رواية انتقام القدر الفصل العاشر 10 - بقلم انوش احمد و ولاء حامد

 رواية انتقام القدر الفصل العاشر 10 - بقلم انوش احمد و ولاء حامد

البارت العاشر

قدر وهي بتتمشى في الجناح بتتفرج عليه

وبصت لبيجاد بتفكير عميق عارف يا بيجاد انا بفكر في ايه وعايزه اعمل ايه

بيجاد بصدمه قولي يا مصيبه حياتي

قدر بشهقه: نعاااام

بيجاد بتصحيح سريع: لا لا ولا حاجه قولي يا قدر دانتي تؤمري وانا انفذ يا سلام وانا افديكي الساعه لما اعملك اللي نفسك فيه ادنتي تقولي وانا انفذ على طول عمياني وانا عندي كام قدر

قدر ولو اني حاسه ان كلامك فيه سخريه بس ماشي

بيجاد بهمس حاسه مش متأكده دانا ليا الله يا شيخه وبصلها بهدوء عكس النار اللي بتغلي جواه سيبك من كلامي وقولي عايزه تعملي ايه

قدر بفخر عايزه جردل معجون وسكنتين وصنفره وجردل بويا وروله وقابل واقعد اتفرج بقى يا معلم هاطلعلك من تحت ايدي شغل ولا اجدع صنايعي بريمو

بيجاد بصدمه وهو عنيه مبرقه:نعم

قدر اه والله زي ما بقولك كده اصل محسوبتك كان عندها هوايه اني اقعد اغير دهانات البيت القديم عندنا

بيجاد بذهول سكنتين معجون

قدر بهزه راس: اه وسلم تسليم كمان عشان انا بعيد عنك اوزعه وانتو السقف عاملينه عندكم ماشاء الله فرع ومنفد منه للسما طوالي فانا لو اتقلبت قرد كده مش هاطوله

بيجاد كز على اسنانه عض على ايده: ااااه

يزن

قدر مالكويا بيجاد بتعمل كده ليه هو انتا بتتحول ولا إيه يا جدع بس اعرف بيتحولو بالليل واحنا لسه بالنهار والشمس منوره اهي

بيجاد خد نفسه كذا مره ورا بعض لحد ما قدر يهدأ خالص وبصلها وهو بيحاول يرتب الكلام: لا يا قدر متشغليش بالك خااالص ولا تشيلي هم اي حاجه في شركه ديكور مسؤله عن كل حاجه الدهانات والدكوريشن بتاع الجناح ككل يعني هايستلموه ويسلمهولنا كامل مكمل

قدر بتعوجه بوق: ااااه شركه ديكور قولتلي جو الالاطه بتاع ايجيبت نأح عليك واشتغل عليا ماشي ماشي انا مش هاتكلم بيتك يا اخويا ويحقلك تعمل ما بدالك فيه

يزن ميل عليه اهدا يا وحش اومال دي قدر يعني المفروض متعود على كده وتتعود على اكتر من كده كمان اهدا ها اختك واقفه

بيجاد بص للينا اللي حاطه ايدها على بوقها علشان تقدر تكتم ضحكتها

لينا بمحاوله انها تهدي الدنيا يا قدر هو مش عايز يتعبك يا حبيبتي هو بيدور على راحتك وسلامك النفسي

قدر وهي بتخبط بإيديها على ضهر ايدها على قولتك وانا مالي انا الحق عليا كنت بدور اوفرله بدل مهو داير يبعزق يمين وشمال من غير حساب ولا رقيب تحسي كده ان كفه مخروم

بيجاد بغيط يا ستي وانتي مالك انا راجل مبذر انا بقولهالك اهو بعلو صوتي يا قدر انا ايه انا راجل مبذر انا عاجبني وضعي كده كيفي كده انتي هاتدفعي حاجه من جيبك

قدر ايوه وانتا كدبت منتا فعلا مبذر وايدك مش مخرومه لا دي فيها نفق ثم ادفع من جيبي ليه أن شاء الله هو الشقه دلوقتي بقت على العريس ولا العروسه هو الزمن اتشقلب

بيجاد مشوها من وشي انا ماسك روحي بالعافيه عنها

لينا بضحك خلاص خلاص قلبك ابيض تعالي معايا يا قدر نشوف باقي الحاجات اللي ورانا

قدر يلا يا اختي بدل الوقفه مع اخوكي اللي ماشي يخانق في دبان وشه يلا يلا يا شيخه انا لسه ورايا هم ما يتلم في جهازي

مرت الايام وقدر ما بين مشاوير مبتنتهيش وبتسابق الزمن

بيجاد وهو قاعد مع لينا بقولك ايه يا لينا كلمي قدر وشوفي حاجتها هاتبعتها أمته علشان مهندسين الديكور هايبدأو رص في الحاجات كمان يومين

لينا طيب متكلمها انتا

بيجاد بنفخه:بصي عدي اليومين دول على خير انا وقدر مبنتجمعش الا لما تنتهي بمصيبه او خناقه فخليكي انتي حلقه الوصل اليومين دول

لينا ماشي ياعم عظ الجمايل

بيجاد انا بقيت مديون لطوب الأرض جمايل بسبب بلوه حياتي

لينا بضحك طيب والله تحس انها عطت للحياه طعم وعملت صاسبنس

بيجاد طيبك سيبك من الاشعار في الانسه قدر وركزي واتصلي بيها

لينا هزت رأسها ومسكت الفون ورنت على قدر

لينا ازيك يا قدر ايه مختفيه بقالك كام يوم

قدر والله يا اختي مسحوله كنت بجيب شويه رفايع

لينا رفايع

قدر اه حاجات في الجهاز متركزيش انتي خير

لينا بصي مهندس الديكور والفريق المسؤل جايين كمان يومين علشان يفرشو الجناح في حاجات معينه هاتجبيها او كده

قدر طبعا يا حبيبتي دانا جايبه شواري كامل مكمل

لينا طيب تمام هاتقدري تحبيهم أمته

قدر بكره الصبح بس خدي هنا هما مين دول اللي يفرشو شقتي ها الشقه انا وأهلي اللي بنفرشها وندخل الاغراب ليه ويكشفو خصوصياتنا

لينا بضحك والله يا قدر انتي ماليكي حل يا حبيبتي هما عاملين تصميم كامل مكمل علشان الجناح داه شغلهم سيبك من داه بعد ما يتفرش هاتي اللي تحبيه يتفرج مفيش مشكله

قدر اه يا اختي مهو بعد العيد بيتفتل كحك هاقول إيه شغل اولاد ذوات ولا عارفه ابلعه ولا اهضمه ماعلينا هابعت الحاجات بكره بس اه خدي بالك لحد يكسر حاجه كده ولا كده وانا يوم الفرش جايه أقف على حاجتي

لينا تنوري يا حبيتي يلا سلام

بيجاد ها

لينا هاتبعت الحاجات بكره بس جايه يوم تجهيز وفرش الجناح

بيجاد بلا مبالاه:ماشي مفيش مشكله تيجي

لينا اوكي

تاني يوم فوجى الكل بعربيه محمله كاراتين وحاجات كتير وقفت قدام الفيلا بيجاد بصدمه وذهول ايه داه

لينا رفعت كتفها معرفش علمي علمك

بيجاد اتصلي بالمصيبه دي وشوفي ايه داه

لينا اكيد حاجتها

بيجاد ايوه فيها ايه الكراتين دي كلها

لينا يا الله منك احنا مالنا دي حاجات شخصيه

بيجاد طيب نفتحها. نشوف قهيا ايه اقل تقدير

لينا نصيحه بلاش قدر مبتحبش حد يفتش في حاجتها ومش هاتسكت وانتا اكيد عارفها وعارف لسانها متبري منها خالص

بيجاد انتي هاتقوليلي خليهم يطلعوها فوق و بكره هانشوف بنفسنا فيها ايه مش محتاجه عي مشاكل

بيجاد بنفخه سابها ودخل

لينا بصتله بضحك وسكتت

تاني يوم من بدري وصل مسؤلين شركة الديكور اتلفتوا حوليهم على الكراتين اللي قدامهم بصو لبعض بإستغراب وبدئوا يفرشو وكانت الصدمه مع فتح اول كرتونه

بعتو لبيجاد اللي بص على الحاجات بصدمه

مسك التليفون واتصل على قدر

بيجاد بحده وصرامه: عشر دقايق والاقيكي عندي

قدر وهي بتبص في الفون طب قول صباح الخير طاه قول يا فتاح يا عليم يا رزاق يا كريم مش قطر بضاعه داخل في وشي

بيجاد سمعتي عشر دقايق والاقيكي عندي وقفل السكه

قدر بصت للتليفون بصدمه لحد ما اخيرا قدرت تستوعب وقامت بكسل غسلت وشها وفوقت ولبست بنطلون جينز وتيشيرت ونزلت جري

اقل من نص ساعه كانت واقفه قدام بيجاد

قدر بغيظ خير جايبني علا ملا وشى ليه من صباحيه ربنا دانتا يا شيخ لو بايت تحلم بيا مش هاتجيبني بالشكل داه

بيجاد بغيظ قصدك كوبست بيكي

قدر بحده وعلى ايه استعيذ بالله من الشيطان الرجيم يا حبيبي واصرف الكابوس خالص اللا غلط على صحتك

بيجاد مسح. شه بكفه ايده اكتر من مره لحد ما قدر يهدى اعصابه وشد قدر من دراعها لحد ما دخلو الجناح

لينا من وراهم يا بيجاد يا ابني أقف وفهمني في إيه

بيجاد متلفتش ليها و وصل الجناح بسرعه رهيبه

لينا وقفته على الباب فهمني في ايه بجد داه مش اسلوب

بيجاد بحده في ان شركة الديكور كلموني بيقولو ان في حاجات غريبه موجوده ولما طلعت اتصدمت

لينا حاجات ايه دي

بيجاد الحاجات اللي جابتها الهانم ودورها توضحلنا ايه داه

بيجاد دخل هو ولينا وقدر وشاور على الكراتين

ايه الحاجات الغريبه دي

قدر وهي بتبص عليهم حطت ايديها في وسطها ما غريب اللا الشيطان يا اخويا وشهقت بصوت عالي داه شواري ولا انتوا عايزيني اتجوز من غير شوار والناس تأكل وشي

بيجاد بغيظ وهو كازز على اسنانه: دانا اللي هاللطم على وشي ومثل بإيديه انه هايلطم بجد

بيجاد مسك قطعه في ايده: ايه دي انا عايز اعرف ايه دي. يتعمل ايه هنا

قدر ببرود: زعافه عشان العنكبوت عايزني انا قدر بجلاله قدري اقعد في مكان فيه عنكبوت والكل عارف اني فله بشف وارف من النضافه

بيجاد لا ازاي بيت وعنكبوت معاكي ازاي داه عيبه في حقنا وكمل وهو ضاغط على شفته من تحت بإسنانه بغيظ لا انا اسفلك يا قدر

بيجاد خد نفس طويل بص للينا موضوع البتاعه بتاع العنكبوت خلصنا منه انا متكلمتش اهو انا ساكت اهو واتلفت لقدر وايه كل الجرادل دي كلها جايبه داه كله ليه

قدر بكشه وش فرضا بقى يا أخويا الميه قطعت اقعد انا من غير ميه عايزه اغسل وشي اشطف اللبي نداء الطبيعه ودخلت بيت الراحه الاقيش ميه اتصرف انا ازي ساعتها من غير ميه بقى

بص للينا اهو اهو انا متكلمتش بتقولك اشطف وبيت الراحه انا منطقتش

لينا. هي بتطبطب على صدرها معلش طيب اهدا اهدا بليز من فضلك

بيجاد تجاهل لينا تماما وبص لقدر كل داه وعرفناه داه ايه

قدر بصتله بغيظ ايه شرشوبه ايه مبتسيقوش البيت زي التاس قاعدين في عفانه يعني ولا ايه داه حتى البيت الوسخ تحس ريحه تقيله على القلب وانا مبعرفش اقعد الا والمكان فله ويشف ويرف كده حوليا والنضافه مهفهفه من كل مكان

بيجاد بص للينا وهو بيحاول يتحكم في نفسه وايه دي كمان لزمتها ايه عرفيني منا طلعت جاهل بعيد عنك

قدر بشهقه منفضه ايه مسمعتش عن النفاضه دي كمان

بيجاد ايوه هاتهببي بيها ايه وانتي منشكحه كده في كلامك

قدر ايه متعرفهاش دي كمان بتاع السجاد ايه عمركم منفضتوه ايه قاعدين عليه بعفرته وترابه وانا اقول يا اخويا من ساعة ما دخلت وانا صدري طابق عليا ليه اتاريه من التراب

بيجاد بص للينا هاتشل انا هاتشل منها بصي انا سايبلكم المكان وخارج عشان ميجيليش ذبحه صدريه بسببها

وسابهم ومشي

قدر بإستغراب يا اختي هو زعل ليه وبصت للينا هو ماله اخوكي قلب خلقته علينا كده ليه

لينا بضحك متشغليش بالك تعالي معايا وسيبي الناس تكمل شغاها

وسابت العمال يكملو فرش براحتهم

وقعدت هي ولينا مع بعض وبيجاد لقى واقف محرج كل ما يطلعوا حاجه قدامه

وبعد وقت استاذنت قدر

قدر بقولك ايه الدنيا اتمست هاروح انا بقى والبركه فيكي كلمي اللي ناقص ماشي

لينا وهي بتشاور على عنيها عيوني يا قمر المهم متنسيش ميعادنا علشان الفستان

قدر ان شاء الله قولي يارب

ورجعت البيت غيرت وقعدت اتعشت مع امها اخواتها

مريم ها يا قدر طمنيني عملتوا ايه في الشقه خلصتوا ولا لسه

قدر اهو الحمد لله يا ماما شغالين وبيجاد جاب شركه متخصصه عشان تظبط الجناح وتفرشه وانا سيبت لينا معاهم كمان عشان ابقى متطمنه وهننزل بكره عشان خاطر نشوف الفستان

فتون لحب بجد انا مش مصدقه ان كلها كام يوم وتتجوزي وتسيبينا يا قدر ربنا يسعدك يا حبيبتي ويفرح قلبك

قدر بإبتسامه اسيبك ايه يا عبيطه انا ما اقدرش اسيبكم وان شاء الله بعد ما اتجوز هفضل اجيلكم وانتم كمان هتجولي على طول ونخلي يوم في الأسبوع وتقضوه معايا من اوله

غزل والله فكره حلوه ان احنا نبقى نجيلك على طول وممكن نبات عندك كمان مادام الفيلا شرحه وبرحه

مريم نبات عندها فين يا بنت انت احنا اخرنا نروح لها كام ساعه نطمن عليها ناخد بحسها ونروح قال نبات قال صحيح بنات آخر زمن عينها بحجه متختشيش

غزل وفيها ايه يعني يا ماما انا مش فاهمه لنا كل كلمه تعملي عليها حوار وبعدين ده بيت اختنا يعني عادي ان احنا نروح نقعد فيه ونبات فيه كمان ولا الست قدر هاتستعر مننا يعد ما تسكن الفيللا والقصور

مريم بنفخه وغيظ مفيش فايده فيكي وانا غلبت فيكي انا قولت كلمه ومش هاتنيها خلاص فاهمه يا بت ولا لا علشان انا اقسم بالله على اخري منك

قدر بتعب طيب ياما انا هدخل انام عشان تعبت قوي النهارده وكمان هصحى بدري عشان اروح معاهم نشوف الفستان وداه لوحده عايزه موال اصل الناس دي ماشيه حياتها بالورقه والقلم مش زي حلاتنا سيبينها بركاوي

مريم ابتسمت بحنان امومي ماشي يا حبيبتي ربنا يسعدك ويكتب لك الخير يا قلب امك

قدر اللهم آمين يارب العالمين يلا تصبحي على خير ياست الكل

ودخلت قدر اوضتها نامت زي القتيله وكأنها بتحاول فعلا انها تفصل عقلها وصحيت تاني يوم متأخر وكأنها محستش بالوقت بصت في التليفون وقامت منطوره دخلت اخدت شاور واتوضت وصلت اللي فاتها وكانت بتلبس بسرعه رهيبه وكأنها بتسابق الزمن واخيرا كانت جهزت نفسها ونزلت من البيت وني بتجري ركبت عربيتها وساقت بسرعه وبعد وقت كانت وصلت الاتيليه اللي لينا كانت متفقه معاه بعد ما بعتتلها شير لوكيشن

دخلت ولقيت لينا وبيجاد موجودين وواضح ان بيجاد قرب يفرقع من الغيظ اللي باين على ملامحه

قدر حاولت تحتوي الموقف صباحو فل يا لولي اخبارك ايه ياقلبي

لينا صباحك قمر يروحي انا الحمدلله بخير ايه يا بنتي التأخير داه كله

قدر بكسوف بصي والله لو قولتلك راحت عليا نومه هاتصدقي صح

لينا بضحك صح ماشي يا ستي سماح المرادي علشان عروسه بس

بيجاد هو انا يا بنتي شفاف مش باين ولا ايه ده انا حتى المفروض بيقولوا ان انا خطيبك وكمان كام يوم هكون جوزك

قدر بإبتسامه سمجه يوه ما تاخذنيش العتب على النظر بقى سوها عليا بقا

بيجاد بغيظ الصبر من عندك يا رب يلا يا قدر عشان ندخل نتفرج على الفساتين وتختاري واحد خلينا نخلص بدل ما احنا ملطوعين بقالنا ساعه مستنيين جنابك

قدر باستفزاز لا لا ما حبكش وانت كده خلي خلقك استرتش يا اخويا معايا اه مكنش كام دقيقه اللي عاملي عليهم غاغه دول يا اختي ايه الرجاله دي

بيجاد رفع راسه للسما الرحمه يارب من عندك انا خلاص على تكه وهاموت ناقص عمر في ايدها

وبدات قدر تتفرج على الفساتين بعد وقت اختارت فستان كان سيمبل وشيك ومحترم

قدر وهي بتلف بالفستان حوالين نفسها ايه رائيك حلو مش كده تحسيه محترم مش اللي فاتوا يا اختي داه محتاج لبس تحت منه علشان يتستر انما داخ شايفه كامل مكمل صح

لينا فعلا شيك اوووي يا قدر مبروك عليكي

قدر الله يبارك فيكي بس مش نعرف الأول بكام

لينا بصت لست كلاس اوووي وشيك :بكام داه يا مدام نيللي

نيللي مش غالي داه بنص مليون

قدر بشهقه نص مليون ايه مكتملي

نيللي بإبتسامه: نص مليون جنيه شور

قدر ليه مصنوع من ابه مش من قماش وترتر ولا جايبين فيه اللي متجابش

لينا بضحكه يا قدر على فستان فرح مش غالي

قدر حق الفستان يا عالم يا كفره بنص مليون جنيه ليه بيتلبس لوحده ولا هيروح الفرح مكاني وبعدين ماله لما اروح اجر فستان ب تلات آلاف ولا اربعه كتيره يوم ما يضربه الدم خمسه الاف جنيه هو انا هفضل طول عمري لابساه داه هو كام ساعه وبيترمي في الدولاب فيها ايه بجد مش فاهمه بني آدم عاقل مين اللي يدفع مبلغ زي داه في حته قماش

بيجاد مالك بس في اي انا مش فاهم معترضه على ايه

قدر معترضه على سعره يا عم نأجر احسن وأرخص واوفر

بيجاد مش فاه قصدك ايه

قدر هو ايه اللي مش فاهم لا مؤاخذه بقولك ناجره ما تعرفش يعني ايه ناجره ناجره كم ساعه يا اخويا ونرجعه تاني لأصحابه

يزن بضحك قابل واقعد بقى انا مش عمال بقولك بلاش البس بقى عشان خارجين دي بتقولك ناجره

بيجاد بعصبيه ده انا بيجاد الكيلاني مراتي تلبس فستان ملبوس

قدر يا اخويا ما تتنفخش قوي كده صلي على النبي في قلبك وبعدين يعني ايه ملبوس هو كان ملبوس من عفريت يعني كان لابسه بني ادمين زينا

بيجاد ايوه بردوا ملبوس

قدر يا اخويا اصلك بتتكلي قوي على كلمه ملبوس ومحسسني ان كان لابسه عفريت وبعدين يعني هو الفستان مكتوب عليه اسمي ولا مكتوب عليه اسمي

بيجاد بص للينا بعصبيه بقولك ايه بصي شوفي صاحبتك عشان انا حاسس ان انا هيجيلي ذبحه صدريه قريب فشوفيها انتي احسن عشان منزعلش لان كل مره بنخىج مع بعض بتنتهي بكارثه

لينا طيب بصي يا قدر متشغليش دماغك بالفستان دلوقتي الفستان هيجيلك لحد باب البيت ما تشغليش انت بس بالك اذا كان ايجار ولا تمليك تمام اتفقنا

قدر بقى يا كفره نص مليون جنيه ده انا شاريه شقتنا بمليون وبقول الراجل ساككني على قفايا تروحو تدفعوا نص مليون في شويه قماش وترتر بربرق ايه فلوس أهلكم كتير اوي كده دانا لو اشتريت محل القماش كله مش هادفع 100 الف

بيجاد يا ستي احنا عالم مبذره ما تشغليش دماغك انت دلوقتي بالفستان ابوس ايدك انا جبت اخري وتعبت من كتر المناهده انتي هاتدفعي حاجه من جيبك مش الفستان على العريس خلاص انا قابل اسكتي بقى وافصلي و ارحميني شويه

وبعد وقت قضوه في جدال وخناق حسموا موضوع الفستان

لينا دلوقتي كده فاضل الميكب ارتيست ونبقى خلصنا كل حاجه

بيجاد سحب لينا علي جنب وقال بقولك ايه يا لينا اتصرفي وما تعرفهاش حاجه عشان ما اتشلش بدري لان بجد لو فكرت انها تعمل حاجه ثانيه انا مش عارف رد فعلي هيبقى ايه دي دماغها في عالم موازي انا لسه بحاول استوعب صدمه الفرش واللي حصل فيها ادخل في صدمه الخشب ودمياط ودلوقتي تقولك الفستان اتصرفي يا لينا بعيد عنها خالص فاهمه

لينا بإبتسامه خلاص يا بيجاد متقلقش انا هاتصرف حاضر بي والله قدر غلبانه وعفويه

بيجاد يا لينا حرام عليكي ارحميني كفايه عليا بلوه حياتي

لينا حاضر متشغلش بالك

اخيرا يوم الفرح والكل شغال على قدم وساق

صلت قدر الفندق اللي هايتم فيه الفرح وكانت لينا في استقبالها

لينا بترحاب عروستنا القمر اتاخرتي

قدر بتريقه اه يا اختي الساعه عشره الصبح ليه رايحه ابيع اوطه مكانوش شويه احمر واخضر هاليط بيهم وشي

لينا بضحك تليطي نو كومنت بجد طيب يلا علشان ورانا تجيهرات كتير يا عروسه دخلت قدر وهي مش عارفه حاجه اكتر من خمس ساعات وقدر ما بين سونا ومساج وماسكات

قدر يا جدعان هو حد كان قلكم اني جربانه عندي جدري عمالين تسخلو في جلدي لا اللي بيشيلو الجلخ بالكيلو انا جتت اهلي اتهرت في ايه دي جنازه مش جوازه ابو ام الجواز لو كان سخام في أوله كده

لينا بضحك يا قدر يا حبيبتي دي تجهيرات عادي لكل عروسه

قدر بغيظ يا حاجه الله يسترك انا جتتي طابت انا استحميت 13 مره ليه هو كان حك قالكم ان كنت بحوش ةلسحوم علشان استحماه مره واحده يوم الفرح

لينا وهي عينها مدمعه من الضحك لا يا قلبي بس داه اوبشن زياده على العموم خلاص كلها شويه صغيرين ونبداء في

الميك آب

قدر بنفخه سهلها ياللي بتسهل

مر الوقت ولبست قدر الفستان وبدئت المكياج

قدر بنفخه يا ست حلويات الله يسترك انتي ناقصه سكينه معجون وورقه صنفرة انتي عماله تحطي وتلطسي في ايه هو وشي فيه شقوق عايزه مرمه

لينا بضحك يا قدر بجد امتي مش معقوله دي حاجات علشان الميك اب يفضل ثابت

قدر يا شيحه دانا اللي لزقت في الكرسي لما بقيت مش عارفه اقوم وحاسه اني لو قومت هلاقيه لازق فيا

لينا هزت رأسها وانفجرت في الضحك

اخيرا كانت خلصت

قدر لولولي ربنا نجدك يا نوسه

لينا طيب يلا علشان انا خلصت وبيجاد وصل

قدر حست ان رجليها مش شيلاها ووشها احمر

لينا الله داحنا اتكسفنا اهو

قدر رفعت وشها بغيظ ليه مش من البنات ولا مش البنات متعدلي كلامك الله يسترك عشان منخسرش بعض من اولها

انا بقولك اهو

لينا بإبتسامه ايوه كده ارجعي قدر اللي اعرفها

دخل بيجاد وبص لقدر و ابتسم كانت جميله جدا

بيجاد مد ايده قدر انكجته ونزلت معاه بدئت الزفه

وبدات فقرات الفرح كان فرح اسطوري الكل كان منبهر بيه

قدر بدئت تفرك دماغها من الصداع

لينا مالك يا قدر

قدر دماغي يا أختي بعيد عنك شواكيش نازله رقع فيها خلونا نخلص بقى انا واحده بنام بدري وانتوا بقالكم كام يوم سحالين اهلي معاكم

لينا ابتسمت بتقدير اوكي ودقايق وكانت الزفه الاخيره واتحركت قدر مع بيجاد لعربيته

مريم قربت منها بحنان امومي ربنا يباركلك يا ضنايا ويهدي سرك ويهدي ما بينكموبصت لبيجاد وعنها بتلمع بالدموع خلي بالك منها حطها في عنيك مش هاوصيك انتا واخد حته من قلبي سوقت عليك حبيبك النبي

بيجاد بتقدير متقلقيش على قدر خالص دي في عنيا

مريم ربنا يسعدكم ويهنيكم يارب ويجعل السعد والفرح داركم

اما غزل فقررت انها تستغل الموقف عرض أقل

•تابع الفصل التالي "رواية انتقام القدر" اضغط على اسم الرواية