رواية صراع العقل والقلب الفصل التاسع 9 - بقلم كنزي علي
صراع العقل والقلب
. بقلمى كنزى على ♡♡
اللهم صل وسلم وزد وبارك على سيدنا محمد وعلى آله وصحبه وسلم أجمعين ❤❤
أستغفر الله العظيم وأتوب إليه 💟
سبحانه الله وبحمده سبحان الله العظيم ♥️
فى صباح يوم جديد وهو يوم الخميس ورغم الشتا طول الليل إلا أن أنوار الشمس سطعت بنورها ودفئها ...
فى قصر الحديدى وتحديدا فى غرفه شهاب الساعه دقت السادسه صباحا
قام من نومه بأرق مثله مثل باقى الأيام السابقه اخد شاور وفتح دولابه بيختار هدومه
شهاب رجل أنيق جدا وبيختار هدومه بعنايه اختار بنطلون جينز اسود وسويتيشرت ابيض فى اسود جه يقفل الدولاب عينيه جت على الجاكت الكان لبسه يوم خروجه البولينج الأول مره كان يشوف فيها روز فضل مركز عينيه عليه بيفتكر كل تفاصيل الخروجه من اول نظره الامبالاه لحايد ما اجه يمشى وهيا بتديله المنديل
شهاب بهمس: المنديل أنا وديته فين
دور فى الإدراك متلقاش حاجه لاء أنا مشلتهوش من الجاكيت دور فى جيوبه اتلقاه أبتسم وزى ما يكون أتلقى حاجه غاليه ضاعت منه
تلقائيا قربه يشمه استغرب ريحته
.... ايه ده أول مره أشم ريحه زى دى كأنها مجموعه من الفواكه المسكره مقدرش يميز ريحتها كل الحسه أنها ريحه مش بس بتجذبه يشمها لاء دا بتكون عاوز يكلها فضل شويه مغمض عينيه بيفتكر الاوقات الشفها فيها لحايد ما افتكر اخر مره وبصوت مسموع
( انا مش عاوزه اتعامل معاك اصلا )فتح عينيه واستغبى نفسه
وكمل لبس وحط المنديل فى مكان الحاجات العوزه تتنضف واجه ينزل
رجع تانى اخده وحطه فى الدرج ونزل قابل والدته على السلم
سها : صباح الخير ياشهاب برضه نازل بدرى مش هتفطر معانا
شهاب :معلش يا ماما مشغول الأيام دى
سها : هو فى حاجه مضيقاك بقالك كام يوم متغير وبتنزل بدرى وحتى مش بتتغدا معانا
شهاب: ابدا يا ماما زى ماقلتلك مشغول اليومين دول
وقرب منها وباس جيبنها
حبيبتى هحاول اجى بدرى نقعد مع بعض شويه
ونزل ركب عربيته فى طريقه للجهاز
-------------♡♡♡
فى مكان آخر .... فى قصر البحيرى على الفطار
روز نزله آخر واحده الكل عارف سوء التفاهم الحصل بين حياة وروز ومحدش حب يدخل
روز بأبتسامة مشرقه وجميله : صباح الخير وراحت ناحيه حياة بستها من خدها وخضنتها من ضهرها صباح الهنا على حياتى أنا
حياة اتبسطت جدا ... وبصت لفؤاد زى ما تكون بتقوله عندك حق ... وباست أختها وحضنتها :حبيبتى صباح الفل والياسمين
روز أنا والله ما
قاطعتها روز بأبتسامه وبوسه على خدها
حياة فهمت أن أختها مش حابه تتكلم فى الموضوع
الكل متابع بصمت ...
بس جاسر ميقدرش يسكت
جاسر :كل دى صباحات يا صباح البتغنى هههههه
محدش ضحك :طب والله بضحك
روز ابتسمتله : طبعا بضحك يانقيب افندى
هنا الكل ضحك
جاسر :والله يعنى دلوقتي الكل ضحك ماشى ماشى
روز قعدت مكانها جنب حياة
حياة : برضه ياروز مش هتعمليلى برفان من البتعمليه لنفسك رحته حلوه اوى بحس انى عاوزه اكلك بحاول أحدد ريحته ايه من مجموعه روائح الفواكه البشمها مابعرفش
روز بأبتسامة وعند : مستحيل ده برفان خاص بيا
وبعدين أنا مش عملالك واحد لمجموعه زهور مميزه جدا
حياة : آه حلو بس مش زيك مميز أكتر
روز :لا دى نسأل فيها سيادة العقيد ها ياانكل ايه رأيك فى برفان حياة
فؤاد: طبعا مميز جدا ورقيق زيها
ومسك ايد حياة وبسها
وفى حاجه بتعجبنى فيه أن عطره مش فواح ودى حاجه مميزه جدا
جاسر : كل ده علشان برفان طب ماتعمليلى ياروز برفان كده مميز
وبصوت واطى .... يجذب وغمزلها
روز بصوت عالى : بتقول حاجه ياجاسر
جاسر : مين أنا لاء ياحبيبتى أنا بقولك تعيشى وتعملى روايح كتير
اسر : تعيشى وروايح أنت منين ياابنى
ومستناش يسمع رده
وبص لروز قوليلي انتى ازاى بتعملى البرفان
روز: شوف يااسر احنا عندنا كنز بمعنى الكلمه إسمه الأعشاب الطبيعيه مصر فيها كميه أعشاب رهيبه وفى كل مكان فيها يعنى مثلا أرض الفيروز
وابتسمت لأنها على اسمها فيها اكتر من 600 عشبه نادره مش موجوده فى العالم وبتنمو تلقائيا مش محتاجه غير مياه الامطار وبتعالج امراض عديده خاصه بالسرطان والكلى والكبد اللهم عافينا بس للاسف محدش بيهتم بيها او حتى بيفكروا يدخلوها فى العلاج مع ان الدول الاسيويه وغيرها بتستوردها من مصر مواد خام ويدخلوها فى الادويه ويرجعوا يبعوها لمصر بالعمله الصعبه وطبعا بيكون العلاج غالى جدا ولفئه معينه أما بالنسبه للأعشاب العطريه فمصر عندها ثروه بمعنى الكلمه صدقنى لو اهتموا يصنعوها ويبطلوا يصدروها لأمريكا والصين مواد خام اقتصاد مصر هينافس الدول المتقدمة لأن النباتات العطريه فى مصر تعتبر بعد منتج القطن وكمان بيستخدموها فى العلاج الخاص بالبشره والشعر
فى بقى ناس متخصصه جدا عارفه قيمتها بس قليله بتهتم بيها وتزرعها وتبعها داخل وخارج مصر وانا بتعامل معاهم والحمد لله عندى خبره ومعلومات ومن خلال الدبلومه الاختها بعرف اعمل منتجات مش بس عطور لاء منتجات خاصه بالبشره والشعر
أسر :بجد ياروز أنا ديما فخور بيكى ربنا يوفقك ياحبيبتى
جاسر: معلش سؤال هو السؤال كان ايه الخلاكى تقولى الكلام ده اصلى نسيت
روز:لا دا أنت فى الطراوه وأنا عندى كليه وبصت لحياة حبيبتى هتاخر النهارده هروح شركه الشامى دكتور أمجد كلمنى ومُصر يتكلم معايا فى الحصل ويوضحلى وجهه نظره هروح بعد الكليه
حياة :حبيبتى موفقه يارب
وخلص الفطار
♡♡♡♡♡♡♡---------
فى الشارع فى طريق مدرسه الثانوى اتقابل نجلاء وشمس زى كل يوم بيبصوا على المحلات وعينيهم هتطلع على الحاجه ال فى الفترينات
نجلاء :شوفى يا شمس جمال الفستان ده تحفه يجنن يهبل
شمس عنيها هتطلع عليه : آه والله عندك حق ياترى بكام
نجلاء :تعالى نشوف أكيد كاتبين السعر وقربوا
شمس :يادى النصيبه 700 جنيه ليه دهب
نجلاء :لاء ياختى مش دهب بس هيا دى الأسعار وبعدين سكتت وفكرت فى فكره
متخلى سعيد يجبهولك مش بتقولى قالك وبتأليس ... انتى تطلبى وأنا انفذ من غير ما يكون عاوز منك حاجه
شمس سكتت وبتردد : بس ده غالى اوى وممكن يضايق واحنا كويسين ومتفاهين اليومين دول وخلاص مبقاش يزعق و
نجلاء قاطعتها من غظها الحاولت تداريه : وهو ايه اليضيقه ولا الحاجه التفرحك تضيقه دا أنا بفكر اخلى شوقى يجبهولى
شمس : بجد هيوافق
نجلاء بضحك على نفسها : آه طبعا ديما يقولى انتى بس تشورى وأنا اجبلك
وغمزتها وطبعا طالما شيفه طلباته مش بيستخسر فيا حاجه
شافت شمس سرحت وعينيها زايغه على الفستان
قالت تضرب على الحديد وهو سخن : بكره هتقابل أنا وشوقى ونقضى اليوم كله مع بعض من أوله نفطر ونتغدى وايس كريم بقى ودره يااااااه امتى بكره يجى
شمس:بجد يابختك
وسرحت فى سعيد العمره ما فكر يخرجها
ونجلاء بسخريه لنفسها بختى دا انا بختى اسود ومنيل قال يخرجنى قال آه يخدى معاه تمويه ويلف بيا كعب داير عشان يبيع الحشيش وأما أقوله كفايه عاوزه أستريح ولا جعت يقعدنى على رصيف أخرى سندوتشين كبده وفاقت على صوت شمس
شمس : ايه يا بنتى سرحتى فى ايه يلا بسرعه جرس الطبور بدأ
وجريوا دخلوا المدرسه
---------------¤¤¤¤¤¤¤¤
فى الداخليه وخاصتا فى مكتب شهاب قاعد على المكتب بيشتغل
الباب خبط وكان محسن
محسن :السلام عليكم ياشهاب باشا
ممكن ادخل واقعد كمان
شهاب وهو عينيه على الورق وبيقلب فيه : وده من أمتى ما طول عمرك بتدخل من غير ما تستأذن
محسن :آه فعلا بس داا كان زمان
شهاب بصله ورفع حاجبه
محسن كمل ... يعنى مش من زمان اوى أربع خمس ايام كده ههههه
شهاب معلقش
محسن بيبصله ولنفسه ...
ياترى مالك وايه الحصل كنت كويس بس لما رجعت من عند العقيد فؤاد وأنت شايط كده ممكن يكون قابل روز وضيقته هيا اصلا مش طيقاه
شهاب : خير عجبك ماتيجى تخدلك صوره ببلاش
محسن : صوره معاك انت لا ياعم بناقص الواحد يشوفله حد حلو كده وأبيض وبعين زرقا وو
شهاب فهم تلميحاته وقطعه بصوت عالى : محسن ولا كلمه فااهم
محسن بيحاول يفك صاحبه ويعرف ايه المضيقه : طب وبعدين هتفضل كده لامتى
شهاب : مش فاهم تقصد ايه
محسن : بجد اقصد ايه اقصد الانت عامله فى الداخليه دا أنت مخلى الجهاز كله شايط وعصبية وزعيق طول الوقت
أنت عمرك ما كنت كده ياصاحبى مالك ولا أنا مش صاحب عمرك
شهاب من ساعة ما محسن إجه وهو ماسك الأوراق بيقلب فيها
بس أول ماقاله أنا مش صاحب عمرك ساب الفى أيده
وبصله : طبعا صاحب عمرى أنت اقربلى من أخويا المش عارف كل مااتصل عليه يا اما مبيردش أو يكنسل أو مقفول مش عارف مقصودة ولا صدفه
واتنهد ... وحشتيني اوى ياطارق
محسن : ياسيدى كلها كام شهر وهيجى وربنا يخليكوا لبعض ها متهربش مالك
شهاب خد نفس عميق وخرجه على فترات
واتنهد وقام اداله ضهره وبص من الشباك :صدقنى مش عارف بحاول اعرف ايه المضايقنى مش قادر اعرف وقعد
وبصله قابلتها لما كنت عند العقيد فؤاد آخر مره تعرف قالتلى ايه
محسن بيبصله بإستفهام
اتكلم بسخرية وابتسم ابتسامه جانبيه قالتلى بكل تحدى شفته فى عينيها مش عاوزه اتعامل معاك
محسن : معقوله طب ليه
شهاب : مش عارف
مش عارف والاكتر مش عارف ايه المزعلنى كرامتى الحسيت أنها جرحتنى صدقنى حاسس بتقل على صدرى من ساعت ما قالتلى كده ومش عارف سببه ايه مخنوق
محسن عاوز يقوله شكلك حبتها بس قال يستنى لما يعرفوا الأول ليه بتعمله كده : أكيد فى حد موصلها حاجه عنك مش كويسه
شهاب :مفتكرش العقيد فؤاد أو أسر وجاسر حتى الاستاذه حياة كلهم بيعتبرونى واحد من العيله
محسن: يمكن بره العيله
وسكت
بصراحه مش عارف
حاجه تلغبط
شهاب بلغبطه : المزعلنى انييى انى مش عارف أنا زعلان ليه
وسكتوا شويه
وافتكر حاجه وبصله بغيظ : آه فكرنى كده كنت بتقول ايه من شويه
محسن بيفكر : مش عارف انا قولت كتير قصدك على ايه بالظبط
شهاب راح ضربه على كتفه :مش أنا يا حيوان قولتلك متجبش سيرتها تقوم تقول عين زرقا وبيضا
محسن ردله الضربه : والله ما فى حيوان غيرك أنت قولتلى مقولش مزه مع أنها مزه مزه وضحك وجرى فتح الباب
وشهاب بيجرى وراه يضربه
أسر كان على الباب وشفهم ومستغرب هما بيهزروا ولا
شهاب : طيب ياسياده المقدم نتقابل بعدين
محسن : بعدين مين انسى
وضحك ومشى
شهاب :اتفضل يااسر
اسر كان مبسوط علشان حس أن شهاب رجع لطبيعته ودخل وكملوا شغل
---------------------------------
فى جانب آخر وخاصتا فى الولايات المتحده الامريكيه شرين سهرانة كالعاده مع جيرمين صديقتها اتعرفت عليها من النايت كلب وهيا مصريه وعايشه فى أمريكا
شرين :فى شاب بيشغلها وعينه هتطلع عليها وهيا مستمتعه بظراته وبتبصله من وقت للتانى جيرمين بسكر : ههههه انتى غريبه اوى ياشرين تفضلى ورا الواحد لما تجيبيه على بوزه وفى الآخر تسبيه وتمشى
شرين بغيظ : لا ياحبيبتى أنا لا بيجيب ولا بودى أصلا مفيش حد بيشوفنى غير لما عينيه هتطلع عليا وبيكون عاوزنى
جيرمين :ههههه فعلا مفيش حد غير شهاب مش كده ههههه
شرين :جرى ايه ياجيرمين انتى هتسكرى عليا ولا ايه وبعدين مين شهاب ده هو أنا مش وريتك حاجه من الكانت مابنا وقد ايه كان عاوزنى بس أنا السبته واتجوزت شادى وده المجننه منى
جيرمين :هههههه الكلام ده تقوليه لأى حد مش ليا
هواا انتى ايه المزعلك كده هو يعنى انا حالى احسن منك منا مطلقه مرتين وامى فى مصر رمتنى لابويا وابويا هنا مش سائل عنى هههههه دا انا لو غبت بره البيت أسبوع مبيسألنيش كنت فين اشربي اشربي خلينا ننسى همنا
شرين بتشرب بغضب وافتكرت يوم خطوبتها
فلاش باك
شرين كانت فرحانه جدا اخيرا هتتخطب لشهاب كانت فى البيوتى سنتر وبتكلم أصحابها على الواتس وكلهم مش مصدقين أنها هتتخطب لشهاب لأنهم عمرهم ماشفوهم مع بعض حتى لما كانوا بيجولها البيت بيتلقوه بيعاملها زى أميره وهيا كانت مرهناهم أنها مش هتتخطب غير ليه وقد كان وكسبت الرهان وقفلت معاهم وهيا بتتوعد لنفسها أن خلال شهر واحد شهاب هيبقى زى الخاتم فى أيديها
واجه الليل وشهاب راح ياخد شرين من البيوتى سنتر
شرين كان الميكب تقيل و لبسه فستان أحمر كب وطويل وبفتحه بالجنب بطول رجليها وكانت قمر
شهاب دخل اخدها وخرجوا وفتحلها باب العربيه
شرين حطت ايديها على ايديه وهو بيسوق شهاب بصلها بأستغراب : مقولتليش ايه رأيك فيا أكيد عجبتك مش كده
شهاب :أيوه
شرين :أيوه بس دا مفيش حد شافنى النهارده فى السنتر غير لما قلى تجننى واكيد خطيبك محظوظ
شهاب :أحم ممكن تشيلى إيدك مش عارف أسوق
شرين :آه سورى ههههه بس لازم تتعود من هنا ورايح على السواقه وادينا فى ايد بعض
شهاب بصلها بتعجب وساكت
شرين فى نفسها عارفه ان طبعك صعب بس مش عليا وكلها مسأله وقت مش أكتر ومتقدرش تخطى خطوه من غير موفقتى ...
وصلوا القصر وكانت حفله بسيطه الاهل والأقارب فقط وكانت الشبكه عباره عن دبله بفصوص الماظ وخاتم سوليتير وطقم الماظ وشهاب لبسهوملها
والكل بارك ليهم
وشهاب حجز فى مطعم يتعشوا فيه
وفعلا راحوا المطعم أول ما وصلوا شرين طلبت من شهاب يرقصوا
شرين : تعرف النهارده احلى يوم فى حياتى مبسوطه اوى الشبكه تجنن اصحابى كلهم هيتجننوا عليها ههههه
شهاب :طب كويس
شرين : بتكلم كتير وحست ان شهاب مش معاها فحبت تلفت نظره شالت ايد من على كتفه وحطتها على رقبتها كأنها بتعدل الكوليه
شهاب اخد باله من فستانها :مش ملاحظه أن الفستان اوفر اوى
شرين :حبيبى أنت عارف الفستان ده بكام لما عمو مهاب قال الخطوبه الخميس طبعا ملحقتش اروح لديزينر اعمل فستان مخصوص ليا فدورت كتير فى المجلات لحايد معجبنى ده مكنش موجود فى مصر بعت جبته من فرنسا بالمصرى بحوالى 250 ألف جنيه وابتسمت وبعدين دا سمبل خالص ازاى بقى أوفر
شهاب بأبتسامة سخريه : سمبل هو انتى فهمتى ايه من كلمه أوفر لو كنتى سألتيني تقصد ايه بدل كل الكلام ده كنت قولتلك عريان جدا ولا مش ملاحظه
شرين : شهاب دا استيله كده
وبعدين فيها ايه يعنى أنا طول عمرى لبسى كده وأنت ولا مره كان ليك اى كومنت عليه
شهاب -----------
شرين: أنت ليه بعيد عنى كده
شهاب بتعجب : بعيد ازاى
شرين قربت أكتر ليه : كده احسن
بصراحه حسستني أنى برقص مع صديق مش مع خطيبى
شهاب :صديق هو انتى ليكى أصدقاء شباب وبترقصى معاهم
شرين اتوترت من أسلوبه فى الكلام : يعنى مش اصداقاء بنكون مجموعه بنات وولاد وساعت بنرقص
شهاب : أنا مبحبش كلمه أصدقاء دى بين بنت وولد مش بعترف بيها .. تمام
وياريت تخدى بالك من تصرفاتك آه أنا مش بحذر مرتين
شرين :ايه ده انت بتغير للدرجه دى
شهاب :دى مش غيره ده مبدأ
شرين هتفرقع هيا عارفه طبعه صعب وهيتعبها بس لنفسها ..
الأنا عاوزه اعمله هعمله من غير ما يعرف : حبيبى أنت تؤمرنى
وقربت بسته من خده
شهاب :ايه ده انتى اتجننتى
وبص حواليه
الناس بتبص علينا
شرين :ههههه طب لو مكنش حوالينا ناس كنت هتعمل ايه
شهاب :بتهيقلى نقعد احسن
وقعدوا والأكل وصل
وشويه وأصحابها ولاد وبنات اجوا وفضلت تتكلم وتهزر معاهم لحايد ماشهاب استأذن يروحوا
وهما فى العربيه محدش بيتكلم
شرين حاسه أن شهاب مضايق بس قالت لنفسها دلوقتي أهديه
وأخيرا وصلوا وشهاب إجه يفتح باب العربيه شرين مسكت ايديه
شرين: حبيبى أنت ليه زعلان
شهاب : فى حاجات كتير لازم تتغير وأولهم موضوع أصحابك دول وانك تقوللهم يجوا من غير متعرفينى دى حاجه مش ممكن تعدى كده أنا مبحبش اليحطنى قدام الأمر الواقع أنا سكت بس لأن شكلك لسه متعرفنيش كويس
شرين بمروغه ومسكنه دموعها نزلت : أنا اسفه ياشهاب مكنتش اعرف أنك هتضايق أنا كنت مبسوطه وزى زى أى بنت عاوزه تفرح وتتبسط بلمه أصحابها حوليها بس لو ده هيضيقك خلاص أوعدك مش هعمل كده تانى
بصت فى عين شهاب حسته متأثر بكلامها فكملت ... أنا عارفه أنك لسه محبتنيش بس أنا بحبك اوى
أيوه ياشهاب بحبك من سنين وكان نفسى تحس بيه وياما دعيت ربنا تكون من نصيبى والحمد لله ربنا استجاب دعواتى
فأرجوك متحسسنيش انى مغصوبه عليك
وقعدت تعيط
شهاب هنا أضايق من نفسه : خلاص ياشرين أنا مقصدش اضايقك أنا كنت بس بعرفك على البيضايقنى عشان ميتقررش
شرين استغلت الظرف وقربت منه وكانت شبه حضناه : أنا بحبك اوى ياشهاب أنت حب حياتى شرين حاسه أن شهاب صلب متحركش وده ضيقها كانت فكراه أنه هيستغل الوضع ويقرب منها فقربت هيا أكتر يدوب لسه هتلمس شفايفه
شهاب بعد : بتهيقلى ننزل بقى
وفتح باب العربيه ونزل
شرين كانت هتولع ... اصبرى ياشرين انتى من الأول عارفه أنه مش سهل وو
شرين شرين هايى روحتى فين ودى كانت جيرمين
شرين :ها ولا حاجه هقوم أرقص
الشاب المتبعها شافها قامت فقام رقص معاها
--------¤¤¤¤¤¤--------
عمرو اتصل على حياة وقالها أنه بيتصل على نسرين امبارح وصوتها كان متغير طلب منها ترحلها وتطمنه عليها وفعلا راحت واتلقتها تعبانه شكلها بوادر دور برد قعدت معاه واتصلت على عمرو وقالتله أنها تعبانه شويه ميقلقش وأنها هتقضى معاها اليوم
وبعدين اتصلت على روز قالتلها تخلص كليتها وتيجى عند نسرين علشان تعبانه
روز اتصلت على أمجد الشامى وغيرت الميعاد على الجمعه واضايق لأن حسها بتماطل علشان متقبلوش بس مابينش
وقالها تمام مفيش مشكله
حياة قعده مع نسرين
نسرين :تعبتك يا حياة أنا اسفه
حياة :ازاى تقولى كده انتى أختى يا نسرين زيك زى روز بس انتى ديما البتبعدى وبتعملى فرق فابسيبك على راحتك
نسرين مكسوفة من نفسها علشان فعلا حياة وروز كويسين جدا معاها بس كانت بتغير من معامله عمرو واهتمامه بيهم فكانت بتبعد عنهم : انا اسفه ياحياة مش عارفه اقولك ايه
حياة :متقوليش حاجه المهم انتى عامله ايه مش عارفه بس شكلك بيقول أنك متغيره وشك باهت وعينك دبلانه
نسرين سكته وفجأه عيطت
حياة أخدتها فى حضنها وطبطبت عليها واستنت لما هدت خالص
حياة : مالك ياحبيبتى فيكى ايه اوعى يكون عمرو مزعلك بس ازاى دى بيحبك اوى وميستحملش يضايقك مش يزعلك دا بمجرد لما حس أن صوتك متغير وهو بيكلمك كلمنى علشان اطمنه عليكى
نسرين كانت مفكرة حياة جايه زياره بالصدفه ومستغربه أكتر كلام حياة عن حب عمرو ليها
نسرين :----------
حياة :طب خلاص أهم حاجه صحتك ويلا كلى علشان تخدى الدوا الاولاد زعلانين جدا عليكى فايله كلى علشان تخدى علاجك وتفوقى وانده عليهم يقعدوا معانا شويه
وآه أنا كلمت روز وجايه ومش هنسيبك قاعدين على قلبك ... وضحكت
نسرين : ربنا يخليكوا ليا ومتحرمش منكوا يارب
روز إجت وقعدوا مع بعض وكانوا خايفين عليها جدا
ونسرين استغبت جدا نفسها ازاى تبعد عن أخوات وأصحاب بيحبوها بالشكل ده وحست أنها محتاجه واقفه مع نفسها تعيد ترتيب أوراق حياتها
اليوم لسه فيه بقيه وأحداث مهمه هنكملها
الحلقه الجايه ❤
والفوت لو سمحتو 😍❤❤
والسلام عليكم ورحمة الله وبركاته 😍😘😘 عرض أقل
•تابع الفصل التالي "رواية صراع العقل والقلب" اضغط على اسم الرواية