رواية صراع العقل والقلب الفصل السادس 6 - بقلم كنزي علي

صراع العقل والقلب

(بقلمى كنزى على )♡♡

اللهم صل وسلم وزد وبارك على سيدنا محمد وعلى آله وصحبه وسلم أجمعين ❤❤

أستغفر الله العظيم وأتوب إليه ❤❤

عدى يومين على ابطالنا ما بين حزين ومتوتر وتجاهل وخوف ....

فى قصر البحيرى

شمس فى اوضتها مخرجتش منها غير على مدرستها وبترجع على طول خايفه من مقابله سعيد ليها وهتواجهه ازاى هيا عارفه انه بيحبها بس مش بتحب تحكمه وتسلطه هيا عاوزه تعيش حياتها مش كفايه محرومه من حاجات كتير لاء وكمان ماتخرجش متتفرجش حتى لو من بعيد

شمس اسم على مسمى فى شكلها شعرها دهبى بيلمع فى الضوء وعينيها عسلى وفى ضوء الشمس بتقلب لدهبى

وكمان فى طبعها متقلبة شخصيه مش عجبها حالها كلمه بتطلعها لسابع سما وكلمه بتجبها الأرض

فى اوضتها بتحاول تذاكر

أمها دخلت عليها

أمينه : جرى ايه يا شمس هو انتى مش هتخرجى من الاوضه دى قومى ساعدينى شويه

اوف يقطع الشغل وسنينه الواحد امتى هيرتاح من الزل ده

شمس عارفه اسطوانه أمها عن العيشه والفقر والحوجه : معلش يا ماما هنعمل ايه نصبنا كده

أمينه : نصيب اسود من ساعت ما عرفت ابوكى ولما ولدتك وكبرتى وحلاوتك ظهرت الأمل ظهر جوايا وقولت اهى ياامينه ربنا عوضك بيها وهيا الهتعوضك عن العيشه دى وفضلت صايمه وصايمه

وبلويه شفايف ... افطر على سعيد

شمس: ماله سعيد يا ماما

وقامت بصت فى المرايا دا بيحبنى وقمر

أمينه :دا انتى القمر

وهو يعنى كنا اخدنا ايه من الحب غير الزعيق والشخط والتحكم

شمس بصت لأمها بنظره عندك حق بس هعمل ايه

امينه كملت ... ياما كان نفسى فى حد زى جاسر ابن العقيد

شمس بذهول : مين بتقولى ايه

أمينه :مالك اتخضيتى كده

ولفت بنتها ناحيه المرايا .... بصى على جمالك وحلوتك بذمتك انتى فى حد احلى منك دا حتى روز الطلعين بيها القلعه متجيش فيكى حاجه يا سلام يابت لو حد زى جاسر وتعيشى فى القصر وأمك طبعا معاكى اةةةة

شمس كلام أمها عجبها وبتلعب فى شعرها : طب وليه مقولتيش أسر حلو وشخصية وليه كلمه على الكل

أمينه : أسر ايه ياهبله اديكى قولتى سخصيه ولا أبصر ايه

لكن جاسر تعرفى تضحكي عليه بكلمه بنظره اةةةةة

ويتجوزك وساعتها هيبقى زيى زى حياة وراسى براس الكل

شمس بتفكر فى كلام أمها

أمينه : فكرى فى كلامى يابت بطنى وخدى قرارك وقوليلى وأنا هقولك نعمل ايه

وسابتها وخرجت

وشويه وتليفون شمس رن كانت نجلاء صاحبتها

شمس : ازيك يانجلاء عامله ايه

نجلاء :كويسة انتى عامله ايه مبتكلمنيش قولت اكلمك مع أنى زعلانه منك مجتش المدرسه بقالى كام يوم وانتى لا اتصلتى تسألى ولا عبرتينى

شمس:معلش يانوجه أصل مشحنتش وسعيد هو البيشحنلى واحنا متخصمين المهم انتى مبتجيش المدرسه ليه سلامتك

نجلاء : كنت تعبانه شويه المهم انتى وسعيد زعلانين ليه

شمس حكتلها على الحصل : وبس ياستى من ساعتها وانا مش بخرج من الاوضه

نجلاء بغيط وغيره بدريها : يعنى انتى عملتى ايه لكل ده بقولك ايه أنا هجيلك على آخر النهار نحكى شويه ولا هتبقى مشغوله فى الخدمه

شمس بزعل : أنا مش بشتغل فى حاجه أنا بس بساعد ماما فى شغلها لو احتاجت حاجه

نجلاء :آه آه منا عارفه اوعى تكونى زعلتى أنا بس مش عاوزه اسببلك إحراج مع أهل القصر دا انتى حبيبتى

شمس :انتى برضه حبيبتى وصديقتى الوحيده هستناكى متتأخريش

نجلاء :ماشى باى

شمس :باى

♡♡♡♡♡♡----------

فى جانب آخر داخل القصر

روز رجعت من الكليه وبتجهز نفسها عندها ميعاد مع شركه الشامى للمستحضرات التجميليه

وروز عامله منتج عن البشره بيعالج الهالات السودا وتوحيد لون البشره وعندها أمل كبير فى المنتج ده أنه هيكون من أحسن المنتجات العملتها بس تكلفته عاليه

شركه الشامى مش بتعمل برندات بس منتجات جودتها عاليه وليها اسمها

روز كل لبسها برندات مش بتلبس اكسسوارت كله دهب الماظ سوليتير بيبقى رقيق ومش حاجات كبيره لبست لبس شيك وأنيق

وراحت الميعاد فى كافيه على مستوى عالى

أمجد الشامى رئيس الشركه وابنه خالد متزوج وأمير لاء معجب بروز جدا

وهيا عارفه بس مطنشه بتخلص شغلها وملهاش دعوه بحاجه

روز مش قيللهم هيا من عيله مين علشان عاوزه تشتغل وتتعلم وتغلط وتصلح لو عرفوا أنها روز البحيرى مش هتعرف تشتغل مش هتلاقى غير المجاملات والتطبيل علشان كده معرفاهم على اسمها فيروز عبد القادر فقط ولو فى تعامل فلوس بيبقى عن طريق رقم تحويل رصيد فى البنك

فيروز وصلت المكان الدكتور أمجد الشامى على رأس التربيزه وعلى اليمين الدكتور خالد وجنبه الدكتور أمير دكاتره تخصص صيدله

وعلى الجهه المقابلة الدكتوره الكيميائية هيا مقابله لأمير

فيروز :السلام عليكم ورحمة الله وبركاته وبأبتسامة رقيقه لأمجد ... ازى حضرتك دكتور وبصت لخالد وامير ازيكوا يادكاتره وللدكتوره هيا أهلا يادكتوره ازى حضرتك ردوا التحيه وقعدت جنب دكتور أمجد

فيروز وضحتلهم فكره المنتج بكل تفاصيله وكان فيه ما بين مؤيد ومعارض

أمير بأبتسامة : المنتج كويس جدا كل مره بتبهرينا

بدلته ابتسامه خفيفه ... ولانها عارفه ان الكلمه لامجد الشامى بصتله

امجد: المنتج كويس بس مكلف جدا يعنى ممكن نخليه فقط للهالات السودا وتظبطى الحكايه دى مع الدكتوره هيا

خالد: أنا برضه شايف كده

أمير : اوكى يادكتور أنا عارف أنه مكلف بس المنتج هايل ونتيجته مضمونه والعائد هيغطى ويزيد إن شاء الله

روز بصه على الورق القدمها من غير ماتتكلم هيا عارفه رد الفعل بس كانت متخيله أن المنتج هيعجبهم جدا وهيعدوا موضوع التكلفة وكمان عارفه أن مروغتهم أكيد برضه بسبب النسبه البتخدها بتكون عاليه

روز رغم أنها مش محتاجه بس بتاخد على قد تعبها خصوصا المكس البتعمله ما بين الكيميا والأعشاب مش كتير البيشتغل على الموضوع ده وديما موفقه فى منتجاتها

بعد تفكير ومناقشات

وفيروز ملتزمه الصمت

مسكه القلم بتلعب بيه

امجد: ها يا انسه فيروز قولتى ايه

فيروز : الكلام عند حضرتك منتجى زى ماهو مش هغير فيه حاجه

امجد : يعنى ايه

فيروز بصت فى الساعه :حضرتك الساعه دلوقتي اتنين ..

قدام حضرتك 23 ساعه يعنى بكره الساعه 2 المنتج هيكون متباع لشركه تانيه ولمت حاجتها عن إذن حضراتكم

ومشت وكمان الدكتوره هيا استأذنت وراحت الشركه

أمير : ليه كده يا بابا المنتج كويس جدا وفيروز كل منتجاتها كويسه ومختلفة وديما ده رأيك فيها لو سمحت يابابا كلمها وقولها أنك موافق وعلى ضمنتى أى خساره

خالد بصله وبعدين بص لابوه وبجديه اكتر علشان هو عارف غرض اخوه : ها يا دكتور هنعمل ايه

امجد: سيبونى افكر وبعدين أهو كلام بتقوله علشان تستعجلنا فى الموافقه وتاخد نسبتها المش بتتنازل عنها مع ان المفروض كانت تعرض علينا تنزل من نسبتها علشان المنتج مكلف جدا

خالد : آه فعلا وده الكنت هقولهولها بس مدتنيش فرصه

أمير : انتوا بتقولوا ايه انتوا عارفين كويس اوى احنا من ساعة ما اتعملنا معاها واحنا بقا لينا اسم فى السوق وبنافس اكبر الشركات ومش كتير عليها ابدا النسبه البتخدها

أمجد :امييير قولت هفكر يلا نرجع الشركه مش هنقعد نتكلم ونسيب شغلنا

-----------&&&&&&

فى مكان آخر قبل الوقت بساعه فى الداخليه شهاب وأسر بيناقشوا موضوع مهم خاص بخليه ارهابيه

الباب بيخبط

جاسر : آسف يافندم بس العقيد فؤاد كلمنى علشان بيكلم حضراتكم وتليفونتكم مقفوله

شهاب : آه فعلا أثناء الشغل بنفقل التليفون خير ياسياده النقيب

جاسر : بيقول أنه مستنينا فى القصر عاوز يناقش معانا حاجات مهمه

شهاب : تمام يلا بينا ...

وبيلم الورق

اسر قرب من جاسر وبيهمس : يناقش معانا هو انت هتيجى معانا

جاسر بنفس الهمس : آه هستأذن من المقدم شهاب النهارده عاملين مكرونه بشاميل ودكر بط إنما ايه وكفته ونجرسكوا هتغدى وهرجع على طول

اسر:بجد وسياتك هتستأذن ازاى بقى هتقولوا انك جعان وعاوز تسيب شغلك وتروح تتغدى

جاسر :ها هو ممكن يرفض

شهاب متابع همسهم وسمع بعض الكلمات بس ساكت يشوف جاسر هيقولوا ايه

شهاب: آه يااسر عربيتى فى التوكيل معاك عربيتك

جاسر سبق بالكلام : عربيتى تحت أمر حضرتك واعتبرنى سواق حضرتك الخصوصى

هوصل حضرتك وارجعك لحايد هنا

أسر :لا متتعبش نفسك اتفضل يافندم معايا

جاسر : لا والنبى يافندم هوصلك أنا اصلى مشفتش أمى من امبارح ووحشتنى ينوبك ثواب

شهاب أبتسم :تمام ياسياده النقيب يلا بينا

جاسر غمز لأسر بأنتصار

وأسر ركب معاهم ووصلوا القصر وناقشوا كتير فى شغلهم

واجه ميعاد الغدا وحياة دعتهم على الغدا

شهاب حاول يستأذن بس حياة اصرت

وهو قال لنفسه يمكن يلمح روز فقعد

روز وصلت البيت ودخلت

هما كانوا فى غرفه السفره وهيا من بره :السلام عليكم يا اهل الدار

كلهم وعليكم السلام ورحمه الله وبركاته

شهاب حس أنه اتلغبط لمجرد أنه سمع صوتها

حياة من جوه : يلا ياروز اغسلى إيدك وتعالى حماتك بتحبك

روز بتغسل ايديها وبصوت عالى : بس أنا مش بحب ابنها هههههه

حياة : ليه بس

روز :دمه تقيل زى جاسر

جاسر : هههههه دا انا عسل مش كده ياماما

حياة : طبعا ياروح ماما

روز :القرد فى عين أمه

وضحكت بصوت عالى

لدرجه شهاب من لغبطته الشوكه وقعت منه وحمد ربنا أن محدش اخد باله لأنهم كانوا مركزين مع روز

روز وهيا دخله عليهم ومديلهم ضهرها وراحه ناحيه شاشه التليفزيون بتفتحها وبتقلع الجاكت والاسكرف الكان حوالين رقبتها لأن حجبها لورا ورقبتها بينه وتحت الجاكت هاف كول ابيض يادوب واصل لوسطها

حياة:أحم روز ياروز سيبك من التليفزيون وتعالى

روز :اوكى ثوانى مشفتش حلقه منى الشاذلي امبارح

وسابت القناه ولفت وشها بتبتسم لحياة بس ضاعت الابتسامه واتفاجاة بشهاب

عينيهم اتقبلت منه بإعجاب من شكلها البيبهره كل مره

وفى نفس الوقت محرج من الموقف

وروز مفاجأه غير متوقعه ومحرجه من كلامها وصوتها العالى

وضحكها ومن لخبتها مخدتش بلها تدارى رقبتها

حياة قطعت النظرات والإحراج : روز ياسيادة المقدم اختى برنسيس العيله

شهاب أبتسم لروز وهيا كمان ابتسمت ابتسامه خفيفه

وقعدت جنب حياة

وشهاب قاعد فى وش حياة

اسر : ماما روز وسياده المقدم اتعرفوا على بعض لما خرجنا آخر مره

جاسر : قصدك لما روز كانت بتخسر فى البولينج ههههه

روز بصت لجاسر بنظره توعد

حياة : بس ياولد تعرف ياسياده المقدم روز بتحب الرياضه جدا وبتلعب معظم الرياضات ومتفوقه جدا فى دراستها امتياز كل سنه وبصت لروز الكانت متغاظه من أختها ومن كلامها عليها

حياة مخدتش بلها وكملت

وكمان بتشتغل وليها منتجات فى السوق معروفه

شهاب مش مركز مع كلام حياة قد ما مركز مع روز وجمالها الجننه بس ثوانى ايه ده لمح شامه فى رقبتها يمكن مش بينه كلها من الهاف كول بس لما بتتحرك برقبتها حركات خفيفه بتبان خلاص جننتينى

حياه بتبص لروز وجت تكمل كلامها عليها

روز بعيظ مش واضح نوعا ما : على فكره أنا بشرب مايه

وكان معناها أنك مش هتقوليله بالمره

ودى كانت معنى نظره روز ومسكت الكوبايه وشربت

حياة هنا فهمت قصد أختها وسكتت رغم أن روز صغيره والفرق بينهم كبير جدا لكن حياة بتعملها ألف حساب ومش بس حياة العيله كلها عارفه روز خط أحمر

شهاب فهم نظرات روز لحياة واضايق لو بس افهم فى ايه

اسر لاحظ انزعاج روز فحب يخف التوتر: ها ياروز نقول مبروك على المنتج الجديد

روز : حاليا لاء

اسر : معقولة ليه

روز:اتحججوا فى التكلفه مع أنهم عارفين العائد

أسر : ناويه على ايه

روز : ادتلهم مهله 24 ساعه غير كده هبيع المنتج لشركه منافسه

شهاب مش فاهم اوى الحوار بس استنتج

عاوز يتكلم معاها لمجرد لما عينيهم بتتقابل بتسحره : احم أعتقد أن بقالكوا كتير شغالين مع بعض من حقهم تدلهم فرصه أكبر هو مش عارف كلامه صح ولا لاء بس عاوز يكون فى لغه مشتركه مابنهم

روز فكرت متردش بس هو فى بيتها ومكانته عند أهل البيت كبيره فحترمت ده وكلمته بطريقه عمليه : لما تكون بتتعامل مع ناس فتره أكيد عارف اطباعهم ايه هما متأكدين من نجاح المنتج هو مكلف آه بس يقدروا يعملوه بس فين التكه البيلعبوا عليها

واكلت وبعدين قالت نسبتى عاوزين أنا الهقولهم يقللوها علشان المنتج يتنفذ مع أن لو كانوا واضحين مكنش هيكون عندى أى مشكله فده كان رد فعلى

جاسر : نظام لوى دراع هههههه

بس على مين لاء تربيتى والكل ضحك

اسر: وانتى رأيك ايه هيتصلوا عليكى قبل الميعاد

روز ابتسمت بثقه : لاء طبعا هما هيتصلوا بعد الوقت بنص ساعه أو تقريبا ساعه علشان يفهمونى ان المنتج مش مهم وانهم هيضطروا يقبلوا ويملوا عليا شروطهم وأنا المفروض أوافق

بس الميعرفهوش ان فى الوقت ده هكون بعته لشركه تانيه

وبصت لجاسر وابتسمت .... ها ياجاسر تربيتك برضه

جاسر: هههه لاء المره دى تربيه أسر

وكلهم ضحكوا

شهاب عجبه ذكائها وتصرفها جدا

خلص الغداء وكملوا شغل

وروز طلعت تلعب مع (بنجو) الكلب فى الجنينة ويعتبر كانت فى وش غرفه المكتب وازاز الغرفه شفاف

شهاب فجأه اتلقاها فى وشه بتلعب وبتجرى كان مركز فى كل حركه بتعملها

وبيتوقع صوت ضحكتها ...

بيحاول يركز فى الشغل على قد مايقدر وأخيراً خلصوا

شهاب استأذن الأول يستناهم بره

وفضل واقف مكانه متابعها

وهيا لمحته لقته مركز معاها

فجأه أتلقى نفسه رايح لها

بيبصلها اوى ولمح الشامه على رقبتها فى ضوء الشمس جننته أكتر

روز خدت بلها وانتبهت أنها شالت الاسكرف اتكسفت وجت تمشى كسوفها خلاه يزيد إعجابه بيها وده الخلاه يسألها

شهاب : ممكن اسالك سؤال

روز : ضغطت على شفايفها

وبعينيها بتقوله اتفضل

شهاب :روز هو أنا ليه حاسس أن معملتك ليه فيها حاجه غريبه

روز سكتت شويه وعملت لزمتها وبكل ثقه وتحدى -------------------

الحلقه خلصت 😘 متنسونيش فى الفوت والتعليقات❤

والنقض البناء أشوفكم على خير 😍😍❤

والسلام عليكم ورحمة الله وبركاته ❤❤ عرض أقل