتب وانا قولتله اني هادور عليها بنفسي وهاشوف اللي شغالين هنا لو كان حد لقاها انما مجابش سيرتك خالص خدي بالك يا قدر بيجاد حاجته غاليه عليه جدا وعارف حاجته حته حته لان كل قطعه عنده سواء لبس اة شوزات او ساعات او اي حاجه فريده من نوعها واغلبها مش موجود في مصر اساسا

قدر اترمت على السرير بصدمه وهي حاسه نفسها بيضيق من صعوبه الموقف اللي هي فيه وبدئت تفتكر أحداث الاسبوع اللي فات كلها ووقفت منطوره في لحظه وهمست بصوت واطي غزل وهزت راسها كذا مره بنفي لا لا مش معقوله دي مغابتش عن عيني ولا غفلت عنها لحظه ازاي ازاي بس انا هاتجنن

لينا اهدي يا قدر من فضلك

قدر اهدا ايه ونيله ايه قوليلي اعمل ايه واتصرف ازاي في المصيبه دي

لينا انا سبق وقولتلك انها محتاجه تقويم وتعديل سلوك ودلوقتي مفيش حل غير المواجهه لان اكيد اختك هاتيجي وتزورك بحكم الاخوه ومعني انها مدت ايديها مره هاتمدها تأتي وتالت ورابع كمان

قدر ميلت راسها في الارض بكسره ودموعها نزلت بحرقه وقهره

ليه ليه بيحصلي كده دانا لسه بقول بسم الله وببداء حياتي ليه يا لينا اتحط في موقف زي داه ليه ابقى في دايره شك ونظره اتهام

لينا رفعت وشها وثبتت عنيها في عين قدر اهدي يا قدر الضعف دلوقتي مينفعش انتي محتاجه القوه علشان تقدري تتصرفي في اللي جاي الدموع مبتحلش مشكله ومش هاتفيدك دلوقتي خالص

قدر طيب قوليلي اعمل ايه انا عقلي وقف مش عارف أصدق ولا افكر اساسا

لينا تمسحي دموعك وتتمالكي نفسك وتتصرفي في الوقت الحالي كان شيئ لم يكن علشان تعرفي تحلي الموضوع بالعقل

قدر بصريخ وهي خلت فيها عقل

لينا ايوه لازم يكون فيكي الف عقل علشان تخرجي من الموقف بدون اي خساير ليكي او ليها وبدون ما حاجه تمسك او تمسها قدام بيجاد

قدى وهي بتمسح دموعها بعنف انا لو خرجت دلوقتي اخوكي هايشك فيا لانه مش طبيعي تختفي ساعته وأخرج ارجع وتتلقي

لينا اخدت نفس بصي يا قدر نلاقي الساعه والباقي عليا اما خروجك محلوله هاتصل ببيجاد واقوله رايحين نعمل شوبينج نتمشى اي حاجه وانا رجلي على رجلك تمام كده

قدر بصتلها وميلت في الارض بكسره

لينا قربت وضمتها بحب اخوي صادق اوعي توطي راسك انتي بميت راجل وانا بعتبرك اختي مش مرات اخويا سبحان من الف القلوب فعلا انا معاكي وفي ضهرك قومي اغسلي وشك واجهزي على ما اكلم بيجاد واجهز انا كمان

قدر ربنا يخليكي ليا يا لينا بتعملي معايا اللي معملتهوش اختي بنت امي وابويا برغم اني لا من توبك ولا انتي من توبي

لينا بطلي عبط وكلام فاضي المظاهر مش كل حاجه انتي جدعه وتستاهلي كل خير لان معدنك نضيف بجد وانا قولتها وبعيدها يا بخت بيجاد بيكي لان اللي زيك لا في يوم تغدر ولا تخون اللي زيك تكون ستر وغطا لجوزها ومتنسيش انك كنتي سبب رئيسي بعد ربنا ان الشركه تكمل في السوق وترجع تقف على رجليها

قدر هزت راسها بتعب

طلعت لينا وسابت قدر تجهز

لينا اتصلت على بيجاد ايوه يا عريس

بيجاد ايوه يا لينا في حاجه ولا ايه

لينا بصراحه مخنوقه انتا نزلت شغلك وانا وقدر قاعدين طهقانين عايزين ننزل نفك عن نفسنا شويه نروح النادي نروح المول نشوف لو فيه حاجه جديده نشتريها نغير جو شويه

بيجاد اوكي مفيش مشكله طيب مفاتيح عربيه قدر مش معاها اظن العربيه عن أهلها

لينا متشغلش بالك هاتروح معايا واهو نكون مع بعض

بيجاد خلاص ماشي يلا انجوي

قفلت معاه وغيرت هدومها بسرعه

ونزلت كانت قدر قاعده منهاره

لينا هزت رأسها وركبوا ساقت لينا لحد ما وصلت لتحت بيت قدر

قبل ما تنزل لينا مسكت ايديها قدر بليز اهدي حالتك دي غلط انتي في مركز قوه مش ضعف خالص ونقول الحمد لله ان الموضوع اتعرف بدري بدري قبل ما كان يزيد ومحدش يقدر يلحقه لانه كان ممكن يدخل في حاجه اسواء وأصعب من كده

قدر اخدت نفسها بصعوبه بالله عليكي متمشيش استنيني علشان خاطري

لينا متقلقيش مينفعش امشي واسيبك اساسا لاني قايله لبيجاد انك معايا ولو اتصل وانا مش هنا هاتصرف ازاي يا ام الذكاء

هزت راسها ونزلت بسرعه

طلعت ورنت الجرس بحده فتحت مريم الباب بلهفه :قدر يا ضنايا حمد الله على السلامه وحشتيني كده يا بت اسبوع كامل مترفعيش سماعه تليفون على امك ايه من لقى احبابه نسي اهله وناسه

قدر الحمد لله يا امي غزل فين

مريم بخوف مالك يا قدر عينيكي منفخه ليه انتي كنتي بتعيطي

قدر غزل فين

مريم في اوضتها عملت ايه مخفيه الاسم والصوت

قدر اتحركت بعنف بدون ما ترد على امها وزقت الباب سكعته في الحيط

غزل قامت منطوره في ايه بتفتحي باب زريبه

قدر سحبتها من شعرها بجنون

غزل بصراخ وهي بتحاول تسلك شعرها من ايد قدر في ايه هو جوزك يطلع عينك وانتي تيجي تفشي غلك فينا احنا ولا ايه يا ماما قولي لبنتك تسيب شعري احسنلها

مريم في ايه يا قدر ردي عليا يابنتي جايه بنارك وشرارك تضربي اختك ليه يا بنتي

غزل بكره عايزه تعيش دور الهانم علينا مقدرتش علي البيه جايه تتشطر علينا احنا طبعا ماجانا بقينا الحيطه المايله للهانم بنتك

قدر بكزه سنان ونظرات كره وغل الساعه فين

مريم ساعه ايه يا بنتي

قدر وهى عنيها ثابته على غزل بكره وشعرها ملفوف على مفة ايدها بنتك لما جات معاكم سرقت ساعه من بتوع جوزي تمنها أكتر من خمسه مليون جنيه وبيجاد عارف كل حاجه في دولابه بالحته وسأل عليها الصبح ومن ستر ربنا ان الموضوع اتلحق جوه حيطان البيت قبل ما يخرج براه ويشك وتبقى مصيبتنا مصيبه

مريم خبطت على صدرها بخوف وشهقت بصوت عالي يالهوووي انتي بتقولي ايه ما يمكن يا بنتي يكون عايزها هنا ولا هنا

قدر يزعيق يا امي الساعه دي كان لابسها يوم الفرح ومفيش حد دخل الجناح ولا ىجل غريبه خطته وتحديدا الدريسنج روم غير غزل وبس لما أصرت تتفرج عليه كله وكانت بتقلب في الإدراج والضرف وانا زي الهبله سيبتها وقلت يابت بتتفرج

وكملت بصراخ بنتك خدت الساعه وانا بيتي هايتخرب من تحت راسها وانا مش ماشيه من هنا الا والساعه في ايدي والا اقسم بالله وعندي استعداد اني اكسر في عضمك عضمايه عضمايه من غير ما يرفلي جفن منا مش هاسمحلك تخربي بيتي قبل ما اعمره وياريته خراب عادي لا داه بفضيحه تقعدلي العمر والمدا

غزل وهي بتزق قدر مختش حاجه قولتلك ايه كل مصيبه جايه ترمي بلاها عليا معندكش جحش اعرج غير غزل

مريم سحبت غزل من ايد قدر ورمتها على الارض يبقى لنل يابنت الكلب اللي هاشوف بنفسي وكان اتملك من قدر ومريم حاله جنون قلبوا الاوضه رأس على عقب كل حاجه اترمت على الارض حتى الدولاب حركوه من مكانه وزقت السرير ومسابتش سنتي في الاوضه الا وقلبته عاليه واطيه لحد ما لقيت الساعه ملفوفه في فوطه ومحطوطه تحت الدولاب من ورا

قدر مسكت الساعه بدموع ودي كمان متعرفيش عنها حاجه صح

غزل ببجاحه وايه يعني مهو عنده ملايين الملايين هي دي هاتفرق معاه ولا هاتفقره

قدر بغضب يخرب بيت بجاحتك يا بت هو انا من امتى كنت اخرت عليكي حاجه طالباها يا شيخه روحي منك لله كسرتي عيني اقول ايه بس قدامهم روحي منك لله هرجعها له بانهي وش وهقوله لقيتها فين اعمل ايه في مصيبتي

وبصت لامها بحزه وهي بتساور على غزل بإستحقار والاسره ماليه عنيها اهي بنتك اهي اللي انتي بتدافعي عنها على طول وبتقوليلي ان انا ظلماها وبتحاميلها على طول بنتك خربت بيتي وربنا يستر واعرف ارجعهاله من غير فضايح

سيبتهم ونزلت وهي منهاره لينا اول ما شافتها بصيتلها بخوف في ايه يا قدر ملك حصل معاكي ايه انتي كويسه

قدر بانهيار انا مش كويسه خالص يا لينا عشان خاطري مشيني من هنا انا قلبي وجعني اوي

لينا خير يا حبيبتي بس طمنيني عليكي في ايه

قدر بالله عليك يا لينا خلينا نمشي من هنا مش قادره بجد قلبي وجعني اوي شاورت على قلبها بحرقه

لينا حاضر يا حبيبتي بس انت اهدي عشان خاطري كل حاجه هتتحل باذن الله

واتحركت لينا بالعربيه بسرعه وفتحت الشبابيك

لينا ها طمنيني عملتي احسن

قدر هزت راسها ودموعها نازله

لينا عملتي اي معها ياقدر بصتلها بترقب يارب ما يطلع اللي في دماغي صح

طلعت قدر الساعه من شنطتها وبإنهيار اديهاله بانهي وش اقوله اي واقوله لقيتها فين انا تعبت والله العظيم انا عمري ما قصرت معاها ولا مع فتون في اي حاجه انا لحد اخر لحظه كنت ببديهم كلهم على نفسي وعلى يدك حتى لما ربنا كرمني كنت اخر واحده تفتكر نفسها او احتى اجيب لنفسي هدمه كانت انا وفي الاخر بعد ده كله تيجي وتعمل كده بجد مش عارفه اقول ايه

لينا وده اكبر غلط ومش صح يا قدر ارجع واقولك ان غزل محتاجه دكتور نفسي عشان يقدر يعدل سلوكها هتقوليلى دكتور مجانين هقولك لا هو مش دكتور مجانين على فكره ومش كل اللي راح للدكتور نفساني يبقى مجنون يا قدر ده بيكون تقويم وتعديل سلوك وعلى فكره مش غلط ان احنا نلحق المشكله من اولها الغلط اللي بجد ان انا اوطي راسي وادفنها في الرمل زي النعامه بس انما اشوف الغلط فين وابدا اصلحه ده في حد ذاته مركز قوه مش مركز ضعف

قدر تمام رجعيني بس البيت يا لينا عشان انا مش حمل اي كلام ولا مناهظه دلوقتي وحرفيا مخي مش مجمع اي حاجه

لينا هزت رأسها وصلو الڤيلا

قدر بحيرة اعمل ايه اديها لاخوك ازاي وبجد مش عارف ايه والمصيبه الانيل ان هو مدور الصبح وقلب الدنيا ودور في الادراج كلنا ومسابش مكان وملقاش حاجه والمشكله انا ما كنتش عارفه هو بيدور على ايه اصلا وبعدين مش

طبيعي اصلا اني هاجي اقوله اصل انا لقيت الساعه دي وانا بنظف الاوضه اكيد هيشك فيا من غير كلام لاني المفروض معرفش

لينا خلاص ما فيش مشكله يا قدر سيبي عليا انا الموضوع انا هعرف اتصرف فيه

قدر هتحليها ازاي بس يا لينا انا مش عايزه احطك في مشكله ولا ابان في الصوره من أساسه

لينا هقوله ان انا قلبت الدنيا عليها وان هو لما كان جاي يطمن عليا تاني يوم الفرح نسيها عندي في الاوضه

قدر انتي عايزه تقنعيني ان اخوكي هيصدق الحوار الأهبل اللي ميدخلش على عيل صغير

لينا لا ما تقلقيش صدقيني هيصدق ما دام الحوار دي مني انا مش منك انتي خليكي انت بس بره الصوره ومتديش اي رد فعل ولا يبان اي حاجه عليكي اتعاملي على اساس انك متعرفيش اي حاجه خالص وان شاء الله كل حاجه هاتعدي

قربت لينا من قدر وضمتها جامد وكان قدر ما صدقت وانهارت من العياط

لينا عشان خاطري اهدي يا قدر انت كده كانك بتقولي اللي ما يعرفش يعرف وبيجاد اول لما يجي ويلاقي وشك كده محمر ومعيطه هيشك ان في حاجه حصلت

قامت لينا وبدات تبهدل الاوضه بتاعتها

قدر باستغراب ايه اللي انت بتعمليه ده يا لينا انا مش فاهمه

لينا ما انا لازم اعمل كده عشان هو يصدق

وبعد وقت دخلت قدر اوضتها وهمست بترجي بينها وبين نفسها يارب حلها من عندك انا ما عملتش حاجه ومأذتش حد يارب خليك معايا يارب

مريم بعد ما قدر مشيت استوعبت الصدمه مسكت غزل ونزلت فيها ضرب بشكل هستيري

مريم بغضب جحيمي انتي عايزه ايه حرام عليكي ايه اللي خلاك تعملي كده ايه اللي كان ناقصك يوصلك ان انت تمدي ايديك وتسرقي ويوم ما تفكري تسرقي تسرقي جوز اختك عايزه تخربي عليها حرام عليك انا تعبت منك ارحميني بقى مشاكلك مش بتخلص واقول البنت بكره تكبر وتعقل لكن لا جنانك بيزيد وقله ادبك بتزيد انا لو اعرف طريق لابوكي كنت رميتك ليه انتوا الاتنين عينه واحده جوز شياطين ينفع تمشوا مع بعض

غزل بصتلها بغل وهي مش قادر تقوم من كتر الضرب

بيجاد وصل الفيلا وطلع على اوضه لينا قبلته لينا وقالت حمد لله على السلامه يا برو

بيجاد الله يسلمك يا حبيبتي مالك قاعده كده ليه لينا كنت مستنياك يا مسطول عشان اديك الساعه بتاعتك اللي انت كنت بتقول انها ضايعه منك

بيجاد باستغراب لقيتيها فين انا دورت عليها كثير قوي الصبح وما لقيتهاش

لينا باسلوب كوميدي باين عليك مكنتش مركز لما جيت هنا يوم صبحيتك يا عريس ونسيتها في اوضتي

بيجاد مش فاكر

لينا ايوه يا عم الله يسهلك اللي واخده عقلك تتهنى بيه

بيجاد ابتسم بحرج واتلفت حوليه ومين اللي هيلم كل الكركبه اللي انت عملتيها في اوضتك دي

لينا عادي ما تشغلش بالك انا هخلي اي حد من الخدم يجي يروق الاوضه وعلى فكره انا زعلانه منك لانك اول ما شكيت شكيت في قدر

بيجاد لا يا لينا انا ما شكتش في قدر الدنيا انا كل الموضوع ان انا استغربت وكمان ما تنسيش ان انا خطوبتي بقدر كانت فتره صغيره

لينا تمام ماشي فتره الخطوبه كانت صغيره لكن فتره معرفتنا بقدر كانت كبيره وبعدين معلش قدر مش هتبص لساعه وهي معلش اقل صفقه بتجيبهالنا بتعمل من ملايين فالصراحه دي غلطه كبيره في حقك يا بيجاد

غزل بعد ما اتضربت اتحاملت على نفسها وهي هتموت من غيظها ابتسمت بخبث رغم وجعها ما بينها وبين نفسها لا كده مش هينفع دول ما يمشيش معاهم الغباء اللي انا عملته داه قدر مفتحه وعنيها في وسط راسها وسكتت شويه وهي بتجمع افكارها لا دي عايزه تخطيط علي كبير

بس اهم حاجه دلوقتي ارجع اكسب

ماما من تاني في صفي هي الورقه الربحانه

وخرجت غزل برغم انها مش قدرة تمشي من كتر الكدمات اللي في وشها وعلي جسمها قربت من امها بدموع تماسيح وشحتفه واترمت عند رجليها بتمثيل الانكسار حقك عليا يا ماما انا غلطانه انا مش عارفه انا عملت كده ازاي متزعليش مني وعد مش هعمل اي حاجه تزعلك مني تاني ومش هرجع امد ايدي علي حاجه عشان خاطري متزعليش مني ولو مش عايزني اعتب بيتها مفيش مشكله مش هروح عندها تاني وكده كده انا هنزل ادور لنفسي علي شغل واشتغل لاني عارفه اني غلطت وانا اسفه والله شيطاني عماني

مريم برغم غلط غزل الا ان عاكفه الامومه غلبت المهم انك تكوني اتعلمتي من غلطك احنا خايفين عليكي والمهم تكوني عرفتي ان الحرام نتيجته دمار يا بنتي انا خايفه عليكي من شيطان نفسك يا غزل

غزل والله اتعلمت خلاص المهم بس متزعليش منى وانا فعلا بفكر اشوف شغل جنب الكليه علشان منتقلش على قدر هي مهما ان كان بقت متجوزه ومينفعش تصرف علينا

وتاني يوم غزل بدئت تدور على شغل ومر كذا يوم وغزل لسه بتدور قدام امها علشان تثبتلها حسن نيتها

مريم بقلق او ما غزل دخلت كنت فين يا غزل لحد دلوقتي وتاخرتي كده ليه

غزل وهي بتقعد بنهجان ما فيش يا ماما كنت بدور على شغل وربنا يكرم ان شاء الله

مريم ربنا يكرمك يا حبيبتي ويوسع عليك يلا ادخلي غيري عشان نتغدى مع بعض

وثاني يوم مريم : والله يا قدر زي ما بقولك اديلها كام يوم بتنزل تدور على شغل وحتى مطلبتش مني قرش صاغ واحد

قدر بعدم اقتناع بقى عايزه يا ماما تقنعيني ان غزل بتدور على شغل داه القيامه هتقوم بقى على كده

مريم الشهاده لله يا بنتي هي من وقت اللي حصل ما حصل وهي ماشيه على العجين ما تلغبطوش وفعلا اتغيرت وزي ما قولتلك بدات تدور على شغل عشان تغير نفسها يمكن لعل وعسى يكون ربنا هداها واهي وبتدور على شغل بس لسه ما لقيتش وسكتت شويه الا بقولك ايه يا قدر هو انت مش جوزك عنده شركه ما تخليه يشغل اختك وتكسبي فيها ثواب

قدر اشغل مين يا امي انت عايزاني ادي القطه مفتاح الكرار ده اذا كان دخلت بيتي وسرقت جوزي اشحال بقى لما تشتغل معاه تسرق مال جوزي ولا تعمل ايه بالظبط ولا يمكن تسرق جوزي نفسه الله يسترك شوفي صرفه بعيد عني انا مصدقت ان الموضوع عدا على خير

مريم عيب يا قدر ما تقوليش كده على اختك مش معنى ان انتي الكبيره ان انا خسمحلك تتكلمي على حد من اخواتك بالطريقه دي

قدر تمام يا ماما بس انا طلعيني بره الليله دي لان الصراحه مش عايزه وجع دماغ ومشاكل لاني واثقه ومتاكده ان غزل بتجهز لمصيبه اكبر

مريم بمحايله طيب ما تشوفي حد من معارف جوزك يمكن لعله وعسى يلاقيلها شغلانه

قدر صدقيني يا ماما انا ما اعرفش حاجه اصلا انا كان اخري كنت مسؤوله التوريدات في الشركه وبس

مريم بإلحاح طيب متشوفي مش هاتخسري حاجه

قدر بإستسلام حاضر انا ممكن اخلي لينا تشوفلها شغل في اي محل تبعهم ويا رب يطلع قرارك ده صح وما لبستش في حيطه مره ثانيه بسبب بنتك واتاخد انازفي الرجلين

مريم لا صدقيني بكره لما تشوفيها وتتاكدي هاتقولي امي كان عندها حق

قدر فضلت طول الليل في حيره وتاني يوم اول ما بيجاد نزل دخلت اوضه لينا

قدر بقول لك ايه يا لينا انا ماما كلمتني اميارح وبتقول ان غزل اتغيرت وبتدور على شغل وبصراحه كده بيني وبينك وكنت عايزاها تحت عنيا علشان اتأكد لو ينفع تشوفيلها اي شغلانه يعني بس طبعا تكون بعيد عن فلوس أو تعامل مادي

لينا مش عارفه يا قدر الصراحه مش مقتنعه بكلامك لان انا البيزنس علمني ان انا ما ثقش في حد وخصوصا لو كان ليه سبقه ومش سبقه عاديه

قدر قصدك ايه يعني علشان اللي عملته غزل ولا شاكه انها هاتسرقكم ولا ايه بالظبط

لينا ما اقدرش اقولك اه ما اقدرش اقولك لا بس هاقولك خليكي مع الكذاب لحد الباب مش بيقولوا كده ولا ايه

قدر طب انت رايك ايه بالظبط انا احتارت

لينا مش عارفه هو الموضوع يحير بس يمكن لما تشتغل تعرف قيمه القرش وحتى لو كان ليها اي نيه تانيه يمكن مع الوقت تتغير وتحس بقيمه نفسها

قدر تمام ماشي انا معاكي بس انا مش عايزه اي حاجه تربطها بيجاد في الشركه وزي ما قولتلك بعيد عن أي تعاملات ماديه

لينا بتفكير طيب خلاص انا ممكن اقول ليزن ويشغلها شغلانه كويسه في اي فرع من فروع المحلات بتاعتنا بس اهم حاجه يبقى من بعيد لبعيد

قدر لو كان كده يبقى تمام ونسيب الايام تبين اللي في النفوس اتمنى انها متخيبش ظني

لينا طلعت التليفون ازيك يا يزن

يزن تمام الحمد لله عامله ايه مش بتيجي الشركه ليه

لينا تقدر تقول بستجم

يزن ماشي يا ستي خير قلبي بيقولي ان المكالمه دي مش لله وللوطن

لينا بصراحه اه كنت عايزه منك خدمه هي مش صعبه عليك

يزن اؤمري ولو كانت صعبه ولا يهمك بس ليه مقولتيش لبيجاد

لينا مش عايزه بيجاد في الصوره بص عازاك تشوف شغلانه كويسه لغزل اخت قدر في اي فرع من فروعنا

يزن بصدمه انتي بتقولي ايه يا لينا مين دي اللي انا اشغلها معايا داه البنت يوم الفرح كان باين عليها انها شمال الشمال

لينا بحده يزن عيب ما تنساش انها اخت قدر ما ينفعش الكلام اللي انت بتقوله عليها ده وكمان قدر مرات بيجاد يعني اللي يمس قدر يمس بيجاد تمام

يزن مع احترامي يا لينا لقدر انا بقدرها وبحترمها جدا كاخت ليا ومن يوم ما عرفناها واحنا عارفين ان هي بنت مكافحه بنت جدعه بجد وتسد في اي حاجه بس شتان بينها وبين اختها

لينا يا ابني ماشي انا فاهمه كل الكلام ده بس انت ليه محسسني ان انا بقولك اتجوزها

يزن الشر بره وبعيد انت بتقولي ايه يا لينا وانا ما لقيتش غير دي اتجوزها واحطها على اسمي انتي بتهزري

لينا بنفاذ صبر يا ابني انا بقولك شوفلها شغل مش شوفيها عريس البت عايزه تشتغل مش تتجوز

يزن طيب بصي انا ممكن اشغلها اي حاجه سوري في اي محل من المحلات

لينا مهو داه اللي انا عماله اقوله من الصبح لما نشفت ريقي

يزن قدر انه يشغلها مسؤله مبيعات في الجاليري

لينا بقولك ايه يا يزن ما تخليها سكرتيرتك يكون أفضل بدل وقفت المحل مش حلوه في حق قدر ايه رايك

يزن سكرتيرتي ايه انتي عايزه تلبسيني مصيبه يا لينا ولا ايه بالظبط مش فاهم

لينا لا طبعا بصراحه انا عايزه حاجه تكون تحت عنينا لان غزل محتاجه اللي يكون صاحي ومركز معاها وتبقى عينيه في وسط راسه

يزن فهمت انا ممكن اخليها تروح الفرع بتاع زايد وتبقى مسؤوله هناك وانا كده كده رجلي رايحه جايه كل يوم على المكان عشان لو عملت اي حاجه يبقى عندي علم

وفعلا بدات غزل الشغل قدر حاست فعلا ان الوضع بدا يهدا

مرت شهور وغزل مستمره في الشغل لكن يزن مش مرتاح بسبب تصرفاتها لان كل ما يروح المحل يلاقيها لازقه فيه

غزل مستر يزن لو سمحت في حاجات ناقصه في المخزن وانا مش معايا المفاتيح عشان خاطر اجيبها

يزن تمام ما فيش مشكله انا معايا المفاتيح يا انسه غزل اتفضلي قدامي عشان نشوف ايه الحاجات اللي ناقصه

دخلت غزل ويزن بداء يفرز المطلوب واتنفض لما حس بحاجه بتلمس ضهره اتلفت بصدمه غزل كانت بتتقرب منه وتعرض نفسها عليه

يزن بصدمه انت مجنونه ايه اللي انت بتعمليه ده انا كنت حاسس ان في حاجه غلط من الاول ما هو مش معقول الشيطان يتوب

غزل ليه بتقول كده انا بحبك يا يزن وبعدين فيها ايه يعني لو انا اللي جيت وصارحتك بمشاعري

يزن بإستحقار انتي تخرسي خالص مشاعر ايه وزفت ايه انا مش عارف لحد دلوقتي انت ازاي اخت قدر فرق شاسع ما بينكم حرفيا انت واحده رخيصه عشان كده عملتي اللي انت بتعمليه ده وما فيش اي راجل طبيعي هيقبل بواحده زيك انت واحده مش محترمه مفيش راجل نفسه بتهفه على الزباله حتى لو كان رمرام

غزل قدر قدر قدر فيها ايه زياده عني علشان كل اللي عايزاه تاخده

يزن كفايه اختك بسبب احترامها وادابها خلت بيجاد بجلاله قدرو يعشقها ويحبها انا لو مش عارف ان قدر ممكن تتكسر بسبب اللي انت عملتيه ده كنت فضحتك وقولت على اللي انتي عملتيه وطلعتك من هنا بفضيحه بس انا مش هعمل كده مش عشانك لا عشان اختك وصاحبي مش عايز اشوف رجلك بتخطي المحل هنا تاني انت فاهمه ولا لا وانا هكتفي اني اقول ان انت مش قادره تظبطي شغلك مع مواعيد الجامعه بتاعتك ودراستك فعلا ديل الكلب عمره ما يتعدل بره

بص لها باحتقار وسابها ونزل وهو مش مستوعب مدى انحطاطها

غزل بصت لطيفه وهي بتستحلفله عرض أقل

•تابع الفصل التالي "رواية انتقام القدر" اضغط على اسم الرواية