رواية خطة التسع شهور الفصل السابع و الاخير 7 - بقلم مصطفى جابر
حسن كان لازم يموت عشان عرف الحقيقه انا فكت له فرامل العربيه و طلع منها عايش كان لازم ابعت له الدكتور اللي تبعنا يخلص عليه.
صابرين بخبث: شكل الدكتور دا هينفعنا كتير اوي في الفتره اللي جايه
.... روان مشيت بغضب هي وامها...
كان في كاميرا البيت بتسجل كل كلمه هما بيقولوها..
.. بليل.. حد من الجيران جه
حياة بهدوء : مين ؟
ـ أنا يبنتي ام سلوي جارتكم
حياة فتحتلها : اهلا بيكي اتفضلي
ام سلوي : الله يخليكي .. كان في حد خبط العربيه بتاعت زوجي اللي قدامكم وجري فا كنت بطلب منك تراجعي الكاميرات وأشوف هو مين .
حياة بهدوء : حاضر بإذن الله يجي زوجي بس وهو هيشوفلكم الموضوع ده
ام سلوي بفرحة : خلاص تمام تعبتك معايا ...
قفلت الباب ودخلت تتفرج علي تسجيل الكاميرات عقبال ما حسام ييجي من عند امه..
قعدت وشغلت اللاب توب و بتتفرج علي الناس ولاقت تسجيل ل روان وهي بتدوس علي الورد..
حياة بزعل: انتي اللي بوظتي الورد طب هو ماله حرام عليكي.
كانت هتقفل التسجيل سمعت روان وهي بتعترف وقفت بصدمة: ايييي روان هي اللي خلصت علي حسن ومش بس كدا عاوزة تحرميني من ابني اللي جاي.
بترن علي حسام مقفول..
حياة بدموع: انا لازم اقول لحسام دي جريمة بس لاحظة حقيقه اي ودكتور اي انا لازم اواجههم واعرف كل حاجه منها او من امها العقربه
سجلت الفديو و لبست وراحت بيتها القديم...
.. بعد شويه..
دخلت حياة لاقت ماذؤن قاعد بيعلن جواز روان من حسام..
حياة بصدمة: اي اللي بيحصل هنا دا.
روان بصت ليها بخبث: حياة كويس انك جيتي اهو تفرحي معايا انا وجوزي واهلنا.
سميرة بابتسامة: الف مبروك يا حبايبي.
حياة بدموع: انت اتجوزتها يا حسام من وريا لولا اني جيت مكنتش هعرف حاجة مش كدا رد عليا.
حسام بجمود: مش بايدي يا حياة امي اجبرتني علي كدا.
سميرة بقرف: اي مكنتيش عاوزاه يسمع كلام امه.
حياة بدموع: لا يسمع بس زي ما اتجوزت دلوقتي تطلقني علي نفس الماذؤن.
حسام بهدؤء: انتي طالق يا روان.
روان بصدمة: ايييي انت مجنون بتطلقني انا هي اللي عاوزة تطلق هو احنا لحقنا نتجوز.
حسام بهدؤء: انا اتفقت مع امي اتجوزك لكن الطلاق حسب مزاجي ومزاجي جابني اطلقك دلوقتي.
صابرين بغضب: انت بتبوظ فرحة بنتي يا حسام مش ناوي تبقا راجل.
كف قوي نزل علي وشها كان هيوقعها من حسام.
حسام بقرف: كلمه زيادة هبلعك لسانك دا فاهمه ولا لا.
حياة بجمود: خلصوا المسرحيات دي كلها عشان عاوزاكم تعرفوا حاجه مهمة بخصوص روان وموت حسن.
روان بلعت ريقها بتوتر: اي اللي عاوزة تقوليه.
حياة بجمود: انك مش مخلصة لجوزك يا روان انا راجعه بيتي.
خرجت و حسام راح وراها..
روان بتضرب كف علي كف: عاجبك كدا يا حماتي ابنك دا مجنون عاوز يبوظ سمعتي وسط الناس ووسط الدنيا بحالها حسبي الله ونعم الوكيل فيه.
.. عند حياة وهي خارجة من بيت سميرة..
حياة بدموع وغضب وبتكلم نفسها : مش كفاية خلصتوا علي حسن كمان عايزين تسرقوا جوزي مني.
حسام لحقها :يا حياة استني بس اسمعي مني.
حياة بغضب: اسمع اي يا حسام انا شوفتك بعيني واقف بتتجوزها قدام الكل انا قلبي اتكسر خلاص بسببك .
حسام بهدؤء: اتجوزتها عشان امى وطلقتها عشانك انتي مراتي الوحيدة.
حياة بدموع: طب وازاي اتجوزت اصلا ازاي يا حسام انا مليش كرامة عندك.
حسام بعصبية: كرامتك فوق راسي يا حياة بس انا محشور بين نارين أمي من ناحية وانتي من ناحية.
.. فجأة روان نزلت تجري وراهم..
روان بدموع تمثيل: يا حسام ازاي تعمل فيا كدا قدام الناس دا انت فضحتني.
حياة بغيظ: فضحك دا قليل في حقك بعد اللي عملتيه في حسن.
روان بتوتر: انتي بتقولي اي وعماله تلمحي ل اي اصلا.
حياة بغضب: قولت اللي قولته وانا معايا الدليل معايا تسجيل وانتي مع امك بتعترفي انك السبب في موت حسن.
حسام بصدمة: ايييه بتتكلمي بجد يا حياة.
حياة بهدؤء: ايوة يا حسام اخوك مات مقتول مش حادثة زي ما انتم فاكرين.
روان بلعت ريقها بخوف: دي بتخرف يا حسام ما تسمعلهاش دي مخها اتلحس لما شافتنا بنتجوز وعاوز تبعدني من طريقها .
حسام بجمود: حياة انتي واعيه ل كلامك.
.. سميرة خرحت على الصوت..
سميرة بجمود : في اي في ام الليلة دي تاني
حياة بكسرة: في أن ابنك اتقتل وانتي لسه بتدوري تفرقي بيني وبين جوزي عشان دي .
حسام بشك : ماما ردّي انتِ عرفتي حاجة عن موضوع حسن.
سميرة بشك : حسن هو مش مات قضاء وقدر.
حياة بغضب: لأ مات بخطة من العقربه دي وامها.
روان بصراخ: كدابة كدابة دي عاوزة توقعنا كلنا.
حسام بقسوة: اسكتي يا روان اقسم بالله لو صح اللي اتقال همسحكوا من على وش الدنيا.
سميرة بصدمة: مش معقولة اللي بسمعه دا.
روان بعياط تمثيل: حسام صدقني أنا مليش ذنب دي حياة غارت مني وعاوزة تبوظ سمعتي.
حياة بسخرية: سمعِتك إنتي ليكي سمعة أصلا اللي تقتل جوزها وتلف علي أخوه تبقى ليها سمعة.
حسام بغضب: بلاش لف ودوران يا حياة هاتي التسجيل .
حياة بجمود: التسجيل عندي ومش هسلمه غير للنيابة.
روان بغيظ: انتي فاكرة نفسك هتكسبي إيه الناس كلها هتقول عنك مجنونة.
حياة بدموع: أنا مش فارق معايا كلام الناس أنا فارق معايا حق حسن.
طلعت التسجيل وسمعتهم اتصدموا..
سميرة بصدمة: يعني انتي يا روان انتي وأمك عملتوا كدا فيه.
روان بتوتر : ماما أنا كنت مضغوطة..
سميرة بصوت عالي: تضغطي تقتلي جوزك يا حيوانة.
حسام ماسك دماغه بوجع: أنا مش مصدق أخويا اتقتل واتلعب بينا بالشكل دا.
حياة بغضب: عشان كدا قولتلك يا حسام ان الحق لازم يبان.
حسام بغضب: انا مش هسيب حق اخويا..
روان بخوف: يعني إيه.
حسام بجمود: يعني هتروحي معايا النيابة تعترفي بكل حاجة وان ما اعترفتيش التسجيل هيتسلم للبوليس.
.. روان وقعت علي الأرض بتصرخ..
روان بعياط: أنا مليش ذنب كله كان بأمر أمي أنا نفذت بس.
حياة بصدمة: يعني صابرين هي العقل المدبر.
روان بعياط: آه هي اللي قالتلي هي اللي رتبت كل حاجة أنا كنت لعبه في إيدها .
صابرين خرجت بغضب: اه يا كدابة عاوزة تلبسهالي بعينك تاخدو الكبيرة الواد اللي جوا دا ابنك يا حياة أحنا اللي اتفقنا مع الدكاترة تزور كل دا و اصلا روان مبتخلفش.
حياة بصدمة وفرحه: كنت حاسه انه ابني قلبي كان بيقولي انه حتة مني.
حسام بغضب: يا ولاد الكلب دا انتو شياطين.
البوليس جه صابرين طلعت سكينه وكانت هتضرب حياة بيها
الظابط طلع سلاحه وضربها بيه
روان بصريخ: امييييي لاااااا.
حياة بدموع: دي اخرة الظلم والقرف وانتي ياروان هتعفني في السجن وتتعدمي.
روان طلعت السكينه من شنطتها وضحكت بجنون: لا مش هسيبك تشمتي فيا..
قامت لاقت طلقه جت في رجلها وقعت جنب امها..
حياة حضنت حسام بخوف..
سميرة بدموع: حسبي الله ونعم الوكيل فيكم دي نهايتكم.
حياة دخلت جري وخدت ابنها في حضنها: ريان يا حبيبي انا ماما يا روحي.
سميرة بحزن: حقك عليا يا بنتي.
حياو بهدؤء: مسامحكي بس مش هقدر أعيش هنا في البيت ده تاني حسام جاب بيت علي قدنا هنعيش فيه.
حسام بابتسامة: كلنا مع بعض و البوليس هيتصرف في القرف اللي برا.
ابتسموا كلهم بحب..
شكرا علي تفاعل البارت اللي فات بتمني يتكرر عالحلقه الاخيره دي ... وعايز اسمع رأيكم وأستنوني بكرا في رواية جديدة بإذن الله
تمت
لقراءة و متابعة روايات جديده و حصريه اضغط هنا ملحوظه اكتب في جوجل "رواية خطة التسع شهور دليل الروايات" لكي تظهر لك كاملة
•تابع الفصل التالي "رواية خطة التسع شهور" اضغط على اسم الرواية